رواية جنة النسر العاشق الفصل الرابع 4 بقلم زهرة الربيع
4
البنيه جاتها نوبه زي العاده ودخل عليها وهو سكران وبدل ما يفوقها ...هو يعني كان سكران قوي وو
هنا مجد وقف بزهول وصدمه وقال...لا..لا ..اوعي يكون الي في دماغي..مستحيل ..بس اتأكد شكو واتجمد مكانو لما لقا طه نزل راسو في الارض ودموعه نزلت بغزاره قال ..يا انهار اسود..مكانش برضاها..اغتص،بتها
بقلم..زهرة الربيع
طه قال بسرعه ودموع..لا..لا مغصبتهاش..مقالتش لا مكانتش حاسه اصلا
مجد بصلو بزهول اكبر وقال...يخربيتك...وهو علشان مقالتش لا..او مكانتش صاحيه علشان تقول لا..يبقى برضاها كده عادي
ام طه قالت..لا ..لا ياولدي مش برضاها..واحنا عارفين..هيه ملهاش ذمب واصل..هيه حتى معرفتش ايه الي حصل ولا حست بيه هو مشي قبل ما هيه تقوم فاقت لقت نفسها..احم..انت عارف...فكرت انها نز،فت ....لانها صغيره مكملتش ال١٦ سنه..مكانتش فاهمه
تاني يوم كنت بنضف معاها الحوش زي العاده...قالتلي انها غمرت وصحيت لقت نفسها بتنز،ف انا كمان فكرت ان ممكن يكون نز،يف.. قولتلها يومين لو ذاد نروح نكشف
وبصت لطه بسخريه وحسره وقالت...بس بعديبن لقيت خيبتي مبيطلعش من اوضتو وقافل على نفسة وكل ما اخشلو الاقيه بيبكي زي ما انت شايف اكده كيف الولايا...وأول ما سألتو حكالي...ياريتني مت قبل ما اسمع الي عملو ..واشوف ربايتي وأرضي الي طلعت بور
طه كان منزل راسو بحرج ومش بيبصلهم ابدا ومجد اتصدم بشده مكانش عارف يقول ايه قال بزهول ...انا مش عارف..مش عارف ازاي قدرت...دي مريضه..وانت عارف ظروفها ازاي استغلتها كده..ازاي جالك قلب
طه مكانش بيرد ودموعه منشفتش وامه قالت...المصيبه مكانتش في كده..المصيبه كانت ان البت معرفتش الي حصل معاها..واول ما بقت حبله وبانت عليها الاعرض راحت علشان تكشف واول ما الحجاج عرف انها بحبلها اصر يدفنها حيه..ويدفن الي عمل معاها كده..ومفكرها خاطيه..وهيه حتي مش عارفه ازاي ده حصل...ولا فاهمه حاجه يا حبة عيني
مجد قعد وشد شعره لورا بتوتر وبص لجنه بشفقه على حالها وعيونه اتملت دموع وقال بحزم وغضب..انت لازم تبقى راجل مره واحده حتى لو هتموت فيها...لازم تروح القسم وتعترف بالي عملتو في البنت وتردلها شرفها قدام الناس كلها...واكيد البوليس هيحميك انت وهيه من ابوها...يلا بينا دلوقتي
طه وقف وقال بخوف ورعب..لا ...لامقدرش انت متعرفش ابوها..ده بيمشي البلد كلها على كيفه سواء كانو مجرمين او حتي حكومه مقدرش انا..لا
مجد اتنرفز جدا وقال...انت ليه جبان كده يلا بس فالح تهبب الي هببتو..مفتكرتش ابوها ليه وقتها
طه لسه هيرد سمعو جنه ابتدت تفوق وقالت..ااه...اما..اما...معملتش حاجه..معملتش والله
مجد قرب منها وقال بدموع...جنه..جنه كلميني انتي كويسه
جنه ابتدت ترجع لوعيها وسمعت صوت غريب عنها قامت بسرعه واول ما شافت مجد بصتلو شويه باستغراب وقالت ...انت مين..وانا فين
مجد لسه هيكلمها ام طه قالت بسرعه ولهفه..انتي معايا يا ضنايا...مع خالتك نعمه يا جنه
جنه بصتلها بدموع واول ماشافتها اترمت بين اديها جامد وبقت تبكي وتقول..الحمد لله..انا كنت بحلم يا خالتي..كنت بحلم ولا ايه..حلمت ابوي دفني...كنت بحلم صح قوليلي كان حلم..انا خايفه قوي
مجد نزلت دمعه من عيونه وقال...سواء حلم او لا مش هيتكرر يا جنه متخافيش
جنه بصتلو بدموع وبصت لطه كمان وقالت..احنا فين..هو فيه ايه..ومين ده...وحطت يدها على وشها وقالت بصراخ..ونقابي فين..انتي ازاي سيباني كده يا خالتي قدامهم
مجد ابتسم وقال..انت احلى من غيره..وبص لعيونها وقال..قوليلي بقى بتلبسيه ليه طالما امواج البحر الاقليمي دول كده كده هيبانو
جنه بصتلو بزهول وقالت...ايوه بردو مين ده ..يا خالتي
ام طه ابتسمت وقالت...معلش يا جنه نقابك وقع منينا في الجبانه..هجبلك غيره..وده..ده ..ده...معرفش والله يا بتي
جنه بصت لها باستغراب ومجد ضحك بخفه وقال...مجد النسر..مخرج ومصور برامج تلفزيونيه ...ومكتشف وجوه جديده وعمري ما اكتشفت اجمل من كده
جنه اتسعت عنيها من بدهشه وابتسمت على جنانو ونزلت وشها الارض وطه قال بضيق..فيه ايه يا استاذ ده احنا حتى واقفين
مجد بصلو بغضب وقال...نعم..اؤمرني..زي ما اكون سمعت صوتك
طه اتنهد بخنقه وسكت وجنه قالت بارتباك ...خالتي ابوي كان عايز يموتني ليه يا خالتي ..بيقول اني حبله..سمعتيه.. كيف...كيف انتي مش قولتيلي الواحده متبقاش حبله الا لو اتجوزت..والي تبقى كده من غير جواز تبقى خاطيه...بس ده محصلش..محصلش والله...الدكتور ده اكيد غلطان او بيكدب..حتى خلينا نروح لواحد تاني ايه رأيك..قومي بينا نروح لواحد تاني
طه نزل عيونه في الارض ومجد اتنهد بحزن وام طه بصت لها بدموع وقالت..متفكريش في اي حاجه يا بتي..ماشي..انا...انا هتصرف..انتي بس المهم تكوني في امان والباقي مش مهم..وبصت لمجد وقالت..انت جاي مع مين هنه يا ولدي
مجد قال بسرعه..انا اصلا جدي من هنا وعيلة عمي كمان بس انا جيت مع واحد صاحبي بنصور و...بس قطع كلامو واتسعت عنيه بزهول وقال..علي..ده انا نسيتو..يا انهار اسود هيكون راح فين
ام طه قالت..علي مين
مجد طلع تليفونه وبقى يتصل بيه بس مكانش بيرد وبعد كده رد عليه واحد ولما سألو على علي اتصدم بالاجابه وقال بزهول. ايه..مستشفى المجانين..يعني هياخدوه هناك..ياخبر
مجد قفل معاه وقال بسرعه..انا لازم اروح الحق علي دول فاكرينو مجنون وهيرحلوه على العباسيه..بس وقف مكانو وقال ..لا بس..بس مش هينفع اسيب جنه هنا ..انا خايف يوصلولها
بقلم..زهرة الربيع
جنه ابتسمت وقالت..انا معرفش انت مين وايه لمك علينا..بس سمعت صوتك اول واحد وانت بتطلعني من القبر وشفت وشك اول واحد لما فتحت عنيا..يبقى اكيد من بعد ربنا انت الي نجدتني..وشكرا ..جميلك على راسي...روح لصاحبك ومتقلقش عليا..وبعدين خالتي معاي...وطه كمان ده كيف اخوي بالظبط
طه نزل راسو بحزن ومجد ابتسم بسخريه وقال..اه..هو اخوكي بالظبط..واتنهد وبصلها بابتسامه جميله وقال..راجعلك يا جنه..متقلقيش...مش هسيبك
قال كده ومشي وجنه بصت لنعمه وقالت..وقتي تقوليلي من ده وايه لمو علينا..
نعمه ضحكت وقالت..هحكيلك يا اختي كل الحكايه انو كان بيصور قريب..وسمع صوتك وبقى يطلعك من القبر واخدك على المستشفى وبس كده
جنه قالت..طب وانتي يا خاله..كيف جيتي
نعمه قالت..احم..ولا حاجه يا بتي اول ما عرفت ان ابوكي اتجن وعايز يموتك فضلنا مستنين رجالتو يمشو علشان نطلعوكي وقابلنا مجد وجبناكي على هنا
جنه فضلت تتكلم هيه ونعمه وكانت مصره انها لازم تكشف عند دكتور تاني ومش عارفه ازاي تفهم ابوها انها معملتش حاجه
بعد شويه اتصدمو لما الباب اتخبط ووقت على الارض ودخل حجاج ومعاه رجالتو وبص لجنه وقال..حبيبه ابوها..شكلها عايزه تدفن مدبوحه
جنه مسكت في نعمه بخوف وكانو مرعوبين قوي بس اتصدمو بشده لما واحد من رجالة حجاج كان شايل شاب متبهدل ورماه على الارض وكان مجد
جنه بصتلو بزهول كان مضروب بالرصاص ومفيهوش حته سليمه صرخت برعب وابوها ابتسم وقال...ايه...خايفه ولدك يبقى يتيم...متخافيش...هو هيحصل ابوه..وانتي كمان وووووو
