رواية اسيرة بقلب عاشق الفصل الثالث 3 بقلم زهرة الربيع
#أسيرة_بقلب_عاشق_3
.انت بتقول ايه..ولما انت ناوي تتجوز اتجوزتني ليه
ايوب قال ببساطه وهو بيلبس هدومه ..عادي اتجوزتك لانك عجباني ومن زمان عايزه اتجوزك... بس كمان عندي طلبات ما اقدرش استغنى عنها ...زي ان يكون عندي ست بتحبني وريداني لوحدي.. واحده تكون ما بتفكرش غير فيا ها ...وما يهمهاش ولا يملا عينها اي راجل تاني في الدنيا
بدور كتفت اديها بغضب وقالت.... ايوه ايوه فاهماك وعارفه كمان مين الوحده الثانيه دي اللي دايبه فيك
ايوب ابتسم على كلامها وبص لعيونها جامد واقرب منها قوي وقال... بس انا لو مرتي قالت لي مره واحده انها غيرانه ومهتستحملش اتجوز تاني واقرب لغيرها... ممكن افكر في الموضوع
بدور دفعته بعيد عنها وقالت بغضب.... انا اصلا عمري ما اغير من اي واحده لاني مش شايفه اي ست احسن مني .. ولا انت تهمني علشان اغير عليك
ايوب شدها عليه بقوه وقال بغضب...اه طبعا انت عندك حد تاني تغيري عليه
بقلم....زهرة الربيع
بدور دفعتو بعيد عنها وقالت بغضب.... بطل تلقيح بالكلام عيب عليك انا بقيت مرتك
ايوب لسه هيتكلم سمعو خبط على الباب من اهله وزغاريد قال بسرعه .....ادخلي على الحمام وخدي معاكي هدوم يلا بسرعه
بدور اخذت هدومها ودخلت على الحمام وايوب راح فتح واستقبل اهله ابوه وامه وعمو ومراته وحضنوه بحب وطلعت بدور من الحمام بعد ما استحمت وسلمت عليهم وقعدت مع امها وامرات عمها
وايوب نزل يسلم على الناس مع عمو وابوه وفضل معاهم شويه
بعد كده طلع بعد نزول امه ومرات عمه
اول ما دخل الاوضه لقاها لابسه بيجامه متقفله وقاعده على السرير اتنهد وقعد جمبها وقال بابتسامه ... هي لحقت شتت تحبي انزلك بطانيه
بدور قالت بضيق...ليه يعني
ايوب قال ...ليه ايه ..فيه عروسه يوم صباحيتها تلبس كده دي بجامت امك
بدور قالت بغيظ ...لا بجامت امك انت
ايوب اتسعت عنيه بدهشه وبصلها بطريقه خوفتها بلعت ريقها وقالت بسرعه ...بس كانت مستلفاها من امي
ايوب ضحك عليها بخفه وهيه قالت ...انت شاغل نفسك بلبسي ليه اهو بلبس اللي بيريحني وخلاص
ايوب اتنهد وقرب منها وقال....بصي بيقولو هيعملوا مدرسه
قريب وبتعلم الست ازاي تبقى ست ادخلي لك دوره هناك هتفيدك يمكن ربنا يحلها عليكي بدل ما انتي قعدالي زي لاعيبة الكوره كده
بدور بصتلو بضيق وقالت بحماس...بقولك ايه تلعب كوتشينه بدل الملل ده
ايوب اتسعت عنيه بدهشه وقال...يا بت انا قاعد مع صحابي على القهوه كوتشينة ايه اللي نلعبها انهارده صبحيتنا والناس عماله تقر تحت فاكريني خاربها ...ارحمي امي شويه ودلعيني بصي انحرفي يا بدور ما تعرفيش تنحرفي
بدور ضحكه جامد وقالت...... طب بص يا منحرف هلعب معاك لعبه هتعجبك قوي قوي قوي وقربت منو وقالت بدلال... هنلعب كوتشينه اذا انا فزت انت هتقلع حاجه من هدومك.. ولو انت فزت تقلع حاجه تانيه بقى
ايوب بصلها وقال..بدووور
بدور قالت بسرعه...خلاص بهزر قصدي لو انت فزت انا هقلع حاجه قولت ايه
ايوب فرك ايديه بحماس وقال ...هو ده الشغل ده انا هكسب للصبح وقلع جلابيته وقال....و قلعت الجلابيه دي هديه مني ليكي قبل ما نبدا
بدور ضحكت جامد وبداوا يلعبوا ...وايوب فاز اول دور ابتسم وسقف بحماس وقال .... يلا يا أطرى من الفينو ..ورينا اللي مستنينو
بدور نفخت بحزن وقلعت البيجامه بتاعتها وهو متحمس بس اتصدم لما الاقيها لابسه تحتها كاش مايوه نص كم مقفول رفع شفته لفوق بطريقه تضحك وقال....ايه ده...انا قولت الللي مستنيينو مش اللي حافظينو
بدور كانت عايزه تضحك على شكله وقالت...فيه ايه ... انا بحب البس كده في حاجه
ايوب اتنهد بغيظ وقال...ماشي انا هجيب اخرك استني علي هتروحي مني فين
وبدأو يلعبو تاني بس فاز للمره التانيه وقال بفرحه...اها يلا بقى يا عصفوره
بدور اتنهدت وقلعت كاش المايوه بس اتصدم اكتر لما لقى تحته تيشرت مسكها من التيشرت بغضب وقال..... وحياه امك انتي لبستي الدولاب كله ولا ايه
بدوركانت كاتمه ضحكتها بالعافيه وقالت ....في ايه يا ايوب بردانه والله
ايوب رما الكوتشينه على الارض وقال...ولما انتي بردانه بتقولي نلعب ليه... على العموم انا دلوقتي حالا ادفيكي دي بسيطه قوي و قرب منها
بدور قالت بتوتر...لا انا دفيت تصدق الدنيا حر اصلا ولسه هتجري شدها بقوه وقال يا بت اهدي هدفيكي ...وباسها برقه وقال....هادفيكي على الاخر ...وباسها بقوه اكبر
بعد عنها ثواني وسند جبينه على جبينها وقال بهمس... بعشقك يا بدور بموت فيك يا بت العم
بدور نزلت عيونها بكسوف وهو قرب منها بسعاده بس قطع لحظتها صوت خبط على الباب
ايوب مقدرش يبعد وفضل مندمج معاها بس بدور قالت بتوتر... ايوب الباب بيخبط
ايوب قال بسرعه...سيبك منو انسيه
بدور قالت بتوتر... لا ..لا ما ينفعش يا ايوب روح شوف مين ليكون حد عايز حاجه ضروري
ايوب بص لعيونها وقال ...مش قايم لحد ما اشوف عرض الازياء ده كام قطعه
بدور ضحكه جامد وقالت...روح شوف والعرض هيتوقف لحد ما ترجع
ايوب اتنهد بضيق شديد و راح فتح الباب شويه قليلين وكانت واحده من الخدم قالت... خالتك وبنتها وفاء جاييني يباركولك جنابك ..والست هانم والدتك بتقولك تنزل تقابلهم
ايوب اتنهد وقال ...قوليلهم نازل
الخدامه مشيت وهو قفل الباب وبدور سمعت اللي اتقال قعدت على السرير بغضب و اول ما دخل قالت.... هي العروسه جايه تبارك لك ولا تحجز دور
ايوب ضحك جامد وقال ...وانتي ايش عرفك ان وفاء هي اللي كنت اقصدها
بدور قالت بضيق...ما انا عارفاها راميه نفسها عليك من زمان وكانت تغير مني وتولع نار اكمنك انت مهتم بيا انا
ايوب بصلها بطرف عينه وهو بيلبس جلابيته وقال ...غلطانه زي ما انا غلطان انا لو اديتها نص الاهتمام اللي اديتهولك كان بقت تحت امري العمر كله
ولسه هيمشي بدور مسكت ايده وقالت.... يعني انت ندمان انك مهتم بيا ولا ايه...لتكون عاجباك
ايوب بص لعيونها وابتسم بحيره وقال...لتكوني غيرانه يا بت ...حقه لو غيرانه لادبح ارنب وافرقه للكفر كلو
بدور ضحكت جامد وقالب...ارنب ..طب و الارنب ذنبه ايه
حاوط وسطها بايديه وقال... فداكي
بدور دفعته وقالت انزل شوفهم عايزين ايه واطلع على طول علشان تكمل المعرض
ايوب ضحك جامد وقال مهيهداش بالي الا لو جبت اخره
ونزل وهي بدات تلبس هدومها بسرعه عايزه تروح ورا
تحت كان قاعد مع بنت خالتو وامها كانت في المطبخ مع والدته وسابت بنتها معاه
قالت بحزن واضح ...مبروك يا ابن خالتي فرحنا لك
ايوب ابتسم وقال.... الله يبارك فيكي يا وفاء عقبالك
وفاء قالت بدموع.... انت عارف اني مش هتجوز واصل
ايوب ارتبك وقال....احم...ليه بس كفاالله الشر انت صغيره وحلوه والف مين يتمناكي
وفاء قربت منه اكتر وقالت ...بس انا اللي بتمناه واحد وانت عارف
بقلم...زهرة الربيع
ايوب بعد وقال بارتباك...نصيب كل شيئ قسمه ونصيب يا وفاء وانتي هيجيلك نصيبك باذن الله
وفاءوقفت بحزن وقالت.... انا ماشيه
ايوب وقف هيسلم عليها بس هيه شافت بدور نازله من على السلم لوت رجلها بقصد وسندت عليه وقالت...اي رجلي رجلي الحقني يا ايوب
ايوب سندها وهو بيقول.... مالك في ايه
وفاء قالت بالم مصتنع...رجلي اتلوت بتوجعني قوي اي
ايوي بقي ساندها عليه وعايز يقعدها على الكرسي بس اتقدمت عليهم بدور بغيظ وجذبتها من بين اديه ووووو
