رواية بوادر عشق الفصل السادس 6 بقلم ريتاج محمد
#بوادر_عشق_ال٦
يبنتي ..يخربيتك الكل بيبصلنا
يبنتي ..وهزها براحه لقى الي بتقع على رجلية .
مريم بخضة: يلهووووووي فررريييييدة
الدكتور باستغراب:الشله الي ورا كلها تجيلي هنا ..دنتوا هيطلع عين امكوا انهاردة بقى بتتمسخروا على كلامي ها
ايهاب بصوت عالي:يادكتور اغمى عليها
الدكتور زعيق:طب متجبهاللللي يغبي ،عبد الرحمن شال فريدة بين ايديه وكان حاسس بأحساس غريب لغبطه
وكان بيعدي بيها بين الطلبه والكل عينهم عليهم
وطبعًا يسرى مولعه
راحوا عند الدكتور والدكتور بص عليها وقال:لا دي وديها المستشفى
إيهاب بغيظ:ما حضرتك يادكتور الي قولتلنا نجيبهالك
الدكتور: انا اقول الي انا عايزة يبابا
يلا انت وهو من هنا
عبد الرحمن كمل بيها لبرة الجامعه والكل كان بيبصلهم
وهو كان قلقان عليها وحاسس بمسؤولية غريبة
احساس اول مرة يحسوا ؛حتى محسهوش مع سارة
وصلوا عند العربية وفردها ورا هي ومريم ؛
وإيهاب وعبد الرحمن قدام
يسرى بغيظ وجز عالسنان:طب وانا مش هركب معاكوا اتطمن عالبرنسيسة ؟
إيهاب ببسمه متكلفه:مرة جاية بقى ان شاء الله مفيش مكان ،اطلع ياعبدو
عبد الرحمن طلع بالعربية و يسرى دبت الارض بغيظ
وقالت بقرف : مش عارفة انا ماله قلقان عليها لية هو والبيت التاني
ما يرشوا عليها ماية ولا يشمموها زفت
انا مش هسمحله يحبها ولا هسمحلها تاخدة مني
نظراته وهو شايلها متطمنش لقدام
ورجعت عالمحاضرة
الدكتور:اي البنت صحيت؟
يسرى بخفوت وقرف:لأ؛العربية مكفتش!
الدكتور بسخرية:لية عربية بحمار ولا ايه
يسرى بضحكة صفره:هههههه عسل يادكتور ،ممكن ادخل اقعد بقى ولا لسه في حاجه هتقولها
الدكتور بجدية:لا
يسرى باستغراب:افندم؟!
الدكتور بعملية:لا..لو حابه ممكن اكتبهالك على ورقه
يسرى:وعلى ايه حضرتك ..مش جيالك تاني
الدكتور ببسمه:هتبقى وفرتي مكان ♡
مشيت بغيظ وهي هتقط من كلوا
عند فريدة كانوا راكبين العربية
وبعد فترة وصلوا المستشفى
و كان الدكتور علقلها محلول
وعرفهم ان الإغماء دا بسبب قله الاكل وانها اصلًا ضعيفة ،مريم اتأسفت واتطرت تمشي لأن مامتها محتجاها ضروري
وإيهاب قال لعبد الرحمن انهم عليهم محاضرة تانية
هيروح يحضرها ويسجلها ويديهالهم
وعبد الرحمن اتطر يستناها لحد ماتفوق عشان مينفعش يسيبها لوحدها
فاقت والدكتور دخلها وبعدين خرج لعبد الرحمن وقاله انه مسافة ما المحلول يخلص تقدر تروح
وهو دخلها وقعد عالكرسي
عبد الرحمن ببسمه:الف سلامه عليكي
فريدة عدلت نفسها وهي بتقول بخجل:الله يسلمك ياعبد الرحمن ، هو ايه الي حصل؟
عبد الرحمن مشاكسه:مفيش اغمى عليكي ووقعتي على كتفي
الدكتور افتكرنا بنحب ف بعض وهزقنا وغالبا الكل كان بيبص علينا
ف اكتشفنا انم مغمى عليكي ف شيلتك وجبتك هنا
فريدة بزهول:احيه،أقصد بتهزر
انت شيلتني ! وانا وقعت على كتفك ! والدكتور هزقنا
ينهار اسود
عبد الرحمن بضحك:ووقعتي على رجلي كمان
فريدة وهي بتحاوط وشها بأحراج وكسوف : عاااااا يلهوي عالأحراج
عبد الرحمن بضحك:إحراج ليه ياستي هو كان بمزاجك
ولون شكلنا كان يكسف صراحه
،وبعدين تعالى هنا انني مبتكليش ليه؟
فريدة:لا والله باكل
عبدة:يعني الدكتور كداب ؟
فريدة ...
عند تمنى لما كان لؤي عندها
تمني بعياط :طب ممكن تخرج برة بقى
لؤي بخضه:في أيه طيب ؛هو انا قولت حاجة زعلتك
تمني حاوطت واشها وهي بتعيط وهزت راسها ب "لأ"
لؤي باهتمام:امال في أيه؟
مسحت دموعها بكف ايدها كله زي الاطفال وهي بتقول :مفيش ، حاجه انت ملكش دعوة بيها
لؤي ببسمه:طب ممكن اعرفها
تمنى بتهكم ودموع: وانا اقولك لية هو انا اعرفك
كنت صاحبي انت ولا من بقيت عيلتي
لؤي ببسمه:خلاص نبقى صحاب أيه رأيك
تمنى ضحكت ضحكه صغيرة وقالت:هو انا ممكن أسألك سؤال ، هو انت بشخصيتين؟
أصل لما شوفتك ف الكمين كنت
عبغفور البرعي ودلوقتي عمرو دياب
لؤي بضحك:لا مهو الشغل ليه رأكشناته وصوته وحركاته
اما بره الشغل ف انا بني آدم عادي جدا
هو حد قالك اني جاي من زحل
،المهم مقولتليش بردك ؛ايه الي خلاكي تعيطي
تمنى بحزن :خالتو
لؤي باستغراب: مالها ؟
_ماتت امبارح
=لا حول ولاقوة الا بالله عشان كدة انتي قومتي جري امبارح؟
اماءت ليه بأيوة
=ربنا يرحمها يارب
بقولك ماتفكك من الشغل وتعالى اعزمك على حاجه
تمني باستغراب:انت عبيط
بقولك ميته امبارح
قال بضحك في محاوله منه انه يفرفشها:يستى خلينا نستمتع بوقتنا كلنا هنحصلها كدة كدة
تمنى:الله عالتفائل بجد
=هااا قولتي ايه بردو
_مينفعش عشان هروح انا وفريدة نعمل اشعه
وبعدين ايدة انا بحكيلك ليه ..وانت بتتكلم معايا كدة ازاي ؟
انت هتصاحبني؟
لؤي بضحك:ياستي من تواضع لله رفعه
تمنى ببسمه:طيب ماشي اتفضل بقى ..شكرا
لؤي بضحك:حاضر
بس اما تبقى فاضية ابقي رني عليا
اعزمك
_ومالو ،ان شاء الله ..يتبع
#ريتاج_محمد
