رواية طفله ارهقها الزمن الفصل الثامن 8 بقلم جنات بدر
"البارت الثامن "
جابر بص على الكل لقي حلا مش موجوده قال بتعب وصوت ضعيف
فين حلا هي كويسه....بصت ليه عايده بصدمه..وبعدين قالت بحقد معرفش غارت فين انا بقولك عامل ايه
وشوف أنت بتسأل في إيه يرضى مين ده انت مش شايف قلقي وخوفي عليك
أنس بص ليه بغضب من كلامها....رد جابر بتعب فين اختك يا أنس شوفها....
تنهد أنس بتعب وقال حاضر يابابا أهدي وانا هشوفو....خرج أنس كانت حلا وقفه وراء الباب
مسح علي وجه بتعب وقال وقفه ليه هنا ياحلا تعالي بابا قلقان عليكي
دخلت حلا بخوف وقربت من جابر وقالت بدموع بابا أنت كويس طمني عليك
ابتسم جابر وقال انا كويس يابابا أهدي انتي ومتخافيش ....كانت عايده بتبص ليه بغل وحقد كل ماده بيذيد ويكبر في قلبها
في الوقت ده دخل عمران وأهله
شريف والد عمران "ألف سلامه عليك جابر إيه اللي حصلك ماكنت كويس
بص جابر بحزن على أنس وقال انا كويس.....عمران ألف سلامة عليك ياعمي ربنا يبارك في عمرك
ابتسم جابر ألله يسلمك يا بني انا بخير وعايز امشي من هنا
قالت عايده بخوف تمشي إيه أنت لسه تعبان مينفعش.....رد جابر بغضب انا عايز امشي......
رد أنس بخوف بابا اهدي وانا هكلم الدكتور وشوف يقول إيه
رد بغضب من غير ميبص عليه انا قولت همشي
مشى أنس بضيق من تصرفات أبوه.....قال شريف اهدي ياحابر أنت بتتصرف وي الأطفال
تنهد جابر بتعب وسكت ....بعد شويه دخل أنس يلاه هنمشي
قالت عايده بخوف بس أبوك تعبان ازي هيمشي ....تنهد أنس بتعب وقال الدكتور سمح ليه يطلع بس لازم يكون بعيد عن اي ضغوطات أو يتعصب
يلاه بقي
فعلآ رجع الجميع على ألبيت وشريف وعيلة أتمنى الشفاء لي جابر ومشيو
كانوا الجميع موجودين جنب جابر....
قال جابر بتعب روحوا ناموا الوقت اتأخر....ردت مها هنسيبك لي وحدك يابابا إحنا هنقعد معاك....ردت حلا كلام مها صحيح
رد جابر روحوا ناموا انا بقيت كويس يلاه اطلعوا عايز انام بقي
ابتسمت حلا وقالت يعني حضرتك بطتردنا من غرفتك ....ابتسم جابر وقال ايوا يلاه برا بقي
قالت مها بزعل مصتنع يلاه بت يا حلا إحنا بنتهزق قومي نمشي يلاه يل أبيه
ابتسمت حلا وقربت من جابر وقبلة إيده وقالت المهم إنك بخير يابابا ربنا يديمك لينا يارب تصبح على خير يا احلى اب في الدنيا
ابتسم جابر بحنيه قال وانتي من أهله ياقلب أبوكي....قالت مها تصبح على خير ياحج بس زعلانه منك ....ضحك جابر وقال وانتي من اهله ياقلب الحج
طلعوا البنات ولسه أنس هيمشي وقفه صوت جابر
أنس
لف ليه نعم يابابا حضرتك عايز حاجه مني قبل مامشي....رد جابر رجعت عن اللي في دماغك ولا لسه مصمم على اللي في دماغك
تنهد أنس بتعب وقال المهم صحتك يابابا دلوقتي ارتاح ومتفكرش في حاجه
رد جابر باصرار بس انا عايز جوابك دلوقتي وحالا
رد أنس بوجع شديد يابابا أنت بتعمل ليه كده معايا ده أنا إبنك يهون عليك تكسر قلبي وتعذبني ليه يابابا
تعمل فياكده انا مقدرش اتخيل حياتي بدون حلا دي بتجري في عروقي مجرى الدم هي النفس اللي عايش عليه
مسك إيده برجاء وقال اشفق على قلبي يابابا أنت ليه رافض اني اتجوزها انا عايزها في الحلال
رد جابر بحزن انا مش عايز أكسر قلبك ولا عايز اجي عليك بس اللي بتفكر فيه مستحيل يا إبني مستحيل
رد أنس بضعف مستحيل ليه يابابا مستحيل ليه أنا مش فاهم حاجه انا عقلي وقف
رد جابر بوجع على وضع إبنه "حلا في منزلة اختك يا أنس هي مفكره كده هي عارفه إنو إحنا أهلها
انا أبوها وأنت اخوها لو عرفت الحقيقه هتنهار هنكسرها يابني مش هتوافق تعيش معنا هتحس بالإهانة بلاش يا أنس
بلاش تكسرها يابني لو فعلآ بتحبها بجد ضحي عشانها إللي بيحب بيضحي بلاش تكسر قلب حلا
هي حساسه ومش هتستحمل إنو هي تكون **وسكت
تنهد بحزن شوفت انا بفكر في إيه ياانس انا مش جاي عليك ياابني انا عايزك تفكر في الموضوع من كل الاتجاهات
رد أنس بلهفه متخافش يابابا انا معاها ومش هيحصلها حاجه انا والله مش هسمح بمكروه يصيبها بس بلاش تبعدني عنها والله هموت لو حلا بعدت عني
مسح جابر علي وشه وتعب وحط إيده على قلبه وقال اااه
مسك ايده بخوف بابا أنت كويس أطلب الدكتور فيك إيه
رد جابر بتعب مفيش ياانس طول مانت كده هتجيب أجلي قريب
باس ايده وقال ربنا يبارك في عمرك يابابا انا هوعدك مش هتكلم في الموضوع ده تاني تصبح على خير....
وانت من اهله ربنا يهديك يابني نفسي تفهمني ...
خرج أنس
كانت عايده واقفه وراء الباب قالت بغضب وحقد يعني بنت الشوارع دي تضحك على زوجي وابني مش كفايه جابر اللي في صفها
لاكمان لحست عقل أنس والله في سماه لا انا هخليكي تندمي
وبعدين قالت بحقد ان الأوان ياحلا إنك تعرفي انك مش من عيلتنا وإنك بنت حرام....يتبع
إحتمال اوقف الروايه عشان تعبانه وعندي ظروف ياريت تدعولي في ظهر الغيب
#طفله_ارهقها_الزمن
#بقلم_جنات_بدر
