رواية عهد الاسود الفصل الثالث والعشرون 23 الجزء الثاني بقلم زهرة الربيع
#عهد_الأسود_الجزء_الثاني_23
روز بنتك طلعت متجوزه نديم..احم .اتصل بدكتور ولا انت تمام ولا ايه
اسد كان بيبصلو وعيونه مفتوحين على اخرهم ومش مستوعبه اصلا وضحك جامد وقال ...ده اسخف هزار هزرتو في حياتك يا اسامه..رغم انك سخيف ديما يعني
اسامه سكت ونزل راسو في الارض وضرغام مسح على وشو باديه الاتنين بزهول وصدمه
اسد بص لضرغام بتوتر وقال..فيه ايه يا ضرغام ...هتصدق كلام اسامه..ما انت عارفه يموت في الهزار. لا لاطبعا..مستحيل روز متعملش كده دول..دول عايزين يشككوني في بنتي
كان مستني اسامه يكدب الي قالو ويقول انو هزار بس كان واضح ان اسامه جدي ...اسد بصلو وبقى يرتعش بصدمه وقال..روز..روز متعملش كده في ابوها لا..لا..ده ده عايز يجوزها لابنو وبيعمل افلام
ضرغام نزلت دموعه على حالتو وقلق جدا عليه قرب منو وقال...اسد يا حبيبتي اهدى..اهدى واقعد و كل حاجه لها حل و
اسد دفعو وهو مش عارف بيعمل ايه وقال..لا...لا مفيش حلول..مفيش مشكله اصلا..انا مش مصدق..ومش هصدق انا..انا هروح اسألها قدامكم علشان تصدقو ولسه هيخرج اسامه شدو ليه وحضنو لاول مره وقال بدموع..ارجوك اهدى اهدى وهنعمل الي انت عايزه وبس ماشي يا اسد اهدى ارجوك
اسد دفعو وقال بزعيق شديد ودموع..انتو عايزين تجننوني..بقولكم بنتي متعملش كده لا..لا ابعدو عني وخرج جري على اوضتها
عند روز كانت قاعده بحزن ودخل نديم وقال بتوتر..روز..فيه مصيبه
روز وقفت وقالت..هيه مصيبه فعلا يخربيتك وعد زمانها جايه اخرج بسرعه
نديم قال بسرعه وتوتر..اسمعيني يا روز بقولك فيه مصيبه..عرفو كلهم عرفو وزمان ابوكي كمان عرف
روز بصتلو بصدمه وقالت بزهول ورعب..عرف...عرف ايه
هنا دخل اسد زي المدفع واتسعت عنيه على اخرهم لما شاف نديم عندها
نديم وروز انتفضوا من الخوف واسد كان بيبصلهم بصدمه شديده وغضب
روز من شدة خوفها مسكت في دراع نديم تلقائيا برعب ودموعها بتنزل
اسد اتصدم من اللي عملته وقرب عليهم وقال بتعب... انا مصدقتش حاجه من الي سمعتو.. على اساس انهم بيقولوا كده علشان تتجوزيه...مصدقتش ابدا يا روز
روز بقت دموعها تنزل بغزاره ونديم حط ايده على ايدها اللي ماسكه دراعه وبقى يحاول يهديها وهو متوتر جدا من نظرات اسد
اسد كمل بدموع وألم وقال... قولي انهم بيكدبوا ...قولي اني فاهم غلط وهصدقك.. وبقت دموعه تنزل اكتر وقال قولي انك متعمليش فيا كده يا روز اتكلمي يا حبيبتي وهصدقك
بقلم...زهرة الربيع
روز اول ما قال كده وبقت تبكي جامد وعيونها في الارض مش قادره تبصله
هنا اسد خرج عن شعوره وهجم عليها وقال.. اتكلمي يا حيوانه انطقي هاقتلك يا زباله....و مسكها من شعرها ونديم واقف ما بينهم وبقى يحاول يبعدوا عنها ...وكان بيتلقى كل الضربات مكانها
ورغم ان اسد كان في قمة غضبو وبيضربوا جامد لكن كان بيحميها ومش راضي يبعد رغم انها كانت بتحاول تبعده لحد ما ادخل ضرغام واسامه وجريوا عليه شدوه بسرعه ونديم لسه واقف قدامها وهي بتبكي بشده
اسد بقى يزعق ويتكلم بصدمه وهو مش عارف بيقول ايه وزعق وقال....متجوزين يا زباله يا اوساخ يا *****... وبصلها بدموع وقال..ليه ليه كده عملتلك ايه يا روز.. انا قصرت معاكي في ايه يا بنتي ليه
في الوقت ده دخلت نتالي وروز اترمت في حضن امها وبقت تبكي بشده
نتالي قالت بغضب...اهدى يا اسد مش كده
وعد قالت باستغراب فيه ايه يا بابا...هيه عملت ايه
اسد قال بغضب شديد اسأليها..خليها تنطق وتقولك عملت ايه
روز كانت بتبكي وبس ...و هنا نديم قال بغضب شديد وزعيق ...عملت ايه يعني... اتجوزنا ...اتجوزنا وهي على ذمتي ومن زمان...و انت السبب ...انت السبب في انك تفضل واقف كده ومش فاهم اي حاجه يا استاذ اسد انت السبب في كل اللي حصل ده ومحدش يتلام غيرك
هنا اسد ضربوا قلم قوي جدا وقعه على الارض وقال بزعيق شديد... اخرس ولك عين تتكلم كمان
نديم قال بدموع... ايوه هتكلم ومش هسكت تاني ...انت السبب في كل اللي حصل انا بحبها..وهيه كمان بتحبني...وانت عارف لو كنت اتفهمتنا مكانش ده حصل ..لو كنت طلبت اي طلب انا كنت هنفذ...لكن انت رفضت حتى التفاهم في الموضوع.. مكانش قدامنا حل تاني احنا متربين كويس ومعملناش كده من غير سبب
اسد ضحك بسخريه ودموع وقال... ماشي يا متربي يا مؤدب..وبص لروز وقال بدموع وحسره..مفيش اي واحده متربيه تتجوز من ورا اهلها ...مفيش اي سبب يجبرها تعمل كده....أولاد الشوارع واولاد الحرام بس الي بيتصرفو من ورا اهالبهم لان اهاليهم مش معاهم وبيعتبروهم ماتو
روز بصتلو بدموع وهزت راسها بالرفض واسد بصلها وقال بحزم... بس كل حاجه ليها حل.... من النهارده تقدري تعتبريني مت فعلا...من انهارده انا عندي بنت واحده وبس وهي وعد
روز اتسعت عينيها بزهول وبصتله بدموع وقالت.. لا..لا يا بابا انا...
بس اسد قاطعها وقال...لا..لا مبقاش من حقك تناديني بابا تاني...وزي ما اعتبرتيني مش موجود وكنتي مقرطساني يا روز...تقدري تعتبريني مش موجود للنهايه ...وخلي حبيب القلب ينفعك... مبروك عليكي ...صحيح النهارده كسبتي حبيبك وتقدري تتجوزيه في العلن..بس خسرتي ابوكي ليوم الدين
قال كده ومشي ونتالي حاولت تكلموا بس مشي بسرعه وضرغام جري وراه مش عايز يسيبه في الوقت ده
نتالي بصت لروز وقالت بدموع ...الي عملتيه غلط يا روز ..غلط...مهما كنتي بتحبيه كان اكيد لاقينا حل غير انك تخلي ابوكي كده يحس انه ملهوش قيمهد. ازاي تعملي فيه كده
روز قعدت على السرير وبقت تبكي بشده وقالت بدموع... ماما والنبي والنبي تكلميه.. انا ما اقدرش يفضل زعلان مني ..وانتي يا وعد بيسمع منك ارجوكي اعملي حاجه... شوفتو قال ايه حد يكلمو وانبي
نتالي قالت ... اهدي يا حبيبتي هنكلمه اكيد ...هو دلوقتي مش عارف بيقول ايه من صدمتو بس
روز قالت بدموع وانهيار.... لا لا انتو اسمعتو قال ايه.. قال ان انا مش بنته... قال مش بنته...اعملو حاجه والنبي يا ماما تكلموه
نديم كان واقف بيسمعها بدموع ومش عارف يعمل ايه علشانها واسامه وقف جنبه وقال ...الافضل متكلمهاش دلوقتي اسمع مني يا نديم
نديم قال بدموع...لا يا بابا.. مينفعش اسيبها كده لوحدها
اسامه اتنهد وقال... يا ابني البنت تعبانه دلوقتي ممكن يخرج منها كلام جارح متقصدهوش وانا..
قاطعو نديم و قال بسرعه ...مش مهم يا بابا مش هقدر اسيبها مش هقدر
اسامه اتنهد ومشي عايز يروح يلحق اسد وحتى نتالي ووعد جريو وراهم وهما قلقانين جدا عليه
اول ما خرجوا نديم قرب على روز بدموع وقال... روز يا حبيبتي انتي كويسه... كل حاجه هتتحل صدقيني و
بس قاطعتو لما وقفت وبصت لعيونه بغضب شديد وقالت بحده ...بابا عارف ازاي يا نديم... عرف ازاي
اما غالب كان راجع على اوضتو بس وقفت قدامو تاره وقالت ...مبروك يا عريس ...قال فرحك بكره ...لقيت البيت كله مش مهتم قلت لما اهنيك انا
غالب ابتسم بضيق وقال ..شكرا يا تاره
ولسه هيمشي قالت بسرعه...انا كمان فرحي بكره مش تقولي مبروك
غالب وقف وبصلها بزهول وقال... فرحك بكره هتتجوزي مين
تاره ضحكت وقالت... هيكون مين يعني حبيبي فارس طبعا... انا مكنتش اعرف اني بحبه للدرجه دي...كويس ان انت رفضت علاقتنا ...لان اتضحلي ان في حد اولى واحسن بكثير
غالب كان عايز يضحك لانه عارف انها متضايقه وبتعمل كده علشان تغيظه ...وفكر في فارس قد ايه بيحبها وهو اعترفلو بكده...فمحبش يظهر لها اللامبالاه وقال..بجد فاجئتيني الصراحه معقوله هتتجوزي فارس يعني هتقدري تتفاهمي معاه
قالت بسرعه وغضب ...حاجه متخصكش انت فاكر نفسك ما فيش غيرك في الدنيا ولا ايه
غالب بصلها وقال بتحدي ...مش هتقدري تنسيني بالسهوله دي يا تاره... انا ممكن انساكي عادي واكمل ولا كأن حصلت حاجه ...ببساطه لاني محبتكش ابدا انما انتي مستحيل خصوصا انك اضعف مني بكتير ومتقدريش تعمليها
تاره قالت بغضب وتحدي اكبر ...بكره هتشوف بعينك يا غالب كل حاجه هتعدي قدام عينيك وهتشوفني ازاي هبقى مبسوطه من غيرك وانت مش هتفرق لي ابدا ...على فكره اخوك احسن منك الف مره و الايام هتوريك
قالت كده ومشيت وغالب ابتسم وقال... انا متاكد انه احسن مني... يا رب انتي تتاكدي يا تاره.. قال كده ومشي على اوضته
عند جبران كان بيتكلم في التليفون وقال طب كويس اتاكدت يعني انو هو وقلتله اني هجيب له بنته ..طيب خليك مراقب المكان اوعى يروح كده ولا كده...وقفل معاه
طلعت حنين وجيبالو ساندوتشات وقالت... كنت بتكلم مين
جبران محبش يقول لها لانه متاكد انها مش هترضى تروح قال بابتسامه ...ده غالب بيعزمنا على فرحه بكره
حنين قالت باستغراب... بكره... ليه ما قلتلوش انك مش هتروح
بقلم...زهرة الربيع
جبران ابتسم وقال بهدوء زي العاده ...عادي لاني هروح
حنين قالت بسرعه ...هتروح ازاي هنرجع القاهره وافرض عمك عرف انك هناك
جبران ابتسم وهو بياكل ساندوتش وقال ...هو اكيد هيعرف اني هناك ...لانو اصلا مراقب غالب
حنين قالت بزعيق.. انت بتستهبل.. شوف بقى اذا انت مش خايف على نفسك انا خايفه عليك ومش هسمح لك تاذي نفسك كده
ولسه هتمشي شدها من ايدها بقوه بقت بين ايديه وبص لعيونها جامد وقال ....عايزه مني ايه يا بنت انتي
حنين بصت لعيونه بضعف ودموع وقالت... بس عيزاك تكون بخير
جبران ابتسم وبص لعيونها وقال... انا بخير طول ما انا شايفك قدامي
حنين قالت بدموع... ايوه بس انت عايز تروح هناك ممكن يرجعوا ياخدوك تاني
جبران ابتسم وقال... من يوم ما عرفتك جربت شعور ما حسيتوش قبل كده بس تصدقي حلو قوي ..جربت يعني ايه حد يخاف عليا... انا في حياتي ما حد خاف عليا
حنين نزلت وشها في الارض بكسوف وخدت بالها لاندفاعها وقالت ...ممكن تسيبني يا جبران
جبران لمعت الدموع بعيونه وقال.. يا ريت اقدر ما اسيبكش بس مضطر اسيبك يا حنين
وسابها وبعد وقف عند البحر بيستنشق اكبر كميه هواء وحاول يضايقها يمكن تتحاشاه و بص لها بطرف عينه وقال...و بلاش كل شويه تيجي تقفي جنبي كده بلاش الحركات دي عشان انا حافظها ..انتي عارفه انا من اي نوع يعني مليش في الحب والتماحيك دي ..انما بقى لو عايزه اللي ليا فيه دي سهله قوي كده كده المكان فاضي وبصلها بوقاحه وقال.. وناخد راحتنا
حنين بصت لو وابتسمت بسخريه وقالت...لو فاكر انك لما تعمل كده وتقول الكلام ده هحل عنك واقول شوف بقى قليل ادب وفهمني غلط والكلام ده تبقى غلطان... انسى يا جبران مش هسيبك مش لو قلت كده لو اغتص،بتني حتى
قالت كده ودخلت وهو فضل واقف بيرمش بعيونه بدهشه من الكلام اللي قالته وضحك على جملتها ودخل بسرعه وراها وقبل ما تدخل الاوضه شدها من ذراعها وقال... ايه رايك ننفذ اللي قولتيه دلوقتي ...على فكره ده سهل قوي
حنين دفعته وقالت ..جبران في الحاجات المصيريه دي انا مبكرهش قد السخافه فمش وقت هزار ... اذا مش خايف على نفسك بكره خاف عليا مش خايف من عمك العو ممكن يخطفني و
بس قاطعها وداس على ذراعها وقال بغضب.... بلاش الكلام ده يا حنين... محدش يقدر يلمسك ولا يمسك ايدك حتى طول ما انا عايش على الدنيا دي... انا اقتل اي حد واعبيه في اكياس كمان
حنين بصتلو بابتسامه وقالت...علشان كده بالذات انا غرقت... عقبالك يا ابن الغول ...قالت كده ومشيت وهو بيبص لطفها بابتسامه جميله جدا وتنهد وقال.... غرقتي وعقبالي...هه.. ده انا جبت قاع المحيط والاكسجين بيخلص مني... ربنا يستر
عند اسد كان قاعد في اوضته وضرغام بيحاول يخفف عنه
اسامه كمان بيحاول معاه بس محدش عارف يهديه ابدا ولا بيرد على اي حد
وفجأه بص لاسامه وقال بغضب... اطلع بره... انت وابنك مش عايز اشوف وشكم
اسامه اتنهد وقال...حاضر.. هتحمل مزاجيتك اللي ملهاش لازمه دي انهارده ربنا يصبرني عليك
و لسه هيمشي اسد قال بغضب رهيب... استنى هنا ...انت تعرف من امتى ومخبي عني ها تعرف من امتى
اسامه مسح على وشو بضيق وقال.... لسه يا دوب عارف انهارده.. شوق سمعتهم واغمى عليها ولما سالتها قالت لي
اسد لسه هيزعق معاه دخلت نتالي وقالت ممكن تسيبونا لوحدنا لو سمحتو
اسد قعد على السرير وحط ايده على راسه وضرغام قال ...تمام ماشي يلا يا اسامه ...وشد اسامه من ايده
اسامه كان بيبصلهم وبيبتسم بمشاكسه وقال... بخته يا عم
ضرغام قال بغضب ...يلا يا زفت...وشدو ومشي بيه
نتالي قعدت جنب اسد وقالت ...دلوقتي اللي حصل حصل مزعل نفسك للدرجه دي ليه...و ازاي تقول للبنت كلمه زي دي.. انت هتفضل ابوهم طول العمر مينفعش تعمل كده.. هي معملتش حاجه غلط هي حبته مكانتش عايزه تتجوز غيره
وبصت قدامها وقالت بألم... انت اكتر واحد عارف يعني ايه انك تخسر حبيبك يا اسد...اكيد فاكر كانت حالتك صعبه ازاي لما خسرت عهد
اسد بص لعيونها بدموع وقال ...فاكر...وفاكر انها كانت اصعب لما خسرتك
نتالي بصتلو بدموع واسد وقف وبعد وقال...بس مش لدرجه انها تكسر ابوها ...حاسس اني لا عرفت ارتاح...ولا عرفت اريحهم خسرت كل حاجه خليتهم هنا علشان يعيشوا عيشه كويسه واطمن عليهم كنت معتقد انهم هيرتاحوا هنا اكتر... كل يوم بقول ياريتني سبتهم يسافروا معاكي
نتالي اتنهدت وقالت بدموع...الناس هنا طيبين اوي...وبيحبوهم...والولد بيحبها قوي...هو مش زي غالب على فكره ...ايه يعني سقت مره او اثنين او معملش مشروع ...ما انت كنت تشبهو زمان وفي كل شيء كنت بتعتمد على ضرغام وسقط بدل المره مرتين وثلاثه
اسد بصلها بغيظ وقال...انتي هتعملي زي اسامه لما يقول لي زيك ...انا يستحيل اعمل كده من ورا اهلي
نتالي قالت بضيق ...علشان ماتحطتش في نفس الموقف... خلينا في المهم...بكره هيتجوزوا غالب ووع خلينا نجوزهم بالمره قدام الناس ونكتب كتابهم مش هينفع يعيشوا كده
اسد بصلها بغضب شديد وقال... اعملو اللي انتم عايزينه ...محدش يسألني على حاجه تخصها
نتالي قالت بغضب..محدش يسألك ازاي انت ابوها
اسد قال بغضب وانفعال ...لا انا...اااااه
وحط ايده على بطنو بألم
نتالي جريت عليه وقالت..مالك يا اسد فيك ايه
اسد قال بألم ..عادي..مفيش..الم بيجيلي من وقت للتاني..بناتك هيخلصو عليا...المهم...انا مش ابو البنت دي.. روز مبقتش بنتي خلاص والموضوع غير قابل للنقاش
ومشي بسرعه من غير ما يستنى منها اي رد ...وهي اتنهدت ووقفت مكانها بيأس.
عندي روز كانت بتزعق مع نديم ومنهاره وهو قال ....والله ما كنت اقصد انو يعرف و
بس قاطعتو وقالت بغضب...انت اناني اناني قوي...بقالك كتير عايز تعرفو...ومش مهم انا مش مهم انو اتبرى مني بسببك..قوتلك استنى اكلمو انا..مبسوط ...مبسوط بالي عملتو.. اخرج من الاوضه اخرج برررررره
نديم كان بيحاول يتكلم معاها وقال...خليني افهمك وجهه نظري واللي حصل بالظبط
قالت بغضب وصراخ قلت اخرج من الاوضه مش عايزه اشوف وشك اطلللللع
نديم اتنهد بحزن وخرج وهيه قعدت على السرير وبقت تبكي جامد
اليوم التاني عدى عليهم في تجهيزات الحفله..اللي جهزوا كل حاجه ليها واصروا انهم يجوزوهم الثلاثه سوا ويخلصوا.... تاره وفارس ....ونديم ورز ...وطبعا غالب ووعد
بالليل كان كل شيئ مثالي...في اكبر احتفال بزفاف اولاد الثابت ....وكان كل عريس في اوضتو بيلبس
كان جبران وصل هو وحنين اللي قعدت مع شوق تحت لانها بتحب تتكلم معاها جدا
وكان جبران في اوضه غالب ...اللي كان مبسوط جدا باليوم الي اتمناه طول عمره
بص لجبران وقال ...الكرفته دي احلى ولا دي
جبران استغراب وقال ...معلش هو بس يعني ايه الفرق دي السودا ودي سودا
غالب ابتسم بفرحه وقال... اصل وعد بتحب اللون الاسود قوي
جبران قال بابتسامه... يا حبيب قلبي ان شاء الله يجعل عيشتكم كلها سودا... قصدي يجعل عيشتكم كلها حلوه باذن الله...خد نصيحه من اخوك... مش هينفع تبقى طهري معاها للدرجه دي يعني نمسك نفسنا شويه مش كل حاجه هي بتحبها نعملها ..انت الراجل خلي حزام الامور في ايدك انت
غالب ضحك وقال..حزام...اسمها زمام الأمور...وبعدين انا بسأل مين اصلا...و بقى يلبس وسابه
جبران كان بيقلب في البوم الصور بتاعهم وابتسم وقال تصدق عمك اسامه وهو صغير يشبهني قوي قوي
غالب قال... اه فعلا... في الصور يشبهك جدا انما دلوقتي شكلكو متغير شويه
جبران ابتسم وبقى يقلب في الصور وجات عينه على صوره طلعها من الالبوم وبقى يبصلها بزهول وقال...الصورة دي بتعمل ايه عندكم هنا
غالب بص للصوره وقال باستغراب ...معاك حق الصوره دي بتعمل ايه هنا ...دي صورة عمي أسد مع عمك النعمان ... بس هو فيه معاه مشاكل مع ابوه ومش بطيقه وكان بيقطع كل الصور بتاعته بس الصوره دي مخدش باله ليها اكيد
جبران بصلو بصدمه ووقف وقال.... عمك اسد ازاي ...دي صورة عمك اسد مع ابوه
غالب بصله وقال بتأكيد ...ايوه...بابا قال لي ان دي صوره عمي اسد مع ابوه
جبران اتسعت عنيه بدهشه وقال بزهول...قال لك ازاي ...مستحيل ...دي صورتي انا مع بابا
بااااارت طوييييييييل اهوه انهارده والأحداث بتوللللع 🥰🥰
