رواية عالم موازي الفصل الثامن عشر 18 بقلم رشا منصور
#الجزءالثامن_عشر
#عالم_موازي
أنجي….
كنت قاعدة قلقانه مش عارفه إيه اللي حصل وببص لقيت آسيا قدامي قالتلي اطمني البنات خرجوا من عند السا'حر بس لسه مش هينفع يتواصلوا معاها
قولت لها أروح لها واخليها تحكيلي قالتلي دنيا متراقبة' من السا'حر ومينفعشي حد يكلم معاها
قولتلها طب وبعدين هنتواصل معاها ازاى
شلتوت….
قلقت من كلام شهياص وطيرنا ع بيت دنيا ولقيت شيحال واقف مع صاحبهم التالت وبيتفق معاه أنهم يجمعوا كل حلافائهم. ويهجموا' ع قرين السا'حر ويحبسو'ا
قربت منه قولتله أنت اتجننت كدا هتكشفنا. وتعرض سامويا للخطر' قالي بالعكس إحنا كدا اللى هنقدر نحقق مع قرينه ونعرف كل حاجه عن السا'حر ونحر'به
قولتله لو السا'حر حس بحاجه هيختفي' ومحدش من الجن عارف الأماكن بتاعته واستحاله قرينه هيعترف.
لقيت شهياص قاله قرين السا'حر هيفضل مع دنيا يراقبها. وهيحاول يسيطر' ع قرينتها علشان دنيا تخضع' للسا'حر
انتظر لحد بكره أنا منتظر من الجن الطيار معلومات لو مقدرشي يجيبها يبقي ننفذ. كلامك
ولو قدر يجيبها يبقي هنسيب قرين السا'حر هنا مشغول مع دنيا وأحنا نهجم' ع السا'حر واللى معاه
قولت لهم بس فكرة ان يبقي معانا مجموعه من الجن دى كويسه لان السا'حر معاه جن كتير ومن عشائر مختلفه يعني فى منهم اللى هيكونوا ضدنا' ولازم نكون عاملين الاحتياطات اللازمه
وكمان ممكن سامويا تساعدنا نخليها تشغل قرين السا'حر لحد ما نتواصل مع دنيا
شهياص….
أول ما شلتوت قال أننا نخلي سامويا تشغل قرين السا'حر اتعصبت. عليه لقيته قالي أنت ولا هتشوف ولا هتسمع حاجه وكمان كل ده علشان مصلحتها.
قولت له افرض الموضوع زاد وطمع فيها يبقي ايه العمل وقتها
قالي وقتها شيحال يدخل ويتخانق' مع القرين بحجه أنه غيران ع دنيا ومانع اى جن يقرب منها
لقيت ان مافيش حل نتواصل فيه مع دنيا غير كدا وغصب. عني وافقت ع الخطة دى بس ازاى هنتواصل مع سامويا والجن هناك عرف يجنأ وايسآ يعني لو ظهروا معاها هيتشك' فيهم وفيها هى كمان …
وفى وسط تفكيرنا لقيت شيحال قال الخطه. دى مش نافعه بالعكس دى هجيب نتيجه عكسيه.
قولت له شيحال انت بتكلم جد ولا غيران ع الانسية مينفعشي يا صاحبي اللى بتفكر فيه ده هى لها عالمها وأحنا لنا عالمنا وكمان هى اخدت الأمان وبتساعدنا
مينفعشي تصغر نفسك وترجع فى كلامك وتكون لها عاشق انت حفيد الملوك وكلمتك تعتبر وعد. ..
لقيته قالي أنا فاهم كلامك كويس بس فعلا الخطه. بتاعكم مش صح قولتله ازاى
لقيت شلتوت شاف عربيه دنيا وأصحابها قربت قال لنا يلا بينا قبل ما القرين يشوفنا وطيرنا كلنا وفى لحظه كنا عند آسيا والانسية أنجي
أنجي. ….
كنت قاعدة ومتوترة وفجأة لقيت شلتوت والجن الضخم. شهياص والجن صاحبه قولت لهم إيه اللي حصل طمنوني
لقيت شلتوت بيقولى يلا أنتي وراكي شغل
قولت له شغل ايه وفى لحظه دخلت جوه الدوامة ولقيت نفسي فى شقتي ويحيي بيقولى يا أنجي
ببص لقيت لؤي بيبكي ولسه ب قرب منه لقيت يحيي بيقولى يا أنجي مش لازم الشغل دلوقتي تعالي معايا المستشفي لؤي حرارته عاليه آوى'
قولت له أنت بتقول إيه شيلت لؤي ولسه هخرج به جالي أتصال ببص لقيت المتصل رئيس. تحرير المجله وبيسألني ع المقال قولت له هبعته لك ع الواتس أنا إبني تعبان ومينفعشي اسيبه وقفلت معاه وخرجت مع يحيي ع المستشفي وفضلت واخده لؤي فى حضني وغصب. عني دموعي نزلت
افتكرت اليوم اللى حصل فيه كدا وأنا وقتها نزلت الشغل وسيبت يحيي مع لؤي لوحده وقولت له تبقي أتصل ع الدكتور يجيلك أسهل وأسرع وفضلت الشغل ع إبني
ولقيت يحيي بيقولى اهدئ يا أنجي ان شاء الله لؤي هيكون كويس فوقت وقولت له ان شاء الله
قولت جوايا ليه يا شلتوت جبتني فى اللحظه دى ليه قاصد تحسسني. بالذ'نب
وبعد ما وصلنا المستشفي واطمنت ع لؤي خدته فى حضني وقولت شكرا يا شلتوت خلتني أعوض إبني
وروحنا البيت ولقيت يحيي بيقولى يا أنجي أنتي نسيتي المقال رئيس. التحرير عمال يتصل
قولت له ابعته له يا يحيي المقال أنارشامنصورمش فايقه لاى حاجه أخرج واطفي النور وسيبني مع لؤي
وخدت أبني فى حضني وفضلت أقوله سامحني😔
دنيا ….
أول ما خرجنا من عند السا'حر وقفت عند باب البيت بره بحجه إنى دايخه لكن الحقيقه كنت حاسة بطاقة سلبية. شد'يدة فهمت ان فى مجموعه من الجن موجودين حوالينا وبقيت خا'يفه أحسن يكشفو'ا شيحال والجن اللى معاه
ركبت العربيه وقصدت اقعد وراء وبقيت أقول فى بالي انت موجود فجأة لقيت كتابه بتظهر ع أيدي بالخط الأحمر
السا'حر بير'اقبك وشيحال مش هنا والكتابه اختفت قلقت بقيت مش عارفه السا'حر بيرا'قبني علشان شك. فيا ولا هو الجن اللى معاه قالوا له ع شيحال وجايين علشان يخلصو'ا منه
وركزت وقولت انت مين
انكتب أنا قرينتك وكفايه لاني مترا'قبة سكت ومش عارفه أتصرف ازاى وأول ما وصلت البيت
قولت لهم أنا جعانه نفسي أكل سمك لقيت سالي قالت حالا وطلبت لنا الأكل ورانيا شغلت اللاب توب ع سورة البقرة
وقولت فى بقالي فى حد موجود وفتحت أيدي
بعدها بلحظات انكتب قرين السا'حر بعدها اختفت وانكتب تانى بيرا'قب اى جن ….. حوالين المكان
قولت فى بالي السا'حر ده ذكى أوى لو كان باعت ورايا اى جن كان زمانه طفش أول ما يسمع سورة البقرة ولوكنت قولت آية الكرسي مكنش هيقدر يقرب مني
إنما القرين ده موجود مع الانسان ع طول حتى وأحنا بنصلي وبنقرأ قرآن
شيحال….
أول ما وصلنا وشلتوت نقل الانسيه لزمن تانى ولقيت شلتوت بيقولى قول ايه هى فكرتك بسرعه
قولت لهم أولا فكرة ان اسيب القرين مع دنيا ده معناها إنى جن ضعيف. وقتها عمر ما السا'حر هيقتنع إنى جن قو'ي من سلالة الملوك وهيقول إنى مجرد جن خادم تابع ل اسيادي يعني ماليش لازمة للسا'حر
وبردو فكرة إنى اضر'ب القرين لأنه قرب من الانسية فى الوقت الحالي مش مناسبه
لقيت شلتوت وشهياص قالولى طب ايه الحل
قولتلهم الحل إنى اخلي السا'حر وكل الجن التابع له هما اللى يدوروا عليا وقتها القرين هيسيب دنيا وأغلب جن السا'حر هيتركوا مكانهم والحراسة ع الغرفه الصا'عقه تكون ضعيفه سهل اختراقها' وتقدروا تنقذوا' كل الجن وسامويا وتنتقموا' من السا'حر .. قالولى طب ازاى قولتلهم ……
نفذوا اللى هقول عليه ووقتها هنقدر نحقق كل اللى عوزينه بس فى الأول عاوزين أكبر عدد من الجن. علشان الحر'ب اللى هتدور بينا وبين أتباع السا'حر
وأنت بالذات يا شلتوت هات أكبر عدد من الجن الأزرق هنحتاج لقو'تكم معانا لقيت شلتوت قالي اعتبرهم موجودين المهم أفهم إيه اللي ناوي عليه
قولتله حاليا أنا هطير مع أصحابي عند بيت دنيا وعاوزك يا شهياص تعلي صوتك وتقول اللى هنتفق عليه يلا بينا
آسيا….
كنت قاعدة وسامعه كل اللى بيتقال وببص لقيت يجنأ جت وقالت أنا اتاكدت ان محدش بيرا'قبني وجايه احذ'ركم السا'حر باعت قرينه وعاوز يسيطر' ع دنيا علشان عجبته وقرينتها كلنا قولنا لها عارفين ولقينا الحل
قولتلها يا يجنأ السا'حر عرف أنك صديقه قرينة دنيا يعني وجودك عندها عادي روحى هناك واقفي بعيد وبعد ما تشوفي شلتوت والجن اللى معاه طارو بعيد عن بيت دنيا والقرين او اى جن تانى طار وراهم ادخلي عند دنيا واكتبي لها الاتي
يا دنيا أنا أنجي اكتبي فى ورقه كل اللى حصل بينك وبين السا'حر وأول ما تخلص كتابه الورقه هاتيها المهم محدش من الجن او قرين السا'حر يشوف الورقه دى فاهمه
قالت ليا فاهمه بس أهم حاجه دلوقتي قرينة دنيا خا'يفه قولتلها طمنيها هى فى أمان. المهم خليها تساعد لو قرين السا'حر ظهر تحاول تلفت انتباهه. لحد ما دنيا تكتب لنا اللى حصل
شلتوت. …
برافو عليكي يا آسيا عجباني دماغك لما بتشتغل يلا بينا وهبعتلك قرينتك وانجي تقعدوا تفكروا فى اللى جاى وياريت تخلي قرينتك تستدعي كل أصحابها اللى فى المقابر يمكن نحتاج لهم وأنا هشوف حلفاء لنا من الجن الأزرق يساعدونا
لقيت آسيا بتقولى يعني الجن الأحمر والجن الأزرق وكمان القرناء دى كدا تبقي ولعت. يا شلتوت
قولتلها ولسه الأنس كمان هيساعدونا
يتبع. …
ياتري إيه اللي هيحصل
بقلم #رشامنصور
