رواية وريثة دراكولا الفصل الرابع 4 بقلم رشا منصور
#الجزءالرابع
#وريثة_دراكولا
مروان….
أول ما قربت من بلكونه الغرفه تأكدت ان بنتي فى الغرفه المجاورة وطلب مني شهاب اتواصل مع طفلتي
قولتله هى لسه معنديهاش قدرة ع الكلام لكن اللى محدش يعرفه ان بداخل كل مصاص د'ماء من نسل دراكولا قدرات خاصة وبنتي من لحظه ميلادها عندها القدرة ع التواصل مع الآخرين من خلال رؤية الأحداث
ولما حاولت اتواصل معاها علشان اطمن عليها دخلتني جوه الأحداث وشوفت نظرة السيدة لها وسمعت كلامها معاها وفهمت أنها هتاخدها تعيش معاها فى مصر' وعند سن 18 هتديها الأوراق والسلسلة
عرفت فيروز ان ده أمان لها بعيد عن عائلتي مصاصي. الد'ماء وبعيد عن الذئاب'
وفى اللحظه دى وريتني لحظه اقتلا'ع قلب ميرا من خلال الذئب. رشدان
قلبي انفطر' ع ميرا دفعت حياتها. تمن' حبي لها وللأسف مقدرتش احميها' لكن لازم احمي' بنتي
وطلبت منها أنها تفضل فاكرة كل اللى حصل ل امها ولازم تخفى حقيقتها عن الكل حتى عن البشرية اللى هتعيش معاها
وأول ما تكمل السن المطلوب ترجع هنا فى قرية البشر
وتعرف اخبار المملكة. قبل ما تجاذف. بحياتها
لازم تحافظ ع نفسها هى وريثة دراكولا ذات الد'م النقي
ومجرد ما انفصل الاتصال
اتفاجات بولدى الملك صفوان بيتواصل معايا وبيطمن ع حالي وطلب منى أفضل أنا وشهاب نفضل بعيد عن الأنظار لحد ما يبلغني بنفسه امتى أرجع المملكة.
فريدة….
صحيت بدري من النوم وع غير العادة مبسوطة وفرحانه لأول مرة أحس بالامومة حتى لو كانت البنت مش بنتي لكن الإحساس نفسه جميل كنت محرومة منه ….
** يارب يرزق كل مشتاق بالذرية الصالحة **
واتصلت بالروم سيرفيس وطلبت الفطار ومعاه كوبايه لبن للاطفال وعلبه حفاضات كبيرة
واخدت شاور وجبت بلوزة من عندى وقصتها✂ وخيطها. بأيدي وعملتها فستان ل فيروز
وبعد ما غيرت لها الحفاضة واخدت شاور لبستها الفستان
ونزلت أعمل شوبنج واشتريت لها فساتين وزيوت معطره
وكانت مبسوطة وبتضحك
لكن مجرد ما وقفت بالعربية عند المكان القريب من الأشجار حسيت أنها قلقانه كأنها عرفته نزلت وشيلتها وابتديت أدخل وامشي جوه الأرض قولت يمكن ألاقي البو'ليس وأعرف اى حاجه عن مامت الطفلة لكن كل ما أدخل لجوه تصر'خ جامد.
بصيت لها قولت أهدي متخا'فيش انارشامنصورمعاكي فضلت بصالي ولسه هكمل مشي رجعت تصر'خ تاني قولت لها خلاص فهمت يلا هنرجع للفندق.
لقيتها بطلت صر'اخ كأنها فهمت كلامي وفعلا رجعت للعربية ومشيت من المكان وأول ما دخلت الفندق لقيتها ضحكت وبتشاور بأيدها ل راجل واقف قدامنا
لقيته قرب منها وبيبتسم لها وهى رمت' نفسها عليه علشان يشيلها وفضل حاضنها والغريب ان فيهم شبه من بعض
خو'فت يكون قريبها وياخدها منى بصيت له قولتله انت مين قالي أنا مروان نزيل هنا فى الفندق وبنتك عسوله أوى تسمحي نشرب حاجه مع بعض
كنت مترددة بس لقيت فيروز ماسكة. فيه وبتضحكلي وافقت وقعدت معاه فى الريسبشن وطلبت قهوة
وفوجئت ان فيروز ماسكه صباعه وحطاه فى بوقها قولت له بعتذر لك البنت جعانه اناالكاتبه رشامنصورلازم أطلع أكلها ولسه جايه باخدها منه لقيت د'م عند شفافيها.
قولت له البنت اتعورت. ولا ايه لازم اشوف دكتور لقيته بيقولى البنت سليمه بصي كدا
لقيت الد'م اختفي. والطفله بتضحك وبتلعب بأيدها
قولتله واضح ان بيتهيقلي. أنا اسفه يمكن علشان منمتش كويس استأذنك
يلا يا فيروز واخدتها منه وطلعت غرفتي الغريب ان كنت حاسه زى ما أكون متر'اقبة وكل ما أبص ورايا مش بلاقي حد اظاهر إني تعبانه فعلا
وأول ما دخلت غرفتي طلعت لبن الأطفال وجهزته فى الببرونه واديتها لها وشيلتها علشان أكلها لقيتها بتحاول تقعد😲
أنا معلوماتي أننا بنحاول نعلمهم من بعد 6 شهور الزحف والجلوس بس مكتوب فى الورق ان عمرها شهرين …
بصيت لها وقعدتها ع رجلي وابتديت اديها الببرونه واغني لها أغاني الاطفال وهى كانت بتلعب بأيدها كأنها فاهمه الأغنية 😂😂
واضح أنك هتكوني طفلة ذكية ولكي عليا أساعدك تنمي ذكائك أكتر يا شقيه بس أوعى تغلبيني معاكي
مروان…..
من أول ما السيدة فريدة خرجت وشهاب تنكر' ومشي وراها يرا'قبها وأنا دخلت غرفتها أفتش. فى اغرضها وقدرت أعرف عنوان الاتيلية فى مصر. وكمان أسمها بالكامل
وشميت ريحة. ملابسها وعطرها وحتى الكريمات وبعدها رجعت غرفتي ونزلت ع الريسبشن أنتظر رجعهم من بره
وتواصلت مع فيروز وفهمت منها أنها قربت من أرض الذئاب. قولت لها اصر'خي وأبكي. اعملي اى حاجه المهم أوعي تدخلي هناك وفضلت متابع اللى بيحصل
وعارف ان شهاب مينفعشي يدخل هناك والملك. مأكد عليا ان لازم الكل يفضل فاهم انى ميت"
مكنشي فى حل غير ان فيروز هى اللى تتصرف وفعلا قدرت تشد انتباها كنت فخور بها جدا وعرفتها أنها طفلة مميزة وهيكون لها شأن عظيم وهنتظرها فى الريسبشن
وأول ما وصلوا طلبت منها تلفت انتباه السيدة فريده ليا
وفعلا قدرت أتعرف عليها وقرأت أفكارها وفى نفس الوقت اديت ل فيروز قطرات. من د'مي مكافأة لها
وبعد طلوع فريدة الغرفة فضل شهاب وراها وطلعت الغرفه وبلغني شهاب بكل تحركاتها. وتأكدت ان هى دى السيدة المناسبة لإخفاء بنتي عندها وسهل جدا أتواصل مع بنتي من اى مكان وسهل اسافر لها
الملك الذئاب' شركان. ..
فضلت فى غرفتي منتظر طلوع النهار علشان أدخل السرداب ورجعت بالذكريات وافتكرت من حوالى 200 سنه وقتها كنت لسه شاب وكانت المماليك كلها مفتوحه ع بعض والذئاب. عايشين مع مصاصين. الد'ماء فى أمان
وكنت أنا وصفوان أصحاب وبنسهر مع بعض وعلشان إحنا أبناء الملوك مينفعشي نسهر قدام العامة
علشان كدا عملنا سرداب سر'ي ما بين قصري وقصر صفوان صحيح المسافة طويلة جدااا لكن علشان شقاوتنا كان عندنا إستعداد نعمل اى حاجه
ولولا اختر'اق المعاهدات كان زمان المملكتين. مع بعض حتى الأن ومحدش يعرف حاجه عن أمر السرداب نهائي غيري أنا وولدى بس وقبل ما يموت. طلب مني احتفظ بالسر. ده علشان محدش يستغل. السرداب للهجو'م ع مصاصي. الد'ماء. او عمل اى مكيدة"
رشدان….
كنت فى غرفتي اللى فى أعلي القصر فى الجناح الخلفي أفكر فى رد فعل عدنان وموافقته ع الحر'ب
عدنان ع الرغم من شجاعته. وقو'ته إلا أنه ضد. العنف' والحر'وب معقوله ببساطه كدا غير مبادئه ولا يكون ناوي يعمل فخ" ليا علشان يكشف كد'بتي
ولقيت مكتوب فى رجل البومة. فتحته ولقيت مكتوب فيه استعد للرحلة قريبا أخدت المكتوب وكتبت الرد عليه
استعد للحفلة المدعوين أكثر مما تتخيل ووضعت المكتوب فى رجل البومة مرة تانية وطارت بعيد
الملك صفوان….
مع أول طلوع اشعه الشمس فتحت دولاب غرفتي وازلت ظهر الدولاب علشان ألاقي الباب خلفي اللي لا يفتح إلا بقطرة د'م مني وبعد فتحه أغلقت باب الدولاب بالمفتاح ورجعت ظهر الدولاب مكانه وأغلقت الباب خلفي وفضلت أمشي فى السرداب وأتذكر أيام الماضي الجميل مع صديقي الوحيد شركان ومع كل خطوة كنت متردد
واقول لنفسي لو فعلا شركان اتغيير ويكون عاوز يقتل' ابني ويحار'بني لكن ليه يعمل كدا إحنا بنا معاهدة' ولولا القسم' كان زمانا لسه بنسهر الليالي مع بعض
وبعد مسافة طويلة ببص لقيت الكراسي بتاعتنا وعليها مشروبات وفجأة لقيت الأضواء فى كل مكان
وظهر شركان ولقيته بيقولى كنت عارف أنك جاى يا صاحبي!!!!.
يتبع. …
تفتكروا صفوان وشركان هيقدروا يفهموا الملعوب' ولا...؟؟
بقلم #رشامنصور
