رواية خيانة باسم الانتقام الفصل الرابع 4 بقلم نور محمد
#خيانه_بأسم_الانتقام_البارت_الرابع
انا بحبك اكتر من نفسي ياهند بحب كل حاجه فيكي وبدمنها كمان
اتكسفت هند من كلامه اوي وخدودها بقت حمره وده ماذادها جمال فوق جمالها وهيثم عنيه بقت بتتأملها بحب كبير وركز على شفايفها برغبه وقرب منها بهدووء وقبلها قبله عميقه تاهت هند فيها وكمان هيثم تاه معاها لعالم تاني وفجأه في وسط لحظتم الرومانسيه دي اتفتح باب الغرفه بقوه ودخلت مريم بغضب وغيره
وقالت:الله الله بقى من شويه مكنش ليك مزاج تقرب مني وهنا مقضيها بو*س مع حبيبه القلب بتاعتك
هند وهيثم اتخضوا منها وبعدوا عن بعض بسرعه وهيثم قال بضيق:انتي ازاي تدخلي علينا كده مش فيه زفت باب قدامك تخبطي عليه الاول
مريم ببرود:واخبط عليه ليه ياحبيبي انا اجيت اشوف جوزي اللي ساب مراته ليله الدخله وقاعد هنا مقضيها بو*س مع زوجته القديمه
هيثم اتعصب اوي من كلامها وكان هيرد عليها بس هند قاطعته بسرعه وقالت:هي عندها حق ياهيثم دي ليله دخلتك ياحبيبي ومينفعش تسيب مراتك كده في الليله دي الناس تقول عليها ايه بعدين بنت معيوبه
هيثم بص عليها بصدمه ومريم بغضب وهند كملت:روح مع مراتك الجديده ياهيثم دي ليله العمر بالنسبه ليها ياحبيبي ياحرام باين عليها غلبانه اوي وماصدقت انها اجوزت واحد زيك مكنتش تحلم بيه في احلامها حتي
هيثم ابتسم بتشفي في مريم ومريم بصت على هند بغضب وتوعد وقربت من هيثم مسكته من ايده وقالت بخبث:تعال ياحبيبي وانا اوعدك انك هتشوف معايا اللي عمرك ماشوفته مع غيري
خلصت جملتها وسحبته وهند ابتسمت بسخريه وقالت بصوت عالي:ده عشم ابليس في الجنه ياحبيبتي مش مهم انك اجوزتيه بعدي المهم مين اخدت قلبه وساكنه فيه
هيثم فرح اوي من كلامها ومريم ضغطت على سنانها بغضب وتوعد وقالت في سرها:تمام بكره تشوفي مين هتفضل على زمته فينا ياهند انا هفرجك مين مريم صبرك عليا بس
وبعد ماوصلت مريم وهيثم لغرفتهم هيثم نزع ايده منها بضيق وقال:خلاص في ايه انتي ماسكه ابن اختك والا ايه..ايه شغل العيال ده
مريم ببرود:هيثم امتي هتطلق مراتك هند زي مااتفقنا؟
هيثم بصدمه وسخريه:نعم ياختي اطلق مين انتي هبت منك يابت والا ايه قال اطلق مراتي قال
قربت مريم منه بخبث وقالت:انا مش قولت ياحبيبي مش هجوزك على ضره يعني هطلقها بازوق او بالعافيه ياهيثم بيه
هيثم بسخريه:ولو مطلقتها ياست مريم هتعملي ايه؟
مريم بمكر وخبث: لا من جهة هعمل فانا هعمل كتير واوله هطلع قدام الصحافه والاعلام وهقول انك بتفضل مراتك الاولى عليا وانك مش معتبرني مراتك حتي مع اني ليا حقوق عليك زيي زيها ومقصر في حقوقي الشرعيه اللي عليك وهفضحك قدام امه لا اله الا الله انك ظالم ومفتري ها تحب اكمل
هيثم بلع ريقه قدامها وقال بحده:انتي عاوزه مني ايه تاني مش اخدتي اللي عاوزاه واتهمتيني ظلم وانا اجوزتك غصب عني عاوزه ايه تاني مني؟
قربت مريم بخبث ولمست وجهه بحنيه وقالت:عاوزاك تبقى بتاعي انا وبس علشان كده لازم تطلق مراتك هند ياحبيبي
هيثم الدم غلى في عروقه وخلاص هيمد ايده عليها بس قاطعه صوت جده الغاضب وهو بينادي عليه:هييثم تعال هنا حالا
هيثم سمعته وبلع ريقه بخوف وطلع بسرعه من الغرفه ونزل تحت لقي جده قدامه فقال بتوتر:حمدله على سلامتك ياجدي نورت البيت كله
جده بغضب:البيت منور بأخبارك اللي بقت على كل لسان يابن الحديدي
هيثم بتوتر وخوف:جدي اسمعني انا
قاطعه جده بحده:انت ايه خليت سمعته العيله الحديدي كلها بقت على كل لسان علشان حته سكرتيره عندك متسواش جنيه حتي
مريم في الوقت ده نزلت خلف هيثم علشان تشوف هيحصل ايه واول ماشافت جده الدم غلى في عروقها وقربت منه وقالت بحده:مين دي اللي متساوش جنيه يارجل ياخرفان انت انا مش عاوزه اقل منك اكتر من كده علشان انت واحد كبير وعجوز وليك احترامك
جده بسخريه:لا واضح الاحترام كويس ياتربيه الشوارع وصفايح الزباله
مريم كانت هترد عليه بس هيثم قرب منها بغضب وضربها كف قوي رن في المكان كله وقال:مش عاوز اسمع نفسك تاني ودي اخر مره لسانك الزباله ده ينقط كلام قدام جدي تاني فاهمه
مريم بصت عليه بخوف والدموع تجمعت في عنيها من قوه الكف وسابتهم وطلع غرفتها بسرعه
وهيثم تقدم من جده وباس ايده باحترام وقال:حقك عليا انا ياجدي انا اسف سامحني
جده ببرود:اسامحك على ايه على سمعتنا اللي بقت هباب في السوق التجاره قدام الناس او على جوازك من تربيه صفايح الزباله دي ها اسامحك على ايه والا ايه ياهيثم
هيثم بحزن:انا عارف انك زعلان اوي مني بس صدقني انا مظلوم والله ياجدي اخدتني على خوانه تعال وانا هحكيلك كل حاجه في المكتب
جده بتعب:تمام وجيب معاك دواء الضغط حاسس ضغطي علي بسببها
هيثم بطاعه:حاضر ياجدي
وفوق في غرفه مريم
مريم بدموع:ضربني ياماما قدام ياسين الحديدي وهاني كمان قدامه
امها بحده:طيب اهدي دلوقتي وانا هتصرف بس اهدي ياحبيبتي الاول
مريم بدموع:مش ههدى قبل مااخد حقي منه ده شتمني وهاني ياماما قدام هيثم مش كفاه اللي عمله في اختي زمان .. طب وشرفي لاخد حقي وحق اختي كمان منه
امها بحزن:خلاص يامريم اهدي انتي وجودك في قصرهم هدفه الانتقام منهم واولهم ياسين الحديدي بس الصبر حلو يابنتي وانا هاجي بنفسي اساعدك متقلقيش
مريم بفرحه:بجد ياماما
امها بتخطيط:بجد ياقلب ماما انا اصلا كونت منتظره رجوع ياسين علشان اجي عندك وخلاص هتبدأ خطتنا الحقيقه للانتقام منهم كلهم
مريم بسعاده:تمام ياماما وانا هستناكي على نار
وفي مكتب ياسين الحديدي
هيثم بحزن:وده كل اللي حصل معايا ياجدي صدقني انا مظلوم بس انا هاخد حقي منها اوعدك
ياسين بتفهم:تمام هي دخلت برجلها لسجن عيله الحديدي بس الخروج منه بشروطنا احنا فاهمني يابني
هيثم بخبث:فاهمك طبعا ياجدي
ياسين ببسمه:تمام اطلع شوف هند مراتك ومتقلقش من شئ تاني
هيثم بفرحه:حاضر ياجدي عن ازنك
ياسين ببسمه:ازنك معاك يابني
وفوق في غرفه هند
هند بضيق:وده كل اللي سمعته منها ياحماتي شوفتي الزباله بتهدد جوزي هيثم انها هتفضحه لو مطلقنيش في المقابل
حماتها بقلق:طيب والعمل يابنتي هتعملي معها ايه دلوقتي؟
هند بخبث:كل خير طبعا ياحماتي مش هي حابه تتحداني انا هفرجها التحدي معايا اخرته ايه
حماتها بدعم:ربنا معاكي يابنتي ويجعلك في كل خطوه سلامه يارب
هند كان هترد بس قاطعها دخول هيثم بمرح:ايه ده زوجتي وحماتها مع بعض ياترى بتخططوا لأيه سوى يامجرمين
هند ببسمه:بنخطط في عمل جريمه قتل للي اسمها مريم
حماتها ببسمه:ايوه احنا هندخل زي رآيه وسكينه كده عليها ونحط قماشه على بوقها وتقول الدور الدور الدور موعوده يالى عليكي الدور ونخلص منها للابد
ضحك هيثم بصوت عالي عليهم وقال:وانا هبقى حسبله وهتاوي الجثه بعدكم مش كده 😂
هند:اكيد ياحبيبي علشان انت ستر وغطى علينا و
سكتت هند على صوت عالي من تحت فجرى هيثم وخلفه هند وحماتها بسرعه
ياسين بضيق:انتي مين ودخلتي هنا ازاي ؟
مرفت ببرود:مانا قولتلك ياحج انا حمات ابن ابنك هيثم يعني ام مريم مرات هيثم فهمت دلوقتي
هيثم بضيق:وجايه عاوزه ايه يعني؟
مرفت بلوم:برضو كده ياجوز بنتس دي طريقه تقابل بيها حماتك لا مكنش العشم بجد.
ياسين بحده:بااس مش عاوز دراما هنا في قصري عاوزه ايه؟
مرفت بخبث: عاوزه اشوف بنتي وقعد معاها كام يوم اصلها وحشتني اوي
ياسين بردح: نعم ياختي ليه قالولك فاتح القصر هنا فندق خمس نجوم لصفايح الزباله امثالكم
مرفت ببرود: تشكر ياحج مش هرد عليك لان ليك احترامك بس انا بنتي مرات حفيدك هنا وليها حق وانا هقعد في حق بنتي مش هقعد في حقك انت يابيه
لسه هيرد عليها ياسين جرت مريم عليها وحضنتها بفرحه: ماما اخيرا اجيتي نورتي القصر كله ياحبيبتي
مرفت وهي بتبص على ياسين:البيت منور بأهله يابنتي ها تعالي وصليني لغرفتي هنا علشان انا تعبانه اوي
قاطعها ياسين بغضب:استني عندك ياوليه تطلعي فين هو انا وافقت اصلا انك تفضلي هنا؟!
مرفت ببرود:وانا مطلبتش ازنك ياحج انا هطلع ارتاح في ملك بنتي ومحدش هنا ليه كلمه تاني معايا عن ازنك
خلصت جملتها ومشت هي ومريم وياسين وهيثم بصوا في اثرها بصدمه وقال ياسين بحده:لا كده كتير اوي دول مش عارفين بيلعبوا مع مين والا ايه؟
هيثم بقلق عليه:اهدي ياجدي صحتك وهنتصرف معاهم بعدين اوعدك
ياسين بتعب:تعال اسندني ياهيثم الضغط علي عليا تاني بسببهم منهم لله
قرب هيثم بسرعه وسنده لغرفه بقلق
وبعد وقت في غرفه هيثم ومريم
مريم ببرود:ها ياهيثم قررت ايه اتصل على الصحافه والاعلام بكره وانشر الخبر او بازوق كده تطلق الحلوه بتاعتك بكره الصبح
هيثم بضيق:قولتلك يامريم انا مش هطلق مراتي حتي لو هتعملي ايه؟
مريم بخبث:تمام انا هتصل بالصحافه تحضر عندنا بكره الصبح هنا في القصر وهنشوف كلام مين اللي هيمشي ياهيثم بقى
ومسكت فونها فعلا علشان ترن وهيثم بلع ريقه بخوف منها وفجأه قبل ماتقول الوو لقت الباب الغرفه اتفتح بقوه ودخلت هند بفرحه كبيره وهي
بتقول:هيثم حبيبي الف مبروك انت هتبقى احلا بابا في الدنيا انا حامل
هيثم سمعها بصدمه وفرحه كبيره ومريم بلعت ريقها بصدمه وزهول وقالت:اييه.. انتي بتقولي ايه؟! ووووو
يتبع... بقلمي نور محمد
