رواية اغتصبني معاق الفصل الثاني 2 بقلم عادل الصعيدي
الجزء التاني
لما الباب خبط طلعت من اوضتي عشان افتح وبخمن في بالي يا تري مين اللي جاي دي بره
رحت وفتحت الباب
واتفاجأ بعم سعيد صديق بابا الله يرحمه وعشرت عمره
رحبت بيه ودخل وقعد في الصاله وجبتله عصير وبعد حطيت العصير
لقيته بيقولي .
_ اقعدي يا سمر عايزاك في كلمتين
قعدت قبال منه علي الكرسي وبصيت ناحيته عايزه اعرف
عايز مني اي
بصلي وقالي
_ اسمعي يا سمر انا عارف انك بقيتي وحدانيه دلوقتي ومفيش حد من قرايبك هنا بيسأل عنك
انا كنت قايل لباباكي اني عايز اتجوزك لاني بعد المرحومه مراتي مش لاقى حد يخدمني
بصتله وتنحت اوووي وقلت في بالي هو الراجل دي اجنن
معقوله هجوز راجل اكبر من ابويا
وسببته يخلص كلامه وقمت من مكاني
_ دي كلام يا عم سعيد بدل ما توقف معايا بمحنتي عايز تجوز واحده قد بناتك وتضيع مستقبلها
دي وصيت بابا ليك والامانه الا قالك عليها
وقتها اضايق عم سعيد وبسرعه قام وطلع بره
وشكله قالب بغضب ومضايق من الكلام الا قلتله ليه ..
......
عدي اسبوع علي الحكايه بتاعت عم سعيد وانه عايز عايز يجوزني
وفي يوم كنت برتب في الشقه واظبط الدنيا فيها
وفجاه سمعت خبط علي الباب جامد اووي
بسرعه وقفت تنظيف وجريت بسرعه
ولسه هقول مين لقيت الا بره
بيقولي .
_ افتحي الباب بوليس
اتخضيت بصراحه وكنت خايفه اوووي
ومش عارفه البوليس جاي ليه عندي
فتحت الباب ودخل ضابط ومعاه عساكر
ومعاه ورقه زي عقد إيجار
وبصلي الشرطي وقال
_ لو سمحتي صاحب الشقه مقدم بلاغ فيكي وانه عقد الإيجار خلص وانتي مش عايزه تدفعي
وادي العقد خلصان من سنتين يعني
حضرتك لازم تسيبي الشقه بسرعه
بقيت واقفه مذهوله الا هو ازاي وبقيت تايهه وبصيت للضابط وقلت
_ بس دي شقتنا يا باشا ازاي ايجار واي قصة العقد دي
بصلي الضابط وقالي
_ قدامك العقد الشقه ملك سعيد الحمولي وانتوا كنتوا متأجرين منه الشقه
انا معرفش مين سعيد الحمولي دي
وسألت الضابط عنه
_ هو فين صاحب الشقه يا حضرت الضابط
مفيش دقيقه ودخل عم سعيد صاحب بابا
انا اتصدمت واتفاجات انه طلع صاحب الشقه ومن اسبوع كان عايز يجوزني ولما رفضت عايز يطلعني من الشقه
بصتله وقلت
ازاي انت صاحب الشقه يا عم
قالي . انا صاحب الشقه ولما باباكي طلب مني سكن قعدته فيها بعد ما عمك طردكم من البيت العيله ابوكي جاني وعطيته شقتي
ودلوقتي انا محتاج الشقه دي
الدنيا اسودت في وشي وبقيت مش عارفه اعمل اي
والا اروح فين
قربت من الضابط وقلت
لو سمحت يا حضرت الضابط ممكن باب الإنسانيه
تديني يومين اجمع سكن وهمشي ع طول
بصلي الضابط وقالي . ماشي هما يومين بس ماشي
قلتله . حاضر ان شاءالله يومين
خد عم سعيد ومشيوا
دخلت علي اوضتي وريحت علي سريري وحسيت الدنيا اسودت في وشي
وفضلت اعيط لحد ما نمت
وصحيت الصبح ومش عارفه اروح فين .
ونزلت ادور علي مكان عند صحابي وللأسف ملقتش
حتي قرايب بابا بعيد عننا
وبعد تفكير مالقتش قدامي غير حل واحد اني اروح ....
تتبع ...
