رواية لم انساك يامن دق له قلبي (كاملة جميع الفصول) بقلم نورسين محمود
"١"
النهارده اسوء يوم عدى عليا طول عمرى قفله على نفسى وعلى قلبى حتى مكنتش عندى صحاب ولاد ويدوبك عندى صحبه او اتنين وبعدنا عن بعض بحكم اننا دخلنا كليات مختلقه معرفتش احقق حلمى وادخل فنون جميله دخلت اداب قسم لغات شرقيه واتعرفت على "حسن" كان بقاله سنتين فى اولى اتعرفت عليه بدأت اشجعه عدينا ٤سنين لسه فاضل النتيجه كان دايما معشمنى انى هبقا معاه كان معيشنى فى جو الاستعباط كان بيلمح انه بيحبنى وبيدخل ويتحكم فيا وصلنا لاخر امتحان وهنا سمعت صوت قلبى وهو بيتكسر
لما جت " داليدا" الكانت المفروض صحبتنا انا وهو وفوقتنى
_انتِ فاكره علي بيحبك ولا هيبقا معاكى فوقى يا ماما ده عارفك مصلحه عشان بس تذاكريله وتغششيه وتديله الملخصات هو بيحبنى انا أوعى يكون مقلكيش ان خطوبتنا اخر الاسبوع
سمعت كلامها كأن جردل مايه ساقعه اتكب عليا للاسف مقدرتش اواجه حسيت ان ضعفى هيبان وهنا كرهت نفسى طلعت برا الجامعه فضلت الف ساعه ومش عارفه اعمل ايه بس كل الى اعرفه انى لازم اخد حقى طلعت على كافيه جمب الكليه عارفه انهم هيبقو هناك دخلت الكافيه وانا كلى قوه لما دخلت كان ماسك ايديها
_ايه يا حسن مش تقول
اول ما سمع صوتى اتنفض من مكانه وساب ايديها
=ليان انتِ بتعملى ايه هنا
ملامحه كانت مرتبكه اخدت كوبايه المايه الى كانت على الترابيزه
_مالك بس كده يا حسونه وشك مصفر ليه كده شوفت عذرائيل خد اشرب بق مايه
كنت هديله الكوبايه لكن قاطعنى صوت داليدا
=انتى لسه ليكى عين تتكلمى معاه افهمى هو مش بيحبك
ابتسمت ابتسامه جانيه كلها شر
_المشكله انك عارفه الفيها وعارفه هو كان بيجرى ورايا ازاى وشغال هدايا وكلام حب كل ده عشان كام ملخص
التفت لحسن
_وانت مالك كده هتموت على نفسك خايف منى ولا ايه
استمجع شجاعته
=واخف منك ليه هتعملى ايه يعنى
_صح انت صح
اتكلمت بسخريه
كبيت كوبايه المايه فى وشه وكانت داليدالسه هتدخل اخت كولا كانت على طرابيزه وكبيتها عليها هيا كمان وابتسمت ابتسامه نصر
_ربنا يهنيكم يا حبيبي شبه بعض نفس القرف
طلعت من الكافيه وانا ماشيه بثبات لكن للاسف قوتى انهارت وبدأت ابكى طلعت اجرى مختش بالى من العربيه فرملت عليا ومن الخضه وقعت
=انتِ مجنونه ازاى تطلعى كده قدامى مش خايفه على نفسك
قالها بانفعال وصوت عالى طول عمرى بكره وبتوتر من الصوت العالى
_معلش مأخدتش بالى
قولت كلامه بحاول ابعد عن اى نقاش وبدأت انفض هدومى وبحاول اقف
=مختيش بالك ولما يجرالك حاجه ايه الاستهتار ده افرضى كنت خبطك كنتِ هتضيعى حياتك وتلبسينى مصيبه
مقدرتش اتحمل اكتر من كده حاولت اقف وانا حاسه بألم رهيب فى رجلى
_اسمع يا اخ انت مش من حقك تتكلم معايا كده انت سامع وبتزعقلى ليه اصلا انت مين انا اعتذرتلك وخلاص
قولت كلامى وانا دموعى ماليه وشى حاولت امشى خطوتين لكن الالم زاد فى رجلى وفقد توازنى مسك دراعى سندنى على العربيه
=اهو اتفضلى ناقص عطله انا ادى رجلك اتلوت وبتقوليلى بتزعق ليه
-اسمع يا جدع انت بطل تزعق وانا مطلبتش منك حاجه
=لو خلصتى كلام يلا
-يلا ايه
=اتنيل اوديكى اى مستشفى ولا صيدليه قريبه عشان اخلص
-انت بتتكلم ليه كده وايه الثقه دى من قالك انى هروح معاك فى حته
سند بجسمه على العربيه وهنا اخدت بالى انه كان لابس بدله وكان فاتح اول كام زرار من القميص خلت غضلاته بارزه شكله رجل مهم ووسيم ايه الى بقوله ده
=والله الثقه دى جايبها من رجلك الى مش قادره تدوسى عليها ياريت تركبى عشان نختصر الوقت
_اه قول كده بقا من الاول عمال تعمل كده عشان اركب معاك انت عايز تخطفني
=اخطفك ايه يا مجنونه انتى انا اعرفك اصلا وبعدين هعوز منك ايه
قطعنى وانا كنت لسه هزعق
=هشش اسكتى شويه الله يكرمك لو سمحتى يا انسه اركبى عشان نطمن على رجلك
الصراحه نبرته كانت هاديه ومطمئنه خلتنى استسلم واركب
_هو ممكن تودينى اى صيدلية بلاش مستشفى
=ليه مستشفى احسن عشان لو فيه شرخ ولا حاجه بعد الشر
_معلش ممكن تريحنى
=حاضر
حسيته استشعر قلقى وخوفى اصلى بخاف من المستشقيات والحقن اوى
فات عشر دقايق لقيته بيركن قدام المستشفى ولا كأنى قولت حاجه
_انت مش بتسمع يا بنى ادم انت
=بقولك ايه اسمعى بقا انا اتحملتك كتير لسه هنروح صيدليه ويقولى روحو مستشفى وافضل الف بيكى انا
كنت لسه هزعق وطبعا قاطعنى تانى
=هشش مسمعش صوتك انزلى قدامى يلا يارب نخلص
انا مش فاهمه هى عصبىً كده ليه
بصتله بغيظ ونزلت مكنتش قادره امشى نزل وخلنى اسند عليه غصب
دخلنا المستشفى وطلعنا الحمد الله كان التواء بسيط حطيت مرهم بس كنت لسه حاسه بوجع
=بما انك كده كده بوظتيلى يومى واخرتينى فا هتكرم عليكى واوصلك
_انا مش عارفه ايه الغرور ده مش حلاوه هى ركبت مره وخلاص
حط ايده فى جيوبه وبدا يمشى للعربيه
=برحتك انا عرضت عليكى خدمه شكلك مش واخده بالك من المنطقه الى احنا فيها
_شكرا مش عايزه حاجه منك
كمل مشى لعربيته وانا ببص حوليا كان اليل جه ومنطقه ساكته خالص الدنيا مشيا معايا بالعكس
_احمم يا كابتن استنى بس انت زعلت منى ولا ايه
التفتلى وهو بيبتسم بإستهزاء
=خير يا انسه عايزه حاجه
_ممكن توصيله لو مش هتعبك
=اه وايه كمان
_لو سمحت
=طب تعالى
مدلى دراعه عشان اسند عليه وصفتله العنوان
_انت اه معصبنى بس شكرا ليك
=العفو يا انسه مستفزه
قلبت عينى من بروده
_اتمنى اننا منتقبلش تانى
نهيت كلامى وانا بنزل من العربيه عشان مدلهوش فرصه يرد
عدى الاسبوع ده وانا تعبانه نفسينا اتعشمت بيه مش عارفه اذا كان حب ولا لاء بس انا كنت متعوده انه بيكلمنى كل يوم تقريبًا مكنتش حاسه بالفراغ ده كان اسبوع صعب لكن اتعافيت لحداً ما حاسه اننا مكناش هننفع مع بعض انا بس كنت مبهوره بيه تقريبا لانه اول حد يدخل حياتى
النهارده الخطوبه وصلتنى الدعوه طبعا داليدا بعتاها مكنتش عايزه اروح لكن عجبنى دور strong women الى عملته فى الكافيه
لابست فستان اسود طويل ماسك من عند الوسط وبكم وكان مربع من ناحيه الصدر ولابست هيلز سودا مش طويله اوى مش مستهله اتعب نفسى فردت شعرى ونزلت غرتى القصيره وحطيت ميكب خفيف يبرز ملامحى اخدت نفس وبصيت لنفسى اخر مره فى المرايا
هه
اول لما وصلت القاعه حسيت ان الانظار كلها بقت عليا لما شوفته وهو ماسك ايديها وقاعد جمبها حسيت قد ايه ربنا نجدنى بقيت شايفه الوحش الفيه بس
قربت منهم بخطوات ثابته وكل الانظار كانت عليا كان فى واحد واقف جمب حسن مهتمتش انى ابص فى وشه
قربت من داليدا وطلعت شخصيتى الكياده
_داليدا صح يخربيتك معرفتكيش ده انتِ جايبه ساحره مش makeup artest
نهيت كلامى ببتسامه ساخره كانت لسه هتتكلم
لكنى قاطعتها لما كلمت علي
_مبروك ياعريس مالك كده وشك مصفر تانى عايزه كوبايه مايه
سكت شويه وبصتله بخبث
_تشربها عشان وشك يروق
_على العموم انا مش هعمل حاجه عشان لو عملت مش هتعرف داليدا للاسف هتبقا سامى مبروك من قلبى تانى يا حبيبى ان شاء الله تقعو فى شر بعض
خلصت كلامى واعلنت انسحابى
مشيت من القاعه وانا مش قادره امسك نفسى قعدت على الرصيف وفضلت اعيط عياط كنت حبساه جوايا قاطع صوت عياطى حد مد ايده بمنديل
=مش خساره الصرف ده كلو يبوظ من العياط
رفعت عينى واتصدمت هو الشاب الخبطنى
_انت؟
يتبع..
نورسين محمود
