رواية حب وانكسار الفصل السادس 6 والاخير بقلم حنين عادل
Part 6 والأخير
كان الباب مفتوح قربت اكتر عشان انصدم صدمة عمري مراتي في حضن راجل تاني في وضع زفت
هجمت عليهم ومسكته وقعدت اضرب فيه لحد ما فقد الوعي
قربت منها وانا شايف حياتي شريط بيمر قدامي هي اللي خسرتني مراتي ولا سذاجتي هجمت عليها وبضرب فيها وفجأة مسكت بطني بألم
غرزت سكينة فيها وهي بتضحك ولا كأنها عملت اي حاجة
كنت مستني ايه يعني من واحدة متعرف عليها باكونت فيك وكنا بنعمل الحرام سوا عادي بدون خوف من ربنا
يارب يارب ماموتش قبل ما توب توبة نصوحة اللهم لا تقبض روحي الا وانت راضي عني انا خايف اوي
وفجأة من الألم والوجع ماحسيتش بنفسي
*____________________________*
فتحت عيني لقتني واقف علي طريق طويل لا مش طريق دا حبل ببُص تحته لقيته فاضي والحبل مربوط بجبلين
وتحت الحبل نار الناس بتصوت وتتعزب فيها قدامي ناس وورايا ناس اللي ورايا خايفين واللي قدامي فرحانين واللي بيوصل مبسوط وبيهلل وبيقول لا اله الا الله محمد رسول الله
لا اله الا الله محمد رسول الله
وآية كانت واصلة قبلي وشايلة ابننا حاولت انده لها تساعدني لقيت صوتي مش طالع وهي واقفة تلاعب في ابننا ومش شايفاني
لقيت سلمي قصادي شاورت لها تجاهلتني مع انها شايفاني
المشهد رهيب وكبير اوي عليا بس لازم اوصل حاولت امشي علي الحبل وانا خايف وعارف نهايتي
الله اكبر لا اله الا الله محمد رسول الله
استعنت بالذكر يارب يارب سامحني واغفر لي يارب ارضي عني يارب
رجلي اتزحلقت ووقعت بس لحقت نفسي ومسكت في الحبل وانا عاوز انادي لأي حد يساعدني خايف اوي وانا شايف الناس تحت وهي بتتعذب
فتحت عيني وانا بشهق بخوف وعرقان لقيتني في المستشفي اهلي كلهم حواليا أمي قاعدة ماسكة ايدي
ابتسمت وبصت لي وكأنها نست كل اللي عملته فيها
بلعت ريقي وانا بحمد ربنا أن ده كان حلم بصيت لهم كلهم واولهم جدي :
سامحوني كلكم انا عارف اني كنت كنت وحش اوي بس صدقوني هاكون كويس
بصيت لآية :
وانتي كمان سامحيني
آية ابتسمت :حمد الله علي السلامة يابن عمي
طلعت وسابتني حسيت اني بقيت بالنسبة لها عادي تعافت مني خلاص
مسكت ايد جدي وبوستها:
سامحني يا جدي اوعدك اني هاتغير
هز برأسه وابتسم لي الكل سامحني الا هي !
طلعت من المستشفي بس كان الحل قصاد عيني دائما كان حافز شيخ فسره ليا أن ده الصراط اللي هانمشي عليه يوم القيامة
اكتشفت اني مش بعمل لآخرتي اي حاجة فكان لازم افوق
بدأت حفظ في القرآن استغفرت كتير وسألت كتير وعرفت أن رحمة ربنا اكبر ..وان التائب عن الذنب كمن لا ذنب له
بس نفسي ربنا يتقبل مني ويقبل توبتي واي شاب او بنت عملت الأكونت ده وعملت بيه حاجات غلط تعرف انها هاتخرب حياتها وتنطرد من رحمة ربنا
الحب غريب ..هل ده فعلا كان حب لا دي كانت علاقة الشيطان مهيأها في دماغي أنها حب ودمرت حياتي عليه وهديت استقرار بيتي وخسرت مراتي
سلمي اتخطبت لابن عمي اللي جدي قال عليه ..
الغريب اني مازعلتش حسيت أن ربنا طبطب علي قلبي وارتحت ومابقتش في بالي
حاولت كتير ارجع لمراتي بس مكنتش موافقة حتي تقابلني اترجيت عمي كتير يخليها تقابلني وتوريني ابننا اللي ماكنتش عاوز اشوفه الا لما ابقي انسان كويس واخيرا وافقت
روحت حلقت ولبست احسن حاجة عندي وكأني عريس وجبت لها هدية وبوكيه ورد ودخلت
دخلت عليا الصالون وهي لابسة عباية استقبال لونها لافندر ولأول مرة الاحظ جمالها ورقتها وكانت شايلة ابننا قعدت وقعدت قصادي وكانت متوترة
بصيت في عينيها ومسكت ايديها فشدت ايديها مني :
انا متحرمة عليك
أخدت ابننا وبصيت ليه سبحان الله الخالق المبدع كان تبارك الله شبه أمه
بصيت ليها : جميل اوي شبهك
بصت لي وهي مستغربة ..
مؤمن : علي فكرة انتي مش متحرمة عليا انا رديتك
وقفت بغضب: بس انا مش عوزاك
شدتها قعدتها علي حجري فا اتحرجت وقامت قعدت بعيد ساكتة
مؤمن: انا عارف اني ماستحقش فرصة منك حتي اني كتير عليا والله بس صدقيني انا اتغيرت اتغيرت اوي جربيني بس
والله بحبك
آية: ايه قولت ايه ؟!
مؤمن : بحبك وربنا ماعرفش امتي وازاي فجأة لقيتني بفكر فيكي كتير وحاسس بالندم لدرجة اني لما بتفكر عملت ايه ببقي عاوز اموت نفسي اديني فرصة والله وهاسعدك
هزت دماغها بابتسامة فاطمن قلبي حضنتها لاول مرة وجوايا أحاسيس كتير وحلوة
روحنا بيتنا وعيشت اسعد انسان في الدنيا وربنا عوضني اكيد بنزعل من بعض احيانا بس بنرجع تاني ده وقود الحب
فرحان وانا بشوف ابني بيكبر قدام عيني وعارف أن بنتي
بنتي حبيبتي هتاخد بايدي عالصراط للجنة
وعلي خلفية اغنية ...
الحب كله حبيته فيك الحب كله
وزماني كله انا عشته ليك زماني كله
مؤمن : حبيبتي
آية: ايوه يا قلبي
مؤمن : جهزي شنطتك
آية: ليه ؟!
مؤمن : عشان اتخنقت منك روحي اقعدي عند ابوكي شوية
آية بغضب: والله طيب
شدتها لحضني وضحكت :
هنسافر يا قمر
آية: بجد فين ؟!
مؤمن : احنا ماعملناش شهر عسل ولازم نعمله
حضنته آية بحب ومؤمن ابتسم ..
عاوز اقول ان دي قصتي واني اكتشفت ان كل العيوب اللي ممكن حد يشوفها فيك
حد تاني قادر يشوفها مميزات ..
الدوشة و الصداع ممكن يتشافوا حيوية و طاقة .. الزن يتشاف اهتمام ، والرغي يتشاف حب ، وحتى السكوت يتشاف ونس ..
العيب طلع ف العين اللي مبتشوفش تصرفاتنا بعين المُحب و مبيوصلهاش اشارة بجمال كل تصرف طالع من قلبنا ..
في ناس كتير في الدنيا هتقابلهم ويشوفوك حلو زي ما انت بدون ما تبذل اي مجهود و هيلاقوا ان حتى عيوبك بتحليك واللي حسستني بده كله آية بتشوفني اجمل انسان علي وجه الأرض
باختصار احنا حلوين بس مع ناسنا وفي مكانا الصح
بقلب في الفيس لقيت نفس الكومنت اللي قلب حياتي تفتكروا ادخل احكي لي قصتي ولا ادعي له بالهداية ؟!
تمت ...
#حب_وانكسار
#بقلم_حنين_عادل
#كاتبة_الجيل😎
