رواية زوجتي وساحرتي الفصل الخامس 5 والاخير بقلم زهرة الربيع
#زوجتي_و_ساحرتي_5_الأخير
ايه الرسائل اللي جايه لك من سالم دي يا سحر ..ما هو يا اما هو بيضايقك بحاجه معينه يا اما السبب التاني مش هقدر افكر فيه حتى مش هقدر انطقه
سحر اتسعت عينيها بزهول شديد جدا وما عرفتش تقول ايه لو قالت له انه بيهددها هتضطر تحكي له حكايه ابوه كلها.. غمضت عينيها ولقيت انها دي فرصه الوحيده علشان يطلقها حاولت تقوى وقالت ..انا مش هقدر اكذب عليك اكتر من كده انا عايزه اطلق منك علشان سالم ..يعني انا ما كنتش بوافق انك تقرب لي كل الفتره دي علشانو لاني بحبو
ناجي اتسعه عينيه بزهول من كلامها الغريب وضحك بشده وقال يا سلام بقى بتحبي سالم والمفروض انا اصدقك دلوقتي
سحر قالت بدموع.. ده اللي حصل
ناجي ضحك اكتر وقال..طيب اذا كده تمام ..هطلقك علشان تتجوزي سالم حاضر انا تحت امرك
سحر بصت له بزهول من كلامه وهدوءه وهو ابتسم وقال ياريت بقى بما اننا هنطلق ترجعي عند مامتك في مصر لحد ما ابعتلك ورقه طلاقك
سحر بصت له بدموع وقالت انت بجد هتطلقني
ناجي قال بابتسامه ...مش ده اللي انتي عايزاه
سحر هزت راسها بالموافقه و لسه هتمشي شدها عليه بقوته وحضنها جامد وقال... انا بحبك قوي ...بحبك لدرجه اني ممكن اشك في نفسي وانت لا يا غبيه يا متخلفه
بقت تبصلو باستغراب وباسها برقه وقال...اجهزي بقى علشان تروحي عند مامتك لحد ما اعصابك ترتاح
بقلم...زهرة الربيع
قال كده وخرج وسابها واقفه تبص لطيفه باستغراب وبدأت تجهز شنطتها وهي مستغربه جدا من كل اللي حصل وازاي بالسهوله دي وافق وليه هيمشيها مدام مش شاكك فيها بقت تلم شنطتها بحزن
في الوقت ده اتصل سالم وردت عليه فورا وقالت بغضب ...انا بطلق اهو وهاسافر عند ماما ورقتي هتوصلني هناك يعني اول ما اطلع من البيت ترجع عمي بقى وكفايه كده الراجل تعبان لو حصله حاجه مش هسكت
سالم ضحك ببرود وقال.. كده برده يا سوسو انا هأذي عمك طب انا خاطفه من يوم فرحك على ولده ليه ما قتلتهوش من يومها انا مستحيل اذيه ده ورقتي الوحيده اللي هتوصلني ليكي يا قلبي
سحر قالت بغضب شديد ..اه وهيوصلك لفلوسي الي ورثاها بس ربنا قادر يخلصني منك
قالت كده وقفلت في وشه وجهزت ونزلت جدتها كانت هتتجنن ومش عارفه ايه اللي حصل بينهم بتحاول تقعدها بس رفضت جدا ومشيت والغريب ان ناجي محاولش حتى يوقفها وهي وطالعه بيبصلها بلا مبالاه شديده
سحر ابتسمت بدموع وخرجت يا دوب مشيت من البيت بالعربيه بتاعتهم اللي كان السواق بيوصلها بيها
بس في نص الطريق وقف قدامها عربيه تانيه وكان سالم معاهم واخذها بالعافيه
سحر قالت بغضب وهي في العربيه عايز ايه يا سالم بقول لك انا رايحه عند ماما مش خلصنا كده
سالم ضحك جامد وقال..انتي هتقعدي هنا معايا لحد ما عدتك تخلص... مش عايزه تشوفي عمك ولا ايه...
وطلع بيها على مكان غريب وكان في راجل في ال 50 مربوط في الكرسي وتعبان جدا وبيتالم
سحر قربت منو وقالت بدموع عمي انت كويس رد عليا..وبقت تفكو
بصلها بزهول وقال.. سحر ازيك يا بنتي
سحر قالت بدموع انا بخير يا عمي ما تخافش هطلعك من هنا هيطلعوك النهارده باذن الله
كان بيتالم بشده وقال عايز الحقن بتاعتي يا بنتي مغص الكلى هيموتني
سحر قالت بدموع..حاضر يا عمي حاضر..وبصت لسالم بغضب وقالت.. انت بتعمل ايه ليه مش جايبله العلاج بتاعه
سالم ابتسم بسخريه وقال.. انا لسه هعالج بس انا ممكن عشان العيون الحلوين دول اجيب له العلاج بس يعني لو تبحبحيها شويه وقرب منها جامد
سحر بعدت بخوف وقالت.. جيب له العلاج بتاعه حالا يا سالم
سالم قال.. انا بعت اجيبه متقلقيش عمك ده كيف الحصان ..وقرب منها وشدها من ايدها وقال بالاذن يا عمي انا هخش اريح شويه اصل مرت ولدك لسه ما عملتش دخلتها وحرام الجمال ده يفضل بغلافو
عمها قال بغضب وزعيق... يا حيوا،،ن يا ز،،باله يا و،،سخ هقتلك بايدي يا ابن للك،،لب
و سحر بقت تزقه بس اتفاجئوا لما سمعوا صوت عربيات بوليس كثيره وضرب نار متبادل ما بين رجاله سالم والبوليس
سالم اتخض ولسه بيشد سلاحه دخل ناجي وقال بسخريه..اوعو اكون ضيعت اي مشهد..متاخرتش اهوه يا دوب لحقت مشيت اختك من البيت وجيت هنا على طول ...بس تلاقيها ملحقتش ترنلك لان انا اخذت منها التليفون
سالم بقى يبصلو بزهول ودهشه
وناجي بص لابوه بدموع اللي كان تعبان جدا ومش قادر حتى يفرح بدخوله ورجع بص سالم بغضب وقال...انت عملتله ايه يا وسخ
سالم رفع السلاح في وشه وقال ...خليك مكانك يا ناجي
بس ناجي مسمعهوش وبقى يتقدم عليه بغضب شديد بس سالم لحق نفسه وشد سحر عليه وحط السلاح في دماغها وقال خليك عندك لحسن اموتلك الحلوه بتاعتك
سالم اتجمد مكانو ومقدرش يتحرك ولا خطوه وقال بتوتر اهدى يا سالم انا جايب معايا البوليس مجتش لوحدي لو اذتها هتروح في داهيه
سالم قال.. انا كده كده روحت في داهيه..بس مش هتاذي لوحدي اقتلها ويمكن اقتلك معاها كمان ولا ممكن اقتلهالك واسيبك تتحسر عليها العمر كله الحلوه اللي فضلت حاميه ابوك رغم كل اللي بتعملوه فيها هموتها لك قدام عينك... يا اما دلوك ترمي عليها يمين الطلاق وتطلع تمشي الناس اللي بره دي
ناجي قال بخوف..طيب ..طيب انا هعمل كده حاضر همشي الناس واجي اطلقها على طول
سالم قال بغضب لا ترمي عليها الطلاق دلوك حالا
سحر كانت بتبص لو بدموع وقالت ...سيبني اموت سيبني اموت وما تطلقنيش مش هقدر استحملها والله الرصاصه اسهل منها بكتير
سالم زق المسدس على دماغها وقال بغضب ليه انتي كنت جربتي الرصاص قبل كده لا ما تخافيش الطلاق اسهل بكثير
ناجي بصلها و قال بدموع ..انتي ..انتي
بس اتصدم بزهول لما حد خبط سالم بشده ووقع المسدس من ايده وبصو لقو والد ناجي ماسك خشبه وضربوا بيها على دماغه
ناجي مسك المسدس بسرعه ووجهوا عليه وقال كده خلصنا ولسه هيضرب عليه بالرصاص دخل البوليس ومنعوه انه يقتلوا واخدوه معاهم
ناجي راح لابوه وحضنو بقوه وسنده وطلعو وقعدو في العربيه ورجع علشان ياخد سحر
وكانت جايه وراه وجريت عليها حضنته بقوه قدام الكل وهو شدد من حضنه ليها وقال بدموع... كده يا غبيه عايزه تعرضي نفسك للخطر عايزه تحرقي قلبي
سحر ابتسمت وقالت بدموع.. انت عرفت ازاي
ناجي ابتسم وقال معرفتش اي حاجه كل اللي عرفته ان عمري ما شكيت فيكي لحظه ..واول ما عرفت ان الموضوع فيه الوسخ ده هو واخته خليتك تمشي من البيت علشان اكشفها و اعرف مكانو
.. وفعلا بمجرد ما مشيتك لقيتها بترنله على طول
بقلم...زهرة الربيع
اول ما مشيتي طلعت واحد من السواقين يراقبكم ومشيت الزفت الي في البيت وجيت وراكي اول ما رنلي وقلي ان فعلا سالم اخدك معاه وقتها اتصلت بالبوليس وحصلتك
سحر ابتسمت وحضنته بقوه وقالت انا كنت هموت عليك خوفت نبعد عن بعض
ناجي قربها لحضنه اكتر وقال..نبعد ازاي يا قمري انا ليا مين غيرك انا عايش علشانك يا سحر مش عايز غيرك من الدنيا ..وغمز لها وقال بمشاكسه كده المفروض خلصنا الموضوع ربنا هيكرمنا وهنعدي للبر الثاني مش كده
سحر ضحكت وضربته في كتفو بخفه وقالت انت في ايه ولا في ايه يلا ابوك مستنينا في العربيه
ناجي اتنهد بحزن وقال..والله مامصدقه انه الفتره دي كلها مخطوف وانا فاكره مسافر كنت بستغرب ليه صوته مرتبك كده
سحر ابتسمت وبصت لعيونه بعشق وقالت..دلوقتي بقى وسطنا ربنا ما يفرقنا ابدا
ناجي ابتسم بحب وقال..هو وسطنا علشان ربنا اكرمني بزوجه قمر زيك ..مش هنسى الي عملتيه ده طول عمري واستحملتي اني اتجوز وكل كلامي وكلام تيته بس انا اوعدك هنسيكي كل ده
سحر بصت لعيونه والدموع الي متجمعه فيها وقالت برقه..المهم انك جمبي انا كده نسيت كل حاجه حتى اسمي ..وقربت منو وقالت بدلال وهنسيك اسمك انت كمان
ضحك جامد وقال انا مستني انساه وانسى اسم جدي معاه...بس معاكي مش مع اي واحده تانيه
سحر ضحكت برقه..وقالت ..بس انت اتسرعت ليه بتمشي وداد كده تضيع عليا اللحظه دي
ناجي ضحك وقال..لا متقلقيش تيته قامت بالواجب اول ما عرفت جابتها من شعرها وخرجتها من البيت زحف
سحر ابتسمت بسعاده وقالت...يعني بقيت ليا لوحدي
ناجي ابتسم وقال ...وانا امتى كنت لغيرك.
سحر ابتسمت وقالت بحب ..معاك حق ده رزق من ربنا انو اكرمني بحد زيك ...مشكتش فيها ابدا وصبرت عليا ومكنتش ترحلها اي راجل تاني كان...
بس قاطعها وقال بعشق واضح في عيونه ..اي راجل معاه سحر هيكتفي ..هيه كانت زوجتي انما انتي ساحرتي اللي سحرت القلب وقفلت حصونه عليها... انتي وبس يا سحر وممنوع دخول حد تاني🥰❤
تمت
