رواية لم انساك يامن دق له قلبي الفصل الثاني 2 بقلم نورسين محمود
"٢"
=ازيك يا آنسه عيوطه
=شكل الموضوع كبير انك تعيطى مرتين فى الشارع وتصدف انى ابقا موجود
_انت بتعمل ايه هنا؟
=أنا تبع العريس وأنتِ
مسحت دموعى وجاوبت
_مش عارفه تقريبا تبع الاتنين
=شكل موضوعك كبير انه يخليكى تعيطى كده
اخدت نفس وهزيت راسى بمعنى اه
=وانا كمان عندى موضوع كبير
ابتسم ليا وكمل كلام
=بصى هعرض عليكى عرض بس لو هتقلى ادبك هسيبك هنا فى الحته المقطوعه دى
_انت كمان بتتشرط
=انا كمان نفسيتى مش احسن حاجه فا..
قطعت كلامه وقولت
_ليه العريس خذوقك انت كمان ولا ايه
=عريس خذوقنى ؟
=اه شكل قله الادب طبع فيكى انا غلطان
قال كلامه وكان هيمشى حسيت انى مش عايزه ابقا لوحدى
_استنا بس يا استاذ كمل كلامك شكلك قماص
=قماص؟
=انتى بتبوظى الدنيا اكتر
_خلاص معلش ممكن تقول عرضك
=كنت هقولك تعالى اخرجك
كنت لسه هزعق
=هشش صوتك ده لو علا انتِ حره
قالها بزعيق خلانى اتوتر مش بستحمل صوت العالى
اتكلمت بأرق نبره عندى
_طب يا استاذ عصبى انا وانت منعرفش بعض ازاى هنخرج
=عادى احنا مش هنتعرف ده يوم ومش هنتقابل تانى بعدها
سكت شويه افكر
=لو بتفكرى فى جو انى اخطفك متقوليش عشان مفقدش اعصابى عليكى
بصتله بصدمه ده قرأ افكارى
_لا شكرًا مش عايزه
=براحتك
وكان هيقوم عشان يمشى بعد ما كان قعد جمبى على الرصيف
_استنى انت ما صدقت ولا ايه
_بص انا موافقه انا عمرى ما عملت كده بس فيه حاجه الاول
=خير
قالها بنفاذ صبر
_انك متتعصبش عليا ومتزعقش
=موافق بس بشرط انك متعليش صوتك او تقلى ادبك
اتكلمت بعصبيه
_هو فى ايه كل شويه تقولى قلت ادبك فى ايه
ملامحه اتحولت للغضب خفت منو الصراحه
_خلاص يا عم قليله ادب قليله ادب متتحولش عليا بس
غضب اتقلب لضحك
ضحكتو حلوه اوى
ركبت معاه العربيه الجو كان شتوى كان فى غيوم فى السما مع لسعه برد الجو المحبب لقلبى
=تحبى نعمل ايه يا مودمزيل
قالها بإبتسامه تخطف القلب
_انت بتبتسم وكمان ليا !
=تعالى ننسا كل حاجه ونبدأ من الاول كأننا متقبلناش قبل كده
_موافقه
_بيتزا ... عايزه اكل بيتزا ايه رأيك
=ماشى
طلبنا بيتزا عشان نكلها فى العربيه
_تعرف دى من الحاجات الى كان نفسى اعملها مع حبيبى بس جت فيك انت
=ومالو
=تعالى نتصرف كأننا حبيبين النهارده وبعد كدا نرجع تانى غربين عن بعض
اتحرجت لان عمرى ماكان ليا حبيب
_انت عارفه دى تجربه جديده بالنسبالى
=انتى عمرك ما ارتبطى؟
_اه
=طب وعلي
_عشمنى بس لكن طلع واطى
_ايدا! انت عرفت منين
ابتسم ليا
=اصل وانتِ كنتِ عامله دور المرآه الحديديه انا كنت واقف جمب العريس
سكت شويه افتكر الشخص الكان واقف جمب علي
_ايدا ده كان انت!
_حاسه انى هبدأ مبقاش طيقاق تانى شكلك صاحبه اوى
=لا بالله عليكى ما صدقت اتكلمتى عدل معايا انا وعلي كنا جران واحنا صغيرين بعد كده احنا عزلنا يعنى علاقه سطحيه
_امم ماشى هصدقك
=نرجع تانى لموضوعنا
اتكلمت بإستغراب
_موضوع ايه
مدلى ايده بحركه راقيه
=تقبلى تكونى حبيبتى يا مودمزيل
مديت ايدى فى ايده وبإبتسامه رقيقه وخجوله
_موافقه يا سمو الامير
نهيت كلامى بضحه شاركها معايا
=طب تعالى نتفق اتفاق تانى
=تعالى نتعامل بشخصيتنا البنخفيها عن الناس
_مش فاهمه
=يعنى كل شخص بيبقا جواه شخصيه مش بيطلعها إلا مع شخص قريب منو او مستريح معاه انا مثلا عمر ماتعملت مع حد بالطريقة دى انى اضحك مع حد غير مع كريم صحبى واطلع شخصيتى المرحه
_تعرف وانا كمان عمرى ما زعقت لحد كده او طلعت شخصيتى المجنونه غير فى البيت
=لا مصدقش دى
_اه والله انا اصلا لقبى البسكوته
=بسكوته!
=بصى الصراحه انتى شكلك رقيق اوى فعلا على طولت لسانك دى
_هتبدأ بقا تدايقنى
=لا خلاص ياستى
_بتحب الايس كريم
=اه
_خلاص هعزمك
=فى الجو ده
_ده احلى جو
فتحت باب العربيه عشان انزل اروح السوبر ماركت لقيته مسكنى من دراعى
=هتنزلى بشكلك ده
بصيت لنفسى باستغراب
_ماله شكلى؟
=هتتدخلى بفستان سواريه سوبر ماركت
_مش مهم يا ميرو مش قولتلك هطلع شخصيتى المجنونه
=ميرو؟
_ بما انى معرفش اسمك فا هتعامل معاك انك أمير
=لا ده انتى مجنونه خالص
=خدى طيب حطى ده عليكى
ادانى چاكت البدله بتاعه لونه اسود لكن شكله كبير
_بس ده كبير اوى
=لو ملبستهوش مافيش نزول
لابسته عشان كنت سقعانه مش عشان خايفه منه طبعا
_انت نزلت ليه
=هاجى معاكى
_ليه انا مش صغيره
=اخلصى
_اوفف
دخلت السوبر ماركت وبدأت اختار ايس كريم
_بتحب طعم ايه
=المون
_انت فعلا غريب
_انا بقا بحب الشوكلاته
_طب بتحب الڤانليا
=لاء
_كده انا أحبك
ابتسلمى يخربيت جماله
جبنا الايس كريم وركبنا العربيه تانى
=ايه اكتر اغنيه حب بتحبيها
_امم مش عارفه بس فى اغنيه انجلش نفسى تتغنالى
=وايه هى
_perfect
اه انا عارفه استنى
مسك تليفونه وشغل الاغنيه وغنا معاها
=ifound love for me
=ifound a woman
=stronger than anyone i know
حاسه بإحساس غريب حاسه بدغدغه هى دى الفراشات الى بيقولو عليها شكله وهو بيغنيلى انا وبيبص فى عينى شكله جنتل يخطف قلب اى بنت
بدأت اغنى معاه وندمجت لحد ما خلصت
_طب وانت بتحب اغنيه ايه
=بالاحلام
_عرفاها بحبها اوى
=انا نفسى القى التشاركنى بس متطلعش حلم
_استنى فى حته بحبها اوى هغنهالك
_حبتنى على حالى عملت كل شى كرمالى
بتحترمنى وبتقدرنى
=هى الى عرفت انى جوايا ولد صغير
_انت عارفه بحب اوى العلاقات الى بيبقا فيها تفرقه
=ازاى يعنى
_انه يتعامل مع كله بطريقه ومعايا يبقا غير ابقا انا فعلا الى اكتشفه
=بدأت احسك عقله
_انت قفيل على فكره
_متجيب حته
=لاء مش ده المون الى مكنش عجبك
_براحتك اصلا مش حلو
=خلاص انتى هتتقمصى ولا ايه خدى
_خد انت كمان دوق الشوكلاتة
=مش بحبها
_خد حته صغننه
=صغننه سعات بيطلع منك كلام كده بيحسسنى انك طفله
_بس انا كبيره
=انتى شكلك ١٩سنه
_١٩! انا ٢٢ سنه
=بتهزرى ..... طب وانا
_امم شكلك ٢٤ او٢٥
=انا ٢٩
خرجت منى شهقه عاليه
_انت بتهزر صح مش باين خالص
=شكلى اكبر ولا اصغر
_لا اصغر شكلك جنتل كده و وسيم
=اه وايه كمان
اتوترت من كلامى ونظراته
_مش قصدى يعنى انت.. يعنى
=خلاص انا اخدت الى عايزه
_تعالا ننزل نتمشى
نزلنا نتمشى ونسمات الهوا بتضرب وشى
_بحب اوى ريحه الشتا
=وانا
_بتحب المشاركه ولا تبقا لوحدك
=لوحدى
_ليه؟
=مش بحب حد يدخل فيا
_طب ما انا متدخله اهو
=بس انتى مختلفه
نظراته بتوترنى وتلميحاته بتدوبنى
الدنيا بدأت تمطر خفيف
_الله الدنيا بتشتى
مسك ايدى وجرينا على العربيه
_ممكن تشاركنى جنونى
=لاء كفايه
بصتله نظره بريئه
_لو سمحت اخر حاجه النهارده
_بما انى مش هلاقى حد اشارك معاه جنونه وامنياتى
=خلاصى اطلبى وانا انفذ حضره الملكه
_هشغلك اغنيه متناسبه جدا معانا
شغلت الاغنيه ونزلت من العربيه وفتحتله باب العربيه وشديته من ايده يلا يا ميرو
وقفنا تحت المطره
مديلى ايده بطريقه ملاكيه
=تسمحيلى بالرقصه دى يا مودمزيل
_ده شرف ليا
بدانا نتمايل على الاغنيه وبدأت اندمج واغنى
_مستنى ايه تجمعنا صدفه مره تانيه انت وانا
=قرب كمان مخلاص لقينا بعضنا
=_هعيش اللحظه دى ميهمنيش ايه بعدها
راجع بشوق الدنيا ليك
خلصت الاغنيه
ووقفنا قصاد بعض لسه ايده محوطانى ويدى على كتفه والتانيه فى كفه
=شكرا
عينى اتملت بالدموع
_انت الى شكرا انا النهارده كنت مدمره لكن بسببك انا مبسوطه
_بما اننا مش هنتقابل تانى فا احب اعترفلك
_عارف احساس الفراشات الى بيقوله عليه انا حسيته معاك انت بس احساس التوتر والخجل حسيته معاك مش عارفه انا جايبه الجرائه دى منين لكن انت احلى صدفه
ضحك ضحكته الجميله
=انا الى كنت بمر بيوم صعب انا حبيبتى السابقه اتجوز وشوفتها فى الفرح مع جوزها بس تعرفى معاكى مفكرتش فيها اصلا انتى احلى منها بمراحل سواء فى الشكل فا كفايه غمراتك او روحك الحلوه
خلص اليوم وروحت وانا فى قمه سعادتى
قعدت فى البلكونه بكوبايه النسكافيه وشغلت اغنيه ام كلثوم
وقابلتك انت لقيتك
بتغير فيا
معرفش ازاى حبيتك معرفش ازاى
عدى شهر ومتقابلناش ودخلنا فى التانى والتالت عدى اربع شهور ولسه متقبلناش لكنى لسه منستهوش
"لم انسك يمن دق له قلبى"
يتبع..
نورسي
