رواية وريثة دراكولا الفصل الثامن 8 بقلم رشا منصور
#الجزءالثامن
#وريثة_دراكولا
الملك صفوان…..
تواصلت مع مروان واطمنت عليه وسألته إذا كان مخبي. عليا حاجه قالي بصراحه آة يا ولدي
أنا عندى طفله.. بنت رضيعة من بشرية اللى الذئاب' قتلتها'' وحاليا أنا معاها فى الفندق وبحاول اوفر لها الحمايه. المناسبة بعيد عن الذئاب' بس قلقان. لأني إمبارح شوفت عدنان إبن الملك شركان هنا وخا'يف يكون عارف عنها حاجه ...
قولت له أنا متواصل مع شركان والملعوب' زى ما بيتعمل علينا بيتعمل كمان عليه واوعي تقلق. من عدنان بس الاضمن. بلاش تخليه يشوفك.
ولما نخلص من الموقف ده لنا قاعدة مع بعض بسبب كذ'بك عليا وانقطع. التواصل
وتخيلت حفيدتي وهى وريثة دراكولا وهتكون فى نفس قوته'
جدنا الأكبر دراكولا كان فى الأصل بشري وملك ع مملكة البشر وكان متزوج من بشرية ولما حس بخطر' ع شعبه عمل تعاقد مع الشيطا'ن وأعطاه من د'مة وأصبح أقوى' واشجع راجل ع الأرض ويقدر يتجول. فى نور الشمس وأحنا وراثنا منه الصفه دى وكل اللى يتذوق من د'م دراكولا بيكتسب هذه الصفه
لكن اى حد مصا'ص د'ماء لو أنجب او حول أحدي البشر لن يكتسب نهائي هذه الصفات
وانتظرت طلوع الشمس ودخلت السرداب' السري. وقبل ما أوصل عند شركان لقيته امامي وقالي أنه كان جايلي وعنده معلو:مات مهمة لازم اعرفها قولتله وأنا كمان
وابتدينا نتبادل المعلومات ولقيت شركان بيقولى…
ملك الذئاب' شركان. …
انتظرت طلوع الشمس علشان أقابل صفوان كل الحر'اس عنده بيختفوا. ويناموا بالنهار ميعادا الحر'س اللي داخل القصر فقط هو اللى بيفضل موجود
وبعد ما نزلت السرداب' وماشي شميت ريحة صفوان وفى لحظه كنت قدامه
وابتدينا نكلم وعرفت منه أمور مهمة وقتها قولت له أنا عرفت مين وراء كل ده قالي مين قولت له
"الذئاب' الحمراء" قالي أنه كان شا'كك فيهم لكن مافيش دليل تحت أيده قولتله بسيطه لو طلع هما إحنا نخليهم يصدقوا أنهم نجحوا فى اللعب' علينا وهبعت له رساله بحضوره زى ما حصل ما باقي المماليك. التانية
قالي تمام بس بالمناسبة هو أبنك عدنان بيعمل إيه فى قرية البشر؟!
ضحكت وقولت له اطمن إبني كان بيراقب' البشرية اللى معاها بنت مروان خا'ف أحسن تكون جا'سوسة وهتسلم البنت ل رشدان يقتلها" ولما شاف مروان بيكلم معاها اطمن ع حفيدتك ورجع قبل ما حد من أعوان. رشدان يشوفوا وبلغني. ع طول وأنا قولتله خليك بعيد مدام اطمنت ان مروان وبنته بخير هو كان خا'يف عليها
قالي ..
أنا كمان قولت ل مروان مافيش داعي للقلق من عدنان لكن بردو احذ'ر من وجود إى ذئب' آخر
وبعد ما خلصنا كلامنا وظبطنا الخطة' ودعنا بعض
ورجعت أوضتي وطلبت من الحر'س استدعاء" عدنان إبني ورشدان كمان
ولما وصلوا قولت ل عدنان ابعت رساله ل ملك. الذئاب' الحمراء خليهم يحضروا زى باقي حلفاءنا'
لقيت رشدان اندهش. وظهرت عليه علامات القلق. وفضل ساكت وابني عدنان قالي ازاى دول مش حلفاء' لنا
قولت له متنساش أنهم أعداء" مصا'صي الد'ماء يعني هيرحبوا أنهم يساعدونا ويخلصوا' منهم
قالي بس أحنا كمان أعداء' لهم وحضرتك مانع اى اختلاط. او حضور لهم ع أرضنا
قولت له للضرورة' أحكام ده غير اننا مينفعشي نحا'رب ع أرضنا علشان الخسا'رة تكون من عندهم …
أحنا هنجتمع ع حدود المملكة يعني ع أرض محايدة' وقبل غروب الشمس علشان يكون وضعهم صعب'
ولا إيه رأيك يا رشدان فى كلامي قالي
أعتقد ان الأمير عدنان عنده حق يا مولاي الحر'ب مدام فى ضوء الشمس يبقي محدش هيحضر إلا الملك واقاربة بس
قولت له أنا عاوز أشوف نظرة صفوان لما يفتكر ان مملكة الذئاب' الحمراء معانا وحلفاء' لنا
وامرتهم بالانصراف وأنا من جوايا عاوز اكل رشدان ب سناني….
الملك صفوان. …
بعد ما رجعت الجناح الخاص بيا رجعت بالذاكرة 300 سنه وافتكرت أبويا وجدى لما كانوا وضعين قوا'نين ان ممنوع. اختلاط الد'م ولازم نحافظ ع دمنا' يكون نقي
علشان نقدر نحافظ ع نسلنا وقو'تنا وسط الممالك. التانية
ومع مرور الزمن ابتدي بعض مصا'صي الد'ماء وبعض الذئاب' التقرب من البشر فى البدايه كان لغرض شرب دما'ءهم وده كان أمر طبيعي
لكن اللي حصل ان فى منهم اللى اتعلق بيهم وعمل علاقات. غرامية وطبعا كل واحد حول المحبوبه بتاعته
وأصبح فى مصا'صي الد'ماء من نسل بشري وذئاب' بشرية
وكل ده كان بيحصل فى السر
لكن اللى حصل بعد كدا كان أفظع. قررت مجموعه منهم تحدي. طبيعتهم
وقرروا يعملوا تجارب علشان يطلع نسل جديد يمتاز بقوي الذئاب' ومصا'ص الد'ماء فى نفس الوقت
وعملوا علاقات بشكل مستمر ومكثف وابتدي يكون فى نسل جديد اخد أغلبهم شكل الذئاب' وتعطش مصا'ص الد'ماء
لكن طموحهم موقفش لحد هنا
فكروا يحسنوا من نسلهم بأنهم يعملوا علاقات مع الد'م النقي
وهنا تدخل جدي وأبويا وكمان أبو شركان علشان نمنع المهذلة' دى
والأمر مكنشي سهل وقامت حر'ب بينهم وتعاونت مملكة مصا'صي الد'ماء مع مملكة الذئاب'
ونجحوا فى طرد اشباهنا من أرضنا واختفوا فترة من الزمن وبعد كدا كونوا مملكة لهم تحت أسم مملكة الذئاب' الحمراء
واتحط قانون' صارم' بمنع اى اختلاط. بينا وبينهم
ومنع اى ارتباطات عاطفيه بينا وبين اى مملكة. تانية وبعد مرور السنين
أكتشف أبويا ان فواز ورشدان العلاقة ما بينهم مش صداقه وبس لكن أكبر من كدا
فواز أتجوز وانجب من أخت رشدان وهنا كانت الكار'ثه تم اختلاط الد'م بينا وأصبح فى نسل
وتم اتهامة' بالخيا'نه والتحا'لف مع مملكة الذئاب' الحمراء واتحكم ع فواز بالسجن وقتل' زوجته وابنه قدام عينه علشان يكون عبره لغيره واتحكم ع رشدان بالسجن
وتم وضع قانون' يمنع اى تعاون بينا وبين مملكة الذئاب' ومن وقتها محصلش اى اختلاط مرة تانية
والا يعتبر خيا'نة وعقابها. السجن. او الإعدام.
مكنتش متخيل بعد كل السنين دى لسه فواز ورشدان عاوزين ينتقموا' مننا ومن أولادنا ….
ياتري يا مروان عامل ايه دلوقتي وحفيدتي هتكون حياتها ازاى …
كان نفسي أشوفها واحضنها دى أول حفيدة ليا لكن حياتها عندي أهم من كل ده والخو'ف دلوقتي عليها من رشدان وفواز والذئاب' الحمراء
لسه رضيعة ولها أعداء. فى كل مكان
فريدة….
بعد ما خرج مروان فضلت قلقانه' لقيت فيروز بترفع ايدها علشان اشيلها اترددت لكن أول ما شوفت عيونها بتلمع بالدموع مقدرتش أقاوم وخدتها فى حضني وقولتلها عمري ما اتخلي عنك ابداااا
بعدها جالي إتصال من صديقتي المسؤولة' أنها خلصت الأوراق المطلوبة ومش بس كدا ميعادي للعرض أتقدم وهيكون بكرة الصبح قفلت معاها واتصلت ب سعاد بلغتها بالميعاد وأكدت عليها تهتم بكل التفاصيل اللازمة
بس اتوترت جدااا لقيت فيروز بتشدنى من البلوزة بتاعتي وبتشاور ع الباب قولت لها أنتي عاوزة تخرجي هزت رأسها
قولتلها تمام تعالي نجهز وطلعت لها فستان وتوكه للشعر وغيرت هدومها وهدومي وخرجت قولت لها هنروح ع فين اتفاجأت بها بتلمس خدى وركزت فى عيني وشوفت قدامي سعاد وفجأة شالت ايدها
بصيت لها وقولتلها أنتي اللى عملتي كدا عوزانى أروح ل سعاد هزت رأسها
قولتلها ناويه تعضيها. تاني ولا ايه هزترأسها ب لآ
قولتلها اومال عوزاني اروح لها ليه حطت ايدها ع خدى وشوفت نفسي وانا ماسكه سماعه الفون وبأكد عليها أنها تهتم بكل تفاصيل المعرض
قولتلها أنا فعلا كنت قلقانه. ومتعودة أهتم بكل التفاصيل بنفسي وروحت ع غرفة سعاد لقيتها مش موجودة
نزلت للريسيبشن اسأل عليها ومجرد نزولى لقيت فيروز مسكتني جامد وبتخبي وشها فيا وبتحضني جامد
قولت لها فى إيه مالك
حطت ايدها ع خدى وشوفت واحد ….؟؟
يتبع..
ياتري فيروز خا'يفه من مين ؟؟؟
بقلم #رشامنصور
