رواية سباق الموت (كاملة جميع الفصول) بقلم رشا منصور
#قصة_قصيرة
#سباق_الموت
#الجزءالاول
المكان مكتب فى مصلحة' حكو'ميه
طب وبعدين يا استاذ حسن أنا بقالي ساعتين وكل شويه أقف طابور علشان امضاء او طابع بريد أنا عندى شغل ومستأذن بالعافيه ما تقول ع طلباتك مرة واحدة بدل العطله دى
حسن الموظف…
انت اللى غاوى عطلة ما قولتلك من الأول الموضوع محتاج وقت وعلشان اسيب اللى فى أيدي واخلصلك ورقك لازم تقدرني وكلك نظر انت شايف بنتعب اد ايه
الشاب….
ياسيدي تحت أمرك بس الحق شغلي وطلعت 100 جنيه بصلي بطرف عينه وقالي طب دى حق الشاي فين بقي السجاير قولت له اجبلك بتشرب ايه قالي مش عاوز اتعبك زود ورقه كمان وروح اقعد استريح وتعالى بعد نص ساعه استلم ورقك
حسن الموظف….
خلصت له الورق بعد ما خدت منه 200 جنيه وبعد نص ساعه لقيته جى ومعاه البو'ليس بقولهم فى ايه
الشاب….
فى أنك متصور صوت وصورة وانت بتاخد الر'شوة
وقام رجال الشر'طه بالقبض' عليه
وكان معكم شادي محمد قناة الحقيقه اللي بنساعد دايما فى كشف ' الفسا'د دوس لايك وشير وأعمل اشتراك للقناة لو لسه أول مرة تشوفنا ….
استوووووووب ✋
نسيت أعرفكم بنفسي أنا اليوتيوبر شادى محمد عندى قناة ع اليوتيوب والتيك توك وصفحتي فى الفيس فيها أكتر من مليون متابع والحمد لله بحقق ربح كويس جدا
ده غير إنى طالب فى كليه أعلام وغاوى من صغري اكون مذيع واقدر اقضي' ع الفسا'د اللى بيحصل ده غير إنى كمان بساعد فى شهرة النماذج المشرفه لتكون فخر. لنا وللجيل الصاعد
لحد ما فى يوم بقلب ع الفيس ولقيت إعلان ممول لفيديو فيه جما'جم وصر'يخ ومؤثرات صوت ودخا'ن حاجات كدا شبه بيت الر'عب وواحد لابس قنا'ع 🎭ع شكل جمجمه' وبيقول إذا كنت من عشاق المغا'مرة تتقدر تتواصل معانا فى لعبه سبااااق المو'ت وإذا كان قلبك خفيف خليك فى البيت
دى لعبه الشجاعه' والقو'ة سعر التذكرة 100 جنيه
ولو جيت مع أصحابك سعر التذكرة بينزل ل 50 ج بس
ولكل فايز معانا هديه لو قدرت تكمل اللعبه للنهايه ومدتها ساعه هتكسب ألف جنيه
يعني فى ساعه واحدة بس الميه هتبقي ألف
للحجز والعنوان إتصل ع --------01
طب والله فكرة كنت محتار الحلقه الجديدة تكون عن إيه أكيد الناس دى نصا'به وأكيد محدش بيكسب وياخدوا من الناس فلوسهم واتصلت ع أصحابي عمرو ومحمود
أحنا جيران ومتربين مع بعض وبيساعدونى فى شغل القناة
وقولت لهم الفكرة وخليتهم هما اللى يتصلوا علشان يعرفوا المكان ونروح نحجز
ومنكر'ش ان ده كان تهور. مني
عمرو….
بقولك يا شادى شكل الحوار نصبا'يه بجد ده بيقولى الحجز فى المكتب لكن اللعبه فى مكان تاني ومرديش يعرفني العنوان بيقولى لحظه اللعب هتعرف
شادى…
هى باينه من الإعلان أصل ازاى يعني كل واحد يدفع 100 بعد ساعه ياخدهم ألف ده لو قاصد يخسر' مش هيعمل كدا
محمود….
طب وبعدين كدا الموضوع مش مضمون افرض وأحنا معاهم جوه اكتشفو'ا أننا بنصورهم دول ممكن يعملوا فينا حاجه ومحدش هيعرف ينقذ'نا ما تفكك من الحوار ده يا شادى
شادى. …
لا انا عندى فكرة أنت عارف الكاميرات' اللى معايا كلها جايه من بره' وصغيرة جدا واستحاله حد يكشفها' والبث هيبقي مباشر كل اللى محتاجينه واحد فينا يفضل بره ولو شوفت اى حاجه مش مظبو'طه بلغ البو'ليس ع طول وانت يا محمود اللى عليك المهمه دى تأجر موتوسيكل وتقف بعيد شويه عن المكتب وأول ما تشوفنا رايحين مكان السباق تمشي ورانا واوعي حد يكشفك' واقف قريب من المكان علشان تقدر تلحقنا' لو حصل حاجه
محمود …
طب ده سباق يعني طبيعي انت وعمرو كل واحد فيكم يبقي لواحده راح قالي هخلي كاميرا. مع عمرو وكلها هتكون متصله بث مباشر ع القناة والصفحه فى نفس اللحظه
عمرو….
روحت حجزت تذكرتين وفضل الراجل يقولى بدل ما تدفع 100 جنيه هات خمسه من أصحابك وأنا اخلي التذكرة ب خمسين بس وطبعا كنت حاطط الكاميرا. علشان شادي يشوف المكان والتعامل والحجز كان بعد يومين نجمع فى المكتب الساعه 8 بالليل
الغريب بقي ان كان فى زحمة رهيبه' ع الحجز معقول كل دول قلبهم جا'مد 😄😄
روحت وطبعا شادى ومحمود كانوا شايفين ومتابعين كل حاجه ولقيت شادى قالي المكان اللى كنت واقف فيه مليان كامير'ات ومن النوع المتصل بالنت معني كدا ان فى ناس وفى مكان تانى متابعه الحجز' الموضوع كله اوفر' أوى
عمرو….
عندك حق يا شادى دول حتى لو نصا'بين ليه يكلفوا نفسهم بالشكل ده مكتب وكامير'ات وأمن ع الباب وموظفين معقوله هيدفعوا مرتبات لكل دول علشان نصبا'يه لمدة ساعه
شادى…
الموضوع ده له علاقه بالنت الناس دى بتصور المشتركين واللعبه كلها وبتكون بث مباشر' ومكسبهم يبقي من خلال نسبه المشاهده'
محمود….
بس كدا معناه ان اللعبه ممكن تكون خطر' لأنها لو لعبه عاديه مش هتجيب نسبه مشا'هده
يا جماعه بلاش الموضوع ده ونرا'قبهم ونقف قدام المكان والناس اللى تخلص لعب نسألهم وخلينا فى أمان أحسن
شادي….
لآ الناس دى شكلها شبكه' كبيرة أوى ولازم اكشفها' بنفسي
لان ده معناه ان فى شباب كتير ممكن تتا'ذى
عمرو…
ع فكرة الاستمارة اللى خلونى أكتبها كان فيها شر'ط ان السن يكون من 20:30 سنه بس مش مسموح. بأكبر او أصغر من كدا
محمود. …
لو الموضوع مجرد لعبه عاديه كان ممكن يقولوا ممنوع' الأطفال لكن يمنعوا الكبار دى غريبه أوى إحنا محتاجين نكون مركز'ين أوى فى أفعالنا مدام مصممين. تدخلوا اللعبه
شادى….
خليها ع الله أهم حاجه انت يا محمود اللى هتقدر تنقذ'نا لو حصل حاجه
عمرو….
حسيت بالخو'ف طول عمرنا مع بعض عملنا فيديوهااات. كتير وكشفنا. ناس وحر'اميه كتير لكن لأول مرة اكون مش مطمن. لكن الفضول مخليني عاوز افهم الحكايه
وبعدين قولت لهم تخيل لو اللعبه طلعت مسابقات ويخلونا نجري وراء بعض
محمود…
او يخلوك تجري وراء قطر لحد ينقطع' نفسك وبعد كدا يقولوا لك سوري انت خسر'ت
شادى….
او ممكن مكنش مسابقة. أصلا والموضوع سر'قة أعضاء
محمود….
ايه ياعم الخيال الجامد ده هو فى ناس تسر'ق اعضاء! تعلن عن نفسها وكمان دول اكتر ناس بياخدوا الاطفال لكن شرط. المسابقه ان مافيش حد اصغر من عشرين سنه وكمان هو فى حد هيودى نفسه فى مصيبه' بالشكل ده طب خليني معاك وحد ما'ت فين أهله ولا أصحابه محدش هيبلغ. خالص لا لا الحوار هيطلع اهبل. أكيد
أنت فاكر برنامج المسابقات اللى كان بيتذاع ويخلوا الناس تأكل دوود. وتنط. حواجز وهى مكتفه' وكان وقتها متصور وبيتذاع واللى كسبوا خدوا مبالغ كبيرة
عمرو….
يع. والله لو هيدونى مليون جنيه دوود. ايه ده اللى أكله
شادى ….
فضلنا نفكر ونتناقش فى كل فكرة لحد جه الميعاد وجهزت كل حاجه ومحمود كان هيبدأ يذيع بث. مباشر أول ما ندخل مكان السباق لكن هو هيتابع فى الكاميرات كل حاجه بتحصل
وخدت معايا صا'عق كهر'بائي قولت أهو اما'ن بردو
ولقيت عمرو جايب سلسله حد'يد كبيرة ولفها مع حزام البنطلون وعمل زى العيال الصا'يعه وفتح زرار القميص وحطيت له الكاميرا جوه سلسله صغيرة لبسها حوالين رقبته.وأنا لبست نضارة طبيه لكن فى الشمبر نفسه الكاميرا وحطيت الكاميرا التانيه فى توكه الحزام ودخلت نص التيشيرت وعملت فيها الشاب الروش ولبست كاب
ومحمود سبقنا بالموتوسيكل ووقف عند السوبر ماركت اللى قدام المكتب
وصلنا هناك واتاكدوا من اسماءنا ولقيت شباب هناك وصلوا وأول ما بقينا 8 شباب قالوا لنا يلا العربيه منتظرة فى الجراج طب وبعدين كدا محمود مش هيشوفنا قولت له لحظه بس أنا مريض سكر هجيب حاجه بسرعه من بره وافق بالعافيه بدرجه خلي واحد من الأمن خرج معايا أول ما وصلت السوبر ماركت بصيت لمحمود وقولت للبياع عاوز ازازة ميه وشيكولاته وحاجات مسكرة أصل أنا مريض سكر وقولت ل بتاع الأمن هو الجراج اللى إحنا رايحينه الباب بتاعه فين قالي فى الشارع اللى وراء ع طول قولت له طب يلا يادوب نلحق ولقيت محمود هز رأسه بهدوء من غير ما يبصلي ودخلت مع راجل الا'من وأول ما وصلنا الجراج لقيت عربيه سوداء. والازاز غامق ومن جوه عليه ستاير بصيت ل عمرو كدا الموضوع مقلق أوى
ده أحنا ولا المخطو'فين وفضلت أدعى ربنا ان يكون محمود متابع العربيه وفضلنا أكتر من ساعه وأول ما وصلنا لقيت نفسنا فى صحراء والمكان من جوه عامل زى المتا'هة وكنت سامع أصوات حيوانات🐆وحسيت بخو'ف من جوايا بس قولت ل عمرو كل ده مؤاثرات صوت ولعب بالاعصا'ب
ولقينا جوه مكتب ووقف واحد يشرح لنا اللعبه وقال
مشرف اللعبه ….
اللعبه عبارة عن اوضة لها بابين وكل باب وله مفتاح بيطلب منك تحضر المفتاح علشان تقدر تفتح الباب اللى بعده واللعبه عبارة عن خمس مستويات كل مستوي بيطلب منك حاجه مختلفه لازم تتنفذ قبل المدة المحدده لك وإلا فى طلب هتنفذه ولو فشلت. أعتبر نفسك خارج اللعبه
هنختار بالقرعه كل اتنين هيكونوا مع بعض
شادى…
لو سمحت معلشي ممكن الحمام أصل أنا
المشرف…. مريض سكر عارف اتفضل آخر الطرقه يمين
شادى….
بعد كلامه ده اتاكدت فعلا أننا كنا مترا'قبين بالكاميرات. وللحظ شريكي فى القرعه طلع عضلات طول بعرض ربنا يستر وميطلبوش منه أنه يضر'بني😄
مشيت فى الطرقه ولفت نظري اوضه عليها رسمة جمجمه' باللون الأحمر فتحتها براحه لقيتها كلها عبارة عن شاشات كمبيوتر وفى منهم شاشه كبيرة وفيها مربعات وكل مربع عليه حاجه شغاله بس الدنيا ضلمة وخا'يف أقرب حد يشوفني ولقيت شاشه تانيه عليها أرقام بتزيد وعلامه $ جنبها
والجهه التانيه من الشاشه مكتوب نسبه المشاهدة وبردو أرقام كتير بتزيد ولقيت شاشه تانيه عليها رسمه الجمجمة..
بتصغر وبتكبر وفى كتابه بتظهر ويرجع شكل الجمجمه. تانى دخلت براحه علشان اشوف ايه الكلمه اللى ع الشاشه
وهنا كانت الصد'مة ظهر كلمه الدارك' ويب😲
يتبع….
ياتري شادى هيقدر ينقذ نفسه بعد ما عرف أنه داخل شبكه. المو'ت
بقلم … #رشامنصور
