رواية نجمه سرقة قلبي الفصل الثالث 3 بقلم نور محمد
#البارت_الثالث
يااهلا وسهلا نورت الدار كله جيب لقضاك برجلك ياغالي تعال اتفضل
تقدم رعد عليه بشر وزياد تراجع بخوف منه وفجأه انقض عليه رعد بدون رحمه ونزل ضرب فيه بكل قوته
واحمد ابوه ورشيد جرو عليه برعب من شكله المرعب وشكل زياد اللي بقى جثه تحت ايده ورشيد بقى يشد رعد بكل قوته علشان يبعده عنه بس رعد كان مكمل والغضب مسيطر عليه
رشيد بخوف: رعد سيبه ابوس ايدك هيموت كده في ايدك وهتروح انت في داهيه بسببه سيبه بقى
رعد كان مكمل كأنه مسمعش حاجه ونجمه نزلت وشافت المشهد ده قدامها فشهقت بصدمه وجرت هي كمان عليه بخوف ومسكت ايده بقوه وقالت:رعد سيبه انت بتعمل ايه هيموت في ايدك حرام عليك سيبه
رعد بص عليها وشاف القلق محفور في عنيها على زياد وتذكر كلمها انها كانت بتحبه فدفعها بدون وعي وغيره وقال:ابعدو عني محدش هيلحقه مني النهاردا لازم اطلع بروحه الحيوان ده
احمد ابوه بص عليه بغضب ورشيد قرب من نجمه علشان يساعدها تقف وهي بتتألم ورعد بص عليهم بضيق وغيره ودفع زياد بقوه على الارض وتوجه لنجمه سحبها من رشيد وقال بغيره:خلي عنك انت يارشيد دي مراتي وانا مش بحب حد يقرب خطوه وحده من مراتي بقلم نور محمد
رشيد بصدمه:حتي انا يارعد دنا اخوك ودي زي اختي هتغير عليها حتي مني
رعد حط ايده بتملك على خسر نجمه وبص على زياد في الارض بضيق وقال:نجمه بقت مراتي يعني ملكيه خاصه وممنوع على أي حد غيري يلمس ايدها حتي لو انت يارشيد
رشيد بص عليه بزهول وسكت واحمد فاض بيه الامر فقال بحده:ممكن افهم اللي بيحصل هنا..ووجه نظره لرعد بضيق وكمل...وانت ضربته كده ليه يارعد وهو كان بيخرف يقول ايه اصلا؟
رعد بلع ريقه بتوتر وخوف على نجمه من غضب ابوه وقال:احم مفيش يابوي اصل هو هو
قاطعته نجمه بدموع وقالت:انا هقولك ياحضرت العمده رعد ضربه كده علشان ده الحيوان نفسه اللي عمل فيا كده
الكل في المكان انصدموا من كلامها واولهم زياد اللي وقف بتعب كبير وقال بصدمه وزهول:انتي بتقولي ايه انا عملت معاكي ايه يانجمه؟
نجمه بخبث:اقولك انا عملت ايه ياحيوان معايا هربت بعد مادمرت حياتي وبقيت حامل منك
رعد ادايق اوي لانها كذبت كده قدامهم بس تفهم موقفها لانها لسه خايفه من ابوه فسكت ومتكلمش
وزياد ابتسم بعد مافهم خطتها وحب يقلب الطاوله عليها فقال بخبث:اه عندك حق يانجمه انا غلطت لما عملت كده معاكي وهربت وسبتك بس انا حسيت بعدها بغلطي وجيت علشان اصلح غلطتي معاكي ونجوز علشان خاطر ابننا حتي يتربي بين ابوه وامه الحقيقين
رعد انصدم من كلامه والغضب غلى في عروقه وساب نجمه وقرب منه بغضب جحيمي بس وقف على صوت احمد اللي قال:اقف عندك يارعد زياد عنده حق يابني ومدام عرف غلطه واجه هنا بنفسه علشان يصلح غلطته معاها يبقى خلاص اتحلت انت تطلقها وهو من بعدك يجوزها علشان ابنه كمان اللي في بطنها
...بقلم نور محمد
رعد عنيه وسعت بصدمه كبيره وقرب من ابوه وقال:انت بتقول ايه يابوي ازاي عاوزني اطلقها دلوقتي بعد ماطلب مني الاول اجوزها غصب ودلوقتي عاوزني اطلقها غصب كمان يابوي
رد عليه احمد ببرود:ده الصوح ياولدي الاولى بيها هو ابو ابنها يارعد
رعد اتجنن من كلامه وقرب من نجمه ومسك ايدها بتملك وقال:وانا مش هطلقها يابوي نجمه مراتي وهتفضل على زمتي ومش هسيبها ابدا عن ازنكم
رعد خلص كلامه وطلع هو ونجمه على غرفته واحمد تهند بتعب وبص على زياد وقال:رشيد خد الضيف بتاعنا لغرفه الضيوف هنا ياولدي لغايه مانشوف حل للمشكله دي
رشيد قرب من زياد وقال:حاضر يابوي ياله ياضيفنا اطلع قدامي
طلع زياد مع رشيد لغرفه الضيوف وبعد مادخله رشيد الغرفه قال:خد راحتك ولو محتاج حاجه نادي على الخدم هنا تمام
زياد ببسمه:تمام شكرا اوي
رشيد بضيق منه:الغفو عن ازنك
خرج رشيد وهو مدايق اوي من اللي اسمه زياد وفضل يتمتم في طريقه بغيظ وضيق بس فجأه لقى حد شده بسرعه لغرفه تاني وقفل الباب بسرعه
وقربت منه حضنته بقوه وقالت:وحشتني اوي اوي يارشيد كده متسئلش عندي اليوم كله
رشيد ابتسم وبادلها الحضن بحب وقال:معلش ياقلب رشيد بس كونت مشغول اوي النهاردا
بعدت عنه وبصت في عنيه بحب ومدت ايدها وبدأت تفك زراير القميس بتاعه بس رشيد مسك ايدها بسرعه وقال:انتي بتعملي ايه مش وقته يارشا
رشا بحب ودموع:بس انت وحشتني اوي ومن يومين بعيد عني يارشيد
ابتسم رشيد وضمها لحضنه وقبلها بحنيه في شفايفها وقال:غصب عني ياحبيبتي انا نفسي افضل جنبك علطول والله بس انتي عارفه لو ابوي او رعد شافوني هنا معاكي ممكن يعملوه ايه وانتي عارفه ابوي مانعني اقرب ناحيتك ليه؟
رشا بحزن ودموع اطفال:علشان بنت الغفير وكمان عبيطه زي ماناس بتقول عليا مش كده
رشيد بشفقه وحب:لا مين قال عليكي عبيطه ياقلبي انتي احلا واطيب بنت انا شوفتها في حياتي كلها وانا بحبك اوي علشان كده انا اجوزتك بدون علمهم يارشا بس انتي عارفه ان عم حسن العفير بتاعنا كان غالي على ابوي قد ايه وقبل موته هو وصاه عليكي بس هو فاكر اني عاوز استغل حالتك الصحيه واتسلى معاكي علشان كده مانعني عنك ياقلبي فهمتي
هزت رشا رأسها بطفوله وعدم فهم فضحك عليها رشيد وقال:مانا حبيتك علشان كده يارشا انتي نضيفه من جوه وبره كمان زي الاطفال وانا مستحيل الاقي وحده شبهك تاني ياروح قلبي
رشا ابتسمت بطفوله وقالت:يعني انت بتحبني يارشيد زي مانا بحبك كمان مش كده
ابتسم رشيد بحب كبير وقال:وبموت فيكي كمان ياطفلتي بس عاوزك تبقى هاديه ومتقربيش مني قدام ابوي او رعد وانا هاجي ليكي باليل هنا تمام قولي حاضر كده
هزت رشا رأسها بطاعه وبرائه وقالت:حاضر انا هعمل كل اللي عاوزه مني
رشيد قرب وقبلها بسرعه وحب وقال:بحبك اوي علشان انتي بريئه ومطيعه ياقلبي
رشا بطفوله وبرائه:وانا كمان بحبك علشان انت بتجيب ليا شكولاته حلوه اوي والعاب كتير كمان
رشيد ابتسم لها بحب وسابها قبل مايفقد اعصابه قدام برائتها الخلابه وخرج من الغرفه بسرعه
وعلى الجهه الاخرى في غرفه رعد ونجمه
رعد بغضب:انتي ليه كذبتي كده قدامهم بدل ماتعدليها خربتيها خالص
نجمه بخوف وتوتر:انا انا بس كنت خايفه من بباك يعرف الحقيقه علشان كده كذبت
رعد بحده:مانا عارف انك كنتي خايفه من ابوي بس عاجبك اللي حصل ده يانجمه
نجمه ابتسمت على غضبه وغيرته الواضحه اوي قدامها وقالت:طيب انت متعصب ليه مش كنت مجبور على الجوازه دي من الاول أيه اللي اتغير بقى دلوقتي ومدايق كده ليه؟
رعد سمعها بضيق وغيظ وقال:اللي اتغير كتير اوي يانجمه انا صحيح كنت مجبور الاول على الجوازه دي بس دلوقتي لا ومستحيل اسمح لحد ياخدك مني وخصوصا الحيوان ده سامعه
نجمه ابتسمت بخبث وقالت: ومستحيل تسمح اجوز غيرك ليه يارعد بيه
رعد بنفعال وتملك:لانك بقيتي مراتي وزي ماقولت تحت قدام الكل هقولها لك تاني انتي بقيتي ملكيه خاصه برعد المالكي بس مفهوم
ابتسمت نجمه بسعاده وردت عليه ببسمه وقالت:مفهوم يارعد بيه
وفي نفس الوقت في غرفه زياد
كان قاعد على سريره بتعب كبير وفجأه رن فونه ففتح بسرعه وتوتر وقال:ايوه ياباشا انا وصلت عندهم وكل حاجه تمام زي ماحضرتك خططت باظبط..سكت وسمعه شويه وكمل...تمام ياباشا ورق الارض هيكون عندك في اسرع وقت فاضل بس اقابل نجمه هنا علشان اقولها على باقي الخطه بس وكل حاجه هتبقى تمام..وسكت علشان يسمعه وقال..حاضر بكره هقولها باقي الخطه بأي تمن وهناخد ورق الارض من رعد في اسرع وقت متقلقش ياباشا كله تحت السيطره وووو
يتبع...بقلم نور محمد
#نجمه_سرقه_قلبي
