رواية موضوع عائلي الفصل التاسع والعشرون 29 الجزء الثاني بقلم رحاب القاضي
#موضوع_عائلي
"الجميله والشعر الابيض"
_الحلقه ال29
ــــــــــــــــــــــــــــــــــــــــــ
ستكون النهايه جميله إن لم تخون ثقتي فيك💔
♡♡♡♡•♡♡♡♡•♡♡♡♡♡
_ فضل يوسف واقف بين الاتنين وهو متدايق ومتوتر جدا من الموقف اللي هو فيه، لو اختار يمشي مع دارين ويطفي نار غريته عليها بس بطه مش هتعدي معاه الموقف خالص علي خير، ولو مشي مع بطه هيفضل جواه غضب من تصرفات دارين ومش هيعرف يحكم عليا زي ما هو عايز..
دارين
مالك مش سامع ولا ايه بطه بتكلمك..
يوسف بجمود
روحي علي البيت وبالليل هجيلك..
دارين بهدوء
مش فاضيه هروح لبابي بالليل بعد اذنك
مسك ايدها بعنف متجاهل وجود بطه وقالها
قولت علي البيت يا دارين هوصل بطه واجيلك يلاااا..
لاحظت دارين دموع بطه فأتنهدت بحزن وقالت
حاضر بس ما تجيش وسيب ايدي وخليك في مراتك لو سمحت وانا هسمع كلامك...
_ بص هو بسرعه لبطه اللي كالعاده ما بينتش حزنها وزعلها قدامه وقرب هو منها وقال بهدوء.
يوسف
معلش يا حبيبتي خلصت اهو يلا بينا، وانتي يا دارين اسمعي الكلام...
_ ركبت دارين عربيتها ومشيت وهو اخد بطه معاه وكان سايق عربيته وهو مدايق جداً..
بطه بحزن
هو للدرجه دي وجودك معايا مدايقك..
يوسف
ايه؟ ايه اللي بتقوليه ده يا بطه؟..
بطه بدموع
يعني حسيتك ادايقت عشان سيبتها وجيت معايا..
يوسف
لا طبعا ده الطبيعي اصلا انا مكاني معاكي انتي، انا بس مدايق من حاجه تاني..
بطه
ادايقت عشان جات ليونس، هو انت عندك مشكله انها تبقي لسه بتحبه..
يوسف بحده
ايوه عندي يا بطه لانها مراتي وطول ما هي علي ذمتي يبقي ما ينفعش اسيبها تتصرف بطريقه تقلل مني فهمتي..
بطه
بس هي ما عملتش حاجه غلط دي برضو كانت شغاله مع يونس والواجب انها تيجي وتسأل عليه..
يوسف بضيق
اقفلي الموضوع طيب، قوليلي انتي عملتي ايه في الجامعه النهارده..
بطه
ولا حاجه عادي..
_ اتنهد بهدوء وسكت وكان برضو لسه مدايق، وهي ابتسمت بسخريه فالاول كان بيفضل يستفسر علي كل تفصيله بتعملها انما دلوقتي هو ما بقاش حتي مهتم يعرف هي بتعمل ايه...
ــــــــــ #بقلم_الكاتبه_رحاب_القاضي ــــــــ
_ وفي بيت المنشاوي بعد ما جهاد طلبت منه الطلاق توقعت هي انه هيتخانق معاها او هيرفض بقوه بس استغربت سكوته وتجاهله لكلامها خالص..
جهاد
انا بكلمك يا زكريا رد عليا..
زكريا
هعتبر اني ما سمعتش حاجه ومش اي مشكله تحصل بينا هتفضلي تقوليلي طلقني والجو ده..
جهاد بدموع
بس دي مش مشكله عاديه انت قولت اللي جواك ومدام شايفني السبب في كل اللي حصل واني بتعبك وبعملك مشاكل فسيبني وكل واحد يروح لحاله..
قفل الدولاب بقوه ورد عليها بحده وقال
تروحي فين لخالك وابن خالك مش كده؟...
جهاد بعصبيه
مش هروح عند حد انا عايزه اقعد لوحدي، مش هروح عند حد تاني يشيلني الذنب واني السبب في كل حاجه..
زكريا بضيق
خلصنا يا جهاد ما حصلش حاجه لكل ده هاخد شاور واجيلك ننزل نتغدي تحت احسن..
جهاد بدموع
لا انا عايزه امشي من هنا انت ما بتفهمش..
مسكها من دراعها جامد وقال بغضب
قولت خلصنا ما فيش طلوع من البيت ولا هطلقك وتسمعي الكلام عشان انا علي اخري اصلا ومش ناقص شغل العيال بتاعك ده كمان..
_ قال كلامه وزقها جامد فوقعت علي السرير وهي ماسكه بطنها بألم وبتعيط، وبعد شويه خرج من الحمام وهو بينشف شعره واول ما دخل الاوضه مالقهااش موجوده..
طلع بره وفضل يدور عليها ومالقهاااش موجوده خالص في البيت، فنزل المطعم وسأل رمزي عنها اللي قاله..
رمزي
لا ما جاتش المطعم بس وقفت تاكسي ومشيت..
زكريا بغضب
مااشي المطعم في امانتك لحد ما الحج يرجع يا رمزي.
رمزي
في عينيا يا زكريا..
_ واخد زكريا عربيته وراح لعماد اللي كان لسه واصل بيته من شويه وقاله..
عماد
في ايه، وايه اللي جابك ورايا؟..
زكريا
جهاد ما جاتش عندك واياااك تكون عندك وما تقوليش؟..
عماد بقلق
لا والله ما جاتش عندي حتي ادخل دور عليها بنفسك، جهاد فين يا زكريا؟..
زكريا بغضب
مش عارف سابت البيت ومشيت..
عماد
طيب كلمها ولا استني انا هكلمها..
زكريا
موبيلها بايظ ولسه ما جيبتلهاش واحد جديد..
عماد
ممكن تكون في بيت الست اللي اسمها نورا...
زكريا
وهي هتروح هناك ازاي؟..
عماد
ما هو الست دي كتبت البيت بتاعها القديم والبيت اللي هنا ده بأسم جهاد قبل ما يحصلها اللي حصل بيوم واحد..
زكريا
طيب خليك انت هنا وانا هروح اشوفها ولو لقيتها هوصلها البيت وانت تجهز عشان هاجي اخدك بعد المغرب وهنروح للدكتور صاحب المصحه اللي هتتعالج فيها..
عماد بهدوء
المهم بس طمني عليها..
زكريا
حاضر..
_ ومشي زكريا فعلا وراح لبيت نورا القديم واول ما وصل خبط علي الباب اكتر من مره بس ما جالوش رد، فقال بعصبيه..
زكريا
افتحي يا جهاد صاحب البيت قالي انك جوه..
_سمع صوت خطواتها من ورا الباب فسكت لحد ما جات وفتحت الباب وكان شكلها خايفه منه بجد.، فدخل هو وقفل الباب بهدوء وقالها..
زكريا
ليه بتعملي كده؟..
جهاد
انا مرتاحه هنا ومش همشي..
زكريا
تبقي عبيطه لو فكراني هسيبك. تقعدي لوحدك هنا..
جهاد بدموع
انا تعبت منكم كلكم ومش عايزه اقعد مع حد ولا عايزه حد ليه دعوه بيا بعد. كده..
زكريا
ليه طيب لو عشان زعلتك انا اسف حقك عليا كنت متعصب وقولت كلام كله غلط مش صح..
جهاد بدموع
بس قولته واخوايا قال برضو واختي انتحرت بسببي وعماد بقي مدمن بسببي ومجدي وصل للحاله دي بسببي وانت دخلت في مشاكل كبيره بسببي وباباك تعبان وفي المستشفي بسببي وطنط نورا ماتت بسببي كل حاجه وحشه حصلت كانت بسببي انا انتو معاكم حق..
زكريا
والله ما حصل انتي لو سبب في حاجه فالحاجه دي انك غيرتيني انا واخوكي للاحسن خلتيني اسامح اخويا من غير ما تتكلمي معايا علمتيني حاجات كتير حلوه ببراءتك وطيبتك واحنا اللي كنا وحشين معاكي وظلمناكي واحنا اللي كنا السبب في كل حاجه وحشه حصلتلك..
مسحت دموعها وراحت قعدت علي الكنبه وهي ساكته، ابتسم هو. بهدوء وراح قعد جنبيها وقال بهدوء..
زكريا
والله العظيم ما اقدرش اتخيل حياتي من غيرك،ومش بكون مرتاح غير وانتي مبسوطه وبتتعاملي معايا من غير النكد ده...
جهاد بحزن
علي اساس ان انا بزعل لوحدي ما هو كلامك وتصرفاتكم دي هي اللي بتزعلني..
زكريا
لا ولسه في كتير هنتخانق ونشد شعر بعض ونتصالح عادي مش كل حاجه تحصل بينا تقولي عايزه اطلق وخصوصا لما اكون متعصب..
جهاد
هتعمل ايه وانت متعصب هتطلقني؟!..
زكريا
لا طبعا هرزعك بالقلم علي وشك او شلوت انتي ونصيبك..
ابتسمت بهدوء وهو حضنها بهدوء وقال
عارفه لو فكرتي تسبيني تاني هنفخك..
جهاد بتوتر
هو انت خوفت عليا يعني لما مشيت؟..
زكريا
لا خالص حتي ما جيتش علي ملي وشي لحد هنا وكنت هعمل اكتر من حادثه وانا سايق بسرعه..
جهاد بدموع
مجدي قالي ان شيماء انتحرت، وهو كمان هياخد. حكم كبير..
زكريا بضيق
ده كان هيموت ابويا وهيموتك ولو ما كانش اتقبض عليه انا كنت هشرب من دمه..
جهاد بقلق
لا انت مش هتعمله حاجه حتي لو طلع من السجن، الا اخواتي يا زكريا مهما عملو..
زكريا
اطمني يا اختي مش هيطلع من السجن عشان وجوده بره السجن عاملي ازعاج وانا مش بحب الازعاج..
_ ادايقت جهاد من طريقة كلامه علي مجدي، فقال هو بسخريه...
زكريا
انتي عبيطه يا جهاد لسه بتتقمصي عليه بعد كل اللي عملوو..
جهاد بدموع
لانه اخويا ومهما حصل منه وزعلت منه مش هتحمل ان سيرته تيجي بحاجه وحشه وما ادايقش، اصلا يمكن لولا الظروف اللي اتحط فيها ولو بابا كان قربنا من بعض كان بقي بيحبني زي ما كان بيحب شيماء صح؟..
زكريا بحزن لحالتها
كفايه ان انا بحبك وبعدين هو انا قليل ده انا زكريا المنشاوي..
ضحكت. بهدوء وهو سألها
هو انتي حامل في الشهر الكام صح؟..
جهاد
السابع في اوله..
زكريا بحماس
يعني فاضل شهرين بس مش باين عليكي..
جهاد
مهو باباك قالي اني عشان حامل في ولد بطني مبتبقاااش كبيره علي عكس لو كنت حامل في بنت..
ابتسم زكريا وقال
والله انا بقيت اشك في ابويا انه هو اللي كان حامل مش امي..
ضحكت جهاد بهدوء وقالت
هههههه لا كل الحكاية ان باباك ليه جتت اهتمام مميزه مش ممل ولا يخنقك بالعكس تحب اهتمامه اووي..
زكريا
يا بخته ابويا بالحب ده كله..
اتوترت جهاد وقالت
طيب انا عايزه اباات هنا النهارده..
زكريا بخبث
تمام. نبات هنا النهارده حلو برضو البيت هنا...
جهاد
لوحدي يا زكريا..
زكريا
هاا بتقولي حاجه؟..
جهاد
ايوه بقول انا عايزه ابات هنا لوحدي عايوه اكون مع نفسي شويه..
زكريا
خلاص هقعد والله ومش هعمل دوشه..
جهاد
لا امشي..
وقف قدامها وقال
لا مش همشي وما فيش حاجه اسمها هقعد لوحدي واقعد مع نفسي ومكان ما تكوني موجوده هكون معاكي..
جهاد بسخريه
يعني زكريا المنشاوي هيقعد في البيت البسيط ده ومش هيدايق؟..
قربها ليه وقال
ادايق ازاي ومراتي حبيبتي معايا، المكان حلو بالناس يا جهاد..
ردت عليه وهي بتحاول تبعد عنه
طيب انزل هاتلي اكل عشان جعااانه..
زكريا
هنزل اجيب حاجات ونطبخ سوا مش هاكل تاني حاجه من بره غير للضروره اتفقنا..
جهاد
كان نفسي افضل زعلانه منك يومين تلاته علي الاقل..
ضحك بهدوء وقال
هههههه مستحيل وان شاء الله ما فيش زعل تاني يا ام أوآب..
ــــــــــ #بقلم_الكاتبه_رحاب_القاضي ــــــــ
_ وفي بيت فيروز كان قااعد معاهم عز الدين وهما بيفطرو وقال لفيروز بصوت واطي..
عز
هو مال ابوكي بيزغرلي كده ليه انا مش عارف حتي ابلع اللقمه..
فيروز
تاخد مايه طيب..
عز
لا اديها لابوكي يمكن يبلعني بدل ما انا حاسس اني واقف في زوره كده..
جمال
ما تفطر ولا تكون مكسوف يا عز بيه..
عز
اتكسف وانا في بيتي يا بابا..
جمال
بابا؟!..
عز
اومال مش انت ابو مراتي تبقي بابا انا كمان يا بابا..
جمال بغيظ
يا شيخ جاتك بووو..
عز
بتقول حاجه يا بابا؟..
جمال بحده
بقول انها لسه ما بقتش مراتك..
عز.
ما احنا اتفقنا اننا هنتجوز الخميس الجاي..
مها بسعاده
بجد يا ولاد فرحتوني اووي والله..
فادي
حلو اووي عشان الحق احضر فرحكم قبل ما اسافر..
جمال بحده
في ايه منك ليها هو سلق بيض مش في اصول للكلام ده والمفروض تاخدو رأيي..
فيروز بقلق من عصبية باباها اللي اول موه تشوفها
اهدي يا بابا احنا والله قولنا كده بس القرار في الاول والاخر ليك..
اتنهد عز بضيق وساب الاكل وجمال قاله
وانت طبعا اللي اقنعتها تقدمو موضوع الجواز مش كده؟..
عز بجمود
ايوه انا واظن ما فيش حاجه تعطلنا لسنه قدام..
مها
معاه حق وبدل ما يفضلو سنه داخلين طالعين والناس تمسك سيرتنا فخير البر عاجله..
جمال بحده
وانت ناوي بقي تعمل ايه بعد الجواز؟..
عز
طيب حد يفهمني قصده عشان دماغي راحت في حته عيب..
جمال بحده
هتتجوزها زي ما قولت في الاول فتره ولا ناوي علي ايه، عشان موضوع حبيتها والكلام الفارغ ده مش مقتنع بيه..
عزالدين بثقه
تبقي دي مشكله عند حضرتك في الثقه مش عندي، بس انا بحب فيروز وعايز اتجوزها واكمل معاها باقي حياتي ومستعد دلوقتي اديك الدليل اللي تطلبه واللي تؤمر بيه هنفذها لانها تستاهل اتعب عشان اوصلها..
مها
ما تكبرش الموضوع يا جمال، خلينا بقي نفرح والولاد يفرحو..
عزالدين بصوت واطي لفيروز
مال امك عماله تقول الولاد الولاد محسياني اننا لسه عيال اشحال ان ما كناش انا وانتي معديين التلاتين..
ما ردتش عليه فيروز وقالت لباباها بحزن
ممكن ما تزعلش يا بابا واللي حضرتك عايزه انا هعمله والله..
ادايق عز لان جمال باين عليه الرفض الشديد لموضوع جوازه، وقاام جمال وقف وقال بضيق..
جمال
اللي جنبك دي روحي وعمري كله فبيني وبينك ربنا لو مش هتقدر تسعدها وتحافظ عليها سيبها من دلوقتي..
وقف عز قدامه وقال
يوم الخميس الفرح وثق فيا يا بابا ان فيروز هتبقي ملكه في حياتي...
مها بسعاده
طيب انا هروح اجيب حلويات واوزعها علي العماره واعرف الكل ان بنتي خلاص هتتجوز..
عز بحمااس
استني يا طنط هاجي اوزع معاكي..
فادي
وانا كمان جاي معاكم..
وطلعو كلهم معادا فيروز اللي قربت من باباها وقالت بدموع..
فيروز
ممكن تطمن عز كويس جدا وبيحبني وانا عايزه اتجوزو..
حضنها جمال ونزلت دموعه وقال
ياريت يبقي احساسي غلط، ويمكن انا مكبر الموصوع بس انتي غاليه عندي اووي وفكرة ان حد هيجي يخدم مني مخوفااني، انتي تعبتي معانا ومع امك واخوكي ومش عايزك تتعبي اكتر من كده..
فيروز
اطمن يا حبيبي وربنا ان شاء الله ما يجيب تعب...
ــــــــــ #بقلم_الكاتبه_رحاب_القاضي ــــــــ
_ وفي بيت جميله كانت ايتن نايمه لما مروان رن عليها، فقامت بهدوء وردت عليه..
ايتن
خير علي الصبح..
مروان
حقك طبعا انا اصحي من الساعه 6 الصبح ويطلع عيني في الشغل عشانك وانتي نايمه..
ايتن ابتسمت وقالت
لا انت بتعمل عشانك انت وعشان انت اللي عايزني اكون معاك..
مروان
ما فرقتش كتير المهم انا لقيت شغل تاني..
ايتن
شغل تاني فين وليه اصلا تشتغل حاجتين كده هتتعب اووي..
مروان
ما هو الشغل هنا مع بابا مش هيكفي الطلبات اللي هنحتاجها عشان نتجوز وعمار بيه المنشاوي بطل يديني اي فلوس فانا هخلي شغلي معاه للينا وللجواز والشغل التاني ده هوفر منه مصاريفي..
ايتن
طيب تمام بس هو ايه الشغل التاني ده؟..
مروان
عارفه يونس الصاوي جوز صاحبة جميله ده؟..
ايتن
ايوه ايوه عرفااه ماله؟..
مروان
عنده توكيل عربيات وخليت عزالدين يتوسطلي عنده وهشتغل هناك..
ايتن
طيب والجامعه؟..
مروان
هأجلها السنه دي لاني هخلص شغل في الشركه الساعه 5 وبعدين هروح التوكيل واخلص 12 وهرجع انام عشان اصحي بدري للشركه فأكيد طبعا مش هقدر اروح الجامعه في الضغط ده..
ايتن بحزن
انا بجد اسفه يا مروان..
ايتسم ورد عليها
والله دلوقتي اسفه، بس انتي معاكي حق انا بعل كل ده وانا مرتاح واللي مهون عليا التعب ده كله اني في الاخر هنكون مع بعض..
ايتن
طيب بص انا كمان مش هدخل الجامعه السنه دي و..
قاطعها وقال بجديه
لا طبعا ده انتي لازم تدخلي عشان تقدري تعرفي حاجات كتير عن شغلك في شركة باباكي وتلخقي جميله قبل ما تخربها..
ضحكت بهدوء وقالت
بس انت صعباان عليا يعني هتضيع سنه كامله من عمرك في تعب..
مروان
مش هتضيع علي الفاضي انا هشتغل في الشركه وهعرف حاجات كتير عن الشغل وكمان شغلي في التوكيل هيخليني استفاد حاجات كتير في مجال دارستي السنه الجايه...
ايتن
طيب وانا يعني هنتكلم امتي برضو ولا هتنساني وسط الدوشه دي..
مروان
هو انا اقدر في فرق ساعه بين الشغلين هنتقابل فيها كل يوم...
ايتن
ساعه واحده بس علي العموم مااشي، فطرت ولا لسه..
قبل ما يرد عليها دخل عمار عنده فمروان قال بسرعه
خلاص يا استاذ اسمك ايه انت هشوف الموضوع ده واقولك..
قفل مروان بسرعه وقال
خير يا عمار بيه حضرتك بنفسك هنا..
عمار قعد قدامه وقال بسخريه
اممم بتلف وتدور علي مين يا مروان ما انا عارف انك كنت بتكلمها..
مروان
والله هما كانو خمس دقايق وهقفل علي طول، بلاش خصم بقي زغلاوة ابنك عندك ده انا داخل علي مصاريف تهد جبل..
ابتسم عمار ورد عليه
عرفت انك هتشتغل في التوكيل بتاع يونس الصاوي..
مروان
انا كنت هقولك طبعا بس استنيت اظبط الدنيا هناك وتبقي حاجه مني لنفسي من غير اي مساعده من حضرتك..
عمار
كنت ديما قلقان من حتت انك تبقي متدلع او تعمل زي عمك من غير ما تفهم حاجه تبعد عني، بس دلوقتي لما عرفت من عز انك بتظبط في شغل من ورايا عشان تقدر توفر مصاريف جوازك اتأكدت ان انا ربيت راجل وقت ما هقع هلاقيه في ضهري..
مروان
لا لا انت فاهم غلط انت جامد وكده بيك انت، انما انا من غيرك ولا حاجه حرفياً، بس اتشطر انت بس وهاتلي اخ كده يساعدني...
عمار قام وقال بهدوء
اخ واحد هجيبلك عشره ان شاء الله وانت ربيهم بقي.. علي العموم كمل شغلك وانا هروح لجميله عشان نشوف هتغير ايه في البيت وكده..
مروان
لو فيها رزاله يعني معلش ما حدش يقرب من اوضتي لحد ما اسيبهالكم وامشي..
عمار
والله هي لو طلبت تغيرهالك مش هقدر اقولها لا بيتها وهي حره فيه..
مروان بغيظ
من اولها كده بتبيع ابنك عشان. مراتك يا ابويا..
_ ضحك عمار وسابه وطلع ومروان كمل شغله..
ــــــــــ #بقلم_الكاتبه_رحاب_القاضي ــــــــ
_ وبعد كام يوم جه معاد فرح جميله وعمار، وفي بيت يونس الصاوي كانت شهد قاعده قدام المراية بتظبط في حجابها ويونس قالها بضيق...
يونس
هو مش المفروض جوزك تعبان يعني ما حدش هيلوم عليكي لو ما روحتيش؟..
شهد.
مش هينفع ما اروحش لجميله، وخليك في نفسك بقي هنا واللي انت بسببه في الحالن دي بيتجوز اهو وعامل فرح كبير جداً..
يونس
ومدام زعلانه اووي عليا ايه اللي مخليكي تروحي الفرح بقي؟..
شهد
قولتلك رايحه عشان صاحبتي، المهم الولاد هيقعدو مع طنط هناء انا هروح لوحدي..
يونس
هخلي يوسف يروح معاكي..
شهد
لا مش طيقااه بجد من لما اتجوز علي بطه الاكس بتاعتك فيروز وخطيبها هيعدو عليا وهروح معاهم..
يونس بضيق
شهد عيب اوووي الكلام ده هي دلوقتي مرات صاحبي والله ما كان في نيتي اي حاجه ليها غير مصالح الشغل..
شهد بضيق
طيب..
يونس وهو بيمسك دراعه بتعب
هو في ايه من لما رجعت من المستشفي وحاسك مش طيقاااني خالص ومش راضيه تتكلمي في ايه بالظبط ؟..
شهد
بقيت بستخدم طريقتك لما بدايق منك بسكت، وبعدين لما تبقي تخف هنبقي نتكلم واعاتبك ونشوف بقي هنعمل ايه؟..
يونس
اعتبريني خفيت هااا في ايه؟..
شهد
فيروز بترن عليا شكلهم وصلو تحت، خلي بالك من نفسك..
يونس
ما تتاخريش نص ساعه وتكوني هنا..
شهد بحده
هو ايه ده هروح اسلم عليها واجي ولا ايه، لا انا هقعد معاها لاخر الفرح..
يونس
طيب بالراحه طيب بتزعقي ليه؟..
شهد
عشان انت مستفز...
_ وسابته ومشيت وفي الوقت ده في الاوتيل كانت جميله واقفه قدام المرايا بفستان فرحها الجميل جداً عليها، وجات ايتن وحضنتها وقالت..
ايتن
احلي عروسه في الدنيا..
جميله بتوتر
شايفه ايدي بتترعش ازاي انا هتجلط النهارده..
ايتن
ليه هتتجوزي سفاح المترو يا حجه، طيب ده انتي القر عليكي اد كده النهارده عشان هتتجوزي عمار المنشاوي..
جميله بخوف
ما تقوليش اسمه قدامي كده بتوتر بجد، يالهوي انا خلاص كده اتجوزنا يعني كام ساعه كده وهنكون لوحدنا..
غمزتلها ايتن وقالت
ده ولاخر العمر كمان يامرات حمايا يا قمر انتي..
جميله بقلق
انا غلطانه ليه اوافق اتجوز بالسرعه دي..
دخلت فريده في الوقت ده وقالت
يلا يا جميله عشان خالك ااا ايه الحلاوه دي..
ابتسمت جميله بدموع وقالت
بجد يا ماما شكلي حلو، انتي اصلا اول مره تقوليلي ان انا حلوه..
حضنتها فريده وقالت ببكاء
انتي طول عمرك زي القمر واسم علي مسمي، وعلي قد فرحتي بيكي علي قد ما قلبي وجعني علي فراقك وانك. هتبعدي عني..
جميله بدموع وحزن
خلاص احنا فيها انا مش هتجوز واروح معاكي ولا اقولك الفرح حلو نحضره ونمشي مع بعض..
ضحكت فريده وايتن اللي قالت
انتي عايزه عمو عمار يولع فينا..
فريده
لا يا حبيبتي انتي هتفضلي مع جوزك وتسمعي كلامي ونعقل مش عايزه في يوم يجي يشتكيلي منك وتكوني غلطانه، بنات فريده لازم يكونو متربيين وبنات اصول مفهوم منك ليها..
ايتن
جميله تفهم لوحدها لما يبقي يجي دوري ابقي قوليلي..
فريده ابتسمت بدموع وقالت
يوم ما اتولدتي ابوكي قالي تفتكري يا فريده هعيش لحد اليوم اللي هجوزها فيه واسلمها لعريسها بنفسي..
ايتن بحده
مامااااا مش وقته يا حبيبتي بابا الله يرحمه وروحه اكيد معانا النهارده، بس احنا النهارده فرح وعايزين نفرح ونرقص ونهيص هااا بلاش نكد والنبي..
دخل خالهم في الوقت ده وقال
يا فريدت يلاا العريس بيستعجلني، بسم الله مشاء الله مين العروسه الحلوه دي؟..
جميله بسخريه
تخيل انا..
ضحكت فريده وقالت وهي بتمسح دموعها
يلا يا حبيبتي انزلي مع خالك عشان يوصلك لعريسك..
ابتسمت جميله بهدوء وقالت
حاضر يا اطيب واحسن ام في الدنيا كلها..
_مسكت جميله في ايد خالها ونزلو للقاعه وكان عمار واقف بهيبته وهيئته الوسيمه للغايه قدامهم، واول ما وقفت قدامه ابتسم بأتساع وسلم علي خالها وبعدين مسك ايدها وباسها قدام الكل وقال بهدوء..
عمار
بحبك يا جميله..
جميله بتوتر
تسلم ربنا يخليك خلينا نروح نقعد لحسن ركبي بتخبط في بعضها..
ضحك بهدوء وقال
يلا يا بنت المجنونه تحبي اشيلك..
جميله بقلق
اوعي تعمل كده انا اصلا بحاول ابقي تمام بالعافيه...
_ كتم ضحكته وراحو قعدو في المكان المخصص ليهم في القاعه وجميله بصت حواليها وقالت..
جميله
فين صاصا؟..
عمار
صاصا مين؟...
جميله بحده
والله انت ما حيبتوش طيب مش متجوزه انا كده كده بتلكك اصلا..
مسك ايدهت جامد وقال بغيظ
اسكتي اخرسي خالص قصدك الواد اللي بيغني ده جاي كمان شويه مروان اتفق معاه..
جميله ابتسمت بحماس وقالت
اهي دي الحاجه الوحيده اللي مفرحاااني النهارده..
عمار بنفاذ صبر
صبرني يااارب دي فرحانه بصاصا اكتر ما فرحانه بيا..
_ وقدامهم وسط المعازيم كانت جهاد قاعده مدايقه جداً وزكريا قعد. جنبيها وبصلها بأهتمام وقال..
زكريا
في ايه حد. زعلك في حاجه؟..
جهاد
لا انت سيبت الضيوف وجيت ليه؟..
زكريا
تعبت يا شيخه ده عازم مصر كلها، بس كلهم ناااس مهمه بصراحه..
جهاد
ربنا يتمملهم علي خير..
زكريا
مالك بقي في ايه؟..
جهاد بحزن
كلمت عماد عشان يجي معانا النهارده بس لقيت موبيله برضو مقفول، تفتكر ممكن تكون حصلتله حاجه؟..
زكريا
لا بعد. الشر هو كويس وسافر بره مصر في شغل كده ويغير جو..
جهاد بدموع
طيب ليه ما جاش يسلم عليا، وبعدين هو وعدني انه ممكن يتعالج..
زكريا
ممكن تسيبها لربنا وكل حاجه هتتعدل يا حبيبتي ان شاء الله، المهم ايه رئيك في الفرح..
جهاد
حلو جداً انا كان نفسي فرحي يبقي كده علي فكره..
_بصلها زكريا بحزن لانه اتجوزها بأوحش طريقه تتمناها اي بنت، مسك ايدها وقال بندم..
زكريا
انا اسف علي كل اللي حصل مني، واسف اني كنت سبب في حرمانك من اللحظه دي..
جهاد بهدوء
بس انت سبب برضو في فىحتي بالبيبي اللي في بطني، ولما هشيله بين ايديا هتبقي احلي فرحه في حياتي..
زكريا
وانتي احلي فرحه في حياتي يا جهاد، هروح اشوف الضيوف..
جهاد
زكريا جعانه..
زكريا
دلوقتي طيب شويه بس البوفيه هيفتح وهأكلك...
جهاد بخبث
خلاص خلينا انا وابنك جعانين لحد ما البوفيه يفتح..
زكريا
لا مش ناقص نكد هتصرف واجيبلك حاجه تاكليها..
_وفي مكان تاني جنبيهم كانت قاعده شهد مع فيروز وعز الدين اللي قالها..
عز
ما جيبتيش ليه يونس معاكي با مدام شهد؟..
شهد
هجيبه ازاي معايا هو لو كان كويس كان جه لوحده..
عزالدين
هو اللي زي جوزك ده بيأثر فيه حاجه ده قط بسبع ارواح...
شهد بغيظ
فيروز ما تسكتي خطيبك وخليه يسيب الراجل في حاله مش نااقص..
فيروز
اسكت يا عز لو سمحت، بقولك يا شهد جميله عماله تشاورلنا ما تجي نروح نشوفها في ايه؟..
شهد
اااه انتي عايزاني اقوم عشان ابان في الصور ويونس يكسر رقبتي..
ضحكت فيروز وقال
خلاص انا هروح اشوفها واجيلكم..
قامت فيروز وعز قال لشمد
بطلتني انتي برضو تروحي الترب وتفضلي تعيطي وتنوحي كنتي تيجي تنكدي عليا وتمشي كانت ايام ما بعلم بيها غير ربنا، هو يونس اتجوزك علي ايه ده انتي كنتي عباره عن نكد. متنقل..
قامت شهك وقالت بغيظ
لا انا هقوم من جنبك احسن انا وانت مش هينفع نقعد مع بعض اصلا..
عزالدين ببرود
احسن احسن خليها تخف..
شهد بغيظ
الله يعينك يا فيروز حبت فيك ايه الغبيه دي..
_ وعدي الفرح بشكل حلو اووي وجميله كانت مبسوطه جداً لحد ما كل الناس مشيت وكانت هي وعمار طالعين اوضتهم وهو وقف وقالها..
عمار
دقيقه واحده يا حبيبتي هشوف حاجه وجاي..
جميله بتوتر
براحتك..
_ مشي هو وهي فتحت موبيلها اللي اخدته من ايتن وكلمت شهد اللي ردت عليها وقالت..
شهد
ايه يا جميله في ايه؟..
جميله بخوف
انتو مشيتو ولا لسه؟..
شهد
لا بس اهو ماشين مال صوتك في ايه؟..
جميله بدموع
ادخلو الاوتيل بسرعه انتي وفيروز وتعالو عشان تاخدوني معاكم بسرعه..
شهد بقلق
ناخدك فين هو في اي وعمار جوزك فين اصلا؟..
جميله
بسرعه يا شهد اخلصي..
_قفلت معاها جميله وبعد دقيقتين بالظبط دخلت عندها فيروز وشهد وكانو قلقانين جداً..
جميله
يلا بسرعه خدوني معاكم..
فيروز
انتي عبيطه. يا بنتي ناخدك فين، وعمار بيه فين؟..
جميله
ما حدش يجيبلي سيرته ويلا بسرعه قبل يجي..
جه عمار من وراها وقال
يلا ايه وانتو ايه اللي جابكم تاني؟..
وقفت جميله بعيد عنه وقالت
هيرجعوني عند ماما..
عمار
نعم يا اختي هيرجعوكي فين؟..
جميله
عند ماما ودلوقتي حالا انا مش عايزه اتجوز خلاص..
شهد بغيظ
جميله اعقلي مش وقت كلامك ده، وبعدين انا لازم امشي انا سايبه جوزى تعبان وولادي واتاخرت...
جات تمشي بس جميله سحبتها جامد وقالت
لا استني والله مش هتمشو..
عمار بنبره غاضبه
في ايه يا جميله ما تتظبطي كده؟..
جميله بخوف
شايفين بيعاملني ازاي انا عايزه اطلق..
جه في الوقت ده عزالدين وقال
ايه يا عريس طلاق بالسرعه دي انت عنلت ايييه يا عريييس الله يكسفك...
بصله عمار بغيظ وقال
اخرس تعرف تخرس خالص انت كمان...
وقال لجميله بنفس نبرته
وانتي انا مش هقول تاني يلا قدامي..
جميله بقلق
لا مش هروح معاك وهكلم ماما تيجي تاخدني..
عمار بنفاذ صبر
هو انا لسه هتحايل عليكي يا سته سنتي انتي..
_ وقرب منها وشالها بين ايديه بسرعه وجات تتكلم وتعترض علي اللي بيعمله بس هو بصلها بغضب وقال..
عمار
ولا كلمه يا جميله احسنلك...
_ وشاور للعامل يفتحله الاسانسير واخدها وطلعو جناحهم وشهد وفيروز وعزالدين كانو بيضحكو عليهم، واول ما وصلو الجناح بتاعهم نزلها وقفل الباب وهي بعدت عنه بسرعه وقالت بدموع..
جميله
والله العظيم لو قربتلي لهرمي نفسي من فوق..
_قلع جاكيت بدلته والجرافيته بتاعته ورماهم علي السرير وقعد علي الكنبه وقال بهدوء...
عمار
في ايه ما احنا كنا كويسين...
جميله بتوتر وخوف
لا ما هو انا لقيتني اتدبست فجأه كده فلا لا لا مش عايزه..
عمار بغيظ
هو لعب عيال ولا بمزاج امك..
عيطت جميله وبدأت تتنفض بخوف وهو قال بهدوء
تعالي يا جميله اقعدي جنبي..
جميله بقلق
لا..
عمار بضيق
طيب ادخلي غيري هدومك واهدي وبعدين نتكلم..
جميله
لا برضو..
عمار بحده
وبعدين يا جميله في ايه؟..
جميله ببكاء وخوف
انت بتزعقلي ليه طيب انا عايزه اروح لماما دلوقتي حالاً بس..
عمار حط ايديه الاتنين علي وشه وقال
يا رب صبرني ياااارب عشان ما اقومش اقتلها دلوقتي، يا بنتي هو انا عملتلك حاجه اصلا عشان تخافي مني كده..
جميله بقلق
ما انت هتعمل..
عمار بهدوء
ايوه بس برضاكي مش غصب عنك...
جميله بتوتر
ما هو انت خليت كل حاجه بسرعه وانا لسه مستوعبه دلوقتي اني خلاص اتجوزتك بسرعه ومالحقتش اتعود عليك..
عمار بسخريه
بقي كل اللي عدينا بيه ده وتقوليلي لسه ما اتعودتش عليك، ادخلي يا جميله غيري هدومك واطمني اما مش هعملك حاجه..
جميله بقلق
طيب احلف..
عمار بأنفعال
احلف علي ايه يا بت انتي عبيطه، قال وانا اللي فاكر انها كانت هتبقي ليله رومانسيه من الاخر بلا فقر..
جميله بدموع
بقي انا فقر يا عمار..
عمار
لا انا اللي فقر والله اهدي يا حبيبتي يلا وادخلي غيري هدومك وانا مستنيكي هنا اهو وهنتكلم وهنعمل كل اللي انتي عايزااه وما تقلقيش بكره الصبح انا بنفسي هوديكي لامك تتصرف معاكي..
_ اخدت جميله هدومها ودخلت الحمام، وهو غير هدومه وفضل واقف في البلكونه مستنيها تخرج وفعلا بعد شويه خرجت وهي بتحاول تقفل الروب بتاعها علي قد ما تقدر ابتسم هو بهدوء وقالها..
عمار
تعالي اقفي معايا في البلكونه هنا شويه الجو حلو اووي..
قربت منه وهو بسرعه مسك ايدها وقربها ليه وقال
خليكي هنا جنبي عشان ما حدش يشوفك..
جميله بتوتر
هو انت زعلان مني؟..
عمار
لا طبعا بالعكس مقدر خوفك وحقك عليا عشان كل حاجه جات بسرعه كده..
وابتسم بأساع وتابع كلامه
فاكره اول مره شوفتك فيها يوم الاجتماع اللي كان في مدرسة مروان وايتن...
ضحكت جميله بهدوء وقالت
ايوه فاكره وقتها كنت قااعده بسمع اغااني وانت كسفتني قدام النااس كلها لما قولتلي الحقي بيكلموكي وطلع في الاخر ما فيش حد بيكلمني..
عمار
قولتلك قبل كده اني فضلت اليوم كله بفكر فيكي وكملت لما اتقابلنا في المطعم وبعدين اشتغلتي عندي، كنت شايفك حاجه مستحيله بس كنت بدعي ديما تبقي ليا ما كنتش اعرف ان اللي بدعي بيه هو نصيبي اصلا..
جميله بتوتر
وانا كمان يعني..
ضحك عمار بصوت عالي وقالها
يعني انا اعمل ايه عشان التوتر ده تمشي..
جميله
اطلع بره وسيبني اقعد لوحدي وانا هبقي تمام..
عمار بخبث
لا من النهارده ما فيش حاجه اسمها اقعد لوحدي، بعد كده كل حاجه هتكون معايا انا وبس...
ــــــــــ #بقلم_الكاتبه_رحاب_القاضي ــــــــ
_وفي بيت يونس اول ما رجعت شهد. لقيته قااعد علي الكنبه في اوضتهم فقالتله...
شهد
انت ازاي قومت الدكتور قال ما ينفعش تتحرك والا وضع دراعك هيسوء..
يونس بحده
زهقت من النومه وانا قاعد مستني الهانم ترجع..
شهد ببرود
ما كانش في داهي تستاني..
يونس بنفس نبرته
هو في ايه بالظبط وبلاش ام الطريقه دي معايا يا شهد لو كنتي عايزه تروحي العرض بتاعك وتعملي اللي عايزااه كنتي روحتي انا ما ضرلتكيش علي ايدك وقولتلك اختاريني..
شهد بدموع
هو انا لو ما كنتش اختارتك انت كنت مثلا هتسكت، لاا انت كنت هتحاول تاخد ولادي مني وكنت هتطلقني وتبدأ تدور علي حاجه تحرق دمي بيها..
ونزلت دموعها وقالت
وكنت هتكلم مااجي وتطلب منها تخربلي شغلي عشان اتفضح مش كده، انت عملت كده صح؟..
يونس بتوتر
ايوه بس لما جيتي واعتذرتي انا قولتلها توقف كل اللي اتفقت عليه معاها..
شهد بحزن
ازاي قدرت تفكر في حاجه زي دي، ازاي جالك قلب تعمل فيا كده حتي لو ما حصلش بس انت فكرت تكسرني والله واعلم بمكن بعد كده تعملها بجد...
يونس بقلق
لا طبعا بس انتي وقتها عصبتيني يا شهد..
شهد ببكاء
لو لمره واحده حسسني اني بتنازل عشانك وانت تستاهل اني اعمل كده عشانك، لسه كل مره بتحسسني اني غبيه وابقي عايزه اضرب نفسي مليون جزمه عشان اختارتك علي حساب حاجات تانيه بحبها وعلي حساب كرامتي..
يونس بضيق
اهو اللي حصل يا شهد نعديه خلاص ونبدأ من جديد...
شهد بجمود
مش هكمل مع واحد ما بيحبنيش حاولت اتحمل واكتم في نفسي لحد ما تخف بس والله ما قادؤره..
يونس بحزن
انتي شايفه اني ما بحبكيش يا شهد؟..
شهد بحده
ايوه انت ما حبيتش غير نور اللي صورتها لسه في موبيلك لحد دلوقتي وفاكرني مش عارفه بس كنت بعدي وبقول معلش العشره مش بتهون برضو، انت اتعودت علي وجودي معاك وجنبك وبس انما انت ولا مره حبيتني لا زمان ولا دلوقتي..
يونس
انتي عايزه ايه دلوقتي يا شهد، عايزه تسبيني وتطلعيني وحش، طيب انا بقولك اهو اني والله العظيم مش هقدر اعيش من غيرك ومحتاجلك اوي جنبي لاخر عمري..
شهد بدموع
الحكايه بتخلص خلاص وانا مش مستعده اكمل حياتي اللي جايه وانا بتحمل غلطاتك اللي كل مره بتزجعني وبتصدمني فيك، فياريت المره دي الحكايه تخلص واحنا كويسين وبطريقه كويسه..
يونس بحزن والم
لا لا مستحيل مش هتخلص كده، انا بقولك مش هتخلص كده احنا هنكمل مع بعض وانا مش هعمل حاجه تدايقك تاني..
شهد مسحت دموعها وقالت
وهي مش حكايتك لوحدك عشان تختار انت ايه اللي هيحصل، طلقني يا يونس المره دي خلصت بجد انا ما بقتش عارفه اثق فيك..
_ قالت كلامها ومشيت وهو حاول يقوم وراها عشان يوقفها بس ما قدرش يقوم بسبب الالم اللي حس بيه بسبب دراعه اللي اصابته كانت قويه اووي..
_ وليس كل النهايات سعيده يا رفاااق🙂💔
ــــــــــ #بقلم_الكاتبه_رحاب_القاضي ــــــــ
_ وفي بيت دارين، رجعت من فرح عماى وجميله واول ما دخلت البيت لقيت يوسف قااعد. مستنبها..
دارين
بسم الله الرحمن الرحيم مش تقولويا ابني انك جاااي..
يوسف بجمود
كنتي فين؟..
دارين قعدت قدامه وقالت
كنت مع بابي في فرح عمار المنشاوي بجد كان فرح جاااامد..
يوسف
ما قولتليش ليه؟..
دارين
انت عايز ايه يا يوسف عايز تعيش دور انك جوزي بجد ولا ايه؟...
قعد جنبيها يوسف وقال
ايوه وايه اللي يمنع طول الفتره دي هبقي جوزك زي ما انا عايز وانسي اي اتفاق بينا دلوقتي...
دارين بضيق
لا حرام كده بجد. انت بتظلم بطه اللي ضحت بحاجات كتير عشانك..
يوسف بجمود
ما يخصكيش لا هي ليها دعوه بيكي ولا انتي كمان وطول الفتره دي هنتعامل عادي جدا ويوم عندك ويوم عندها تمام..
_ قبل ما ترد عليه رنت عليه بطه فرد عليها قدام دارين وقال..
يوسف
ايوه يا بطه..
بطه
انت فين يا يوسف اتأخرت كده ليه؟..
يوسف
انا عند دارين بكره ان شاء الله هجيلك يا بطه..
بطه بصوت باين فيه الضيق
خلاص ماشي مع السلامه..
قفل مع بطه وقال لدارين
تمام كده بعملك اللي عايزااه اهو يبقي تسمعي كلامي وتنفذيه يا دارين..
ابتسمت دارين وقالت
تمام اللي عايزه يا يوسف..
_ وعند بطه كانت واقفه في البلكونه بتاعت شقتها من بعد ما قفل معاها يوسف ودموعها ما بطلتش نزول ودماغها بتصورلها حاجات كتير بتوجعها عن يوسف وهو مع دارين..
بصت للسمتء وقالت بحزن يكفي العالم
يااارب انا تعبت والله ومش قادره اتحمل...
_ تفتكرو بقي هيحصل ايه في البارت الجاي اللي هو الاخير؟...
ــــــــــــــــــــــــــــــــــــــــــــــــ
#بقلم_الكاتبه_رحاب_القاضي
