رواية بياع الورد الفصل الثالث 3 بقلم نور محمد
#البارت_الثالث
ورد بلعت ريقها بتوتر وخوف وبصت على ام فتحي بخبث وقالت بتهديد:هبيع ام فتحي لو مسمعتش كلامي
جلال بصدمه وخوف:لا كله اللي ام فتحي خلاص هلم لساني عنك و
قبل مايكمل جملته سمعوا صوت باب المخزن بيتفتح بقوه ودخل رجل كبير في عمر الستينات بملابس شيك وانيقه جدا وقال بصدمه وحده:ايه اللي بيحصل هنا في مخزني ياورد؟!
ورد بصدمه وزهول:يانهار اسود جدي
قرب جد ورد منهم بغضب وقال:ايه ده البقره دي بتعمل ايه هنا في المخزن بتاعي ياورد؟!!
ورد بخوف:جدي اسمعني انا هفهمك كل حاجه انا
قاطعها جلال ببسمه:اهلا ياحمايا عامل ايه حضرتك؟
جاسم بصدمه:انت قولت ايه حمايا؟
ورد بقلق وخوف:جدي ارجوك انا هفهمك كل حاجه بس مش هنا
جلال قرب منه وحضنه بحنيه وقال:لا سبيلي انا الطلعه دي ياحبيبتي ده برضو حمايا الغالي وانا اللي لازم اقوله
جاسم بعده عنه بضيق وقال بحده:انا عاوز افهم اللي بيحصل هنا فورا
جلال برسميه:تمام انا هفهمك انا ابقى حبيب حفيدتك وان شاء الله بكره هبقى جوزها كمان والبركه فيك بقى ياحمايا
جاسم بغضب:الكلام ده صحيح ياورد
ورد بتوتر:احم ايوه صحيح ياجدي
جاسم ببرود:تمام تعالوا ورايا علشان نعرف نتكلم براحتنا جوه
ورد بلعت ريقها من هدووء جدها الذي يسبق العاصفه وجلال قبل طلوع جاسم من المخزن قال بسرعه
:استني يابيه لو سمحت بعد ازنك انا عاوز اطلب منك طلب دلوقتي حالا
جاسم بانتباه:طلب..طلب ايه يابني
جلال ببسمه:اهو انت قولت ابني يعني بقى ليا معزه عندك مش كده يابيه
جاسم بأحراج:احم ايوه اتفضل عاوز ايه؟
جلال ببرائه:عاوز بس البقره بتاعتي تفضل هنا لو سمحت ده بعد ازن حضرتك طبعا علشان دي الباقيه من ريحه امي وابويا الله يرحمكم ممكن
جاسم بص على البقره بضيق بس تهند بهدووء لان جلال طلب منه بكل احترام وهو مقدرش يكسفه فقال
:تمام البقره تقدر تقعد هنا بس متطلعش خارج المخزن ده ولو شوفتها خارجه هرميها بره الفله مفهوم
جلال سمعه بفرحه كبيره وجري على ام فتحي حضنها بسعاده وقال:الف شكر يابيه انت جميلك ده فوق فوق رأسي..واخيرا هتفضلي معايا هنا ياام فتحي انا فرحان اوي اوي
جاسم بصدمه وزهول:هي مين ام فتحي دي؟!
ورد بضحك:دي البقره ياجدي اسمها ام فتحي
جاسم سمعها وانفجر في الضحك وقال:والله الولد ده دخل قلبي الظاهر دمه خفيف وهينشر الضحكه في الفله كلها
ورد بتوهان:فعلا دمه خفيف وكمان وسيم اوي اوي
جاسم سمعها وابتسم بفرحه وقال:تمام كده ياله ياولاد ندخل الفله بقى
جلال بعد عن ام فتحي بحزن وقال:هتوحشيني ياام فتحي بس انا هاجي باليل اقعد معاكي شويه زي كل يوم تمام
جاسم بصدمه:هو بيكلم البقره ليه هي هتفهم كلامه يعني كده؟!
ورد ضحكت بقوه وقبل ماتتكلم سمعوا البقره وهي بتصدر صوت عالي وجاسم انصدم منها وورد قالت بضحك:ايوه بتفهمه ياجدي دي عشره عمر معاه
جاسم ضخك وهز رأسه وقال:تمام ياله نطلع زمان العشاء حضر
جلال سمعه وقال بعفويه لانه كان جعان اوي: انتو عندكم فراخ ولحمه صح يابيه
جاسم ببسمه:اكيد ياحبيبي عندنا كل اللي نفسك فيه تعالي ياله علشان ناكل سوى
جلال جرى عليه مثل الطفل الصغير ومسك ايده بقوه وقال بحماسه:وانا مش هسيبك ابدا يابيه ابدا
جاسم سمعه بحزن ودموعه نزلت لما تذكر نفس كلام ابنه زمان كان بيجري عليه ويمسك ايده بقوه ويقوله:انا مش هسيبك ابدا يابابا هفضل ماسك ايدك العمر كله ياحبيبي
سرح جاسم في الماضي بحزن ودمعه نزلت منه لاحظها جلال اللي قرب بعفويه ومسحها ليه وقال بحزن:انت كويس يابيه انا مش بحب اشوف دمعه حد على خده قدامي
جاسم بص عليه بحنيه وهو بيتذكر كلام وتصرفات ابنه المتوفي من جلال قدامه وقال:انا كويس متقلقش بس ياله بينا بقى انا معايا علاج لازم اخده دلوقتي
جلال مسك ايده وسحبه معاه بحنيه وقال:وليه مقولتش كده من بدي يابيه المهم عندنا صحتك ياله يابت ياورد هتفضلي مبلمه كده كتير مكانك
ورد ببسمه:لا انا هاجي وراكم حالا اسبقوني انتو بس
خرج جلال بصحبه جاسم اللي كان فرحان اوي بوجوده جنبه وورد بصت في اثرهم ببسمه وقالت:انا كونت متأكده انك هترجع لحضننا تاني يابن عمي
وبعد وقت في الفله وعلى السفره الاكل
جاسم ببسمه:اتفضل كل لغايه ماتشبع يابني ولو عاوز اكل معين فورا نحضره ليك
جلال بفرحه:شكرا ياحج كتر خيرك انت كده عملت الواجب معايا وزياده كمان
جاسم بحنيه:طيب ممكن تقولي ياجدي وبلاش من حج او بيه دي اصل انا حاسس انك بقيت زي حفيدي الله يرحمه
جلال بحزن عليه:الله يرحمه يارب وده شرف كبير ليا اناديك بجدي لاني يتيم كمان ومن زمان اوي
جاسم ببسمه:خلاص مبقتش يتيم دلوقتي بقى معاك جدك وكمان ورد حبيبتك اللي هتكتب عليها بكره مش كده ياجلال
جلال ببسمه:اكيد ياجدي انا تحت امرك
جاسم بص عليه بحب وحنيه وورد حضرت ببسمه وقالت بمرح: انتو بتاكلوا بدوني ايه الخيانه دي ياشباب
ضحك جاسم عليها وجلال قال بعفويه:ان شاء الله اعدمك ماحطيت لقمه في بوقي لسه كونت مستنيكي والله مش كده ياجدي
جاسم بضحك:كده طبعا ياحبيبي
ورد بضيق:طيب ولزمتها ايه اعدمك دي بس انت بتدعي عليا
جلال بسماجه: لا وحياتك مش قصدي بس انا متعود اتكلم كده علشان الناس تصدقني
ورد بحده: يعني انت متعود على الكلام ده طيب دعيت على ام فتحي قبل كده
جلال بنفي: لا طبعا مستحيل احلف باام فتحي علشان بخاف عليها وانا سعات بطر اكذب قدام الناس
جاسم كتم ضحكته بصعوبه وورد بصت عليه بغيظ كبير بس فجأه نزلت بنت جميله اوي في العشرين من عمرها وهي لابسه لبس ضيق وقصير اوي على الموضه واول ماعنيها وقعت على جلال وهو بيتكلم مع ورد بصت عليه باعجاب كبير وقربت منه بدلع وقالت
:ايه الحلويات دي احنا من امتى بيدخل عندنا حلويات باطعامه دي
جلال بص عليها بتركيز وقال:افندم انتي بتكلمني انا
سلمي بدلال:ايوه ياحلو هو فيه حلويات في المكان هنا غيرك
جلال اتكسف منها وورد بصت عليها بضيق وغيره وقالت:اهلا ياسلمي امتي اجيتي ياحبيبتي وعمتي عامله ايه؟
سلمي ببرود:كويسه الحمد لله ياورد وبتسلم عليكي كمان ابقى روحي زوريها ياحبيبتي
ورد بغيظ:ان شاء الله
جاسم بحنيه:تعالي ياسلمي اقعدي كلي معانا ياحبيبتي
سلمي بدلع: حاضر ياجدي
وقربت قعدت جنب جلال اللي بلع ريقه منها وورد كانت بتبص عليهم بغيظ وغيره كبيره
وبعد وقت قال جاسم ببسمه: ها ياورد يابنتي تحبي اجيب المأزون الصبح او باليل علشان كتب كتابك انتي وجلال
سلمي بعدم فهم: جلال مين ياجدي؟
جلال ببسمه: ده انا ياأنسه سلمي اعرفك بنفسي جلال احمد شاب على قد حالي بس الزمن اجه عليا حبتين وملقتش وشغل لسه بس بأذن الله هبقى صهر العيله دي من بكره مش كده ياورد
ورد ببسمه:كده طبعا ياحبيبي
سلمي بصت عليها بحقد وغيره كبيره وقالت في سرها:بقى المقشفه ورد تاخد الحلويات دي كلها لوحدها وانا لا طيب هتشوفي انا هعمل ايه
وبعد دقايق كان جلال بياكل بسرعه لانه جعان اوي بس فجأه حس برجل شخص بمشي على رجله بطريقه مغريه فشرق في الاكل بخضه
سلمي بخبث: براحه ياصهرنا المستقبلي خد اشرب ميه الف سلامه عليك
جلال بص عليها بصدمه من نظرتها الخبيثه وبعدها غمزت ليه سلمي بدون ماحد ياخد باله منها وورد كان بتبص عليهم بغيره كبير ونفسها تقوم تجيب سلمي من شعرها
وجلال اخد منها كبايه الميه بسرعه ووقف وقال بتوتر: الحمد لله انا شبعت
جاسم بتعجب:بس انت يابني مأكلتش كتير كمل اكلك ياحبيبي
جلال بتوتر :احم لا انا شبعت شكرا ياجدي بس لازم اخرج اشوف ام فتحي واطمن عليها
جاسم هز رأسه بتفهم وجلال جري بسرعه خارج الفله وسلمي بصت في اثره بخبث كبير وقالت بهمس:ام فتحي ها اكيد دي حجة منه علشان يخرج عاوز يقابلني بره اكيد بس كان مكسوف
وعند جلال دخل المخزن بسرعه وقعد قدام ام فتحي وقال:الحقيني ياام فتحي في بت جوه شكلها مش مظبوطه دي قربت مني قدامهم بطريقه مش كويسه وبدون كسوف حتي انا مش عارف ايه البنات قلقات الحياء دول
ام فتحي كان بتبص عليه بتركيز كأنها فاهمه كلامه وجلال كمل بغضب
:تصدقي انا مسكت اعصابي قدامهم بالعافيه كونت عاوز اجيبها من شعرها بنت الو*** دي بس اتكسفت من جدي وورد وسبتهم واجيت عندك
وفضل يتكلم معاها بضيق وعصبيه وكمل:ده انتي لو شوفتي كمان كانت لابسه ايه قدامنا دنا لو ابوها او اخوها او حتي قريبها كونت قصفت رقبتها في ايدي وعلمتها الادب من اول وجديد و
فجاه سكت جلال على صوت شهقت عاليه خلفه:ايه ده بقره في الفله بتاعتنا؟!!
جلال بخضه:انتي ايه جابك هنا يابت ؟
سلمي قربت منه بدلع:اجيت اشوفك ياجلجولتي
جلال بحده:ابعدي عني يابت الكلب انتي انا مش عاوز اتعصب عليكي وماسك نفسي عنك بالعافيه علشان خاطر جدي بس
سلمي بخبث:طيب اهدي ياحبيبي مين قالك تمسك نفسك عني انت سيب نفسك ليا وانا هنسيك اسمك كله
جلال الدم غلى في عروقه ومحسش بنفسه غير وهو بيضربها كف قوي رن في المكان كله وقال بغضب رهيب:ايه قله الحياء دي يابت.. انتي فين اهلك سايبينك بالمنظر ده وكمان بالاسلوب الرخيص ده ازاي دنا لو قريبك من بعيد حتي كونت قصفت رقبتك في ايدي يا رخيصه يا****
سلمي حطت ايدها على خدها ببرود وقالت:تمام مش هرد عليه علشان زي مابيقولوا ضرب الحبيب زي اكل الزبيب ياقلبي
جلال بص عليها بصدمه وزهول والغضب غلى في عروقه منها وقرب منها بغضب كبير بس فجأه سلمي سحبته لحضنها بحركه مفاجأه ليه لما سمعت صوت فتح باب المخزن خلفها ودخول جاسم ومعاك ورد اللي شهقت بصدمه من شكلهم قدامها
وجلال بعد مااخد باله من دخولهم دفع سلمي بقوه كبيره بعيد عنه وقال بتوتر وخوف:والله انا ما قربت منها وام فتحي شاهده وشافت كل حاجه بعينها مش كده ياام فتحي......
يتبع...بقلم نور محمد
#بياع_الورد
مسكين ياجلال وقع في ورطه كبيره ياترى هيحصل ايه بعدين 🤔🥺
