رواية كلاب بردين الفصل الثالث 3 بقلم اسماعيل موسي
#كلاب_بردين
3
فى ظلام الليل راحت سعاد المقابر، كانت المقابر فى القرى لا يوجد لها حارس وكانت بعيده عن المنازل
وصلت سعاد المقبره المعنيه، فتحت المقبره وجدت كفن صغير لجثه حديثه، فتحت الكفن وجدت طفله صغيره داخل الكفن، أخرجت سعاد سكين وقطعت اليد وهى خارجه من المقبره اعترضها كلب اسود شرس وسد عليها طريق الخروج
برعب رجعت سعاد داخل المقبره وكل ما تحاول تخرج الكلب يظهر، القبر مظلم ومرعب والوقت بيمر، فكرت سعاد دا مش كلب عادى لو كلب عادى كان خاف منى لما ضربته بالحجر
دا اكيد عفريت او جن
ورغم خوفها الا ان الفكره حمستها، خرجت من باب المقبره ولما الكلب هاجمها صرخت انا عارفه انا مين
عايز ايه منى؟
تركها الكلب تخرج، لكن كان بيبص عليها نظرات مخيفه
قعد على مؤخرته ولسانه طالع برا بقه وانيابه بتتحرك
انت مين؟
نبح الكلب بصوت مرعب وقرب من سعاد
انا عارفه انك مش ممكن تأذينى، قلى انت عايز ايه
قرب الكلب اكتر وثبتت سعاد فى مكانها لمسها الكلب وطلع لسانه استحملت سعاد ريحت انفاسه القذره، لعق الكلب وشها
عايز ايه منى؟
انتى الى عايزه ايه؟
وايه إلى جابك المقابر؟
ذكرت سعاد اسم الدجال، نبح الكلب ساحر قذر
المكان دا ملكى انا
طيب عايز ايه
غمضى عنيكى!
غمضت سعاد عنيه لكن مش بشكل كامل
وشافت الكلب بيتحول لكائن بشع، رجلين مشعره ووجه ضخم ليه ودان طويله، انتى هتكونى تابعه لى
فتحى عنيكى
مش قادره صرخت سعاد برعب
قلت فتحى عنيكى
فتحت سعاد عنيها وشافت كائن مرعب واقف قدامها
طويل جسمه كل شعر وبيمشى بصعوبه
انت مين؟
انا قرين البنت الميته وانت اعتديتى عليها وبقيتى ملكى
ملكك ازاى؟
حرك المخلوق ايده، لقيت سعاد نفسها بترتفع عن الأرض وحركها فى الهواء
غصب عنها صرخت بسم الله الرحمن الرحيم
وقعت على الأرض وصرح المخلوق متتكلميش، انتى مش مؤمنه بيه
وصلى الامانه وارجعى هنا هكون فى انتظارك
وكانت سعاد مستعده تقبل اى شيء نظير هروبها من المقابر
حاضر، حاضر
وصلت بيت الدجال جرى وجسمها كله بيرتعش، قصت للدجال إلى حصل معها
الدجال قال دا جان ضعيف حقير انا هتصرف معاه قدام عنيكى
رمى البخور فى القدر وأطلق طلاسمه هاتو قدامى هنا بسرعه
انطلقت الخدمه وجابو القرين مقيد
انت بتتحدانى؟
مخلوق ضعيف زيك بيعترض طريق تابع لى؟
نظر المخلوق لسعاد بلوم وكان يعذب من قبل خدمة الدجال وبيصرخ من الألم
انا هحرقك
لا متحرقنيش، انا تحت امرك
هعمل ايه بيك، انت ضعيف، خدوه بعيد عنى واتخلصو منه
شافت سعاد الخدمه بياخدو القرين ويرحلو من الغرفه
