رواية جنة النسر العاشق الفصل الثاني 2 بقلم زهرة الربيع
2
قرب من القبر وحط ودنو قريبه من الارض علشان يسمع وكان سامع البكا بوضوح قلع شنطه كان لابسها على ضهره بيحط فيها الكاميرا والادوات الي بيحتاجها وقلع الجاكت بسرعه وبقى يحفر بسرعه باديه الاتنين بخوف وزهول وبيقول بصوت عالي اطمني..هطلعك ...اطمني
بس ثبت اديه بصدمه وزهول لما لقا المسدسات في دماغو من رجالة حجاج وبيقولو..اثبت مكانك.. والله وقعت يا حبيب..قوم اقف حالا
مجد مكانش فاهم ايه الي بيحصل رفع اديه بارتباك ووقف وقال...اهدو يا جماعه..انتو مين لو قصدكم سرقه فانا والله مش معايا غير الكاميرا الفلوس في العربيه و
واحد من رجالة حجاج ضحك وقال...انا هقولك قصدنا واسهلها عليك..احنا رجالة حجاج بيه..ها فهمت كده
مجد استغرب اكتر وقال....ايوه مين حجاج بيه ده بقى
رد وقال بغضب..فز قدامنا انت هتستهبل علينا يلا فوت قدامي
مجد قال بسرعه.. حاضر حاضر..ومشي خطوتين والتفتلو وبحركه سريعه جدا كان ساحب منو البندقيه وضاربو برجلو في نفس الوقت وقعو على الأرض
رجالة حجاج كان سهل عليهم يقتلوه لانو لوحدو بس حجاج عايزه حي علشان كده اتجمعو عليه علشان يضربوه بس مجد كان محترف في فنون القتال وزكي جدا ورغم انهم كانو اربعه وهو واحد لاكن كان محترف ولياقتو البدنيه عاليه جدا في دقايق ضربهم ووقعهم على الأرض
مجد وقف يبصلهم وهما على الارض وجري فتح الشنطه بتاعتو وطلع منها مخدر اسبري جايبو معاه علشان لو اتهاجم من الحيو،انات او قطاع الطرق ..وحط ايده على انفو ورشهم منو كلهم اغمى عليهم
في الوقت ده مجد جري على قبر جنه وكانت بطلت تبكي ومش بتعمل صوت مجد اتخض جدا وبقى يحفر جامد ومكانش عارف يخلص بسرعه في الوقت ده كان طه وامه مستنين رجالة حجاج يبعدو علشان ينقذو جنه وشافو كل الي حصل جريو عند القبر وقعدو بدون كلام وبقم يحفرو بسرعه مع مجد
مجد استغرب مين دول واستغرب اكتر لما ام طه قالت...اجري يا طه عربياتهم لسه هنا هات منها كريك خلينا نسحب البنيه قوام
مجد قال بسرعه..انتو مين وازاي عارفين ان فيه بنت مدفونه حيه هنا ..هو ايه الي بيحصل هنا
بقلم..زهرة الربيع
ام طه قالت..بعدين يا ولدي بعدين خلينا نلحق البت الاول
وفعلا طه جاب كريك وادوات الحفر الي حفرو بيهها رجاله حجاج وابتدى هو ومجد يحفرو القبر تاني
اول ما خلصو حفر وشالو التراب مجد شاف ايد جنه ظهرت وكانت صوبعها بتتحرك اتنهد وقال.. الحمد لله عايشه... وسحبها بكل قوتو طلعها بعيد عن الحفره
مجد سندها عليه وبقى ينضف التراب من عليها وهو بيقول..متخافيش...هتكوني بخير سمعاني متخافيش حاولي تتنفسي
جنه جالها صوتو كانو حد بيكلمها من بعيد جدا او زي مايكون حلم مكانتش قادره تفتح عنيها ولا تاخد نفسها
طه قعد على الارض وهو بيبصلها ودموعو على خده وبقى يبكي بشده بطريقه خلت مجد استغرب جدا
مجد اتنهد وقال..انت يا استاذ انا مش عارف انت تقربلها ايه بس متخافش هتكون بخير ان شاء الله ..اهدى وحاول تساعدني
طه بقى يبكي اكتر ومكانش قادر يقوم من مكانو وامه قالت بسرعه...انا هساعدك يا ولدي عايزني اعمل ايه
مجد قال ...افتحي شنطتي الي هناك دي وهاتي منها قزازة الميه بسرعه
ام طه جريت على الشنطه ومجد شال النقاب بسرعه من على وش جنه واول ما جابتلو الميه بقت تكبلو علي ايده وهو يغسل لها وشها وعيونها من التراب
وبقى ينضف شعرها ويحطلها ميه على شفايفها حاول كتير انها تشرب بس كانت الميه ترجع ومتتبلعش
مجد قال بقلق..البنت دي لازم تروح المستشفى..شكلها بتموت
هنا طه ذاد بكاه وحط اديه على دماغو وبقى يبكي جامد
مجد اتغاظ منو وقال..انت يا اخ انت.. كفايه بقى وترتنا ابقى ابكي بعد ما تموت ايه ده..وشال جنه وطلع بيها جري من المكان وراح عند عربيتو الي كانت قريبه من المقابر
ام طه حطتلو الكاميرا بتاعتو وحاجتو في الشنطه واخدتها وجريت وراه وهيه بتقول ..يلا يا طه قوم ..قوم معانا يلا
طه راح وراها وهو بيبكي ومش قادر يمشي وطلعو كلهم في العربيه ومجد ساق باقصى سرعه وام طه كانت بتوصفلو مكان المستشفى
بعد دقايق تتعد وصلو المستشفى ومجد شالها بسرعه ودخل بيها جري وهو بينادي على الدكاتره وحطها على التورل وبقى يقول بزعيق ...دكتور..الخقها بسرعه مش بتتنفس..لازم تلحقها حاول ارجوك يا دكتور
الدكتور اول ما شاف التراب الي عليها ارتبك جدا وهز راسو بسرعه وقال...حاضر حاضر ان شاء الله خير واخدها على الطوائ
بعد فتره خرج وقال ..احم...مين فيكم مسأول عنها
مجد جري بسرعه وقال..انا..انا الي جبتها فاقت صح
الدكتور قال بحزن..متقلقش با أستاذ هتفوق..انا عملتلها الإجراءات الازمه وحطيناها على جهاز التنفس وعلقنالها محاليل بس للاسف..احم.. للأسف الطفل نزل
مجد بصلو بعدم فهم وام طه اتسندت على الحيط ونزلت دموعها ومجد بصلها وتقريبا حاول يركب الافكار في دماغو بس كانت صعبه عليه جدا قال...طفل ايه الي نزل..هيه
الدكتور قال..ايوه كانت حامل...بس سقط
مجد ضحك بزهول وقال..انت بتقول ايه... حامل ازاي..دي هيه نفسها طفله
الدكتور اتنهد وقال..اسمع يا استاذ المستشفى عملت الي عليها والبت شويه وتخلص محلولها ولو سمحتو تاخدوها من هنا قبل ما تسببولنا مشاكل احنا مش حمل الوقعه مع ابوها.. انا متأكد انها بت الحجاج..زي ما ساعدتكم انتو كمان تساعدوني...مينفعش يعرف اننا اتدخلنا ..ارجوكم انا معاي اولاد
مجد مكانش فاهم حاجه وقال بغضب..انت بتقول ايه..انت عايز تشلها من على الاجهزه قبل ما تكمل علاجها..انا مش فاهم ايه الي بيحصل ومين ابوها ده الي كلكم خايفين منو كده
ام طه قربت منهم وقالت بحزن..شكرا يا دكتور... ومتقلقش احنا لا شوفناك ولا انت شوفتنا متخافش وبصت لمجد وقالت..اسألتك ردها عندي كلها يا ولدي...بس خلينا نطمن على جنه..وهنتكلم
بقلم..زهرة الربيع
عند الحجاج كان قاعد بيشرب قهوتو بغضب وام جنه رابطه دماغها وحاطه اديها على راسها ومش بتنطق ودخل واحد من رجالة الحجاج وهو تعبان جدا وقال..حجاج بيه..حصلت مصيبه
الحجاج وقف وقال بلهفه فيه ايه..لقتوه صح
الشاب قال بخوف ..لقيناه يا باشا..بس..بس هرب
الحجاج مسكو من جلبيتو بغضب وقال بزعيق..هرب ازاي .هو مين ابن الرفضي ..انطق اتكلم
رد وقال..منعرفش يا باشا شاب اصغير اكده بقالنا ايام نشفوه في البلد ..بيقولو انو تبع التلفذيون..بس مش دي المشكله..المشكله انو انو
الحجاج قال بعصبيه.. انو تيه اتكلم
الشاب كان بيتنفض من الرعب وقال...اخدها معاه...هرب الهانم بتك..معاه
الحجاج بصلو بزهول وغضب هيحرق الكون وقال..هربها ازاي..كيف طلعها..كانت حيه
الشاب قال برعب..منعرفش يا باشا...ضربنا و...بس قبل ما يكمل جملتو الحجاج طلع سلاحو ضربو بيه وقع ميت
ام جنه اتفاجأت وابتسمت بفرحه رهيبه ومكانتش قادره تتكلم علشان الحجاج وهو بصلها بنظره مخيفه وقال..متفرحيش قوي ..هلاقيهم..والمره دي مش هدفنهم صاحين لا...هقطعهم ميت حته قبل ما اتاويهم وطلع من البيت بسرعه وعصبيه
ام جنه بقت تحمد ربها بفرحه وسجدت لله وهيه مش مصدقه وبقت تدعيلها ميلاقيهاش
عند جنه يا دوب خلصت المحلول والدكتور اصر انهم يطلعو وكانت لسه مفاقتش ..مجد شالها وطلع بيها و حطها في العربيه واشترالها كل الادويه الي كتبها الدكتور وبخاخ علشان النفس وطلع بالعربيه
على الطريق كان طه قاعد جمبو من قدام وحاط راسو في الارض من الكسوف والحزن
وفي الكرسي الي ورا كانت ام طه قاعده ومنيمه جنه جمبها وحاطه دماغها على رجلها وبتمشي يدها على شعرها بحنان ودموع
مجد بص لشكلهم وابتسم ابتسامه جانبيه وبص لطه بطرف عينه وقال بجمود..انت والد الطفل ووووووو
