رواية نصيب القمر الفصل الثاني 2 بقلم زهرة الربيع
#نصيب_القمر_2
انا جبت البت بقت معايا وهسلمهالك بس عايز حقي وقتي قبل ما امشي
رد عليه وقال بسرعه...انت بس جبها وملكش دعوه انا هظبطك بس بسرعه بقى الباشا مستعجل علشان كده اخترتك انت بذات علشان مبتتأخرش عليا
طه بص للبنت من بعيد وقال... اه بس فيه حاجه كده حابب اسألك عليا انت متأكد ان البنت دي ...شغاله معاك..يعني ليها في المشي ده وبتطلع بموافقتها قبل كده ..اصل ميبانش عليها ابدا
حمزه اتوتر وقال..لا طبعا دي بت شمال وديما بطلعها طلعات زي دي.. هيه هربانه مني بعد ما لهفت الفلوس زي ما قولتلك..رجعهالي وانا هظبطك وميغركش مسكنتها دي حركات
طه اتنهد بحيره وقال...تمام هجبهالك كمان ربع ساعه . مع السلامه
وقفل معاه وراح عند البنت وقال اتأخرت عليكي
قمر ابتسمت بتوتر وقالت لا ابدا بس كنت حابه اسال حضرتك هو احنا هنطلع امتى انا عايزه امشي من هنا بسرعه
طه قال.. اه طبعا حالا هنتحرك على طول انا بس قلت اريح العجل يلا بينا وفعلا مشيوا سوا وهو سايق حب يعرف منها اي حاجه قال.. لكن غريبه انك ماشيه لوحدك كده ولا معاكي حد ولا حاجه
قمر قالت بدموع... انا...انا هربانه من جوز امي
طه بصلها بزهول كان مستغرب جملتها وخاف تكون فعلا مجبره اصلا كان شكلها وخوفها يبين انها مش زي ما حمزه قال وكمان استغرب برائتها انها حكتلو على طول وهي يا دوب تعرفه
قال باستغراب.... طب وهربانه منو ليه بقى
قمر قالت بدموع ....اصلو راجل وسخ ..وعايز ..عايز ..بقت تبكي وما قدرتش تكمل
طه اتنهد وقال بسرعه ....طب طب اهدي اهدي انا اسف انا تقريبا عرفت انتي هربتي ليه بس يعني مش غريبه انك تحكيلي كده حاجه خاصه زي دي وانتي ما تعرفنيش يعني قبل كده
بقلم...زهرة الربيع
قمر ابتسمت بدموع وقالت عادي يعني ما انت طلعتني في عربيتك اهو من غير ما تعرفني ولا تعرف انا هربانه ليه يمكن لما تعرف السبب تطمن شويه ..يعني انا لاحراميه ولا عامله حاجه غلط
طه اتنهد واحتار اكتر خاف تكون بتضحك عليه وفي نفس الوقت خايف تكون صادقه...اتنهد وقال خلاص كلها شويه ونوصل باذن الله
وفضل سايق لحد ما وصلوا فيلا حلوه جدا وراقيه
قمر قال ..انت بتشتغل هنا ولا ايه
طه ارتبك وقال ..لا لا انا بس بودي شغل فاكهه وخضار وكده للمطابخ بتاعة الفلل هديهم الشغل وارجع على طول استنيني
قمر هزت راسها بالموافقه
وطه دخل جوه في جنينه المكان ومرضيش ياخدها معاه لحد ما يحاول يتأكد مين الي بيكدب
دخل الفيلا و كان قاعد راجل في ال 50 باين عليه الفقر مقارنه بالراجل اللي قدامه اللي كان تقريبا في نفس العمر بس واضح انه غني جدا قرب منهم طه وقال مسائكم خير يا بهوات البنت معايا بره يا حمزه بيه
وقف حمزه وفرك ايده بطمع وقال..برافو عليك يا طه..وبص للراجل الي معاع وقال.. حاجه من الاخر هتعجبك قوي يا رضوان بيه وعلى ضمانتي
طه قال بسرعه... متقلقش ياباشا البنت ياما طلعت طلعات زي دي
رضوان قال بغضب...ايه...انا مش قولتلك المهم عندي تبقى ما حدش لمسها قبل كده
حمزه قال بارتباك...يا باشا ده بيهزر انا عمري ضحكت عليك
هنا طه بصلو بصدمه وزهول وحمزه بلع ريقه من نظراتو وشدو من ايده وهو بيقول للراجل.. دقيقتين هجيب لك البنت حالا
اول ما طلعوا طه دفعو و قال بغضب يعني فعلا البنت مش شغاله معاك بعني كلامها بجد وانت فعلا جوز امها وعايز تشغلها غصب عنها
حمزه اتنهد بضيق وقال..هو انت دخلك ايه بالقصص دي كلها انا بعتك اول ما عرفت ان البنت هربت علشان تجيبهالي بسرعه واتفقت معاك على مبلغ هديلك قده مره تانيه بس تقفل بقك وتمشي من هنا بسكات
طه بصلو بسخريه وقال... ده عندها لا مؤاخذه البنت دي مش هتلمسها ولا هتقرب لها وانا هحميها لحد ما توصل مكان ما كانت رايحه
حمزه قال بغضب ..اعقل يا طه اظن انت شوفت الحرس بتاعه اللي بره دول باشاره منو هيعملوا منك كفته سيب البنت وامشي وانت سليم ..انت معايا بقالك فتره ومش عايز ازعلك
بصلو بغضب شديد وقال ...انا عادي جدا ازعلك..واعلى ما في خيلك اركبو ومشي
حمزه اتنرفز وراح كلم رضوان
رضوان امر الجاردات بتوعو يروحوا ورا طه
طلعو وراه وقالوا له بغضب سيب البنت وامشي من هنا احسن لك
قمر كانت جوه العربيه و مستغربه اللي بيحصل طه وقف قدام العربيه وقال محدش يقرب لها على جثتي تاخدوها
قمر كانت عايزه تلاقي تفسير للي بيحصل خصوصا لما الجردات اشتبكوا مع طه وبقوا يضربوه
نزلت بسرعه وبقت تصرخ وتحاول تبعدهم عنه بس زقوها على الارض ولسه هتقوم اتصدمت بجوز امها طالع هو ورضوان
اتسعت عنيها بزهول وفهمت ان طه كان جايبها علشان يرجعها لجوز امها بقت ترجع زحف لورا وجوز امها اتقدم عليها وبيقول كده برضه يا مرمر بتهربي مني..يعني مش كفايه مش رضيالي المسك ..كمان حتى المصلحه الي بفلوس بتتعبيني فيها
قمر بقت تبكي وترجع لورا بخوف وجوز امها لسه هياخدها طه بص لرضوان وقال شوف يا باشا البنت دي على الطريق حكتلي كل حاجه..والصراحه صدقتها واتصلت بالبوليس وعلى فكره انا ما عنديش اي مشكله اروح في 60 داهيه واخذكم معايا بس بيتهيألي كده ان انت هيبقى عندك مشكله انت يا باشا معروف في البلد واكيد مترضاش يتقال عليك حاجه زي كده
رضوان بص لحمزه بغضب وقال...ايه بوليس.. انت جايبلي ناس تعملي مشاكل يا حمزه وبص للجردات بتوعه ..وقال كله يدخل على شغله انا هعرف اجيب حاجتي بمعرفتي ودخل على البيت
حمزه جري وراه وهو بيحاول يحايله ويفهمه ان طه كذاب وما اتصلش على البوليس اصلا
طه شد قمر بسرعه وقال لها اركبي يلا يا قمر بسررررعه
قمر ملحقتش تفكر في اي حاجه وطلعت معاه
قمر على الطريق كانت بتبصله بغضب مش عايزه تكلمه وطه حمحم بحرج وقال..احم طبعا انتي زعلانه مني اكيد طبعا شايفاني انسان وسخ زي جوز امك
قمر كانت مش بتبصلو وقالت.. اه شيفاك وسخ بس مش لدرجه وساخت جوز امي لو كنت كده ما كنتش عرضت حياتك للخطر وطلعتني من هناك ..ولو انك اكيد يعني مطلعتنيش من هناك لله في لله كده اكيد ناوي تطلع مني باي مصلحه انت كمان
طه ضحك بخفه وقال ..انا عارف ان لكي حق ما تثقيش فيا بس انا بجد عايز اساعدك وبس
قمر نزلت دموعها وقالت ..انا لو كنت ما بثقش في الناس ما كانش زماني هنا بس انا اصلا متخلفه وبصدق اي حد
طه ابتسم على شكلها وكان حاسس بذنب من ناحيتها وقال معاكي حق..تباني طيبه قوي زياده عن اللزوم والحياه دلوقتي مش عايزه كده ..بس بجد المرادي تقدري تثقي فيا وانا هوصلك مكان ما انت عايزه واطمن عليكي الاول حتى همشي
ابتسمت وهيه بتمسح دموعها بايدها زي الاطفال وقالت طيب انا مش هخليك تخسر وتبقى عملت كل ده على الفاضي وخلعت الحلق بتاعها واديتهوله وقالت خلي ده معاك ولو لقيت ان الموضوع هيطول بيعوا
بقلم...زهرة الربيع
طه ابتسم بخفه وقال.. خلي حلقك معاكي ..انا هساعدك لاني غلطت من غير اي مقابل..بس في حاجه ممكن تقدري تعمليها علشاني
قمر بصتلو بخوف وبعدت من مكانها شويه وقالت بحده..حاجة ايه انت كمان
طه ضحك جامد وقال.. اكيد اي حاجه غير اللي جيه في بالك.. يعني مش معقول في العربيه.. انا قصدي تبتسمي حابب اشوف القمر وهو بيطلع
قمر اتنهدت بارتياح و ضحكت بخفه وطه قال ايوه كده ده مش بس طلع ده كمان في ليلة تمامه
وفضلو ماشيين بالعربيه وكان الليل دخل وصلو اوتيل غريب صغير وقديم علشان يباتو فيه لحد الصبح
اول ما دخلوا قال للراجل الي في الاستقبال ...عايزين اوضه لو سمحت
الراجل بصلهم وابتسم بخبث وقال..القسيمه لو سمحت
طه ابتسم وطلع فلوس وداها للراجل وقال..تمام القسيمه كده ولا عاوز تشوف البطايق
الراجل ابتسم وقال.. لا تمام قوي يا باشا اتفضلو ارتاحو..وادالهم مفتاح الاوضه
قمر كانت بتبص للي بيحصل باستغراب شديد وبتبص للمكان بخوف .كانت فيه ستات كتير طالعه وداخله بلبس مكشوف ورجاله كمان
طه مسك ايدها وقال اهدي ما تخافيش انا معاكي واخدها على الاوضه واول ما دخلو سحبت ايدها بسرعه وقالت... هو احنا فين ايه المكان ده
طه ابتسم وهو بيقلع القميص بتاعه وقال...ده ياستي مكان تقدري تقولي عليه كده للمزاج..والناس المحترمه بس هي اللي بتدخله
وضحك وقعد على السرير يقلع الشوز
قمر بصتلو بزهول لما فهمت قصده وقالت ..انت قصدك ايه.. قصدك ده بيت دعااااار،ه
