رواية رغبة الانتقام الفصل السادس عشر 16 والاخير بقلم فريدة احمد
#رغبة_الانتقام
ارجوك الحقني. الحقني بسرعة
قالتها بنت باستنجاد ل عاصي وهي بتترمي في حضنه بعد ماظهرت فجأة قدامه
كان واقف متجمد مكانو ، مصدوم مش عارف يعمل ايه
وهي بتترعش وماسكة فيه جامد وعمالة بتقول...ارجوك الحقني وخبيني بسرعة دول بيجرو ورايا وبتنهج اوي بتعب
رفع عاصي وشها واول ماركز فيها اتصدم وقال... كاميليا!!!
هي بتعب وكانت الصورة قدامها مشوشة لانها كانت بتجري جامد قالت بزهول... ع عاصي
وفي لحظة كانت وقعت بين ايديه فاقدة الوعي
عاصي بسرعة شالها ودخل بيها الفيلا
........
كانو واقفين بعيد شوية عن الفيلا 3 رجالة وهما بيدورو عليها بجنون
واحد فيهم بغضب .. يعني الزااي ياغبي انت وهو بعد مالقتوها تهرب منكو
: كانت قدامي دلوقتي حالا ملحقتش امسكها جريت ومش عارف استخبت فين بنت ال.. بس انا متاكد انها في المكان ده. ملحقتش تبعد يعني
التاني... احنا لازم نلاقيها بأي طريقة ومانرجعش غير بيها ماهو مش معقول بعد ما اتصلنا علي حسام باشا وعرفناه اننا لاقيناها نرجع من غيرها. انت عاوزه يطـ ير رقبينا. لو رجعنالو من غيرها هيد،، بحنا زي الخرفان
كمل وقال... يلا معايا انت وهو هي فعلا اكيد مبعددتش عن المكان هنا. يلااا بسرعة
وانتشرو التلاتة في المكان وكل واحد يدور في ناحية
بس كانها اتبخرت ملهاش اثر
...........
في مصر
ليلي قاعدة علي الكنبة سرحانه وهي بتفكر في حياتها اللي بقت كلها حزن
لحد ماقطع شرودها صاحبتها اللي خرجت من المطبخ معاها اتنين نسكافيه وهي بتديها المج بتاعها وبتقول.. احلي نسكافيه بتشربيه من ايدي اكيد . ربنا يخليني ليكي بجد
ابتسمت ليلي بهدوء عليها لكن بوجه حزين مطفي وهي بتاخد منها النسكافيه
نهي قربت جمبها ومسكت ايدها وقالت.... هتعملي ايه يا ليلي. مش هتعرفي ياسين بردو انك حامل
بصتلها ليلي وقالت... اكيد لأ. مش لازم يعرف اني حامل
نهي... طب ليه هو من حقه يعرف
اتنهدت ليلي وقالت... انا مش عاوزة ياسين يرجعلي بسب الحمل ده.. انا عاوزاه يرجع علشاني انا. علشان بيحبني انا وميقدرش يستغني عني
نهي... طيب ماانتي عارفة انو بيحبك ياليلي
ليلي... بس دايس علي قلبه..
كملت وقالت .. هو بيقدر يدوس علي قبله ومشاعره مهما كانت. بيعرف يبقي جامد وميضعفش.. ياسين حرمني عليه للأبد. بني حاجز بيني وبينه. بقي بيعاملني زي اخته
كملت وقالت... مش عارفة الزاي بيقدر يعمل كده.. انا متاكدة انو لسه بيحبني.بس هو بيخفي ده
نهي.... انا متاكده انو هيرجع. لانه اكيد حبه ليكي هيتغلب علي كل ده ياليلي.. قوليلي كلمك بعد ماسافر
ليلي... اه سعات بيتصل يتطمن عليا. هو مش بيسيبني ودايما جمبي وبيساندني
ابتسمت وكملت... تعرفي ياسين ده في كل مواصفات اي بنت بتتمناها. جدع اووي واقف معايا وبيساندني في الشغل مش بيسبني ابدا وبيساعدني اتخطي حزني علي بابا الله يرحمه.
نزلت دموعها وقالت... بس انا مش عارفة انساه. بحبه اوي يانهي نفسي يتخطي الماضي بتاعي انا وعاصي ويرجعلي. انا مش عاوزة غير ان اكمل حياتي معاه. لان مفيش راجل زييو بجد.
نهي قربت وحضنتها وهي بتقول... انا متاكده انو هيرجع ياليلي صدقيني
.........
تاني يوم في امريكا عند عاصي
عاصي نايم علي الكنبة صاحي
نزلت كاميليا قربت عليه وقالت... احم. صباح الخير
عاصي قام اتعدل وهو بيقول.. عاملة ايه. احسن دلوقتي
كاميليا هزت راسها... الحمدلله. احسن
كملت بخوف... بس خايفة اووي رجالة حسام يوصلولي هنا
عاصي... متخافيش انتي هنا في امان. محدش يقدر يدخل هنا
كمل وقال بشرود.. بس غريبة يا دنيا طلعتي ضيقة اوي
ابتسم بسخرية و بصلها وقال... يعني انتي ابوكي قالب عليكي كل بلاد العالم وحسام العشري بيلف عليكي كل يوم الكرة الارضية يخلصها لف ويبدا يعيد من اول وجديد وبردو ميلاقكيش.. وفي الاخر الااقيكي انا كده من غير اي مجهود
فركت في ايدها بقلق وتوتر وقالت... عاصي انت اكيد مش هتعرف حد انك شوفتني..مش كده
عاصي ببرود وهو قاصد يخوفها ... مش عارف بصراحة لاني ممكن اقول عادي
كاميليا بلعت ريقها برعب... انت بجد هتعرفهم مكاني.. عاصي ارجوك متعملش كده
عاصي بضحك... اهدي يخربيتك وشك اصفر كده ليه
بعدين اتنهد وقال... متقلقيش ياكاميليا. اكيد مش هسلمك ليهم كده. ده حسام متحلفلك لا يقتـ لك وليه حق الصراحة.. دماغك كانت فين وانتي بتهربي. في واحدة تعمل اللي عملتيه ده
كاميليا بضيق... مش هما اللي اجبروني علي الجوزاة دي.. انا اترجيت بابا كتير اني مش طايقة اتجوز اللي اسمه حسام ده وهو اصر ولا كإني ليا رأي وان انا اللي هعيش
كملت بسخرية... مكانش شايف غير مصلحته وبس مصلحة شغله والبيزنس اللي بينهم.. وافق يجوزني ليه ولا كاني ثفقة..والتاني انا عارفة كويس اووي هو عاوز مني ايه
كملت بكره... انا بكره حسام اووي واستحالة كنت استسلم ل جوازي منو واخليه يحقق مراده. لو كنت همو.. ت مكنتش هخليه يطول مني شعره
اتنهدت وقالت... بص انا مش طالبة منك غير انك تخليني هنا يومين لحد مااشوف هروح فين
عاصي.. بس انتي مينفعش تفضلي هربانة كده
كاميليا... امال يعني ارجع ليهم.. ما هو فعلا حسام
هيقـ تلني. بس كمان بعد مايوريني العذ، اب الوان ومتاكده ان بابا لو شافو بيقـ طع من جسمي بالسكـ ينه مش هيقوله بتعمل ايه بالعكس دا هيقولو براڤو
كملت بخوف... عاصي ارجوك ياعاصي. ما..
قاطعها عاصي... قولتلك متخافيش
رجع ضهره علي الكنبة وقال ببرود..المهم قومي يلا اعمليلنا فطار
كامليا بتعجب...نعم!!
عاصي...ايه ماسمعتيش.
وهو بيشاور علي المطبخ المفتوح علي الريسيبشن..المطبخ قدامك اهو..يلا اتحركي
كاميليا .. انت اكيد بتهزر صح
عاصي... لا مش بهزر. انا صاحي جعان والشغالة مش هنا النهاردة.. ف بما انك موحودة قومي انتي جهزيلنا فطار
كاميليا... بس انا مش بعرف ادخل المطبخ ولا بعرف اعمل اكل
عاصي... امال لازمتك ايه في الحياة.. عموما انتي اكيد مش هتطبخي. دا فطار ياماما هتفضي شوية جبن علي لانشن وهاتيهم
كاميليا كانت قاعدة لسه لكن اتنفضت لما عاصي قال بصوت عالي شوية وبطريقة حادة.. ماتقومي يابت
كاميليا بصتله بغيظ وقامت..حاضر
واتحركت وهي بتعدل شعرها وبتتمشي بدلع
عاصي كان بيبص عليها بإعجاب راح قال .. لا بس احلويتي وبقيتي بطل
كاميليا وقفت تخرج الجبن والخضار من التلاجة وهي بتحطهم علي الرخامة قالت بغرور... انا طول عمري وانا حلوة ياحبيبي. بس البعيد كان اعمي مكانش بيشوف غير ليلي وبس
جابت الاطباق وحتطها قدامه وقعدت وهي بتقول.... الا قولي صحيح. ايه اللي حصل ده. يعني اغيب شهرين عن البلد يحصل كوارث.
بصتله باستفهام وهي بتقولو بتساؤل... الزاي بعد ماكنت انت وليلي رميو وچوليت فجاة تسيبو بعض. بعدين اعرف انها وياسين اتجوزو.. بعدين يتطلقو.. لاا انا عاوزة افهم
الزااي كل ده حصل وليه. هاا قولي يلا احكيلي
عاصي... ايه يابت قمة الفضول الرهيبة دي.. افطري ياكاميليا
كاميليا.. يعني مش هتحكيلي
عاصي... لا. شيفاني صاحبتك . كلي يلا
بصتله بغيظ وبداو الاتنين يفطرو
بعد شوية وبعد مافطرو وخلصو
عاصي بصلها وقال... يلا اجهزي علشان هرجعك مصر
كاميليا...عاصي بطل تهريج بقا.انا بتخض كل مرة وبصدقك.حرام عليك بجد
عاصي...انا فعلا بكلمك بجد. انتي لازم ترجعي مصر ياكاميليا
لسه هتتكلم
كمل علطول وقال... بس انا عند وعدي متخافيش مش هخلي حد يتعرضلك وهخلصك من حسام وهقنع ابوكي.
........
وبعد ساعات كتير عدت عليهم. نزل عاصي مصر وهو وكاميليا بعد مافضل كتير يقنعها ويطمنها انو مش هيسيبها وهيقف جمبها
دخل عاصي شركة والد كاميليا ودخل مكتبه بعد ما السكرتيرة اذنت ليه بالدخول اللي بمجرد ماقالت ل والد كاميليا ان عاصي الوزان منتظره بره قالها دخليه فورا
وبمجرد ما دخل عاصي قام والد كاميليا استقبله استقبال حار وهو بيقول.... اهلا اهلا عاصي باشا. دي الشركة نورت
سلم عاصي عليه وهو بيقول.. منورة بوجودك يا مختار بيه
وبعد السلامات اخد عاصي نفس وقال.. احم. انا كنت جاي لحضرتك بخصوص كاميليا
مختار بمجرد ماسمع اسمها انتبه ليه بتركيز وهو بيقول.. مالها. انت تعرف اي اخبار عنها
عاصي قال... انا اعرف مكانها
قام مختار من علي كرسي مكتبه وهو بيقرب عليه وبيقول بلهفة...بنت ال**** هي فين. فين بنتي. فين ياعاصي
قام عاصي هو كمان وقال... ممكن بس حضرتك تسمعني الاول و
قاطعه مختار وقال... بنتي فين
عاصي.. اهدي لو سمحت. واسمعني وبعدين هقولك هي فين
وبعد محاولات كتير من عاصي قدر يقنع ابوها ويهديه من ناحيتها
عاصي... عارف ان ماليش اتدخل.. بس ياريت بلاش تسلمها ل حسام. بلاش. هي غلطت بس عملت كده علشان حضرتك غصبتها
مختار بندم ... انا فعلا مدتهاش حرية الاختيار. انا مش بتمني دلوقتي غير انها ترجع لحضني. هي فين ياعاصي.
عاصي.... هي معايا برا
مختار وهو مش مصدق.. انت بتتكلم بجد.
عاصي.. ايوا.
وفتح باب المكتب ودخلها
دخلت بتوتر وهي خايفة ومرعوبة من ابوها لكن اتفاجأت لما ابوها قرب وحضنها باشتياق وهو بيقول... وحشتيني وحشتيني اوي ياحبيبتي
كانت مستغربة جدا مقابلة باباها. مكانتش متخيله رد فعلو ده ابدا،، بصت ل عاصي باستفهام
لكن عاصي بص ل مختار وفاجاها لما قال... انا طالب ايد كاميليا ياعمي
كاميليا اتصدمت وهي بتبصلة بزهول
غمزلها عاصي ورجع بص ل مختار وقال... ها موافق ياعمي
مختار...انا عمري ماهلاقي زيك لبنتي ولا نسب يشرف زي عليتكم بس.. بس حسام اكيد مش هيسكت
عاصي...حسام ده سيبه عليا.وانا متاكد انو مش هيقدر يقف قصادي.ولو حب.يبقي يوريني شجاعته
كاميليا مكانتش مصدقة اللي بيتقال وان عاصي طلبها للجواز. طول عمرها بتحبه وبتتمناه ده كان حلمها الوحيد اللي كانت متاكده انو مستحيل يحصل في يوم من الايام
لان كانت عارفة قد ايه عاصي وليلي بيحبو بعض
مكانتش تتوقع ان الحب ده يتبخر كده وان عاصي حلم حياتها هيكون ليها هي في الاخر
عاصي قال... لو حضرتك موافق انا هجيب اهلي بالليل واتقدملها رسمي
مختار... طبعا موافق. علي خيرة الله
وبالفعل عاصي واهله راحو اتقدمو ليها واتفقو علي الفرح بعد شهر لان ياسين كان مسافر بيخلص شغل بره واستنوه يرجع وكانو كلهم مبسوطين بجواز عاصي
..........
عند
ليلي كانت واقفة قدام البحر في مكان هادي تحت ضوء القمر وهي حزينة جدا
حطت ايدها وبدات تحركها بهدوء علي بطنها
فجاة سمعت صوته من وراها وهو بيحط ايده عليها وبيقول وحشتيني
لفت ليه بلهفة وهي مش مصدقة لانه كان بقالو شهر مسافر
ليلي بدون اي مقدمات حاوطت رقبته وحضنته باشتياق وهي بتقول... انت كمان وحشتني. وحشتني اوووي
برغم انها مانتبهتش لما هو قال وحشتيني او انو قالهالها ك حبيبته
كانت بتحضنه باشتياق وهي مش قادرة تبعد عنه لكن لما انتبهت لنفسها بعدت بحرج وقالت.. احم. اسفة
لكن ياسين شدها لحضنه تاني وضمها ليه وقال... اوعي تبعدي عن حضني تاني ياليلي
وهو بيضمها ليه جامد بعشق
رفعت ليلي وشها ليه وهي في حضنه وبصتله بدون فهم
ياسين قال... معرفتش اعيش من غيرك
ابتسمت ليلي وهي مش مصدقة وقالت... يعني هنرجع
ياسين .... مش هقدر اكمل من غيرك ياليلي.. انا بتنفسك. انتي بتجري في دمي.
ومسك ايدها وباسها
ابتسم وقال.. بحبك ياليلي
ليلي ابتسمت بدموع وهي بتحاول تستوعب
ياسين بدا يحرك ايده علي خدها بحب وهو بيقول... بعشقك
رفعت ايدها وحاوطت رقبته بفرحة وقالت... انا بحبك اوي.. انت اغلي حاجة في حياتي
ياسين... وانتي كل حياتي ياليلي.
ليلي...اوعدني انك مش هتبعد عني ابدا
ياسين...انا اللي مش هسيبك تبعدي. مفيش بعد تاني ابدا. عمري ماهسيبك هتفضلي في قلبي وفي حضني دايما
ليلي ابتسمت بسعادة ورفعت وشها من حضنه وقالت بحب... في مفاجأة.
مسكت ايده وحطتها علي بطنها وقالت... انا حامل. حامل ياياسين
ياسين بفرحة... بتتكلمي بجد
ليلي هزت راسها.. بجد.. في حته منك هنا
وهي بتحط ايدها علي بطنها
ياسين ضمها ليه بحب وقال... دا احلا خبر سمعته. بعشقك ياليلي
🦋
كنت أعتقد أني أحبك فقط ولكن اكتشفت أني اعشقك أني أتنفسك لدرجة أنني لا أستطيع بدونك أن أتنفس فأنتي الهواء الذي بدونه أفقد الحياة
.
تمت
#البارت_ال16
#بقلم_فريدة_احمد