رواية حواديت من الواقع الفصل التاسع 9 بقلم ليل السيد

 رواية حواديت من الواقع الفصل التاسع 9 بقلم ليل السيد

بارت "9"

كان مجتمعين بغرفة المكتب ليلي وزين ومروة وهلال وحسين 

هلال

- مروة انتي موافقه علي جوازة زين من ليلي وقولي كل الي في قلبك يابتي وكل الي رايداه اعتبريني ابوكي وانا هجبلك كل حقوقك

نظرت مروة الي زين وليلي والي حالتهم التي يرثا اليها ثم نظرت لهلال 

- معنديش مشكله يعمي وانا قولت لزين فوق 

هلال

- يعني موافقه يتجوزها وانتي علي ذمته 

مروة

- الي هو عايزه لو عايز يطلقني برضو الي يريحه انا مش فارقه معايا

حسين

- ازاي يعني مش فارقه معاكي ده جوزك وليكي حقوق عليه 

مروة

- زين حقوقه كلها عند ليلي محدش تاني يقدر ياخدها وسوا خدتوا رايي ولا لا الي الست ليلي تامر بيه هو الي زين هيعمله في الاخر

ليلي

- انا ليلي بس وانا مقدرش آمر بحاجه انتي مراته قبلي وانتي الي ليكي الحق تقولي عايزاه ايه انتي ملكيش ذنب في حاجه يا مروة يمكن لو كانت واحده غيرك انا كنت كرهتها في حياتها 

مروة

- كتر خيرك انا موافقه ليلي تتجوز زين حتي لو عايزين يتجوزوا دلوقتى

هلال

- وانتي يا ليلي موافقه 

ليلي

- ايوه موافقه ووعد مني لمروة انا مش هكون سئيه معاكي وهخلي زين يديكي كل حقوقك الي انتي عايزاها 

مروة

- سبق وقولت حقوق زين كلها ليكي انتي بس يا ليلي زين مسحور بيك 

زين

- اظن كده الاتنين موافقين وانا اكيد ردي معروف ابعت اجيب مأذون 

حسين

- لا 

زين

- انت لسه رافض يعني 

حسين

- هكتبوا بكره مش النهارده

زين بفرحه 

- اقسم بالله يعمي انت موافق 

حسين

- هعمل ايه منا الي مربي اتنين دماغهم انشف من بعض خلونا نخلص من الحكايه دي بقا زهقتونا

باسه زين سريعا من خده وباس أيضا هلال

- ربنا يخليكم لينا والله حاسس قلبي هيقف من الفرحه 

خرج زين بسعاده مبالغه من الغرفه سريعا وهتف بعلو صوت في أركان المنزل

- يناااس يناااس هتجوز ليلي خلااااص 

كان يضحك هلال وحسين بشده علي حالة زين وليلي كانت واقفه مكانه بدون اي رد فعل تنظر لزين بحب اخيرا وتبتسم فقط

 ليلي عمتهم تعالت الزغاريد منها وقمر كذلك وناهد نزلت سريعا 

 - هتتجوز ميييين 

زين

- هتجوز بنتك يااحلى حما في الدنيا

ناهد

- حما ايه وبتي ايه مين قال الكلام ده 

حسين

- انا الي قولت يناهد وبتك موافقه

ناهد

- وانا راي ايه طيشه

حسين

- رأي بت اهم من رأي ورأيك زي منا مسمعتش لا رأي ابويا وامي واتجوزتك برضو علشان كنت خلاص حبيتك واديني اهو ٢٥ سنه ومش ندمان اني اتجوزت حطي نفسك مكان ليلي كده 

ناهد

- بس يابو ليلي لطيفه ممكن تاذيها وانا معنديش غيرها

هلال

- هي ليلي هتقعد في الشارع ولا ايه 

زين اقترب منها

- اقسم بالله عهد علي نفسي قدامك محد هيقدر يمس منها شعرها طول منا عايش بس انتي حني ووافقي انتي كمان 

ناهد

- معنديش غيرها يا زين الدنيا مدتنيش غيرها خلي بالك منها 

بأس زين راسها

- في عنيا وقلبي والله انتي وهي 

نظرت ناهد لليلي بفرحه 

- كبرتي وبقيتي عروسه خلاص تعالي 

جريت ليلي سريعا الي حضنها وبدأت ليلي عمتهم في الزغرايد مره اخرى 

لطيفه ونورا نزلوا سريعا 

لطيفه

- والله عال بتعلموا الي في دماغكم برضو عايز اهل البلد يقولوا عليا ايه وانت بتجوز ولدك تاني يوم فرحه 

هلال

- مش عايز اسمع حسك يا لطيفه لا انتي ولا نورا وياريت تطلعوا وتقفلوا الشقه عليكم 

نورا

- انت صدقته يابوي صدقته 

هلال

- خدي بعضك يا نورا وارجعي شقة جوزك احسن الفتره دي واسلمي من شر زين علشان مش هحوشه عنك هربيكي معاه 

نورا

- بتطردني علشان دي يابوي دي الي سرقتك مننا وهتسرق اخويا كمان بتطردني من بيتي علشانها المصرراوية الي عيارها فالت 

زين بصوت عالي

- نوراااااا 

هلال 

- ارجعي شقتك يا نوراااا بدل والله ما اسيبه يخلص عليكي معرفش ازاي عرفت تنسخ نفسها فيكي وتبخ كل السم الي في دماغها في دماغك وتخليكي نسخه منها انتوا ملعونين من ربنا ينورا ملعونين علي الي انتي بتعمليه انتي وامك ده 

نورا

- يحرم عليا امشي في جنازتك يابوي ولا ادخلك بيت تاني

هلال

- امشي يا نورا دلوقتى احسن 

مشيت نورا بغضب شديد

لطيفه

- مش ناوين تطردني انا التانيه ولا ايه

هلال

- دورك جاي بس مش دلوقتى 

زين بدون اي اهتمام لصوت امه 

- ليلي أنا مجهزلك فستانك الي هتلبسيه بكره 

ليلي باستغراب

- وانت كنت عارف ازاي أننا هنتجوز

زين

- أنا كنت متأكده من ده بس مكنتش عارف امتي بالظبط 

هلال

- من دلوقتى لحد بكره مش هتشوف ليلي خالص خد مراتك واطلع شقتك يلا 

زين

- ليه بس كده 

هلال

- هي دي عادتنا وتقاليدنا خديه يا مروة واطلعوا يلا 

بالفعل ذهبت مروة وزين 

زين اول ما دخل الشقه 

- انتي مش عارفه يا مروة أنا مبسوط ازاي اخيراااا 

مروة 

- يارب دايما مبسوط 

زين

- انا بحبك والله يا مروة انتي طيبه قوي 

مروة

- الله يكرمك

زين

- مروة وعد مني والله قدام ربنا هحاول علي قد ما اقدر مظلمكيش ويمكن حاجات كتير تتغير بعدين

مروة

- وانا واثقه فيك متشلش هم

عند ليلي وقمر

- انا مبسوطه انبساط يلهوي يا قمر انتي متخيله العذاب يلهوي دول رميو وجوليت متمرمطوش كده 

قمر

- وبصوت زين في نهايه كل حدوتها كان بيحكيلهالنا واحنا صغيرين وكان بيقولها بكل حب ومحدش كان فاهم هو بيقولها ليه ليكي انتي بالذات ليه

" وست الحسن في الاخر تكون من قسمة الشاطر" ياست ليلي 

ليلي بكل حب وهي تردد الجملة مره آخر ورا قمر

- وست الحسن في الاخر تكون من قسمة الشاطر ياست ليلي 

انا حاسه اني عايزاه اطلع احضنه دلوقتى

قمر

- احترمي نفسك ده اعمامك يموتوكي اصبري ياختي اصبري بكره احضني براحتك 

ليلي

- مش عارفه هنام ازاي من الفرحه يارب وانتي كمان يقمر تفرحي فرحتني بس من غير اي حاجه متعبه من الي مرينا بيهم

قمر

- يارب يا لولي يارب 

يلا بس نبدأ نعمل مسكاتنا وحوراتنا يلا رن هاتف ليلي

نرظت له سريعا فهو زين

ليلي

- ايوه يا زين

زين

- عامله ايه يا ست ليلي فاضل كام ساعه وتبقى في حضني 

ليلي

- باقى علي بكره ١٦ ساعه و٣٥ دقيقه

زين

- لحقتي تعديهم كمان

ليلي

- بعد فيهم من يوم ما حبيتك والله يا زين - 

زين

- يعمر زين انتي والله عمري كله مش كفايه ليكي يا ليلي 

ليلي

- كفايه كلام بقا انا مش فاضيه 

زين

- ليه بتعملي ايه 

ليلي

- هعمل مسكات علشان وشي يبقا ورده مزنهره زي ما قمر قالت

زين

- والله يا ليلي لو لعبتي في وشك ولا ملامحك بكره لاكون غاسله بأيدي 

ليلي

- انسي يحبيبي انسي يعني انا اقعد اذوق بنات العيله كلها واجي وانا عروسه مذوقش نفسي دنا هعمل ميكب بره لنفسي روعه بجد كان نفسي اعمله من زمان

زين

- ليلي أنا قولتلك متحطيش حاجه بكره يبقا خلاص لما يتقفل علينا باب واحد ابقى ارسمي كل حاجه عايزاه ترسميها في وشك

ليلي

- زين بكره مفيش حد غريب هيكون موجود بالله عليك وافق انا والله هزعل بجد انت مش عارف انا كنت متحمسه ازاي بجد علشان خاطري وافق 

زين

- طيب بالله عليكي انتي متغيريش اي حاجه في ملامحك عايزك زي منتي لا تكبريلي بوق ولا تصغيري مناخير زي منتي جميله علطوب عايزك بكره 

ليلي

- ان شاء الله حاضر يلا روح بقا مشغوله 

زين

- متزقيش طيب سلام ياست ليلي سلام 

اغلقت الخط 

ارسل زين لمحمود وعمر ان ينتظروا فوق السطح حتي يتجمعوا سويا 

محمود

- في حد يسيب مراته دلوقتى ويطلع يقعد معانا احنا هنا

زين

- يعم والله مش مراتي بجد مش مراتي مروة جميلة وطيبه متستحقش حد زيي ابدا 

- احنا عايشين زي سكن هي في اوضتها وانا في اوضتي بقابلها صدفه 

عمر

- انت كده بتظلمها

زين

- يعني لما اتجوزها وانا مش متقبلها ومش شايفها وعقلي وقلبي في حته تاني هبقى كده مش بظلمها 

عمر

- يعني هتفضل عايش معاها عمرك كله كده 

زين

- معرفش انا بقيت اسيب اليوم بيومه خلاص انا قولتلها لو عايزاه تكلم دراستها تكملها والشقه هنت هتبقى بتاعتها لوحدها ليلي مش هيكون ليها فيها حاجه وهكتبها باسمها هي مروة أنا بحاول اراضيها علي قد ما اقدر والله يا عمر انا لاولا عارف أهلها هيذوها ازاي كنت طلقتها بس هي قالتلي ان عيشتها معايا زي اختي ارحم من عيشتها مع اهلها هي راضيه 

عمر

- معرفش صعبانه عليا حاسس ان كل حاجه جايه عليها كده بس في نفس الوقت انت وليلي كمان صعبانين عليا والي حصل ده كان لازم يحصل من بدري كمان 

محمود

- والله دي ولا حكاية الف ليلة وليلة ولا روايات ولا افلام السيما حتي ينفع قصتكم دي تتعمل فيلم صعيدي إنما ايه اورجينال 

زين

- مش متخيل والله يجماعه ان كتب كتابي عليها بكره خايف انام بكره يضيع مني 

عمر

- مش هيضيع ومش بكره بس العمر كله لسه قدامكم 

زين

- العمر كله العمر كله معاها هي وبس انا مش عايز حاجه تاني 

محمود

- هنخيب ولا ايه لا اجمد كده احنا الرجاله هنا بتخاف تقول للناس انها بتحب ستاتها احسن يقولوا عليهم مش رجاله 

زين

- يعم ده كلام فاضي دنا عايز امشي اقول للبلد كلها هتجوز ليلي هتجوز حبيبتي 

عمر

- انا حبيتها في مره بس بعد ما شوفت حبك ليها عرفت اني مكنتش بحبها ولا حد هيعرف يحبها زيك

زين

- طب مبلاش السيره دي لو باقى علي حياتك علشان انا كل ما افتكر انك كت هتاخدها مني ببقا عايز افلقك نصين 

عمر بضحك

- طيش شباب يعم وبعدين انا اعرف منين انك كنت بتحبها منت عاملينا فيها الحج خرستوا

زين

- هي كانت عارفه اني بحبها 

عمر

- الواطيه محكتليش 

نغزه محمود في قدمه 

- مقالك أخرس بقا عايزين نخلص الموضوع ده علي خير من غير دم اسكتتتت 

زين

- جدع يمحمود لحقته 

ظلوا هكذا الي ان حل الصباح 

باليوم التالي المنتظر بالنسبه لكم جميعا يا قرأ الرواية 

كانت الجميع يعد ويجهز لكتب الكتاب بملابس بسيطه فلا احد غريب سيحضر هم أفراد العائله فقط والماذون 

ليلي بغرفتها مع بنات عمها 

كانت تضع قمر لها الطرحه 

- بس الفستان ايه تحسيه متفصل عليكي ماشاء الله علي زين عارف عنك كل تفصيله 

ليلي

- جميل اوي الفستان 

ناهد

- وانتي جميلة اكتر يحبيبتي 

ليلي بحب

- ربنا يخليكي ليا يا اجمل ماما هي مروة فين يجماعه مش ظاهره ليه

قمر

- والله مش عارفه مختفيه من اول اليوم بس يمكن مش عايزاه تنزل سبيها

ليلي

- تفتكري ولا اكلمها تنزل 

ناهد

- لا لا سبيها حتي لو مش بتحب زين الموضوع صعب سبيها في شقتها 

ليلي

- بس بس انا عايزاه اطلع اشوفها

ليلي عمتها

- قولنالك لا يبقا خلاص احنا أكبر منك وفاهمين بنقول ايه سبيها دلوقتى 

ليلي

- تمام 

طرق الباب عدة مرات 

قمر

- اتفضل يا خالي اتفضل 

- دخل هلال وخلفه حسين 

هلال

- ماشاء الله يا ليلي زي القمر واحلي منه يابتي عيشت وشوفت اليوم الي كت بحلم بيه عمري كله اني اشوفك انتي وزين مع بعض واشوفك عروسه حلوة كده عقبال فستان فرحك يابتي 

ليلي

- ربنا يخليك ليا يا بابا ويخليلي عيونك القمر الي دايما شيفاني قمر دي

حسين بتاثير

- دنتي لسه كنتي بضافير يا ليلي كبرتي امتي 

ليلي

- دي دموع الفرحه اني كبرت وبقيت عروسه ولا دموع الزعل اني كبرت وكبرتك 

حسين

- مش هتبطلي لماضه ابدا طالعه لابوكي 

ليلي بحب

- هطلع لمين غيرك يا سيد الناس انت 

حضنها حسين بعد ذلك جاء الماذون ونزلوا جميعهم بالصالة الكبيره 

جلس الماذون بالوسط ومن جهه زين وبجانبه هلال

والجهه الاخري حسين وبجانبه ليلي التي كادت تكسر اصابعها من كسرت التوتر 

بدا الماذون 

قول ورايا يا استاذ حسين

حسين

- إني استخرت الله العظيم وزوجتك موكلتي وابنتي وعمرى كله وليس لي غيرها بهذه الدنيا ليلي حسين الدين على كتاب الله وعلى سنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين.

 الماذون

- قول يا زين انت كمان  روايا

زين

- إني استخرت الله العظيم وقبلت زواج موكلتك وابنتك الغاليه ليلي حسين الدين على كتاب الله وسنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين.

ردد الشيخ بصوت اعلي قولوا كلكم ورايا يلا 

- بارك الله لهما وبارك عليها وجمع بينهما في خير 

ورفع المنديل وبدأت صوت زغرودت ليلي وناهد يعملوا بالبيت 

وحضن زين هلال بكل حب وامتنان وشكر انه كان دائما بجانبه زين 

- شكرا شكرا انك موجود 

هلال

- دنا قولت هيطير علي ليلي ومش هيشوف حد فينا 

زين بضحك

- مهي كمان بتحضن ابوها معرفش ليه معايشه معاه العمر كله انا هخطفها يلا خلينا نمثل زيهم حاول تتأثر 

هلال ضحك بصوت عالي

- ايه رايك مش هتحضن ليلي قبلي وسع كده 

حسين

- مبروك يعمري 

ليلي

- شكرا يا بابا شكرا 

هلال

- خلص بقا عايزين نحضن احنا كمان 

حضنها هلال بقوه

- مبروك ياغاليه يابت الغالي وبتي اوعي تتردي لحظه لو زعلك الكلب ده في انك تقوليلي 

ليلي

- متخافش عليا 

سلمت ليلي علي باقى اعمامها وعمتها وحضنت امها وزين في نفس الوقت كان يسلم عليهم هو الاخر

زين

- خصلتوا كده كلكم خلاص اسلم عليها انا بقا ولا هنقعد نقضيها سلامات العمر كله 

هلال بحمحمه وهمس بجانب اذن زين

- ايوه خلصنا بس متفضحناش هااا متفضحناش

فتح زين ذراعه ليلي وقال بحنان

- تعالي في حضني تعالي 

اقتربت منه ليلي باحراج فحاوطها زين بذراعيه بسرعه وقال بصوت مسموع وبكل حب 

" وست الحسن والدلال الست ليلي في الاخر تكون من قسمة الشاطر" وانتي قسمتي ونصيبي الحلو كله في الدنيا يا ليلي 

بدأت ليلي بالبكاء وشد علي قميصه وهو الاخر شدد من ضمته لها ودفن وجهه بعنقها كاد ان يسحق ضلوعها ظلوا هكذا لوقت لا يعلموا مدته والجميع حولهم ينظرون لهم بكل حب وتأثير 

اقترب محمود من اذن قمر وقال بهمس

- عقبالنا يقمري لما تكوني انتي كمان من قسمتي 

قمر بصدمه

- بتقول ايييه انت بتتكلم بجد

محمود

- ايييووووه اوووه سيحي اسكتي دلوقتى ابوس ايدك مش وقته

قمر

- هسكت حاضر بس بس انا 

محمود

- انا عارفه انتي ايه بس بعدين هنتكلم 

قمر  بكل حب

- ماشي 

هلال وهي يقترب منهم 

- مخلاص البت ماتت يخربيتك 

ابتسم زين علي صوت ابوه وابتعد فعلا قليلي عن ليلي ونظر الي وجهها 

زين

- هو مماتتش هي اتهلكت عياط ياست مالك هو انا خاطفك 

ليلي 

- بطل رخامه بقا 

زين

- والنبي يجماعه حد يجبلها مناديل لأحسن قميض اتدهول 

ليلي وهي تمسح باقى دموعها بقميصه مره اخري

- قرفان مني يعني 

زين

- ياستي متخلنيش اعمل حاجات ميصحش تتعمل بقا اسكتي احسن

ليلي باحراج

- هسكت هسكت 

أمسكت ليلي هاتفها وقالت لزين

- انا عارفه ان مفيش اغاني ولا حاجه بس انا هوصل تلفوني بالسماعه هنرقص علي الاغنيه دي بس علشان كان نفسي ارقص عليها معاك من زمان

زين

- انتي تشغلي الي انتي عايزاه ان شاء الله ٧٠ اغنيه 

ليلي

- دي اغنيه كان نفسي اغنيهالك من زمان 

وهضطر اسفه ارخم عليكم واكتب الاغنيه كلها علشان تعيشوا معانا كلماتها زي منا عيشتها علشان دي اكتر اغنيه لايقه علي زين 

بدأت الاغنيه وبدأت ليلي تغني معاها بكل حب وهي تتمايل بين اذرع زين

ليلي مع الاغنيه

- يا شمس يا منورة غيبي وكفاية ضيك يا حبيبي

وودي يا ليالي و جيبي وانا الاقي زيك يا حبيبي

عمرك يا دنيا ما تخلي بي طول ما هو ساكن في قليبي

عاشقاه وداب في دباديبي مكتوبي هوه ونصيبي

حبيبي ... حبيبي حبيبي حبيبي ... حبيبي حبيبي

انا اللي ليل عمري غدر بي أول ما شفته .. الهوا دار بي

وقلبه طار واختار دربي شالني في عينيه واتغندر بي

قلنا سوا يا جراح طيبي

وهنا ليلي حضنت زين جامد وزين شالها ولف بيها

حبيبي ... حبيبي حبيبي حبيبي ... حبيبي حبيبي

ليلي بصوت اعلي مع الاغنيه وهي تنظر لزين 

- حبيبي سيد روحي وقلبي سيدي انا وسيد كل الناس

مهما الزمان اتنقل بي شايلاه في قلبي قمر ونّاس

في شبابي عاشقاه وفي شيبي

اقترب منها زين أكثر وهمس

- في شباب عاشقك وفي شيبي يا ست ليلي أنا عاشقك 

غيرت قمر الاغنيه سريعا واشتغلت اغنيه متقال المحبه لقلب زين وليلي ودخلت باقى العائله لكي يرقصوا معهم عليها اتفرج علي الحلاوة حلاوة دي بلدي ونقاوة نقاوة 

اعطي محمود زين العصا لكي يرقص بها مع ليلي وكان زين يحاوط خصر ليلي بالعصا وهي ترقص معه 

انتهي اليوم اخيرا وطلب هلال ان يتركوا ليلي وزين بمفردهم للحظات 

ليلي عمتهم

- ليلي تعالي عايزينك ثواني يا زين وهنرجعهالك

اوام زين وذهبت ليلي

ليلي٢

- المفروض تدخلي لزين دلوقتى الاوضه وتخلعي الحجاب توريله شعرك 

ناهد

- ايوه ده المفروض الي بيحصل بعد ما الناس بتمشي بتوري جوزك شعرك عادي

ليلي

- ايه العبط ده ما زين حافظ شكل شعري اصلا هو غريب

ضربتها ليلي٢ علي كتفها

- انتي هتعقلي امتي وتسمع كلامنا من غير لماضه ومقاوحه

ليلي بضحك

- والله مش بهزر فعلا بس زين عارف شكل شعري عادي اوريله حتي من كتفي طيب ينفع 

المره دي ضربتها ناهد

- والله انا معرفتش اربيكي ربع ساعه

ليلي

- خلاص والله بهزر بهزر هوريله شعري بس حاضر الاكل ده كان لينا

ليلي٢

- كان بقا كان بس خلاص لما تبطلي لماضه 

ليلي

- والله يعمتو انا قولت ماليش غيرك هاتي هاتي هفتانه 

ناهد بتحذير 

- زين مينفعش يقرب منك مااااشي 

ليلي

- الاااااه مش انتي الي بتقوليلي اوريله شعري 

ناهد

- انا بقولك ارقصيله ولا ايه يابت متجننيش انتوا لسه كاتبين كتاب بس

ليلي

- ياست اقسم بالله عاااارفه عااااارفه متخافيش اي تعليمات تاني وبعدين هو هلال هيسيبنا دي ربع ساعه وهلاقيه طابب علينا انا عارفه

ناهد

- ربنا يهديكي هتموتني

ضحكت ليلي وذهبت وضعت الصنيه علي الطاولة التي أمامهم وجلست بجوار زين 

- وبس يا سيدي قالولي اوريلك شعري علي اساس انك ناسيه يعني وكده واول مره تشوفه عايزاك يعمي عليك من الجمال رد فعل اقل من كده مش هقبل

ضحك زين بقوة علي علي طريقتها الطفوليه ولماضتها كالعاده 

- عنيا حاضر هتفاجي انه اسود من الليل وانه طول ضهرك وانه بيلمع دايما وانه ويفي وتقيل عنيا حاضر وريني يلا مش قادر استني 

ليلي

- اقسم بالله اقسم بالله طب عدتيهم كام شعرايه ولا ملحقتش

زين

- لا بصراحه طويل اوي مش هلحق 

ليلي وهي تفك

- حجابها ده هم يعم هم عمري كله نفسي اقصه وكل ما اقول لماما اقصه لما تتجوزي اغير لونه لما تتجوزي اولع فيه لما تتجوزي ها يجوزي بقا يارب توافق اني اقصه علشان انا بكره اسرحه 

زين

- انا هسرحهولك متشليش هم بس متلمسهوش 

ليلي

- والله كان نفسي تشوفه بشكل احسن من كده بس هما فجؤني بالحوار ده مكنتش اعرف اني هقلع الطرحه والله بس اوعدك بعد كده هتشوفه في حاله احسن صدقني

اقترب زين منها وفك رابطه الشعر الموجوده بشعرها حتي يندلس علي ظهرها 

زين وهي يملس علي شعرها بطوله

- ماشاء الله اللهم بارك ربنا يحميكي ويحفظك يا ليلي 

ليلي

- الله يكرم اصلك ينفع ناكل علشان انا جعانه 

زين

- بالله ده وقته يعني وقته 

ليلي

- الله اموت من الجوع يعني انت جوز انت دنت جوز أرانب

زين وهو يضع الاكل بفهمها سريعا 

- لا انتي تاكلي احسن ماشاء الله لسانك عنبر

ليلي

- الله يكرم اصلك اكلني اكلني دنا هفتانه 

 ظل زين يأكلها وهو لم ياكل اي شئ وليلي لم تهتم بذلك فهي كانت جوعانه بشكل بشع وزين كان مهتم باكلها اكثر من اي شئ هو مبسوط بذلك 

ليلي والاكل مازال بفمها

- بس كفايه هفطس اكل نفسك يلا 

زين

- لا انا مش جعان 

ليلي

- جدع عيش بالطاقه الشمسيه بقا دنت داخل علي ايام بيضه هتتمني طبق واحد بس م دول يبقوا قدامك 

زين

- ياستي متشليش هم هنعيش علي المكرونه

ليلي

- يلهوي يا زين لحد ما نزهق منها 

زين

- انا بحبك يا ليلي ومش مصدق ان كل ده بيحصل دلوقتى 

ليلي

- لا لا صدق انت تعبت كتير عشاني يا زين انا مكنتش متخيله ان في حد في الكون ممكن يحبني بالشكل ده كنت هخسر عمري كله لو مكنتش من نصيبي في الاخر يا زين 

زين

- متقوليش كده ابدا ياليلي ابدا ولا تفكيرني في يوم من الايام انك كنتي هتضيعي مني 

ليلي

- انت مش خايف حد يحاول ياذينا تاني

زين

- انا مش خايف علي حد غيرك بس بإذن الله محدش هيقدر يمس منك شعره ولا ياذيكي طول منتي معايا

ليلي

- وانا مش هخاف طول منت جنبي فعلا تجي اقولك سر

زين باهتمام يليق بشخصيتها

- قوليلي سر احنا موطيين بس صوتنا ليه هو في حد معانا

ليلي بصوت اوطي

- لا لا الحيطان ليها ودان عارف قمر بتحب محمود

زين بصوت اوطي

- ومحمود بيحب قمر 

ليلي بصدمه

- اقسم بالله 

زين بضحك علي رد فعلها

- اقسم بالله تخيلي 

ليلي بفرحه

- طب ما يتجوزوا 

زين

- كان مستني بس موضوعنا احنا يخلص علشان نعرف كلنا نفرح 

ليلي

- والله انا بحبهم اوي 

زين

- هممم حبي قمر براحتك وسيبي محمود انا احبه 

ليلي بخبث

- مش ناوي تبطل الغيره دي بقا انت عارف ان كلهم اخواتي

زين

- مفيش الكلام ده لا راضعه مع حد فيهم ولا حد فيهم اخوكي بالدم يبقا تسكتي خالص وكلهم اجانب عنك

ليلي

- والله يا سي زين يعني انت قبل النهارده كنت اجنبي عني انت كمان اومال كنت بتكلمني ليه كل شوية بقا 

- زين وهو يسحبها بين احضانه 

- كنت بقا كنت دلوقتى محدش ليه الحق يعمل الحركه دي غيري 

ابتعدت ليلي عنه وهي تعد علي اصابعها 

- لا طبعا هلال ليه وبابا ليه وعم ضياء وعم محمد وعمتو ليلي وماما وصحابي وبنات عمي 

زين

- لا والله وبعدين صحيح خفي من أحضان هلال الي عمال علي بطال دي انتي من اول ما بتجي لحد ما بتمشي وانتي مش بتقعدي غير في حضنه

ليلي

- انت بتغير من هلال دنت تعبان في دماغك بقا والله اروح اقوله 

زين

- ياستي انا بقولك بس قليلها 

ليلي

- لا براحتي 

زين

- براحتك اه هنتحاسب علي كل ده بس مش دلوقتى لما يتقفل علينا باب واحد كله بحسابه 

ليلي

- بقولك ايه احنا هنفضل قاعدين هنا كتير هو محدش راضي يجي يرخم علينا ليه ده ايه العيله الهاديه دي

زين

- انتي زهقتي مني ولا ايه 

ليلي

- لا طبعا بس يعني حد يجي هنفضل قاعدين لوحدنا كتير كده انا هخرج اشوفهم 

شدها زين من ذراعها بقوة حتي ارتطمت بصدره فاقترب منها وبدأ يمشي بيداه علي شعرها 

- متخرجيش تنادي حد خليكي جنبي 

ليلي بتوتر 

- زين زين اصل يعني طب ما تبعد شوية انا مش عارفه اتنفس 

اقترب منها زين اكتر 

- يعني قصدك قربك مني بيخنقك 

ليلي وهي تنظر لعيناه 

- لا لا اصل حرام 

امسك زين وجهها بين يداه واقترب منها وضع قبله علي جبهتها بحنان واقترب من اذنها وهمس 

- انتي مراتي يا ليلي وكل الي بره عارفين كده قدام الشرع والقانون انتي دلوقتى مراتي

ليلي

- طيب ينفع معلش تبعد انا متوتره اوي 

زين بحنان اهدي ومتخافيش مني 

ليلي

- معلش  انا مش خايفه انا بس متوتره 

وماما قالتلي مينفعش انك تقرب مني هي وليلي 

زين بضحك 

- هما مش قصدهم القرب ده ياست ليلي قصدهم حاجه تاني هبقى اعرفك عليها بعدين 

ليلي وهي تضربه بكف يداها 

- اقسم بالله انت مش محترم وابعد عني كده دفعت بيديها وبدأت بلم شعرها 

وبعدين متلعبش في شعري تاني مش بحب حد يلمسه انا بتعصب

زين وهو يضحك بشده

- شعرك كله ده ملكي اعلم فيه الي انا عايزه 

ليلي

- هو انا تلاجه والله ازعلك 

زين 

- تعالي طبب اقعدي والله ما هعمل حاجه خلاص وبعدين بتلمي شعرك ليه

ليلي

- علشان الف الطرحه ونخرج نشوفهم ماتوا ولا ايه

زبن

- ياست ليلي انتي قلقانه عليهم كده ليه متهدي في ايه 

ليلي

- لا والله ابدا لازم اطمن عليهم وبعدين روح اطلع لمروة من اول اليوم وهي لوحديها حرام 

زين

- اطلع لمييين

ليلي

- لمروة يا زين سلامة السمع مروة 

زين

- اقسم بالله انتي مش طبيعيه 

ليلي

- يعني مش حرام كلنا سايبينها لوحدها فوق بالله عليك

زين

- يابنتي غيري دي مراتي هي كمان انتي ازاي انتي الي بتطلبي مني اطلعلها 

ليلي

- مش هنصيع علي بعض انا عارفه انك قاعد في اوضه وهي في اوضه بس يعني تطلع شوفها اكيد زهقت 

زين

- والله يا ليلي انتي هتجنيني وهتطيري برج من عقلي 

ليلي

- سلامة عقلك يا زين خلاص متطلعش لو زعلان اوي كده

طرق محمود الباب بخفه 

اذن له زين بالدخول 

محمود

- عمي هلال عايزكم بره

زين

- ده وقته يعني 

محمود

- اقسم بالله ما ليا دعوة هو الي قالي 

ليلي وهي بتزيح محمود عن الباب 

- انا خارجه اشوفه بابا عايز ايه عايز تجي انت تعالي براحتك 

- محمود وهو ينظر لزين

- يخربتيك لحقتوا تتخانقوا

زين

- يعمي دي معرفش مالها دي بتقولي اطلع شوف مروة علشان قاعده لوحديها حرام دي عبيطه

محمود بضحك 

- لا وحياتك طيبه 

زين

- وسع يعم الله يخليك خلينا نشوف التاني ده عايز ايه

# حواديت_من_الواقع

               الفصل العاشر من هنا 

لمتابعة باقي الرواية زوروا قناتنا على التليجرام من هنا    

تعديل المقال