رواية حواديت من الواقع الفصل السادس 6 بقلم ليل السيد

 رواية حواديت من الواقع الفصل السادس 6 بقلم ليل السيد

بارت "6"

تجمعت ليلي ومحمود وقمر وكان موضوع أمامهم الاعمال

قامت ليلي بالاتصال علي الشيخ واخربته بما وجدته فطلب منها ان تأتى له بتلك الأعمال حتي يقوم بفكها هو دون أن ياذوا هم بها أنفسهم 

بالفعل اخدت ليلي تلك الأعمال وذهبت هي ومحمود الي الشيخ 

بعد مدة قليلة وصلوا 

بدا الشيخ بفك العمل ورؤية ما به حتي يعرف ما نوع العمل 

الشيخ

- بتاع البت 

دي تقريبا حاجه من لبسها وشعرها كمان اهو بصي الي مكتوب يام عمر بصي 

فراق فراق كرهه كرهه فشل تعب 

ليلي

- اعوذ بالله اعوذ بالله منك وليه ربنا ينتقم منها

الشيخ باهتمام

- انا مش برضي اقول لحد مين الي عمل العمل علشان مش عايز الناس تاذي من بعض انا بفك شر بس لكن انتوا شكلكم عارفينها لوحدكم فهي الي في بالك صح 

ليلي

- هو في غيرها بتاع أعمال في بيتنا شوفلي بتاع الواد يشيخ الله يكرمك

بدا الشيخ في فك عمل زين 

- فراق فراق فراق كرهه كرهه اسم ليلي كمان موجود هنا تشتيت 

ليلي 

- شايف يا محمود شايف ده ولدها يخربيتها ولدها 

محمود

- اسكتي يا عمتي مش وقته المهم يعم الشيخ حضرتك الأعمال دي اتفكت كده

الشيخ

- لا طبعا لسه هقرا عليه شوية حاجات وهديكم ميه مقروء عليها تحاولوا تخلوا الاتنين يشربوا منها وحاولوا تشغلوا الرقيه الشرعيه دايما الفتره دي 

محمود باهتمام 

- مفهوم يعم الشيخ مفهوم 

ليلي 

- فيك الخير ياشيخ فيك الخير 

ذهبت ليلي ومحمود بعد ما قام الشيخ بفك الأعمال 

ليلي

- هنعمل ايه يا محمود دلوقتى 

محمود

- سهل اوي نشرب زين من الميه دي انا هسافرله واقعد معاه في الزمالك لكن ليلي هنعمل معاها ايه 

ليلي

- انا هبعتلها قمر هخلي قمر تسافر تقعد معاها شوية برضو الفترة دي واهو تكون لان هي مش كويسه برضو 

محمود

- خلاص هاخد قمر وانا مسافر اوديها لليلي الاول وبعدين اروح لزين 

هتعرفي عمي هلال بالموضوع ولا لا 

ليلي

- حاسه ان هلال بيكره لطيفه لوحده مفيش داعي نخرب البيت اكتر مهو مخروب واحنا عرفنا نفكه الحمد لله

محمود

- ما الي تعمل عمل لابنها تقدر تعمل عشرين عمل تاني يعمتي 

ليلي

- يعني عايزني اعمل ايه يمحمود ياولدي مش هقدر أوجع اخويا هو فيه الي مكفيه لو جهه وقته ابقى اقوله 

محمود

- انت كمان متعرفش زين ولا تعرفوا اي حد واصل كفايه أن احنا عرفنا وادينا اهو با ولدي قاعدين نحاول نحلها 

في نفس الوقت كان زين لوحده بشقته يشر العرق بشده من جسده ودرجة حرارته كانت مرتفع بشكل كبير كان يلهث وغير قادر علي رفع راسه رفع هاتفه بصعوبة وأخرج اول رقم وقام بالاتصال عليه 

كان قمر حسين عمه 

حسين

- ايوه يا زين معاك يابني 

زين

- عمي انا تعبان قوي ينفع تجيلي مش قااا در ارفع راسي من المخده 

حسين 

- انت كمان تعبان مالكم بس يعيال 

زين

- مين تعبان 

حسين

- ليلي كمان سخنه قوي ومش قادره تتحرك وبتقول جسمي كله مكسر خلاص خلاص أقفل يا حبيبي انا هجيلك دلوقتى واخدك تقعد معانا لحد ما تبقى كويس مينفعش قعدتك في الشقه لوحدك وانت تعبان كده وانت عارف مش هينفع اسيب مرات عمك وبت عمك لوحدهم في البيت كنت قعدت انا معاك

زين بتعب شديد

- ماشي يعمي سلااام 

ذهب حسين الي شقة زين واخذ زين الي المرحاض وفتح عليه الميه حتي يبرد جسده الساخن بشدة كما فعلت ناهد مع ليلي هي الاخري 

حسين بعد مده 

- خد البرشامه دي الميه بردتك شوية هتقدر تغير هدومك بس انا سيبهالك اهي علي السرير

زين بتعب

- اه اه يعمي هغير ماشي 

قام زين بتبديل ملابسه وثم خرج لعمه يستند علي الحائط 

حسين

- يلا بس استحمل لحد ما ننزل للعربيه 

سنده فعلا حتي وصلوا الي السيارة فتح الباب بصعوبة وجلس زين في الخلف يمدد جسده علي الكنبه الموجوده بالخلف وحسين يقود السيارة بسرعه 

حسين

- انا جيت يا ام ليلي وزين معايا

ناهد وهي تخرج من غرفة ليلي وتضع الحجاب علي راسها 

- حمدلله علي سلامتكم يابو ليلي نورت يا زين الف سلامه عليك يابني اتفضل اتفضل اوضتك جاهزه ادخل ريح وانا هعملكم حاجه مسلوقه علشان تقدر تأكلها انت وليلي 

زين بتعب 

- ليلي مالها 

ناهد

- والله معارفه يابني دخلت مره واحده عليها لقيتها نايمه عريانه وبتردد كلام ومش قادره تفتح عينها وسخنه

زين

- طيب طيب هي عامله ايه دلوقتى 

ناهد 

- ادخل بس انت اوضتك ريح جسمك وغير البس حاجه مريحه هي كويسه متقلقش قوم يلا قوم 

دخل زين غرفة الضيوف الموجود بالبيت 

وليلي كانت نائمه بغرفتها 

 

في نفس الوقت بالبلد

هلال

- يعني زين هي الي رن عليك ولا انت رايح لشغل تاني 

محمود

- ايوه يا عمي زين وعلشان اكون معاه برضو هناك نخلص الدنيا هناك وهنرجع سوا 

وقمر كانت عايزاه تروح تقعد مع ليلي كام يوم فهاخدها في الطريق معايا اوصلها لليلي الاول وبعدين اروح لزين

هلال

- الي يريحكم يا ولدي وانت يعمر يعني مش رايح معاهم زي عوايدك

عمر

- الشغل هنا كتير يخالي مش هينفع نسيبه كلنا كفايه محمود وزين هناك 

هلال

- عين العقل يا ولدي 

اتكلوا علي الله انتوا علشان تلاقوا توصلوا في النور

محمود

- ماشي يا عمي لا اله الا الله يلا يقمر

هلال

- محمد رسول الله توصلوا بالسلامه 

ذهب محمود وقمر 

في نفس الوقت في بيت حسين 

ناهد

- خد يحسين دخل ده لزين واقعد واكله بنفسك شكله مهدود خالص ومش هيقدر ياكل 

- وانا هروح اكل ليلي

حسين

- ماشي وابقى طمنيني علي ليلي 

ناهد 

- عنيا حاضر 

حسين

- يلا يا زين يا ولدي قوم لازم تاكل حاجه 

زين

- مش قادر خالص والله يعمي 

حسين

- لا لا قوم بس انا هوكلك قوم يلا

 وسنده حسين وعدل راسه وبدأ يقطع له الفراخ ويطعمه واحده واحده

نفس الكلام في غرفة ليلي 

ليلي بتعب

- يعني زين هنا وتعبان 

ناهد

- يقلب امه والله يابنتي جاي خلصان خالص يعيني مش قادر يفتح عينه زيك كده 

ليلي

- طب وهو عامل ايه دلوقتى 

ناهد

- بابا معاه دلوقتى وبياكله بإذن الله هيبقوا كويسين انتوا الاتنين بسرعه 

في نفس الوقت رن هاتف ليلي وظهر رقم قمر

رفعت ناهد الهاتف وردت علي قمر

ناهد

- ازيك يا قمر يجميلة عامله ايه وماما عامله ايه

قمر

- الحمد لله يمرات خالي كلنا كويسين هي ليلي نايمه ولا ايه 

ناهد

- لا والله يابنتي تعبانه من الصبح عندها سخونيه وجسمها واجعها مش قادره تعمل حاجه 

قمر

- يعمري الف سلامه طيب انا كده كده ساعتين كده تلاته واوصل علشان اطمن عليها بنفسي 

ناهد

- والله بجد هتنورينا يقمر ليلي هتفرح اوي جايه انتي ومين

قمر 

- محمود معايا هيوصلني الاول عندكم وبعدين هيروح لزين علشان عندهم شغل 

ناهد

- تعالي انتي ومحمود علي هنا زين هنا اهو 

قمر باهتمام 

- ايه زين بيعمل ايه 

ناهد

- رن علي خالك وكان تعبان خالص يحبة قلبي فراح حسين جابه وجه هو كمان علشان اعرف اخد بالي منه ومن ليلي معرفش ايه الي حصلهم والله

قمر

- ياربي طيب طيب احنا جايين خلاص وبإذن الله يتحسنوا بسرعه يارب

ناهد

- آمين يا حبيبتي توصلوا بالف سلامه يارب

قمر 

- الله يسلمك يمرات خالي مع السلامه 

سلامه

قمر

- سمعت بتقولك زين وليلي تعبانين هو ده طبيعي طيب هي الأعمال دي اتفكت ولا اتعملت

محمود

 - الشيخ قال طبيعي يتعبوا هما الاتنين علشان كده كنت عايز نمشي بدري 

خير خير يارب 

بعد عدة ساعات كان قد وصل محمود وقمر وليلي وزين مازال كلل منهم نائم في غرفته 

حسين

- حمدلله علي السلامه يحبايبي حمدلله علي السلامه 

محمود 

- الله يسلمك يعمي 

قمر

- الله يسلمك يخالي

ناهد

- ادخلي قمر اوضة ليلي غيري وحطي هدومك وانت كمان يمحمود في الاوضة مع زين لحد ما اجهزلكم الاكل بسرعه 

محمود

- ملهوش داعي يمرات عمي 

ناهد

- مش عايزاه كلام كتير يلا يلا 

امسك محمود هاتفه وإرسل رساله للي قمر 

- متنسيش اول ما تدخلي تشربي ليلي من الميه الي معاكي 

قمر

- حاضر حاضر 

دخلت قمر وجدت ليلي نائمة فقامت بإخراج زجاجة الماء الموجوده بحقيبتها وصبت منها بالكوب الموضوع بجانب ليلي 

قمر بهمس

 - ليلي يا حبيبتي انا جيت

ليلي بتعب

- همم قمر حمدلله علي السلامه 

قمر

- الله يسلمك يعمري سمي الله كده وقومي اشربي ميه وغيري وضعيتك في النوم علشان جسمك ميتعبكيش

ليلي بتعب

- مش قادره اتحرك يقمر 

قمر

- لا لا قومي معايا انا هسندك

عدلت قمر من جلستها وامسكه كوب الماء وجعلت ليلي تشرب منه علي ثلاث مرات 

في الكلام حدث في غرفه زين معه هو ومحمود 

سمعت قمر صوت ناهد يناديها قامت وابدلت ملابسها سريعا وخرجت 

حسين

- مش عايزين نقلق عمك يمحمود اتمني محدش منك انت او قمر يعرفه ان حد منهم هما الاتنين تعبان او حاجه 

محمود

- اكيد طبعا يعمي 

ناهد

- مش وقت كلام يحسين سيبهم ياكلوا علشان يلحقوا يرتاحوا من المشوار 

حسين

- حاضر حاضر مدوا يدكم يعيال 

بدوا بالأكل وعد القليل من الوقت ودخلت قمر لكي تنام بجانب ليلي ومحمود مع زين 

باليوم التالي 

استيقظ زين ببصحه افضل من امس 

نظر بجانبه رأى محمود زين بخضه 

- سلام قولا من رب رحيم انت جيت امتي 

محمود

- طبعا انت نفسك تصحي علي وش احسن من كده بس نعمل ايه انا الي موجود دلوقتى 

زين

- يارخم انا دماغي امبارح مكنتش شيلاني 

محمود

- ايوه منا شوفتك 

زين

- مشوفتش ليلي عامله ايه 

محمود

- مشوفتهاش من امبارح والله لما وصلت كانت نايمه 

زين

- ان شاء الله تبقى كويسه 

انا هقوم استحمي حاسس واصلي بقالي كتير مكنتش بقدر اصلي والله 

محمود

- ربنا يتقبل منك يارب خد غير ريقك بس واشرب ميه 

زين

- هات حاسس اني عطشان اصلا 

شرب زين من الميه وذهب للمرحاض

في نفس الوقت كانت استيقظت ليلي الأخرى 

قمر

- اشربي ميه طيب قبل ما تروحي تستحمي 

ليلي

- يادي الميه دي هاتي ياستي اشرب 

شربت ليلي وكانت خارجه من غرفتها بالمنشفه الخاصه بها وذاهبه هي الاخري الي المرحاض 

ولكنها تفاجأت بزين فوضعت المنشفه بسرعه علي رشعرها 

زين بضحك

- ده علي اساس شعرك حرام إنما دراعك ده عادي 

ليلي

- الي لحقت اغطيه بقا ربنا يسامحني 

عامل ايه دلوقتى 

زين

- احسن الحمد لله وانتي

ليلي

- كويسه الحمد لله شكلك كنت داخل تستحمي اتفضل 

زين

- ادخلي انتي الاول خلاص 

ليلي

- لا والله ابدا انت الاول 

حسين من خلفهم 

- ادخل يابني انت هنا وانتي روحي ادخلي الحمام الي في اوضتنا جوا 

ليلي بتوهان 

- صح يا بابا نسيت 

حسين بعد ما ليلي مشيت 

- عامل ايه يابني دلوقتى 

زين

- الحمد لله يعمي 

معرفش من غيرك كنت هعمل ايه والله يعمي ربنا يخليك ليا

حسين

- يابني بطل عبط دنت ابني البكري يا زين 

ادخل يلا خد حمامك علشان الفطار قرب يخلص

زين

- بإذن الله هرجع شقتي النهارده يعمي معلش علي اللغبطه الي عملتهالكم دي انا عارف ان مكنش ينفع اجي 

حسين

- ربنا يهديك يا زين علشان ممدش ايدي عليك البيت مش هيتحرم عليك يعني علشان انت وليلي مبقاش ليكم نصيب مع بعض يا ولدي دي بت عمك لسه وده بيت عمك زي ما هو ومش هتمشي النهارده لا هتفضل قاعد يومين كده معانا انت وولاد عمك لحد ما اتأكد انك بقيت كويس 

ومش عايز كلام كتير انا خلصت كلامي كده ادخل استحمي يلا 

لسه زين هيتكلم دفعه داخل الحمام حسين وأغلق الباب

بعد القليل من الوقت كانوا الجميع حول مائدة الطعام 

حسين

- بس حالتكم امبارح كانت صعبه قوي انتوا الاتنين ومعرفش ازاي تعبتوا مع بعض وكل واحد فيكم في مكان غير التاني 

زين

- والله يعمي لما رنيت عليك كنت حاسس روحي هتطلع وانا لوحدي من كتر التقل الي كان علي صدري 

قمر في سرها

- حسبي الله ونعم الوكيل فيكي يمرات خالي

حسين

- بعد الشر يا ولدي الحمد لله انكم دلوقتى بخير 

زين

- الف سلامه عليكي ياست ليلي 

ليلي

- الله يسلمك يزين 

الف سلامه عليك انت كمان 

محمود

- خلاص هو فرح ما خفينا وخلصنا خلينا نخلص اكل علشان ننزل نشوف شغلنا 

زين

- متتكلم عدل يلا مالك في ايه 

محمود

- يلا انا يتقالي يلا

زين

- تحب اقول حاجه تانى ولا كفايه كده عمك قاعد 

منورة يقمر

قمر

- بنورك يا زين 

انتهوا من الإفطار وذهب زين ومحمود الي العمل 

وناهد وحسين الآخرين كلا منهم ذهب الي عمله وبقى بالمنزل قمر وليلي 

قمر

- ها يا ست ليلي بقينا لوحدينا وبعدين عن البلد كمان وقرفها مش ناويه تحكيلي كل الي في خاطرك

ليلي

- يعني هيكون ايه في خاطري قمر غير زين وزين معدش ينفع يكون ليا خلاص 

قمر

- ليه مينفعش لسه في امل علي فكرة

ليلي

- انتي شكلك واقعه علي دماغك زين متجوز دلوقتى 

قمر

- كاتب كتابه بس زين كاتب كتابه بس لسه 

ليلي

- وهتفرق ايه يقمر في كلتا الحالتين متجوز ومراه ملهاش ذنب في اي حاجه وبعدين حتي لو كنت لسه بحب زين الحب لوحده عمره ما كان كفايه زين اناني واختار نفسه فخلاص مع الوقت الدنيا هتمشي 

قمر

- زين مكنش كويس يا ليلي وكلنا عارفين انه مكنش طبيعي كل الي بيعمله ده اديله فرصه

ليلي

- انا مش فاهمه بجد انتي بتناقشيني في ايه والله ادي مين فرصه يا قمر فوقى زين متجوز 

صدر صوت رساله من هاتف ليلي 

فامسكت به

كانت رساله من زين 

زين

- ازيك يا ست ليلي يالي حتي في التعب بقينا بنتعب في نفس الوقت انا مكنتش عايزاه ارجع البيت تاني النهارده عشانك بس عمي هو الي أصر اتمني متكونيش مضايقه من وجودي

ليلي

- متقوليش يا ست ليلي دي تاني اسمي ليلي بس دي اول حاجه تاني حاجه ده مش بيتي ده بيت عمك تجي وقت ما تحب انا مش مضايقه من حاجه 

زين

- بتضايقك كلمة ست ليلي طب يا ست ليلي يا ست ليلي سا ست ليلي

ليلي باستفزاز

- زمان كنت بتقولي بحس اسمك مينفعش يتقال كده لوحده عادي لازم يتحط قبله كلمة ست علشان انا مش شايف ست زيك ولا غيرك 

دلوقتى اللقب ده مبقاش يناسب حد غير الست مروة مراتك ابقى سلملي عليها صحيح

زين قرأ رسالتها بعصبيه وحدف التلفون 

محمود بخضه

- في ايه مالك صلي علي النبي بس مين الي مضايقك كده 

زين بجز علي سنانه

- ليلي هانم بتستفزني

محمود بخبث

- وانت بتكلم ليلي في ايه دلوقتى محنا لسه سايبينهم

زين

- في أيه انت كمان هتفتحلي تحقيق هو انا مبقاش ينفع اكلمها يعني ولا ايه 

محمود

- مش القصد يبرو بس انت دلوقتى متجوز اخر مره كلمت مروة فيها كانت امتي

زين

- مروة مروة كل ما اتكلم في حاجه تفكروني بمروة ايه خلاص زهقت

محمود

- لا لا زهقت ايه يخربيتك انت كنت بتنساها اصلا دي مراتك 

زين

- يعم هو انا حتي اعرف شكلها والله ما فاكر ملامحها يابني انت الي عارف الي فيها يمحمود متصيعش عليا وتظيط معاهم 

محمود

- لما انا وانت الي عارفين الي فيها في حد يكتب كتب كتاب مع خطوبة محدش استعجل غيرك 

زين

- معرفش عقلي كاااان فييين عقلي كااان فين انا مش عارف هتجنن والله 

محمود

- معلش بإذن الله كل حاجه هتتصلح 

زين

- تتصلح ايه بقا لو السما انطبقت علي الارض ليلي مش هتوافق بيا 

محمود

- الا صحيح هو انت وليلي سيبتوا بعض ليه من الاول

زين

- علي اساس انت مش عارف الموضوع العبيط يعني 

محمود

- اديك بتقول عبيط لازمتها ايه العند وقتها 

زين

- والله معارف يمحمود كان راكب دماغي عشرين ألف عفريت اني امشي كلامي والله وانا الي كنت بتمني ضفرها وانا الي ضيعتها من ايدي بسبب موضوع تافهه 

انا اصلا كنت مقرر من بدري هنعيش هنا متعرفش لما سألتني عاندت قصادها ونشفت دماغي امي ليييه

حاسس ان ممكن يجرالي حاجه لو اتجوزت مروة دي 

ومش هينفع اسيبها هي ملهاش ذنب 

محمود

- اكتر واحده صعبانه عليا والله مروة مش شاغل دماغي ابدا لعب العيال بتاعك انت وليلي ده بس منك لله علي تسرعك

زين

- مخلاص بقا يا محمود مفلقنيش الي حصل حصل 

محمود

- طيب يا عسل خليك فاكر بس ان فرحك انت ومروة دي اخر الشهر 

انا قولت افكرك بس علشان شكلك كنت واقع علي دماغك قبل كده ومش فاكر اي حاجه من قراراتك

زين

- اخر الشهر ده ايييه 

ده مين الي حدد معاده ده

محمود

- واحد حمار كده متسرع اسمه زين 

وانت عارف في بلدنا الي بيكتبوا الكتاب مش بيطولوا لازم يتجوزوا بعده بسرعه

زين

- يخربيت البلد والمصايب الي في البلد انا كرهتها 

محمود 

- طول بالك بكره تتحل 

زين

- دي شكلها اتعقدت اكتر

عند ليلي وقمر

- مالك بتكيدي في مين علي الموبيل 

ليلي

- هااا لا ابد كنت برد علي زين 

قمر

- زين وهو زين باعتلك ايه دلوقتى 

ليلي

- ولا ايه حاجه رساله عبيطه المهم ياستي قمر عامله ايه انتي وسي محمود فكك مني انا وزين علاقه فاشله خلاص 

قمر

- محمود والله ما في اي حاجه انا معرفش هو بيحبني اصلا ولا لا بس الاكيد انه معتبرني زي اخته مش اكتر لانه لو كان بيحبني ايه الي هيمنعه لحد دلوقتى انه يطلب ايدي لا انا صغيره لسه ولا هو صغير 

ليلي

- ياستي يمكن هو كمان فاكراك انتي مش بتحبيه ومعتبراه زي اخوكي وخايف من الرفض

قمر

- تفتكري 

ليلي

- افتكر وجدا كمان 

اتقلي عليه انتي بس وهو هيتدلق لوحده

قمر

- يكش يتلحلح مش هقعد عمري كله أرفض عرسان وهو قاعد قصادي عامل عبيط

ليلي

- بإذن الله يارب بهنفرح بيكم قريب

قمر

- آمين يارب آمين يلا ندخل نحضرلهم غدا زمانهم قربوا يرجعوا

ليلي

- انا مش بعرف اعمل غير مكرونه

قمر

- ياستي انا الي هعمل ياستي 

قاموا بتحضير الطعام وبعد عدت ساعات كان هلال معهم علي الهاتف

ليلي

- هلو حبيبي كده اتعب ومتسالش عني 

قمر وهي بتشوح ليها من بعيد 

هلال

- تعب ايه مالك

وضعت الهاتف كتم ليلي وهي تسأل قمر 

في اييييه 

قمر

- هلال ميعرفش انكم تعبانين عمي قال محدش يقوله ولا يعرف ان زين تعب

ليلي

- ابدا يعم بتدلع عليك بس ده كان دور برد عادي فلازم اعمل اكشن انت عارفني 

هلال

- خضتني عليكي يا ليلي طب عامله ايه دلوقتى احسن 

ليلي

- الحمد لله يحبيبي بخير

هلال

- قمر عامله ايه 

ليلي

- قمر ومحمود كلهم كويسين 

هلال

- هو محمود لسه مراحش لزين 

ليلي

- لا مهو بابا عازمهم النهارده كلهم علي الغدا هنا فمش مخليهم مروحين فكلنا هنا 

هلال

- يارب دايما متجمعين في الخير يا ليلي زين مضايقك في حاجه وهو عندك

ليلي

- لا ابدا والله يا بابا متقلقش انا كويسه 

بعد مدة كانوا جميعا قد أتوا من الخارج 

ناهد

- تسلم ايدك يا قمر اكلك يجنن

قمر

- بالهنا والشفا يمرات خالي 

زين

- وانتي يا ست ليلي معملتيش اي حاجه في الأكل ده كله

ليلي بجز علي اسنانه غرزت الشوكه في السفره 

- مقتوللليييش يا ست ليليييي

زين باستفزاز

- يعني معمتليش حاجه في الأكل فعلا ياست ليلي 

ليلي

- زين متسفزنييييش

حسين

- خلاص يا ليلي زين بيهزر معاكي

ليلي

- ميهزرش معايا انا مش بحب الهزار ده 

زين

- حاضر ياست مش ههزر تاني معاكي كلي وانتي ساكته 

ليلي

- شايف يا بابا الاستفزاز 

ناهد

- عيب تتكلمي مع ابن عمك الكبير كده مفيهاش حاجه لما يهزر معاكي اسكتي بقا 

ليلي

- يووووه طب والله منا واكله 

ناهد

- ادي أخرت دلعك ليها شوفت بتعمل ايه علي الاكل 

زين 

- انا الي عصبتها يا مرات عمي بس مكنتش اعرف انها هتضايق اوي كده فين طبقها انا هوديهولها بنفسي 

حسين

- والله متتعب نفسك سيبها هي هتشفي عصبيتها في البلكونه بعدين هتدخل المطبخ تتكل لوحدها كمل اكلك انت يابني

زين

- لا والله علشان محسش بالذنب هاتي يا قمر طبقها 

ناهد

- والله انت محترم يا زين معرفش انت ابن لطيفه ازاااا        ي قام حسين بخبط قدمها من أسفل الطاولة 

 حسين بغشوله علي كلام ناهد

-روح يابني ادي ليلي الطبق روح

كان محمود وقمر يضحكون غلي ناهد وحسين 

وذهب زين الي ليلي في البلكونه 

زين

- انا قولت اجي أصلح غلطي 

ليلي كانت تعطي ظهرها له فنظرت اليه وكانت بعيناها أثر الدموع

ليلي 

- مش كل الغلط بينفع يتصلح يا زين ياريت كانت كل حاجه ينفع تصلحها 

زين وضع الطبق علي الطاولة واقترب منها وامسك بيده اخر دمعه كانت متعلقه برموشها 

زين

- انتي بتعيطي يا ليلي 

ده كله علشان قولتلك يا ست ليلي 

ليلي وهي تحرك وجهها نافيه كلامه بسرعه

- علشان علشان اللقب ده مبقاش من حقي خلاص يا زين ولا في امل حتي انه يكون من حقي انت بوظت كل حاجه يا زين 

زين باهتمام

- انا نفسي اعرف أصلح كل حاجه دلوقتى ونفسي الوقت يرجع بيا علشان افوقني م كل الي حصل ده

ليلي

- محدش كان ضربك علي ايدك يا زين انت الي ما صدقت

زين

- والله انا مكنتش حاسس باي حاجه بعملها والله غصب عني عارف مش هتصدقيني بس انا فعلا مكنتش واعي لأي حاجه زي ما يكون حد كان ضاربني علي دماغي ليلي أنا عمري كله ما شوفت ولا حبيت ست غيرك دنتي الي قدامي من يوم ما اتولدتي لحد ما بقيتي عروسه اقدر اطلب ايدها من عمي 

واول ما يجي اليوم ده يا ليلي تسبيني 

ليلي

- انت الي سيبتني يا زين انت الي رفضت تجادل او تسمعني حتي في الموضوع الموضوع مكنش يستاهل كل الي عملناه ده بس انت الي كبرته الموضوع كان ممكن يتحل بهدوء بس انت كلمتني بشكل مش كويس وعاندت قصادي وقصاد بابا زي ما تكون مصر انك تقفل الموضوع خلاص انت كنت اناني 

زين

- طب منتي كمان كنتي مصره علي رايك انا عارف ان الموضوع تافهه بس انا مش فاهم ازاي سمحت لموضوع زي ده انه يبعدك انتي عني والله معارف 

ليلي

- اهو الي حصل بقا يا زين يمكن كل ده حصل علشان احنا مكناش من نصيب بعض من الاول 

زين

- عمرك ما هتكوني من نصيب حد غيري يا ليلي 

ليلي

- انت اناني حتي في دي منت بقيت من نصيب واحده غيري ايه هتخليني قاعده قدامك كده العمر كله 

زين 

- لو عايزاني أطلقها هطلقها انا مش بحبها ولا عايزاها انا عايزك انتي بس صدقيني

ليلي بصدمه 

- انت بتقول ايه لا مستحيل انا مستحيل اكون السبب في تعاسة وحده خلاص كل واحد يتحمل نتيجة أخطائه وقرارته البنت دي ملهاش ذنب تبقى مطلقه وانت عارفه المطلقه في بلدكم بتتعامل ازاي حرام عليك بطل انانيه

زين

- متجننيش انا كده اناني وكده اناني يعني انتي فاكراني مش هظلمها لما تعيش معايا وانا عمري ما هعرف احبها فاكراني مش هظلمها لما تبقى جنبي وانا بحب واحده تاني وعقلي وقلبي مع غيرها 

كان قمر ومحمود في نفس الوقت ذاهبون إليهم بالشاي وناهد وحسين دخلوا غرفتهم لكي يرتاحوا

لكن توقف محمود عندما سمع صوت زين 

محمود

- استني استني سبيهم يخلصوا كلام 

قمر

- صوت زين عالي تعالي نتدخل

محمود

- لا لا سبيهم هما دلوقتى كل واحد ببقول الي في قلبه سبيهم يمكن يرتاحوا لما يخلصوا الكلام ده 

قمر

- الي تشوفه يلا نقعد قدام التلفزيون 

نرجع لزين وليلي 

ليلي خبطت زين علي قلبه وبصوت عالي

- لما انا موجوده في ده وبتقول انه محبش غيري   بتروح تتجوزها ليييه بتسيبني ليييه 

زين 

- صدقيني معرفش والله معرفش ليلي أنا مش عايز غيرك قوليلي انتي اعمل ايه دلوقتى وانا هعمله 

ليلي 

- مش هتعمل حاجه هترجع تشوف تجهيزات فرحك يابن عمي 

امسكها زين من معصمها 

- مبلاش الكلمه الي بتفوري دمي بيها دي متحسي بيا بقا وفرح ايه ونيلة ايه متخلنيش اسيبلكم البلد كلها وامشي قبل الفرح الي قارفين اهلي بيه ده 

ليلي

- ايدي يا زين بتوجعني 

ترك زين يداها وابعدها عنه بنفور

ليلي بدأت تفرك بيدها الأخرى في معصمها حتي يخف المه بعض الشئ 

زين امسك يداها مره اخري

- اسف مكنش قصدي 

ليلي

- اهو انا قلبي متفتف بقا وبسببك هتتاسفله ازاي 

زين بحنيه

- ياريتني اقدر اشيله واحط الوجع كله الي فيه في قلبي انا 

ليلي

- معدش ينفع يا زين معدش ينفع

زين

- مفيش والله الكلام ده صدقيني ينفع بس انتي ساعديني 

ليلي

- لو كان بأيدي يا زين كنت قتلتك والله وقتلت نفسي قبل ما تتجوز واحده غيري بعد ما خليتني احبك 

زين

- ياريتك عملتي كده ياريتك قتلتني انا بس 

ليلي

- وانا كنت هقدر اعيش من غيرك يا زين 

زين

- عيون زين والله يا ست ليلي عيون زين 

ليلي

- انا داخله يا زين علشان والله كل كلامنا ده حرام والله هلال لو عرف اني واقفه معاك دلوقتى ولوحدنا هيموتني 

زين

- محدش يقدر يعملك حاجه وانا موجود 

ليلي

- لا يخويا هلال يقدر يعملي ويعملك 

روح كلم مراتك صح اكيد مش بتكلمها 

زين

- لازمتها ايه السيرة دي 

ليلي

- انا بجد حرام عليك الي بتعمله فيها ده والله حرام عليك 

زين

- ابقى اكلمها ان شاء الله 

ليلي

- وسع كده عايزاه اشوف الجماعه الي جوا دول مسمعتش صوت حد فيهم ليه 

ذهبت ليلي وتركت زين 

ليلي

- ايه يا شباب فينكم 

قمر

- بنسمع فيلم رعب يجنن تعالي 

ليلي وهي تجلس بجانبهم

- بابا وماما ناموا 

قمر

- اه دخلوا يريحوا شوية 

نهض محمود فجاءة 

ليلي

- رايح فين يابني 

محمود رايح اشوف زين هقف معاه شوية في البلكونة 

ليلي

- عقل صاحبك علشان دماغه تعبانه 

محمود

- دماغه كلنا عارفين هي هترتاح ازاي بس مش هنعرف نعمل ده 

ليلي

- هيعملي زيه هو كمان روح يا محمود شوف صاحبك روح 

دخل محمود الي زين البلكونه 

محمود

- شكلك عكيت الدنيا جامد

زين

- هاا لا ابدا انا بس مش عارفه احلها ازاي 

محمود

- سهله طلق مروة واتجوز ليلي 

زين

- والله قولتلها  رفضت وشيلتني ذنب مروة انها هتبقى مطلقه بسببي انا مش عارف اعمل ايه 

وابو مروة لسه قافل معايا بيسالني حجزت اي قاعه علشان يكتبها في الدعوات 

قاعة ايه ودعوات ايه انا مالي بالهم ده 

محمود

- هي شكلها اتقفلت فعلا يعني 

زين 

- انا جايبك علشان تخليني انط من البلكونه ولا ايه

محمود

- طب اعملك ايه انا اتعودت احل معاك ايوه بس دي بايظه خالص يصاحبي هحالها ازاي 

زين

- معرفش بقا يا محمود لما نشوف اخرتها 

بعد اسبوع في البلد 

هلال بعصبيه

- يعني ايه عايز تطلقها هو لعب عيال 

زين

- انا مش عايز اتجوزها مش دي الي انا عايز اعيش معاها حياتي انا مش عارفه اتقبلها خالص والله مش قادر

هلال

- انا قولتلك كام مره بلاش تستعجل نصحتك كام مره كنت قربت احب علي يدك علشان تسمع كلام 

زين

- وانا دلوقتى ندمان وعايز أصلح كل حاجه 

هلال

- معدش ينفع مش علشان تصلح انت حياتك تخرب حياة بت ملهاش ذنب 

زين

- يعني حياتها مش هتبقى مخروبه وهي عايشه معايا وانا مش بحبها 

هلال

- مفيش الكلام ده في بلدنا كله بيتجوز علشان يتستر وخلاص ونص البلد متجوزه كده عندهم هنا مقتنعين الحب هيجي بعدين وكمان مش مهم يجي 

زين

- انت الي بتقول كده 

هلال

- انا قولت كتير قبل كده وانت الي مسمعتنيش 

زين

- انا مش هقدر اتجوز واحده غير ليلي ده اخر كلام عندي

#حواديت_من_الواقع

              الفصل السابع من هنا 

لمتابعة باقي الرواية زوروا قناتنا على التليجرام من هنا 

تعديل المقال