رواية عالم موازي الفصل السابع عشر 17 بقلم رشا منصور
#الجزءالسابع_عشر
#عالم_موازي
أنجي….
كنت متوترة وقلقانه ومش عارفه إيه اللي بيحصل وياتري دنيا عامله ايه دلوقتي
وآخر ما زهقت قولت يا يجنأ لو سمعاني ياريت تحضري وعرفيني إيه اللي بيجري عندك طمنيني ع دنيا لقيت بعد لحظات ايسآ اللى حضرت وبتقولي احنا فقدنا الاتصال ب دنيا قولت لها يعني إيه دنيا جري لها حاجه؟؟؟
قالت ليا محدش يقدر يقرب او يدخل معاها عند السا'حر وإلا انكشف أمرنا البيت محاط بالجن لكن يجنأ واقفه بره البيت ومتابعه وأول ما تخرج من عنده هبلغك ع طول واختفت من قدامى
فضلت قلقانه ومتوترة وحاسة بالعجز' ومش عارفه أعمل ايه الوقت بيعدى وشكلي كدا خلاص مش هشوف لؤي ولا يحيي حياتي اد'مرت ولا قدرت اكون صحفيه ولا قدرت احافظ ع بيتي ودلوقتي كمان دنيا ورانيا وسالي الله وأعلم إيه هيحصل لهم سبحان الله فعلا لو علمتم الغيب ل أخترتم الواقع وأنا حياتي كانت جميلة معرفتش قيمتها إلا لما ضاعت. مني😔
دنيا….
أول ما سمعت صوت شيحال وهو بيقولى مش هينفع اكون معاكي فهمت ع طول ان البيت هيكون فيه عفاريت ممكن يكشفوا أمره وفكرت جديا فى إنى اقرء آية الكرسي علشان احصن نفسي منهم
بس افتكرت إنى هضر' شيحال علشان كدا رجعت عن الفكرة دى وأول ما دخلنا البيت لقيت سالي صر'خت ورانيا ايدها بتترعش ببص لقيت جما'جم متعلقه. جما'جم حقيقية أغلبها لأطفال متعلقه فى كل مكان ولون الجدران مش باين من الد'م اللى عليها وريحة البيت تخليك عاوز ترجع😷
فضلت اكح مش قادرة أتنفس قولتلهم استحاله يكون فى بني آدمين عايشين إحنا شكلنا دخلنا وكر' الشيطا'ن👹
فجأة لقيت خيالات سودة. بتظهر وتختفي وبعدها فى باب اتفتح وخرج واحد بجلابية وقال لنا اتفضلوا سيدنا السيد منتظركم حسيت ان قلبي اتقبض وبقيت اقدم خطوة وآخر التانية زى اللى داخل غرفة الاعدا'م
وخا'يفه أحسن يكشف اللعبة مع إنى أصلا مش فاهمه إيه الغرض من وجودى هنا
يجنأ. …
فضلت واقفه مع سقراب بعيد عن باقي الجن بس عيني ع البيت وبحاول اتواصل مع قرينة دنيا مش عارفه فى حاجز بيني وبينها ولقيت سقراب بيقولى إنتى تعرفيهم منين
اتخضيت' وافتكرت كلام شلتوت أنه ممكن يسيطر عليا قولت له أنا اللى دليت قرينتها عليكم كنت عاوزة أشوفك
بس طلعت غلطانه. أنت شكلك مرتبط وإلا مكنتش رضيت تفضل هنا لقيته قالي
يجنأ أنا عارف ان الانسية بتاعتك فى المستشفي وان دول أصحابها لكن اللى مش قادر أفهمه مين اللى عرفكم مكان سيدنا السيد وايه الغرض من وجودكم هنا
قولت له مش قولتلك انى غلطانه ده بدل ما تقدر وجودى وانى عاوزة اشوفك واحد غيرك كان زمانه مبسوط إنى فضلته عن باقي القرناء
أنا ولا وحشة ولا ضعيفة. علشان ارمي نفسي عليك أنا إى قرين يتمني نظرة واحدة منى ع أذنك
ولسه هطير مسكني. وفضل باصصلي وبعدها قالي أنتى ع طول متسرعة كدا كل الحكاية أنا عاوز افهم الانسية دى جايه هنا ليه
قولتله اللى فهمته من قرينتها ان عليها جن عاشق ومش اى جن ده واحد من سلالة ملوك الجان يعني من الآخر كدا جن قو'ي ومش سهل ده يمكن اقوي. منكم كلكم
فضل باصصلي كدا و ساكت فهمت أنه بيتواصل مع أعوان السا'حر وبيبلغهم كلامي
ولقيته بعدها ابتسم وقالي حد قالك ان قرونك حلوة أوى لمعتها تجنن تخطف' القلب من أول نظرة
قولت له أخيرا لسانك نطق ع العموم انارشامنصورهمشي ومش جاية هنا تاني أحسن صاحبتك تشوفك معايا
قالي أنا مش مرتبط. قولتله اومال ليه من أول ما وصلت وأنت بتكلمني وحش'
قالي كان عندى أمر أعرف سبب مجيئك هنا إيه وخلاص بلغتهم ودلوقتي ممكن نروح نقعد فى اى مكان
قولتله لما اطمن ع صاحبتي الأول يمكن حد من أصحابك يغلس' عليها وساعتها تزعل منى وتسلط' عليا حبيبها
قالي محدش يقدر يقربلك ده أنا كنت حبسته' مع باقي الجن ووريته من العذ'اب ألوان
قولت له هو فى جن بيعذ'ب جن زيه ولا قصدك ان سيدك السيد هو اللي بيخليك تعذ'بهم
قالي سيدنا السيد بيعذ'ب اى جن بيخا'لف أوامره وأنا حارس' الغرفه الصا'عقه علشان كدا ع طول واقف هنا
قولت له ده ع كدا المفروض اخا'ف منك بقي يمكن فى يوم تدخلني الغرفه بتاعتك دى ع العموم أنا هطمن ع صاحبتي ومش جايه تاني لقيته قالي
استني أنا استحاله أعمل معاكي كدا أنا كان قصدى اطمنك ومتخا'فيش من اى جن أنا هحميكي'
بصيت له وابتسمت وعملت نفسي مكسوفة….
دنيا….
دخلنا أوضة فيها بخور ريحته غريبة ولقيت راجل شعره طويل ولابس بدلة وعليها عبايه وع وشه غموض شكله زى رجال الأعمال استحاله اللى يشوفه يقول عليه دجا'ل
بص للراجل اللى شغال معاه راح الراجل قال لنا اتفضلوا وشاور لنا ع الكراسي اللى نقعد عليها
وحسيت كأننا قاعدين فى مسرح إحنا قاعدين صف واحد وهو قاعد قدامنا وفى ترابيزة كبيرة فى النص
ولسه رانيا هتكلم الراجل اللى شغال معاه برق. لها وقالها بنبره حاده. هنا الكلام لما تتسألي وبس
رانيا بصيت له وقالته ياريت يكون أسلوبك فى الكلام أفضل من كدا انت بتتعامل مع بنات يعني المفروض يكون فى ذوق واوعي تفتكر ان صوتك العالي وتبريقك ليا هيخو'فني
الراجل بص للسا'حر وفضل ساكت
ولقيت السا'حر بيقولى جايه ليه يا دنيا قولت له انا تعبانه وحاسه إنى ممسوسة
قالي اللى يحضر عفريت يستحمل وقولى كويس أنه طلع جن عاشق لو واحد غيره كان قتلك'
قولت له انا عاوزة أرجع لحياتي ولشغلي أنا مش بنام ….
السا'حر سيدنا السيد. ….
أول ما حضرت عرفت ان فى زبونه استدعيت القرناء اللى معايا يستفسروا من قرينتها وعرفت منهم ان عليها جن عاشق واللى دلتهم عليا قرينه واحدة صاحبتها وهى موجودة ومعجبه ب الخادم. سقراب
ركزت وأمرته أنه يعرف اى معلومات من صحبته وبلغني بخبر هايل الجن العاشق من سلالة الملوك
وقررت إنى اخلصها منه واخده تابع ليا وأشوف لو معاه أصحاب واحطهم كلهم تحت سيطر'تي واساوم ملوك الجان عليهم وهنا أمرت السكرتير يدخلي الزبونه
وأول ما دخلت شوفت شكلها له حق الجن يعشقها وعرفت من قرينتها أنها مدربه يوجا
يعني جمال ورشاقه واضح إنى هخليها تحت سيطر'تي هى كمان أنا بقالي فترة عايش من غير انسية معايا بس اخد الجن اللى عليها الأول
وأول ما كلمتها وسمعت صوتها يخربيت حلاوتك قولتلها
أنا هخلصك' منه بس علشان يخرج ب سلام من غير ما يضر'ك لازم نعمل ده ع كذا جلسة ولازم تكوني لوحدك
قالتلي لازم يكون أصحابي معايا أنا لو جيت لوحدى مش هقدر أروح قولتلها ممكن تفضلي معايا هنا أهو منها أخرج الجن اللي عليكي واحصنك بالمره
قالتلي طب خليها المره الجايه علشان أعمل حسابي
قولتلها خليها بكره مافيش وقت وإلا الجن اللى عليكي هيمو'تك ومش هقدر احميكي' منه
لقيتها بصت ل أصحابها وقالوا لها إحنا هنجيبك بكره يا دنيا واى حاجه محتاجه لها اتصلي علينا نجيبهالك المهم تخلصي منه وترجعي لحياتك تاني
وشوف حضرتك الموضوع ده هيكلف كام علشان نعمل حسابنا المرة الجايه
قولتلهم مش هنختلف المهم السرعه منتظرك بكره بعد غروب الشمس أوعى تتأخري اتفضلوا
واول ما خرجت من عندى أمرت قريني يراقبها ويسيطر' ع دنيا عاوزها تجيلي خا'ضعه ليا
يجنأ…
أول ما دنيا خرجت هى وأصحابها شوفت قرين ضخم' وقوى. بيتابع تحركتهم ولقيت قرينة دنيا تواصلت معايا وقالتلي قرين السا'حر هيراقبها وعاوز يسيطر' عليا وع دنيا لأنها عجبته اتصرفي هو أقوي. منى
بصيت ل سقراب وقولت له أنا ماشيه دلوقتي وهجيلك تاني وضحكت له وطيرت
وشوفت شلتوت وشهياص بصيت لهم وكملت طيران وتواصلت مع ايسآ وبلغتها ان دنيا متراقبة' واحتمال اكون أنا كمان وان سقراب هو حار'س الغرفه الصا'عقه وهى موجودة بداخل البيت
وطيرت وروحت المستشفي جنب أنجي المفروض ده مكاني الطبيعي لو حد مراقبني عمره ما يشك فيا وفضلت أفكر هنعمل ايه كل مدي الموضوع يتعقد….
شيحال….
شوفت دنيا وأصحابها وهما خارجين ولقيت قرين السا'حر طيرت بعيد وروحت ع بيت دنيا هنتظره هناك
إذا كان هو قو'ي فأنا أقوي. منه وهعرفه ازاى يقرب من انسية موجودة معايا
شهياص…
شوفت يجنأ طارت بعيد عرفت ان ممكن يكون سقراب بيراقبها لكن الغريب لما لقيت شيحال بصلي وع وشه غضب' شديد وطار بعيد اتجننت ياتري إيه اللي بيحصل
لقيت شلتوت بيقول الحر'ب لازم تنتهي بكره وإلا كلنا هنخسر. كل حاجه يلا بينا عند آسيا ونشوف هنعمل إيه
قولت له الأول نعرف شيحال ناوى ع إيه أنا عارفه كويس وشكله ناوي ع مصيبة' لازم نلحقه بسرعه…
طيرنا ع بيت دنيا وقبل ما ندخل لقينا؟؟؟؟
يتبع….
بقلم #رشامنصور
