رواية في عصمتي بلوة الفصل الرابع 4 بقلم زهرة الربيع
#في_عصمتي_بلوه_4
رشاد كفايه احنا في المطبخ لاحسن حد يدخل
في الوقت ده دخل ابوه ومراته وهي بتقول له... تعال اتصرف معاه و
بس قطعت جملتها لما شافت المنظر واتصدمت هيه والعمده
رباب داست على رجل رشاد بسرعه اللي كان مغيب اصلا ومش حاسس
و اتصدم وبقى يبص لابوه بتوتر شديد
رباب نزلت عيونها في الارض بكسوف وهي هتموت مكانها ومرات ابوه قالت.... الله الله هيه حكايه كده...مشيتني من المطبخ وقليت ادبك عليا علشان تاخد راحتك انت والهانم طب ما انتم عندكم اوضتكم
رشاد بلع ريقه بارتباك وقال.... الحكايه مش كده يا ابوي انا هفهمك اللي حصل
ابوه ضحك وقال...الي حصل واضح على العموم البيت بيتكم بس خدوا بالكم عشان في خدم طالعه داخله ها
وشد مراته من ايدها اللي كانت بتزعق معاه وبتقول له يتكلم مع ابنه بس ما ردش عليها اخذها ومشي
رشاد بص لرباب عايز يكلمها بس دفعته وقالت غضب ...انا قلت لك احنا في المطبخ لكن ما بتفهمش لازم تفضحنا عاجبك كده ...وطلعت على الاوضه وهي هتموت
رشاد اتنهت وطلع وراها
واول ما دخل لقاها قاعده على السرير بكسوف ودموع قرب منها وقال بضحك... انتي زعلانه ليه دلوقتي هم قفشوكي مع واحد في القصب انا جوزك سواء هناء او في المطبخ او في الحمام او في الشارع حتى.. جوزك يا هبله
رباب قالت بارتباك.... انت سهل عليك المواضيع دي ومتعود عليها ...ياما بتتقفش كده ..لاكن انا لا وقلت لك خلينا في اوضه
رشاد ضحك وقال.... اصل ساعه الحظ ما بتتعوضش ...وبعدين هو انت راضيه بحاجه في اوضتنا
رباب ضحكت بخفه وقالت... انت مجنون اصلا وهتجيب لي بلوه
بقلم....زهرة الربيع
رشاد قرب منها قوي وقال.... ما تخلينا نكمل اللي كنا بنعمله تحت
رباب بعدت بسرعه وقالت.... لا ما هنعملش حاجه واتلم بقى روح افطر مع ابوك و كفايه فضايح
رشاد قال .... يا بنت ابويا مين ده وقته..و بعدين ما تلبسيش العبايه السمراء دي وتنزلي بها تحت تاني
رباب قالت بدلال ليه مش عاجباك
شدها عليه بقوه وقال.... لا عجباني وتعجب اي حد بس ضيقه قوي ..بتشعلل ناري.. لاهو باين ولا متداري
رباب ضحكت جامد وقالت ....حاضر ما هلبسهاش تاني
رشاد قال ..تسلملي كلمة حاضر من شفايف... واه من شفافك
رباب اتوترت قوي من كلامه وقربه ورشاد حس بتوترها وقال... انا عارف انك خايفه مني يا رباب ...وفاكره اني بتسلى واني ممكن اخونك هنا وهنا بس وحياه عيونك انا ميت عليكي و ماجاي على بالي اي مره غيرك .. بفكر فيكي ليل ونهار...يعني لو ممكن ناخد فرصه مع بعض وتبقي عيلتي وكل دنيتي ...نفسي اجيب منك عيل يشبهك وارتاح في حضنك من المرمطه والحرام ده
رباب كانت بتبص لعيونه الي واضح فيهم صدق كلامه بس حاسه بارتباك شديد قالت.... انا...
بس رشاد قاطعها و حط صباعه على شفايفها وقال...انا عارف انك لسه خايفه ومش هتطمنيلي بسهوله وحقك مش لايمك على حاجه..وخدي وقتك مش هصر عليكي ولا اضايقك
وسابها وبعد ولسه هيمشي مسكت ايده وقربت منه وقالت بكسوف.... بس انا مطمنالك يا رشاد...معارفاش ليه بس حاسه عيونك مكدبتش عليا و حاسه انك عايزني فعلا وبتحبني زي ما انا....
ونزلت عيونها في الارض بكسوف
رشاد اندهش وكان في قمه السعاده رفع وشها ليه وبص لعيونها بشوق وقال....قوليها ..قولي اللي في قلبك يا رباب نفسي اسمع
رباب عضت على شفتها بكسوف وقالت....حالي من حالك يا ابن العمده
رشاد مصدقش نفسه لما قالت كده وشالها من وسطها وبقى يلف بيها بسعاده وقرب بيها على السرير وقال... يبقى نتفاهم عاد
رباب ضحكت جامد وقالت بكسوف... نتفاهم
قرب منها وانسجموا مع بعض واستسلمو لمشاعر كانت اقوى منهم بكثير
تحت كانت مرات ابوه هتتجنن من اللي حصل وشدت بنت في العشرينات على اوضه مقفوله دي بهانه بنتها وقالت بغضب وانتي يا خيبتها هتفضلي كده لميته الاول راح اتجوز غيرك ودلوقتي مستنيه لما تخليها هانم علينا
بهانه قالت بارتباك ....وانا هعمل ايه ياما ما انتي عارفه ان رشاد مشايفنيش واصل ...قال انا زي اخته ده على اساس معتبرك امه عشان يعتبرني اخته... ده ما بيطقكش على الارض
امها قالت بغضب ...طب خلاص يا اختي انت بتقطميني ولا ايه.... اسمعي انا مش هيتني لحد ما الهانم دي تبقى ست الدار واحنا قاعدين...لازم تطلق منه النهارده قبل بكره
بهانه قالت باستغراب... واحنا نقدر نعمل ايه ياما
امها ابتسمت بخبث وقالت... نقدر نعمل كثير ...اسمعي بقى هنعمل ايه واحفظي كويس
وبدأت تحكيلها خطتها الخبيثه
عند رباب كانت نايمه في حضن جوزها وبيضمها بسعاده وقال... اخيرا يا بت.... والله ما مصدق اخيرا دخلنا القلعه وشوفتك وانتي قا،،لعه
رباب شهقت بزهول من وقاحته وقالت.... ايه قله الادب دي يخرب بيتك ..ده كلام
رشاد ضحك من قلبه وقال.... بتتكسفي ولا ايه بتكسفي بعد اللي حصل ازاي
رباب نزلت عيونها بكسوف وقالت...اتلم بقى
رشاد ابتسم وضمها لقلبه وقال.... ربنا يخليكي ليا انا مبسوط بيكي قوي.. مش مصدق السعاده اللي انا فيها
رباب بصت لعيونه وقالت.... ان شاء الله بس اكفيك يا رشاد لان لو عملت حركه كده ولا كده هيبقى اخر يوم بينا..لا هيبقى اخر يوم في حياتك كلها
رشاد ضحك وهو بيضمها ليه وقال....وحياة عيونك ما عايز غيرك من الدنيا خلاص توبه...بس خليكي جاهزه بقى لان ما هيبقاش فيه غيرك
رباب قالت بدلال.... انا دايما جاهزه
رشاد عض على شفته وقال..انا كمان جاهز و لسه هيشدها عليه قامت بسرعه وجريت على الحمام وقالت اخذ دش وارجع لك
رشاد قال بغيظ...كده يا رباب...لا واضح من اولها
رباب ضحكت ودخلت الحمام وهو فضل مستنياها لحد ما تطلع
شويه طلعت وبقت تلبس هدومها وعبايتها ونقابها
رشاد بص لها استغرب وقال ....هتلبسي ليه
رباب ضحكت قالت...هروح اشق على امي ما انت عارف اني كل يوم لازم بروح لها ساعه
رشاد قال ...بس انا انهارده فكرت نفضل سوا
رباب ابتسمتلو ابتسامه جميله وقالت..معلش ساعه بس لتكون تعبانه
بقلم...زهرة الربيع
رشاد اتنهد وقال ماشي الامر لله بس ما تتاخريش هتوحشيني
رباب قالت ابتسامه...ساعه واحده و هارجع على طول
رشاد قرب منها وحاوط وسطها وقالت.... خليها ساعه الا ربع ولا ساعه الا نص
رباب ضحكه وقال ....ساعه الا نص ...حاضر هاحاول ..وباسته برقه من شفايفه ولسه هتبعد شدها بقوه وجنون وشغف
سند جبينه على جبينها وقال.... هو مينفعش امك هي اللي تاجي
رباب ضحكت وقالت.... وبعدين بقى
رشاد اتنهد وقال... طب خلاص هستناكي هنا لحد ما تاجي
رباب قالت بغمز... على الله تستناني لوحدك ها
رشاد ضحك وباسها برقه وقال.... لا خلاص مبقاش ينفع للقلب غيرك
رباب بصتلو بابتسامه وحضنتو بقوه ومشيت وهو دخل ياخد دش هو كمان
تحت كانت مرات ابوه واقفه عند الشباك من اطلاله البيت مستنيه رباب لما تخرج من البيت
بعد شويه شافتها طالعه من البيت وطلعت من الجنينه كلها
ابتسمت بسعاده وجريت على بنتها وقالت.... شوفي هتطلعي على اوضتك دلوقتي وتعملي زي ما قلت لك بالحرف
البنت قالت بارتباك... انا خايفه قوي ياما
امها قالت بغضب... يا بنت اسمعي الكلام انا معاكي يلا ما تخافيش
وفعلا بهانه طلعت على اوضتها ومرات ابوها مسكت التليفون وبعتت رساله لرباب كانت كتبهالها بهانه لانها مش بتعرف تكتب كانت محتواها... جوزك استنى يطلعك من البيت وبيلعب بديله ارجعي بسرعه وووووو
