رواية لست من نسلي الفصل الخامس عشر 15 بقلم سوارا
: زياد الحقنيييي بولد!!!
زياد بخضه : اييييييه!!...وبيشيلها وبينزلها على تحت والكل بينزل على صوتها
حسينه بخوف : هنعمل اييييييه؟؟.. دي شكلها بتولد يا ابني والدنيا ليل مفيش مستشفى في البلد دي و دلوقتي مش هتلاقي دكتور حتى
نفيسه بخبث وهي بتبص على نور : مفيش حل غير تحطها في عربيه نقل التراب بتاعت المزرعه وتطلع على طريق القاهره هتلاقي دكتور ولا مستشفى في الضواحي ولو ما لقيتش اكيد هتلاقي حد عندو سياره ويأخدك وتكون وصلت للقاهره يلا بسرعه استعجلوا!!
حسينه بخوف عليهم : مفيش حل غير ده فعلا يا ابني استعجل
نهر بتعب : مستحيل مستحيل عايزين ساعتين عشان نوصل وزياد معندوش عربيه هيمشي برجليه مستحيل يقدر وحتى لو قدر هيأخد أقل حاجة اربعه ساعات حنمو.. ت كده في الطريق !!
حسينه بخوف وهي بطبطب عليها : متخافيش يا بنتي ومتقوليش كده بإذن الله هتلاقوا عربيه بالطريق وهتأخدكم اتفائلي بس!!
زياد بيشيل نهر وبيحطها جوه في عربيه نقل التراب وبيمسك العربيه من ذراعيها وبيمشي فيها
فضل ماشي بيها مسافه وهو سامع تأوهاتها وخايف عليها بيدعي ربه أن ميحصلهمش حاجه وتيجي عربيه ولا يلاقي مستشفى بيلاقي عربيه ماشيه من جنبه بيوقفها
زياد : لو سمحت مراتي بتولد وحالتها خطيـ. ـره ممكن توصلنا لأقرب مستشفى في الطريق
الراجل بيشاور له بمعنى اركب : اركبوا بسرعه
زياد بيفتح الباب الورا عشان يدخلها بيلاقي اربعه رجاله شكلهم مخيف راكبين ورا زياد بحس ان في حاجه غلط وقفل الباب بسرعه وفضل يجري بس السياره كانت أسرع منه وضر.. بت عليه نا.. ر وأخدوا نهر معاهم!!
زياد قبل ما يغمض عينيه : نهـ.. ـر ااا بني!!
نور ببكاء : طب زياد ممكن يتأذى أو يجراله حاجه
نفيسه بهدوء وهي بتحاول تقنعها : قولتلك هتيجي عربيه تانيه بعد مسافه وتنقله للمستشفى وانا قولتلهم ما يضر.. بوش نار غير على دراعه
نور بخوف : بـ... ب.. س
نفيسه بحده : مبسش قوليلي هتعملي ايه بعد فتره لما أكرم هيسأل على ابنه هتقوليله مكنتش حامل اساساً؟؟.. هتقوليله ايه وريني؟؟؟
نور ببكاء : طب انتي بتساعديني ليه؟
نفيسه بجمود : عايزه الصراحه؟؟.. عشان تا.. ر بنتي اللي اخوكي عشمها فيه وحبته عشان اخوكي التاني اللي ودع وساب بنتي تتمرمط بسببه وعشان اهلك اللي سجنوا بنتي!!...الاختيار عندك يا نور عايزه تطلقي وتتر.. مي هنا في البلد دي مع اهلك اللي فلسوا.. ولا عايزه جوزك وكمان ابن اللي انتي محرومه منه و عايشه في بلد بره مع جوزك اللي بتحبيه!!
نور : انا انا عايزه أكرم وابن واعيش مع أكرم وانا أساساً نهر مش بحبها كنت بلعب عليها عشان انتقم منها لمو.. ت اهلي بسببها وحال الباقي واخويا اللي سابنا بسببها بس مش عايزه زياد اخويا يتأ.. ذى
نفيسه بابتسامة : وده وعد مني اهو زياد اخوكي مش هيجراله حاجه يلا كملي تنفيذ خطتنا !!
نور : حاضر
كانت قاعده في الصاله وهي ماسكه سبحتها وقاعده قلقانه مستنيه مكالمه ابنها وبتدعي ربنا يردهم بسلامه مع حفيدها
: ماما
حسينه بخوف : ايوه في ايه؟؟... في اخبار عن زياد ونهر؟؟
نور بتمثيل الخوف : لا مفيش بس انا خايفه عليهم اوي ومر اكتر من 8 ساعات ومفيش أخبار عنهم انا هروح بطريق القاهره يمكن الاقيهم
حسينه بخوف : لالالالالا مستحيل اسيبك يا بنتي وانتي بنت لوحدك تمشي انتي امانه عندي لحد ما تسافري لجوزك!!
نور بقلق أن خطتها تفشل : يا ماما بس
حسينه بجمود : مبسش يا نور وامشي ما توترينيش زياده كفايه عليا زياد ونهر
نور بتنهد : حاضر يا ماما!!... وبتروح على اوضتها
نفيسه : قالتلك ايه؟؟؟
نور بخيبه : رفضت طبعا
نفيسه بتفكير : طب بصي انا هطلع عند حسينه وهحاول الهيها وانتي اطلعي من باب المطبخ الوراني وفي بدايه البلد هتلاقيكي عربيه الراجل اللي مأجراه
نور بفرحه : ماشي هروح على طول!!... بس مش يمكن يشكوا فيا بعدين
نفيسه بتفكير : سيبيلهم رساله كده انك قلقانه على اخوكي ومراته وهتطلعي تشوفيهم لأنهم اتأخروا وهترجعي... ويلا اتحركي بسرعه!!
بتتحرك على المطبخ ونفيسه بتدخل عند اختها وهي عامله نفسها بتوأسيها وتطمنها
نور بتوصل عند أول البلد وما بتلاقيش عربيه بتمشي مسافه بتلاقي عربيه وقفت جنبها
الراجل : مدام نور.؟
نور بفرحه وهي حاسه انها اجتازت أصعب خطوه : ايوه انا.. وبتفتح الباب وبتركب ورا والعربيه بتمشي بيهم لحد ما بيوصلوا للقاهره وبينزلها في بيت شكله مخيف
نور بخوف : اييييييه ده؟؟... دي مش المستشفى!!
الراجل بهدوء : المدام ولدت هنا وجبنالها دكتوره معرفه لانو لو اخدناها المستشفى هيبقى علينا دليل
نور بفرحه : ايييييييييييه ولدت؟!!
الراحل بيومئ لها بأيوه نور بتنزل من العربيه وهي بتجري بسعاده وبتدخل بتلاقي نهر متخد.. ره في سرير والطفل الصغير جنبها وبيعيط والدكتوره بتحاول تسكته بس مش عارفه
الدكتوره : ليا مسافه بحاول اسكته انا والرجاله بس مش راضي يسكت
نور بتشيله بفرحه لما تشوفوا وبيسكت على ايديها وده بيفرحها زياده وبتحس انها تملكته
نور بفرحه وهي شايلاه و بتبص على نهر بحقد : ابني... انت ابني انا..... ابني انا وبس!!
#لست_من_نسلي البارت الـ 15
هعيط معاكوا على اللي حصل ده في نهر وزياد اللي اتغدروا للمرة الألف 😭💔
