رواية موضوع عائلي الفصل الخامس 5 الجزء الثالث بقلم رحاب القاضي

 رواية موضوع عائلي الفصل الخامس 5 الجزء الثالث بقلم رحاب القاضي

#موضوع_عائلي 

"بيت الهنا" 

_الحلقه الخامسه 

ــــــــــــــــــــــــــــــــــــــــ 

‏مَن للدمُوعِ إذا فاضَت يواسَيها سوى ظلمة الليل بخلوة ودمعة تناجيه

عزالدين

يعني ايه برضو الكلام ده انا مش فاهم... 

حسن 

هو ايه اللي مش فاهمه بقولك الولد جاي من المنيا ومالوش مكان يقعد فيه، وصاحبي قصدني انه يقعد عندي اقعده فين بقي وسط بناتي يا عز ولا يقعد عندك انت في شقتك وانت قاعد.لوحدك.. 

عزالدين بغيظ

ما يقعد في اي مصيبه وانا مالي، حسن انا ما بحبش حد يعيش معايا ده طارق اللي هو بعتبره ابني لما بيقعد في شقتي فوق الساعه بطرده فعايز تجيبلي واحد غريب.. 

حسن بتنهيده طويله

مش غريب يا عز اعتبره زي ابنك، وانت مش هتدايق من وجوده الولد هادي جدا وزي النسمه مش هتحس بوجوده.. 

عز

حسن لو الواد ده ابنك من واحده تانيه قول ما تتكسفش اصلا فيه شبه مننا.. 

حسن 

لا نبيه اووي وبعدين اخرس انت هتلبسني مصيبه يا راجل انت، وخلاصة الكلام هتقعده معاك الاسبوع اسبوعين دول ولا حكايتك ايه؟.. 

عز بغيظ

يتنيل يجي بس تنبه عليه من اوضته للحمام ومن الحمام لاوضته وبس.. 

حسن

حاضر تعالي بقي نتعشي معاهم.. 

عزالدين

لا انا مش فاضي عندي معاد.. 

حسن 

معاد ايه ده؟.. 

عزالدين بتوتر

واحده كده من معارفي بس والله هسهر شويه نتعشي واروح.. 

حين قفل الباب وقال

ما فيش مرواح لاي مكان يا ديل الكلب انت، اتنيل ادخل قدامي يا عز.. 

عزالدين بحده

اتلم يا حسن انا مش طارق ابنك عشان تعاملني كده.. 

حسن 

والله ظلمت طارق بالتشبيه ده، ويلا يا عز نقعد نتعشي مع الراجل وانسي معادك ده... 

_ وراحو قعدو علي السفره وليلي كانت عماله تأكل زين في بوقه وعزالدين قاله بحده.. 

عزالدين

انت مشلول يالاا؟.. 

بصله زين بتوتر وقال

لا انا كويس بس اا.. 

قاطعه عز وقال

يبقي كل لوحدك يالااا.. 

حسن ضحك ضحكه صفراء وقال

ههههه بيهزر معاك يا حبيبي والله، وبعدين يا عز وانت مسافر زين ده كان متربي هنا.. 

ليلي وهي بتأكل زين 

بالظبط كده ده كأنه متربي هنا مش حته منك.. 

_سكتو كلهم ومسح حسن علي وشه بنفاذ صبر وعزالدين قال بعدم فهم.. 

عز

حته من مين؟.. 

رد عليه حسن وقال

قصدها علي صاحبي حته من صاحبي. 

ليلي بتوتر

ايوه بالظبط كده، هي البت ريناد فين انا هروح اصحيها اخليها تيجي تسلم عليك يا زين، بص ريناد ورضوي توأم وبينهم طارق وروان واخى العنقود بقي روفان وروز توأم برضو.. 

زين بأبتسامه هاديه 

بسم الله مشاء الله ربنا يخليهم ليكي.. 

روان بتلقائيه 

علي فكره يا زين ريناد متجوزه سيف ابن عمتو لمياء دي ما انصحكش تتعرف عليها لانها عمتك الحربايه.. 

بصلها عزالدين وقال

وهي هتبقي عمتو هو ليه؟.. 

ادركت روان اللي قالته وقامت بسرعه

هاا عمتو ازاي انا قولت عمتو ما قولتش انا عمتو... 

حسن بحده 

انتي مش كان عندك. كورس ايه اللي مقعدك ما تروحي.. 

روان بقلق

حاضر رايحه اهوو، فرصه سعيده يا زين.. 

زين بابتسامه هادئه

انا اسعد يا روان.. 

_مشيت روان وهما قعدو ساكتين وزين كان مركز علي عز الدين وهو مبتسم، فعز قاله بحده.. 

عزالدين

انت هتطلعلي بطاقه ولا ايه، في ايه يا ابني مالك بتبصلي كده ليه؟.. 

روفان بخبث

اصله ملاحظ ان في بينكم شبه.. 

ضحك حسن بقلق وقال

ههههه تصدق شويه يعني يخلق من الشبه اربعين.. 

عزالدين بسخريه

بقي السهتان ده فيه شبه مني، طيب ده انا ما كانش في حلاوتي اتنين ولا هتنكر.. 

حسن 

لا ما انكرش بس الحقيقه زين شكله اوسم منك كفايه الهدوء اللي هو فيه وانا واحد محروم من الهدوء في البيت.. 

قال زين وهو بيشاور علي روز

ازاي بس يا عمو ده انت عندك روز زي النسمه اهو.. 

حسن 

اهي دي بتفكرني برضوي لانها كانت هاديه وهي في سنها علي عكس ريناد اللي كانت شقيه شويه بس مش زي روفان لان روفان دي عدت حدود الشقاوه بسبب تربية ابوك. ليها.. 

عز بعدم فهم. 

ابو مين؟.. 

كتم. زين ضحكته وحسن قال بتوتر

يا نهار ازرق... اا ايوه يا ليلي انا جاي علي طول اهوو.. 

دخل حسن جوه وروفان قالت 

قولي يا زيزو انت مش حاسس ان زين ابنك.. 

ليلي بصوت عالي من جوه

تعالي هنا ياللي تنشلي في لسانك.... 

قامت روفان بسرعه وعزالدين قال 

وانت اهلك فين؟.. 

زين 

مسافرين.. 

عز

وهتشرفنا اد ايه؟.. 

زين بهدوء

اسبوع اسبوعين كده.. 

عز بضيق

ياريت اسرع من كده او شوفلك مكان تاني بيني وبينك انا مش بحب حد يقعد معايا.. 

ضحك بهدوء ورد عليه وقال

حاضر يا عز بيه.. 

عز بهدوء

عز بس يا حبيبي انا لا بيه ولا عمو اشطا.. 

زين بهدوء 

حاضر.. 

ــــــــــ #بقلم_الكاتبه_رحاب_القاضي ــــــــ

_ وفي بيت يونس اول ما سمع اللي قالته شهد اتعصب جدا وقالها.. 

يونس

اتكلمي يا شهد بدل ما اروح اخلي ليلتها سودا.. 

شهد بغيظ

ايوه والبت تقول عليا فتانه وهتبقي مبسوط انت.. 

يونس بحده 

انتي المفروض اصلا اول ما قالتلك كده كنتي قلعتي اللي في رجلك واديتيها بيه، دي بنت ولازم يتشد عليها.. 

شهد بهدوء

ما عملتش جريمه البنت وانا لو عملت كده هي بعد كده مش هتيجي وتحكيلي حاجه وممكن تغلط وتخاف تقولي بعد كده، وبعدين ما كل البنات في سنها بتحب وبتتحب ومشاعرها بتبدأ تتحرك وكده.. 

يونس بحده 

اهلاً والهانم بقي مشاعرها اتحركت لمين اول مره؟.. 

شهد بعصبيه 

هو انت هتسيب بنتك وتمسك فيا، اهدي يا يونس وانا هعرف اتصرف مع بنتي كويس.. 

يونس بغيظ

اقسم بالله يا شهد بنتك لو عملت اي غلطه ما هلوم غيرك وتقوليلها عيب اللي هي بتفكر فيه ده ولو ما سمعتش كسري دماغها وتفهم غصب عنها.. 

شهد بهدوء

حاضر بس ما تقولهاش اني قولتلك ولا حتي تتعامل معاها بعصبيه، سيبني اتعامل مع بنتي زي ما انا عايزه...

يونس بجمود

طيب يا شهد اما نشوف اخرتها.. 

شهد 

وحاجه كمان مالكش دعوه بأبنك ومراته يا يونس، بلاش تنكد علي ابنك.. 

يونس بخبث

هو انا عملت حاجه ما انا في حالي علي طول.. 

شهد بسخريه

انت تبقي في حالك ابداً، ده انت مايه من تحت تبن.. 

ضحك بهدوء وقالها

طيب سيبك من ولادك بقي وانزلي اعمليلي عشا حلو من ايديكي ونتعشي سوا هنا.. 

شهد 

لا لا عندي شغل الصبح وعايزه انام.. 

يونس بخبث

طيب بحيث كده بقي بلاش نغير هدومنا ونتعشي في البيت ويلا بينا نتعشي بره.. 

ابتسمت بهدوء وقالتله

عندي شغل يا يونس الصبح بقولك.. 

يونس

طيب ما انا كمان عندي شغل الصبح، بس عايز اقعد مع مراتي شويه من غير دوشة العيال والشغل والكلام ده.. 

شهد بهدوء

حاضر استني اظبط الحجاب بتاعي واجيب شنطتي واجيلك... 

يونس بهدوء

طيب هستناكي تحت.. 

ــــــــــ #بقلم_الكاتبه_رحاب_القاضي ـــــــــــ

_ وفي مكان هادي جداً علي النيل كان واقف طارق ودموعه ماليه عيونه ووشه فيه كدمات مؤلمه كحال قلبه الذي طُعنَ بخنجر الخزلان الملوث بسموم الخيانه، وافتكر اللي حصل من شويه بينه وبين عمرو صاحبه.. 

_فلااااش باااك.. 

عمرو 

اهدي يا طارق ارجوك عشان افهمك.. 

طارق بحده 

هتفهمني ايه بالظبط هتفهمني اني ممنوع ادخل الكافي بتاعي اللي ليا النص بالظبط فيه، ولا علي انك كنت ماسك ايد البنت اللي بحبها وبتخطبها من اهلها، افهم ايه بس؟.. 

عمرو ببرود

تفهم انك غبي وانك حققت حلمي وانت فاكر انك بتحقق حلمك، انا عملت الكافي بتاعي اللي بحلم بيه وخطبت البنت اللي عجباني كمان، يبقي المفروض انت من نفسك تفهم انك غبي يا طارق.. 

مسكه طارق من هدومه وقال بغضب

اقسم بالله لوديك في ستين داهيه احنا بينا عقد... 

عمرو 

ايوه فينه العقد ده بقي، المفروض انه معايا انا وكمان انت مضيت علي انك متنازل عن ادارة الكافي ليا انا يا طارق وريني بقي الورق او اي حاجه تثبت انك ليك نص الكافي.. 

لكمه طارق في وشت وزعق فيه وقال

يا حيوااان بس وحياة امك لاخد. حقي غصب عنك وعن الواطيه التانيه.. 

مسك عمرو وشه بألم وقال بسخريه

انت اللي جيبته لنفسك يا طارق انا ما كنت عايز اذيك.. 

طارق بحده 

وهتعمل ايه يا روح امك انت غصب عنك هترجعلي فلوسي واشبع بالكافي.. 

وبص لسندس اللي جات ووقفت ورا عمرو وقال 

وكمان اشبع بالرخيصه اللي وراك دي.... 

عمرو مسك ايد سندس وقال بخبث

انا مش هرد عليك لاني بقيت ارقي بكتير من أني اتكلم معاك، بس هجيبلك اللي يرد عليك كويس.. 

_وشاور عمرو بأيده للحراس بتوعه اللي جم وضربو طارق بطريقه عنيفه، حاول يقاومهم بس ما قدرش وعمرو اخد سندس ورجعو الكافي قدام طارق اللي بصلهم بحزن وكسره حقيقيه... 

_باااك.. 

فاق من ذكرياته اول ما وصل بيت اهله، نزل من التاكسي وادااه حسابه وبص للبيت بضيق وطلع فوق.. 

_في الوقت ده فوق كانت ليلي واقفه في البلكونه ولما شافت طارق دخلت وقالت لحسن اللي بيشتغل علي اللابتوب في الصاله.. 

ليلي

طارق رجع يا حسن.. 

حسن بضيق

بزمتك ده حال يرضي ربنا مش عنده جامعه الصبح ومسؤليه انه يقف قدام الطلاب بتوعه ويشرح وهو فايق، بالحال ده وهو راجع وش الفجر هيعرف ازاي يديهم حقهم، وكمان مقعدك. انتي جنبيه لحد ما يرجع.. 

ليلي

لا هو ما قعدنيش انا اللي مستنيااه عشان اطمن عليه، وبعدين اهو جه وكويس وانا مش عايزه حاجه تاني من الدنيا.. 

حسن 

طيب سيف كلمني عقلي بنتك بقي وخليها ترجع لبيت جوزها، انا مش ناقص كمان لو لمياء عرفت تيجي وتكبر المشكله وانتي عىرفه اختي كويس يا ليلي.. 

ليلي بضيق

هو انا هخاف منها بعني، تشوف تصرفات ابنها الاول، وابن اختك يا حسن يتلم شويه ويتعلم الادب ويبطل ينكد عليها ويدايقها.. 

_قبل ما يرد عليها حسن دخل طارق واول ما شافو وشه اللي مليان كدمات اتخضو هما الاتنين وحسن قال بقلق.. 

حسن 

ايه اللي حصل مال وشك ومين عمل فيك كده؟.. 

ما ردش عليه طارق ودخل اوضته وحسن قال بحده  لـ ليلي

ليلي روحي شوفيه ماله وقوليلو غلط يبقي دكتور جامعي محترم ويجي بعد نص الليل وبالمنظر ده 

ليلي بقلق

حاضر يا حسن وبلاش كلامك ده قدامه ما تزعلوش منك.. 

حسن 

انا قصدي مصلحته يا ليلي يعني عاجبك شكله كده؟ 

ليلي 

خلاص وطي صوتك وانا رايحه اشوفه اهوو.. 

_وقامت ليلي ودخلت عند طارق اللي كان قاعد علي سريره وبيقلع في الكوتشي بتاعه ولما شافها بص الناحيه التانيه وقال بجمود.. 

طارق

لو سمحتي يا ماما اطلعي بره انا عايز انام دلوقتي.. 

ليلي 

مش قبل ما اعرف انت كنت فين وايه اللي في وشك ده، بتتخانق يا طارق خليت ايه للبلطجيه والناس اللي مش متربيه.. 

طارق بدموع

ارجوكي يا ماما انا عايز انام.. 

وقفت ليلي قدامه وقالت بحده 

انت ازاي تكلمني كده وبصلي وانا بكلمك ورد عليا.. 

بصلها بحزن ودموعه نزلت وقال بنبره منكسره

اتضحك عليا يا ماما، اتضحك عليا من اكتر اتنين وثقت فيهم، كنت مجرد وسيله بيحققو بيها احلامهم.. 

ليلي بقلق

انت بتقول ايه، مين اللي ضحك عليك.. 

رد عليها وهو بيمسح دموعه وقال

عمرو وسندس طلعو نصابين صحاب عمري طلعو نصابين وانا اول واحد ضحكو عليه والنهارده خطوبتهم وافتتاح الكافي بتاعهم اللي دفعت فيه فلوسي.. 

دخل في الوقت ده حسن وقال بجمود

قصدك فلوسنا، دفعت كام انت فيه انت واخد. مني انا ومن اختك ومن عمك علي اساس انهم سلف.. 

ليلي بدموع وقلق

خلاص يا حسن مش وقته الكلام ده، ومش ذنبه حاجه... 

طارق بسخريه

لا يا ماما سبيه انا اصلا ما كنتش عايز احكي اللي حصل عشان ما تشمتش فيا.. 

حسن بصدمه

اشمت فيك، اشمت في ابني يا طارق؟.. 

طارق بدموع

ايوه عشان انت جيت وقولتلي بلاش وانا اللي صممت وانا مش عايز اسمع منك كلام اللي هو لو كنت سمعت كلامي وده اللي انا قولت عليه انا مش عايز اسمع كده سبيوني بس في حالي

حسن بضيق

انا هكلم عبدالله يشوف حل هو هيعرف يتصرف.. 

طارق بحده

ما تكلمش حد انا مش عيل عشان تخلي حد يجيبلي حقي... 

حين بحده وغضب

لا عيل وخايب واتضحك عليك، ويا ترجع الفلوس يا ترجع الكافي ما عرفتش يبقي تقعد وتحط جزمه في بوقك وانا هتصرف.. 

_قال كلامه وطلع من عنده وقعدت ليلي جنب طارق وقالتله بحزن.. 

ليلي

ما تزعلش منه هو زعلان عليك.. 

طارق ببكاء

انا موجوع اووي يا ماما ليه يحصل فيا كده.. 

حضنته ليلي وطبطبت عليه بحنان وقالت

هتتعدل يا ابني وربنا هيحلها من عنده ان شاء الله.. 

_وبره كان حسن قااعد مدايق جدا وهو بيفكر في مشكلة طارق، وقام عشان يدخل اوضته بس وقف اول ما سمع صوت روان وهي واقفه في بلكونة اوضتها وبتتكلم في الفون بصوت واطي، بص للساعه اللي كانت واحده بعد نص الليل وراح وقف في بلكونة الصاله عشان يشوفها بتكلم مين، بس اتصدم اول ما سمعها بتقول.. 

روان

خلاص بقي يا امير ما تبقاش رخم قولتلك طارق اخويا رجع من بره وخوفت يشوفني وانا بكلمك وينكد عليا بس شكله كده مدايق والحمد لله ما اخدش باله مني.... 

_اتصدم حسن من بنته بتتكلم بالطريقه دي ومع ولد في وقت زي ده، وصدمته زادت اكبر لما سمعها بتقول تاني.. 

روان 

اوكي خلاص هجيلك البيت بكره بس لو مامتك ما كانتش موجوده همشي.. 

_سابها حسن وراح دخل اوضته وكانت حالته لا يحسد عليها وصدمته في بنته من ناحيه وحزنه علي طارق من ناحيه تانيه، ودخلت عنده ليلي وقالت بحزن.... 

ليلي

ارجوك يا حسن بلاش كلامك ده مع طارق.. 

حسن بجمود

انا لا عرفت اربي ولد ولا بنت، ولو كنت افتكر انهم هيبقو كده لا كنت اتجوزت ولا خلفتهم كمان.. 

ليلي بحزن

انت بتقولي انا الكلام ده يا حسن.. 

حسن بحده 

ايوه يا ليلي انا وانتي ما عرفنااش نربي، وحاسس دلوقتي اني ندمان اني خلفتهم.. 

ليلي بدموع

شكرا يا حسن، تصبح علي خير.. 

_ وسابته وراحت نامت وفضلت تعيط بحزن من كلامه وهي اللي ديما متعوده علي حنيته وهدوءه معاها لاول مره يكلمها بالطريقه دي. 

ـــــــــــ #بقلم_الكاتبه_رحاب_القاضي ـــــــــــ

_وتاني يوم الصبح في بيت يونس الصاوي، في شقة يزن، طلع من اوضته وهو بيتكلم في الفون وقال بهدوء.. 

يزين 

اوكي يا اونكل يوسف ان شاء الله انا وهي هنكون عندكم النهارده... ايوه هي جنبي اهي معاك.. 

_ وكانت سدره في الوقت ده واقفه عند السفره ومجهزه الفطار واول ما قالها تكلم باباها ادايقت واخدت منه الفون وقالت.. 

سدره

نعم؟.. 

يوسف

انا عزمتك انتي وجوزك النهارده عندنا في البيت علي العشا، هستناكي عشان وحشتيني وعايز اقعد معاكي شويه.. 

سدره بسخريه

والله وياتارا بتقولي كده ومراتك قاعده جنبك ولا انت بتقول كده من وراها عشان خايف منها.. 

يوسف بحده

في بنت محترمه تكلم ابوها كده.. 

سدره 

انت شايف ايه؟.. 

يوسف بنبره حزينه 

شايف انك وحشتيني وعايز اشوفك وهستناكي النهارده.. 

سدره بدموع 

ان شاء الله مع السلامه.. 

_وقفلت الفون معاه واديته ليزن وقالت بضيق شديد.. 

سدره

انا قولت نفطر هنا النهارده وجهزتلك الفطار وكده، بس انا ماليش نفس، افطر انت لحد ما اجيب حاجتي من جوه عشان توصلني الجامعه.. 

يزن بجمود

ليه بتعملي كده في نفسك، انسي يا سدره اللي بتعمليه ده ما بيتعبش حد غيرك.. 

ردت عليه بسخريه وقالت

هو انا امتي ارتحت اصلا، انت مستني ايه من واحده اتربت من صغرها وهي سامعه ان امها سابتها وانتحرت،لا وانتحرت ليه عشان ما حدش كان بيحبها، ونفس الحكايه بتكرر معايا انا ما حدش بيحبني وانا ما بحبش حد.. 

وسابته ودخلت اوضتها ورجعت وقالتله

ما تستناش انا مش رايحه الجامعه.. 

وقفلت البال وهو قال بصوت عالي

لو الدنيا كلها بتكرهك يا غبيه فأنا بحبك وعمري ما حبيت قدك رغم كل اللي عملتيه معايا.. 

_اول ما سمعت هي كلامه دموعها نزلت وفضلت تعيط بألم وحزن، وردت عليه بصوت عالي برضو.. 

سدره 

حتي لو بتحبني، باباك هيخليك تكرهني زي ما خلي ابويا يكره امي ويطلقها عشان اخته بطه وهتشوف يا يزن قريب اوي ان كلامي صح.. 

_ ما ردش عليها يزن ومشي راح شغله، وهي طلعت من اوضتها وفضلت تشيل في الفطار اللي جهزته وما حدش اكل منه حاجه، وموبيلها رن في الوقت ده فردت بسرعه وقالت.. 

سدره 

ها يا ندي عملتي ايه؟.. 

ندي 

ما جاش فضلت مستنياه امبارح وما جااش.. 

سدره 

ازاي يعني هو بيسهر هناك علي طول.. 

ندي 

مش عارفه بقي انا هروح هناك تاني النهارده وهشوفه اكيد وهعرف اشغله ما تقلقيش بس يشوفني.. 

سدره 

انجزي بسرعه يا ندي انا عايزه في اسرع وقت تبقي فضيحة يوسف الصاوي علي كل لسان.. 

ندي 

بس كده من عينيا، بس هو مش يبقي ابن صاحب ابوكي وكمان اخو جوزك ده حتي اسمه علي اسم ابوكي يا اختي ليه عايزه تعملي فيه كده؟.. 

سدره بحده 

وانتي مال اهلك انتي تعملي اللي بقولك عليه وبس.. 

_وقفلت الفون في وشها وكلمت واحد تاني في الموبيل وقالتله.. 

سدره

ايوه يا عصام ايه وصلت لايه؟.. 

عصام 

ولا حاجه البنت مقفله خالص مهما حاولت اكلمها مش بتديني فرصه.. 

سدره 

يعني ايه حتت عيله صغيره زي دي مش عارف توقعها، هو انا شغلتك في السنتر لحسن جمالك لا يا سكر انت تنفذ اللي بقولك عليه وفي خلال شهر تكون عملت اللي اتفقنا عليه مع بنت يونس الصاوي والا هترجع عاطل زي ما كنت فاهم.. 

عصام 

حاضر حاضر بالعافيه بالذوق هعمل اللي قولتيلي عليه، يلا سلام عشان الشغل.. 

_ قفلت معاه وراحت وقفت قدام الصوره اللي في الصاله اللي فيها يزن ويوسف ويارا وقالت بدموع.. 

سدره 

طول عمري بحس بنقص قدامكم وان انتو احسن مني، عندكم كل حاجه انا اتحرمت منها والسبب ابوكم واخته وصاحبه، انا ما كرهتش في حياتي قدكم....

ـــــــــ #بقلم_الكاتبه_رحاب_القاضي ـــــــــــ 

_وفي شقة عزالدين.. 

كان زين واقف في المطلخ بيعمل فطار وبيكلم فيروز وهو فاتح مكبر الصوت وقال.. 

زين 

هو لطيف يا مامت بصراحه بس مع ولاد اخوه، معايا انا مش طايقني.. 

فيروز بضيق

سيبك منه وتعالي هو عمره ما هيتغير....

زين 

لا ما هو لسه ما يعرفش حاجه، وبعدين طبيعي يتصرف كده مع واحد غريب بالنسباله.. 

دخل عنده عزالدين في الوقت ده وقال

انت بتعمل ايه هنا؟.. 

كتم زين بسرعه الصوت وحط الفون علي ودنه وقال

خلاص يا ماما هكلمك وقت تاني.. 

وقفل معاها ورد علي عزالدين وقال

اا انا كنت بكلم ماما.. 

عزالدين

بتعمل ايه هنا؟.. 

زين 

بفطر بجهز فطار عشان افطر.. 

عزالدين

دي اول مره تدخل فيها المطبخ بتاعي المفروض كنت تستأذن.. 

زين بهدوء

بعتذر لحضرتك بس انت كنت نايم وانا مريض ولازم افطر عشان اخد العلاج.. 

عزالدين بتعجب

مريض عندك ايه يعني؟.. 

زين 

عندي القلب.. 

انتفض قلب الاخر بحزن شديد ورد عليه وقال

سلامتك.. 

زين 

الله يسلمك.. 

عزالدين ابتسم وقال

طيب جهزلي فطار معاك بقي وبلاش عك انا بحب اكل حاجات كويسه.. 

ابتسم زين بحماس وقاله

من عينيا احلي افطار هيجيلك دلوقتي.. 

ـــــــــــــــــــ

_وفي بيت فيروز من اول ما سمعت صوت عزالدين اللي غاب عنها سنين، وبدأت كل حاجه عدت وكانت فتكره انها نسيتها تتعاد تاني قدامها وقالت لنفسها بدموع وحزن.. 

فيروز

لو عليا عمري ما كنت سمعت عنك حاجه تاني طول حياتي، بس هو ابني اللس محتاجلك وعلي الله يا عز ما تبقاش واطي معاه زي ما طلعت ندل وواطي معايا.. 

ــــــــــ #بقلم_الكاتبه_رحاب_القاضي ــــــــ

_وفي نفس الوقت في شقة الاستاذ حسن كان قاعد في اوضته من الليل علي الكنبه وهو ساكت وملامحه حزينه جداً، دخلت عنده ليلي وبصتله بضيق وقالت.. 

ليلي

وبعدين معاك يعني هتفضل كده؟.. 

حسن

اقفلي النور واطلعي بره يا ليلي شوفي هتفطري ولادك ولا هتعملي ايه؟.. 

ليلي بدموع

في ايه يا حسن انا عارفه انك مدايق بس احنا من يوم يومنا واحنا بنشارك فرحنا وحزننا سوا، ليه المره دي بتبعدني عنك.. 

حسن بحده 

لو سمحتي يا ليلي اطلعي بره.. 

ليلي بحزن

ماشي يا حسن و والله لولا الظروف اللي فيها طارق ومش عايزاه يزعل اكتر انا ما كنتش هقعد. دقيقه واحده هنا بعد المعامله دي.. 

_وطلعت من عنده وهي زعلانه جداً، وفضل قاعد علي حالته دي من غير ما يروح الشغل اكتر من ساعتين لحد ما سمع روان بتقول لمامتها بره.. 

روان 

انا رايحه الكورس بتاعي يا ماما عايزه حاجه.. 

ليلي

لا بس ما تتأخريش وخلي موبيلك عالي عشان لما اكلمك.. 

_ ما ردتش عليها روان وخرجت وما اخدتش بالها من حسن اللي خرج وراها وفضل متابعها من غير ما تاخد بالها خطوه بخطوه.. 

ــــــــــ #بقلم_الكاتبه_رحاب_القاضي ــــــــ

_ وفي مكان شغل رضوي راحت قعدت وفتحت قزازه المايه بتاعتها الخاصه بيها، ولسه هتشرب بس يوسف جاب كرسي وقعد. جنبيها واخد منها قزازة المايه وشرب هو بكل برود.. 

رضوي 

ايه قلة الذوق دي.. 

يوسف 

عطشان وبعدين ما شربتهاش كلها اهو خدي اشربي.. 

رضوي 

بقرف اشرب مكان حد.. 

ابتسم بهدوء وقالها

هو مين كمال؟.. 

بصتله بحده وقالت

انت تعرف كمال منين؟.. 

طلع من جيبه سلسله وقال بخبث

وقعت منك السلسله دي اللي متعلقه فيها دبله مكتوب عليها كمال بس مقاس صباعك صغير اوي ده مقاس اطفال تقريباً.. 

زعقت فيه رضوي وقالت

وانت بأي حق تسمح لنفسك تتكلم معايا في حاجه زي دي، وهات السلسله بتاعتي.. 

يوسف بخبث

بالراحة طيب بلاش العصبيه الاوفر دي.. 

رضوي بعصبيه 

يا عم انت انا ما بهزرش هات السلسله... 

يوسف بأستفزاز

طيب قوليلي هو مين الاول؟.. 

رضوي بحده 

وانت مالك انت هو مين... 

يوسف ببرود

خلاص ما فيش السلسله.. 

وقفت رضوي وقالت بغيظ

تمام خليهالك وما تزعلش بقي من اللي هعمله.. 

_خلصت كلامها وزقت الكرسي اللي قاعد عليه يوسف برجلها فوقع علي الارض بسرعه والعمال لما شافوه وهو بيقع فضلو يضحكو.. 

قام هو يسرعه وقال بعصبيه

انتي عبيطه ايه اللي عملتيه ده.. 

رضوي بغيظ

رد فعلي علي قلة الذوق اللي بتتعامل بيها معايا.. 

يوسف بخبث

لا لا ده رد فعلك عشان جيبت سيرة كمال اللي شكله مخزوقك او عشمك بحاجه يا حرام وخلع، انا برضو يوسف الصاوي وفاهم التصرفات بتاعتك دي كويس.. 

رضوي بغيظ

انت مش محترم، ولو اتكلمت تاني في الموضوع ده مش هيحصل كويس.. 

قرب منهم في الوقت ده يزن وقال بهدوء

السلام عليكم يا جماعه.. 

ردو عليه السلام وهما شكلهم مدايق جداً فقال يزن

مالكم في ايه، وانت ايه اللي بوظ هدومك كده يا يوسف؟.. 

يوسف بص لرضوي بسخريه وقال

وقعت.. 

يزن بضحكه هاديه 

لا سلامتك المهم انا قولت بدل ما نعمل اجتماع ودوشه قولولي اللي عايزينه وانا اعمله.. 

رضوي بخبث

يلا يا يوسف بلغ البشمهندس يزن باللي اتفقنا عليه.. 

اتوتر يوسف وقال

ااا اا مش فاكر.. نسيت.. 

يزن بحده 

نسيت؟! اومال حضرتك لما تنسي شغلك هتفتكر ايه؟.. 

يوسف بضيق

خلاص يا يزن نسيت مش حوار يعني.. 

رضوي بجديه 

ما علينا يا بشمهندس يزن، انا كنت بفكر نجيب عدد. مهندسين تاني معانا تلاته علي الاقل وطبعا هكون انا مشرفه عليهم بس عشان المشروع يخلص بسرعه في الوقت اللي يونس بيه حدده.. 

يزن 

تمام ما فيش مشكله الاسبوع الجاي هيكون عندكم تلات مهندسين وعندهم خبره في الشغل كمان.. 

كمل كلامه وهو بيبص للعمال اللي بتشتغل

بس برافو انتي بدأتي بطريقه كويسه هتساعدك انك تنجزي المشروع بسرعه بس كده العمال ممكن يتعبو ومش هيطلعو شغل كويس.. 

يوسف

والله قولتلها بس دي ما حدش قادر عليها.. 

تجاهلت رضوي كلامه وقالت ليزن

فاهمه يا بشمهندس وبرضو الطلب التاني ان يبقي في عدد عمال قد اللي عندنا ده بحيث نقسم فترة العمل لجزئين عشان يقدرو يتحملو ضغط الشغل.. 

يزن 

اذا كان كده اوكي، الاسبوع الجاي هتكون كل حاجه مظبوطه اكتر من كده وانا هاجي برضو وهكون معاكم خطوه بخطوه.. 

ابتسمت رضوي وردت عليه وقالت

اوكي اتفقنا.. 

يزن 

همشي انا واللي تحتاجوه تحت امركم.. 

_ ومشي يزن ورضوي قربت من يوسف وقالتله بهدوء.. 

رضوي

انا اتعمدت احرجك قدام اخوك عشان بعد كده ما تنساش الحاجه اللي بنتكلم ونتفق عليها.. 

يوسف ببرود

ما تفكك يا بنتي من الجو ده وتعالي نروح نتغدي في مكان هادي كده.. 

ردت عليه بجمود وقالت

بعد ما تخلص شغلك ابقي كلم خطيبتك واعزمها علي الغدا او العشا زي ما تحب، لان عيب تطلب كده من وحده غريبه وانت عندك اللي ليها حق عليك ومش مهتم. بيها يا نص بشمهندس.. 

_وسابته ومشيت وهو بصلها بخبث وبعدين طلع موبيله اللي بيرن ولما شاف اسم عائشه اتنهد بضيق ورد عليها وقال.. 

يوسف

يا نعم؟.. 

عائشه

فينك يا يوسف انا من امبارح بكلمك ومش بترد عليا.. 

يوسف 

كنت شغال ورجعت البيت تعبان ونمت علي طول.. 

عائشه

انت عمرك ما اهملتني كده يا يوسف، هو في ايه بالظبط؟.. 

يوسف

يا بنتي ايه الكلام الكبير ده، انا لما بكون فاضي بكلمك وبنخرج من غير ما تطلبي صح ولا لا؟.. 

عائشه بضيق

صح يا يوسف، طيب انا كنت عايزه اخد رئيك في حاجه.. 

_لاحظ يوسف في الوقت ده رضوي وهي بتتكلم مع العمال وبتبسم بهدوء فقال لعائشه بسرعه.. 

يوسف

هكلمك وقت تاني يا شوشو عشان مشغول.. 

_ومن غير ما يسمع ردها قفل في وشها  وراح وقف جنب رضوي اللي بقي مهتم اووي بفهم طريقتها في الشغل ويركز معاها.. 

ــــــــــــــــــ

_ وبعد شويه في بيت محمد دخلت اميره عند. عائشه اللي كانت قاعده مدايقه وقالتلها.. 

اميره

هاا قولتيلو ولا لسه؟.. 

عائشه

ما كانش فاضي يسمعني يا ماما هقوله بالليل.. 

اميره 

يبقي تخليه يتعلم يفضي ويسمعك.. 

عائشه 

ازاي يعني يا ماما.. 

قعدت اميره جنبيها وقالت

يعني تروحي الشغل عند يزن وهو بقي لما يشوفك هناك يعرف انك اشتغلتي، انتي بقالك كام يوم اهو بتحاولي تكلميه والبيه مطنشك.. 

عائشه بقلق

ما هو ممكن يزعل يا ماما وانا مش عايزه ازعله مني.. 

اميره 

ما يتفلق هو مش بيعمل حساب زعلك زي ما انتي بتعملي معاه، روحي شغلك شوفي مستقبلك وهو لما يعرف قوليلو انت ماكنتش فاضي تسمعني عشان بعد كده يلم نفسه ويعرف يهتم بيكي وبأمورك كويس.. 

عائشه 

طيب حامد فين؟.. 

اميره

راح هو ومازن اخوكي النادي، بدل ما انتي قاعده. كده قومي غيري هدومك وروحيلهم، ده الناس نسيت شكلك من كتر ما حابسه نفسك في البيت بسبب عريس الغفله مش عايزك تخرجي من غيره.. 

قامت عائشه وقالت بدموع 

خلاص يا ماما بقي ارجوكي انا مش ناقصه كلامك ده.. 

دخل عندهم محمد وقال بحده 

انتي بتعلي صوتك علي امك ليه يا بنت؟.. 

عائشه بقلق

اسفه يا بابا ما كنتش اقصد.. 

اميره 

دي عايزه تروح النادي لاخواتها يا محمد، وانا خلاص وافقت انها تروح.. 

محمد 

وقررتي ايه في موضوع الشغل عند يزن، انا كلمته تاني وهو مستنيكي في اي وقت تروحيله.. 

عائشه بضيق

حاضر يا بابا موافقه وبكره هروحله.. 

ابتسم محمد وقال

علي بركة الله يا حبيبتي، لو هتروحي لاخواتك هخلي السواق يوصلك.... 

عائشه 

حاضر يا بابا.. 

_ وطلعو هما من عندها وهي مسكت موبيلها وبعتت رساله ليوسف وقالتله.. 

عائشه

يوسف حامد صمم اني اروح معاه النادي فهروح شويه وهرجع علي طول والله مش هتأخر.. 

_وقفلت الموبيل وغيرت هدومها وراحت لاخواتها النادي.. 

ــــــــــ #بقلم_الكاتبه_رحاب_القاضي ــــــــ

_وفي بيت حسن كانت ليلي قاعده في الصاله بتكلم سيف جوز بنتها ريناد وقالتله.. 

ليلي

اسمعني طيب يا حبيبي انا فاهمه. انك ما عملتش حاجه بس هي من خناقك معاها شكت فيك وما عرفتش تفهم الوضع اللي انت كنت فيه.. 

سيف

وضع ايه والله يا مرات خالي ما اعرف الريحه دي جات منين، والموضوع تافه علي انه يكبر ونوصل للنقطه دي.. 

ليلي

طيب اعتبرها هرمونات حمل وتعالي وهاتلنا معاك مانجه وجاتو بالشوكلاته هي بتحب الحاجات دي.. 

ابتسم سيف وقال

حاضر وكمان مش هقول ان حضرتك اللي كلمتيتي عشان بنتك دماغها مقفله تقفيله صعيدي، هفهمها اني جاي من نفسي وانا كده كده كنت هجيلها عشان اصالحها برضو واسألي خالي انا كلمته وقولتلو انا جاي وقت ما تهدي اكلمها وارجعها.. 

ليلي 

ربنا يبارك فيك يا حبيبي والله انت زيك زي طارق انت وعبدالله وكمال برغم كل اللي عملو زي ولادي انتو التلاته وغالين عندي.. 

سيف

ربنا يخليكي لينا يا مرات خالي... 

ليلي

مش هعطلك عن شغلك اكتر من كده، مع السلامه.. 

_قفلت معاه ليلي وقامت دخلت المطبخ، وفجأه دخلت عندها ريناد وقالت بحده.. 

ريناد 

ازاي تكلمي سيف يا ماما... 

ليلي

مين قالك اني كلمته؟.. 

ريناد

روفان سمعتك وجات قالتلي.  

ليلي بعصبيه 

بنت الجزمه رووفااااان خدي هنا يا بت.. 

ريناد 

سيبك من روفان دلوقتي وفهميني هو انتي يعني زهقتي مني عشان تكلميه تخليه يجي ياخدني.. 

ليلي بحده 

بقولك ايه يا بت انتي حلي عن دماغي انا وقفت معاكي في الاول بس كده الموضوع بقي مش متحمل.. 

ريناد بدموع 

يا ماما بقولك بيخوني والله العظيم بيخوني انا متأكده.. 

ليلي بنفاذ صبر

 بطلي لعب عيال لو ما كنتيش واثقه فيه ما كنتيش اتجوزتيه من الاول، انما بعد ما بقي بينك بنت صغيره والتاني جاي في السكه جايه تقولي الكلام ده وقاعده ومستحليه القعده يبقي لا ومليون لا مدام مش معاكي دليل انه بيخونك بجد زي ما بتقولي ترجعي بيتك وما تضحكيش حد.عليكي.. 

ريناد بدموع 

ماشي يا ماما بس لما يرجع بابا انا هقوله.. 

ليلي بحده 

اامشي اطلعي بره من وشي يا بت انتي يلاااااا جاتك نيله انتي وابوكي في يوم واحد يا نكديه منك ليه.. 

طلعت ريناد ودخل عندها طارق وقال

في ايه يا ماما بتزعقي ليه ومالها ريناد؟.. 

ليلي بقلق

سيبك مننا احنا انت رايح فين؟.. 

طارق بجمود

نازل يا ماما مخنوق ومش طايق اقعد في البيت.. 

ليلي

ما تعملش حاجه لحد يا طارق، سيب ابوك يتصرف.. 

طارق بنبره حزينه

اللي فيه الخير يقدمه ربنا يا ماما، بعد. اذنك... 

_وسابها طارق ومشي وهي دموعها نزلت بحزن علي حال ولادها.. 

ــــــــــ #بقلم_الكاتبه_رحاب_القاضي ــــــــ

_ وعند حسن كان قاعد في الكافي اللي قاعده فيه روان مع صحابها وهو عيونه كلها دموع وغضب وشايفها بتشرب سجاير وقاعده مع ولاد وبنات بطريقه مش كويسه.. 

_كان متابعها من لما خرجت من الجامعه لحد دلوقتي، وبعد شويه قامت وسابت صحابها وخرجت من الكافي، طلع وراها حسن ولقاها اخدت تاكسي ومشيت، فركب عربيته بسرعه وراح وراها ونزلت هي من التاكسي بعد شويه قدام فيلا راقيه جدا وراحت عند الباب ورنت الجرس وبسرعه فتحلها امير الباب وقال.. 

امير

في معادك مظبوط، اتفضلي.. 

روان 

مامتك فين؟.. 

أمير

جوه مستنياكي يلا ادخلي.. 

روان بصتله بقلق وقالت

طيب ما تيجي نخرج ونقعد بره في اي كافيه احسن.. 

مسك ايدها بهدوء وقال

ممكن ما تخافيش وتثقي فيا يلا تعالي.. 

دخلت معاه البيت وقالها

ادخلي جوه عند ماما وانا هجيب حاجه من بره وجاي.. 

روان بتوتر

حاضر.. 

_ دخلت روان وهو ابتسم لخبث وقفل الباب بالمفتاح، ودخلت وراها وهي قالتله بقلق.. 

روان

هي مامتك فين يا امير؟.. 

امير بخبث

راحت مشوار وزمانها جايه تعالي بقي نقعد مع بعض شويه.. 

روان بخوف 

انت اتجننت يا امير احنا ما ينفعش نبقي لوحدنا، انا همشي.. 

مسك ايدها جامد وقال

ما تتهدي بقي تمشي فين، هو انتي جايه عشان تمشي بطلي الشويتين دول.. 

روان بدموع وغضب

انت ازاي تكلمني كده وسيب ايدي.. 

زقها جامد علي الكنبه وقال

اديني سيبت ايدك. بس ما فيش طلوع من هنا غير بمزاجي.. 

روان ببكاء وخوف 

ابعد عني يا امير والا والله اصوت والم عليك تمة لا اله الا الله.. 

امير

ولا حد هيحس بينا هنا كل واحد في حاله، وبعدين احنا مش بنحب بعض وانتي جايه برضاكي فين المشكله.. 

قبل ما ترد عليه الباب خبط. جامد، فقامت بسرعه عشان تفتح وتهرب بس هو مسك ايدها وزقها مرخ تانيه علي الكنبه وقرب منها بطريقه مش كويسه وقال.. 

امير

ورحمة امي اللي انتي كنتي جايه تشوفيها لو عملتي اي حاجه مش علي مزاجي لافضحك.. 

روان بدموع وخوف 

انت ازاي واطي كده؟.. 

امير بسخريه

اومال كنتي فكراني هحبك ويا دبلة الخطوبه والجو ده، فوقي يا حلوه انتي اخرك معايا ليله وتعبت اووي عشان اوصلها وبعد ما الليله دي هتخلص هتبقي مركونه وسط الحاجات القديمه بتاعتي.. 

روان ببكاء 

مش هيحصل يا امير علي جثتي.. 

امير بأنزعاج من صوت الخبط اللي علي الباب

اخرسي وبلاش تخرجي عشان ما حدش هتبقي فضيحته بجلاجل غيرك انتي.. 

_وسابها وراح فتح الباب ولقي حسن في وشه وكان متعصب جدا، واميرما كانش يعرفه وقال.. 

امير. بحده

نعم عايز ايه وبتخبط كده ليه؟.. 

زقه حسن ودخل وقال

اوعي كده من وشي بنتي فين... يا رواااان.. 

_واول ما دخل لقاها قاعده علي الكنبه بتعيط ولما شافته انتفضت بخوف ووقفت وقالتله ببكاء.. 

روان 

والله العظيم هفهمك كل حاجه انا ما كنتش اعرف انه لوحده يا بابا... 

امير بسخريه

بابا كمان هو انا مش قولتلك تيجي لوحدك جايبه بابا ليه؟.. 

بصله حسن بحده وقال لروان

تعالي يا روان عشان نمشي، وانت يا... اتقي يوم ترجع فيه لربنا ويمكن اليوم ده يبقي دلوقتي هتقوله ايه انك كنت بتضحك علي بنات الناس وبتعمل جريمه من الكبائر.. 

امير بسخريه

لا يا سيدنا الشيخ هقوله كنت شاقط بنتك ههههه.. 

خلص ضحك وقال بخبث

وبدل ما تقولي انا الكلام ده قولو لبنتك اللي دخلت وكلمتني من البدايه ورمت نفسها عليا وجات لحد هنا بكل رضاها مش كده يا رورو.. 

بص حسن لروان وقال بنبىه حزينه 

هتفضلي واقفه عشان ابوكي يتهان اكتر من كده؟.. 

امير

بقولك ايه خد. بنتك وامشي ومسلسل الاب وبنته ده كملوه بره.. 

_مسك حسن ايد بنته ومشي، وامير قفل الباب وقال بغيظ.. 

امير

ضربتلي اليوم انت وبنتك.. 

ــــــــــ #بقلم_الكاتبه_رحاب_القاضي ــــــــ

_ وفي مكان تاني خاص بالدورس بتاعت يارا بنت يونس، وكانت طالعه من السنتر هي وياسمين صاحبتها وقالتلها.. 

يارا

زين بيرن عليا من ربع ساعه وما كنتش عارفه ارد عليه؟.. 

ياسمين

سيدي يا سيدي والله انا حبيت الارتباط بسببكم.. 

يارا

هو اي حد هيبقي زي زين، يا حبيبتي زين ده مستحيل يبقي في حد زيه.. 

ياسمين 

عادي علي فكره بني ادم زيه زي اي بني ادم.. 

يارا 

بس مميز غير الجيل بتاعه راقي كده ومحترم ولطيف، واستني ارد عليه واكملك.. 

ضحكت ياسمين وقالت

ردي يا اختي لحد ما اجيب الورق بتاعي.. 

مشيت ياسمين وردت يارا وقالت

ايوه يا زين؟.. 

زين 

فينك؟.. 

يارا

في السنتر يا زين انت فين بقي اليوم كله؟.. 

زين 

انا اليوم كلن قاعد مع بابا طبعا من بعيد بس كنت عامل نفسي بذاكر ومتابعه هو بيحب قعدت البيت بيحب روفان بنت عمي الصغيره وبيحب الكوره جدا.. 

يارا 

امم ونسيتني انا بقي.. 

_نزل فجأه من العربيه اللي كانت واقفه قدام السمتر وقال بهدوء وابتسامه جذابه زيه.. 

زين 

ما اقدرش انساكي طبعاً.. 

ابتسمت بعدم تصديق  وتوتر وقربت منه وقالت بتوتر بعد ما شالت الموبيل من علي ودنها.. 

يارا

انت عرفت ان انا هنا ازاي؟.. 

زين 

من ياسمين حبيت اعملهالك مفجأه عشان ما تزعليش اني ما كلمتكيش اليوم كله.. 

يارا بهدوء

طيب شكراً همشي انا باي.. 

زين 

رايحه فين يا بت انتي، بقي انا سايب حالي ومالي وجاي اشوفك واصالحك وانتي تقوليلي شكراً وباي.. 

يارا بكسوف 

مم ما هو انا مش متعوده اشوفك كده انت بالنسبالي صوت.. 

زين ضحك بهدوء ورد عليها

ايه الوصف ده يا يارا، علي العموم نتعود بقي ما بقاش في حاجه تستخبي ده واهلنا كمان طلعو معرفه ببعض.. 

يارا بضيق

امم طيب انت عايز ايه؟.. 

وقف زين جنبيها وقال وهو بيبص قدامه بهدوء

كنتي قولتيلي قبل كده ان من كتر تحكمات باباكي واخواتك بقيتي مش بتعرفي تتعاملي زي باقي البنات وبتبقي بومه في ردودك.. 

يارا بدموع

زي ما انت شايف كده فبدل ما تتقفل مني امشي.. 

زين بجديه

وهو ايه الفرق بين هنا والفون؟.. 

يارا بحزن

الفرق اني مش هعرف اتعامل معاك وانت قدامي هتوتر وردود افعالي بتبقي رخمه، انما وانت بعيد وبكلمك فون بعرف اتكلم كويس.. 

زين بهدوء

وانا في كل الحالات كلامك عجبني حتي كلامك وانتي دبش كده طالع زي السكر.. 

_زاد توتر وكسوفها اكتر وجات في الوقت ده ياسمين وقالت.. 

ياسمين

اوعي بقي تكون قولتلها ان انا اللي جيبتك.. 

زين وهو عيونه علي يارا

بصراحه قولت مش هعرف اكدب عليها، المهم تعالو اوصلكم.. 

يارا بسرعه قالت

لا لا مش هينفع احنا هنروح بالسواق بتاعي بابي اهو واقف هناك.. 

ياسمين 

معلش يا زين صحبتي قليلة الذوق.. 

زين بهدوء

عادي ما فيش مشكله، طيب عايزين حاجه.. 

ما ردتش يارا وياسمين قالت 

لا ميرسي.. 

_وسابهم واخد عربية مامته ومشي، ويارا كانت مدايقه جداً وياسمين قالتلها بغيظ.. 

ياسمين

يعني الولد عملك مفجأه وجه يصالحك علي حاجه تافهه وانتي تردي عليه كده؟.. 

يارا

اومال ارد عليه ازاي، اصلا ما كانش ينفع اركب معاه العربيه ده لو بابا او حد من اخواتي شافني كانو يقتلوني فيها.. 

ياسمين 

طيب ما يوسف اخوكي بشوف معاه بنات كتير في عربيته ليه مش بيتكلمو معاه.. 

يارا

عشان يوسف ولد وانا بنت.. 

ياسمين 

الغلط غلط يا يارا علي الولد قبل البنت، ولو انتي شايفه ان ركوبك معاه في العربيه غلط يبقي كلامكم كله غلط وانا من زمان بقولك ان كلامكم غلط بس انتي اللي بتقولي ان زين مختلف ومش باقي شباب اليومين دول.. 

يارا بضيق

ياسمين انا مرتاحه في علاقتي مع زين بانها شات فون انما مقابلات وكده لا، وحتي لو غلط انا مىتاحه ومش عايزه غير كده، ونقفل الموضوع ده خلاص ويلا بينا نمشي.. 

_ومشيو فعلا هما الاتنين وما اخدوش بالهم من عصام اللي شغال تبع سدرا وصور يارا وهي واقفه جنب زين، وكانت يارا مدايقه جداً حتي لما رجعت البيت ولقيت يونس وشهد قاعدين في الصاله رمت عليهم السلام وطلعت اوضتها بسرعه... 

ــــــــــ #بقلم_الكاتبه_رحاب_القاضي ــــــــ

_وبعد شويه في شقة يزن.. 

وصل هو وسدره شقتهم بعد ما رجعو من عزومة يوسف باباها وبطه ليهم، وهي وداخله الشقه فتحت موبيلها وشافت صورة يارا وهي واقفه جنب زين اللي بعتهالها عصام وكاتبلها كمان.. 

عصام 

الواد ه ماشي معاها.. 

ابتسمت سدره بخبث وقالت ليزن

عارف يا يزن احلي حاجه عملها باباك انه عرف يربي يارا صح، ده انا مش متخياه لو يارا عملت حاجه غلط هو ممكن تحصله ايه؟.. 

قلع يزن جاكيت بدلته ورماه علي الكنبه وقال

يارا دي نسخه من ماما لو غلطت بتكون الغلطه بسيطه ومش مقصوده، وفعلا متربيه كويس لانها بنت وكلنا بنخاف عليها وبنهتم بيها وبأخلاقها.. 

ضحكت سدره بخبث وقالت وهي بتقرب منه

علي كده بقي احنا لو خلفنا بنت هتربيها زي كده.. 

ابتسم يزن بهدوء ورد عليها وقال

هو انتي عايزه تخلفي مني اصلاً؟.. 

حطت ايدها علي كتفه بهدوء وقالت

طبعا مش جوزي وحبيبي اكيد هتمني يبقي عندي طفل منك.. 

يزن بسخريه

ده من امتي ما انتي كنتي مغصوبه عليا؟.. 

سدره بدموع ونبره حزينه مثلتها ببراعه

انا اسفه انت الوحيد اللي بتحبني وانا قرىت ارضيك انت وما اخسركش مهما حصل، حتي بابا وطنط لطه النهارده روحتلهم ولحاول اعاملهم كويس عشان متزعلش انت وما اكسرش كلمتك قدامهم، واهلك هتحمل كل حاجه وهبقي واكده منهم زي ما انت عايز بس سامحني علي الغلطه اللي عملتها يوم فرحنا.. 

_خلصت كلامها وحضنته ومثلت انها بتعيط، فبعدها هو عنه بهدوء وقال بنبره عاشقه.. 

يزن 

دموعك دي غاليه عندي اووي، ومش زعلان منك واعتبري اننا متجوزين من اول النهارده.. 

ابتسمت بأتساع وقالت

يعني ايه؟.. 

شالها يزن بين ايديه وقال بخبث

يعني متجوزين من اول النهارده يا حبيبتي.. 

_ واخدها ودخلو اوضتهم اللي بقيت مشتركه بينهم من النهارده، بس هل بقي يزن هيكتشف. كدبها عليه ولا هيفضل مخدوع فيها لحد. ما يفوت الاوان؟.. 

ــــــــــ #بقلم_الكاتبه_رحاب_القاضي ــــــــ

_وتحت العماره بتاعت الاستاذ حسن، خرج عم سيد البواب من اوضته اللي تحت السلم وهو ماسك صنية الشاي وحطها قدام طارق اللي كان قااعد. مدايق جدا وقاله.. 

سيد 

هونها علي نفسك يا ابني وحاول تبعد الموضوع عن تقكيرك، كل ما تفكر فيه وتفضل تقلب في كل حاجه من الاول الشيطان هيوصلك لسكه صعبه.. 

طارق 

يعني اعمل ايه انسي الموضوع ازاي وانا لازم ارجع الفلوس اللي مستلفها دي لاهلي.. 

سيد 

سيبها للاستاذ حسن يتصرف.. 

طارق

اصل انا عيل صغير هخلي ابويا هو اللي يجيبلي حقي وانا اقعد اتفرج... 

سيد

مش عيب الواحد يرجع لابوه بعد ما يغلط، ومش عيب ابوك يقف جنبك ويجيبلك حقك، انت بسنك ده وطولك ده هتفضل في نظر ابوك طفل صغير وهو لازم يساعدك.. 

اتنهد طارق بضيق وقال

ما علينا قولي بنتك. عامله ايه مش هتسافر تشوفها.. 

سيد بحزن

كلمتني وقالتلي ان خالتها مطلعه عينها، وكمان هي في امتحانات ثانويه داخله عليها وعايزه تركز في مذاكراتها وخالتها مش مخليها تعرف تركز.. 

طارق

طيب ما تجيبها هنا.. 

سيد بدموع

للاسف مش هقدر انا مفهما اني شغال امن شركه كبيره ما تعرفش اني بواب.. 

طارق

هو الشغل عيب يا عم سيد وبعدين بنتك تقدر انك طول السنين اللي عدت شارب المر عشان تكفي مصاريفها ومش مخليها ناقصها حاجه، ده انا فاكر لما كنت بتقبض مرتبك كنت بتجري تجيبلها هدوم وهدايا وحاجات من اللي بتحبها وتبعتهالها.. 

مسح سيد دموعه وقال

مش عايزها تشوفني قليل او في صوره غير اللي عي رسمهالي، ومش هاين عليا اسيبها عند خالتها اللي مطلعه عينها دي.. 

طارق

فكر تجيبها هنا يا عم سيد وهي اكبد طيبه زيك ومش هتفرق معاها الشكليات اللي انت بتتكلم فيها دي.. 

سيد 

بقولك ايه اطلع نام عشان تصحي تروح الجامعه بتاعتك.. 

طارق

حاضر بس بابا وروان لسه بره يرجعو من يره واطلع معاهم... 

سيد 

ماشي يا ابني.. 

ــــــــــ #بقلم_الكاتبه_رحاب_القاضي ــــــــ

_وفي عربية حسن كانت روان قااعده بتعيط وحسن بصلها بحده وقال.. 

حسن 

اسكتي يا روان عشان نروح مش عايز امك.تشوفك بالحاله دي ولا تعرف حاجه وكمان طارق اخوكي والا هيقتلك.. 

روان ببكاء

والله العظيم يا بابا كنت فاكره ان مامته في البيت.. 

حسن بسخريه 

والله؟! ولما ضحكتي عليا وقولتي ان مصاريف الجامعه اكتر من المطلوب يا كدابه ، وبتقعدي مع شلة صحاب فيها ولاد وبتشربي سجاير انتي عارفه البنت اللي زيك بيقولو عليها ايه،دي اخرة ثقتي فيكي يا روان؟.. 

روان ببكاء وحزن

انا اسفه يا بابا حقك عليا انا مش هعمل كده تاني.. 

_ما ردش عليها وطلع موبيله وكلم عبدالله ولما رد عليه عبدالله قال.. 

حسن بهدوء

ايوه ازيك يا عبدالله يا ابني عامل ايه؟.. 

عبدالله

 الحمد لله بخير يا خالي انت اخبارك ايه والجماعه كلهم عاملين ايه؟.. 

حسن 

كلنا بخير الحمد لله، اا انا كنت عايزك تيجي هنا يومين كده لو فاضي في موضوع مع طارق نخلصله سوا.. 

عبدالله بأهتمام

خير ان شاء الله ماله طارق؟.. 

حسن 

لا لا خير هي مشكله بسيطه بس والعشم فيك بعد ربنا تخلصلها لينا.. 

عبدالله 

من عينيا يا خالي هخلص حاجه في ايدي بكره واجي علي بالليل كده واكون عندك الصبح.. 

حسن 

توصل بالسلامه.. 

وبص لروان بجمود وقال

وحاجه كمان يا عبدالله انا كلمت روان في موضوع جوازك منها زي ما اتفقنا وهي وافقت.. 

_بصتله روان بصدمه و؟.... 

       الفصل السادس الجزء الثالث من هنا 

لمتابعة باقي الرواية زوروا قناتنا على التليجرام من هنا 

تعديل المقال