رواية مسلم والاسلام الفصل الرابع 4 بقلم شهد احمد
4
وفي يوم كان مسلم بيلعب مع اطفال كوره في الشارع وسمع الاذان وبرضوا كمل لعب ف لما الشيخ طه عرف حصل أنه نادي علي طه وقاله انا زعلان منك ازاي تسمع الاذان ومش تروح تصلي انت عارف أنه اللي بيأخر صلاته بدون عذر صلاته مش بتتقبل وعذرك انك بتلعب كوره وبتلهو من العبادات ده كده مش عذر اوعي تأخر صلاتك لاي سبب من الأسباب الشيطان بيضحك عليك وبقولك كمل لعب ي عم صلي بعدين هيا الصلاه هتروح فين إنما ده ماتش وممكن تخسر ويفضل يوسوس ليك وبكده انت خليته ينجح وشويه شويه هيبعدك عن ربنا ترضا انك تبعد عن ربنا ويزعل منك اكيد لا لانه وقتها هتحس بضيق ومخنوق وحتي الكوره اللي بتحبها هتكرها وهتبقا مش عايز تلعبها واي حاجه تطلبها من ربنا مش هتتحقق يرضيك كده ي مسلم
مسلم. انا اسف ي بابا مش هعمل كده تاني وهحافظ علي صلاتي
الشيخ طه. قبل ما تعتذر مني روح اعتذر ل ربنا واطلب منه يسمحك روح اتوضا وانت بتغسل اديك ورجليك استشعر الذنب اللي انت عملته خلاك مش تصلي وبعدها صلي ركعتين توبه بنيه أنه ربنا يسامحك ويغفر ليك وبعدها صلي الفرض اللي انت سبته بسبب لعبك واقعد استغفر ولو بتستغفر 100 زود 100 كمان علشان بعد كده الشيطان مش يوسوس ليك لما يلاقيك بتزود من الذكر والصلاه كل ما بتعمل ذنب كل ما هو هيمنعك من انك تعمل ذنب فاهمت ي حبيبي
مسلم. فهمت ي بابا وراح يتوضي وعمل زي ما أبوه طلب منه وراح صلي وزود من ذكره وفضل يدي ربنا يسامحه ي رب اغفر لي ي رب هب لي قلبا لا يتكاسل عن صلاتك ي رب هب لي قلبا لا يتكاسل عن ذكرك وفضل يدعي ربنا وبعد ما خلص راح يحفظ القرآن
مسلم. ماما تعالي حفظيني
ساره. حاضر ي مسلم تعالي وافتح علي سوره يوسف وفضلت تحفظ فيه حتي وهيا بتعمل الاكل مش قالت انا مش فاضيه ولا خليك لما اخلص لا وهيا بتعمل حاجه بتحفظ وخلصت الاكل وفضلت تحفظ في مسلم لحد ما حفظ وجاء وقت الغدا وقعدوا يأكلوا وبعدها طه اخد مسلم معاه الكتاب اللي فتحه وبيحفظ فيه الناس الشيخ طه بيدي دروس وبيحفظ الاولاد وساره بتحفظ البنات وبتدي ليهم دروس دينيه وده بيكون ب اجر بسيط خالص ومش بيصعب عن الناس لاجر علشان تاجي تحفظ وتعرف عن دينها وهدفه الأساسي بناء جيل يعرف دينه ودين الاسلام بشكل صحيح
الشيخ طه وصل الكتاب هو ومسلم وقعد يحفظ الاولاد ويسمع ليهم وسمع ل مسلم كمان وبعد ما خلصوا تسميع قال درس النهارده هو أنه هنتكلم عن الموت والقبر
اول حاجه لازم تخليها في بالك انك ممكن تموت في اي لحظه وعلشان كده لازم تعمل اعمال صالحه وتصلي وتبعد عن الذنوب لانه انت مش ضامن عمرك ممكن انك تموت وانت بتعمل ذنب ترضا انكم تموتوا وانتوا بتعملوا ذنب اكيد لا لانه وقتها هتدخلوا النار ف لازم طول الوقت تعمل اعمال صالحه تقرا القران ،،، تقول ذكر ،، تصدق علي الفقراء علشان لما ياجي ملك الموت ياخد اروحكم تكونوا صالحين وتدخلوا الجنه وبالمناسبة اسمه ملك الموت وليس عزرائيل اتفقنا
الاولاد. اتفقنا.
الشيخ طه. يبقا نكمل تعرفوا ي ولاد أن اللي مش بيصلي ولا بيقرا قران بعد موته بيتمني أنه يرجع إلى الدنيا تاني علشان بس يصلي ركعتين علشان يشفعوا ليه تعرفوا أنه بيبقا عايز يرجع علشان يقول ذكر او يقرأ القرآن أو يتصدق طيب لي منعملش كده علشان بعد ما نموت مش نتمني نرجع هم اموات ويتمنون لو يرجعون إلى الدنيا لكي يعملوا اعمال صالحه طيب وانت حي ترزق لي متعملش كل ده لي تستنا وتحط نفسك في اللحظه دي ده كده مصيرهم النار مفيش مفر إنما اللي بيموت وهو بيعمل عمل صالح بيدخل الجنه طيب تعرفوا أنه في حياه بعد الموت طيب اي الدليل يؤمنون بالبرزخ واليوم الآخر البرزخ ده اللي هو القبر قولنا انك لما بتموت والناس تمشي وتسيبك ل وحدك بياجي الملكين وبيسالوا من ربك ،، دينك اي ،، بتصلي ولا لا والملكين دول ي ولاد شكلهم بيكونوا مرعبين اووي بس فجاه بياجي القران علي هيئه نور بيضيك ليك القبر ويطمنك ويقولك خليك مطمن انا معاك انا صحبك ويفضل واقف معاك لحد ما تجاوب عن الاسئله دي يبقا القبر بيكون شديد الظلام بس اللي بيحفظ القران وبيسمعه القران بينور ليه قبره تخيلوا معايا كده وهو النور قطع فجاه ومفيش نور وفيه ظلال شديد اكيد هتكونوا خايفين ومرعوبين وهو نفس الكلام في القبر فلازم نلزم القران والورد وبعد صلاه الفجر نقرأ ولو سوره من القران ودي هتكون شهده علينا وقران الفجر كان مشهودا طيب نكمل ي حبايبي زي ما قولنا القران بينور القبر ويفضل معاك لحد ما تجاوب وبعدين يخدوك الملكين ويروحوا علي باب الجحيم ويقولوا ليك لولا عملك الصالح لاكان مصيرك جهنم ويقفلوا الباب وياخدوك الي باب الجنه ويقوله ليك ده مصيرك ف انت تطمن وتقول ي رب اقم الساعه ي رب اقم الساعه ما انت خلاص اطمنت وعرفت مصيرك ف انت عايز تدخل الجنه
ياسين. طيب ي شيخ اللي مش بيعمل اعمال صالحه ولا معاه قران بيحصل ليه اي
الشيخ طه. هقولك القبر بتاعه بيكون شديد الظلام ومش بيعرف يجاوب علي الأسئلة وبيفضل يتهته في الكلام ويقول هااا هاااا كل ما يتسال سؤال لانه مش عارف ي حبيبي مفيش عمل صالح مفيش قران مفيش ذكر فبيكون مصيره جهنم ولاعوذ بالله وي رب اجعلنا من اهل الجنه والقرآن إنما بقا الكافرين دول مصيرهم جهنم ويوم الحساب بيكونوا قريبين من الشمس اووي مفيش الا حاجه ضئيله جدا والشمس بتحرقهم فبيقولوا ي رب ادخلنا النار ما هم عارفين مصيرهم وأنهم كده كده هيتحرقوا في نار جهنم ولاعوذ بالله وي رب اجعلنا من اهل الجنه وابعنا عنا عذاب القبر وعذاب النار
الاولاد. امين يارب العالمين احنا هنحافظ علي الصلاه والقرأن والذكر وهنتصدق ي شيخ
الشيخ طه. بارك الله فيكم ي ولاد المهم تتعلموا وتعرفوا وتعملوا باللي عرفتوا بيه
الاولاد. اكيد ي شيخ طه
مسلم. ممكن تحكي لينا عن الجنه
الشيخ طه. يااه ي مسلم الجنه دي جميله اووي وان شاء الله الدرس الجاي هيكون عن الجنه موافقين
الاولاد. موافقين ي شيخ طه وبعدها الاولاد مشيوا وهما ماشيين ومعاهم مسلم
كريم. تعرفوا ي ولاد انا خوفت اووي لما الشيخ جاب سيره القبر ولما قال إنه شديد الظلام وانا بخاف من الظلمه ف هحفظ القران علشان ينور لي قبري لما اموت ويكون معايا
ياسين. وانا كمان هحفظ القران وهسمعه وهصلي
مسلم. تاجوا ي ولاد نلم فلوس من بعض ونديها لحد محتاج مساعده ونساعده مش بابا قال انه لازم نتصدق كمان يبقا نعمل كده مين معايا
الاولاد . كلهم قالوا احنا معاك ي مسلم وهنبدا من دلوقتي وكل واحد طلع الفلوس اللي معاه وجمعوها وهما ماشيين بالصدفه لقوا حد محتاج مساعده ف عطا لي الفلوس ومشيوا
ابراهيم. تعرفوا لما ساعدنا الشخص ده وعطاناه الفلوس حسيت براحه كده وفرحه من اني ساهمت في جزء من مساعدته
الاولاد. معاك حق ي ابراهيم واحنا أن شاء الله هنعمل كده علي طول وكل واحد روح بيته
ساره. جيت ي حبيبي اومال فين بابا
مسلم. لسه في الكتاب ي ماما انا جيت مع صحابي
ساره. ماشي ي حبيبي احكيلي عملت ايه واخدت اي
مسلم. سمعت سوره يوسف كامله واخدت سوره جديده وبابا فضل يحكي لينا عن الموت والقبر وأنه لازم نعمل اعمال صالحه علشان ندخل الجنه
ساره. هات بوسه ل ماما جاي ولد شاطر حبيب أمه
الشيخ طه. واي مش حبيب أبوه كمان ولا اي
مسلم. هههه انا بحبكم انتوا الاثنين وباس أمه وأبوه وقعد وسطهم وفضلوا يهزروا ويلعبوا معاه وفجاه ساره تعبت
مسلم. بخوف ماما مالك
الشيخ طه. مالك ي ساره في اي
ساره. متقلقوش دي دوخه بسيطه كده وهتروح
مسلم. طيب اقعدي وانا هروح اجيب مايه
الشيخ طه. بقيتي كويسه فيكي حاجه نروح للدكتور
ساره. بابتسامة كويسه وشربت المايه وكله تمام
وبعدها ناموا وعلي الفجر الشيخ طه صحا ساره ومسلم علشان يصلوا الفجر وبعدها قعدوا يقرءوا قران وبعدها ساره اخدت مسلم في حضن،،ها وقعدوا يسمعوا طه وهو بيرتل القران
مسلم. يااه ي بابا علي الراحه اللي بحسها وانت بترتل القران
ساره. وانا كمان بحس بكده وبحس براحه في البيت ربنا يبارك فيك ي شيخ طه وان شاء الله نتجمع مع بعض في الجنه
الشيخ طه ،،، مسلم. امين يارب العالمين.
وبعدها فطروا والشيخ طه ومسلم اخدوا المعيز وطلعوا بيها وساره نضفت البيت ورتبته وراحت الكتاب علشان تدي للبنات والأمهات قران ودرس ديني وبعد شويه كانت وصلت وبدءت في التسميع ليهم وحفظتهم
مريم. درسنا انهارده عن اي ي شيخه ساره
ساره. هحكي ليكم عن القبر و الموت وفضلت تكلم معاهم وتقول ليهم نفس الكلام اللي شرحه الشيخ طه
خديجه. ياااه ي شيخه ساره مكناش متخيلين ولا نعرف كل ده ي رب ادخلنا جميعا الجنه
كلهم. امين ي رب العالمين
ساره. اي رئيكم احكي ليكم عن بر الأبناء
خديجه. يعني اي
ساره. هقولك يعني تربيه الاولاد اول حاجه لما الام تكون حامل وتضع مولودها لازم تفكر في الاسم صح
جميله. ده اكيد يعني اومال مش هنسمي يعني هنخليه من غير اسم
ساره. ههه انا اقصد يعني وهيا الام بتختار اسم ل المولد بتاعها تختار اسم من الصحابه وأمهات المؤمنين علشان لما يكبروا يبقا كل واحد عارف قصه الاسم اللي شايله يعني مثلا ي خديجه انتي اسمك خديجه علي اسم زوجه الرسول وفضلت تحكي قصه السيده خديجه وكذلك ي بنات مع اسماء الصحابه مثلا ابو بكر في أنه صديق وفي للرسول وهكذا ي بنات ونحكي ليهم قصتهم تاني حاجه اني احاول اتواصل معاهم وادعمهم واكون صديقه ليهم قبل ما اكون ام علشان لما يكبروا يفضلوا قريبين منكم مش ينفروا منكم واي حاجه تحصل معاهم ياجوا ويقولوا مش يخبوا خليكم انتوا اصدقاء ل أولادكم بدل ما ياجي صحبه ويسحبه ويضله عن الطريق الصحيح ونحكي ليهم قصص الانبياء واوعك انتي كأم تقارني ابنك ب ابن حد تاني مع الوقت ابنك هيكرهك وهتربي عداوه بين ابنك والشخص اللي قاعده تقارنيه بيه اوعك ثم اوعك وديما ننصحهم ونوجههم للطريق الصحيح واقول حرام وحلال مش عيب ومينفعش واقول حرام علشان كذا وحلال علشان كذا واخليهم يصلوا ويقرءوا قران من وابني صغير اجيبه جانبي ب لعبه ويشوفني وانا بصلي ومع الوقت هيقلدني ويصلي وكمان لو ابني قالي علي سر أو أي حاجه وقالي متقوليش لحد اوعي تقولي انتي كده بتهدي ثقه ابنك فيكي إنما لو حفظتي السر هيثق فيكي وهيحكي علي كل حاجه ليكي ولازم احسس ولادي بالأمان وافضل اطمنهم واديهم حب واحضنهم مهما الطفل كبر هو محتاج حنان أمه وأبوه وحضنهم و ي رب تكونوا فهمتوا و وضح ليكي كلامي
عند مسلم والشيخ طه
الشيخ طه كان قاعد وحوليه المعيز ومسلم كان بيتمشي
وفجاه وهو ماشي حصل ،،،،،،
ي ترا حصل اي ؟
رئيكم وأكمل فيها ولا لا ؟ ي ريت اللي مش بيصلي يصلي وي ريت نكون بنعمل بالقصه والحاجات اللي عرفتوها زي الصلاه والوضوء وتربيه الاولاد لانكم هتتحاسبوا علي كل حاجه عرفتوها ولم تعملوا بيها وهدفي هو انكم تتعلموا وهكون مبسوطه لو غيرتوا من نفسكم وهدفي نشر الإسلام والدين الإسلامي 🥰واذكروا الله سبحان الله والحمد لله ولا اله الا الله والله اكبر اللهم صل وسلم وبارك على سيدنا محمد ❤️ ومع كل ذكر نخله في الجنه 🥰
#بقلمي_شهد_احمد
#مسلم_والاسلام.
