%20(1).jpeg)
رواية انا وابن خالتي الفصل الرابع 4 الجزء الخامس بقلم عمرو راشد
انت عرفت اسمي منين؟
= المدينة دي الداخل فيها مفقود لليوم اللي هتقوم فيه الساعة،، الجن محاصركم من كل مكان
" الراجل كمل طريقه وهو بيكرر نفس الجملة،، كل واحد فينا بدأ يبان عليه القلق،، هارون وشاهر اتقدمو ومشيو قدامنا وانا وهند ومروان في النص وشهيرة ورانا،، مشينا تقريبا اكتر من ساعة لحد ما وصلنا عند مكان فيه الواح مصنوعة من النحاس لونها ابيض،، كان مكتوب عليها أسماء الأنبياء ومن وسط الالواح دي كان في لوح مكتوب عليه
" ليس ورائي مذهب،، ارجعو إلى ما جئتم منه ولا تقربو من هذه الأرض فتهلكو "
" الرعب بدأ يدخل قلبي وحسيت ان الموضوع خطر بجد،، لقينا هارون في الوقت دا قال
يلا هنكمل
" مشينا من ورا الالواح وبعد دقيقتين بالظبط بدأت اشوف كهوف و جبال و ساعتها هند قالت
انا مبقتش قادرة،، انا عايزة استريح
" هارون رد
مينفعش يا هند لازم نكمل
" مروان رد عليه
مش هيحصل حاجة يا هارون،، كلنا محتاجين نستريح علشان نعرف نكمل
" هارون وافق بالفعل وقعدنا في مكاننا وهند بدأت تستخدم قوتها في النار و أشعلت نار في الحطب عشان نقدر نشوف،، كلنا كنا ساكتين وكل واحد بيفكر في اللي جاي،، كل واحد مرعوب من اللي لسة هنقابله ومش عارفين ايه هو اصلا،، لكن فجأه النار اتطفت وبدأنا نحس بحركة حوالينا،، هند قامت بسرعة وبدأت تشعل النار مرة تانية عشان نشوف اننا متحاوطين من 4 نمور شكلهم مرعب،، قومنا بسرعة من مكاننا ووقفنا في ضهر بعض،، هارون قال ساعتها
محدش يفكر يجري،، اللي هيجري هيمو*ت
" وبعدها قال
اتعاملي معاهم يا شهيرة
" شهيرة بدأت ساعتها تهمهم بكلام غريب مكنتش فاهمه لكن خدت بالي من عيون النمور اللي بدأ لونها يتغير ويكون احمر،، وشها كان باين عليه الغضب و بتضرب الارض ب رجلها كأنها بتستعد عشان تهجم علينا،، بعد 3 دقايق بالظبط شهيرة فتحت عينها وقالت
دا جن سفلي و مش هيمشي يا هارون،، المفروض احنا اللي نمشي،، المنطقة دي محظور دخولها
= نمشي!!،، نمشي ازاي،، انا مش هتحرك من هنا
" النمور بدأت تقرب أكتر وهنا احنا مكنش عندنا اي حل تاني غير اننا ندافع عن نفسنا،، هارون صرخ في مروان وقاله
مفتاح القوة معاك،، انت معاك قوة مليون راجل
" و بعدها وجه كلامه ل عبدالله
تقدر تطير يا عبدالله
" وفي اللحظة دي كتلة من النار اترمت على نمر وبدأت تاكل فيه اما الباقي هج*مو علينا ساعتها،، كانو 3،، واحد مع مروان وواحد مع شهيرة وواحد مع شاهر،، هند كانت واقفة بعيد بتحاول ترمي كتلة نار تانية على واحد منهم،، اما انا كنت طاير في الهوا،، مروان كان قوي جدا جدا جدا وقادر يحار*ب النمر اللي معاه لحد ما كسر عضمة الفك وقام وسابه،، اما انا نزلت على شاهر وخدته فوق ضهري وطيرت بعيد عشان هند ترمي كتلة النار على النمر اللي كان معاه،، كان لسة النمر اللي مع شهيرة عايش،، هارون ساعتها جري و خرج سك*ينة من معاه وضر*ب النمر بيها،، لكن النمر بص وراه بغضب وكان لسة هيهجم على هارون لكن الرياح بدأت تتكون مرة تانية حوالين النمر وفي ثانية كان اختفى وطبعا كانت هند هي اللي عملت كدا،، هارون بعدها بدأ يصرخ بفرحة
هنقدر وهنكسب،، قولتلكم هنقدر،، طول ما احنا مع بعض احنا قادرين نعمل اي حاجة
" شهيرة ردت عليه
الفضل كله يرجع ل هند
= دا صحيح هي بطل المعركة المرادي
" هند اتكلمت وقالت
انا واخدة عهد اني ارجع ل ابني سليمة
" هارون رد عليها
كلنا هنرجع يا هند
" مروان قرب من هند و با*س راسها،، اما شاهر قرب ووقف جنبنا وقال
عندي تعقيب بسيط لو مش هيفسد فرحتكم يعني
" رديت عليه
اتفضل
= احنا لسة بنقول بسم الله الرحمن الرحيم وقابلنا نمور واحنا حتى لسة مشوفناش المدينة،، لو قربنا منها اكتر هنشوف ايه بقا،، تنين مجنح مثلا
بص يا شاهر من واقع خبرتي معاكم اننا هنعدي بأيام سودا
= انا من واقع خبرتي ان كلامك صحيح
وأنا من واقع خبرتي بقولك ان كلامك عن كلامي صحيح
= وانا من واقع خبرتي بقولك ان كلامك عن كلامي عن كلامك صحيح
" هارون قطع كلامنا هنا وقال
ممكن نركز شوية وبعدين يا استاذ شاهر كل دا متوقع،، ولا حد قالك اننا جايين نقابل مصطفى قمر؟
= لا لا متقولش مصطفى قمر كان هيبقا حكاية في الوقت دا
" خبطت على كتف شاهر وقولتله
السود عيونه
= يا ولا
السود عيونه
= يا ولا
لا لا انا مش هكمل
= مبتقولش يا ولا بحماس،، انا عايز حماس
وأنا عايز انول الرضا
" لكن ساعتها كان باصص ل شهيرة ومبتسم وهي كمان كانت بتضحك
مش ناوية تحني يا ملكة جمال الحمامات
= افكر
طب براحة علينا علشان الارض مش بتاعتنا
= وانا عملت ايه؟
كفاية اللي بتعمليه في قلبي
= يوووه بقا بتكسف يا سي شاهر
ايوووه بقا يا مثبت العقل والدين
= الناس بتتفرج علينا مش كدا
الريموت معاهم يقدرو يجيبو اي قناه
= ريموت ايه يا شاهر هو احنا في التليفزيون؟
لا دا بعيد دا،، التليفزيون دا محتاج إشارة والاشارة هتبقا صعبة هنا،، عارفة ليه؟
= عشان انا قاعد جنب القمر
يووه بقا قولتلك بتكسف
= ايوووه يا جدعان يا مثبت العقل والدين
" هارون اتكلم ساعتها وقال
لو حد يتكرم و يدفني هنا يبقا عمل معايا فوق الواجب والله
" بعدها بص ل شاهر وقاله
ايه اللي انت بتعمله دا؟ و ايه ايووه دي؟،، انت فاكر نفسك في اسكندرية عند جيلاتي عزة
= بس بس يا هارون ليه بتفكرني
" بعدها شاهر بص ل شهيرة وقالها
فاكرة جيلاتي عزة يا شوشو؟
= وهو دا يتنسي برضو؟
تحبي اجيبلك؟
= اتنين بولة
دا انا عنيا وقلبي و روحي ليكي
= بس هي البولة بكام؟
ب ستين
= ستين بس؟
ستين بس يا شوشو
" دخلت وسطهم وقولت
ستين امي
" شاهر رد عليا
لا يا عبدالله مينفعش معانا بنات
= انت لو مقفلتش ذكريات فيروز دي هقولك كلمة من 3 حروف واول حرف زي اخر حرف و اظن انت عارفها كويس
عبدالله!!!
= شاهر
عبدالله
= شاهر
عبدالله
= شاهر
انا حذرتك اظن الرسالة وصلت
= استراحة قصيرة ثم نعود
" مروان اتكلم هنا وقال
خلصتو هبل؟
" شاهر رد عليه
اه خلاص كدا،، اللي عنده حاجة مفيدة يقولها
" هند سألت هارون وقالتله
هو احنا ممكن نقابل حاجات تانية؟
= مفيش حاجة باينة قدامنا يا هند زي ما انتي شايفة،، احنا هنكتشف بنفسنا و ربنا يحمينا
" مروان رد عليه
طب احنا محتاجين ننام شوية
= نامو وأنا هفضل صاحي
" شهيرة ردت
نام انت كمان يا هارون،، انا اللي هكون صاحية
" وفعلا بدأنا كلنا ننام والغريبة اننا عرفنا ننام في الليلة دي لكن دا كان بسبب التعب والارهارق اللي كنا فيه،، صحينا تاني يوم وبدأنا نكمل مشي لحد ما وصلنا عند أرض خضراء ونهر موجود على اليمين والمية اللي فيه شكلها عذب وجميل،، هارون ضحك وقال ساعتها
احنا وصلنا مدينة النحاس
" بدأنا نكمل مشي لحد ما بدأنا نشوف اسوار المدينة من بعيد ولما قربنا أكتر كلنا وقفنا مصدومين،، مدينة عظيمة اسوارها ممتدة للسما،، مطلية كلها باللون الأصفر،، النقوش اللي على الباب بس تأكدلنا ان دي لا يمكن تكون من صنع البشر أبدا،، شاهر اتكلم وقال ساعتها
بكام هذه المدينة؟
" رديت انا عليه
انت معاك تمن الباب بتاعها حتى
= انا عايز اقولك اني مش معايا فلوس المواصلات اللي هترجعني البيت
يبقا تسكت
" مروان قال بعدها
طب يا هارون احنا وصلنا اهو،، هندخل ازاي بقا؟
" هند ردت
احنا ممكن نحاول نبني سلم على ارتفاع السور بتاعها ونطلع عليه
= محدش يعمل كدا،، في ناس زمان وصلو قبلنا وعملو الفكرة دي وما*تو
ما*تو ازاي؟
= لما كانو بيوصلو للسور ويقعدو عليه كانو بيرمو نفسهم جوا ومحدش بيعرف عنهم حاجة تاني
وعرفت منين انهم ما*تو؟
= لانهم بعد ما كانو بيرمو نفسهم كانت الناس اللي معاهم بتسمع صوت صرخات شديدة جدا خارجة من المدينة
يعني احنا مش هنعرف ندخل؟
= هنعرف بس بالحيلة
" شهيرة ردت
انا عندي فكرة،، انا ممكن ارميلهم موز بنقطة من اللي معايا وطبعا هياكلوه وهيحبوه لانه عسل ووسط ما هما بياكلوه تكونو انتو طلعتو فوق و دخلتو المدينة بس بسرعة لان انا مش معايا غير 2 كيلو بس
" هارون اتحرك ومشي وهو بيقول
انا هرجع ل داهم،، والله داهم ارحم بكتير
" مروان مسك هارون عشان يلحقه
موز بنقطة ايه اللي هترميه على الجن؟،، يعني ايه موز بنقطة اساسا؟
= يا هارون دا عسل
والله أنتي اللي عسل سواء كنتي انتي او جوزك،، ممكن مسمعش صوتك تاني
" شاهر رد عليه وقاله
انت دوقت منه؟
= هو ايه دا؟
الموز ابو نقطة
= انا جالي النقطة وأنا واقف،، انا أمراض الدنيا جاتلي بسببك انت ومراتك اسكت
" مروان رد وقاله
خلاص يا شاهر سيبك منهم وقولي،، هندخل ازاي بالحيلة؟
= شهيرة هي اللي هتدخل جوا الاول وهتحاول تدور على اي سبيل للدخول جوا المدينة
وبعد ما تلاقيه؟
= هقولكم ايه اللي هيحصل في وقتها
" شهيرة ردت وقالت
شهيرة مين دي اللي تدخل جوا مدينة النحاس ومحدش يشوفها،، انتو فاكريني من الجن؟
" كانت لحظة صمت ساعتها وكلنا موجهين نظراتنا عليها و العقل مش مستوعب اللي اتقال،، هارون رد عليها وهو لسة متأثر من الصدمة
اومال أنتي منين؟
= اقصد يعني مش من الجن اللي جوا
ليه هو الجن بقا طبقات؟
= ايوا في جن سفلي وفي جن عُلوي
" شاهر دخل في الحوار وقال
وفي ليلى عُلوي كمان هههه
= أخرس انت خالص دلوقتي
" بعدها هارون رجع يكمل كلامه مع شهيرة وقالها
الكلام دا عند الشيخة خديجة مش عندنا،، انتي تقدري تدخلي جوا عادي
= ومدخلتش انت ليه لما كنت من الجن؟
انا عارف ان الموضوع صعب بس انتي الحل الوحيد اللي قدامنا
" تدخلت انا كمان في الحوار وقولت
طب ما احنا ممكن نشوف الراجل اللي واقف على البوابة و ياخد اللي فيه النصيب ويفتح البوابة وندخل المدينة
" شاهر رد عليا
الكلام دا تعمله مع استاذ ايمن اللي ساكن في البدرشين وعنده 4 عيال منهم واحدة اسمها ولاء عايزة تتجوز
= انت عرفت منين المعلومات دي كلها،، انت تعرف استاذ ايمن؟
لا والله دا مثل عادي،، جات بالصدفة
= يعني انت مكنتش عايز تتجوز ولاء؟
وهي ولاء دي تيجي ايه في شهيرة حبيبة قلبي
" هارون دخل في الحوار وقال
خلصتم؟
" شاهر رد عليه
على حسب يعني
= طب ممكن يلا قبل ما اقت*ل حد
" اتكلمت انا هنا وقولت
طب احنا ممكن نرمي طوبة جوا ونشوف هيحصل ايه؟
" شاهر رد عليا
او انا عندي حل تاني خالص نقدر نعمله
= ايه هو ؟
احنا نطلع عند السيد البدوي ونجيب حمص و لوز وحَب العزيز
= وحَب الشباب كمان
مش حَب الشباب دا بيطلع للشباب بس؟
= انت ليه عنصري كدا؟،، بيطلع ل كله عادي
و احنا هنجيبه ناكله ازاي؟
= ماهو لما يطلع بقا
هنجيبه من عند الشباب؟
= بالظبط
طب انت تعرف شباب كويسين عشان أنا معرفش؟
= متقلقش يا شاهر انا اعرف شباب كويسين أوي و دايما بتعامل معاهم بس سعرهم غالي شوية
مش مهم السعر،، المهم الجودة
= لا الجودة تحفة مش هتقدر تقاومها
طب خلاص هاتلنا كيلو من عند الشباب دول
= وكيلو ليه ما تخليهم اتنين؟
افرض معجبنيش وبعدين يعني هما الشباب هيروحو فين؟
= تمام انا موافق جدا،، يلا على السيد البدوي
ولا ايه رأيك في بور سعيد؟
= متلخبطنيش بقا،، انت عايز بور سعيد ولا السيد البدوي؟
انا عايز كله الصراحة
= لا يا حبيبي دا نعمله في جزء تاني دا مش دلوقتي
ما تخليه يا عبدالله في الجزء دا بالله عليك
= مش مقتنع بيها الصراحة
بس انا مقتنع
= انا مش مقتنع
هقنعك
= ولو مقتنعتش
مش هيأس
= وهتعمل ايه؟
هقنعك تاني
= ولو مقتنعتش؟
مش هيأس؟
= وهتعمل ايه؟
هسافر لوحدي
= من غيري يا عبدالله؟؟
ماهو انت اللي مقتنعتش
= انت ازاي جالك قلب تعمل كدا؟
انت اللي ازاي تسيبني اروح لوحدي كدا؟
= انت ازاي قلبك قاسي كدا؟
انت اللي ازاي حنين كدا ؟
= هو ازاي انت كدا؟
= يا شاهر انا مقصدش
خلاص خلاص روح انا مش زعلان رغم اني لو كنت جيت معاك كنت هقولك على حاجة عندكم مش طبيعية
= ايه هي؟
في حاجة عندكم اسمها قنبلة
= نووية؟ هنجيبها من رئيس كوريا دي ولا ايه؟
لا دي بتتاكل
= قصدك قنبلة الكرنك؟
اوووف انت عارفها؟
= مفيش حد ميعرفهاش
رز بلبن عليه كنافة عليه بسبوسة عليه عصير مانجا مع فواكه
= بس مش قادر استحمل
النهاردة فاتحين فرع جديد وعاملين خصم 50%
= لا متقولش كدا
ورقم الدليفري معايا
= يلا بينا حالا
يلا
" لقينا هارون سحب سكي*نة وقرب مننا وقال
انتو رايحين فين؟
= مفيش اصل شاهر تعبان وكان نفسه يزور قنبلة الكرنك
على اساس ان قنبلة الكرنك دي السيدة زينب مثلا
= لا مقصدش بس...
قسما بالله لو حد قال كلمة عبثية تاني هشيل رقبته من على جسمه
" بعدها بص ل شهيرة وقالها
يلا جهزي نفسك عشان تدخلي،، حاولي تلاقي البوابة في اسرع وقت
= وبعد ما الاقيها افتحها ولا اخرج ابلغكم؟
تخرجي طبعا لاننا مش عارفين مكانها
= حاضر
" شهيرة بدأت تستعد وتستحضر قوتها وفي ثانية كانت خرجت من جسمها البشري وطارت دخلت من فوق اسوار المدينة،، بدأ الوقت يعدي،، ساعة واتنين وتلاتة لحد ما مروان قال
لا كدا مش طبيعي أبدا،، بقالها كتير أوي جوا
" هند كملت على كلامه
فعلا انا حاسة ممكن يكون حصلها حاجة
" هارون رد
يا جماعة المدينة كبيرة وعشان نلاقي بوابة الدخول شئ مش سهل تماما
" شاهر رد عليه
طب واحنا هننتظر لحد امتى؟
= لحد ما تخرج
وافرض مخرَجتش؟
= هنفكر في حل تاني
اعتقد انك تبدأ تحضر الحل التاني من دلوقتي
= ممكن كفاية تشائم؟
" تدخلت بينهم لاني كنت حاسس انها هتبقا بداية مشكلة
ممكن يا جماعة تهدو شوية لحد ما نشوف هيحصل ايه
" هارون رد
انا عن نفسي هادي
" شاهر رد عليه
لازم تبقا هادي ماهي اللي جوا دي متخصكش ولا تفرق معاك في حاجة
= كفاية كلام فارغ،، شهيرة تهمني زي ما كلكم تهموني ولو حصل حاجة انا اللي هدخل اجيبها بنفسي
انت مش عايز تصدق ولا مش مقتنع ولا بتنسى؟ احنا بقينا بني آدمين عارف يعني ايه بني آدمين،، لو شهيرة اتحبست جوا محدش هيقدر يدخل يلحقها،، افهم بقا
= بقولك ايه،، اسكت شوية لحد ما اشوف حل
مش هسكت يا هارون
= وانا بقولك اسكت
وانا مش ساكت،، انا مش همشي على مزاجك
= لو انت عندك حل اتفضل قوله
طبعا لازم تقول كدا عشان هو اصلا مفيش حل وانت خايف شكلك يطلع وحش قدامنا بعد ما خسرنا ضلع مهم مننا،، ورينا بقا هنرجع ازاي دا اذا خرجنا من الصحرا دي اساسا؟
" هارون زعق
اسكت بقا،، انا مش عايز اسمع كلام تاني،، انت فاهم؟
= لا مش فاهم،، انا مباخدش اوامر من حد
" هارون قرب من شاهر و مسكه من التيشرت اللي كان لابسه وقاله
انا قولتلك اسكت
= وانا مش هسكت،، وريني هتعمل ايه؟
" مركزتش معاهم ساعتها لإني لمحت شئ جاي علينا،، صرخت فيهم عشان ينتبهو،، مجموعات من النمل بس كتيرة جدا والاغرب ان النمل مش طبيعي،، نمل حجمه كبير جدا،، عنده ما يقرب من أربعين ذراع،، بدأ يدور حوالينا بشكل دائري،، هارون قال ساعتها
كل واحد يحمي وشه،، النمل دا مم*يت
" كان بيلف حوالينا وبدون ما يعمل اي حاجة وبعد دقيقتين تقريبا مشي،، هند قالت ساعتها
احنا لازم نمشي من المكان دا،، انا خايفة،، انا مش عارفة طاوعتكم ازاي اصلا
" هارون رد
يا جماعة نمشي ازاي وشهيرة جوا،، نطمن عليها الاول و بعدها نفكر نمشي
" هارون مكملش جملته وشوفت الارض حوالينا بيطلع منها دخان،، الدخان كان كتير لدرجة انه حجب الشمس عننا و بعدها بدأ يدور حوالينا،، بدأت احس اني بتخنق،، ساعتها هارون زعق في هند
استخدمي الرياح و انقلينا من هنا بسرعة
" لكن هند مردتش لانها كان اغمى عليها ومن بعدها شاهر ومروان وانا،، محستش بأي حاجة ومعرفش قعدت قد ايه نايم ولكن فوقت،، فوقت عشان الاقي نفسي في غرفة كبيرة جدا جدا تشبه غرف الملوك،، الحيطان شكلها غريب كأننا رجعنا بالزمن بس جميلة،، جميلة بشكل ميتوصفش،، قومت لقيت نفسي نايم على حرير،، في نفس الوقت لقيت شخص بيفتح الباب وبيدخل ووقف قدامي وهو مبتسم وقالي
صباح الخير
" كان لابس نفس لبس الملوك اللي بشوفهم في المسلسلات
هو انا فين ولا انت مين ولا انا بعمل ايه هنا؟
= انا الوزير دايم وجاي بنفسي عشان اطمن عليك،، انت بقالك 3 ايام نايم
= 3 ايام؟
نعم بالظبط،، اما عن سؤالك انك بتعمل هنا ايه مش هقدر اجاوبك لانك انت اللي اختارت تكون هنا
= اكون فين؟ هو انا فين اصلا؟ وفين صحابي؟
أصدقائك بخير متقلقش بشأنهم،، اسمحلي ارحب بيك يا عبدالله
= انت كمان عارف اسمي؟
اكيد
= انا عايز اخرج من هنا و دلوقتي حالا
هتخرج بس بعد التعديل اللي هنعمله عشان تكون شبهنا
= شبه مين؟
اهل المدينة
= مدينة ايه؟
مدينة النحاس يا عبدالله
" سمعت الكلمة واتصدمت منها
من الواضح انك محتاج راحة،، هسيبك ترتاح ولما تكون بخير هتروح وتخبط على الباب دا علشان نكمل كلامنا
" مشي من قدامي و راح عند الباب وقبل ما يفتحه بص ليا وابتسم وقالي
اهلا بيك في مدينة النحاس!!
#عمرو_راشد
#انا_وابن_خالتي 5 " كنز مدينة النحاس " 4
#يتبع
