رواية وريثة دراكولا الفصل الحادي عشر 11 بقلم رشا منصور
#الجزءالحادي_عشر
#وريثة_دراكولا
الملك صفوان. …
كنت قاعد بفكر فى كلام شركان لقيت مروان بيتواصل معايا وقالي ع علاقة رشدان بالذئاب' الحمراء وأنه شا'كك ان يكون في ملعوب. بيتلعب عليا من طرف شركان
طمنته من ناحية شركان وأنه صديقي وعمره ما يغد'ر بيا بس لازم علاقتي به تفضل سرية للحفاظ ع المعاهدة
وأكدت عليه أنه لازم يهر'ب ..
أكيد الذئاب' الحمراء او رشدان هيسعي ل قتله' وانه يختفي. نهائي ويحضر عند حدود المملكة بعد يومين قبل غروب الشمس علشان الكل يعرف أنه عايش وان مافيش اى عداوة' بينا وبين مملكة الذئاب'
وطلب مني أنه هيترك شهاب حماية' ع بنته وهو هيحضر لوحده وأنا بالطبع وافقت حياة حفيدتي عندي اغلي من نفسي
وشهاب قائد' قو'ي وذكي وجدير بالثقه
بعدها أنقطع الإتصال وخو'في ع مروان زاد لكن مكنتش عاوز ابين له قلقي. عليه
عاوز ابعت له حر'اسة لكن للأسف مش قادر اثق فى حد وهنا افتكرت عدنان أبن شركان هو مافيش غيره
معروف عن الذئاب' القوة. وخصوصا فى مرحلة الشباب ده بجانب إني اثق فيه ..
هو شاف مروان فى الفندق ومبلغش عن مكانه بالعكس ده كان بيحافظ ع حياة حفيدتي
أنارشامنصورهقابل شركان بكره الصبح وهقوله يبقي يقف ينتظر ابني مروان خارج حدود المملكة ويكون معاه ملابس خاصة به علشان ريحتة تغلب ع ريحة إبني ومحدش يتعرض له
وهعرف مروان بعد ما أتفق مع شركان ع الطلب ده
رشدان…..
بعد كلامي مع فواز قررت اروح الفندق وانتظر فى الريسيبشن وحاولت اشم ريحة مروان لكن مش قادر الفندق مليان من الذئاب'الحمراء
انتظرت فواز لأننا مكنش ينفع نروح الفندق مع بعض يمكن حد يشوفنا وتنكشف. علاقتنا
وأول ما وصل بصلي وطلع ع السلالم وأنا طلعت وراه واخدت معايا المدير الإداري أهو نبقي تلاته علشان نقدر نكتفه' ونربطه' بالحبل. وناخده ع المخبئ السري. بتاعنا وطبعا المدير هيساعدنا نخرجه من الفندق من غير ما حد يشوفنا وفعلا فصل كل كاميرات المراقبة' قبل ما كان فواز يوصل وطلعنا كلنا لحد ما وقف فواز بين غرفتين
وقال ريحة د'مه موجودة هنا وهنا
المدير فتح الباب بالمفتاح الاحتياطي ولقينا الغرفة فاضية تماما والغرفة التانية واضح أنها كانت ل سيدة وده واضح من ريحة البرفن اللى فى كل مكان وبصينا حتى فى سلة القمامة لقينا حفاضات أطفال ورغم كدا ريحة مروان هنا
لقيت فواز بصلي وقالي تبقي البشرية اللى هنا زوجته اومال أنت قتلت' مين ؟؟؟
قولت له لآ بقي ده أنا اكلت قلبها وشربت من د'مها ومتأكد أنها كانت زوجته
يمكن اللى هنا دى تقرب لها ومروان يعرفها وده سبب وجوده هنا لكن مين الطفل اللى معاها
لقيت فواز قالي يبقي لازم نعرف مين السيدة اللى قاعدة فى الغرفة دى يمكن يكون مروان معاها دلوقتي
وهنا نطق المدير الإداري وقال يلا ننزل ع مكتبي قبل ما صاحبة الغرفة توصل وتشك' فى حاجه وتبلغ مروان ووقتها مش هنعرف نوصله وأنا هجيب كل المعلومات عنها من الريسيبشن
وفعلا نزلنا فى هدوء من غير ما نثير. انتباه حد وفضلنا منتظرين فى المكتب لحد ما المدير يجيب لنا المعلومات.
شهاب…
بعد كلام مروان نزلنا نحجز شقة قدام اتيلية السيدة فريدة وأول ما نزلنا شوفت رشدان وهو داخل من باب الفندق اخدت مروان وجريت به وخرجنا من باب الجراج وركبنا تاكسي وكنت حاسس ان فى حد بيراقبنا' بس قدرنا نبعد وحجزنا الشقه ومروان وصل الاتيلية يبلغ السيدة فريدة بمكان الشقه ويطمن ع فيروز وهو هناك جالها إتصال من سيدة تعمل معها وقالت لها كلام صدمنا' كلنا😲
فريدة….
اتفاجأت بالسكرتارية بيقولولى فى واحد بيسال عليكي خو'فت آوى قولت ل فيروز أنا هسيبك هنا أحسن يكون حد يعرفك لقيتها بترفعلي ايدها وعوزاني اشيلها
قولتلها أنتي مطمنه من اللى بيسال عليا تحت ضحكت ليا شيلتها وأنا قلقانه ونزلت تحت فى الإستقبال لقيت الأستاذ مروان خدت نفسي ولسه هتكلم لقيته بيقولى
اطمني أنا بتواصل مع فيروز علشان تنزلى وانتي مطمنه
أنارشامنصور جيت علشان أعرفك إني أخدت شقه فى المبني اللى قدام الاتيلية هقعد فيها يومين ومعايا صديقي فى حالة ان جري ليا اى حاجه هو هيكون مكاني بالظبط
وخو'فت من كلامه ولسه هرد عليه جالي إتصال من سعاد ولقيتها بتقولي
انها شافت الراجل الضخم' اللى أنا كنت صورته بالموبيل وهو واقف ومعاه اتنين كمان شكلهم غريب قدام باب أوضتي وأنها استخبت. منهم لحد ما تشوف بيعملوا إيه لقيتهم دخلوا اوضتي وفضلوا حوالي ربع ساعه وسمعت واحد منهم بيقولهم أنه هيجيب كل المعلومات عنها
بصيت ل مروان وأنا خا'يفه وقولتها يا سعاد هاتيلي الشنط بتاعتي حالا من عندك وقفلت المكالمه واوعي حد يعرف مكاني
وقولت ل مروان أنا معايا أوراق ل فيروز وضيفتها ع الباسبور بتاعي ومجرد وصول سعاد أنا هسافر ع مصر. أنا معنديش إستعداد اعرض حياة. فيروز للخطر'
قالي أنا لازم أخرج من هنا لأن أكيد هما وصلوا لكي عن طريق ريحة د'مي وشهاب صاحبي هيكون متابع كل تحركاتكم من غير ما يقرب منكم لحد ما تسافروا
واخد فيروز فى حضنه وقالها مهما حصل أوعي تنسي ميرا مامتك واللى عملته علشانك… هتوحشيني😔
لو فضلت عايش هسافر واجيلك لكن لو مظهرتش تاني اعرفي أني حصلت ميرا مامتك وصاحبي شهاب هيكون مكاني بالظبط ..
بقيت أسمع كلامه وابص ل فيروز وعنيها مليانه بالدموع بكيت علشانهم وقولت له وأنا زى ميرا وهعمل إى حاجه علشان احميها' اطمن … وخرج بعدها
سعاد….
أنا مش عارفه مين الراجل ده بس واضح أن فريدة خا'يفه منه …. اخدت شنطها ونزلت الريسيبشن وسمعت واحد منهم بيقول لموظف الإستقبال هاتلي كل بيانات النزيلة اللى فى الغرفة 2024 وايه الأماكن اللى ممكن تكون متواجدة فيها حاليا وهاتلي كل المعلومات ع مكتبي. ..
خرجت بسرعه قبل ما الموظف يقوله إنى بشتغل معاها ويراقبني' وأول ما وصلت ل فريدة حكيت لها ع اللي سمعته كله لقيتها بتقولي يا سعاد
أنا رتبت كل حاجه هنا ولازم أسافر ضرو'ري ع فرنسا اقعد هناك فترة وهتابعك بالواتس او الإيميل. ..
أهل الطفله عاوزين يقتلو'ها علشان يورثوا فلوسها وأنا وعدت صاحبتي أني هحافظ عليها وع فلوسها واى حد يسأل عليا قولى إني فى زيارة لبعض الأصدقاء فى لبنان. وهرجع الفندق كمان أسبوع وأول ما تخلصي الاتيلية سافري ع طول من غير ما تنتظري حتى النتيجه والبنات تبقي تسافر بعدك ب يومين وبلاش تعرفيهم إلا يوم سافرهم ….
وفضلت تأكد عليا قولتلها حاضر متخا'فيش
وطلبت عربية خدتها المطار وبقيت قلقانه عليها وبعدها ب ساعتين لقيت الراجل الضخم' واقف قدامي بيسال ع فريدة قولتله العرض هيكون بكره الصبح تقدر تقابلها بعده وتحجز الفساتين اللى تعجبك لكن حاليا المدام مشغوله
ولقيته بيقولى البيبي اللى معاها اخبارة إيه قولت له قصدك بنتي انت عاوز من بنتي إيه
قالي بنتك قولتله اة بنتي طول ما أنا مشغوله فى الشغل بخليها مع الدادة اللى مع مدام فريدة
قالي تمام👌 تمام ولقيته ابتسم ومشي بس مكنتش مطمنة وحاسه طول اليوم إن فى حد متتبع خطواتي'
وقررت أنفذ كلام فريدة وأول ما يخلص العرض أسافر ومش هعرف حد نهائي إني سافرت
سعدون ملك الذئاب' الحمراء. ….
بلغني من الراجل بتاعي ان رشدان قاله ع الدعوة اللى هتوصلي واني اطمن واروح المعر'كة
لكن ده كلام لا يعقل عمر ما شركان ما يثق فيا ولا هو بالغباء أنه يبعتلي دعوة زى دى
واضح ان رشدان انكشف. وعاوزني كبش فداء. له نظير ما يضمن ان شركان مش هيقتله'
لكن انا اذكي منك يا رشدان ومو'تك هيكون ع أيدي أنا قبل ايد شركان…!!
يتبع…..
تفتكروا رشدان هيقدر يوصل ل مروان وفيروز قبل ما سعدون ما يقتله'' ولا...؟؟؟؟
بقلم #رشامنصور
