رواية عهد الاسود الفصل العشرون 20 الجزء الثاني بقلم زهرة الربيع
#عهدالأسود_الجزء_الثاني_20 هدية متابعيني🌹
قربت عليه وهو نايم وقابضه على السكين في ايدها ولسه هتضربو لقت صوره على بطنو شالتها علشان تضربو واتفاجأت انها صورتها كان ضاممها لحضنه بقوه
بقت تبص لملامحه بدموع وتبص للصوره اتنهدت ونزلت السكينه ودموعها بتنزل على خدودها ولسه هتطلع مسك ايدها وهو لسه نايم متحركش وقال...سيبي الصوره..متاخديهاش
اتسعت عنيها بزهول وبقت تبصلو بصدمه وغالب فتح عيونه وبصلها بابتسامه
عند جبران كان بيتغدى هو وحنين قالت
...اممم الصراحه الأكل تحفه
جبران قال..اممم هو تحفه بس ملوش لزوم نهائي وربنا يستر
حنين مفهمتش حاجه وجبران قال...المهم..انا
.احم..اناعايز ارجعك لابوكي قبل ما بابا يلاقيني و
حنين قطعتت كلامو لما وقفت وقالت بزهول .. نعم توديني عند ابويا ازاي ...طب وانت
جبران حمحم وهو بيصتنع اللامبالاه وبقى ياكل عادي وقال... انا ايه
حنين قالت بسرعه...انا مستحيل اسيبك لوحدك ...انت بجد ناوي ترجع للراجل ده تاني
جبران اتنهد ووقف وراح ناحيه الحمام بقى يغسل ايده
حنين راحت وراه ودخلت وراه الحمام من غير ما تاخد بالها وهيه بتقول بانفعال...يا جبران انا بكلمك
جبران بصلها وقرب عليها وقال بمشاكسه.. انتي داخله ورايا الحمام ليه ...في حاجه عايزه تقوليها ما ينفعش تتقال بره
حنين بصتلو بحرج وحمحمت و راحت ناحيه الحوض غسلت ايديها وطلعت بغضب
جبران ابتسم وطلع وراها وقال وهو بينشف ايده... انا مش عارف انتي زعلانه ليه...واحده غيرك المفروض تفرح هرجعك لابوكي
حنين قربت عليه وقالت بدموع... مش هقدر ارجع واسيبك في الحاله دي انت تعبان.. انت الليل كله بيجيلك كوابيس.. وكمان عندك فوبيا فظيعه من الاماكن المغلقه كنت هتموت تحت الارض مع انك مأخدتش وقت... انت لازم تشوف دكتور الراجل ده دمرك ده مستحيل يكون حتى عمك اسمع مني انت لازم تبعد عنه مش هينفع ترجع هناك تاني
جبران اتنهد وقال... مش بالسهوله دي يا حنين... انا ممكن ابعد عنو واسافر وميلاقينيش لكن مش هقدر اهرب من افكاري..ولا من طفولتي اللي ما اعرفش عنها اي حاجه ..وامي اللي عمري ما سمعت بيها حتى ولا اعرفها مين الكوابيس اللي بتجيني دي والوشوش اللي ما اعرفش هما مين ...فيه مليون سؤال جوايا صفوان وبس هو اللي يعرف اجابتها ..هو الوحيد الي يعرف عني كل حاجه ماقدرش ابعد... وخايف عليكي قوي لازم ترجعي لابوكي لو لقاكي قبل ما ترجعي لابوكي مش هقدر انقذك منه ...اول حاجه لانك عرفتي المخبئ بتاعه ثاني حاجه لانك طلعتيني من هناك هيقتلك يا حنين احنا لازم نلاقي ابوكي بسرعه
ولسه هيمشي مسكت ايده وقالت...لا مش هسيبك..انا ببقى في امان وانت معايا ...انت ليه مش عايز تفهمني
بقلم ....زهرة الربيع
جبران غمض عيونه بحزن وقال... الاحسن اني مافهمكش ..وانتي كمان ما تفهميش نفسك انسى كل اللي حصل يا حنين اسف اني سببتلك كل ده
ولسه هيمشي وقفت قدامه وقالت بعند...لا مش همشي ورجلي على رجلك يا جبران ..انا راضيه باي حاجه تحصللي معاك
جبران قال بعصبيه ..انتي ليه مش عايزه تفهمي انا خايف عليكي.. انا عمري ما هتحصل لي حاجه بس انتي هتتأذي وانا ...
قاطعتو لما قربت عليه وقالت...انت ايه..ليه خايف عليا ...لو قتلوني ده يضايقك في ايه
وهنا اتلاقت عيونهم لاول مره بقى يبصلها بنظرات مرتبكه جدا حاول يتكلم بس مقدرش ..حنين بصتلو بنظرات جميله بريئه وابتسمت وقالت... مش هسيبك هفضل معاك ..من هنا ورايح انت مش لوحدك انا جنبك
جبران قرب منها قوي وقال... انا في حياتي مقابلتش زيك
حنين ابتسمت وقالت... انا كمان مقابلتش ذيك
جبران قرب اكتر وهيه ارتبكت من قربه ولسه هتبعد شدها عليه بقوه وبا،،سها بجنون وشغف وايده محاوطه وسطها وبايده التانيه مثبت دماغها
حنين حاولت تزقه وتبعده ولما مقدرتش ضربتو بركبتها في بطنه بقوه
سابها بسرعه وحط ايده على بطنه وقال..اااااه يا بنت الغبيه ليه كده
حنين بصتلو بغضب شديد وقالت... علشان كل مره بتقل أدبك ..وكل مره اقولك عيب كده ..وبرضو كل مره ترجع تعمل كده تاني... وكل نفس ذائقه الموت بقى
وضربته قلم سريع وجريت على الاوضه بسرعه وقفلتها عليها
جبران حط ايده على خده بزهول وهو مش مصدق اللي عملته وجري وراها بغضب شديد هو بيقول بزعيق...ورحمة امي ما هعديهالك يا حنين وبقى يخبط على الباب بقوه ويقول..افتحي بقولك لافتح دماغك
في البيت اسد كان طالع يرتاح شويه وروز وقفته وقالت... بابا ممكن نتكلم
ابتسم بحزن وقال ...طبعا يا حبيبتي اتفضلي
روز قالت بارتباك ...بابا انا مش عايزه اتجوز فارس لو سمحت..ده مستقبلي ومش هبقى مبسوطه معاه واكيد يهمك ابقى مبسوطه صح
اسد مسح على وشه بضيق شديد وقال.. انتي شايفه ان ده وقته يا روز
روز قالت بسرعه ...يا بابا خطوبتي مع وعد في نفس اليوم ... وانا لازم اكلمك قبلها
اسد اتنهد وحط ايده على راسها وقال بحنيه...روز يا حببتي... ادي فارس فرصه وادي نفسك انتي كمان فرصه... دي خطوبه يعني مش جواز ..اديه فرصه يتكلم معاكي تتفاهموا مش يمكن تحبيه هو اصلا انسان يتحب بسهوله ...واسمعي مني يا روز انا عايز مصلحتك اديكي شايفه الزباله الي كنت رافضه طلعت اخلاقو ازاي وعمل ايه في اختك ... انا مش هختارلك اختيار وحش
روز قالت بدموع ...بس انا حابه ان انا اللي اختار يا بابا
اسد اتنهد وقال تمام...انا ممكن اديكي فرصه تختاري
روز قالت بسعاده ...بجد
اسد قال بغضب ...اه بجد... بس الا نديم وضحت
روز اتنهدت بحزن ودموع وقالت ... ليه يا بابا ليه.. عشان سقط مرتين ... وايه يعني ما هو بيعيد وان شاء الله ينجح..علشان لسه معملش مشروع.. ما هم عندهم فلوس كثير اصلا ومش محتاج
اسد قال بغضب.. افهمي بقى نديم ده عيل فاشل... وكل اللي في البيت اتخرجوا وبدأو مشاريعهم حتى فارس اللي اصغر منه اتخرج و الوسخ الي اسمو غالب بدا مشروعه الخاص والكل شغالين وبيصرفوا على نفسهم ويصرفوا على 10 معاهم وهو لسه بياخد مصروفه من ابوه ..لما تتجوزيه بقى هيعمل ايه هياخد مصروفك ومصروفه
روز قالت بدموع ...ما هو يا بابا انا قولت لك انه مش محتاج ..فلوسهم كتير الحمد لله يشتغل ليه بقى
ايد قال بسرعه وغضب... يوه يا رز ...يعني دلوقتي يا حبيبتي شايفاني حمل نقاش في الموضوع ده قلت لك الولد ده لا ....ده كفايه ان ابوه اسامه
في الوقت ده اسامه كان معدي وقال بضيق... هيه دي اصلا مشكلتك الاساسيه معاه ...ان ابوه اسامه...على العموم ما تتعبوش نفسكم انا اللي رافض جوازهم.. الموضوع بقى اكبر من انك تقنعي ابوكي... بعد اللي عمله في الحفله يستحيل اخليه يناسبك يا اسد
اسد قال بضيق شديد...لا وانبي وانا هموت الصراحه يا ريت تجوزوا من بكره وتريحني
قال كده ومشي وروز قعدت على كرسي وبقت تبكي جامد
اسامه اتنهد وقعد جنبها وقال... اهدي يا حبيبتي كل حاجه لها حل
رز بقت تبكي اكثر واسامه شدها لحضنه وطبطب عليها وقال... خلاص اهدي هتتحل
روز بصتله وقالت بدموع وانهيار... والله انا بحبه قوي يا عمي..بحبه اعمل ايه... حاولت مع بابا بدل المره 1000 مش راضي يوافق ..مش عارفه اعمل ايه..مش عارفه...وبقت تبكي بقوه
اسامه اتنهد وقال... ما تزعليش يا حبيبتي ابوكي مر بتجربه فاشله وكان متمني قوي انه يجوزكم جوازات ترتاحوا بعدها ومتحسوش باي نقص في اي حاجه ....اكيد ميقصدش يضايقكم ...هو يعني نديم ابني وكل حاجه بس اسد معاه حق في كام حاجه ..هو اه فعلا فاشل شويه بالنسبه لاخواته... بس انا متاكد انه هيحافظ عليكي ومش هيعمل اللي ابوكي متوقعه ابدا عشان كده هحاول معاه تاني
روز بصتلو بفرحه وقالت... بجد يا عمي
اسامه ابتسم وقال..بجد.. خلاص اهدي شويه ان شاء الله ليها حل
عند غالب قام وقف وبص لوعد وقال ...مش مصدق انك منوراني في اوضتي
وعد بصتلو بغضب وحقد وقالت.... انت كنت عارف ان انا هنا
غالب ابتسم وقال... ابدا وهعرف ازاي..بس لما قربتي مني حسيت بيكي
وعد بصتلو بكره شديد وقالت... عايزه اديك نصيحه هتوفر عليك كتير ... التسبيل والكلام الحلو والحركات القديمه دي مش هتمشي عليا..و مش هتفيدك بحاجه وبصيتله بقرف وقالت... ومتفتكرش انك عملت انجاز انا اللي شفقت على حال ابوك وامك ومرضيتش ابهدلك في المحاكم ...وهتكتب عليا بالاسم بس... وهتطلق واتجوز احسن منك الف مره وقدام عينيك يا غالب وجهز لكده قريب
لسه هتمشي غمض عنيه بغضب شديد وقال... انا قلتلك قبل كده هتعدي على قبري الاول يا وعد ..وممكن يبقا قبر واحد لينا احنا الاثنين
وعد بصتلو بقرف وقالت ...متفرقش معايا... الموت اسهل بكثير من اني ارتبط بواحد زيك
غالب نزلت دمعه من عينه مقدرش يحوشها وقال.... ليه ..ليه كل ده ليه ..عشان تصرفاتي يعني..ده حتى ربنا غفور رحيم ...هو انا وحش للدرجه دي ماستاهلش منك تحاولي ابدا علشاني مستاهلش تضغطي على نفسك وتديني فرصه واحده
وعد بصتلو بغضب شديد وقالت بدموع... قبل ما تعمل اللي عملته قولتلك اني حاولت ومقدرتش يا غالب..بس بعد اللي عملته ده مش بس ما تستاهلش المحاوله ما تستاهلش تعيش اصلا ...وابتسمت بوجع ورفعت السكينه قدامه وقالت بتحدي ...انا كنت جايه علشان اقتلك بقالي ساعتين جوه الدولاب هنا مستنياك علشان اخلص عليك يا غالب
غالب بصل للسكين بصدمه ووعد نزلت الدموع من عنيها وقالت... بس مقدرتش مقدرتش خالص ..مش لاني زعلت عليك او خوفت عليك او مجاش من قلبي لا لا لا لا..بس لاني محبتش اقابل ربنا وانا واحده قاتله حتى لو كنت مظلومه... معلش خليني اقابله مظلومه احسن ما اقابله ودمك الوسخ على ايدي
ورمت الصوره على السرير وقالت... خليهالك ..دي الحاجه الوحيده اللي ممكن تطولها مني... و مشيت بسرعه وغضب
غالب قعد على السرير وحط اديه على راسه وهو مش مصدق الكره اللي في عينيها ..نزلت دموعه وهو بيبص لطيفها حاول يقوى وقال بوجع... بس انت تستاهلي المحاوله... تستاهلي مليون مره يا وعد
عند تاره كانت بتبكي من كلام ابوها وبصت لفارس وقالت...سمعت بابا بنفسه بيقول عليا ايه ..بيقول دي انانيه مش هتستفيد منها حاجه ....كل اللي في البيت بيكرهوني انا اسوء حد هنا
فارس قرب منها وابتسم وقال... لا محدش بيكرهك يا تاره محدش بيكرهك خالص كلنا بنحبك انتي مش وحشه ابدا
تاره قالت بدموع... لا انا وحشه ... انا غيرانه من وعد قوي ...لدرجه اني روحت قولتلها كلام ما ينفعش يتقال خصوصا في اللي هي فيه... مقدرتش ابدا انها تعبانه ومجروحه ...فكرت في وجعي انا وبس ضايقتها قوي لدرجة انها ضربتني....و مسحت دموعها وقالت بغضب بس مدام ضربتني نبقى خالصين صح
فارس ضحك بخفه وقال.. ومع ذلك المفروض تعتذريلها
تاره بصتلو بغضب وقالت ....واعتذر ليه دي هي اللي ضربتني قدام الكل
فارس ابتسم وقال ...تعتذري عشان هي كانت قاعده في الاوضه بهدوء وانتي اللي روحتي قولتيلها كده يبقى مين الي بدأ
تاره قالت بدموع وضيق شديد... انا
فارس قال بنفس الابتسامه ...يبقى مين اللي يعتذر
تاره نفخت بضيق وقالت.. اووووف انا ..خلاص هعتذر لها ووقفت ولسه هتطلع بصت لفارس وقالت.... احم انت ... انت عارف ان انا بحب اخوك ازاي معندكش مشكله في جوازنا
بقلم..زهرة الربيع
فارس ابتسم وقال... طول عمري عارف انك بتحبي غالب وما عنديش مشكله يا تاره.. نفسي احاول مين عارف الدنيا مخبيالنا ايه ... زي ما قولت لابوكي انا راضي لو بيومين معاكي
تاره نزلت راسها بحزن لانها عارفه انها مستحيل تحبه وهي بس بتستخدمه علشان تغيظهم خرجت بحزن شديد
فارس كمان خرج وراح أوضته و اول ما دخل الاوضه حد خبطه بسرعه وقعه على الارض بيبص بزهول لقاه نديم
اتسعت عنيه وقال..نديم .. في ايه
نديم بصلو بغضب وضربه بوكس قوي تاني وقال... في ايه وحياه امك... بتنيمني هنا وتقوللي مدام بتحبها خلاص.. ورايح قدام اسد اول ما سألك تقول له ماشي موافق
وهجم عليه واشتبكوا سوا ومرتضى بقى يحاول يبعدهم عن بعض بس من غير اي فايده
فارس اتنرفز منه وبقى يزعق معاه وقال انا مش عايز اضربك يا نديم..افهم الاول...الراجل تعبان وبيسالني اقوله لا مش هتجوز بنتك بعد كل الي حصل معاه
نديم مسكو من قميصه بعنف وقال... ايوه تقوله..لانك وعدتني بكده ..وعدتني ان انت هتتكلم... لكن انا كنت متاكد انك مش هتعرف تعمل خطوه يا تافه
فارس قال بغضب.. لم نفسك يا نديم انا ساكت علشان وضعك ...علشان اللي انت فيه
نديم كان في قمه الانفعال وصوته عالي جدا وجه غالب وبقى يحاول يفض ما بينهم وقال... في ايه ..في ايه.. ايه اللي بيحصل هنا
فارس قال بغضب ..فيه ان الباشا اتجنن كل الحكايه ان اسد كان متخانق معاه وقالي الفرح هيتحدد قولتله تمام مكنتش اقصد غير انو يهدى لتحصلو حاجه
غالب لسه هيتكلم بس نديم كان في قمة غضبه ومنفعل جدا لدرجه انو مش عارف بيقول ايه قال... نجوم السماء اقرب لك منها ...نجوم السماء اقرب لك واقرب لاي حد روز ملكي انا ..ليا انا...روز مراتي انا كاتب عليها ومستحيل تكون لغيري
الجميع وقفو بصدمه واتسعت عينيهم بزهول مش مستوعبين الي اتقال
نديم بلع ريقه بارتباك لما خد بالو لكلامه ومبقاش عارف يرد بايه... لسه هيتكلم اتصدم بصوت قوي عند الباب بيبصوا لقوا شوق مغمى عليها وووووو
