رواية انتقام اثم الفصل الخامس والعشرون 25 بقلم زينب مصطفي
جلس قاسم بجوار ملك وهو يضع قدم فوق يتأملهم باحتقار ويقول بقسوة :
= نعمات .. نيرفانا .. هايدي .. والكلب رأفت ..ها تحبوا أبتدي بمين؟
نظرت نيرفانا له وهي تقول بتوتر :
= أنا عارفه ان في مشاكل بينك وبين رأفت بس انا مليش دعوه بيه..
لتتابع بخبث متوتر :
= انت عارف ان انا من زمان قطعت علاقتي بيه ومعرفش اي حاجه من اللي كان بيخطط لها و لا اعرف حتى انه رجع مصر ولو كنت أعرف انه عاوز يخطف ملك كنت اكيد هاجي أقولك وأعرفك زي ما عملت قبل كده.
إرتفع صوت رأفت فجأة وهو يقول بغضب :
= بقى كده بتبعيني .. بتبيعي اخوكي بعد كل اللي عملته عشانك وبتبعيني عشانه!
نظرت نيرفانا له بقسوة وقالت بغضب :
=انا ماليش دعوة بيك ولا بكل عميلك السودة ..انا اساسا اعتبرتك مت من يوم ماحاولت تقتل قاسم.
وقف رأفت فجأة وحاول الهجوم عليها وهو يقول بغضب مجنون :
=اه يا حرباية يا بنت الڪ*لب .. دا انا كل اللي عملته كان لاما باتفاق معاكي او بتخطيط منك.
صرخت نيرفانا وهي تقول بغضب وتبادله الهجوم :
=مجرم وكداب و عاوز تلبسني تهمة علشان تنتقم مني.
تراجع قاسم للخلف وهو يتأملهم باحتقار و يتابع شجارهم بتسلية ساخرة ويده تحيط بخصر ملك تثبتها بقوة الى جانبه وهو يشعر بها تكاد تفر من أمامهم من شدة الخوف ليميل على أذنها يهمس لها بهدوء :
=إهدي ومتخافيش انا جنبك.
ليتابع بجدية :
=انا جايبك هنا علشان تاخدي حقك وتستمتعي وانتي بتتفرجي عليهم وحقك بيرجع مش عشان تخافي..
ثم ربت على يدها مطمئنا لتلتف أصابع يد ملك بقوة على أصابعه طلباً منها للشعور بالامان.
ليلتفت قاسم إليها وهو يبتسم ويغمز لها بعين واحدة بطريقة أضحكتها ، ليبتسم بحب وهو يرفع يدها إليه ويقبلها وهو يقول بحنان :
=أيوه كده يا حبيبتي إهدي وارتاحي واتفرجي على حقك وهو بيرجع.
ثم أشار بيده الاخرى لاحد الحرس الذي قام بفصلهم عن بعضهم البعض وقاسم يقول بصرامة :
=إخرسوا إنتو الاتنين ومش عاوز أسمع صوت حد فيكم من غير ما أئذن له والا متلوموش الا نفسكم.
ثم اشار للحارس بصرامة :
=ابعدهم عن بعض و اي حد فيهم يفتح بوقه من غير إذن إتعامل معاه فورا.
إبتعدت نيرفانا وهايدي للخلف بخوف و توقف نيرفانا عن الكلام والدفاع عن نفسها وهي تنظر للحارس الضخم بتوجس خائف.
في حين جلس رأفت أرضا محاولا وقف نزيف أنفه وهو ينظر لقاسم بغضب ، لتندفع فجأة نعمات التي تقف أمامه وهي تبكي من شدة الخوف تحاول تقبيل يده وهي تقول بتضرع :
=سامحني يا بيه انا معملتش حاجه..
ثم أشارت لرأفت الجالس أرضا ومازال يحاول ايقاف نزيف أنفه :
=رأفت بيه هو السبب .. هو اللي قالي اتصل بملك و اضحك عليها علشان تخرج برة القصر .. وإداني خمستلاف جنيه وقالي لو نجحت اني أخليها تخرج هيديني كمان زيهم..
لتتابع ببكاء كاذب :
=وانا ست غلبانة يا بيه ومش لاقيه تمن اللقمة ومصدقت الاقي حد عاوز يديني قرشين اصرف منهم .. ووحياة غلاوة ملك عندي انا مكنتش اعرف انه عاوز يأذيها والا مكنتش طاوعته ابدا و اتعاونت معاه.
لتتابع بخوف وهي تنظر لقاسم الذي ينظر لها بقسوة ممزوجه بسخرية :
=هو السبب يابيه حاسبه هو .. هو إللي ضحك عليا.
ثم نظرت لرأفت وهي تقول ببكاء مصطنع :
=ربنا ينتقم منك أنا كان مالي ومالك ومال المصيبة دي اللي وقعتني فيها.
ثم بدأت في البكاء و تشنجت ووقعت أرضا وهي تدعي انها فقدت الوعي.
شهقت ملك بخوف وحاولت النهوض سريعا من جانب قاسم والتوجه لنجدة نعمات التي تتظاهر بفقدان الوعي .. الا ان يد قاسم منعها وهو يقول بصرامة :
=إقعدي رايحه فين..؟
ملك بخوف :
=سيب ايدي حرام عليك يا قاسم خليني اشوف مالها ليكون جرالها حاجه.
قاسم بسخرية وهو مازال يتمسك بها الى جانبه :
=اه إحنا هنبتدي ..طيب استني انا هفوقهالك حالا.
ثم نظر لنعمات بسخرية وهو يقول بتهكم :
=قومي يا نعمات .. انا عارف انك كويسة.
الا انها لم تستجب لها ليتابع بصرامة :
=هتقومي من نفسك وتبطلي تمثيل ولا أفوقك بطريقتي.
شهقت ملك وهي تقول باعتراض :
=حرام عليك يا قاسم دي شكلها مغمى عليها فعلا.
نظر لها قاسم بفروغ صبر ثم تجاهلها وهو ينادي على احد رجاله بصوت عالي :
= عماد..
ليدخل سريعا احد رجال حراسته الاقوياء البنية و الذي قال باحترام :
= قاسم باشا..
أشار قاسم لنعمات بجدية :
=فواقها..
إقترب الحارس من نعمات وكادت ملك ان تندفع اليه تمنعه من الاقتراب منها الا انها تفاجأت بنعمات تفتح عينيها بخوف وهي تبتعد عنه وتقول برجاء :
=أنا فوقت .. فوقت يا بيه وبقيت كويسة ..خليه يبعد عني.
اشار قاسم للحارس بالابتعاد وهو يميل على أذن ملك بتحذير :
= لو سمعت صوتك تاني هخليكي تقفي وسطهم وتتحاسبي زيك زيهم انتي المصايب اللي عملتيها فيا زي المصايب اللي عملوها ويمكن أكتر.
نظرت ملك له بخوف وهي تجلس بصمت وتنظر له بتوجس جعله يضحك بمرح وهو يسحب يدها ويضعها بداخل يده ثم يقبل كفها وهو يقول بهمس مرح :
= شاطرة يا ملوكتي..
ثم استدار لنعمات وهو يقول بجدية :
=شوفي يا نعمات علشان توفري عليا وعلى نفسك وتوقفي الفيلم الهابط اللي انتي بتعمليه ده .. انا عارف كل حاجه عنك وعارف انك كلبة فلوس تبيعي نفسك علشان القرش.
نعمات بخوف :
= أنا يا بيه..
قاسم بغضب وهو يضغط على كف ملك بحماية :
=ايوه انتي يا نعمات.. ايه فكراني مش عارف انتي عملتي ايه .. فكراني معرفش انك جوزتي ملك لسامح غصب عنها علشان طمعانة في المهر اللي هيدفعه !
ثم تابع بقسوة :
=كل شهر كان بيوصلك فلوس منه ومن كاملة قصاد انك ترغميها انها تكمل معاه و إنك تسكتي وتعملي نفسك مش شايفة الضرب والتعذيب اللي كان بيعمله فيها..
ليتابع بغضب اكبر وهو يقف ويسحبها بقسوة من ذراعها :
=وخدتي تاني فلوس من كاملة بعد موت سامح قصاد انك تاخديها وتمشوا من البلد وده بعد ماهددتي كاملة انك هتفضحي ابنها لو مخدتيش فلوس علشان تسكتي
وتسكتي ملك.
شهقت ملك بعدم تصديق وهي تسمعه يتابع بقسوة :
=وبعتي بيت ابو ملك وخدتي الفلوس ليكي وطفشتي على القاهرة علشان كنتي خايفة ملك ترجع وتطلب حقها
في ورث أبوها اللي بعتيه وإستوليتي عليه .
ليتحول صوته الى صرامة مخيفة وهو يتابع :
=ومكتفتيش بكده وبكل الفلوس اللي خدتيها لا رجعتي بعتيها تاني لرأفت وانتي عارفة انه هيخطفها و هيأذيها وممكن جدا يموتها وده كله ليه ..!
قاسم بقسوة :
=علشان الفلوس .. الفلوس اللي بتحبيها يمكن اكتر من نفسك وعشان كده جزائك لازم يكون من جنس العمل.
ثم نادى بصوت قوي :
=عماد .. دخل مرتضى.
ليدخل رجل في منتصف الخمسينيات من عمره يرتدي جلباب بلدي غالي الثمن ويظهر عليه سعة العيش ..
نظرت ملك إليه في حيره في حين إمتقع وجه نعمات وهي تنظر إليه وتقول بتوجس :
=إنت بتعمل هنا إيه يا معلم مرتضى؟
قاسم بسخرية :
= أنا أقولك .. بقى المعلم مرتضى ده يبقى واحد من رجالتي وأنا اللي باعته ليكي يعني مش عريس ودايب فيكي زي ما فهمك ولا هيشغلك فلوسك ويزودهملك الطاق تلاتة زي بردوه ما هو فهمك.
نعمات بذهول :
= يعني إيه يا بيه مش فاهمة يعني كنتو بتنصبوا عليا .. خدتوا فلوسي وكل اللي حيلتي ونصبتوا عليا ؟
قاسم بقسوة :
=إخرسي .. فلوسك ايه يا حيوا*نة اللي بتتكلمي عنها .. احمدي ربنا اني إكتفيت بأخد الفلوس بس ومسجنتكيش انتي ناسية ان انا معايا ايصالات أمانة انتي كنتي ماضية عليها لسامح و كاملة ولو كنت قاضيتك بيهم كنتي قضيتي عمرك كله في السجن.
ثم نادى مرة اخرى على عماد :
=عماد تعالى خد الست دي وإرميها برة.
صرخت نعمات واتجهت الى ملك التي انسابت دموعها بصمت تقبل يدها بتوسل :
=فلوسي يا ملك شقى عمري خليه يرجعهملي أبوس إيدك خليه يرجعلي فلوسي.
سحبت ملك يدها ونظرت الى اتجاه أخر برفض وهي تقول ودموعها تتساقط بألم :
=دي مش فلوسك يا خالتي ..دي سم مخلوط بدمي ووجعي تمن لحياتي اللي بعتيها برخص التراب.
صرخت نعمات برفض وهي تلطم وجنتيها وقاسم يشير لحارسه الشخصي :
=إنت مستني إيه .. إرميها يلا برة.
سحبها الحارس للخارج وهي تصرخ بجنون :
=فلوسي ..انا عاوزه فلوسي ..شقى عمري.
ليغيب صوت صراخها بعد ان ابعدها حارس قاسم الشخصي للخارج..
وتنهار ملك في البكاء وقاسم يحتضنها مهدئاً وهو يهمس لها مشجعاً :
=انا عارف ان المواجهات دي صعبة عليكي بس لازم منها عشان ترتاحي ونقدر نبتدي حياتنا من غير مشاكل.
ثم مسح دموعها بحنان وهو يهمس لها :
=إجمدي يا حبيبتي .. انا بعمل كل ده علشانك.
ثم أجلسها الى جانبه مرة اخرى وهو يلف اصابع يده حول أصابعها بحنان مطمئناً لها ، ثم رفع عينيه بغضب لهايدي التي تقف في الخلف تشاهد ما يحدث حولها بتوتر.
ليشير لها بسخرية :
=إيه يا هايدي واقفة ورا كده ليه تعالي.
ثم نظر لها بسخرية وهو يتابع بتهكم :
=هايدي السكرتيرة بتاعتي المخلصة والشاطرة جدا والطموحة جدا اللي في سبيل انها توصل للي هي عاوزاه مفيش عندها مشكلة انها تكون مع ابن عمي او تبعني وتبيع اخباري لكلب زي رأفت او للي يدفع اكتر.
شهقت هايدي بخوف :
=الكلام ده مش حقيقي يا قاسم بيه انا استحالة اعمل كده واستحالة أخونك او اخون ثقتك فيا.
قاسم بسخرية :
=بجد .. طيب إسمعي كده.
ثم أدار جهاز صغير موضوع امامه ليتعالى صوتها وهي تتحدث مع رأفت في الهاتف.
امتقع وجه هايدي وهي تستمع لكل التسجيلات التليفونية والاتفاقات التي دارت بينها وبين رأفت.
اغلق قاسم الجهاز وهو يقول بتهكم :
=أظن ده صوتك مش كده ؟
هايدي بارتباك خائف :
=أيوه هو .. بس حضرتك فاهم غلط ..انا هفهم حضرتك..
قاسم بهدوء ساخر :
=لا انا مش عاوز أفهم حاجه انا بس عوزك تهدي وتوفري مجهودك لبعدين لانك هتحتاجيه ومتخافيش انا مش زعلان منك.
ليتابع بقسوة :
=انتي اصلا نكرة .. مجرد كارت محروق بالنسبالي من اول ما شوفت فديوهاتك القذرة مع سامح وانا براقبك وكنت سايبك بس علشان استغل علاقتك برأفت لو فكر يرجع مصر تاني وده اللي حصل فعلا و ان كان على فديوهاتك القذرة فدي حاجه متخصنيش.
ليتابع بهدوء :
=و عشان كده تقدري تمشي ومتورنيش وشك تاني سواء هنا او في الشغل.
نظرت له هايدي بدون تصديق وهي تقول بعدم تصديق :
=أمشي .. حضرتك بتتكلم جد هتسبني امشي.
نظرت ملك له بدهشة وهو يشير لها بهدوء :
=اتفضلي انا مش مانعك .. الباب قدامك أهوه.
توجهت هايدي الى الباب وهي تكاد ان تجري في محاولة منها للخروج سريعا ..
الا ان صوت قاسم إستوقفها وهو يقول لنيرفانا بسخرية :
=جرى ايه يا نيرو مش تديها أكونت القناة اللي انتي عملهالها وبتنزلي فيديوهاتها عليها !
إلتفت هايدي الى نيرفانا بذهول غاضب :
= قناة ايه ..انا مش فاهمة ؟
قاسم بسخرية :
= ما تقوليلها يا نيرو ولا خايفة منها
رفعت نيرفانا وجهها بتحدي :
=وانا هخاف من دي .. ايوة انا نشرت كل فديوهاتك إللي مع سامح ورأفت و إللي مع غيرهم كمان .
لتتابع بتكبر :
=علشان تبطل تحط راسها براس أسيادها وتحاول تتحداني وتخطفك مني.
شهقت ملك بصدمة في حين اندفعت هايدي تحاول مهاجمة نيرافانا بعنف وهي تقول بهيسترية :
.=هقتلك زي ما فضحتيني وضيعتي مستقبلي .
اندفعت نيرفانا هي الاخرى تهاجمها بعنف حتى سالت الدماء من وجوههم وهي تقول بغضب :
=فضيحة ايه اللي بتتكلمي عنها .. انتي مصدقة نفسك دا انتي كنتي مع طوب الارض والكل عارفك وعارف بلاويكي كويس.
تركهم قاسم يتقاتلون قليلا وهو يتفرج عليهم بتسلية ثم اشار لحارسه الشخصي بابعادهم عن بعضهم البعض.
اندفع الحارس وفصلهم عن بعضهم بقوة وابعد نيرفانا الى الخلف بغلظة في حين قيد هايدي بيديه لتستمع بذهول لقاسم وهو يقول بجدية :
= فيديوهاتك دي كانت معايا وانا حرقتها زي ما حرقت غيرها واستحالة اني كنت افكر اني انشرهم او افرج حد عليهم وده ميمنعش اني قادر اني اخد حقي وحق مراتي منك من غير افضحك او افضح شرفك و سمعتك.
ليتابع وهو يتأمل صدمتها بتهكم :
=بس اللي انتي اتعاونتي معاهم ضدي ونقلتي اخباري لهم علشان يخطفوا مراتي ويأذوها هما اللي فضحوكي ونشرو قذارتك ومفرقش معاهم لا سمعتك ولا فضيحتك..
اندفعت الدموع من عين هايدي وهي تتخيل مقدار الفضيحة التي تنتظرها في الخارج لتقول برجاء :
=قاسم بيه انا..
قاطعها قاسم ببرود :
=انا مش عاوز اسمع حاجه منك .. واتفضلي اطلعي برة مش عاوز أشوف وشك هنا او في اي مكان يخصني .
نكست هايدي رأسها بانكسار وتوجهت للخارج ليستوقفها صوت قاسم القاسي :
=هايدي…
نظرت له هايدي بأمل الا انها تفاجأت به يتابع بقسوة :
=نيرفانا بلغت بوليس الاداب عنك وعن الفديوهات بتاعتك و بلغت عن عنوانك انه هنا ..
لينظر بتهكم لنيرفانا التي تنظر اليه بتوتر :
=كانت عوزاهم يقبضوا عليكي وسط الحفلة والمدعوين علشان تبقى الفضيحة اكبر .. بس انا منعتهم من الدخول وهما استجابوا لما عرفوا ان ده مش عنوانك الحقيقي .. بس ده ميمنعش انهم بيدورو عليكي وهيقبضوا عليكي اول ما يوصلولك ..
شهقت هايدي ودموعها تتساقط برعب وهي تصرخ بهيسترية :
=هقتلك .. هقتلك يا بنت الكلب وهاخد حقي منك انتي والكلب اخوكي.
ثم اندفتعت تحاول مهاجمة نيرفانا التي ابتعدت عنها بخوف في حين أشار قاسم لاحد حرسه باخراجها الى خارج الفيلا :
=خدها برة ومش عاوز أشوف وشها هنا تاني ..
إرتعشت ملك وهي تضع يدها على فمها برعب وهي تشعر انها تكاد ان تتقيء ودموعها تنهمر من عينيها بشدة .
نظر قاسم اليها بدهشة وهو يقول بقلق :
= مالك يا ملك .. مالك حبيبتي في إيه !
هزت ملك رأسها بألم ودموعها تتساقط رغماً عنها :
=حرام يا قاسم .. حرام مش للدرجة دي .. دا كده تبقى ادمرت خالص.
قاسم بقسوة :
=انا معملتش فيها اي حاجه .. حتى حقي منها مخدوتش بعد ما عرفت اللي حصل لها.
ليتابع بقسوة :
=انا بس وقفت اتفرج عليهم وعلى اللي بيعملوه معاها من غير ما اتدخل وأمنعهم .. واظن دي اقل حاجه هي تستحقها..
ثم مال عليها ومسح دموعها بحنان :
=لو مش قادره تقعدي وتكملي اطلعي فوق ارتاحي وانا هخلص معاهم واطلعلك فوق على طول.
هزت ملك رأسها بنفي وهي تحتضن كفه بثقة :
=لا انا عاوزه أكمل معاك ..
ابتسم قاسم لها بتشجيع ثم إستدار الى نيرفانا ورأفت الذي مازال يجلس أرضا يتابع ما يحدث بغضب صامت :
قاسم بسخرية :
=ودلوقتي فضيت لكم اصل نعمات وهايدي دول حاجه كده تسلية بمهد بيها للوليمة الكبيرة الاخ والاخت الجشعين والمنحلين و الفشلة حتى في اجرامهم فشلة ..
نيرفانا بخوف :
= قاسم حرام عليك متظلمنيش.
ثم نظرت لملك بكره :
=بلاش تخلي اي حد يدخل ما بينا ويكرهك فيا.
قاسم بقسوة :
=اخرسي واسمعيني انتي واخوكي كويس كل مصايبكم وجرايمكم عندي من اول ما أخوكي جر رجل سامح في الطريق القذر اللي كان ماشي فيه وتشجيعه لسامح علشان يقتل ملك لحد محاولته قتلي وبعدها محاولته خطف ملك علشان يساومني عليها.
ثم تابع بقسوة :
=وطبعا مننساش محاولتك قتل كاملة ورميها من على السلم لما سمعتك بتتكلمي في التليفون مع رأفت وبتتفقوا على انكم تتخلصوا مني ومن مراتي وابني.
شهقت ملك بصدمة في حين صرخت نيرفانا بجنون :
=كدب .. كدب .. ملك هي و رأفت اتفقوا مع بعض انهم يملوا دماغك بكلام كدب عني علشان عاوزين يتخلصوا مني.
الا انها صمتت بذهول والشاشات العملاقة التي بالغرفة تفتح كلها فجأة وتظهرها وهي تدفع كاملة بقسوة من الخلف لتقع اسفل سلم الفيلا الداخلي مدرجة في دمائها ثم تقف تنظر لها بشماتة وقسوة وهي ملقاه اسفل السلم غارقة في دمائها
ثم يعاد المشهد مرة ومرة ومرة وهي تنظر له بذهول وسط نظرات ملك المصدومة و ضحكات رأفت الشامتةو نظرات قاسم القاتلة.
حتى صرخت بهستيرية غاضبة وهي تنظر بجنون للشاشات التي تعيد و تكرر مشهدها وهي تحاول قتل كاملة لتضع يدها على أذنيها وتغلق عينيها وهي تقول بجنون :
=كفاية ..كفاية.
الا انها تفاجأت بصفعة قوية على وجهها أخرصتها تزامناً مع توقف الشاشات عن العمل..
وقاسم يقول بغضب :
= فتحتلك بيتي وصرفت عليكي انتي وأهلك واتعاملتوا معاملة الملوك لمجرد انكم تقربوا لينا وفي الاخر ده جزائنا انكم تحاولوا تقتلوني و تحاولوا تقتلوا مراتي وابني وفي الاخر حاولتوا تقتلوا كاملة اللي مربياكم ولحم كتافكم من خيرها انتو ايه شياطين !
نيرافانا و دموعها تتساقط بغضب :
=ايوا انا حاولت اقتل مراتك اللي خطفتك مني بتمثيلها دور الطيبة وابنك اللي انت فرحان بيه ده كان لازم يموت علشان ابني منك لما يبجي يلاقي كل حاجه ملكه هو وبس ..
قاسم بغضب :
=ابنك مين اللي بتتكلمي عنه .. انتي اكيد مجنونة .. عشقك للفلوس عمى قلبك وخلاكي تتصرفي بجنون .. ملك اللي بتتكلمي عليها دي تسوى عندي الدنيا وما فيها وابني منها ده هو نور دنيتنا اللي هنعيشها سوى وإللي هيفكر بس يمسهم بسوء هنسفه من على وش الدنيا..
ثم تابع بقسوة شديدة :
=فوقي من الاوهام اللي في دماغك دي انا لا عمري حبيتك ولا اتجوزتك ولا نويت اني اتجوزك علشان يكون عندي منك اولاد ..
نيرفانا بصراخ وهي تحاول مهاجمة ملك :
=كداب يا قاسم انت كنت هتتجوزني لولا الحرباية دي هي اللي فرقت ما بينا وعشان كده لازم تموت .. لازم تموت علشان انا اعيش .. فاهمة لازم تموتي يا ملك.
منعها قاسم من الوصول الى ملك التي وقفت في الخلف ترتعش برعب من مظهر نيرفانا التي تصرخ بجنون وهي تقطع في شعرها وتصرخ وتضحك في نفس الوقت وهي تقول بهيستيرية :
=انت ملكي يا قاسم .. ملكي انا بس والفلوس دي كلها بتاعتي انا لوحدي ومحدش هياخدها مني دي فلوسي والقصر ده بتاعي .. كل حاجه هنا تبقى ملكي وبتاعتي و محدش هياخدها مني مهما حاولتوا.
لترتفع ضحكات رأفت العالية والشامتة بشقيقته وهي تحاول الهروب من قاسم الذي يكبلها بقوة وهي تقول لملك بتوعد :
= انتي هتموتي وابنك هيموت وقاسم هيتجوزني وهاخد كل الفلوس والاملاك ليا لواحدي .. فاهمة ليا لواحدي.
ثم بدأت بالصراخ والضحك مرة اخرى بهيستيرية ، حتى صرخ قاسم في رجاله بغضب :
=انتوا واقفين تتفرجوا عليا خدوها الاوضة التانية احبسوها فيها وكتفوها كويس علشان متأذيش نفسها.
التف حارسان حولها وكبلوها جيدا وتوجهوا بها لغرفة اخرى وهي مازالت تصرخ وتبكي وتضحك بطريقة هستيرية مجنونة.
وقاسم يتابع بصرامة :
= اطلبولها دكتور يجي يديها حقنه مهدئة لحد ما البوليس يجي ياخدها من هنا.
ثم توجه لملك يحتضنها بحماية و هو يمرر يده على جسدها المرتعش بحنان محاولا طمئنتها بعد الكلمات و المشهد المرعب الذي شاهدته من نيرفانا.
قاسم بحنان :
=ملك اطلعي فوق كفاية عليكي اللي شفتيه النهاردة.
أومأت ملك رأسها برعب وهي تتمسك بيده بقوة :
=لا انا مش هسيبك معاه لوحدك... ده مجرم ومعندوش ضمير .
ربت قاسم على يدها بتطمين وهو يستوعب خوفها الشديد عليه :
=طيب يا حبيبتي خليكي .. بس اهدي واطمني انا مسيطر على كل حاجه متقلقيش.
ثم إستدار الى رأفت الزي يجلس أرضاً وهو ينظر له بتحدي وابتسامة مستفزة.
قاسم بسخرية :
= ايه يا رأفت بيه شايفك بتضحك أوي ومبسوط .. إيه مش خايف..!
وقف رأفت وهو يبتسم بتحدي :
=وهخاف من إيه هو انا كنت عملت حاجه ؟
ثم تابع بتبجح :
=ايه هتبلغ عني البوليس هتقولهم ايه كان عاوز يخطف مراتي وانا رجعتها دي قضية بالكتير هاخد فيها سنتين تلاته وبعدها هخرج تاني وان كان على قضية محاولة قتلك انت متهمتنيش في المحضر الرسمي بتاعها وقلت في المحضر انك كنت بتنضف سلاحك وخرجت منه رصاصه صابتك بالغلط علشان كنت خايف على مراتك وسمعتها ومكنتش عاوز حد يعرف ان انا خطفتها..
ثم تابع وهو يضحك باستفزاز وتحدي :
=اطلب .. اطلب البوليس وخلصنا.
قاسم بابتسامة هازئة :
=ومين اللي قالك اني هسلمك للبوليس ؟
ضحك رأفت بسخرية :
=هتعمل ايه يعني .. هتقتلني ..!
مصدقش.
ثم تابع بكراهية :
=انا عارفك كويس يا قاسم وعارف انك استحالة تقتلني او انك تأمر رجالتك انهم يقتلوني دي مش طريقتك انت نضيف أوي والسكة دي مش سكتك انت بكتيره هتخليهم يضربوني علقة جامدة وفي الاخر هتسلمني للبوليس.
قاسم بابتسامة ساخرة :
=بس انا مش هسلمك للبوليس .. انا هسلمك لناس تانية بيدورو عليك ونفسهم يلاقوك.
رأفت بتحدي :
= ناس مين اللي هتسلمني ليهم متحاولش تلعب بأعصابي علشان تخوفني و انهار زي ماعملت مع نيرفانا..
وقف قاسم وهو يفك أزرار كم قميصه ويثنيه للخلف وهو يقول بصرامة مخيفة :
=لا سلامتك وسلامة أعصابك .. انا هريحك وهريح أعصابك على الاخر.
ثم نظر لرجاله الذين يقفون بتأهب من حوله :
=محدش فيكم يتدخل ..ده حساب بينه وبيني.
صرخت ملك بخوف :
=قاسم .. انت هتعمل ايه .. بلاش علشان خاطري.
اشار قاسم لرجاله بصرامة :
= لو ملك هانم حاولت تتكلم او تتدخل طلعوها على أوضتها فوق على طول.
صمتت ملك بخوف وهي تضع يدها على فمها بتوتر وهي ترى قاسم يقترب من رأفت بتوعد في حين وقف رأفت وقابله بتحدي ثم اندفع تجاه قاسم يحاول لكمه في انفه .. الا ان قاسم تفاداه سريعا وهو يعود للكمه في وجهه وانفه لكمات قوية ومتتابعة جعلته يترنح للخلف وهو ينزف..
الا ان يد قاسم منعته من الرجوع للخلف وهو يجذبه نحوه بقسوة ويلكمه لكمات قوية متتالية في بطنه وصدره جعلته يسقط ارضا وهو يتألم وينزف بشدة.
وقاسم يرفعه بغضب شديد من على الارض وهو يقول
بقسوة :
= قوم يا كلب ودافع عن نفسك زي الرجالة.
ثم تبع كلماته بضربات قوية متتالية في معدته ووجهه وساقيه جعلته يسقط ارضا وهو شبه غائب عن الوعي.
لتصرخ ملك برعب وهي تندفع نحو قاسم تحاول منعه من مواصلة ضرب رأفت الغارق في دمائه :
= كفاية يا قاسم .. كفاية .. هيموت في ايدك .
اشار قاسم لرجاله وهو يقول بصرامة :
=طلعوا الهانم فوق .. مستنيين ايه ؟
صرخت ملك برعب وهم يخرجوها للخارج :
= كفاية يا قاسم متوديش نفسك في داهية علشان واحد زي ده.
ليغيب صوتها الباكي وقاسم ينظر بقسوة واحتقار لرأفت الملقي ارضا وهو ينزف بشدة.
ركله قاسم بقسوة في جسده وهو يقول باحتقار :
= عاوز تعرف انا هسلمك لمين هسلمك للناس اللي خنت ثقتهم وعملت علا*قات قذرة مع بناتهم وزوجاتهم ومكتفتش بكده لا دا إنت صورتهم والست إختك وهي بتحاول تنتقم من هايدي وتنزل فيديوهاتها على المواقع الابا*حية نشرت و نزلت معاها كل فديوهاتك التانية علشان تدي ايحاء ان هايدي شغالة في شبكة دعا*رة مع ستات تانية ومكلفتش نفسها تشوف الفديوهات دي تخص مين ..
إرتعش رأفت برعب وهو يستمع لقاسم يتابع بسخرية :
= وأظن انت عارف مين الستات دول ويبقوا ولاد مين في البلد.
ثم ركله بقسوة جعلته يصرخ متألما وقاسم يتابع بسخرية :
=وأحب أبشرك في تلات عيلات رجالتهم واقفين برة مستنيين الاذن علشان يخدوك وياخدو بتارهم منك أولهم عيلة كبيرة اوي في تجارة السلا*ح والعيلة التانية عندها اكبر الشركات اللي بتورد البادي جاردات لكل رجال الاعمال في الشرق الاوسط .. اما العيلة الاخيرة بقى مقولكش تخصص مخد*رات وغسيل أمو*ال.
ثم ضحك بسخرية وهو يشير لحراسه :
= خدو رأفت بيه وسلموه للرجاله اللي برة .. مش عاوزين نأخرهم ونأخر نفسنا أكتر من كده احنا كمان عندنا حفلة لازم نلحقها.
رأفت وهو يحاول التمسك بساق قاسم برعب :
= بلاش .. بلاش تسلمني ليهم وانا هاعترف للبوليس بكل حاجه وبكل اللي انت عاوزه بس بلاش تسلمني ليهم أبوس إيدك.
قاسم بقسوة :
=انت مشكلتك مبقتش معايا دلوقتي .. انت مشكلتك دلوقتي مع اللي وسخت عرضهم وشرفهم وفضحتهم بالفديوهات الي نشرتها فوفر مجهودك ليهم احسنلك.
ثم اشار لرجاله :
= خدوه سلموه للرجالة اللي برة.
لتتعالى صرخات رأفت برعب وهم يأخذونه الى الخارج وقاسم يغلق عينيه بغضب ويقول بقسوة :
= الجزاء من جنس العمل .. نعمات .. هايدي .. نيرفانا .. رأفت .. أخدتم عقاب كل الشر اللي عملتوه في حياتكم وخلصنا منكم ومن شركم وأذيتكم.
ثم تنهد وهو ينظر للاعلى ويبتسم بارتياح :
= وبكده ابقى نضفت حياتنا من كل الحيات اللي كانت فيها .. واقدر ابتدي حياتي مع ملك من غير خوف..
_______________________
♕ يتبع .. ♕
♡ الفصل الخامس والعشرون ♡
•• زينب مصطفى.
#إنتقام_آثم. 🦋🖤