رواية موضوع عائلي الفصل الرابع 4 الجزء الثالث بقلم رحاب القاضي

 رواية موضوع عائلي الفصل الرابع 4 الجزء الثالث بقلم رحاب القاضي

#موضوع_عائلي

"بيت الهنا" 

_الحلقه الرابعه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

_أخبروني بأن الحب بهدله ولم أصدقهم إلا عندما أحببتكِ😁👀

_في بيت يونس الصاوي فضل زين ابن عزالدين قاعد لوحده في الجنينه وهو مدايق من تصرفات والدتهُ لما طلبت منه يستناها هنا لحد ما تتكلم مع صاحبتها وجوز صاحبتها علي لوحدهم،و ادايق من وجوده في المكان اللي ما يعرفوش ده، وقام عشان يمشي ويستني مامته في العربيه في الوقت ده موبيله رن برقم يارا... 

قعد تاني مكانه ورد عليها وقال

ايوه يا يارا.. 

_طلعت يارا وقفت في البلكونه من غير ما تاخد بالها من زين اللي قاعد تحت البلكونه بتاعتها بالظبط وقالت.. 

يارا 

فينك؟.. 

زين بضيق

في مشوار مع ماما بتزور واحده صاحبتها وصممت اني أوصلها.. 

يارا بسخريه 

متشابهين انا ماما كمان في واحده صاحبتها جايه تزورها وقاعده معاها هي وبابا لا والست جايبه ابنها معاها وبابا طبعا لازم يقولي اقعد في اوضتي وما اخرجش لحد الضيوف ما يمشو... 

_بص زين لفوق وعشان صوت يارا كان عالي فسمعه من غير الفون، قام بسرعه وراح وقف قدامها وهي كانت قاعده علي طرف البلكونه وباصه للناحيه التانيه ، ابتسم بعدم تصديق امها قدامه بجد وانه عمىه ما شافها حتي لو صوره ليها ولما خصل وشافها كانت علي الحقيقه، زادت ابتسامته اول ما اخد باله من تفاصيل ملامحها الجميله جداً والغمزات اللي ظاهره عندها حتي من غير ما تتكلم وشعرها الطويل جدا وبشرتها البيضه ولايقه علي لون شعرها الاسود، والبجامه الطفوليه اللي لابساها، وفي الوقت ده قالت وهي بتكلمه في الفون.. 

يارا

زين انت روحت فين؟.. 

رد عليها بخبث وصوت عالي وقال

انا هنا يا يارا.. 

_بصتله بسرعه بفزع واول ما شافته واقف قدامها برقت بصدمه، وبسرعه دخلت اوضتها وقفلت البلكونه وقالتله في الفون.. 

يارا بخوف

انت ازاي تيجي هنا وعرفت عنواني منين؟.. 

زين بأبتسامه واسعه

ما هو بسببي انا انتي محبوسه في اوضتك ومش عارفه تخرجي، بس ايه الحلاوه دي انا كنت فاكرك طفله طلعتي شعر طويل ولا روبانزل واموره يعني و.. 

قاطعته يارا بتوتر

انت بتقول ايه يا ابني وازاي ده حصل انا ما كنتش عايزاك تعرفني.. 

زين بهدوء

سبحانه انتي كنتي رافضه اشوفك ولا اعرف عنك حاجه ويشاء القدر اننا نتحط في موقف زي ده اشوفك فيه واعرف انتي بنت مين لا واهلنا كمان معرفه.. 

يارا بتوتر 

طيب ممكن تقفل بقي عشان ما حدش يشوفك وياخد باله منك وانت بتكلمني وتبقي كارثه.. 

زين بخبث

طيب انزلي.. 

يارا بحده 

لا طبعا مستحيل ده بابا كان يقتلني فيها... 

زين 

لا ما شوفتكيش كويس انا الحاجه الوحيده اللي اخدت بالي منها اوي شعرك .. 

ابتسم وتابع كلامه 

والله ليه الحق باباكي يبقي عايز يحجبك لانه ملفت اووي.. 

يارا بتوتر

ما هو انا عندي النمو في شعري تلاقيني قصيره بس شعري طويل، او ممكن وراثه عشان شعر ماما طويل جدا كده.. 

زين بهدوء

طيب هنفضل نتكلم كتير مش هتخليني اشوفك تاني. 

يارا بكسوف 

لا طبعا وبعدين هو في ايه يا زين احنا مش صحاب وبس.. 

"ابن عزالدين يا حبيبتي معلش الجينات بتطلع غصب عنه😂" 

زين بضيق

لا عادي بس كنت عايز اشوفك عادي يا يا... 

قبل ما يكمل كلامه وقف قدامه يزن وقال بهدوء

انت زين مش كده؟.. 

_قفلت يارا في وشه يسرعه اول ما سمعت صوت اخوها، وهو كتم ضحكته ورد علي يزن وقال.. 

زين 

ايوه انا زين.. 

يزن بأبتسامه بسيطه

طيب انا يزن الصاوي بابا قالي اجي اقعد معاك عشان ما تقعدش لوحدك.. 

زين بهدوء

ما كانش ليه لزوم تتعب نفسك عادي.. 

قعد يزن قدامه وقال

لا ما فيش تعب ولا حاجه قولي بقي انت ابن عمو عزالدين مش كده اصلا فيك شبه كبير منه؟.. 

زين بجمود

مش عارف والله اذا كنت ابنه ولا لا؟.. 

يزن بأحراج 

انا بعتذر ما كنش قصدي ادايقك بسؤالي.. 

زين بسخريه حزينه

لا ولا يهمك انا متعود علي الاسئله اللي زي دي من زمان.. 

يزن بتغير للموضوع

قولي انت بتدرس في كلية ايه ولا لسه ثانويه عامه؟.. 

زين بهدوء 

انا في اولي كلية الطب... 

_ وفضل يتكلم هو ويزن ويارا واقفه مصدومه في بلكونتها، وخصوصاً لما عرفت ان زين ممكن يبقي ابن عزالدين صاحب باباها.. 

ــــــــــ #بقلم_الكاتبه_رحاب_القاضي ــــــــ

_ وجوه في بيت يونس الصاوي كان قاعد هو وشهد وقدامهم فيروز اللي قالتلهم كل الحقيقه. وقام يونس وقف وقال بحده.. 

يونس

انتي بني ادمه ما عندكيش دم عشرين سنه مخبيه علي الراجل ان عنده ولد، عشرين سنه مخليه ولد زي ده يعيش في نظر الناس ابن حرام انتي بتفكري ازاي، طيب سيبك من عز ابنك ما صعبش عليكي.. 

فيروز بحده

اولاً تحترم نفسك يا يونس وما تغلطش فيا، ومين قالك اني ما فكرتش اني اقول لعزالدين علي ابنه بس كنت برجع واقول يمكن يرفضه ويكسره زي ما عمل فيا، او يظهر فتره في حياته يعلقه بيه ويهرب زي عادته، فقررت اخلي ابني يتعود علي غيابه يعيش يتيم وخلاص.. 

شهد بحزن 

بس ابنك مش يتيم يا فيروز، ابنك ابوه عايش وكان من حقه يعرف ان ابوه موجود مش تخبي علي ابنك كمان وتقوليلو ان ابوه مش عايزه.... 

فيروز بدموع

دي الحقيقه يا شهد عز اناني ومش بيشوف غير نفسه، وما حدش فيكم يلومني ويقولي اني غلطانه انا اللي عشت عشرين سنه بتحمل كل حاجه لوحدي عشان ابني حاولت ابقاله الاب قبل الام بس لما تعب وجاله مرض القلب انا وقفت زي ما انا تعبت بما فيه الكفايه وخلاص عزالدين يعرف ان ابنه عايش ومريض ويعالجه وده حق ابني عليه، انا لو واثقه في عز انه هيصدقني او هيقابل ابنه كويس مش هيرفضه ما كنتش جيتلكم هنا، بس انا خلاص البني ادم ده ما بقاش عندي اي ثقه فيه من ناحية اي حاجه.. 

مسح يونس علي وشه وقال

استغفر الله العظيم واتوب اليه، انا عايز ابنك يفضل هنا يا ام زين وانا هعرف عزالدين بطريقتي.. 

فيروز

لا ابني مش هيسيبني هو مش هيوافق اني اقعد لوحدي، في الوقت اللي تقرر توديه لابوه كلمني وانا هبعتهولك.. 

يونس

خليكي قاعده مع صحبتك هتكلم مع الواد كلمتين لوحدنا ما تجيش انتي وهي ورايا.. 

فيروز بتوتر وقلق

تمام وقوله كل حاجه انا مش هقدر اواجهه.. 

_ اتنهد يونس بضيق وطلع وشهد قعدت جنب فيروز اللي بدأت تعيط بحزن كبير.. 

شهد 

خلاص بقي يا فيروز صلي علي النبي.. 

فيروز

عليه افضل الصلاة والسلام، انا اسفه يا شهد علي الدوشه دي كلها بس انا ماليش حد يساعدني.. 

شهد 

عيب تقولي كده ده انتي وجميله اخواتي يا فيروز ومهما بعدنا وسافرنا وحصل ايه انتي هتفضلي اختي برضو.. 

فيروز ابتسمت وردت عليها

ربنا يخليكي ليا يا شهد، قوليلي بقي جميله عامله ايه وايه اخر اخبارها؟.. 

شهد بهدوء

جميله بقي معاها جودي وجواد توأم وعندهم دلوقتي 17 سنه وحالياً مسافره بره مصر مع عمار بقالها سنه ومروان ابنه هو اللي ماسك كل حاجه هنا، انتي بقي وصلتي لأيه في حياتك؟.. 

فيروز بهدوء

ولا حاجه زي ما انا عندي اتيليه كبير حالياً وهو ده الحاجه الوحيده اللي بعملها... 

ــــــــــ #بقلم_الكاتبه_رحاب_القاضي ــــــــ

_ وفي الوقت ده في الصعيد في بيت عبدالله القاضي، كانت روان متعصبه جداً علي عكس اخواتها اللي كانو مبسوطين بطلب عبدالله وانه عايز يتجوزها.... 

روان بحده 

انتو بتضحكو علي ايه انا مستحيل اوافق.. 

رضوي 

هو انتي تطولي تتجوزي واحد زي عبدالله القاضي... 

ريناد بسخريه

وتبقي مرات سيادة النائب ويقولولك الهانم راحت الهانم جات.. 

روان بغيظ 

ايوه واعيش هنا بقي في البلد اللي مش بطيقها دي، مستحيل واصلا اكيد بابا هيرفض.. 

طارق بجمود

والله انا لو مكان بابا اوافق ماله عبدالله ايه المشكله اللي فيه، ومالها البلد يا ست روان ما احنا زمان كنا عايشين فيها وزي الفل ولا نسيتي اصلك.. 

روان بحده 

الانسان بيتقدم وبيروح لاماكن انضف مش بيرجع لورا.. 

روفان 

طيب اتجوزو  انا، انا بحب عبدالله.. 

روان بغيظ

اسكتي يا زفته انتي كمان.. 

طارق بحده

بالراحه علي اختك يا زفته انتي.. 

وبص لريناد وقال

والهانم جوزك بره من الصبح اطلعي عايز يتكلم معاكي.. 

ريناد بضيق

لا انا مش عايزه اتكلم مع حد.. 

طارق بحده 

قومي با ريناد بدل ما اقول ادبك علي دماغك المتخلفه دي، وبعدين ازاي تيجي هنا من غير ما تقولي لجوزك؟.. 

ريناد بقلق

ما انا متخانقه معاه.. 

طارق

كنتي خلي روان تقوله ربنا يستر وما يقولش لابوكي اصلا، وقومي يلا شوفيه.. 

ريناد بغيظ

ماشي يا طارق متنيله قايمه.. 

_ وطلعت ريناد ولقيت سيف قااعد في الجنينه بره لوحده ومعاه عزالدين اللي شايل تيا بنتهم وبينيم فيها.. 

وقفت فيروز قدامهم وقال

نعم عايز ايه يا سيف.. 

بصلها بغضل وقام عزالدين وقال

انا هدخل البنت جوه وانتو اتكلمو بالراحه الموضوع مش مستاهل اللي انتو عاملينه ده... 

وسابهم عزالدين ودخل جوه وسيف رد عليها وقال

ما قولتليش ليه انك جايه هنا؟.. 

ربناد بجمود

ما قولتش براحتي.. 

سيف بحده 

اتعدلي يا ريناد وانا مش عايز اكبر الموضوع واقول لخالي ووقتها هيخليكي ترجعي معايا غصب عنك.. 

ريناد بغضب

وانت عايز ترجعني ليه مش كل ما تتكلم تقول القرف اللي عايش فيه، وكمان راجعلي من بره وهدومك كلها ريحه حريمي ولما اتكلمت طلعتني قدام اهلي كلهم غلطانه.. 

سيف بحده 

غلطانه وستين غلطانه كمان عشان كل اللي بتتكلمي فيه ده اوهام من دماغك، ولو بزعق معاكي او بتعصب عليكي في العادي فانا عندي ضغط في شغلي وانتي مش مقدره ده.. 

ريناد بسخريه

امم فروحت للي تقدر بقي.. 

سيف بحده 

ما فيش فايده فيكي وخلاصة الكلام عايزه تقعدي عند اهلك اقعدي بس اي حركه تتحركيها تكلميني تقوليلي او تخلي حد من اخواتك يكلمني، مش متجوزه قرطاس لب حضرتك.. 

قال كلامه وسابها ومشي وهي قالت

استني انت رايح فين؟.. 

سيف بحده 

غاير في ستين داهيه من وشك.. 

مشي سيف وهي قالت بحزن 

بعد الشر عليك يا حيوان، بس والله لاربيك انا متأكده انك بتخوني يا سيف.. 

_ في الوقت ده قالتلها ليلي بحده وهي واقفه مع علياء في البلكونه.. 

ليلي

اطلعي يا بنت الخايبه اقعدي مع بنتك لتصحي اخلصي.. 

ـــــــــــــــــــــــــــــــــــــــــــــ 

_ وفي مكتب عبدالله كان قااعد مع حسن اللي اول ما قاله عبدالله انه عايز يتجوز  روان وملامحه اتغيرت جداً ورد علي عبدالله بهدوء وقال.. 

حسن 

انت سبق وطلبتها مني وقولتلك انها صغيره شويه.. 

عبدالله بجديه 

عارف وقتها كانت لسه 18 سنه واهو عدي سنتين يا خالي، ولو عايزه تعمل فترة خطوبه طويله ما عنديش مشكله اللي تؤمرو بيه هنفذه.. 

حسن بهدوء

الموضوع مش اللي نأمر بيه ايه عبدالله انت ابني زيك زي طارق ولو حصل نصيب مش هنأمر علي بعض والكلام ده، بس كل الحكايه ان روان دي غير اخواتها كلهم، هي شخصيه لوحدها واللي هيتجوزها لازم يبقي باله طويل اووي عشان يعرف يتعامل معاها.. 

عبدالله 

يا خالي دي امور بسيطه وتتحل مع الوقت.. 

حسن 

الامور البسيطه دي هي الحياه اللي هتكون بينكم، ولو اختلفتو فيها مش هتنفعو سوا، مش قصدي اقولك بنتي وحشه بس روان متدلعه ومش بتاعت مسؤليه وجواز وبيت حالياً.. 

عبدالله بجديه 

وانا راضي بيها وهيبقي بالي طويل معاها يا خالي، انا بطلب منك روان وانا عارف كل اللي انت بتتكلم فيه ده.. 

حسن بهدوء

طيب اصبر لحد ما انت تخلص موضوع الانتخابات بتاعك ده وهي تكون خلصت السنه دي في الكليه بتاعتها واللي فيه الخير يقدمه ربنا.. 

عبدالله 

ماشي يا خالي اللي تشوفه.. 

_ وبعد شويه كان حسن قاعد في اوضته مع ليلي ومعاهم روفان وروز اللي نايمين علي السرير، وليلي قعدت جنبيه علي الكنبه وقالت.. 

ليلي

كنت وافقت يا حسن... 

حسن. 

اوافق ازاي يا ليلي وانا متأكد ان بنتك هترفض.. 

ليلي بضيق

وهو عبدالله يترفض دي عبيطه ومش عارفه مصلحتها، بص انا هقولها وطول الفتره دي هعرف اقنعها.. 

حسن 

والله ياريت انا مش عايز ارفض عبدالله الواد جدع وراجل وانا متأكد انه مش هيزعل بنتي وهيشيلها في عينيه، بس المشكله في روان مش هترضي تعيش هنا ولا هترضي بعبدالله اصلا.. 

ليلي

سيب انت بس الموضوع ده عليا انا، ونسيت اقولك سيف جه واتخانق هو وريناد تاني ومشي وسابهم.. 

حسن بضيق

استغفر الله العظيم يارب بعد بكره نرجع بيتنا ونشوف الموضوع ده، انا عايز انام يا ليلي روحي نامي جنب بناتك وانا هنام هنا علي الكنبه.. 

مسكت ليلي ايده وباستها بهدوء وقالت

ماشي يا حبيبي تصبح علي خير.. 

باسها حسن علي رأسها بهدوء وقال

وانتي من اهل الخير يا غاليه يا ام الغاليين.. 

ــــــــــ #بقلم_الكاتبه_رحاب_القاضي ــــــــ

_وفي بيت يونس الصاوي كان قاعد يونس مع زين لوحدهم في الجنينه وقاله يونس بهدوء.. 

يونس

ابوك مش وحش ولا سمعته وحشه، بالعكس ده راجل من عيله كويسه وجدع وطيب.. 

زين بجمود

ماما عمرها ما قالتلي عنه انه من عيله مش كويسه هي بس موجوعه منه وده حقها، بس هو ما كانش جدع معاها.. 

يونس بجديه

الموضوع ده بينهم هما الاتنين انت اللي يخصك ابوك يا زين وانه يعرف انك ابنه.. 

زين بقلق

طيب هو فين انا ينفع اشوفه دلوقتي؟.. 

يونس

هو مش في القاهره دلوقتي هو عند اهلكم في الصعيد، بعد بكره كده هكلمك واخدك وتروح تقابله.. 

اتنهد زين بضيق وقال

ان شاء الله هنمشي احنا بقي... 

يونس

استني هات رقمك انا هكلمك انت ونتقابل بعيد عن امك خالص.. 

طلع زين موبيله وقال

حاضر... 

_ واخد يونس رقم زين اللي اخد فيروز ومشي وكان طول الطريق ساكت ومش راضي حتي يبثلها او يكلمها بنص كلمه ولو اتكلمت معاه مش بيرد عليها، واول ما دخلو بيتهم سابها وكان داخل اوضته بس هي وقفته وقالت.. 

فيروز 

استني يا زين... 

بصلها بهدوء وقال

نعم؟... 

فيروز

انت زعلان مني ليه؟.. 

زين بدموع 

عشان انا لو عيل صغير مش هتعملي فيا كده، ليه تحطيني في الموقف ده قدام صحابك انتي وهو، ليه اتحط في الموقف ده كله من زمان ومدام ابويا عايش ليه تخليه ما يعرفش اني موجود، ليه كدبتي عليا وقولتيلي انه مش عايزني.... 

فيروز بهدوء

عشان ما كنتش عايزاه يأذيك او يعلقك بيه ويمشي.. 

زين بضيق

تصبحي علي خير يا ماما انا تعبان وعايز انام.. 

_ وسابها ودخل اوضته اخد العلاج بتاعه وراح قعد الي مكتبه عشان يذاكر بس قفل الكتاب تاني ومسك موبيله وفتح الشات بتاعه هو ويارا ولقاها فاتحه بس مش بتكلمه فبعتلها رسالها وقال فيها.. 

زين 

كنت فاكرك طفله اكتر من كده علي فكره، وما كنتش فاكرك حلوه اووي بالشكل ده وكمان اهلك ناس كويسين ربنا يخليهملك.. 

_ في الوقت ده في بيت يونس الصاوي كانو كلهم قاعدين بيتعشو معادا يوسف اللي ما كانش معاهم وسدره قاعده مكانه جنب يزن، ويارا قاعده علي طرف الكرسي بتاع يونس وبتوريه صور في موبيلها وقالتله.. 

يارا 

ها يا بابا حلو المكان صح؟... 

يونس 

ايوه حلو في الاجازه بقي نروح.. 

يارا 

يا بابا لسه هنستني الاجازه، احنا نروح الشهر ده وبالمره يزن وسدره يقضو شهر العسل... 

ضحك يزن بسخريه وسدره قالت

انا مش هسافر مع حد ما تعمليش حسابي يا يارا.. 

بصلها يزن بضيق وشهد قالت ليارا

تعالي يا يارا اقعدي اتعشي وسيبي ابوكي يكمل اكله... 

يارا بحزن 

عشان خاطري يا بابا عشان خاطري، مش انت قولتلي ما تروحيش الرحله مع صحابك وهنسافر كلنا.. 

يونس بهدوء

حاضر يا حبيبتي هحاول نروح خلال الشهر ده.. 

ابتسمت يارا بحماس وقالتله

والله احسن بابا في الدنيا، وهنروح المكان اللي وريتهولك ده صح؟.. 

يونس 

اللي انتي عايزاه يا ستي.. 

شهد بحده

اخلصي بقي يا بت وسيبي ابوكي يتعشي.. 

_ راحت يارا وقعدت جنب مامتها وفتحت موبيلها تاني وهي بتاكل واول ما شافت رسالة زين ابتسمت بهدوء وردت عليه بقلوب كتير وبعدين قفلت الفون وبدأت تتعشي.. 

قال يونس بخبث لسدره 

نورتينا يا بنت دارين.. 

ما ردتش عليه ويزن قالها بحده 

بابا بيكلمك يا سدره.. 

اتنهدت سدره بضيق وقالت

شكرا يا حمايا.. 

يونس بجمود

شهد بتحب تجهز العشا كل يوم في المطبخ والفطار كمان، فياريت تنزلي بعد. كده تساعديها.. 

ردت عليه ببرود وقالت

والله ده شغل الخدم بالنسبالي وانا ما اعملوش.. 

_اتدايقو كلهم من ردها علي عكس يونس اللي ابتسم بخبث وبص ليزن بمعني انها غلطت فب امك قدامك وانت ساكت.... 

شهد بحده

ده مش شغل خدم يا سدره، لما اعمل حاجه بأيدي لولادي وجوزي يبقي عشان بحبهم ومش عايزه اقصر معاهم في حاجه.. 

يزن بجمود

وسدره هتساعدك يا ماما وهتعمل زيك بالظبط.. 

سدره بفضب

انا مش عايزه اساعد حد ومش بعرف اطبخ اصلا.. 

يزن ببرود

تعلمك وما اسمعش صوتك تاني.. 

_ قامت سدره وهي متعصبه وسابتهم وطلعت شقتها، ويونس قال ليزن بسخريه.. 

يونس

ده اللي قدرك عليه ربنا ده انا فكرتك هتلبسها بالطبق في وشها... 

اتنهد يون بضيق وشهد ردت عليه وقالت

والله انت اللي تستاهل تتلبس بالطبق في وشك، مالكش دعوه بيهم يا يونس ما تبقاش عامل زي الوليه الحربايه كده.. 

ضحكت يارا ويونس قال بمرح 

عارفه يا يارا امك زمان كانت بتخاف ترفع عينها فيا بس نقول ايه بقي علي الدنيا.. 

شهد بسخريه 

ما هو من العيشه معاك، ده انت تخلي الكافر يتوب، المهم هتعمل ايه في موضوع ابن عزالدين.. 

بصتلهم يارا بأهتمام ويونس رد عليها وقال

يرجع عز بس يا شهد وهشوف وقتها هعمل ايه.. 

ــــــــــ #بقلم_الكاتبه_رحاب_القاضي ــــــــ

_ وبعد شويه في شقة يزن كانت سدره بتتكلم في الموبيل وقالت بجمود.. 

سدره

تمام يا ندي انتي خليكي وراه زي ما اتفقنا ويوسف الصاوي ده نقطة ضعفه الستات يعني مش هياخد وقت معاكي.. 

ندي 

هو اااه بتاع ستات يا سدره بس مش ساهل وبتاع حوارات.. 

سدره 

اعملي زي ما بقولك ومش هتحصل حاجه، وبعدين ما انتي بتاخدي الفلوس اللي انتي عايزاها يبقي تسمعي كلامي.. 

ندي 

خلاص يا اختي هعمل اللي قولتي عليه وربنا يستر بقي.. 

_دخل في الوقت ده يزن عندها فقفلت هي معاها بسرعه وهو قرب منها وهو متعصب وقال بحده... 

يزن 

اول واخر مره تغلطي في امي، عشان لو اتكررت ما تعرفيش انا هعمل فيكي ايه.. 

وقفت سدره قدامه وقالت بهدوء

ما كنتش اقصد بس باباك هو اللي استفزني، وعلي العموم انا اسفه مش هقول حاجه تدايقها تاني، انا اصلا بعيد عن اي حاجه بحب طنط شهد جدا ومش بحب ازعلها مني.. 

يزن 

بكره تنزلي معاها وتعملي زي ما هي بتعمل، ولو هتروحي الجامعه قوليلي عشان اوصلك الصبح... 

سدره قربت منه وقالت

حاضر اللي انت عايزه انا هعمله بس ما تزعلش مني.. 

بعد عنها وقال بجمود

تصبحي علي خير... 

_ وسابها ودخل اوضته ورزع الباب في وشها، وهي اتنهدت بغيظ وقالت لنفسها بحقد... 

سدره

الصبر يا يزن وانا هخليك زي الخاتم في صباعي واخوك ان ما كانت فضيحته علي ايدي ما ابقاش انا هو واختك دلوعة بابا دي، وهشوف وقتها ابوك هيفضل يلقح علي ماما ازاي بكلامه السخيف ده... 

ــــــــــ #بقلم_الكاتبه_رحاب_القاضي ــــــــ

_ وفي بيت القاضي تاني يوم الصبح طلعت روان من اوضتها ولقيت ليلي وحسن وروفان وروز قاعدين في الصاله اللي الدور التاني، راحت قعدت معاهم وقالت.. 

روان 

هو احنا هنمشي من هنا امتي انا اتخنقت.. 

ليلي بغيظ

الناس تقول صباح الخير وبعدين احنا متفقين اننا هنمشي بكره الصبح.. 

روان بضيق

طيب نمشي النهارده هنقعد نعمل ايه تاني؟.. 

حسن 

عبدالله عامل عزومه كبيره النهارده هيحضروها كبار البلد وانا وعمك لازم نبقي معاه.. 

روفان 

بابا تعالي صورني وانا في الجنينه تحت عشان اوريها لصحابي.. 

حسن 

مش هعرف اصورك يا روفان، انزلي معاها انتي يا روان.. 

روان مسطت موبيلها وقالت

لا مش فاضيه عشان اصورها انا.... 

ليلي بحده

معاكي ايه مش فاضيه انزلي يلا مع اختك وصوريها.. 

روان بغيظ 

انا غلطانه اني قومت وجيت اقعد معاكم.. اتنيلي قدامي يا ست روفان

حسن 

خدي رووز معاكي يا روان.. 

رووز

لا يا بابا انا قاعده مع ماما.. 

روان بضيق 

احسن خليكي قاعده هنا.. 

واخدت روفان ونزلت وحسن قال بحزن لـ ليلي

شايفه اسلوبها عامل ازاي، انا مش فاهم هي ليه بقيت كده أخواتها كلهم طبع لوحدهم ويارا طبعها زي الزفت لوحدها.. 

ليلي بجديه 

عايزه يتشد عليها شويه يا حسن بلاش الدلع الزياده معاها ده، يا حسن ده البنت ضحكت عليك في مصاريف الجامعه وانت سكت.. 

حسن بجمود

هبقي اشوف يا ليلي وما تقوليلهاش اني عرفت وانا هتصرف.. 

_ وتحت كانت روان واقفه بتصور روفان وعلي مسافه قريبه منهم كانت علياء بتجهز في الفطار علي الترابيزه الكبيره اللي في الجنينه ومعاها الشغالات.. 

روان بغيظ

هاا كفايه كده يا روفان الموبيل هيفصل.. 

جريت عليها روفان وقالت

انتي كدابه الموبيل لسه فيه شحن، بس وريني الصور مش مهم هكتفي بدول.. 

روان 

امسكي شوفي صورك وهاتيلي الموبيل لحد ما اشوف عمتو بتعمل ايه.. 

روفان بخبث

قصدك حماتك يا رورو.. 

روان بحده 

غوري من وشي يا زفته انتي.. 

وراحت روان عند علياء وقالتلها

الله يا عمتو فطير انا نفسي فيه اووي وما فيش حد بيعملو حلو زيك بجد.. 

علياء ابتسمت باتساع وقالت

انا عملاه مخصوص عشانك يا حبيبتي اقعدي يلا عشان تفطري.. 

وقالت للشغاله

روحي يا بنتي بلغي الجماعه اللي صحيو ان الفطار جاهز في الجنيته.. 

الشغاله بأحترام 

عينيا يا ست هانم.. 

_مشيت الشغاله وفي الوقت ده جات بنت محجبه وشكلها حلو جداً ومبتسمه بهدوء، وقالت لعلياء.. 

_صباح الخير يا مرت عمي.. 

علياء

صباح الفل يا أسرار في حاجه علي الصبح اكده.؟... 

اسرار بصت لروان اللي لابسه فستان بسيط جداً بنصف اكمام وطويل للارض او اقصر شويه لونه سماوي وفارده شعرها واتنهدت بغيظ وغيره واضحه وقالت.. 

اسرار

لا ما فيش حاجه يا مرت عمي، بس امي قالتلي ان عبدالله عامل عزومه كبيره النهارده هيحضروها كبار البلد واما قولت أجي اساعدك عشان ما تتعبيش.. 

علياء

فيكي الخير يا بنتي بس الشغالين هيخلصو كل حاجه، بس انتي هتقعدي معايا اليوم كله برضو عشان وحشاني يا حبيبتي. 

اسرار بسعاده 

تسلميلي يا مرت عمي، هو عبدالله راح الشغل ولا ايه؟.. 

بصتلها روان بسخريه وعلياء ردت عليها وقالت

لا يا حبيبتي اهو عبدالله جه هيفطر ويانا الاول وبعدين هيروح علي شغله.. 

قرب منهم عبدالله وقعد علي راس الترابيزه الكبيره وقال

صباح الخير يا جماعه.. 

علياء

صباح النور.. 

اسرار

صباح النور يا عبدالله، والف مبروك علي ترشيحك للمجلس انا كنت طايره من الفرحه لما سمعت الخبر.. 

روان بهدوء

بس هو اترشح بس ما نجحش لسه وممكن يخسر اصلا لانه لسه صغير كده ممكن هتطيري علي الفاضي... 

اسرار بحده 

فال الله ولا فالك يا اسمك ايه انتي، انتي اصلا غريبه عن البلد وما تعرفيش كيف الناس اهنا بتحب عبدالله.. 

علياء

معاها حق يا روان وان شاء الله عبدالله هينجح فيها ويرفع راسنا كلنا..

عبدالله بجمود

ان شاء الله يا امي، اومال فين خالي حسن ؟.. 

علياء

جاي يا ولدي افطر انت بس عشان تلحق شغلك هما مش اغراب وقت ما يصخو ياكلو، تعالي يا اسرار معايا هنجيب شوية حاجات من المطبخ.. 

_ادايقت اسرار عشان هتسيب عبدالله مع روان اللي كانت مش مهتمه لغيرتها اصلا ولا مهتميه بوجود عبدالله نفسه، وقامت وقالت.. 

روان 

انا ممكن اساعدك. يا عمتو وو.. 

قاطعتها علياء وقالت

لا مش هتعرفي يلا يا اسرار يا بنتي.. 

بصلها عبدالله وقال

ما تسمعي كلام مرت عمك يا اسرار واقفه كده ليه.؟... 

اسرار بغيظ

حاضر يا عبدالله اللي تشوفه.. 

_ ومشيو من عندهم وروان كملت اكلها بهدوء وهي مش واخده بالها من عبدالله اللي ما نزلش عيونه من عليها وقال بهدوء.. 

عبدالله

مرتاحه في القعده هنا يا روان.. 

هزت راسها بمعني لا وردت عليه وهي بتاكل 

لا بصراحه انا مش بحب الجو هنا خالص، بس بحب الاكل اللي هنا بصراحه بس انت ليه بتسأل؟.. 

عبدالله بهدوء

لا ابداً بس كنت بقول لو القعده في البلد عجبتك هخلي خالي يحولك من جامعة القاهره لهنا.. 

ضحكت روان بسخريه وردت عليه 

بزمتك يا شيخ عايزني اسيب جامعة القاهره وأجي هنا سوهاج.. 

عبدالله 

والله انا شايف إن الصعيد في كل حاجه افضل من القاهره.. 

روان 

بالنسبالك.. 

عبدالله بجمود

اللي يرحك يا بنت خالي اعمليه بس وجهة نظرك دي غلط وتفكيرك نفسه غلط.... 

روان بقلق

انت كبرت الموضوع ليه كده، ولا هو بابا طلب منك انقل الجامعه هنا دي تبقي مصيبه.. 

عبدالله بضيق

لا مش مصيبه لو كان طلب كده. وهو ما طلبش حاجه انا بس بسألك.. 

روان 

وايه مناسبة السؤال ده؟.. 

بصلها بجمود ورد عليها بكل ثبات وقال

عايز اتجوزك وتقعدي معايا هنا.. 

_وقدام نظراته ليها ونبرته الثابته وثقته في نفسه وهو بيتكلم خلاها تتوتر ووشها قلب احمر وردت عليه وقالت.. 

روان 

انت اا فجأتني يعني، وبعدين انت حاجه زي دي تتكلم فيها مع بابا مش معايا.. 

وقامت عشان تمشي بس هو وقف قدامها وقال

كلمته وبدل المره اتنين وهكلمه تاني وتالت كمان لحد ما يوافق.. 

روان بقلق وخوف 

بس انا مش هتجوز دلوقتي.. 

عبدالله بهدوء

اللي فيه الخير يقدمه ربنا يا بنت خالي، وانا بحب اصبر لحد ما اللي بعوزه يجي في وقته.. 

جات في الوقت ده روفان وقالت

امسكي يا روان في حد بيرن عليكي كتير صدعني، ولا اقولك استني هخلي عبدالله يشوف الصور بتاعتي.. 

مسكت منها روان الموبيل وقالت

لا انا مش فاضيه.. 

_ واخدت الموبيل ومشيت وهو واقف وبصلها بهدوء وابتسامه بسيطه لن يظهرها امام احد سواها هي التي امتلكت فؤاده حتي جعلته شخص اخر معها دون الجميع.. 

فاق من سرحانه فيها لما روفان قالتله

عبدالله هو انت هتتجوز روان بجد؟.. 

قعد عبدالله مكانه تاني ورد عليها وقال

انتي شايفه ايه يا روفان اتجوزها واخليها تقعد معايا هنا ولا لا؟.. 

روفان بتفكير

لا عشان روان مش بتحب تقعد هنا يا عبدالله، بص خد رضوي حلوه وبتسمع الكلام او خدني انا عشان طيبه والله وبحبك.. 

ضحك عبدلله وقال  

هههههههه وانا موافق بس تفطري معايا... 

روفان 

لا هستني زيزو عشان بيشربني شاي وماما مش بترضي تخليني اشرب شاي.. 

_ابتسم عبدالله بهدوء وكان باله مشغول لسه في روان اللي اول ما دخلت البيت لقيت حسن خارج وقالها.. 

حسن

رايحه فين مش هتفطري معانا؟... 

روان 

فطرت يا بابا رايحه اشوف ريناد ورضوي.. 

حسن 

ماشي يا روان وقولي لامك تنزل تفطر وتصحي اخوكي.. 

روان بتوتر

حاضر.. 

حسن بقلق

مالك يا بنتي في ايه؟.. 

روان 

لا ما فيش حاجه بعد اذنك... 

_ وطلعت روان فوق ولقيت رضوي قاعده قدام البلكونه وقالتلها بخبث اوول ما شافتها.. 

رضوي 

هو عبدالله كان بيقولك ايه يا روان؟.. 

روان بضيق 

وانتي قاعده متابعه بقي من هنا؟.. 

رضوي 

بالصدفه شوفته وهو بيكلمك، ها بقي كان بيقولك ايه؟.. 

روان بنبره غاضبه وهي بتحاول تظاري توترها

عايز يتجوزني وقال ايه اعيش معاه هنا، بجد دي اكتر مره نيجي فيها هنا وابقي مخنوقه ونفسي امشي.. 

رضوي 

ليه كل ده مش عايزه تتجوزيه خلاص ما حدش هيغصبك علي حاجه.. 

روان بقلق 

مش عارفه بقي، انا هقعد جوه وما حدش يقولي انزلي ولا اقعدي معانا.. 

_ قالت كلامها ودخلت اوضتها ورضوي راخت وقفت في البلكونه وكلمت يوسف اللي رد عليها بصوت نايم وقال.. 

يوسف

ايه يا بيبي.. 

رضوي بحده 

انا رضوي حسن يا بشمهندس يوسف.. 

قام يوسف وبص للموبيل وقال

سوري فكرتك حد تاني، خير علي الصبح؟.. 

رضوي 

فين الحاجات اللي طلبتها منك وقولتلك تبعتهالي.. 

اتنهد يوسف بضيق وقال

ما انا بعتهالك بالليل.. 

رضوي بحده

ده انا لو باعته عيل صغير كان هيفهم انا عايزه ايه، اسمع من بكره الصبح هيجيلك عم سعيد المقاول وهيقولك انا عايزه تفاصيل ايه وتنفذه.. 

يوسف بحده

انا جيبت اللي اعرفه وخلصنا ومش هاخد انا تعليمات من حد مش عاجبك سبيها الشغلانه دي... 

_ استني ردها لكن هي صدمته لما قفلت الفون في وشه، اتنهد بغيظ وقال.. 

يوسف 

جاتك القرف فيكي وفي مناخيرك اللي رفعاها السما دي.. 

_ ورجع نام تاني وقغل موبيله خالص، وبعد شويه دخل عنده يونس وزعق فيه وقال بحده.. 

يونس 

قوم يالااا كلمني.. 

يوسف بفزع 

بابا في ايه.؟.. 

يونس بحده

عامل ليه مشاكل مع البشمهندسه رضوي؟.. 

يوسف بضيق

هي اللي بتطلب حاجات صعبه ومش عارف اعملها.. 

يونس بحده

انت بتضحك علي مين يالااا، بتعمل الحركات دي عشان تطفشها ولا عشان ازهق منك واسيبك تتصرمح براحتك من غير شغله ولا مشغله.. 

يوسف ببرود

بابا ممكن انام ولما اصحي نتكلم زنتخانق ونعمل كل اللي انت عايزه.. 

يونس بعصبيه 

انا نفسي افهم انت جايب البرود ده منين، قوم فز اجهز عشان تنفذ اللي هي قالتلك عليه... 

يوسف بحده 

انا مش واحده زي دي اللي هتمشي كلامها عليا.. 

يونس بغضب

الواحده دي اثبتت نفسها في الشغل اكتر منك، ولو كانت بنتي وابشركه دي بتاعتها كان زمانا بقينا في حته تانيه دلوقتي، والله يا يوسف لو ما سمعت الكلام ومشيت معاها زي ما هي عايزه لا هيبقي ليك عندي لا شغل ولا فلوس ولا حتي هتقعد في البيت ده.. 

يوسف بغيظ

ماما فين الحقيني يا ماما.. 

يونس بجمود

ايااك تدخل امك بينا في الموضوع ده، لو عايز البيت ده يتخرب دخلها عشان انا مش هرجع في كلامي.. 

ومشي يونس بس وقف عند الباب وقال

ربع ساعه وتكون تحت تفطر معانا وتروح علي شغلك.. 

_قال كلامه وقفل الباب عليه ويوسف زادت عصبيته وغضبه من رضوي اضعاف، وبعد شويه نزل تحت لقي سدره واقفه وبتظبط السفره مع الشغاله فضحك بسخريه وقال.. 

يوسف

دي احلام العصر مش كده، سدره هانم واقفه وبتظبط السفره لا مش معقول.. 

سدره بضيق

عايز ايه انت علي الصبح؟.. 

يوسف 

وانا هعوز منك ايه انتي كمان، هاتيلي شاي يلاا.. 

ضربته بالمعلقه في ةشه وقال

هو انا الخدامه اللي جابوهالك اهلك يلاا، وتبطل تتكلم معايا انا مش بطيقك اصلا.. 

يوسف ببرود

من القلب للقلب بس مؤتر اتحملك عشان اخويا.. 

بصتله بقرف وقالت

رخم زي ابوك.. 

يوسف بحده 

والله التربيه ما عدت علي بيتكم.. 

سدره 

ولا علي بيتكم برضو.. 

نزل يزن في الوقت ده وقال

مالكم في ايه؟.. 

يوسف

مراتك يا اخويا يا كبير بتقولي التربيه ما عدتش علي بيتنا يرضيك.. 

يزن وهو بيقعد جنبيه

هي لو تقصدك انت فبصراحه معاها حق.. 

ضحكت سدره بشماته ويوسف قاله بغيظ

انا اللي هشيل خشبتك مش هي علي فكره.. 

جات شهد وقالتله بحده 

بعد الشر ما تقولش كده تاني علي اخوك يا حيوان.. 

وبصت لسدره وقالت 

تعبناكي معانا يا سدره النهارده، مراتك يا يزن هي اللي جهزت الفطار كله النهارده.. 

ما اهتمش يزن بكلام شهد وسدره قالت بهدوء مصطنع

ده واجبي يا طنط وانا اسفه لو كنت دايقتك امبارح بكلامي.. 

يوسف بصدمه 

هو انا اللي سامعه ده كويس سدره بتعتذر لحد.. 

شهد بهدوء

سيبك منه يا سدره، وما تعتذريش انتي زي بنتي وانا مش هزعل منك.. 

جه يونس وقال بجمود

شهد فين يارا؟.. 

شهد 

طيب قول صباح الخير الاول، ويارا عندها برد ونايمه ومش رايحه المدرسه النهارده.. 

يونس بقلق

وما قولتليش ليه من لما صحيت انها تعبانه، واعملي حسابك مش هتروحي الشغل النهارده وتفضلي معاها.. 

شهد 

ده دور برد خفيف يا يونس بنتك اللي متدلعه، المهم اقعد افطر سدره عملت الفطار كله النهارده.. 

يونس بحده

اللي قولته يتسمع يا شهد تفضلي مع يارا لحد ما تخف وانا هاخدها المستشفي قبل ما اروح الشغل.. 

يوسف بغيظ

نااس ليها دلع وناس ليها مرمطه.. 

رد عليه يونس بحدخ وقال

التلقيح ده بتاع النسوان يالا ولو فتحت بوقك تاني بكلمه مش علي مزاجي هضربك بالجزمه.. 

شهد بحده 

ما بالراحه علي الواد يا يونس.. 

يونس بغضب

والله ما حد خربه غيرك وغير دلعك ليه.. 

يزن بهدوء

خلاص يا بابا ما حصلش حاجه، وروح انت الشغل وانا هاخد يارا المستشفي.. 

يونس بهدوء

انا ما خلفت غيرك انت ويارا يا ابني.. 

يوسف بسخريه

ولقيتني انا في الشارع مثلاً؟؟.. 

يونس بغضب

هو انا مش قولتلك ما تتكلمش يا حيوان.. 

_ قرب منه يونس وهو قام بسرعه وجري من قدامهم... 

ــــــــــ #بقلم_الكاتبه_رحاب_القاضي ــــــــ

_ وبالليل كان الكل مشغول في العزومه بتاعت عبدالله، وكانت ليلي قاعده هي وعلياء والبنات مع بعض ومعاهم اسرار بنت عم عبدالله وامها اللي كانت قاعده مدايقه جدا وقالت لـ ليلي بخبث.. 

فتحيه

وهي بتك الكبيره دي لسه ما اتجوزتش من لما كمال فاتها سافر.. 

_أدايقت ليلي وبناتها اللي بصو لبعض بحزن وعلياء ردت عليها بهدوء وقالت.. 

علياء

رضوي بنت اخويا الف مين يتمناها ولما يجيلها نصيبها ان شاء الله هتتجوز، دي بشمهندسه قد الدنيا وما ينفعش نديها لاي حد.. 

ليلي بخبث

وانا بناتي يا حبيبتي اللي عايزهم يجيلهم لحد البيت مش اخدهم واعرضهم علي حد.. 

ريناد بصوت واطي لاخواتها

ماما تضرب ولا تبالي.. 

روان ردت عليها بصوت واطي

اصلا باين اووي انها جايبه بنتها وبتلزقها في عمتي عشان عبدالله.. 

رضوي بخبث

امم وانتي ايه اللي مدايقك في الموضوع ده.. 

روان 

وانا ايه اللي يدايقني انا بقولكم بس.. 

قامت علياء وقالت

رضوي تعالي معايا يا حبيبتي عايزاكي في كلمتين.. 

قامت رضوي وقالت

حاضر يا طنط.. 

_ واخدتها علياء اوضتها وقفلت الباب ومسكت موبيلها وكلمت حد، وقبل ما يرد عليها سالتها رضوي بقلق وقالت.. 

رضوي 

في ايه يا طنط بتكلمي مين؟.. 

علياء بهدوء

استني بس يرد عليا.. 

وفي الوقت ده رد عليها كمال ابنها وقال

الو يا ماما.. 

علياء

ازيك يا حبيب امك عامل ايه؟.. 

_ اتوترت رضوي جداً واتملت عيونها دموع اول ما سمعت صوته اللي بقالها سنين ما سمعتوش، وزاد توترها اكتر لما علياء قالت.. 

علياء

انا كويسه يا حبيبي، بقولك ايه يا كمال في حد هنا عايز يسلم عليك.. 

_واديت الموبيل لرضوي وطلعت بره الاوضه وقفلت عليها الباب ورضوي فضلت حاطه الموبيل علي ودنها وساكته لحد ما هو قال... 

كمال

الو يا امي روحتي فين؟.. 

رضوي بدموع

انا رضوي يا كمال عامل ايه؟.. 

كمال

رضوي ده. بجد يعنني ولا بتهزري.. 

ابتسمت وهي بتمسح دموعها وقالت

انا رضوي بجد يا كمال.. 

كمال بهدوء

عامله ايه يا رضوي واخبارك ايه؟.. 

ردت عليه بنبره مهزوزه وقالت

انت هترجع امتي يا كمال مش كفايه كده، انا حتي مش عارفه اتكلم معاك.. 

كمال

ان شاء الله ممكن ارجع قريب بس لو ما قدرتش يبقي هرجع بعد 4 سنين ويمكن اكتر.. 

رضوي بسخريه 

لا والله وجاي علي نفسك ليه اووي كده.. 

كمال 

انتي مكلماني تقطميني يا رضوي يعني ولا ايه؟.. 

رضوي بدموع

لا ابدا انا اصلا ما كنتش عايزه اكلمك يا كمال مع السلامه... 

_ وقفلت الموبيل في وشه زي عادتها لما بتدايق من حد من غير ما تسمع رده، وطلعت اديت الموبيل لعلياء اللي قالت.. 

علياء

خير يا بنتي قالك انه جاي؟.. 

رضوي بحزن 

مش هيرجع كمال حابب البعد والقعده هناك.. 

ليلي بحده

انتي كنتي بتكلميه يا روح امك؟.. 

رضوي بقلق

يا ماما خلاص احنا مش قاعدين لوحدنا.. 

ليلي بحده 

انا تعبت منك انتي ايه ما عندكيش دم.. 

علياء بحده 

مالكيش دعوه بيها يا ليلي وانا اللي خليتها تكلمه... 

قامت ليلي وقالت بغضب

ماشي يا علياء بس الكلام مع اخوكي مش معاكي، اصل مش مكفيكي انك انتي وابنك وقفتولي حالها سنين ولسه عايزين توقفو حالها اكتر من كده.. 

قالت كلامها ومشيت ودخلت عندهم فتحيه وقالت بفضول 

مالها ليلي يا ام عبدالله بتزعق ليه ولمين؟.. 

ردت عليها ريناد وقالت

لا ابدا يا طنط دي كانت بتزعق لروفان.. 

قالت روفان بحده 

هو انا عملت ايه عشان تزعقلي.. 

مسكتها روان من ايدها وقالت

يا بت اسكتي وتعالي نشوف ماما عشان تصالحيها.. 

_ واخدتها روان وطلعو بره البيت اصلا وقالتلها بهدوء.. 

روان 

العبي هنا يا روفان.. 

روفان 

هروح اجيب روز تلعب معايا وجايه.. 

_ مشيت روفان وروان طلعت موبيلها وكلمت امير اكتر من مره بس ما ردش عليها، فادايقت جداً وفضلت تتمشي في الجنينه لحد ما قربت من المكان اللي فيه الضيوف بتاعت عبدالله وسمعت صوت حد بيزعق فقربت من هناك ووقفت جنب الشباك وبصت عليهم من غير ما حد يشوفها ولقيت خلف قاعد جنب عز حسن وبيزعق في عبدااله اللي قاعد قدامه جنب باباها وعمر ابن عمه اخو اسرار وقال.. 

خلف

انتو لو حد منكم يا حج حسن او عز بيه اللي اترشح ما كنتش هتكلم انما واحد من دور عيالي هو اللي يبقي كبير عليا ده ما ارضااش بيه.. 

عبدالله بحده

انت لما تتكلم قدامي صوتك يبقي واطي، وانا عملت اعتبار لخالي حسن وخالي عز ورضيت اخليك تيجي النهارده.. 

حسن 

خلاص يا عبدالله ويا حج خلف ما حدش هيبقي كبير عليك انت كبير الكل.. 

عز بسخريه

والكبير كبير مقام مش بالكلام ولا ايه؟.. 

عبدالله بغيظ وصوت واطي 

بس يا خالي و سيب خالي حسن يتصرف.. 

خلف بحده 

وانا دلوقتي ما بقاش ليا مقام معاكم.. 

حسن 

مقامك فوق راسنا يا حج خلف، ولو احنا حسبناها زيك كده اكيد ما كناش هنوافق ان عبدالله يترشح ويبقي كبير عليا وعلي اخويا، بس احنا اللي همنا هو مين اللي هيمسك المنصب ده وينفع بيه البلد.. 

خلف

وانا يعني ما كنتش بنفع البلد.. 

عزالدين

طيب وخايف ليه ما تترشح قدام عبدالله ومدام كنت بتنفع البلد يبقي الناس هتختارك انت.... 

قام خلف وقال بغضب 

يعني ده اخر كلام عندكم؟.. 

حسن 

الكلام ده وقدام الكل اهو ما يزعلش  حد... 

_ ايدت الناس اللي قاعده كلها كلام حسن وخلف اتعصب ومشي وهو بيتوعد لعبدالله، وفي الوقت ده شاف عبدالله روان اللي واقفه عند الشبااك من غير ما هي تاخد بالها واستيذن منهم وقام وراح وقف جنبيها عند الشباك وقال بجمود

عبدالله

بتعملي ايه هنا؟.. 

بصتله بفزع وقالت

مم ما فيش بس روفان كانت هنا وو يعني انا كنت بدور عليها.. 

عبدالله بحده

طيب ادخلي جوه عشان ما ينفعش حد يشوفك من اللي جوه.. 

روان 

ليه يعني هو عيب ولا حرام.. 

عبدالله 

ايوه عيب وادخلي جوه مش هقول تاني.. 

روان بحده 

انت بتكلمني كده ليه. طيب مش داخله وواقفه هنا.. 

طلع عبدالله موبيله وقال

لا انا اكلم ابوكي يجي يتصرف معاكي.. 

مسكت ايده بسرعه وقالت بخوف

خلاص بهزر معاك يا عم اي ده.. 

_ابتسم عبدالله بهدوء اول ما مسكت ايده وقبل ما يرد عليها جه طارق وبصلهم بحده وغضب وقال.. 

طارق

ما نجيب شجره واتنين لمون يا حلو منك ليها.. 

سحبت ايدها من عبدالله بسرعه وقالت

ده انا كنت بدور علي روفان.. 

عبدالله بجديه 

شوفتها واقفه جيت اشوف مالها... 

قال طارق بحدخه لروان 

اتنيلي ادخلي جوه يا بت انتي يلااا.. 

مشيت روان وطارق قال لعبدالله بحده

انت تعرف الاصول يا عبدالله وكده غلط وما ينفعش ولو اتكرى تاني والله اا.. 

قاطعه عبدالله بهدوء

انت فاهم غلط علي فكره وما تكبرش الموضوع يا طارق هو مش هيتكرر تاني ما تقلقش وتعالي نقعد مع الرجاله جوه.. 

_ مشي معاه طارق وكان برضو مدايق بسبب وقفة اخته مع عبدالله وانها كانت ماسكه ايده.. 

ــــــــــ #بقلم_الكاتبه_رحاب_القاضي ــــــــ

_ وخلصت الاجازه ورجعت عيلة الاستاذ حسن القاهره، وراحت رضوي الشغل بتاعها وكان يوسف مستنيها في الموقع اللي هيشتغلو فيه. واول ما نزلت من عربيتها لقيته واقف قدام عربيته وهو لابس نضارته الشمسيه وماسك موبيله.. 

قربت منه رضوي وقالت

فين عم سعيد؟.. 

قفل موبيله ورد عليها وقال

راح يجيب العمال وجاي عشان نبدأ، هو انتي كنتي مسافره فين؟.. 

رضوي

وانت عرفت منين اني كنت مسافره؟.. 

يوسف

اونكل عز قال لبابا ان كلكم مسافرين، فين بقي؟.. 

رضوي بهدوء

وانت مالك خلينا في الشغل وتعالي ورايا.. 

يوسف بغيظ 

علي فكره الكلام خد وهات وبما اننا هنشتغل مع بعض طريها شويه.. 

رضوي بحده 

لا هتفضل ناشفه والشغل عايز الناس الناشفه وبلاش الشياكه دي كلها بعد كده احنا مهندسين بنشتغل بضمير مش هنقعد نتفرج علي العمال.. 

يوسف بسخريه

هننزل مع العمال يعني ولا ايه؟.. 

رضوي

لو الامر لزم هنعمل كده، وبطل رغي ترد علي قد السؤال.. 

_ وبعد كام ساعه وقف يوسف علي جنب وقلع جاكيت بدلته وحطه علي الكرسي اللي جنبه واتنهد بتعب وبص لرضوي اللي واقفه تدي تعليمات للعمال وقال بغيظ.. 

يوسف 

ربنا يهدك يا شيخه، ربنا يهدك وتقعي في الحفرا اللي قدامك دي واخلص منك.. 

شافته رضوي وهو واقف فزعقت فيه وقالت

انت واقف عندك ليه تعالي.. 

قعد يوسف علي الكرسي وقال

لا مش جاي واللي عايزني يجيلي.. 

راحتله رضوي وقالت بحده 

هو احنا هنلعب من اولها لما اقولك علي حاجه تقول حاضر، وقوم عشان تروح مع عم سعيد وهو هيجيب الخشب عشان هنبدأ النهارده، احنا اهو خلصنا حاجات كتير من الاساسيات.. 

يوسف بحده 

المشروع ده المفروض يتعمل علي خمس ست شهور مش تلاته بس انتي كده بتثبتيلي انك مش فاهمه حاجه.. 

رضوي بثبات 

لا انا فاهمه انا بعمل ايه كويس، انا مش هتابع الشغل من البيت ولا هاجي هنا ساعه وساعتين وهمشي، وطول الفتره دي انا مش هاخد ولا يوم اجازه وهتابع في كل دقيقه وكل لحظه الوضع عامل ازاي وفي نظام وفي اقل من تلات شهور هخلص المشروع.. 

يوسف 

بعد ما تخلصي علي العمال الغلابه دول.. 

رضوي 

شركتكم مش بتدفع مبالغ قليله للعمال، وكمان اتفقت مع يونس بيه اننا هنعمل اجتماع قريب وهناقش فكرة ان اول ما نبدأ في الانشاء هيبقي العمال شغالين علي مجموعتين.. 

يوسف 

بس كده احنا هنبقي عايزين عمال زياده.. 

رضوي راحت قعدت جنب شنطتها وحاجاتها وقالت

بالظبط وعشان كده هعمل الاجتماع مع اخوك وابوك عشان نطلب بعدد زياده وانت لازم تكون موجود معايا خطوه بخطوه.. 

_ بصلها يوسف بهدوء وابتسم بأعجاب علي تفكيرها واعجاب اكبر لما ركز في ملامحها الجميله جداً وشعرها الطويل شويه ولما طلعت توكه من شنطها ولمت شعرها كله لفوق، وبعدين طلعت شوكلاته ورمتها عليه وقالتله.. 

رضوي 

خد كل دي عشان ما تتعبش لسه اليوم طويل وممكن تهبط مننا.. 

مسكها يوسف وقال

دي مش من النوع اللي بحبه بس مش هكسفك.. 

قامت واخدتها منه وقالت 

لا اكسفني انا غلطااانه تعالي نشوف اللي ورانا.. 

اخدها منها يوسف تاني وقال بهدوء

يا ستي بهزر معاكي ما تبقيش قافشه كده، انا هطلب غدا كمان شويه ليا وليكي.. 

رضوي 

لا انا هطلب لوحدي وانت تقعد تاكل مع العمال.. 

يوسف بسخريه

نعممم بقي عايزاني انا يوسف الصاوي اقعد اكل مع العمال ده انا كنت هتنازل واكل معاكي انتي.. 

رضوي بهدوء

هتقعد مع العمال وهتاكل معاهم وهنبقي كلنا كده عيله في بعض وتعرف تفاصبل شغلهم مين بيشتغل مين مقصر عشان لو حد منهم عمل مشكله هتبقي انت المسؤل قدامي.. 

اتعصب يوسف وجه يرد عليها بس هي قاطعته وقالت 

ولو عندك اي اعتراض تقوله ليونس بيه، ويلا شوف شغلك.. 

_وسابته ومشيت وراحت وقفت مع سعيد وفضلت تعدل شغل كتير علي العمال، وهو راح وقف جنبيها وبدأ تلقائياً ياخد باله في كل التفاصيل اللي بتعملها في الشغل حتي الامور البسيطه اللي بتهتم بيها،وكان متجاهل خالص مكالمات عائشه ليه... 

ــــــــــ #بقلم_الكاتبه_رحاب_القاضي ــــــ

_وفي بيت فيروز كانت مجهزه الفطار علي السفره وقالت بصوت عالي.. 

فيروز

يا زين يلا يا حبيبي عشان تفطر.. 

طلع زين من اوضته وقال

لا انا ما ليش نفس يا ماما افطري انتي انا نازل.. 

فيروز 

رايح فين الصبح كده يا زين؟.. 

زين بهدوء

يونس الصاوي قالي اروحله الشركه لان عنده عمي واحد اسمه حسن بيقول انه عمي.. 

فيروز بضيق

طيب وليه ما جابش ابوك اشمعنا عمك اللي جابه؟.. 

زين بهدوء

مش عارف بس قالي كمان اني هعيش عندهم فتره كده وبعدين هنبلغه اني ابنه.. 

فيروز بحده 

لا طبعا انت مش هتسيبني وتروح تعيش معاه.. 

زين 

لو سمحتي يا ماما انا عايز اعرفه وعايز اكون جنبيه... 

وقرب منها ومسك ايدها وقال بهدوء

ومش هسيبك كل يوم هجيلك واهو سايب هدومي وكل حاجه عشان اجيلك انا ما اقدرش اعيش من غيرك حتي لو كنت زعلان منك انا ماليش مكان اروحله ويبقي امان ومرتاح فيه غير هنا وانتي معايا.. 

ابتسمت فيروز وباسته من خده زحضنته وقالت

روح يا حبيبي زخلي بالك من نفسك، وحقك عليا في اللي حصل ده كله والله لو كنت افتكر انك هتكبر وهتزعل مني كنت هخليه يعرف بوجودك وما كنتش هخبيك منه.. 

زين بأبتسامه بسيطه 

حصل خير يا ماما، همشي انا بقي وهكلمك علي طول اطمن عليكي.. 

فيروز

ماشي يا حبيبي، مع السلامه.. 

_ وسابها زين ومشي واول ما نزل تحت ركب الاوبر اللي طلبه، وقاله يوصله لشركة الصاوي وطلع موبيله وكلم يارا اللي ردت عليه بصوت تعبان وقالتله.. 

يارا

ايوه يا زين... 

زين 

مال لسه تعبانه ولا ايه؟.. 

يارا

لا لا خفيت الحمد لله النهارده، بس كنت نايمه انت جاي عندنا مش كده؟.. 

زين 

للاسف باباكي قالي اروحله علي الشركه.. 

يارا 

طيب ابقي طمني اليك وانا معاك خطوه بخطوه.. 

زين بحزن

سيبك مني يا يارا وروحي كملي نوم عيحصل ايه يعني عادي.. 

يارا بتغير للكلام

بتتكلم كده زكأنك مش انت اللي حسدتني

زين 

نعمم انا اللي حستدك ده فين ده؟.. 

يارا بخبث

لما شوفتني والله شكل عينك وحشه اصلا.. 

ابتسم زين بهدوء وقال

ما انتي اللي حلوه بقي اعملك ايه؟.. 

يارا بكسوف 

انت اخدت عليا اوي علي فكره وانا كده لازم اقفل في وشك يلا باااي.. 

_ قالت كلامها وقغلت الفون في وشه، وهو فضل يضحك، ومسح اسمها اللي مسجله وكتب اسم جديد وسماها "هيامي" وبعتلها اسكرين شوت بالاسم،وبعدين قفل الفون... 

_وبعد شويه وصل لشركة الصاوي وراح ليونس اللي كان قاعد هو ويوسف صاحبه.. 

يونس

اهلا اهلا بأبن الغالي تعالي يا ابني اتفضل.. 

يوسف 

ده نسخه من ابوه يا يونس.. 

يونس

اومال طبعاً يا يوسف. المهم روح انت كمل شغلك ولما يجي الاستاذ حسن خليه يجي عندي علي طول.. 

يوسف 

تمام يا يونس.. 

طلع يوسف ويونس قال لزين

تعالي يا ابني اقعد.. 

قعد زين ويونس قاله

بص بقي يا ابني ابوك مهما كان ومهما عمل برضو هو بني ادم والموضوع مش ساهل عليك، يعني مش هينفع نجيله ونقوله ان بعد العمر ده كله انت عندك ولد راجل وكبير وانت ما تعرفش عنه حاجه.. 

زين بهدوء

تمام اللي حضرتك تشوفه.. 

يونس

بص انا مش هظلمك انا بس هخليك ترتاح انت وابوك ولو شويه.. 

زين 

طيب هو ايه اللي هيحصل دلوقتي؟.. 

يونس

انت هتروح تعيش هناك مع ابوك علي انك ابن صاحب عمك حسن... 

زين بتوتر

طيب هو مش ممكن يعرفني اصلا عشان الشبه اللي بينا.. 

ابتسم يونس وقال

لا ما تقلقش ابوك دماغه مش فيه مش هياخد. باله، وعلي فكره هو طيب جدا وانا متأكد انه لما يعرف انك ابنه هيعوضك عن كل حاجه حصلت.. 

زين بدموع 

ان شاء الله... 

_وفي الوقت ده تليفون المكتب بتاع يونس رن، فرد بهدوء وقال.. 

يونس

ايوه يا ايمان.. تمام خليه يدخل.. 

وقفل التليفون وقال لزين 

عمك وصل اهو.. 

_ودخل حسن في الوقت ده واول ما شاف زين اتملت عيونه دموع، وزين قام وقف وقال بتوتر.. 

زين 

ازاي حضرتك.. 

حضنه حسن وقال بدموع

حضرتي بقيت كويس لما شوفتك يا ابن اخويا.. 

ابتسم زين بسعاده من مقتبلة حسن ليه وقال

شكراً.. 

يونس

انا فهمت عمك. كل حاجه يا زين والموضوع عنده وانا معاك في اي وقت، انت دلوقتي زيك زي ابني بالظبط.. 

رد عليه حسن وهو حاضن زين بطريقه لطيفه وقال

شكراً جداً يا يونس بيه والموضوع ان شاء الله هيتحل قريب.. 

يونس 

ان شاء الله يا استاذ حسن بس خلينا زي ما اتفقنا.. 

حسن 

ربنا يقدم اللي فيه الخير.. 

وبص لزين بحنان 

 يلا بينا يا ابني.... 

زين بهدوء

تمام يلا... 

_ واخده معاه حسن وراحو البيت... 

_ وبعد شويه في بيت يونس الصاوي، رجعت شهد من شغلها ولقيت سدره قاعده تحت وبتقلب في موبيلها، راحت قعدت جنبيها وقالت بهدوء.. 

شهد

انتي ما روحتيش الجامعه النهارده يا سدره؟.. 

سدره بضيق

المفروض اني عروسه يا طنط اروح ازاي الجامعه هو انا ما عنديش دم ولا ايه؟.. 

شهد بسخريه

لا ازاي ده انتي كلك دم يا حبيبتي بأمارة أنك سيبتي فرحك وطفشتي من غير سبب.. 

سدره ببرود

في سبب واسألي عليه جوزك يا طنط.. 

قالت كلامها وسابتها وقامت وشهد قالت لنفسها بغيظ.. 

شهد 

ربنا يسامحك يا يزن علي العقربه اللي جيبتهالنا دي.. 

_ وقامت شهد وطلعت اوضة يارا بنتها لقيتها قااعده علي مكتبها الصغير بتذاكر، فابتسمت بهدوء وقالتلها.. 

شهد 

مش هعطلك عن المذاكره بس جايه اطمن عليكي.. 

يارا بهدوء

انا كويسه يا ماما بس بذاكر.. 

شهد 

هتروحي المدرسه بكره ولا لسه شويه؟.. 

يارا 

لا هروح اصلا بقيت كويسه، ماما كنت عايزه اقولك حاجه.. 

قعدت شهد قدامها علي السرير وقالت

خير يا حبيبتي في ايه؟.. 

يارا بتوتر

بصي يا ماما بصراحه في موضوع كده معايا كنت عايزه اقولك عليه من فتره.. 

شهد ابتسمت وقالت

سمعاكي يا يارا اتكلمي علي طول... 

يارا بتوتر وقلق

انا في حد بحبه وو ومش عارفه بصراحه هو بيحبني ولا احنا يعني صحاب عادي.. 

شهد حاولت تداري ابتسامتها وردت عليها وقالت

بتحبيه ازاي يعني؟.. 

يارا بأحراج

عادي يا ماما يعني بب بحبه عادي يعني.. 

ضحكت شهد بصوت عالي ويارا ادايقت وقالت

بقي كده يا ماما بتتريقي عليا انا غلطانه اني قولتلك اصلا ممكن بقي تسبيني لوحدي.. 

مسكت شهد ايدها وقعدتها جنبيها وقالت

يا بنتي اهدي ما تبقيش عصبيه كده زي ابوكي، وانا مش قصدي اتريق عليكي.. 

وابتسمت شهد بدموع وقالت 

انا بس مبسوطه وفرحانه إن بنتي كبرت وبتحب وبقيت عروسه زي القمر.. 

يارا

عروسة ايه بس يا ماما، انا لسه صغيره وبعدين انا بقولك يعني حاسه مش متأكده.. 

شهد بهدوء

طيب وايه اللي خلاكي حاسه بقي؟.. 

ابتسمت وردت عليها 

يعني ما بقتش ابقي مبسوطه غير لما اكلمه وكمان هو ما كانش يعرفني ولما عرفني وشافني ما ادايقتش وما حستش انه فرح اني بنت يونس الصاوي لا هو كان كل اللي فارق معاه انا وبس.. 

شهد بجديه

هو معاكي في المدرسه؟.. 

يارا

لا هو اكبر مني وفي سنه اولي ط.. هندسه في هندسه هو.. 

شهد بهدوء

طيب انا عايزه اعرفه ممكن؟.. 

يارا بحماس

بجد ما يا ماما يعني انتي مش زعلانه عشان حاجه زي دي... 

شهد 

لا مش زعلانه يا حبيبتي احنا صحاب قبل ما تبقي بنتي صح؟.. 

فرحت يارا وحضنتها وقالت

والله انتي احلي ماما في الدنيا كلها.. 

وبعدت عنها زقالت بحماس

قريب اووي هخليكي تتعرفي عليه وانا متأكده انك هتحبيه اوووي.. 

شهد 

ان شاء الله يلا بقي ما تفكريش في اي حاجه غير المذاكره، وانا هروح اشوف بابا جه ولا لا والعشا يجهز هبعتلك تنزلي تتعشي معانا.. 

يارا بهدوء

حاضر.. 

_ سابتها شهد وراحت اوصتها لقيت يونس هناك وبيغير في هدومه ولما شافها قال... 

يونس 

فينك اول ما جيت مالقتكيش مستنياني... 

شهد بقلق

كنت عند يارا.. 

يونس 

عامله ايه. دلوقتي انا هغير هدومي واروحلها... 

شهد 

لا لا سيبها هي كويسه وبتذاكر.. 

يونس بسخريه

شوفتي مرات ابنك قال ايه واقفه في المطلخ وبتجهز العشا، اقسم بالله البنت دي في نيتها حاجه عايزه تعملها.. 

شهد بحده. 

يونس طلع نفسك من حياة يزن ومراته هو مش صغير عشان نركز معاه اووي كده ونقوله يعمل ايه وما يعملش ايه...

يونس

اسكتي يا شهد انتي مش فاهمه حاجه.. 

شهد 

المهم طيب يارا بنتك شكلها كده بتحب.. 

بصلها يونس بحده وقال 

نعم يا روح امك؟؟.. 

_ تفتكرو يونس هيعمل ايه؟.. 

ــــــــــ #بقلم_الكاتبه_رحاب_القاضي ــــــــ

_ وتحت بيت الاستاذ حسن. كان قاعد هو وزين في كافي بسيط وقاله حسن بهدوء.. 

حسن 

دي بقي كل حكاية ابوك يا زين، هو طيل اووي بس عيبه الزخيد كان زمان انه مش بيحب القيود عايز يعيش حياته بمزاجه، ودلوقتي رجع ندمان لما لقي نفسه وسط اخواته لوحده من غير عيل ولا حد. يونسه.. 

زين بهدوء

وهو كان بيحب مراته الاولي وبناته، ما اظنش انه كان بيحبهم والا كان موتهم اثر فيه وغيره، يعني ماما كان معاها حق هو كان ممكن بعلقتي بيه ويمشي برضو وممكن ما كانش اتقبلني او حبني.. 

حسن 

بالعكس ابوك بعد موت مراته الاولي وبناته خد. فتره كبيره مش بيتكلم وبعيد عن الدنيا كلها وسبحان اللي رجعه للحياه تاني.. 

قام وقف حسن وقال

المهم دلوقتي تعالي اعرفك علي مرات عمك وولاد عمك وبعدين اعرفك علي ابوك.. 

زين بهدوء 

علي اساس اني ابن صاحبك مش كده.؟.. 

حسن ابتسم وقال

حط نفسك مكانه الفكره دي كويسه حتي عشان لو اتصدم نعرف نسيطر عليه من غير ما تبقي في مشكله بينه وبين والدتك.. 

زين بهدوء

ان. شاء الله خير حضرتك.. 

حسن. 

يا ابني انا عمك يعني بلاش حضرتك دي، تقولي يا عمي او يا ابو علي بص انت تقعدلك اسبوع كده مع روفان لنتي تعلمك تبقي بيئه شويه عشان تتأقلم مع عيلتنا.. 

_ ضحك زين بهدوء ورواح مع حسن البيت واول ما دخل حسن البيت لقيو روان في وشهم.. 

حسن 

رايحه فين وفين اخواتك؟.. 

روان وهي بتبص لزين

مين ده شبه حد. اعرفه.. 

حسن 

ما تشغليش مخك واسكتي وقوليلي رايحه فين وفين اخوتك.. 

روان 

عندي كورس اقتصاد يا بابا ما انا واخده فلوسه الصبح، وطارق راح الكافي بتاعه ورضوي لسه في الشغل وريناد نايمه وروفان اا.. 

طلعت روفان من المطلخ وقالت بعصبيه

يعني هو صباع الكفته يا ست ليلي هو اللي هيخلي ابن عمي يموت من الجوع... 

ضحك حسن وقال

اهي دي يا سيدي روفان اللي مطلعه عينينا وعين مصر كلها.. 

روان 

بابا هو ده زين ابن عمي عزالدين.. 

زين 

هو المفروض ان ما حدش يعرف الموضوع ده.. 

حسن 

هو المفروض فعلا بس مدام الموضوع وصل لطنطك ليلي يبقي الكل لازم يعرف.. 

طلعت ليلي من المطبخ وقالت بحده

انتي يا مقصوفة الرقبه مش قولت ما تقوليش لحد  ان ابن عمك. جاااي.. 

حسن 

هي لسه هتقول يا ليلي.. 

اول ما شافتهم ليلي عيونها اتملت دموع وقربت من زين وقالت ببكاء.  . 

ليلي

يا ضنايا يا ابني... 

زين بقلق

هو في ايه يا عمي هي مالها؟.. 

روان 

لا ده. شكلك المثير للشفقه بزياده.. 

زين بعدم. فهم. 

ازاي يعني؟.. 

حسن. 

لا دي بترحب بيك بس يا ابني، ليلي بطلي عياط وخدي الواد لجوه لحد ما اصحي.. 

ليلي وهي بتسمح دموعها

لا لا يا حسن انا مش هقدر اتحمل اللحظه دي.. 

روان 

ولا انا كمان بصراحه.. 

روفان 

بابا اروح اصحيه انا واقوله.. 

حسن بحده

بقولك ايه منك ليها تتلمو وعز مش هيغرف مين ده، احنا هنقوله انه ابن واحد صاحبي فاهين.. 

حضنة ليلي زين وقالت 

ليه بس كده يا حسن حرام عليك تحرم الواد وابوه من بعض.. 

وكان الباب لسن مفتوح ففتح عزالدين باب شقته وقال وهو بيلبس جاكيت بدلته.. 

عزالدين

ايه الدوشه اللي عندك دي يا حسن.. 

_ في الوقت ده بصله زين بلهفه ودموع و؟... 

تفتكرو هيحصل ايه؟.. 

ــــــــــ #بقلم_الكاتبه_رحاب_القاضي ــــــــ

_ وفي الكافي بتاع طارق وصحابه وصل هنااك ولقي ان في اتنين بودي جارد واقفين قدام الكافي والمكان متزين بشكل حلو جدا، فقال لنفسه بقلق.. 

طارق 

هو في ايه هنا... 

ونزل من الاوبر وادااه الحساب وبعدين. جه يدخل الكافي فوقف قدامه الحارس وقال بحده... 

الحارس

ممنوع يا كابتن.. 

طارق بحده

هو ايه اللي ممنوع انا صاحب المكان ده يا حبيبي.. 

الحارس بسخريه

طيب ايه رئيك بقي اني واخد تعليمات من صحاب المكان ان انت بالذات ما تدخلش هنا.. 

طارق بغضب

ايه الهزار الرخم ده يا شباب بس، بقولك انا صاحب مكان وو.. 

_ وقبل ما يمكل كلامه اتصدم لما شاف من ورا القزاز عمرو صاحبه وهو ماسك ايد سندس حبيبته وواقفين وسط اهلهم والكل بيباركلهم واتعصب جدا و؟.... 

_ تفتكرو بقي هيحصل ايه لابطالنا؟... 

"بكرر تاني يا جماعه ان التأخير في اي روايه بيكون غصب عني والله ومش محتاجه اقول يعني ان عندي مشاكل كل شويه والجو ده فالناس اللي بتدخل وتتعصب عليا انا مش هرد عليهم اصلا، والناس اللي قدىت ظروفي ودخلت سألت عليا واطمنت عليا بجد انتو حبايبي وفوق راسي واما بكتب عشانكم اصلا 🥹❤❤❤❤🌺" 

ـــــــــــــــــــــــــــــــــــــــــــــ

#بقلم_الكاتبه_رحاب_القاضي

         الفصل الخامس الجزء الثالث من هنا 

تعديل المقال