رواية عشق الصخر الفصل الرابع عشر 14 بقلم اسماعيل موسي
#عشق_الصخر
١٤
فى العاده مش بنعرف قيمة الناس غير لما نقع فى مصيبه، كان هذا شعور مليكه لما وجدت...... قاعده فى الصاله
مليكه / انتى جيتى هنا ازاى وعرفتى مكانى ازاى؟
بصتلها...... بلا مبلاه تعتقد...... ان كل من ينظر إليها يتعامل معها عن طريق شغلها وانها لا تمتلك عقل او حتى روح مجرد كيان لمتعة الرجال ولا يعرفون كم تكره نفسها من أجل تلك الوظيفه وتتذكر جيدا ان السبب فل كل ذلك عمها الذى تحرش بها ودفعها للهرب
متسأليش كتير يا مليكه احمدى ربنا واعرفى ان اكتر اتنين تسببتلهم فى آلم هما إلى انقذو حياتك، يارا وادهم
همست مليكه، والله كنت هقلها الحقيقه لكن كل حاجه حصلت بسرعه، شوفتى رعد عمل ايه؟
غمغمت........... رعد، رعد، حان الوقت ليدفع رعد ثمن أخطائه
تعالى كلى انا اشتريت اكل من بره
نهضت مليكه ووضعت اول لقمه فى فمها وهى تتأمل...... تشعر دوما بالغيره منها وتعرف انه رغم كل شيء لم تتخلى..... عن كبريائها
ان يكون لك مأوى فى قلب امرأه قويه حتى لو أدار لك العالم ظهره ستكون هى عالمك
______________
كان دخان كثيف يندفع من داخل صالة العرض، العمال والمطافى يكافحون لأخماد الحريق، تحولت صالة العرض لكومه من الرماد قبل يوم من افتتاح المعرض
همست صوفيا الحمد لله محدش من العمال اتصاب بأذى
دا حريق كهربائى
صرخ أدهم الذى وصل للتو، مش حريق، دا عمل مدبر انا واثق من كده
مش هيسمحو لاسمى يظهر مره تانيه، الغل ملى قلبهم، مكتفوش بسرقة مال والدى عايزين يدمرونى، صوفيا هانم اسف بجد لخسارتك بسببى
مفيش خساره ان شاء الله شركة التأمين هتغطى الخساره لو كان ماس كهربائى اما لو كان حادث مدبر يبقى رعد الهراس لازم يدفع التمن
انت تعرفى رعد الهراس يا صوفيا؟ اصل اول ما اسمه اتذكر قدامك وهى يارا هنا حسيتك انصدمتى؟
دا موضوع كبير يا أدهم مش لازم افتحه دلوقتى، خلى بالك انت من نفسك، الحمد لله انها جت على كده
__________
فهد وصرخ أدهم فى التليفون اخوك مش هيجبها لبر، حرق المعرض بتاع صوفيا
متقولش اخويا يا أدهم، انت اخويا اما رعد فهو عدوى زيك
إلى يخلينى اقتل انسان بريء ويهددنى بالشرطه ميبقاش اخويا
انا مستنيك يا أدهم لازم نوريهم العين الحمره انا هجهز كل حاجه على بال ما توصل
_______
فهد انت شايف ان إلى هنعمله دا صح؟ مفيش وقت للتراجع يا أدهم، العين بالعين
لازم يدوقو طعم الخساره لأول مره فى حياتهم
تسلل رعد وفهد تجاه مخازن رغد الشربينى، المخازن إلى فيها كل بضاعتها
سكبو الجاز والبنزين وخلال دقيقه كانت النار مشتعله بتحرق كل حاجه
اشعل فهد سيجاره داخل السياره وهو يتابع السنت اللهب ترتفع فوق البنايه، دى اول ضربه يا أدهم
حقك لازم يرجعلك وحقى كمان
________
الخساره كام يا رعد؟
رعد بتلعثم ملايين يا مراة عمى
رغد بصراخ / دا نتيجة تهورك قلتلك أدهم مش سهل، انت إلى هتدفع التمن يا رعد كان لازم تاخد احتياطاتك بعد إلى عملته
اقسملك يا مراة عمى، هقتل أدهم وكل إلى كانو معاه
داخل السياره! انت رايح على فين يا فهد؟
فهد با مبلاه رايح على المصنع الكبير
أدهم هنعمل ايه هناك؟
فهد هنحرقه
أدهم! / نحرق ايه احنا لسه مولعين فى المخازن، الشرطه يا فهد
فهد / دا احسن وقت للضرب يا أدهم، كلهم مشغولين بالمخازن
لازم نضرب ضربتنا دلوقتى لازم اخسرهم كل حاجه
أدهم / لكن فيه حراس كتير على المصنع؟
فهد / انا عملت حساب كل حاجه يا أدهم
فور وصولهم انسحب حارس الباب الخلفي وتسلل أدهم وفهد داخل الصنع حيث الالات والمعدات الثقيله وبعد ربع ساعه غادرو المكان وترك خلفهم حريق لا آخر له
