رواية عالم موازي الفصل الثالث عشر 13 بقلم رشا منصور
#الجزءالثالث_عشر
#عالم_موازي
آسيا. …
يااااالهوي….. الحقني يا شلتوت وحسيت إني دماغي هتنفجر' اومال لو مكنتش ميته. كان هيحصلي ايه تاني قولت له أسمع يا شهياص إذا كانت الانسية مش عارفه تحل مشكلتها' يبقي ازاى عاوزها تعرفلك السا'حر لقيته قالي
لو هى مش هتعرف أصحابها يعرفوا إحنا هنسيبهم الفترة دى لحد ما تعرفوا مين السا'حر وتشوف حل أخلص سامويا منه أنتي شايفه بنفسك ولا أنا ولا عشيرتي. قادرين نشوفها او نتواصل معاها يبقي ازاى هننقذها.
قولت له مش فاهمه انت عاوز الانسية اللى مش عارفه تنقذ' صاحبتها تقف قدام سا'حر وكمان تحا'ربة هو وعفاريته ما تقول كلام معقول إذا كنت انت مش قادر عليه لقيته قالي
أحنا نقدر عليه بس اضمن ازاى أثناء تد'مير المكان واللى فيه ان سامويا مش تتأذي
قولت له يبقي مافيش غير حل واحد لأن الانسية هى كمان معنديهاش القدرة ولا تشوفك ولا تشوف سامويا يعني نفس مشكلتك. ويمكن أكتر كمان لأنها أضعف' منك
سألني إيه الحل هو موافق ع اى حاجه المهم ينقذ' سامويا
قولت له إحنا نتعاون كلنا مع بعض وشلتوت معانا وسامويا كمان تساعدنا ايه رأيك يا سامويا
قالتلي موافقه طبعا أنارشامنصور بنت ملك الجان ازاى اكون أسيرة' ل واحد من الإنس
شهياص قالي موافق ع اى حاجه محتاجينها مني
قولت لهم حلو آوى سبوني بقي أفكر فى طريقه نقدر نتواصل بها مع السا'حر ده
شلتوت. …
بعد ما سيبت أنجي روحت ل آسيا ولقيتها بتصو'ت وفضلت واقف أسمع كلامها كله وبعد ما خلصت كلامها تدخلت وقولت لهم الحل انك يا سامويا تعرفينا ع أسم السا'حر ومكانه وأحنا هنحاول نتصرف
لقيت سا'مويا قالت هو خافي. معلوماته عني وعن كل الجن اللى معاه ومسيطر. ع قرينه مقدرتش أعرف حتى اسمه وكلهم بيقولوا له سيدنا السيد غير كدا معرفشي بس ده مش اسمه الحقيقي
قولت لها أكيد تعرفي المكان الموجود فيه قالتلي هو له أماكن كتير وبيختفي وبيظهر فجأة من غير ما أقدر احدد مكانه لكن له بيت قديم موجود فيه يوميا بيقابل فيه الأنس اللى بينصب' عليهم
تعالوا معايا اوريكم مكانه قولتلها لا أكيد خدامه' من الجن هيشفوني وهيقولوا له
وممكن يحار'بونا من قبل ما نوصله
لقيت شهياص قال اومال الحل إيه أنا لو محرر'تش سامويا ورجعت معايا أنا هو'لع فى الكل وفيكم انتوا كمان
قولت له أهدي ع نفسك ياعم شهياص إحنا معاك مش ضدك' وكلنا بنفكر فى حل عندك اقتراح قوله معندكشي يبقي سمعنا سكوتك ممكن
بقولك يا آسيا أنتي الوحيدة اللى هتعرفي توصلي للساحر' ده
أنتي دلوقتي ولا من الإنس ولا الجن يعني محدش له حكم' عليكي انتي فى نظرهم روح هائمة ممكن تبقي موجودة فى اى مكان
حاولى تتبعي سامويا من بعيد واعرفي المكان فين ولو عرفتي معاه كام مارد. يبقي عملتي معانا أحلي واجب
قالت لي تمام موافقه بس يا سامويا أنا ست كبيرة فى السن يعني بلاش تطيري بسرعه راعي سني وفى نفس الوقت اوعي تتلفتي وراكي علشان لو خد'امه شفوكي ميشكو'ش إنى معاكي وبدل ما أنا اراقبهم' هما اللى يراقبوني….
ولقيت سامويا قالت لها موافقه ومتخا'فيش اى حد هيتعرض لكي أنا هقف له أنا هحميكي. .
قولت ل سامويا كتر خيرك يا سامويا لأن آسيا ضعيفة' مش هتقدر تواجه ولا حتى جن صغير
شهياص…
لما لقيتهم بيتفقوا ع الفكرة وفى نفس الوقت الروح آسيا خا'يفه ان حد من الجن يعمل لها حاجه
قولت لها أنا ممكن أساعدك من غير ما ألفت النظر عن طريق قرينتك. خليها تتبع خطواتك وده أمر طبيعي وهى هتقدر تشوف الجن. ولو حست ب آى خطر' عليكي تبلغني وأنا هدخل أنا مارد وحفيد ملوك الجان وليا سلطة' ع بعض العشائر' الموجودة فى عالم الأنس
وحتى لو طلعوا من عشائر' معاديه. هستدعي كل اعواني ونتدخل اوعي تقلقي إنتي بتساعديني وأنا مش هتخلي عنك
لقيتها قالت
أنا مطمنة طول ما انتم حواليا بس اوعي تتدخل يا شهياص إلا لما أنا ابلغ ايسآ قرينتي علشان سامويا متتعرضش. للخطر'
رد عليها شهياص وقال لها تمام هنتظر اشارتها
دنيا….
خرجت من المركز النوراني وحسيت إنى كويسه والعلامات اللى فى وشي اختفت' حتى السواد. اللى كان تحت عنيا
فرحت حسيت ان ممكن يكون الجن بعد عنى لما دخلت عند الروحانين وطلعت ع المستشفي قولت لازم أفضل جنب أنجي يمكن تحضر عاوزة أعرفها الكلام اللى اتقالي يمكن هى تعرف تتواصل مع الجن مدام هى قادرة تشوفهم
أول ما وصلت لقيت يحيي بيقولى أنا عندى حل كويس يا دنيا اعملي جلسه تحضير الأمنيات قولت له تمام
قالي ورجعيني للماضي واعيش مع أنجي
قولت له هو أنا ناقصة. جنان يا يحيي ما كفايا عليا مصيبه' واحدة الله يخليك متفكرش تاني
ولو حسيت بوجود أنجي فى اى وقت قولها روحى ل دنيا هى عندها حل ومحتاجه تكوني موجودة
شلتوت…..
رجعت ل أنجي وعرفتها كل اللى حصل وقولت ل يجنأ وايسآ احتمال نحتاج مساعدتكم
قالولى إحنا قرناء منقدرش ندخل فى أفعال الجن. وانت عارف كدا كويس وإلا نتعرض لمحا'كمة ملوك الجان.
قولت لهم متخا'فوش دوركم هيكون نقل معلومات مش أكتر من الأخر هتقفوا مر'اقبة ومش مطلوب منكم اعتراض' اى جني موافقين ولااا قالولى تمام معاك
ولقيت يجنأ بتقولى ع فكرة دنيا فى المستشفي ومحتاجه تتواصل مع أنجي قولتلها عرفتي ازاى
قالتلي من قرينتها أنا بتواصل معاها قولت لها تمام يلا يا أنجي علشان بالمرة أعرفها اللي وصلنا له
ونطمنها أنها الفترة دى هى وأصحابها فى أمان. من الجن.
أنجي. …
كالعادة دخلت جوه دوامة واتنقلت للمستشفي وسمعت كلام يحيي أنه عاوز يتنقل للماضي صر'خت وقولت لآ
لكن هو مسمعنيش لكن اطمنت أول ما لقيت دنيا اعترضت وبعد ما سمعت أنها محتاجه ليا
خليت شلتوت طفي النور وشغله تاني وحرك أيدي وأول ما دنيا ويحيي شافوا كدا فضلوا ينادوا أسمي
قولت ل شلتوت هات ورقة واكتب عليها أحكي يا دنيا أنا سمعاكي واكتب إسمي علشان تتطمن.
لقيت بعدها دنيا بتقول أنها هتعمل جلسة تحقيق الأمنيات تاني ولازم اكون موجودة لكن المرة دى هيتمنوا رجوعى للزمن الحاضر
خليت شلتوت كتب فى الورق الجن هيرفض. رجوعي إلا إذا ساعدتهم وأنا عملت هد'نه معاهم علشان يسبوكي إنتي والبنات الفترة دى علشان تساعدينا ووقتها هما هيرجعوني
لقيتها بعد ما قرأت الكلام قالت
العالم الروحاني قالي فعلا ان الجن اللى حضر أثناء الجلسة هو اللى هيقدر يرجعك وأنا موافقه ع اى حاجه قوليلي أساعدك ازاى
قولت لها هنعمل خطة' علشان نتخلص من سا'حر وأنتي لكي دور فى الخطة' دى
أول ما أعرف كل المعلومات. المطلوبه هقولك ع الخطة.
قالتلي وأنا موجوده إلا هنا او فى البيت إنا مش هتنقل فى اى حتة علشان تعرفي توصلي ليا
وبصيت ل يحيي وقربت منه وهمست فى ودنه وقولت له وحشتني لقيته فضلت يتلفت حوالية وبيقول أنا حسيت بحد جنبي دى إنتي يا أنجي
خليت شلتوت كتب وحشتني يا يحيي قريب أوى هرجعك أنت ولؤي سلام يا يحيي
ومجرد ما اتنقلت تاني لزمن الماضي قولت ل شلتوت هو صحيح الجن. اللى حضر يقدر يرجعني يعني شهياص يقدر يعمل كدا قالي أيوة
قولتله طب ما أنت حضرت قبله ليه مش عارف ترجعني
لقيته اتلخبط. فى الكلام وكأنه بيفكر فى كدبه يقولها وبعدين قالي اظاهر نسيتي إنى طفل وقدراتي محدودة
مش عارفه ليه حسيت ان شلتوت وراه سر. مخبيه عني
وفجأة ببص لقيت عاااااا إيه ده😲
يتبع…
واضح ان شلتوت وراه سر وغالبا هيكون لغز القصه😄
بقلم #رشامنصور