رواية امل الحياة الفصل الرابع والعشرون 24 بقلم يارا عبدالعزيز
الفصل الرابع و العشرون
بعد عشر دقايق كانت قاعدة على البانيو في الحمام و ماسكه الاختبار بايد مرتعشه ، وقع الاختبار من ايديها على الارض
بصتله و نزلت لمستواه خدته من على الارض و اتكلمت بدموع الفرحه و هي بتبصله و ايديها لسه بتترعش بفرحه و اتكلمت بهمس
= انا حامل
حطيت ايديها على بطنها و اتكلمت بدموع و همس
= هو انت موجود بجد !!!!!!
طب ازاي !!!!!!
ازاي و انا اصلا مبخلفش يمكن يكون بايظ اكيد النتيجه دي غلط
كان جسمها كله بيترعش بقوه و مش مستوعبه الاختبار اللي في ايديها
غمضت عينيها و فتحتها كذا مره و حاسه انها في وسط حلم جميل اتكلمت بدموع الفرحه
= انا مش بحلم مش بحلم بجد
بقلمي يارا عبدالعزيز
خرجت من الحمام بسرعه كبيره و الفرحه لسه على وشها و جسمها كله بيترعش
نزلت غرفه فردوس و فتحتها من غير ما تخبط و جريت عليها و حضنتها بفرحه
فردوس ابتسمت على سعادتها و مكنتش فاهمه ايه سبب الفرحه دي لكن كانت مبسوطة لما شافتها سعيده اوي كدا
اتكلمت بفرحه
= طب انا عايزه افرح معاكي!!!!!
حياة طلعت من حضنها و رفعت الاختبار قدام عينيها و ايديها لسه بتترعش و الكلام بيطلع منها بفرحه و صوت مرتعش
= ماما ماما شوفي كدا دول خطين صح انتي شايفهم خطين !!!!!
فردوس بفرحه كبيره و هي مش مستوعبه اتكلمت بدموع الفرحه
= دا بتاعك!!!!
انتي يحياة صح
حياة هزيت راسها بفرحه كبيره و دموع ، فردوس خدتها في حضنها و اتكلمت بفرحه
= مُبارك يحبيبتى ياااا ما انت كريم يا رب ياا ما انت كريم يا رب انا كنت واثقه انه مش هيرد دعائي
حياة ببعض الحزن = انا خايفه يكون غلط !!!
ساعه الجهاز دا بيغلط انا كنت سمعت كدا
فردوس بهدوء
= انتي عندك اعراض الحمل ؟
حياة بلهفه و فرحه = ااه و الله كلها بس انتي عارفه اللي فيها خايفه اوي يطلع غلط و بعد ما طلعت لسابع سما انزل لسابع ارض
فردوس بحنان = طب تيجي نقطع الشك باليقين روحي و اعملي تحليل د.م ايه رأيك
حياة بايد مرتعشه و خوف
= انا خايفه اوي يا ماما حاسه ان رجلي مش شايلني و خايفه اروح الاقيه غلط ممكن يحصلي حاجه مش عايزة اروح لوحدي
فردوس بحنان = يحبيبتى اتفائلي خير طب روحي لريان و خليه يجي معاكي و اهو بالمره لو صح تروحي تكشفي و تطمني ماشي
افتكرت ريان و هو بيقولها مش عايز اطفال
خديت نفس عميق و هزيت راسها بحزن و خرجت من اوضه فردوس و هي شارده في كل حاجه بتحصل و جواها فرحه متتوصفش
قررت انها تروح لريان و تقوله يمكن بوجوده تقدر تتغلب على الخوف اللي جواها
كانت بتعمل كل حاجه بتوتر و فرحه
طلبت من السواق يوصلها الشركه
و طلعت مكتبه و كانت لسه هتدخل المكتب بس السكرتير وقفها
= نعم حضرتك عايزه مين
بصيت للسكرتير بفرحه ان ريان سمع كلامها و غير السكرتيره لواحد ، اتكلمت بهدوء
= ريان مش دا مكتبه برضوا كنت عايزاه
بقلمي يارا عبدالعزيز
= حضرتك مين ؟
فيه معياد سابق
حياة بهدوء = انا مراته
= اهلا اتفضلي انا اول مره اشوف حضرتك معلش اعذرني ريان باشا في غرفه الاجتماعات في اجتماع مهم
حياة بحزن = هيعقد اد ايه ؟
اصلي عايزاه في موضوع مهم جدا مش هقدر استنى
= هم بيعقدوا ساعات جوا الاجتماع
حياة بحزن و صدمه = كتير اوي !!!!!
انا هدخله فين غرفه الاجتماعات دي
= مينفعش حضرتك دا اجتماع ممنوع اي حد يدخل غير اعضاء الاجتماع
حياة ببعض الحده = هدخل على مسؤوليتي قولي بس هو فين و لا اروح اسأل حد تاني
= اول اوضه في الدور على اليمين
هزيت راسها بهدوء و مشيت بسرعة و لهفه و دخلت غرفه الاجتماع من غير ما تخبط و اتكلمت برقه
= ريان
سكتت لما لاقيت كل الموجودين بيبصولها باستغراب و منهم اللي كانوا بيبصولها باعجاب
ريان بصلها بخوف شديد و اتكلم بحده و أمر
= الاجتماع انتهى تقدروا تتفضلوا
= ايوا يباشا بس فيه حاجه مهمه احنا....
ريان كان بيبص لحياة بخوف من مجيائها و خاف يكون فيه حاجه قاطع امجد و هو بيتكلم بغضب
= امجد قولتلك الاجتماع انتهى يلااااا
اتنفضوا كلهم بخوف بما فيهم حياة اللي خافت من رد فعله على تصرفها دا ، لاقته بيمسك ايديها و بيوقفها وراه و كأنه بيدرايها من نظراتهم كلهم بغيره
استنى لحد اما الاوضه فضيت و الكل خرج
وقفها قدامه و اتكلم بخوف
= انتي كويسه يحبيبتى ؟
فيه حاجه حصلت خلتك تيجي من غير ما تقولي
اتنهدت براحه كبيره و هي بطلع خوفها و اتكلمت بهدوء
= لا مش كويسه خالص!!!!
ريان قعدها على الكرسي بخوف شديد و قعد قدامها على الكرسي بتاعه و اتكلم بخوف شديد
= ايه تعبتي تاني حياة انتي وشك اصفر و بقيتي بدوخي كتير اليومين دول و قولتلك مليون مره نروح لدكتور قولتلي انا كويسه مالك دلوقتي يحبيبى حاسه بي ايه
و لا اقولك قومي يلا مش هسمع كلامك انهاردة و هنروح دلوقتي للدكتوره نطمن عليكي
كان لسه هيقوم ، مسكت ايديه و طلعت الاختبار من الشنطه و حطيته في ايديه و دموع الفرحه في عينيها
بص للاختبار بصدمه شديده و اتكلم و قلبه بينبض بشده
= دا بتاعك ؟!!!!!
هزيت راسها بفرحه كبيره و اتجمعت دموع الفرحه في عينيها
ريان بهدوء = و اللي انتي قولتيه و انك مبتخلفيش
بصتله بحزن كبير لما شافت في عينيه الجمود على عكس ما كانت متوقعه اتكلمت بهدوء و حزن
= اممم معرفش ممكن يبقى غلط انا جتلك عشان تيجي معايا نعمل تحليل د.م و نشوف النتيجة هو اللي هيقول الاختبار دا صح ولا ......
بقلمي يارا عبدالعزيز
ريان قاطعها و هو بيتكلم ببعض الحده
= طب يلا نروح دلوقتي
هزيت راسها بحزن و حسيت بغصه في قلبها من طريقته معاها
مسك ايديها ، فكيت ايديها من ايديه بحزن و اتكلمت بحده
= يا ريتني ما جيت لو كنت روحت لوحدي كان هيبقى احسن
ريان بحده = حياة انا مش ناقص و الله يلا
حسيت بالم شديد في قلبها و مشيت معاه من غير ما تتكلم
فضلت طول الطريق سانده براسها على شباك العربيه
كان بيبصلها بحزن و دقات قلبه متسارعه و حاسس جواه بمشاعر كتير مختلطه و مش مفهومه
اتكلم في نفسه بالم
= و لما انا اعرف اللي كان مع فريده و اخلـ.ص عليه هو و هي وقتها انا كمان هكون حكمت على نفسي بالمـ.وت طب و هسيبه لمين و هسيبها هي كمان لمين
دي كانت نتيجه انك مشيت ورا قلبك و انت عارف نهايتك كويس اوي دلوقتي بقى فيه شخصين مربوطين بيك
مسك ايديها و حضنها بكف ايديه و حاطها على رجله و هو بيتنهد بخوف و حزن
سقطت الدموع من عينيها بتلقائيه مسحتها بسرعه قبل ما ياخد باله
وصلوا المعمل و سحبوا من حياة عينه
و فضلوا منتظرين النتيجه بخوف شديد
حياة كانت قاعدة جنب ريان على الكنبه ، حطيت راسها على كتفه بخوف و هي ماسكه ايديه و مش عايزة تسيبها
حس برعشه ايديها اتكلم بهمس
= اهدي انا معاكي متخافيش
كانت لسه هتتكلم بس قاطعها دكتور التحاليل و هو بينادي على اسمها ، مقدرتش تقوم من مكانها
راح ريان عنده و خد منه النتيجه
اتكلم الدكتور بسعادة
= مُبارك يباشا المدام حامل في الشهر الاول تابعوا بقى مع دكتورة نسا
بصله بصدمه و الامل الوحيد اللي كان في قلبه اختفى ، اتنهد بحزن و اتصنع الابتسامه على وشه و راح عند حياة و اتكلم ببأبتسامه و هو بيحضنها بكل قوته
= مُبارك يحبيبتى
بصتله بفرحه كبيره و خديت منه النتيجه و بصتلها بفرحه شديده و دموع الفرحه على خدها
= يعني الاختبار طلع صح انا حامل بجد
طب تعال نروح لدكتوره و نتأكد اكتر و نوريها التحاليل بتاعتي القديمه و طمننا على البيبي
كانت بتتكلم بلهفه و فرحه كبيره و هي حاطه ايديها على بطنها ، ابتسم على سعادتها
مسكت ايديه و اتكلمت بلهفه
= يلا بسرعه عندنا حاجات كتير اوي نعملها
هز راسه بهدوء و خرج معاها وصلوا عند الدكتوره و لان سكرتيره الدكتورة كانت عارفه ريان دخلتهم الاول
مر عشر دقايق و الدكتوره بتكشف على حياة ، كانت نايمه على سرير الكشف و ماسكه في ايد ريان بقوه و فرحه
اتكلمت الدكتورة ببأبتسامه
= شايفه الكيس اللي هناك دا ؟
بقلمي يارا عبدالعزيز
حياة هزيت راسها بفرحه و اتكلمت بدموع
= هو صح ريان شوف كدا
بص على شاشه السانور و دموعه نزلت بفرحه كبيره
قلبه كان مبسوط أنه هيبقى اب لكن عقله رافض الفكره حس انه في وسط دوامه مش عارف يفرح و لا يزعل و يخاف من اللي جاي لكن سعاده حياة خلاته يبتسم على فرحتها دي
ساعد حياة تظبط هدومها و كان قريب منها جدا و واخدها في حضنه و مش عايز يبعد عنها
دفـ.ن وشه في عنقها و هو خايف و بيهرب من مستقبله و ماضيه في حضنها و اتكلم بهمس
= مُبارك يعمري
حاوطت ضهره و اتكلمت بخجل و هي بتبص للدكتوره
= حبيبي الدكتورة احنا في العياده
استوعب هم فين ، اتمنى لو يعرف يطرد الدكتورة و يفضل واخدها في حضنه كدا و يوقف الزمن عند اللحظه دي ميمرش العمر عليهم
بعد عنها بصعوبه كبيره و قعدوا قدام الدكتورة على المكتب
اتكلمت حياة بفرحه
= هو صحته كويسه صح اصل انا كنت اجهضت قبل كدا و الدكتور كان قالي مستحيل اخلف تاني
الدكتوره بتساؤل
= حضرتك اجهضتي ازاي بحاد.ثه
حياة بنفي = لا بحبوب اجها.ض بصي انا جبتلك معايا التحاليل اهي ممكن تشوفيهم
بدأت الدكتوره تشوف التحاليل و اتكلمت بهدوء
= مدام حياة دي تحاليل واحدة عندها ور.م في الرحم و مستحيل تخلف استحالة تكون التحاليل دي بتاعتك حضرتك الرحم بتاعك كويس جدا
ريان بجديه و استغراب
= متأكده
الدكتوره= ايوا و الله و ممكن نعمل نفس التحاليل دي تاني و انا متأكده انها مش هتكون نفس النتيجه دي لان التحاليل دي مش بتاعت مدام حياة التحاليل دي انا واثقه انها مز.وره
ريان و حياة بصولها بصدمه
هز ريان راسه و اتكلم بحده و كور ايديه بغضب مفرط
= شوفي ايه الادويه اللي هتكتبيها عشان الحمل بسرعه
هزيت الدكتوره راسها بخوف شديد و كتبت لحياة على ڤيتامينات و مُقويات
خرجوا من العياده و ركبوا عربيه ريان ، و حياة كانت بتعيط
ريان وقف العربيه و شدها لحضنه بحب و اتكلم بهدوء
= اهدي يروحي اهدي و الله ما هرحمهم
بدأ يربط على ضهرها بحنان و اتكلم بهدوء
= اهدي و احكيلي اللي حصل اليوم دا بالتفصيل عشان اشوف هعمل ايه
مسحت دموعها بضهر ايديها و بدأت تحكيله كل حاجه حصلت و هي لسه في حضنه و ماسكه فيه و بتحكي بخوف و بكاء و بتستعيد ذكرى اليوم بكل تفاصيله
بدأ يهديها و هو اللي جواه كتله من البركان و اللي مش عارف يطفيه ، استنى لحد اما هديت شويه و ساق العربيه بسرعه جنونيه و طلع على المستشقى و سألوا على الدكتور و دخلوله
قعد ريان على الكرسي قدامه و اتكلم بهدوء ما قبل العاصفه
= مش محتاج اعرفك بنفسي اكيد
اتكلم الدكتور و هو بيبص لحياة بخوف
= اكيد غني عن التعريف يا ريان باشا مين في البلد ميعرفش ريان النصراوي
اتكلم ريان بهدوء و هو بياخد قلم من قدامه و بيبصله ببرود
= كويس اوي يا توفيق وفرت عليا كتير
ندخل في المهم بقى حياة هانم فاكرها
توفيق بخوف شديد و توتر
= لا
ريان ببعض الحده = ازاي !!!!
هي مش كانت مريضه عندك
دا انت لازم تبقى فاكرها يجدع دا حتى انت كد.بت عليها و زو.رت تحاليلها و لا انت شغال في الحاجات دي كتير بقى
توفيق و هو بيعدل البالطو بتاعه برعب اتكلم بصوت مرتعش
= انا انا مش فاهم حاجه
رمى ريان القلم على المكتب بغضب مفرط و راح عند الدكتور و ماسكه من البالطو بتاعه و اتكلم بغضب
= دا انا قولت عليك زكي و مش هتتعبني معاك
دي قضيه تز.وير و شوف انت بقى سجنها كام سنه دا غير توصيه من ريان النصراوي لحبايبي في السجن يظبطوك على. الاخر فقول مين اللي سلطك عشان متشلش الليله كلها لوحدك
توفيق بخوف شديد
= مدام روان طلبت مني اكتبلها على اقراص اجها.ض تكون مفعولها قوي عشان تبدله بحبوب الڤيتامنيات بتاعت مدام حياة و الجنين ينز.ل و كمان طلبت مني از.ور التحاليل بتاعتها بتحاليل واحده تانيه مبتخلفش كله كان من تخطيطها و الله
حياة شهقت بصدمه و دموعها نزلت بالم و صدمه من ان روان عملت فيها كدا
بصلها ريان بحزن شديد و اقسم بداخله انه هيدفع روان التمن غالي اوي
بص للدكتور و اتكلم بفحيح
= هتشهد بالكلام دا قدام الشرطه
بقلمي يارا عبدالعزيز
بصله توفيق بخوف شديد
= حاجة زي كدا هتضيع مستقبلي كله و هدخلني السجن
ريان بفحيح و هو بيطلع مسد.سه
= يبقى أخلـ.ص عليك بقى و نضيع المستقبل كله و لا نحول الورق المـ.زور دا و نقارنه بالتحاليل الجديده اللي حياة هانم هتعملها و شيل بقى الجر.يمه كلها معنديش مشكله خالص
توفيق بخوف شديد
= هشهد يباشا هشهد و هقول كل حاجه
ريان بغضب
= عايزاك في مشوار الاول قبل الشرطه يلااا قدامي
قام الدكتور و هو بيخـ.لع البالطو بتاعه بخوف شديد و مشي قدام ريان اللي مسك حياة من خصرها بحنان و خرجوا من المستشفى
وقف بالعربيه قدام بيت عمها ، بصيت للبيت بخوف
= ريان انت هتعمل ايه ؟!!!!
ريان بحده
= هطلع اقول للحيـ.وانات اللي فوق الحقيقة و هاخدها هي و الدكتور و اي حد اشترك في الجريـ.مه دي و هسلمه بنفسي للشرطه
حياة بدموع
= ريان بلاش الشرطه ، روان اتعاقبت و حصل فيها نفس اللي عملته فيا و خسرتني للابد كفايه عليها كل اللي حصلها انا ......
قاطعها و هو بيتكلم بغضب مفرط اتنفض على اثره الدكتور و حياة
= حياااااة المره اللي فاتت انتي سامحتيها و وقفتي جانبها دلوقتي بعد ما عرفتي انها هي اللي مـ.وتت ابنك من قبل ما يشوف الدنيا دلوقتي بتقولي بلاش الشرطه لو انتي هبله و مُغفله و هتسيبي حقك انا مش هسيبه و مش هسمحلك و انا مش بخيرك على اللي هعمله دلوقتي كل واحد غلط في حقك فيهم هياخد عقابه
حياة بغضب و دموع
= و احنا مين عشان نعاقبه ما ربنا عاقبها بما فيه الكفاية و بعدين دا حقي انا و انت ملكش اي دخل انا حره
بصلها بغضب و الم ، بص للفراغ اللي قدامه و اتكلم بهدوء
= صح و انا مالي فعلا و انتي حره تحبي مطلعش و نقفل على الموضوع كانه محصلش و يفضلوا مفكرين انك انتي اللي مـ.وتي ابنك عشان روان خدت حقها بما فيه الكفاية قولي رأيك
حياة بصتله بدموع و اتكلمت بحزن لانها زعلته منها
= ريان افهمني....
قاطعها ريان و هو بيتكلم بحده
= انزلي بقولك انزلي يلاااا
نزلت حياة من. العربيه و ريان خد الدكتور و طلعوا بيت مجدي
كانوا كلهم موجودين
سمعوا صوت الباب اللي خبط بقوه ، اتنفضت ناديه بخوف شديد و اتكلمت بصوت مرتعش
= دي خبطته صح هو و الله افتح يا مجدي و لا اقولك متفتحش استنى رندا ادخلي جوا بسرعه و متخرجيش من الاوضه خالص
دخلت رندا و مجدي بصلها باستغراب و فتح الباب
لاقى ريان في وشه و محاوط خصـ.ر حياة بحمايه
بصله باستغراب
ريان بهدوء
= ايه مش هتقول لبنت اخوك و جوزها يتفضلوا
مجدي اتكلم بهدوء و هو لسه مستغرب
= اتفضلوا
دخل ريان بثقه و هو لسه ماسك حياة تحت نظرات الغيره الشديدة من كريم
اتكلم ريان بهدوء و هو بيبص لحياه
= اقعدي يحبيبى و استريحي
قعدت حياة على الكنبه و هي بتبص لريان بخوف
قعد ريان ببرود و اتكلم بهدوء ما قبل العاصفة
= مش تباركي لحياة يا روان هتجيب وريت عيلة النصراوي بعد شهور
بصوله كلهم بصدمه كبيره ما عدا روان اللي برقت بخوف شديد
ناديه بصدمه= ازاي!!!!! و هي مبتخلفش
ريان ببأبتسامه سخريه
= لا دي حكايه كدا اخترعتها مرات ابنك بس انا مراتي زي الفل
كمل بصوت عالي نسبيا
= ادخل يا دكتور واقف برا ليه مفيش حد هنا غريب كلهم هنا امثالك
دخل الدكتور و روان بصتله بخوف شديد و نفسها الارض تنشق و تبلعها و تختفي
بدأ الدكتور يحكي اللي حصل تحت نظرات الصدمه من الكل و الخوف الشديد من روان
كريم بصدمه شديده
= انتي مـ.وتي ابني يا روان !!!!!
ريان بحده و هو بيقاطع كريم
= مراتي اللي انتي مو.تي ابنها و فضلتي حا.رقه قلبها شهور و مفكره انها مبتخلفش قالتلي كفايه اللي حصلها و بلاش نوصل الموضوع للشرطه مع انهم تهمتين تز.وير و اجها.ض طفل على توصيه مني و عدي بقى
روان بصتله بخوف شديد و اتكلمت بدموع و هي بتبص لحياة
= حياة انا ....
حياة بغضب مفرط و انهيار
= اخرررسي مش عايزه اسمع نَفسك حتى انتي نهيتي كل حاجه ما بينا بسبب اللي انتي عاملتيه يا روان و من انهاردة انتي مـ.وتي بالنسبالي و الله العظيم انا لولا اني مقدره اللي حصلك لكان زماني انا اللي سلمتك للشرطه بنفسي بس كفايه عليكي اللي حصلك و ان الحمد لله ربنا ظهر برائتي و الكل عرف اني ممـ.وتش ابني و انك انتي اللي ورا كل اللي حصل
روان بصتلها و فضلت تعيط بندم
= حياة انا و الله ندمانه سامحني ارجوكي ، حياة انا اتعاقبت و خديت كل اللي عاملتله فيكي
حياة بغضب و ارهاق
= حطي نفسك مكاني و لو قدرتي تلاقي نفسك سامحتني انا ممكن اسامحك
ريان لاحظ تعب حياة ، راح عندها بسرعه و مسك خصـ.رها بحمايه و اتكلم بحده و هو بيبص لكريم
= انا هسيبك انت تاخد حق ابنك يلا يحياة
قال كلامه و شد حياة لحضنه بخوف لما حس انها تعبانه
وقفت على السلم و مسكت في قميصه و سندت براسها على صدره و هي حاسه بدوخه
اتكلمت بارهاق و همس
= ريان لحظه استنى مش قادره انزل دايخه اوي
بصلها بخوف شديد و شالها بسرعه و هو بيسند راسها على صدره ، نزل بيها و حاطها في كرسي العربيه من قدام و ربط الحزام بحمايه
= حياة انتي كويسه هنروح المستشفى دلوقتي
حياة بهدوء و هي بتغمض عينيها
= لا انا عايزه انام محتاجه ماما وديني عندها
حس بغصه في قلبه من فكره انها في عز تعبها مش عايزاه جانبها و طلبت امها
ملس على وشها بضهر انامله بحنان و طلع بالعربيه
في منزل مجدي
روان كانت بتبص لنظراتهم ليها بخوف شديد و خصوصاً كريم
كريم راح عندها بغضب و
يُتبع....
تفتكروا حياة زعلانة من ريان ليه و الاستاذ كريم هيعمل في روان ايه
حياة. كانت صح لما رفضت ان ريان يسلم روان للشرطة من وجهه نظركم تفكير مين فيهم الصح
#امل_الحياه
#بقلم_يارا_عبدالعزيز