رواية قسوة ثم عوض الفصل الرابع 4 بقلم شروق حسام

 رواية قسوة ثم عوض الفصل الرابع 4 بقلم شروق حسام

الجزء الرابع

بعد 3 أسابيع 

صحيت هند من النوم بتعب وهي حاسة بأعراض إغماء وأنها عايزة تستفرغ 

هند بصدمة " مش مش معقول اكون حامل بالسرعة دي"

هند جريت بسرعة علي التويلت عشان تتأكد عن طريق إختبار الحمل

بعد شوية كانت باصة في الإختبار اللي طلع إيجابي وشدت في شعرها بقسوة "ازاااي ازاي بالسرعة دي كلها ااااااه ياربي امتي ارتاح بقي"

هند بجنون "لا لا أنا لازم اروح المستشفي اتاكد اكيد الاختبار ده نتيجته غلط اه اه غلط انا عارفة"

...................

في المستشفي

هند بأمل "ها يا دكتور باسم النتيجة ايه مش حامل صح"

باسم بحزن "مدام هند انتي حامل في الأسبوع الأول"

هند بأنفاس ثقيلة ودموع "انت متأكد اني حامل انا والله مش زعلانة بس كان نفسي ابني أو ابنتي يجوا في ظروف احسن و يكون ليهم اب كويس الحمد لله ياربي الحمد لله اللهم ارزقني الصبر "

باسم بحزن جواه لأنه عارف خالد صاحبه بيعمل في مراته ايه "هكتب لك علي شوية أدوية تنتظمي عليهم واهم حاجة الراحة ثم الراحة ثم الراحة انتي لسه طالعة من حالة إجهاض مكملتيش شهر ومكنش ينفع تحملي بالسرعة دي بس الحمد لله كلها اقدار ومكتوبة"

هند بتعب "حاضر يا دكتور أنا ماشية عن اذنك"

.................

خالد بنرفزة وزعيق "كنتي فين يا هانم وازاي تخرجي من غير اذني هي سايبة ولا ايه كنتي بتقابلي حبيب القلب ولا ايه انطقي يا وس** يا بنت الك**"

هند بجمود "انا حامل"

خالد بصدمة وتوتر شديد "ح حامل ازاي انتي انتي "

_"قصدك عشان لسه طالعة من إجهاض مصطفي متقلقش انا بموت بسببك وبسببك حملت تاني بعد أقل من شهر مش هقول غير حسبي الله ونعم الوكيل ودعوة المظلوم عند ربنا حاجة كبيرة"

كملت بسخرية "ههه وبالنسبة لاوهامك واني بخونك فأنا روحت كشفت عند صاحبك دكتور باسم وابقي حتي أساله انا داخلة انام"

.....................

تاني يوم 

هند صحيت من النوم بتعب وارهاق علي اصوات عالية في البيت كأن في فرح فيه

هند بإستغراب "خالد فيه ايه ايه اللي بيحصل هنا"

نسرين حماتها بإستحقار "تعالي يا هند سلمي علي ضرتك المحامية سهر"

هند بجمود "ازيك يا سهر يا رب يكون البيت عجبك"

نسرين بصدمة "انتي ازاي كده"

هند بسخرية "قصدك انا ازاي كده ما اتصدمتش من جوازه احب اقولك أنا كنت حاسة ومتأكدة أنه هيعمل الحركة دي طلعاته الكتير معاها في الشارع ولمحته كذا مرة واقف معاه واجي اسأله يقول زبونتي في المحل فعادي يعني هو اصلا مش فارق معايا اتجوز ولا لأ لأني بقرف منه وكمان انا كده كده هتطلق"

خالد بعصبية "أنا مستحيل اطلقك انتي هتفضلي مراتي لحد اخر العمر"

هند بسخرية " تؤ تؤ تؤ صدق صعبت عليا يا حرام"

كملت بغضب "عايزني افضل معاك عشان تكمل عليا أنت وأهلك انتو خلتوني عاملة زي الخدامة اكل وغسيل ونظافة وياريت حتي عاجب ده انت فضلت تضرب فيا من غير رحمة لحد ما مصطفي راح مني ودلوقتي انا حامل مكملتش العشر أيام ومش مستعدة اخسر ابني أو بنتي اللي جاي فياريت تطلق من سكات والا هفضحك في البلد كله وأسوء سمعتك اكتر ما هي متساءة اصلا هههههه"

خالد بجبروت "عايزة تطلقي يبقي اتنازلي عن المقدم والمأخر والقايمة والعدة وتطلعي من البيت ده بالهدوم اللي عليكي"

_"تمام اووي كده"

لسه هتدخل تجيب حاجة تلبسها عشان تمشي مسك ذراعها بقسوة "قولت بالهدوم اللي عليكي خلي المنطقة كلها تتفرج عليكي يا وس**"

_"اتفووو عليك عيل ناقص متستحقش اسم راجل حتي ديوث"

لسه هيرفع أيده يضربها سبقته بخطوة وعملت اللي هو كان عايز يعمل وضربته "ده قلم صغير بصبرك بيه علي المر اللي هيحصلك وبكرا ابني أو بنتي اللي في بطني لما يكبر ويبقي ليه منصب عالي في الدولة هيردلك الصاع صاعين وولادك اللي هتخلفهم هتتكسف تمشي في البلد منهم كما تدين تدان وبكرا تفتكر كلامي كويس"

_"والنهاردة قبل حتي بكرا تكون جايب المأذون عشان نتطلق ومش عايزة اشوف خلقتك تاني وكل حاجة هتنازلك عنها"

خالد اتعصب ومسكها جامد من ذراعها وطردها بره 

واحدة من الجيران شافتها فدخلتها عندها بسرعة وادتلها لبس 

_"شكرا يا أم زياد كتر خيرك"

_"ولا يهمك يابنتي خلي بالك علي نفسك واعرفي أن ربنا مش بيسيب حق حد"

_"عارفة انا متأكدة وواثقة أنه هيجيب لي حقي "

#قسوة_ثم_عوض

#شروق_حسام

                    الفصل الخامس من هنا 

تعديل المقال