رواية عمياء وسط الذئاب الفصل الرابع عشر 14 الجزء الثاني بقلم محمد طه
البارت 14
#عمياء_وسط_الذئاب_2
_نور باهتمام_
سر إيه
_الباشا_
فيه واحد من إصحابك شغال معايا
_نور بهدوء_
مش هتعرف تشككني ف إصحابي..عارف ليه
_(الباشا ما يردش)_
_نور_
أنا أقولك ليه..عشان الكفيف بيشوف حاجات..
اللي بيشوف ما بيشوفهاش..
والحقيقه لو كان فيه حد خاين..يبقي أنا..
لأن أنا اللي دلوقتي بشتغل معاك
_الباشا_
مش عايزه تصدقي إنتي حره..
بس أنا بأكدلك إن فيه حد من إصحابك يخصني
_نور_
وأنا بفكرك باتفاقك معايا..إصحابي ما تقربش منهم..
وأنا مفيش حد يقربلي ولا يلمسني
_الباشا ف سره_
إصحابك أنا هخليكي تخلصي عليهم واحد ورا واحد..
_(ويعلي صوته)_ وأنا عند إتفاقي..المهم دلوقتي..
ميري وسهيله جايين دلوقتي عشان تتعرفي عليهم..
ونراجع معاهم خطه تصفيه هبه
_نور بغضب_
وأنا مش هشارك ف جريمه قت،ل
_الباشا بتهديد_
حقك ترفضي أو تقبلي..
بس فيه حاجه مهمه عايزك تعرفيها..
أي طلب هطلبه منك وهترفضيه..
هيكون قصاده روح واحد من إصحابك..والاختيار ليكي
_نور بغضب_
ما بقاش إختيار..بقي إجبار
_الباشا_
عالفكره هبه دي اللي إنتي اتسببتي ف سجنها..
يعني إنتي الوحيده المستفاده من مو،تها
_نور_
وأنته بقي هتق،تلها عشان خايف عليا..
عالفكره هبه دي مشكلتها إنها غبيه
_الباشا_
وأكتر حد تخافي منو هوا الغبي..
وأنا أمرت بتصفيتها عشان ما تعملناش مشاكل بغبائها..
ميري وسهيله وصلوا
____________________________
_(في المستشفى مكتب المديره)_
_(الدكتوره ونوره تكمله حديثهم)_
_(الدكتوره بدأت تطمن لنوره واستريحتلها)_
_الدكتوره_
البنت العميا دي إسمها نور..
وهيا حاليا واقعه ف مشكله كبيره
_نوره باهتمام_
مشكله إيه..احكيلي يا دكتوره كل حاجه بالتفصيل
_الدكتوره_
نور إتخ،طفت
_نوره بصدمه_
إتخط،فت إزاي..ومين اللي خط،فها..
وبلغتو قسم إيه عشان أتابع معاهم..إتكلمي يا دكتوره
_الدكتوره بتردد_
إحنا ما بلغناش
_نوره بانفعال_
يعني إيه ما بلغتوش..حضرتك دكتوره وفاهمه..
ولا حضرتك مش مقدره الخطوره..
اللي البنت دي فيها دلوقتي
_(وبدأت الدكتوره تحكيلها على كل حاجه بالتفصيل..
وأخدتها على غرفه سمير)_
_نوره_
قضيه نور بقت قضيتي..وهشتغل عليها من النهارده..
وأنا عيزاكم تطمنوا..وإن شاءالله هلاقيها
_نهله بتهور_
وريلها يا سمر صور البنتين اللي كانوا عايزين يقت،لوكي
_نوره باستغراب_
بنتين كانوا عايزين يقت،لوها..
ما قولتليش يعني حاجه عن البنتين دول يا دكتوره..
وانتي يا سمر عملتيلهم محضر ف القسم
__(الكل ساكت ومحدش بيرد)__
_نوره_
طيب فيه حاجه تاني أنا معرفهاش
__(الكل ساكت)__
_نوره_
عالعموم لو فيه أي حاجه اتصلوا بيا..
رقمي مفتوح ليكم ال24 ساعه
_(وتسيبهم وتمشي)_
_بقلم...محمد طه عبد المجيد
__(الدكتوره تتصل بشاكر)__
_الدكتوره_
ها يا شاكر طمني وصلت لحاجه
_شاكر_
لسه يا دكتوره..وشكلي كده مش هعرف أوصل لحاجه
_الدكتوره بقلق_
يعني إيه مش هتعرف توصل لحاجه
_شاكر_
البنتين دول بيغيرو من شكلهم كتير..بيتنكرو يعني..
بيدخلوا المكان بيخرجو ناس تانيه خالص..
وأنا يدوب بتعرف عليهم بالعافيه..
وعالفكره يا دكتوره..
البنت اللي استقبلتهم ف المطار ف ألمانيا..
واحده من البنتين دول
_الدكتوره باهتمام_
أنته متأكد يا شاكر
_شاكر_
متأكد يا دكتوره زي ما أنا متأكد إني بكلم حضرتك دلوقتي
_الدكتوره_
شاكر أنته لازم توصل للبنتين دوا..لازم توصلهم
_____________________________
_(المقر الرئيسي للباشا الكبير)_
_الباشا_
أعرفك يا نور بالأختين ميري وسهيله..
أكتر اتنين أنا بثق فيهم..
_(ويوجهه كلامه لميري وسهيله)_
رحبوا بضيفتنا الجديده
_ميري_
أهلاً بيكي معانا يا نور..أكيد عارفه صوتي..
أنا اللي استقبلتك ف المطار
_سهيله بقرف_
إنتي بقي نور العميا..
أنا بصراحه مش عارفه إنتي هتشتغلي معانا إزاي..
إحنا شغلنا أكشن ومتعه..
وإنتي لا هتعرفي ف الأكشن ولا بتشوفي عشان تستمعي..
دا أنتي حتي لسه عيله نغه بضفاير
_ميري بغضب_
سهيله..الباشا بيقول رحبوا بالضيفه
_سهيله_
حاضر.. وهاخدها بالاحضان كمان..
تعالي يا نغه ف حضني
_(وتروح سهيله تحضن نور..وتبدأ تحس،س..
على جس،م نور بطريقه مستفزه)_
_(والباشا واخد جنب بعيد ومو،لع سيجار
ومستمتع وراضي عن أداء سهيله)_
_سهيله وهيا لسه حاضنه نور_
لأ بس جس،مها حلو..وزبونها عندي..إلا قوليلي يا نغه
_ميري تقاطعها_
سهيله بكفايه عشان ما أزعلش منك..
وانتي عارفه زعلي _(وتعتذر لنور)_
أنا آسفه يا نور..سهيله بتحب تهزر..
بس هزارها مستفز شويه
_سهيله_
أنا هزاري مستفز الله يسامحك يا ميري..
دا أنا بس بنكشها عشان أسمع صوتها..
ولا هيا عميا وخرسا..ما تسمعينا صوتك يا نغه
_نور بثقه وهدوء_
عقلي أختك يا ميري..أختك بدأتها معايا غلط..
واللي بيبدأ بالغلط بيندم ف الآخر
_سهيله باستهزاء_
ما شاءالله النغه بتخربش..وشي قدامك أهوو..
يلا مدي إيدك وخربشي..إيه مش شايفه وشي..
أمسك إيدك وأساعدك يا عميا
_ميري بصوت عالي_
سهيله..لو نطقتي كلمه تاني
_نور تقاطعها_
ثواني يا ميري..هوا الباشا موجود ولا سابنا وخرج
_(الباشا يشاور لميري إنها تقولها إنو خرج_
_ميري_
لأ الباشا خرج مش موجود
_نور بابتسامه وف سرها_
خرج إزاي..لو خرج كنت حسيت بحركه وهوه خارج..
وبعدين ريحه السيجار دي إيه
_(وتعلي صوتها)_
كملي يا سهيله اللي الباشا أمرك بيه
_)الباشا وميري وسهيله يبصو لبعض باستغراب)_
_نور_
إيه يا سوسو ما تكملي دا لسه أول مشهد..
والمسلسل طويل..
خدي بقي أول نصيحه من النغه..
أختاري الوقت المناسب ومتستعجليش..
عشان اللي بيستعجل بيتشنكل ويقع..
وإنتي إستعجلتي ونفذتي قدام الباشا..
_(وتوجهه كلامها للباشا)_
منور يا باشا لو السيجار بتاعك خلص..
تقدر تو،لع واحده تانيه........
ويتبع.............
بقلم...محمد طه
