رواية كبرياء ابنة الخادمة الفصل العشرون 20 والاخير بقلم سحر السحرتي

 رواية كبرياء ابنة الخادمة الفصل العشرون 20 والاخير بقلم سحر السحرتي

كبرياء ابنة الخادمة 

حلقة ٢٠ والاخيره 

*سلمت عليهم ببرود 

:انا جايه احضر سبوع ابن صافي لانها صاحبتي واختي

 *بابا طبطب عليا وهو و اخدني في حضنه ودموعه نازله

: انت لسه زعلانه يا حلا

: تفتكر كلمه زعلانه توصف احساسي باخر مره كنت فيها في البيت ده وكلكم متفقين عليا مع بعض  .... ما حدش فكر يدافع عني ما فيش حد قال انا لو شفتها بنفسي مش هصدق  ....رغم انكم عارفين اخلاقي وعارفين اخلاق هنا 

*سامح حضني هو كمان ومسح على شعري

 :انا اسف( وباس راسي) لو كمان عايزاني ابوس على ايدك ورجلك مش هيكفي

 :لا يا حبيبي انت بالذات زي ما صافي قالت رصيدك كبير عشان كده غلطتك كانت تعتبر في مقتل ليا ...  الوحيد اللي كان نفسي يقول لا باعلى صوت حلا مش كده 

:اسف يا حلا المصيبه اللي عملتها هنا شلت تفكيرنا كلنا وهي كانت مظبطاها 

:انا مش جايه اتكلم في دفاتر قديمه انا بحاول انسى واعيش واتقدم انا جايه احضر سبوع ابن صافي 

:كده يا حلا ابن صافي بس 

:خليها حجتي اني ادخل البيت ده بكرامتي البيت اللي اتطردت منه و اتظلمت وامي ماتت و اتهانت هنا اظن كمان صافي بوقفتها جنبي تستاهل احضر سبوع ابنها

:اللي تشوفيه يا حبيبتي تعالي شوفي العفريت الصغير 

بقلمي سحر السحرتي 

*مؤيد وهو نازل 

:ومش جايه تشوفي بنتي كمان ده انا اجلت سبوعها مع ابن سامح رغم انها مولودة قبله باسبوعين

: انت عارف انك لو طلبت مني احضر سبوعها اكيد كنت هوافق انت عارف معزتك عندي .... انا بعتبرك اخ رغم اني زعلانه من اللي عملته لهنا وكنت طلبت منك تبعد عنها

: معلش بقى يا حلا الشيطان شاطر  وهي اللي كانت لازقه فيا وسمعت كلامك لما قلتي لي  سيبهم يكتشفوا الحقيقه لوحدهم 

*سامح بدهشه : بتقول ايه 

: لما كتبت الكتاب على هنا وقعدت معاها وفهمت منها ايه اللي حصل اتكلمت مع  حلا عشان اتفق معاها تيجي عشان اظهر براءتها قدامكم .... قالت لا ما يستاهلوش هم جرحوني خليهم عايشين في غفله والحقيقه تظهر لوحدها

: وانت سبتنا كده 

:اسف كانت رغبتها وزي ما احترمت رغبتي اني مخبي سكني في الحاره احترمت رغبتها وده أقل شيء أقدمه لها

: وكلمتها ازاي وسجل المكالمات ما كانش فيه مكالمه بينكم

: رحت عند خالتها طبعا وده كلام يتقال في تليفونات واكيد كانت منهاره عمرها ما كانت هترد على حد 

*هنا نزلت ومعاها البنت والدموع في عينيها 

:انا اسفه يا حلا مش عارفه ازاي اتبدلت احنا كنا اعز اصحاب واقرب لبعض من اي حد مش عارفه عملت كده ازاي

: خلاص يا هنا اللي حصل حصل كل واحد يعيش حياته و يتاقلم انه من غير الثاني

: لا يا حلا مش بعد اللي عملتيه معايا واللي لسه بتعمليه 

:انا ما عملتش حاجه ده دور الاخت الكبيره افضح الصغيره واهلي 

:مؤيد حكى لي انك كلمتيه كثير عشان يبعد عني وبعد ما ولدت حلفتيه يعاملني كويس ويبدا صفحه جديده عشان بنتنا تعيش في جو كله حب ....  وانا سمعت كلامك واتفقت معاه اسمي البنت حلا عشان تحلي ايامنا زيك

: ليه يا مؤيد قلت لها 

:عشان تاخدي حقك طول عمرك اكثر بنت في الحاره بتتعامل معايا كويس وانت اللي شجعتيني العب كوره واصبر وهبقى حاجه كبيره وفعلا ....  سامحي هنا وهقول لك زي ما قلتي لي هنا بذره طيبه وجواها خير بس مدفون ادور عليه واطلعه

: انت اتعمل معاك بسيط لكن انا اتعمل معايا كثير مش قادره

 :حلا الحسنات يذهبن السيئات مش ده كلامك ليا وحلا الصغيره مين هيعلمها تبقى بنت ب 100 راجل غيرك 

هنا :ايوه يا حلا خدي شيلي حلا الصغننه خليها تحضن خالتها 

:طب ما تعيطيش عشان غلط على الرضاعه ولا بتديها صناعي 

:لا طبعا الحنيه اللي اخذتها من طنط فاديه مش هحرمها منها 

: داداه فاديه انا مش بزعل لانها ست عظيمه

 سامح :انا سميت ابني فادي عشان يبقى قريب من اسمها و نفتكرها كلنا

: بجد يا سامح 

:تحبي تشوفي شهاده الميلاد 

:وصافي موافقه 

صافي: يا مجرمه انت عندك شك ان ممكن ارفض وحشتيني يا خاينه قلت هتحضري ولادتي وما شفتش خلقتك

 :حد يولد وش الفجر لو كنت صحيت علاء عشان يجيبني كان رماني من البلكونه وانا كمان كنت عايزه انام الصراحه قلت هعمل ايه معاها هولدها انا مش دكتوره 

سامح :هو انتم كنتم بتكلموا بعض 

صافي: طبعا وهي هتقاطعني ليه هو انا عملت زيك

: لمي لسانك ايه زيك دي 

:يا حبيبي ما اقصدش حاجه وحشه قصدي فصل النذاله اللي عملته

 : الله انت بتلبخي 

انا :خلاص يا سامح واضح انها اتعلمت طولة اللسان مني وبقيت قادره لما ربطتك بالعيال 

صافي: انت بتهدي النفوس

: مش عمته الحربايه

: اوعي تقولي كده احسن اغير اسم الولد

: لا ده انا حبيته اكثر عشان اسمه

بقلمي سحر السحرتي 

 *ادم شاور لي انه لازم يمشي وشاور على الدبله فيوسف شك ....  فحضنته وهو ماشي وقلت له بصوت

: خلي بالك من نفسك يا حبيبي

سامح :خليك يا ادم لسه الناس هتوصل 

رديت: اصله عنده ميعاد مهم كان جاي يوصلني وكان عايز يرجع ياخذني فقلت له علاء هيبقى يوصلني اصل ادم بيغير عليا موت وكل مشوار رجله على رجلي راجل بصحيح وانا استاهل 

*طبعا كل ده عشان اعصب يوسف 

:هو علاء جاي

: اه صافي عزمته هو وخالتي بس خالتو مش هتقدر تيجي 

يوسف: لا ازاي انا هروح اجيبها بنفسي

 :لا استنى تجيبها ليه وانت مالك 

:انا بقول بما ان سامح عامل سبوع و صارف ومكلف اعمل كتب كتابي بالمره كفايه كده الناس كلها اتجوزت وخلفت وانا لسه قاعد 

:مبروك ويا ترى العروسه انا اعرفها

: عز المعرفه ممثله فاشله وعندها غباء صغير وما عرفتش تسبكها عليا اول ما برقت لادم اعترف وجري راح لخطيبته

: ادم قال لك ايه ده كذاب 

*مسكني من ذراعي جامد كان هيتكسر وقال بعصبية

:داخله ماسكه ايده هعديها انما تحضنيه وهو ماشي ده انا هعلقك

*نفضت دراعي من ايده

: تعلقني بصفتك ايه 

:كمان ساعه هيبقى صفتي جوزك 

:مين قال اني موافقه اتجوزك

: مفيش عندنا بنات توافق ولي امرك اداني كلمه

: ولي امري مين بقى

 بابا: انا يا حلا هتكسري كلمتي ولا مش مالي عينك

 :اسفه يا بابا بس الجواز مش بالعافيه انا زوجه لا تؤتمن ولة نسيتوا

:حلا انا سبتك براحتك الفتره اللي فاتت وكلنا غلطنا وتأسفنا .... وامك جات لي في المنام وقالت قول لحلا اللي بتعمليه ده مش تربيتي احنا بنسامح و نغفر لابعد الحدود احنا مش زي باقي الناس احنا زي الملايكه 

:هي قالت لك كده

: بكذب انا

: العفو يا بابا بس برده مش عايزه اتجوز يوسف 

:وانا قلت هتتجوزيه اعترضي و اكسري كلمتي

: لا طبعا ما اقدرش

*مثلت طبعا اني مغلوب على امري

بقلمي سحر السحرتي 

 *يوسف قرب مني ومسك ايدي شديتها بطفوله 

:مش معنى ان بابا قال اتجوزك يبقى تمسك ايدي لما تبقى بغلا ليا 

:اسمها بعلا 

:لا بغلا و ازعل وارفض تتجوزني 

:بغلا بغلا هو البغل هيتجوز ايه غير حماره زيك

: شفت يا بابا بيشتمني هو ده اللي بتغصبني اتجوزه

: يوسف دي بتتلكك لم نفسك و عديها

: هي اللي بدات وشتمتني

 :وانت تستاهل خلصونا خدي يا هنا اختك انت وصافي ولبسوها 

:يلبسوني ايه 

يوسف : هنكتب الكتاب وانت عره كده و لابسه لبس طفولي

: انا عره ما تبص لنفسك

 *كنت لسه هضربه سامح مسكني وحشني 

:خلاص يا يوسف بلاها الجوازه اللي كلها شتيمه دي في بنات كثير جايين كمان شويه اختار لك واحده منهم اذا اختي مش ماليه عينك 

:ايه يا سامح انت بتهدي النفوس حلا ماليه عيني وقلبي 

*قرب باس راسي 

:حقك علي بحب اشوفك متنرفزه 

*وباس خدي ولسه هيبوس 

سامح: لا مش عايزك تشوفني انا وانا متنرفز اما تتجوز ابقى عيش دور روميو يلا انت كمان ادخل غرفه الضيوف البس الناس قربت تيجي هتعرونا انتم الاثنين 

*استسلمت لقلبي وطلعت البس  ...هنا كانت حنينه معايا قوي وكانت محضره فستان جميل وعملت لي ميك اب هايل 

:انت بجد فرحانه يا هنا 

:حلا انت اختي انا اتغيرت خلاص ورجعت هنا بتاعه زمان ولما بقيت ام حسيت قد ايه انا وحشه و اتمنيت ولادي يعاملوا بعض احسن ....  ومؤيد سمع كلامك فعلا واتغير بقى حنين وانا كمان اتقبلته زي ما هو فرق كثير في معاملتنا مع بعض

: ربنا يهنيك

 *حضنتني 

*خلصنا وطلعت قمر اكتر ما كنت ما انا اسمي على ما يسمى شويه غرور هههههه ....حقي عروسه بقى

 *لما نزلت يوسف كان هيتهبل علي مسك ايدي الاثنين وباسهم وهمس لي في ودني 

:انت الفرح يلزمك في حاجه ولا نقلبها دخله 

:همستلوا برضو وانا بضربه في صدره

: انا ممكن اقلبها على دماغك ومفيش جواز انا عايزه فرح كبير قوي ولا ما استاهلش

 *باسني في خدي : تستاهلي الدنيا كلها هعمل لك فرح ما اتعملش في مصر

: تصدق خفت الجمله دي غير مطمئنه 

*شدني :طب تعالي عشان تبقي مراتي رسمي احسن سامح هيولع فيا وانا نازل فيكي بوس

: هو ده بوس  

:طب 10 دقائق وهوريكي 

*ضحكت وطلعت له لساني 

:مش هتقدر 

*خلص كتب الكتاب يوسف شدني من ايدي ودخل على غرفه الضيوف وقفل الباب  .... بصراحه خفت سامح خبط على الباب 

:يوسف انت يا مجنون بتعمل ايه

: كلمتين بس مع اختك مش هينفع قدامكم سيبني بقى بلاش تقطع الارزاق

 :يوسف خمس دقائق وتطلع هنبدا السبوع

: يا عم ما تبدا من غيري هو انا ابوه امشي بقى

 *بكل خوف رعب 

:انت عايز ايه احترم نفسك ولمها احسن ابعزقها 

:وليك عين تتكلمي كمان مفكراني نسيت داخله و حاطه ايدك في ايد ادم غير الحضن وخلي بالك من نفسك يا حبيبي 

*اتشجعت بكل قوه المراه الحديديه

 :مش من حقك تحاسبني على حاجه عملتها وانا مش مراتك و لعلمك انا وافقت عشان خاطر بابا  .... انما انا مش طايقاك ومش هتلمسني 

*شدني من وسطي وانا بقاوم الحقيقه بعمل نفسي بقاوم

 :اهو لمستك 

:لو سمحت سيبني عشان الناس ما تسمع صوتنا عيب في سبوع باره 

:طب جربي افتحي بقك كده

 :هو انا هخاف منك ياااا

 *باسني حته بوسه مش قادره اوصف جمالها ايه ده هو في كده دوبت فيها ودور المراه الحديديه سقط من ايدي وبقيت المراه الدايبه بدباديبه صدق الفنان مصطفى قمر لما قال  ويا ناس انا دوبت في دباديبه هي دي بقى يا فنان الدباديب هاجموك على كلام الاغنيه لان محدش فيهم داب زي كده وعرف معنى وإحساس الكلمة

*خلص وانا مسهمه وهزني

 : حلا مالك يا حبيبتي 

*رجعت لدور المراه الحديديه 

:نعم لك عين تقول حبيبتي انا مش مسامحاك واعرف ان التعامل بينا جاف 

:ولا رصاص

: ايه السخافه دي 

:طب اتجوزتيني ليه وانت مش طايقاني 

:هو انا كدبت عليك بابا اللي اجبرني 

*ملامحه قلبت جد قوي ما قدرتش اعرف بيمثل ولة لا 

:حلا بجد انت مش عايزاني الحق الماذون قبل ما يوثق الورق و ننفصل بهدوء 

*الدور وقع مني ثاني هو دور ارضي ولة ايييه

 :لا بابا هيزعل 

: لو عشان بابا هكلمه ما تخافيش انت عارفه اني اقدر اقنعه 

*مشي وراح ناحيه الباب قلبي اتخطف

:رايح فين

 :هكلم عمي لو انت فعلا مش موافقه يبقى جوازنا حرام

*اتلجلجت شويه ودور المراه الحديديه عمره ما لاق ولا هيليق عليا 

:ما هو انا موافقه نص نص 

*بصرامة وحدة تقريبا بيخليني اعترف ما هو ظابط بقى 

:حلا فيه موافقه او رافضه 

*اتنحنحت وبصوت واطي موافقه وانا بكح

: نعم مش سامع

 :موافقه ايه بتستهبل ما انت بتسمع كويس 

*قرب مني وبرقلي 

:طوله لسان مره ثانيه مش عايز اسمع 

بقلمي سحر السحرتي 

*رديت بدلع قلت اغير الدور 

:بس انا لسه زعلانه قوي منك 

*الدموع لمعت في عيني : لا مش مش زعلانه انا مكسوره 

:عارف يا حبيبتي انا اسف و هعوضك عن كل دقيقه وعمري ما هزعلك تاني ده وعد مني يا حلا حياتي 

*وفجاه التهم شفايفي وغرقت معاه في حلاوه الحب فضلنا فتره في حضن بعض لغايه لما فوقنا على خبط سامح هادم الملزات 

:يا عم روميو انت هتاكل الجو من الاطفال الحفله دي للعيال مش ليكم انجز بقى عايزين نبدا قبل العيال ما تفتح الجعوره

*يوسف فتح الباب وهو الغضب متمكن منه 

:ما تبدا اعتبرنا ما جيناش هو شمع السبوع معانا ده انت صديق رخم قوي 

:انا مش عايزك انت خليك براحتك انما اللي معاك دي عمه وخاله في نفس الوقت محتاجينها هي

: احلف عليها طلاق ثلاثه ما تخرج من هنا لمدة  اسبوع

: يا عم ده كتب كتاب مش دخله وبابا اللي بعتني بيقول لك عيب كده احترم نفسك شويه. .... و هزقني وقال لي انت راجل ازاي سايب اختك معاه كدة 

:هو انت سايبها مع حد غريب 

*انا جوه الاوضه هموت من الضحك عليهم خرجت وانا بحضن يوسف من ظهره و بزقه لبره 

:خلاص بقى يا حبيبي فعلا ما يصحش 

:طيب يلا يا حلا اما اشوف اخرتها معاكي انت و اخوك 

:اخرتها حلا 

*لف باسني في خدي

 سامح : ما يلا بقى ما شبعتش بوس

: هو انا لحقت

: دي مش دخله يا خفيف امشي  و همسكك الشمع 

*ضحكنا كثير والسبوع كان فرحه لنا كلنا

 *شاهنده فضلت في غرفتها بابا منعها تحضر وقال لها تقول لاولادها انها مش عايزه تطلع كفايه اذيتها ليا  ....  ما كانش عايزني اشوفها واسترجع اهاناتها ليا كفايه ظلمهم لما صدقوها هي وهنا 

*طبعا هتسالوا كنت مستخبيه فين في شقه ماما قدام خالتي المكان اللي ما كانش يخطر على بالهم وكنت حاطة كاميرات على باب العمارة عشان لو حد فيهم فكر يجي وبخرج من الشارع الخلفي للحارة برضة عشان لو حد كان جاي 

*يوسف كان مستعجل قوي واصر يعمل الفرح في اقرب وقت حدد ميعاد مع بابا ينفع اهله ينزلوا ويحضروا الفرح 

*كان قد كلمته عمل لي فرح كبير وعزم كل اصحابي من الحاره اول ناس وعزم ادم وخطيبته 

*كان الفرح من اسعد لحظات حياتي هنا اختي وقفت جنبي هي وصافي طلعت عروسه حلوه بشكل  .... يوسف فضل ساكت مصدوم مش مصدق جمالي

: انت مين

: انا حلا 

:انت مش حلا انت احلى واحده في الدنيا

 :طب يلا بينا الزفه هتبدا 

:زفه مين

 :زفتنا

: احنا نتزف ونطلع على غرفتنا على طول 

*ضحكت و اتكلمت بطفوله

: لا انا عايزه ارقص في الفرح ماليش دعوه

*استوعب لحظه : ترقصي ايه على جثتي 

:ليه رقصي وحش

: لا حلو قوي ومش هترقصي لحد غيري

: انا عروسه ولازم ارقص في فرحي

: لا يا حلا يعني لا وكلمتي هي اللي هتمشي

 *الفرح خلص بعد ما قطعته رقص انا وهو وكلمته مشيت فعلا 

*كنت عايزه اقضي شهر العسل في راس البر بس يوسف اقنعني اني هعيش فيها سنه ويتنقل 

*اخذني على مكان اجمل وقال هيعجبني كانت مرسى مطروح حبيتها قوي وطلعت احلى مكان وقضيت ايام عسل فعلا وهو كان عند وعده وعمره ما زعلني 

#تمت

تعديل المقال