رواية مسلم والاسلام الفصل السابع 7 بقلم شهد احمد
7
وبعد شهرين كده ومسلم مع ابوه الشيخ طه وهما بيراعوا الغنم حصل أنه عمر شاف مسلم ف راح عنده وقال مسلم
مسلم. عمو عمر
عمر. بفرحه ابشر ي مسلم حمزه خف وبقا كويس وكمان زوجتي بقت حامل
مسلم. بسم الله ماشاء الله تبارك الله شوفت قدره ربنا شوفت ربنا غير قدرك ازاي
عمر. شوفت وده بفضلك انا بشكرك لولاك مكنتش فوقت ل نفسي وقربت من ربنا وفضلت اقول الذكر لحد ما ربنا فرج همي ويسر امري وفضلت متذكر كلامك وبقا عندي ثقه وامل في ربنا والحمد لله ربنا استجاب
مسلم. الحمد لله والف مبروك علي النونو اللي جاي
عمر. الله يبارك فيك لو كنت أعرف أنه هشوفك انهارده كنت جبت ليك حاجه حلوه كده كهديه بسيطه ليك
مسلم. هديتي انا خدتها ي عمو
عمر. خدتها ازاي يعني مش فاهم
مسلم. لما قربتك من ربنا دي هديتي ولو عايز تديني هديه فعلا ادعيلي ي عمو اني ادخل الجنه لانه الجنه حلوه اوي وانا عايز ادخلها
عمر. اكيد ي حبيبي هدعيلك وربنا يرزقك الجنه والفردوس الاعلي من الجنه
مسلم. اللهم امين يارب العالمين تعرف ي عمو عمر الجنه فيها حاجات حلوه كتير وفضل يحكي ليه عن الجنه
عمر. بتأثر الله ي مسلم مكنتش متخيل انها حلوه كده ي رب ارزقنا الجنه
مسلم. ي رب وان شاء الله هاجي بكره مع بابا يبقا هات حمزه وخليني اشوفه
عمر. اكيد ي مسلم ده انت معرفتك كنز ي حبيبي وانا هكون مبسوط أنه انت وابني تكونوا أصحاب وتعلمه من الحاجات اللي انت عارفها
عمر. واتفقنا ي مسلم هجيبه معايا بكره وبعدها مسلم مشي وراح عند الشيخ طه
الشيخ طه. مين الراجل اللي انت كنت واقف معاه ده
مسلم. ده عمو عمر وحكا ل طه كل حاجه عن عمر
الشيخ طه. بارك الله فيك ي حبيبي انا مبسوط منك وحضنه وباس رأسه وقال هو ده ابني الممتاز اللي هيدخل الجنه.
مسلم. ي رب ي بابا
مينفعش ي بنات نقول شاطر ،،، شطور ،،، شطوره لانه الشطر من الشيطان .
عند ساره كانت في الكتاب وحفظت البنات وسمعت ليهم وجاء وقت الدرس وقالت هنتكلم عن العلاقات المحرمة اللي هيا علاقه الولد مع البنت وده حرام ي بنات
لما البنت بتكلم شاب من وراء أهلها بتكون خايفه ل يعرفوا طيب مخوفتيش من أنه ربنا شيفك وعالم باللي بتعمليه ده ربنا مطلع وشايف احنا بنعمل اي مخوفتيش منه لي ده عقاب ربنا أكبر وأشد من عقاب اهلك لما يعرفوا
لازم البنت تغض البصر ومفيش حاجه اسمها انا علي علاقه ب ولد حتي لو صاحب ده مينفعش وربنا نهي عن العلاقات بين الولد والبنت طيب مفكريش أنه ممكن ربنا يقبض روحك وانتي بتعملي الذنب ده مخوفتيش مفكرتيش هتقابلي ربنا ازاي وهتقوليله اي هتقولي اسفه عند ربنا مفيش حاجه اسمها اسفه خلاص قضي الامر كان عندك وقت كبير وانتي ضيعتيه في الذنوب والمعاصي والابتعاد عن ربنا فوقي ل نفسك واوعي تعملي كده اوعي تزعلي ربنا علشان لحظه ضعف وطيش منك وفي الاخر صدقوني ي بنات الراجل لما بياجي يتجوز مستحيل يختار اللي كان بيكلمها هيقول زي ما كلمتني وخانت ثقه أهلها اللي ربوها طول حياتها وصرفوا عليها وكانوا بيجيبوا ليها كل حاجه خانتهم طيب ازاي مش هتخوني ده هيا ي دوب عارفاني من قريب ومش هيكون عنده ثقه فيها ويوم لما يفكر يتجوز مش هيتجوزك مش تضحكي علي نفسك وتوهمي نفسك ي حبيبتي انتي غاليه وقوي كمان مترخصيش نفسك ده احنا اتوصفنا بالمؤنسات الغاليات يعني ازاي تاجي انتي وترخصي نفسك ؟ تقبلي علي نفسك أنه حد ياجي وبقولك ده انتي بنت رخصيه لا وحسيتي ب اي وهو بيقولها اكيد الكلمه وجعتك صح يبقا اوعي تخلي حد يرخص فيكي ولا ترخصي في نفسك اوعي وفوقي لنفسك وادعي ربنا بالزوج الصالح وهياجي صدقوني مهما اتاخر بس هياجي بكرم ربنا ورزقه مش بالحرام الحرام عمره ما هيجيب زوج صالح عمره وحتي لو اتجوزتوا علي طول هيكون فيه مشاكل وخناق ممكن توصل للطلاق ومش هطيقوا بعض لانكم عطيتوا بعض المشاعر الحلوه قبل الزواج فخلاص خلصت هتجيبوا منين ؟ وإذا كانت البدايه لا ترضي الله ف اكيد النهايه لا ترضيك فكر كده فكري خدي وقتك اي استوعبتي ولا اقول كمان ؟ نقول كمان علشان نفوق البنت لازم تتقي الله في نفسها علشان ربنا يرزقك الزوج الصالح لكن لو مش اتقيتي الله هتجوزي واحد يطلع عينك ض،رب واها،نه وقله كرامه طيب ولي وعلشان اي ؟ علشان حب وما يغور الحب اللي يقلل من كرامتك ويخليكي رخصيه بذنوبك دي مش هياجي ليكي زوج صالح ابدا كفياكم غفله خلي ديما في باللك أنه ربنا بيرقبك ده انتي لو لقيتي حد من أهلك بيراقبك مش هتفكري تعمل الذنب ما بالك ربنا هو اللي بيرقبك خافي ربنا وربنا يرزقكم الزوج الصالح ي بنات
البنات . اللهم امين ي رب العالمين.
وبعد ما خلصت روحت البيت وعملت الاكل واستنت طه ومسلم ياجوا وبعدها أكلوا وطه حكي ل ساره عن اللي مسلم عمله وساره كانت مبسوطه
وقعدت حفظت مسلم وبعد ما حفظ مشي مع أبوه علي الكتاب
والشيخ طه سمع ليهم وحفظهم وقال درس النهارده عن [فضائل لا إله إلا الله]فهيَ كلمةُ التقوى وهي كلمةُ الإخلاصِ. وشهادةُ الحقِّ. ودعوةُ الحقِّ. وبراءةٌ من الشركِ، ونجاةُ هذا الأمرِ. ولأجلِهَا خُلِقِ الخلقُ.
ولأجلِهَا أُرسلتِ الرُّسلُ وأنزلتِ الكتبُ ولأجلِهَا أُعدَّتْ دارُ الثوابِ ودارُ العقابِ. ولأجلِهَا أُمرتِ الرسلُ بالجهادِ، فمنْ قالَها عصمَ مالَه ودمَه، ومن أباها فمالُه ودمُه هدر. وهي مفتاحُ الجنةِ. ومفتاحُ دعوةِ الرسلِ. وبها كلَّمَ اللَّهُ موسى كِفاحًا. وهي: ثمنُ الجنةِ. وهي: نجاة من النارِ وهي: توجبُ المغفرةَ. وهي: أحسنُ الحسناتِ وهي: تمحو الذنوبَ والخطايا وهي: تجدد ما درسَ من الإيمانِ في القلبِ . وعليكم بقول لا اله الا الله
الاولاد. كلهم لا اله الا الله
وبعد. 5 شهور. ولدت ساره وجابت ولد اسمه ابراهيم وبنت اسمها حفصه تؤام ومسلم كان مبسوط بيهم
الشيخ طه. الف حمد وشكر ليك ي رب والشيخ طه قرر أنه يذبح من المعيز ويفرق علي المحتاجين والفقراء وفعلا عمل كده ومسلم وأصحابه كانوا بيساعدوا الشيخ طه
ساره. كانت مع الاولاد ونادت علي مسلم يشيل حفصه عقبال ما تسكت ابراهيم لانه كان بيعيط
مسلم. حفصه حبيبتي ي صغنونه ي حلوه وفضل يبوس فيها ويلعب معها ويقولها امته تكبري شويه بقا علشان العب معاكي انتي وإبراهيم.
الشيخ طه. مسلم يلا علشان نروح الكتاب
مسلم. حاضر ي بابا واخده طه ومشي وهما في الطريق حصل أنه الشيخ طه شاف صالح وكذلك صالح
صالح. ازيك ي شيخ طه واخبار الولد اللي كلفتك بيه الست المسيحيه في تربيته وهو فين ولي مش جبته طول السنين دي وجيتوا تزرونا
مسلم. كان واقف وقال مين ده ي بابا اللي بيقول عليه عمو ده انت معندكش ابن غيري يعني اي هو انا مش ابنك ولا اي انا مش فاهم حاجه
صالح. يبقا انت مسلم صح
مسلم. ايوه انا مسلم بس انت مين وتعرفني منين ؟
الشيخ طه. عن اذنك ي صالح دلوقتي ويبقا نتكلم بعدين
صالح. تمام عن اذنك
الشيخ طه. يلا ي مسلم نروح الكتاب
مسلم. انا مش هتحرك غير لما اعرف الحقيقه ومين الولد اللي كان بيتكلم عليه الراجل ده ومين اللي اتكلفتوا بتربيته وهو فين ومنين الراجل ده عارف اسمي ؟
الشيخ طه. هقولك على كل حاجه بس نروح الكتاب نسمع ونحفظ الاولاد وبعدين نروح واحكيلك علي كل حاجه
وفعلا راحوا الكتاب والشيخ طه سمع وحفظ الاولاد وقال ليهم النهارده مفيش درس ديني والاولاد زعلوا والشيخ طه قال هيعوضهم ب درسين مع بعض
وبعدين اخد مسلم وكانوا في طريقهم إلى البيت وطول الطريق الشيخ طه بيفكر ويقول إنه خلاص جاءت اللحظه اللي كنت خايف منها ي رب خليك معانا وبعد ما وصلوا
مسلم. سمعت الكلام اهو قولي بقا الحكايه كلها انا عايز اعرف
ساره. في اي ي مسلم فيه اي ي طه
الشيخ طه. قال جاء وقت الحقيقة ي ساره
ساره. قلبها دق بخوف واي رد فعل مسلم
مسلم. يلا احكيلي
الشيخ طه. بص ي مسلم ي حبيبي انت عارف أننا بنحبك انا وماما صح
مسلم. صح بس اي دخله
الشيخ طه. في يوم كنت ماشي انا وامك وشوفنا أنه فيه وحده كانت بتقول الحقوني وتصو،ت ف امك صممت اننا نشوف في اي ولما روحنا خوفت ل يحصل معانا حاجه ف رحت خبطت علي البيت اللي قصاد بيت الست دي وكان صالح اللي شوفته من شويه وساعدنا ودخلنا شوفنا في اي ولما دخلنا شوفنا وحده مسيحيه كانت بتولد وما،تت وهيا بتولد وكلفت ساره بتربيته والولد ده يبقا انت ي مسلم
مسلم. بصدمه انا ،،،،،،،
ي ترا رد فعل مسلم اي ؟
#بقلمي_شهد_احمد
#مسلم_والاسلام.
