رواية حب ضد الجميع الفصل الخامس 5 والاخير بقلم زهرة الربيع
#حب_ضد_الجميع_5_والاخير
نور مقدرتش تتمالك اعصابها وراحت على الاوضه بسرعه وخبصت على الباب جامد وجريت على الاوضه تاني
سوزي انتفضت بخوف وجريت على الباب فاكره جوزها وقالت لراشد يستخبى ورا الستاره
وفتحت الباب وبقت تبص شمال ويمين ملقيتش حد دخلت وقفلت الباب وقالت... غريبه مفيش حد
راشد كان عايز يضحك لانه عارف انها نور بس قال..احم يمكن حد سكرا،،ن ولا حاجه
قربت منه تاني وقالت.. قولي بقى عامل ايه مع مراتك
راشظ ضحك وقال... مراتي دي زي العسل بس مجنونه حبتين
قربت منه اكتر بس تليفونه رن سوزي نفخت بغضب وقالت وبعدين بقى مش هنخلص
راشد قال.. معلش مكالمه مهمه ورد وقال ايوه يا حببتي
واستنى دقيقه وقال... ايه انا جاي حالا جاي انا تحت على الشط وطالع اهوه
وقفل وبص لسوزي وقال برتباك... معلش لازم اطلع مراتي تعبانه قوي لازم اشوفها بس هاجي لك تاني احنا لسه مطولين هنا
و مشي بسرعه وهي بصت لطفيه باستغراب وقالت... ايه المجنون ده
راشد اول ما دخل اوضته نور قالت بغضب.... ايه اللي عملته ده ...ده الوعد اللي وعدتهولي
راشد قرب منها بحب وحضنها بقوه وشالها وهو بيلف بيها وقال.... اه يا حسرتي على الايام اللي عدت من غيرك
نور ضحكت وبصت لعيونه وقالت..بتثبتني ماشي ...طب قولي ايه رايك فيها
راشد ضحك وقال...قولي انتي ايه رايك عجبتك
ضربته في صدره وقالت ...انا بتكلم بجد ... احلى مني انا كمان لبست قميص ازرق زيها ..احلى فيا ولا فيها
راشد ضحك جامد وهو بيبصلها من فوق لتحت باعجاب وقال انا ما خدتش بالي من لون قميصها اصلا بس الازرق عليكي حلو قوي كانو اتخلق ليكي
نور ابتسمت وقالت .... انت كذاب قوي على فكره كان باين ارتباكك قدامها
راشد ضحك وقال.. انا مرتبك علشان انتي شيفانا مش اكتر وبعدين ما تعوضيني بقى ..مش انا سبتها علشانك..و قرب منها وهو بيقلعها لها الروب
نور قالت.... بس بقى خلينا نشوف الكاميرا اللي حطيناها دي ونشوف فيها ايه
بقلم...زهرة الربيع
راشد شدها بقوه من وسطها وقال... طب بوسه واحده حتى
نورقربت منه قوي وقالت... بعشقك
راشد ابتسم بسعاده من جواه وضمها لي بقوه وبقى يبوسها و قرب بيها على السرير وهو مندمج معاها وكان اللاب مفتوح على السرير وبعدو عن بعض بسرعه لما سمعو صوت نشئت بيتكلم مع سوزي
راشد بص للاب بانتباه وكان نشئت بيقول...منزلتيش النهارده ليه
سوزي قالت بضيق.... تعبانه
نشئت قال بابتسامه... الناس كلها تحت سألت عليكي
راشد قال لنور... شكلها موجبه مع الكل
نور ضحكت و بقت تسمع بانتباه وسوزي قالت ...هو احنا هنفضل هنا لامتى
نشئت قال... لحد قبل الانتخابات عايز عثمان لما يتنحى اكون انا هنا عشان ما يبقاش في اي مشاكل من ناحيتي خليهم فاكرين ان البنت مع عصام علشان انا ابقى في السليم
سوزي قالت بضيق.. انا مش عارفه انت لما تمشي واحد منهم هتستفيد ايه ما لسه معاك واحد تاني.
نشئت ضحك جامد وقال... انتي بتشبهي عصام بعثمان... عثمان ده عندو اصوات انتخابيه قدي انا وعصام مره تاني اما عصام ده جديد واصلا اهبل اطلعه بسهوله
نور ضحكت وبصت لراشد وقالت ...بيتكلم عن باباك
راشد قال ..و مبسوطه حضرتك
نور ضحكت و قالت... اه
بس انتبهوا هم الاثنين لما سوزي قالت... بس انا شايفه انك غلطان خطر قوي عليك كده كنت خطفت بنته الكبيره دي بيقولوا دكتوره ولا على الاقل كنت جبت البنت معانا هنا بدل ما انت سايبها في المزرعه بتاعتك وممكن اي حد يوصل لها
نور وراشد حضنوا بعض بقوه وسعاده وقال بسرعه انت خليكي فاتحه زي ما انت اسمعي يمكن يقول اي تفصيله عن المكان وانا هشوف ابوكي لو يعرف المزرعه دي ولا هو عنده غيرها
واتصل على ابوها وقال... ايوه يا عثمان بيه..حضرتك تعرف نشئت الحريري طبعا
عثمان قال... طبعا اعرفه ده مرشح قصادي انا وابوك ليه
راشد قال بسرعه... بنتك عنده ...بقلنا مده بندور وراه وانهارده اتأكدنا
عثمان قال بزهول انت بتقول ايه
راشد قال...عمل كده علشان الانتخابات ولبسها لبابا عرفنا ان البنت في المزرعه بتاعته تعرف المزرعه دي ولا هو عنده اكتر من مزرعه
عثمان قال بزهول اكيد مزرعه جدو هو معندهوش غيرها
راشد ابتسم بسعاده وقال... ممكن حضرتك تعرف تاخد رجالتك وتطلع البنت ...ولا ندخل بوليس
عثمان ضحك وقال بسرعه... بوليس ايه خلاص كده البنت اعتبرها في البيت ما تقلقش انت المهم انتو فين
راشد ابتسم بسعاده وقال ...انا في الغردقه انا ونور جينا وراها هنا هو مستخبي هنا لحد ما حضرتك تتنحى
عثمان قال بحزن... انا النهارده كنت هاعلن التنحي انا اسف ان
بس راشد قال بسرعه.... مش وقته يا عمي احنا راجعين النهارده قبل ما يعرف ان البنت طلعت ويشك فينا وانت لازم تلحق ريناد بسرعه
و قفل معاه وبص لنور بابتسامه قال....الحمد لله ابوك يعرف مكان اختك هترجع انهارده ان شاء الله
نور جريت عليه وحضنته وقالت... انا بحبك قوي بحبك
راشد قال بابتسامه...وانا بموت فيكي و بعشقك.... بس هنتسوح يلا بينا نمشي من هنا بسرعه قبل ما يكشفونا
واخدو شنطهم بسرعه ومشيو
عند نشئت كان نايم على السرير ولسه هيروح في النوم جات عينه على الكاميرا اللي محطوطه في الفازه جنبه اتسعت عينيه بزهول وقال...ايه ده..دي كاميرة مراقبه مين حطها هنا
سوزيقالت باستغراب .كاميرا..انت بتقول ايه..و
بس قطعت كلامها لما افتكرت راشد و لطمت و قالت بزهول وارتباك ...يا مصبتي يعني كان داخل يسجل لنا
نشئت مسكها من شعرها وقال.. هو مين هو مين اللي دخل يسجل لنا يا بت
سوزي قالت برعب هقول لك... بس والنبي تهدى
راشد اخد نور من ايدها وجريو بسرعه وركبوا العربيه ومشيو
نشئت طلع جري بهدوم النوم ملقاهمش في الاوضه جري يسأل عليهم قالولو مفيش الاسماء دي
بص لسوزي بغضب وضربها قلم قوي وقال...انتي طالق
وطلع بسرعه عايز يلحق يكلمهم في المزرعه بس كانوا مشغولين مع رجاله عثمان اللي وصل ومردوش عليه
بعد ساعات كانو راشد ونور وصلوا عند فيلا عثمان وكان في الجنينه هو وريناد
نور جريت على اختها حضنتها بقوه وقالت حمد الله على السلامه يا قلبي
راشد اتقدم على عثمان وقال ....حصل ايه معاكم
عثمان قال بسعاده...الحمد لله خرجناها من هناك بسهوله مكانش متخيل ان ممكن حد يعرف طريقها وكان سايب حرس قليل اخذت رجاله كويسين وطلعناها...كده خطته فشلت واكيد هيخسر الانتخابات
راشد ابتسم وطلع فلاشه وقال.... الفلاشه دي هتخليه هو اللي يتنحى من نفسه
عثمان قال....ليه فيها ايه الفلاشه دي
راشد ابتسم وقال... فيها خطه الخطف كلها خليها معاك وان شاء الله تكسب الانتخابات
عثمان بصله بابتسامه ونزل راسه بحزن وقال ...انا كنت عايز اعتذر لك يا راشد انا غلطت في حقك
راشد قال بابتسامه... ممكن تسامح نور ...ساعتها يبقى احسن اعتذار ليا..انا مش عايزها تبقى زعلانه
ابتسم وقال...انا مسامحها...لانها عرفت تختار
راسد ابتسم بسعاده وحضنوا بحب و نور شافتهم وبصت لهم بذهول مش مصدقه
عثمان قرب من نور وحضنها وقال... ربنا يخليكوا لبعض يا بنتي وفي اي وقت تقدروا تشرفوني وانا هاجيب والدتك واجي ازوركم في بيتكم
نور ابتسمت بسعاده ولسه هيمشو عثمان قال... خلي الفلاشه دي معاك..انت اللي عملت القصه دي كلها وممكن يهددكم او يحاول يأذيكم لما تبقى الفلاشه دي معاك هتبقو في امان
راشد ابتسم وقال ...خليها معاك انا عامل منها نسخه معايا انت هتحتاجها
واخد نور ومشيوا بسعاده ونور كانت مبسوطه جدا ان باباها سامحها واول ما وصلو ا راشد قال....ياه الواحد تعبان بشكل ولسه هيدخل اوضتهم مسكت ايده وقربت منه وقالت... انا كمان المفروض اقول اسفه ...وانا لو مكانك مش هسامحني الصراحه
راشد ضحك وقال... الحمد لله انك مش مكاني... لاني هسامحك...علشان بحبك يا بت و قلتهالك الف مره اعمل ايه علشان تصدقي اني عديت مرحلة الحب بكتير
نور ابتسمت وقربت منه وقالت....و انا بموت فيك انت حياتي كلها ربنا يخليك ليا..انت انهارده اثبت لي بجد ان عندي سند في الدنيا واني مش محتاجه غيرك من بعد ربنا
راشد ضمها لحضنه وقال اذا انا سندك فانتي سكني و بالنسبالي وطن يا نور... يا نور العمر كله ولسه هيقرب الباب خبط
اتنهد بضيق وفتح وكان عامل توصيل ادالو علبه ومشي
نور قالت باستغراب مين ده
راشد ضحك وقال...دي هدية عيد ميلادك المؤجله ...ادوشنا ومرحتش اخدتها فبعتوهالي على البيت
وفتح العلبه وكان فيها انسيال غالي جدا و رقيق مكتوب عليه اسمائهم سوا جوه قلب واحد شيك جدا لبسهولها وقال...كل سنه وانتي نور حياتي
نور ابتسمت بدموع وهيه بتبصلو بفرحه وقربت منو وقالت بدموع...عايزه اعمل اي حاجه علشانك
ابتسم وقرب منها وقال بهمس قدام شفايفها...خليكي جنبي على طول ....عايزه اشبع منك ومش عارف ....و شالها راح بيها ناحيه الاوضه
نور قالت بضحك...طب مش هنقول لعمي اننا رجعنا زمانو قلقان عليك
ابتسم وهو رايح بيها اوضتهم وقال...و لا عمي ولا عمك ولا ابويا ولا ابوكي خلاص.. من انهارده مش هنطلع من الأوضه دي غير بعد ما احقق امنيتي
قالت بابتسامه ..وهيه ايه بقى امنيتك
راشد قال بغمز ... نفسي احولك من دكتورة توليد لحالة هناك
نور ضحكه جامد واتعلقت في رقبته وقالت...وانا كمان عايزه حته منك يا حته مني
راشد ابتسم وقال .... بعشقك يا نور القلب ونبضه اللي عايش بيه يا حب ضد الجميع اتحدى الكل وصلني لبري اللي اتمنيته❤❤
كنتم مع حب ضد الجميع بقلم زهرة الربيع ..زهرتكم تحيكم ودمتم في امان الله مع من تحبووون❤
تمت
