رواية لعبه القدر الفصل الخامس والثلاثون 35 والاخير بقلم يارا عبدالعزيز

 رواية لعبه القدر الفصل الخامس والثلاثون 35 والاخير بقلم يارا عبدالعزيز

الفصل الخامس و الثلاثون 

وداد بصدمه كبيره:- شجن ؟!!!!!!

شجن تبقى بنتي!!!!! طب ازاي ازاي يا غيث انتوا كل دا معيشيني في وهم ان بنتي ما..تت و هي لسه عايشه طب ليه يا غيث ليه حرام عليكوا 

غيث بدموع :- غصبن عني و الله يعمتي احنا عملنا كدا عشان نحميها من جدي و لما جدي ما...ت ابويا بعت عمي ماهر لمكان انا معرفهوش و انا فضلت مش عارف مكانها لحد اما هي ظهرت خوفت اقول اخسرها و اخسرك و انا مقدرش اعيش من غيرها و حطيت في دماغي الوعد اللي وعدته لابويا 

كمل و هو بيبص لشجن بتوسل و ندم :- خوفت اقولك انك جايه في الحرام... و انك مش بنت عمي ماهر خوفت اوجعك و اوجع نفسي لما تبعدي عني انا اسف 

راح عند شجن اللي كانت ملامحها باين عليها الصدمه حسيت انها في كابوس و بتحاول تفوق منه 

بس دا حقيقة طب ازاي 

غيث مسك ايديها و اتكلم بتوسل و الدموع في عينيه:- انا اسف عارف اني غلطان بس و الله خوفت عليكي من كل حاجه و مكنتش عمري اتوقع ان عاصم هيوصل بيه الانتقام لكل اللي هو عامله 

شجن بعدت ايديها عنه بغضب و راحت عند ماهر و اتكلمت ببكاء:- بابا هم بيهزروا صح انا بنتك انت 

ماهر بصلها بأسف و كان ساكت كملت شجن بصوت عالي و بكاء :- يا بابا رد عليا قولي انه بيكذب.. و انا هصدقك 

عاصم ساب ياسين و راح عندها و حاول ياخدها في حضنه ، شجن بعدت عنه بغضب مفرط و بكاء :- ابعد عنييي ابعد عني انت بنتك ما..تت انا مستحيل اكون بنتك انا بنت ماهر و بس 

وداد بدموع :- بس دي الحقيقه يا شجن انتي بنتي انا و عاصم 

شجن بغضب و بكاء :- انتوا كلكم دمرتوني.. انتي و هو جبتوني في الحرام.. و خلتوني وصمـ..ت عا..ر على العيله و البيه اللي المفروض جوزي و ابو ابني بعدني عن اهلي بدون اي رحمه كلكوا دمرتوني انا بكرهكوا كلكوا و مش عايزة ابقى معاكوا حرام عليكوا 

كملت و هي بتروح عند غيث و بتـ..ضربه بايديها على صدره :- ليه يا غيث ليه ليه كل اما بحاول اديك فرصه عشان بحبك اكتشف انك انت سبب حزني... ليه يا غيث انا عملتلك ايه عشان تأذ..يني كدا 

مسك ايديها و خدها في حضنها ، حاولت تبعد عنه بس كان مسكها بقوه لحد اما استسلمت و حطيت راسها على صدره.. و فضلت تعيط بقوه و هي بتعلن بالحركه دي انه مهما عمل فيه عمرها ما هتلاقي الامان غير في حضـ..نه 

غيث بهمس :- اهدي 

وداد بصيت لحاله شجن بحزن ، كان نفسها تاخدها في حضنها اد ايه حسيت بيها و حسيت ان فيه حاجه غريبه بتربطها بيها من ساعه ما شافتها حبيتها من كل قلبها و اعتبرتها زي بنتها و هي في الاساس متعرفيش انها بنت بطنها اد ايه الدنيا دي صغيره و متسويش 

شجن بعدت عن غيث و قعدت على كرسي السفره و هي ضايعه نفسها يكون دا كابوس و تفوق منه 

عاصم بص لحاله شجن و اد ايه هو عاني من سنين و هو بياخد حق بنته ، معقول كنت باخد حق بنتي من بنتي نفسها بدل ما اكون سند ليها كنت اللي بأذ..يها ، بص لغيث بغضب مفرط و هو بيحط كل السبب عليه ، صو..ب مسـ..دسه ناحيته و أطلق منه طلـ..قه على غيث 

لحظه سكوت مليت المكان ، الكل بص لمصدر الطـ..لقه اللي خدها غيث و بمجرد ما خد...ها وقع على الأرض 

شجن بصتله برعب و حسيت ان قلبها وقف و كأنها هي اللي خديت الرصاصه مش هو 

نزلت لمستواه و لمسته برعب 

غيث بتعب مفرط و هو بينهج بصلها بكل معاني الحب :- سامحيني ارجوكي سامحيني و خدي بالك من نفسك و من ياسين و اللي في بطنك اوعي تكرهيني يا شجن انا بحبك 

قال كلامه و غمض عينيها 

شجن بصتله بخوف شديد و اتكلمت بلهفه الم.. و بكاء  :- غيثثثث غيثثثث غيث متسبنيش يا غيث قوم 

كملت و هي بتعلي صوتها اللي جاب لنهايه القصر:- حد يطلب الإسعاف يا غيث قوم 

وقتها دخلت الشرطة و قبضوا على عاصم اللي كان بيتكلم بدموع و هو بيبص لشجن 

عاصم:- سامحيني يا شجن انا مكنتش اعرف انك بنتي و كل اللي عاملته كان عشانك 

شجن مكنتش مركزه معاه و كانت مع غيث اللي بين ايديها و ضربات قلبه شبه بتقف 

احمد خده بمساعده شجن و الكل و حطه في عربيته 

شجن ركبت معاه العربيه من ورا و هي حاطه دماغ غيث على رجليها و بتكتم النـ..زيف و احمد كان سايق بسرعه جنونيه و هنا جانبه في الكرسي اللي قدام 

و في العربيه التانيه كانت وداد و واخده ياسين اللي كان مرعوب في حضنها 

ياسين بخوف شديد و هو بيترعش و دموعه في عينيه :- بابا بابا هيمـ..وت

وداد ببكاء:- بعد الشر عليها يحبيبى هيقوم بالسلامة و هيبقى كويس متخافش 

وصل احمد المستشفى في رقم قياسي خرجوا ترولي على باب المستشفى و خدوا غيث عليه و دخلوا بيه غرفه العمليات 

الكل كان وقف مرعوب و قلوبهم كانت هتقف من الخوف ، شجن سندت بضهرها على الحيطه و نزلت على الأرض و فضلت تعيط 

ياسين جري عليها و اتكلم بطفوله:- متخافيش يا ماما تيته وداد قالتلي ان بابا هيبقى كويس 

شجن حضنته و فضلت تعيط بأنهيار:- يا رب عشان ولاده يا رب و عشاني انا مش هقدر اعيش من غيره 

خرجت الممرضه ، كلهم جريوا عليها 

احمد بخوف شديد:- غيث كويس 

الممرضه بحزن:- الحاله خطيره لان الرصاصة جت قريبه من القلب و قلبه وقف كذا مره و انعشنه ادعوله 

شجن وقتها انهارت و سابتهم و مشيت ، دخلت الحمام و اتوضيت و دخلت غرفه من غرف المستشفى و بدأت تصلي و هي بتدعي ربنا انه يشفيه و بتبكي بقوه 

قعدت تقرأ قرآن و تذكر الله و تدعي 

خرجت من الاوضه و راحت عندهم ، كان الكل في حاله حزن احمد اللي واقف و دموعه في عينيه و هنا واقفه جانبه بتبص لحالته بحزن و رنا اللي كانت بتعيط في حضن.. سيف اللي كان بنفس رعب و حاله احمد و ياسين اللي كان بيعيط و بيسأل وداد على شجن 

و وداد كانت حابسه دموعها بالعافيه عشان تبقى اقوى عشان ولاد اخوها و حفيدها بس هي من جواها كانت مرعوبه على غيث اللي كان بمثابه ابن ليها 

بصيت لشجن و هي نفسها تسمع منها كلمه ماما و تطبطب عليها ، شجن بصيت لياسين و خدته من وداد 

مروا ست ساعات و الجميع في حاله لا يحسدوا عليها 

خرج طارق من غرفه العمليات و اتكلم بحزن شديد:-  ادعوله احنا عملنا كل اللي علينا 

كمل و هو بيبص لشجن :- غيث رافض انه يساعدنا مستسلم للمـ...وت بطريقه مش طبيعيه و كأنه مش عايز يعيش و لا حتى يفتح عينيه للاسف لو فضل كدا هيدخل في غيبوبه أو يمـ..وت 

شجن ببكاء :- اعمل اي حاجه يا طارق ارجوك 

طارق :- و الله بنعمل اقصى حاجه عندنا ادعوله كتير 

طارق قال كلامه و مشي من قدامهم و الكل كان مرعوب على غيث و كل واحد بيفتكر لحظاته معاه و بيدعي ربنا انه يعيش و يبقى كويس 

احمد و سيف في الوقت دا ادركوا انهم عمرهم ما كرهوا غيث و انهم بيحبوه اكتر من روحهم و وداد اتمنت انه يفوق و هي هتنسى كل حاجه المهم عندها هو 

مر اسبوع و الحال زي. ما هو 

شجن دخلت الاوضه بدون علم اي حد لان الزياره كانت ممنوعه ، بصتله بحزن كبير و دموع لما لاقته متركب على الاجهزه ، بصيت لضربات قلبه على الجهاز ، قعدت جانبه على السرير و حطيت راسها على قلبه و هي بتسمع دقاته اللي كانت شبه بتقف اتكلمت بهدوء و دموع و هي بتمسك ايديه 

:- طب خدني معاك لو مش عايز تعيش خدني معاك انا ليا مين اغيرك عايز تسبني و تمشي زي ما عملت زمان و انا صغيره طب وقتها كنت صغيره و مكنش رابطني بيك اي حاجه لكن دلوقتي بعد ما بقيت كل حياتي عايز تسبني و تسيب ياسين دا ملحقش يحس بوجودك طب و اللي في بطني يا غيث عايزاه يجي يلاقي نفسه من غير اب هتسبنا لمين يا غيث 

كملت و هي بتعلي صوتها اكتر و بتنهار:- هتسبنا لمين احنا ملناش غيرك قوم يا غيث ارجوك انا مش هعرف اخاد بالي منهم لوحدي قوم عشان انا من غيرك اضيع انا عارفه انك مش عايز تعيش عشان انت مفكر اني زعلانة منك و مش هقبل اعيش معاك بعد اللي حصل و الله العظيم سامحتك قوم بقى سامحتك و الله و ماما وداد كمان سامحتك هي خايفه عليك خالص قوم بقى كلنا عايزينك 

سكتت برعب لما الجهاز بدأ يصفر ، جريت بسرعه و فتحت باب الاوضه و هي بتنادي على الدكتور ، جيه الدكتور و معاه الممرضين و بدأ يعمله انعاش للقلب 

دخلوا كلهم الاوضه وقتها 

الممرضه بصوت عالي:- لو سمحتوا اطلعوا برا غلط على المريض 

طلعوا كلهم برا و شجن كانت رافضه بس وداد سحبتها بالعافيه ، فضلوا يبصوا عليه من الشباك الازاز اللي في الاوضه 

شجن فضلت تدعي ربنا ببكاء و هي حاسه ان قلبها هي اللي وقف ، رجعتلها روحها لما نبض غيث رجع 

اتنهدوا كلهم براحه كبيره 

الدكتور:- لو سمحتي يا هانم الزيارة ممنوعه 

قال كلامه و مشي من قدامهم و معاه الممرضين و سابوا ممرضه جنب غيث 

دخلت شجن الاوضه وقتها 

:- حضرتك ممنوع و الله 

شجن بدموع :- هفضل جانبه و مش هعمل صوت و الله ارجوكي 

اتنهدت الممرضه بقله حيله و شجن مسكت ايد غيث و قعدت على الارض و هي حاطه راسها على السرير و هي بتبصله لحد اما نامت مكانها 

في الصباح 

فاق غيث و بص لشجن اللي كانت نايمه و ابتسم ، مد ايديه بتعب و مسك ايديها ، فاقت شجن على ايديه اللي مسكت ايديها ، فتحت عينيها بسرعه و اتكلمت بفرحه كبيره 

:- غيث انت كويس 

بصلها و ابتسم و هو مش قادر يتكلم من التعب ، حاول يتكلم عشان يطمنها ، قاطعته شجن و هي بتتكلم بفرحه و خوف :- متقولش حاجه يحبيبى متتعبش نفسك انا هخرج انادي الدكتور 

جت تمشي مسك ايديها و اتكلم بصعوبه :- لو مسمحتنيش انا اللي همـ..وت نفسي انا كنت حاسس بيكي انبارح انتي قولتي انا سامحتك لو خرجتي برا حياتي انا بنفسي اللي هنهـ..يها يا شجن 

شجن جريت عليه و حضنته بكل قوتها و اتكلمت بدموع:- بعد الشر عليك و الله مسامحك و عمري ما هبعد عنك متجبش سيره المـ..وت تاني ارجوك انا مقدرش اعيش من غيرك هروح اجيب الدكتور يطمن عليك 

خرجت شجن و بلغتهم ان غيث فاق و جابت الدكتور 

طارق بفرحه:- الحمد لله النبض بدأ يرجع طبيعي حمد لله على سلامتك 

بصوله الجميع بفرحه كبيره ، طارق بص لرنا بحزن و خرج و رنا بصتله بأسف و احساس بالذ..نب 

غيث لاحظ عدم وجود سيف بص لرنا :- اوماال جوزك فين لدرجه دي بايعـ..ني

وقتها دخل سيف و اتكلم بأسف... :- حاسس اني مليش وش اشوفك بيه يا ابن عمي

غيث بأرهاق :- اديك قولت ابن عمك 

سيف بصله و ابتسم 

غيث و هو بيبص لوداد بأسف:- حقك تعملي فيا اللي انتي عايزاه بس بلاش تعاقبني ببعدك عني 

وداد :- سيب اللي حصل تمحيه الايام المهم عندي سلامتك احنا مرينا باسبوع من اسوء ايام حياتنا عرفنا فيه ان مفيش في الدنيا اهم من وجودك 

غيث بصلها بدموع اد ايه قلبك كبير يا عمتي انتي فعلا و نعمه الام 

شجن راحت عندها:- طب بما ان مفيش في الدنيا اهم من وجودنا في حياه بعض فانا عايزه اقولك انك فعلا امي بالمواقف قبل الد...م انتي كنتي احن عليا من اي حد 

وداد بصتلها بفرحه كبيره و خدتها في حضنها و الدموع في عينيها:- وحشتني اوي يبنتي وحشتني اوي

شجن بدموع :- تعرفي انا دلوقتي مبقتش يتيمه الام طلع عندي ام و احن ام في العالم كله بحبك اوي يا ماما 

وداد وقتها مقدرتش تتمالك نفسها فضلت تعيط بفرحه اد ايه كلمه ماما اللي انحرمت منها من سنين جميله اوي 

.............

مر تمن شهور و حب شجن و غيث بيزيد اكتر و اكتر و رنا اللي ابتديت حياتها مع سيف و نسيت كل اللي حصل منه و عايش معاه في سعاده و حب و علاقه وداد بشجن اتطورت جدا و بقوا قريبين جدا لبعض و طارق خطب دكتورة معاه في المستشفى و بدأ يحس بمشاعر ناحيتها و اتأكد انه مشاعره ناحيه رنا كانت مجرد اعجاب و عاصم اتحكم عليه بالاعـ..دام و سلمى اللي نسيت كل اللي غيث عامله لما عوضها بمكانة كويسه في الشركه عنده و ريهام اللي راحت عاشت مع خالتها في حاره صغيره و بقيت حالتها صعبه جدا بعد ما كنت عايشه مرفهه مع غيث و مريم اللي مكمله رحله علاجها و بفضل الله حالتها بتتحسن و اتغيرت ميه و تمانين درجه و بقيت قريبه من ربنا جدا و فضلت ورا شجن لحد اما سامحتها 

و هنا اللي اعترفت بحبها لاحمد و وافقت على جوازها منه 

و جيه معياد فرح احمد و هنا

كانوا عاملينه في قاعه فخمه جدا 

احمد و هنا كان بيرقصوا 

احمد بحب :- تعرفي انك جميله اوي 

هنا بصتله بخجل 

كمل احمد بحب :- فاكره اول يوم شوفتك فيه أو بمعنى اصح اول خناقه وقتها ضر..بتني بالطوبه فاكره 

هنا ببأبسامه:- ما انت اللي كنت سا..فل وقتها اعملك ايه يعني اوافق اجاي معاك زي ما انت كنت عايز 

احمد :- و تفتكري انا كنت ممكن اذيـ..كي

هنا :- انت وقتها مكنتش تعرفني و مكنتش حبتني 

احمد بحنيه :- تؤ تؤ انا حبيتك من اول نظره تعرفي ايه الدليل انك لما جيتي الشركه انا معملتلكيش حاجه لو كنتي مجرد بنت عاديه كنت علقـ..تك تعرفي يا هنا انك بجد غيرتي فيا كتير انا كنت قبلك ضايع معنديش هدف أو ماشي ورا الهدف الغلط لما انتي جيتي غيرتي كل حاجه خلتيني اعرف يعني ايه حب 

هنا وقتها حضنته.. و اتكلمت بحب :- بحبك 

حاوط خصرها.. بتملك و حب كبير 

هنا لاحظت عزه امها اللي دخلت القاعه ، اتكلمت بهمس و هي حاضنه.. احمد :- ماما 

هنا بصتلها بدموع احمد حسن بدموعها اللي نزلت على كتفه 

لفها الناحيه التانيه و خد باله من عزه ، كان لسه هيروحلها بس هنا وقفته:- لا يا احمد استنى لو سمحت ممكن نعقد 

احمد بخوف :- انتي كويسه 

هنا :- اه بس عايزه اقعد 

احمد:- ماشي يحبيبتى 

خدها و قعدوا في الكوشه ، جت عزه و قربت من هنا و اتكلمت بدموع :- حقك عليا انا عرفت كل حاجه توفيق خد فلوسي كلها خلاني اعمله توكيل و باع كل حاجه انا جايه هنا عشان اباركلك و اطلب منك تسامحني 

هنا بدموع :- مسامحكي يا ماما و محتاجكي 

..............

شجن كانت قاعدة جنب غيث و مره واحده مسكت ايديه 

شجن بالم..  :- غيث انا بولد اااه الحقني 

غيث شالها بخوف و طلع بيها على عربيته و وداد راحت وراهم 

شجن بالم... :- بسررعه يا غيث مش قادرة 

كملت و هي بتبص لوداد و بتعيط بالم.. :- انا بمـ..وت يا ماما 

وداد بخوف :- بعد الشر عليكي يحبيبتي هتبقي كويسه 

سرع غيث العربيه بخوف شديد و وصلوا المستشفى و دخلوا شجن غرفه العمليات 

كلهم طلعوا وراهم حتى احمد و هنا 

رنا :- انا خايفه اوي على شجن 

سيف و هو بياخدها في حضنه.. :- متخافيش يحبيبتى هتبقى كويسه 

خرجت الممرضه من غرفه العمليات و بصيت لغيث ببأبتسامه:- جالك بنت زي القمر 

غيث بفرحه ممزوج بخوفه على شجن :- طب و شجن

الممرضه:- زي الفل 

نقلوا شجن غرفه عاديه ، كلهم كانوا حواليها و غيث كان جانبها ، جابت الممرضه بنتهم و ادتها لشجن اللي مسكتها بحب :- جميله اوي 

غيث:- شبهك 

وداد:- هتسموها ايه 

غيث:- ملك ايه رأيك يحبيبتى 

شجن ببأبتسامه:- جميل اوي يحبيبى 

خرجوا كلهم عشان يسيبوهم لوحدهم ماعدا ياسين 

ياسين راح عندهم رفعوا غيث على السرير و قعد في نصهم و هو بيبص للبنت اللي في ايد شجن :- دي اختي 

شجن بحب :- ايوا يحبيبى 

هات ايديك كدا ، شجن حطيت ايد الرضيعه في ايد ياسين ، ياسين بصلها و ابتسم 

شجن :- خليكوا ديما مع بعض و خليك سند ليها 

ياسين بطفوله:- مش هخلي اي حد يزعلها وعد 

غيث بصله و ابتسم بحب و بعدين بص لشجن و اتكلم بكل. معاني الحب اللي بينتها عينيه قبل لسانه:- بحبكوا ربنا يديمكم ليا 

شجن و هي بتحط راسها على صدره.. :- و يديمك لينا يحبيبى 

#تمت

و بكدا انتهت روايتنا و انتهت قصه شجن و غيث بكل الصعاب اللي مروا بيها حبهم في الاخر انتصر و الخير انتصر على الشر و دي معلومه ان مهما اتظلمت و مهما حسيت ان خلاص حقك مش جايه متستسلمش عشان ربنا هياخد حقك حتى لو بعد حين هو. جاي جاي و مسير اي حزن ينتهي اتمنى تكون الروايه عاجبتكم و استمتعتم بيها و باذن الله دي مش هتكون اخر روايه و بتمنى زي ما دعمتوني في الروايه دي تدعموني في القادم و اللي لسه معملش متابعه للصفحة يعمل يلا عشان يوصله كل جديد هنزله 👇👇👇👇

بحبكم 🥰💚💚💚💚💚💚💚💚🥺

#لعبه_القدر

#بقلم_يارا_عبدالعزيز        

لمتابعة باقي الرواية زوروا قناتنا على التليجرام من هنا  

تعديل المقال