رواية الحب والحياة الفصل السابع 7 بقلم ندا
"7"
سامح : قولي الحقيقة ي تقي انتي بتحبيه
تقي : غصب عني ي سامح بس والله انا ما عملت حاجة غلط
سامح : وانا واثق فيكي ي تقي والدليل على كده ان انا بسيبك تخرجي براحتك من غير ما اقولك حاجه لان انا عارف انك عمرك ما هتخوني ثقتي والاهم من كده انا اللي مربيكي وعارفك كويس
تقى : طب ممكن دلوقتي تقولي انت دايما بترفضه ليه
سامح : انا برفضه عشان اعرف لاي مدى هيتحملك وهيتحمل ان يبقى بعيد عنك
تقى : قصدك ايه
سامح : انا بعمل كده قصدا انا عارف انه محترم وجدع وجاهز من كل حاجه بس انا مقدرش ان انا ادي اختي الوحيده واللي بعتبرها بنتي لاي حد لازم اكون واثق انه هيحافظ عليها وانا دا كله هشوف اذا كان فعلا هيتحمل رفضي له ولا هينساكي ويبعد عنك
تقي : بس هو جالي كتير انا خايفة بجد انه يزهق ي سامح ويبطل ييجي
سامح : متخافيش ي قلب سامح انا عارف انه بيحبك وهيرجع تاني يطلبك مني وحتي لو محصلش يبقي دا مكنش خير ليكي من الاول ي تقي ومكنش نصيبك
تقي : طب توعدني انه لو جه اتقدم تاني توافق المرة دي
سامح : ماشي ي ستي مع اني عارف ان دا اكيد هيحصل هو مش هيصبر وهلاقيه جايلي بكرة تاني
تقي : انت وعدتني
سامح : وانتي عارفة اني اد وعدي وهوفي بيه
تقي : اتفقنا دلوقتي بقي تاخد بعضك وتدخل تنام ع شغلك وانا كمان هقوم لاني هبقي اروح بكرة لاميرة ع اتطمن عليها
سامح : تمام تصبحي علي خير
تقي : وانت من اهل الخير
دخل ينام وهي كمان دخلت وبكدة مرت الليلة علي ابطالنا فيهم اللي مبسوطين وفيهم اللي زعلانين بس هل ياتري هيطول الزعل دا
🌹🌹🌹🌹🌹🌹🌹🌹🌹🌹🌹🌹🌹🌹
تاني يوم صحيت ندي من النوم هي واميرة ودا طبعا بعد ما مني حاولت معاهم كتير وجهزوا نفسهم وخرجوا لها
مني : اخيرا انتوا دايما كدة تسهروا وتغلبوني بصحيانكم
ندي : تعيشي وتصحينا ي منمن
اميرة : انا عاوزة اروح البيت اجيب هدوم ليا لاني مش هينفع اقعد بالهدوم دي
مني : وهدوم موجودة ليه ادخلي البسي اللي انتي عاوزاه من جوة لكن مرواح للبيت دا انسي ي اميرة
اميرة : بس
ندي : مفيش بس ي اميرة اسمعي الكلام ويلا نفطر
سمعوا صوت الجرس وخبط علي الباب وراحت ندي فتحت وابتسمت اول ما شافت تقي وهي جاهزة قدامها
تقي : ها فطرتوا واللا جيت في الوقت الصح
مني : تعالي ي لمضة لسة مأكلناش
دخلت لجوة وبعدها قفلوا الباب وقعدوا علي السفرة كلهم وبدأوا يفطروا مع بعض
تقي : قوليلي بقي ي اميرة عاملة اي دلوقتي
اميرة : الحمدلله بقيت احسن
ندي : بس انا رأيي انك متجيش النهاردة الجامعة وترتاحي شوية
اميرة : لا انا عاوزة اخرج انا مبحبش جو القاعدة هكون افضل وانا في الجامعة
مني : اللي انتي عاوزاه ي حبيبتي كلوا كويس ع تعرفوا تركزوا
رجعوا تاني للاكل واول ما خلصوا خرجوا هما الثلاثه ع يروحوا الجامعة اما مني فراحت لاسماء تقعد معاها
🌹🌹🌹🌹🌹🌹🌹🌹🌹🌹🌹🌹🌹🌹
كان آدم قاعد في كافيه قريب وبيبص في ساعته وباين انه مستني حد ومستعجل فجأة دخل واحد وقعد مقابل ليه
آدم : انت لو مكنتش جيت كنت همشي ودي كانت هتبقي آخر فرصة ليك
_ما تهدي كدة ي آدم انت عارف اننا عمرنا ما هنستغني عنك
آدم : وعاوزك تفهم اني عمري ما ارجع للشغل دا انا علي ما صدقت اني بعدت عنه
_آدم اسمعني احنا محتاجينك
آدم : وانا مش هرجع انا خسرت كتير في الشغلانة دي ومش هخسر تاني
_ي عم ما تفهم بقي الشغلانة دي طبيعي ان يبقي فيها خساير وانت عارف دا اكتر واحد فينا ي آدم
آدم : وانا مقولتش حاجة خسرت اللي خسرته بس انا مش هسمح ان اخسر حاجة تانية
_يعني دا اخر كلام عندك ي آدم
آدم : انت اللي مش فاهم ي امجد دي كانت حياتي وانا خسرت حياتي من بعدها مش هسمح ان المأساة تتكرر ابدا
امجد : يعني قرارك زي ما هو
آدم : انت الكلام معاك علي الفاضي انا ورايا شغل
قام آدم من مكانه وهو حاسس بالحزن من تذكره للماضي اللي حاول انه يهرب منه وينساه بس مش قادر
🌹🌹🌹🌹🌹🌹🌹🌹🌹🌹🌹🌹🌹🌹
في شركة قريبة كان شغال بكل طاقته لحد ما قاطعه دخول وحدة الشركة ووقفت قدامه بصلها ببرود بان علي ملامحه
_صباح الخير
احمد : صباح الخير في حاجة حضرتك
_لا بس حبيت اجي اصبح عليك ع اكمل يومي
احمد : تمام وحضرتك صبحتي ممكن تسيبيني اكمل شغلي
_انت مالك بتكلمني كدة ليه ي احمد
احمد : استاذ احمد ي انسة سهام قولتلك ميت مرة
سهام : وانا قولتلك هناديلك باللي انا عاوزاه
احمد : لو سمحتي اتفضلي انا عندي شغل كتير
سهام : انت عمرك ما هتتغير دايما بتعاملني كدة دا كله ع بحبك
احمد : وانا قولت لحضرتك انا بحب وحدة وهنتجوز قريب اي اللي مش مفهوم في الموضوع دا
سهام : وياتري مين دي اللي بتساويها بيا انا
احمد : انا مش بساويها بيكي لانها عندي مش زي حد
سهام : انت عارف ي احمد اني ممكن أأذيك
احمد : تقدري تعملي اللي انتي عاوزاه انا كلامي واضح وطلبت منك انك تشوفي نصيبك بعيد عني بس انتي اللي مصرة علي اللي بتعمليه
سهام : انا ممكن اخلي بابا يمسكك مدير الشركة دي كلها لو عاوزة بس انت وافق
احمد : اوافق علي اي انا بقولك هتجوز قريب وبحب وحدة عاوزاني اعمل اي يعني وبعدين انا مش هسيبها لو ع ايه ومش عاوز ابقي مدير ولا غيره انا راضي باللي انا فيه
سهام : يعني دا اخر كلام عندك ي احمد
احمد : بعد اذنك انا عندي شغل ومش فاضي
مشي وسابها وهي حاسة بالعصبية والحقد من البنت اللي بيقول عليها واللي هي تبقي تقي طبعا
سهام : ماشي ي احمد ي انا ي انت بس في الاخر هترجع وتقول ياريتني كنت معاكي وانا مش هسيبك للبنت دي انا مترفضش ع وحدة زي دي
#الحب_والحياة
#بقلمي_الكاتبة_ندا
