رواية طفله ارهقها الزمن الفصل السادس عشر 16 والخاتمة بقلم جنات بدر
"البارت السادس عشر "
اتسعت عينيه بصدمه ودقات قلبه زادت ومش مصدقه دي "هنا" دي هنا"بنتي اه ياربي يامانت كريم يا رب
خد الموبايل بتاعه وكتب الرقم ودخل الغرفه
وقال بفرحه سناء سناء لقيت "هنا "لقيتها ياسناء ربنا حاب يريح قلبي ويطمني على بنتي والله مش مصدق
ردت سناء بفرحه يألف نهار ابيض انت بتتكلم جد طيب عرفت ازي وهتروح نجيبها امتي
ابتسم علي بسعاده وقال انا لسه هشوف صاحب المنشور وبعدين كمل بخوف خايف يكون منشور كاذب
مسكت ايده بحب وقالت كلمه وشوفه يمكن يكون صادق
كتب الرقم علي ورن انتظر الرد .....فتح أنس بتعب الو ..
قال علي السلام عليكم......رد أنس وعليكم السلام اتفضل حضرتك......
قال علي أنت صاحب المنشور البنت اللي ضايعه.....رد أنس بلهفه ايوه حظرتك انت تعرف حد من أهلها
اتكلم بحزن شديد انا انا أبوها ومعايا الصور بتاعتها وشهادة الميلاد معايا كل شيء يثبت أنها بنتي
ابتسم أنس بحب وقال تمام حضرتك تعال على العنوان ده وانا في انتظار حضرتك
فصل علي وقال بسعاده هاتي ياسناء صور "هنا وكل الأوراق اللي تخصها
ابتسمت سناء وقالت حاضر جهزت كل حاجه سناء وقالت انا هجي معاك قال بحب طبعا كلنا هنروح
مسكت ايده وقالت علي بلاش تقول إنك اتخليت عنها عشان "هنا متكرهكش قول أنها انخطف منك وربنا يسترنا بستره
قال بحزن انا بكره نفسي قوي ياسناء بسبب إللي حصل
قالت سناء بحب اللي حصل حصل المهم "هنا كويسه
في الفندق كانوا وخدين جناح كامل أنس بقي يخبط عل الغرف بفرحه
الكل صحي بانزعاج ....قال جابر في إيه ياانس حصل حاجه
قال أنس بفرحه عندي ليكم خبر بالمليون جنيه .....قالت عايده بنوم اي هو قول
قال أنس حلا باباكي جاي يشوفك هو شاف صورتك وكلمني وقال معايا كل الاثباتات اللي تثبت انها بنتي
قالت حلا بفرحه أنت بتتكلم جد أحلف يعني انا ليا أهل وعيله قول والله
ابتسم بسعاده على سعادتها وقال والله هو شوية وجاي مسافة السكة
ابتسمت بسعاده مش مصدقه نفسها ياخبر والله حاسه بحلم
حضنها جابر وقال ربنا يسعدك يابنتي الحمدلله .....حضنتها عايده وقالت الحمدلله ربنا روق بالك سامحيني يابنتي اني في يوم زعلتك
وفجأه الباب خبط .....فتح أنس انصدم لما شاف علي وقال حضرتك هنا خير في حاجه حصلت
قال علي أنت هنا شكلي جيت عنوان غلط ....قال أنس حضرتك جاي لي مين ...
.قال علي شخص عطاني العنوان هنا عشان بنتي بنتي "هنا " ضايعه من عشرين سنة
الكل بصوله بصدمه قال انس اتفضل حضرتك جوه نتكلم
دخل علي هو وأسرته....وبص لي حلا بحب وقال بدموع هي هي دي"هنا"بنتي صح أنا حسيت بكده اول
ماشفتها قولت انا عرفها.....ابتسمت بدموع وهي وقفه مش مصدقه نفسها
علي فتح أديه وقال يعني احساسي ماخبش هي دي بنتي صح
هز جابر رسه وقال قربي من والدك ياحلا ....حلا جريت وحضنته بقوه وهو حضنها وبقيو يعيطو الاتنين جامد
حلا تعيط بشوق وعلي يعيط بحزن على ضياع بنته والكل اتأثر وبيقو يبكو عليهم
حلا قالت بحزن بابا كنت فين يا بابا
.....قال بدموع سامحيني يابنتي انا بحثت عنك ومش لقيتك
بعد عنها ومسح دموعها وقال خلاص من النهارده مفيش دموع وحزن تاني مفيش غير السعاده
حلا بصت على سناء وقالت دي ماما....قال علي بحزن أمك تعيشي انتي دي .....قطعت كلامه سناء وقالت
بحب انا أمها بردو وفتحت ايديها ليها جريت حلا حضنتها بحب ....قالت سناء نورتي بيتنا يابنتي
دول أخواتك نيره ومعتز.....حضنتهم حلا بحب وكانت مش مصدقه اللي بيحصل
قعد الجميع وحلا كانت قعد في حضن علي بسعاده.....تحت نظرات أنس إللي كلها غضب وغيره هو مش مستوعب أنها في حضن حدغريب هو ابوها بس مش مستوعب
قعد جابر يحكي اللي حصل وكيف لقي حلا... قال علي بحزن عشان هوبيكدب انا كنت بجبلها لبن وفجأه اختفت
بحثت عنها كتير من غير فايده وبعدين اتكلم بشكر انا مش عارف اشكركم ازي إنكم اعتنيتو بي بنتي وربتوها مفيش حاجه توفي اللي عملتوه
قال جابر بحب شكر إيه بس حلا بنتي هتشكرني على تربية بنتي وبعدين اتكلم بحب لو عايز تشكرنا توفق على زواج حلا وأنس
قال علي بحب ومرح وانا موافق وابصم بالعشرة ....ضحك الجميع وقال جابر حيثو كده كتب الكتاب باذن الله بكره والفرح الاسبوع الجاي
قال علي باشتياق مش قريب الميعاد انا ملحقتش اقعد مع "هنا ' ....قال أنس لاحضرتك كده كتير قوي انا مستحملش حلا تبعد عن عيني لحظه وهي هتبعد أسبوع
الكل بص وضحك قال جابر يابني اختشي ده أنت وش كسوف .....قال أنس دي الحقيقة
قال علي طيب إحنا قلقنا نومك نستأذن احنا.....قال أنس بلهفه إنتو هتمشو .....لحظه بس أنس حلا تعالي دقيقه وخده و دخل الغرفه تحت أنظار الكل
قال عز وانا ينفع اعمل كده....هز علي رأسه برفض ....وضحك الكل
في الغرفه أنس قفل الباب وحصر حلا وقال هتوحشيني أوي أوي الاسبوع ده مش عارف هعيش من غيرك ازي أسبوع
قالت حلا بضعف ينفع إللي عملته ده الكل هيقولو عننا إيه
قال وهو قريب منها هيقول واحده وخطيبته وحبيبته ....ولانتي شايفه حاجه غير كده مش حبيبك ولا إيه
قالت بضعف من قربه وانفاسه الحاره انا انا همشي .....قال بحب مش هتقولي مشاعرك اتجاهي إيه
سكتت......قال طيب يلاه عشان متتاخروش.....حاسة إنو زعل
قربت منه وطبعت قبله خفيفه على خده وقالت بحبك وجريت .....
وقف مكانه مصدوم من اللي هي عملتو .....خرج وراها....استاذن علي من الجميع ومشي
وصل علي ألبيت .....علي قعد على الكنبه وحلا في حضنه وبقي يمسد على شعرها ياحبيبتي الحمدلله إنك بخير انا كنت خايف إني مقدرش اوصل ليكي
كنت خايف اموت ومعرفش عنك حاجه.....قالت حلا ربنا يبارك في عمرك يابابا ويخليك لينا يارب
أبتسم على وشدد من حضنها....قالت نيرة بزعل مصتنع ايه ياسي بابا انتي لقيت "هنا تنسانا إحنا
فرد ايده وقال هو انا اقدر تعالي ياقلب بابا
قربت نيره ومعتز من علي
وبقيو الثلاثه في حضنه .....حضنهم وبقي يبص لي السماء ويقول بهمس الحمدلله يارب الحمدلله
قالت حلا بهمس بابا.....رد علي نعم باقلب بابا ... قالت بحزن هو انا ممكن اشوف صورماما .....
نده على سناء.....قربت سناء ايوه ياأبو معتز....قال علي هاتي ألبوم الصور إللي في الدولاب.....حاضر
قال علي بحزن على فكره إنتي نسخه من دعاء الله يرحمها
جابت سناء الألبوم وبدأ علي يفرجها على الصور.....انقضت السهره لغاية الصبح علي واولاده صاحيين
في الفندق صحيو الجميع وكانوا على الفطار.......قال جابر قومي يامها ندهي أختك عشان تفطر
وبعدين سكت ....وقال حلا اخدت مكان في قلوبنا قبل البيت
قالت عايده الحمدلله أنها لقيت أهلها وهي كلها اسبوع وترجع تاني لينا.....
نزل الكل يتسوق لي كتب الكتاب
اجي الليل جهزوا لي كتب كتاب عز ونيره وأنس وحلا اتأجل عشان الأوراق إللي هتطلع من جديد عشان تثبت أنها بنت علي
كتب الكتاب والكل هنا العريسين وكان الاهل والأصدقاء والكل موجود ومبسوطين.....في وسط الزحمه أنس سحب حلا من ايدها
ودخل الغرفه شهقت بصدمه وقالت أنس خضيتني....قرب منها وقال بهمس سلامتك من الخضه ياقلب أنس وحشتني اوي اوي انتي قلبك قاسي
كده أسبوع مش تسالي عني ولا تقولي اطمن علي حبيبي ينفع كده
قالت بارتباك أنس حد يشوفنا....قال بهيمان وهو بيقرب منها وايه يعني انتي في حكم مرتي
بعدت خطوه وقالت بس لسه مبقتش ومعليش عشان مش كلمتك انا الاربعه وعشرين ساعه قعده مع بابا اعذرني محرومه منه بقالي سنين
انقضت الليله في سعاده ومشيو عيلة جابر... قال معتز بحماس بصو السهره صباحي عايز اشبع منكم انا هنزل اجيب تسالي حد عايز حاجه معين
عطاه علي فلوس وقال هات كل حاجه على ذوقك وخلي بالك من نفسك
نزل معتز وحلا ونيره كانوا في حضن علي
وفجأه سمعوا صوت خبط جامد الكل اتفزع جريت سناء تشوف من البلكونة اتصدمت وصرخت صرخه خلت الكل اتفزع.....ولديييي معتز
ونزلت جري والكل وراها......العربيه خبطت معتز وجريت....حضنته سناء وبقيت تصرخ ولدي ولدي حد يتصل بالاسعاف انقذوا ولدي
علي وقف مصدوم وقال لا. لا يارب متعقبنيش في إبني يارب ابني لا إبني لا إبني لا إبني لا وبعدين أغمي عليه
وصلت الإسعاف وأخذت معتز وكمان علي .....في المستشفى
كان الجميع في حالة حزن.....حلت ونيره كانوا منهارين من العيط كانت عايده حضنهم بحزن وبتهدي فيهم
كانت سناء وقفه بتقرا قران ودموعها على خدها....
عدو فتره ومحدش خرج يطمنهم
كانت حلا مصدومه وتقول يارب احفظلي عيلتي انا مصدقت عرفت
قالت عايده بحزن ان شاء الله هما كويسين ومفيش حاجه اهدي إنتي
خرج الدكتور من غرفة معتز جريوا عليه.....قالت سناء بصبر طمني يادكتور إبني كويس
قال الدكتور الحمدلله هو كويس كسر في رجله وخدوش بسيطه حمدلله على سلامته.....
قالت سناء الحمدلله قدر ولطف الحمدلله......خرج الدكتور من عند علي ......
قربت حلا بخوف وقالت بابا كويس يادكتور.....
قال الدكتور بحزن ...للأسف المريض من الصدمه انصاب بجلطه على نصفه الشمال كله .....
قالت سناء بصدمه يعني إيه يادكتور يعني مش هيتحرك تاني
قال الدكتور للاسف ولارجله الشمال ولا درعه يقدر يحركهم للاسف الصدمه كانت كبيره عليه
ابعدوه عن الضغوط وبلاش زعل وحمدالله على سلامته
الكل اتصدم من الخبر.....قالت عايده بحزن ربنا يعجل الشفاء ان شاء الله
قالت سناء بصبر عجيب قدر الله وماشاء فعل الحمدلله حس بالدنيا
ودخلو الكل الغرفه اللي فيها علي.....كان علي بيفوق من البنج......
قربت منه سناء وقالت بحب ألف سلامه عليك ياابو معتز ان شاء الله انا وانت لع ياسيدي وتاج رأسي
قال علي بصوت ضعيف....معتز معتز ياسناء هوفين طمنيني عليه .....يارب متعقبنيش في إبني يارب
قالت سناء بطمآنينه معتز كويس ومفهوش اي حاجه بس أهدي انت.....قال علي بتعب أنت بتقولي الحقيقه ولاباقولي كده عشان تريحي قلبي وخلاص
قالت سناء لاوالله معتز كويس مفيش غير رجله بس اللي اتجبست....بس يعني انا عمري كدبت عليك
تنهد علي براحه وقال الحمدلله انه كويس .....الكل قرب منه واتمنو ليه الشفاء
قال علي هوليه حاسس انو جسمي تقيل وبالاخص درعي ورجلي مش قادر احركهم ليه.....
سكت الكل الحزن .....قالت سناء بهدوء ممكن تسيبونا شويه انا وعلي .....خرج الكل بدون كلام
قال علي في إيه ياسناء انا كويس....قالت سناء بحب أنت كويس جدا كمان بس في حاجه بسيطه خالص .....
قال حاجه ايه قولي......قالت أنت اكيد عارف إنو المؤمن منصاب .....وربنا إذا حب عبد ابتلاه.
قال علي بحزن قولي ياسناء في إيه متخافيش انا هستوعب الخبر مدامت اولادي كويسين انا مش مهم
قالت بحزن أنت من الصدمه انصابة بجلطه واثرة على دراعك ورجلك.....بس نحمد الله على كل إللي يجيبه...وربنا يعجلك الشفاء
تنهد علي بحزن وقال ده عقبي عشان فرط في بنتي زمان والحمدلله معقبنيش في إبني انا راضي بقضاء الله
ياريت يرجع بي الزمن تاني انا مستحيل كنت هفرط فيها.....
قالت سناء بحب قول الحمدلله كل إللي حصل اكيد في منه حكمه العلم عند الله وكل شي مكتوب....قدر الله وماشاء فعل
عدة الأيام ومعتز اتحسن وعلي اتقبل الأمر وبقي قعد على كرسي متحرك وسناء كانت شايله في عيونها
أوراق حلا جهزت وانهارد يوم الزفاف.....كان علي قعد على الكرسي وسناء جنبه وكمان عايده وجابر.......
اما عن الشباب كانوا الكل بيرقص مع زوجته
أنس وحلا
عز ونيره
مهاوعمران
ومعتز ومنه بعد معملو خطوبه
كان الجو جميل ومليان بالحب
والسعادة
💓تمت الحمدلله💓
#رواية_طفله_ارهقها_الزمن
#بقلم_جنات_بدر
