رواية الورث الفصل الثاني عشر 12 والاخير بقلم نور محمد
#البارت_التاني_عشر
وبعد وقت وصل محمود واحمد لشقه حسام ولقوا الباب مفتوح فجري محمود برعب على جوه والمكان كان هادي جدا وده دب الخوف في قلب محمود اكتر فنادي على حسام برعب
محمود برعب:بابا انت فين رد عليا ارجوك.
فضلت عنيه تدور على حسام في كل مكان بدون فايده فجري بسرعه على غرفه نوم حسام وقبل مايفتحها انصدم لما الباب انفتح وطلع قدامه المعلم عماد وفي ايده سكينه
تراجع محمود من قدام الباب بصدمه وبلع ريقه برعب على حسام وقال: بابا فين؟ انت عملت فيه ايه؟!
بص عليه المعلم عماد بضيق: ملحقتش اعمل لانه هرب مني الجبان
محمود الدم غلى في عروقه ومسك المعلم بغضب:وديني وما اعبد لو كونت لمست شعره واحده منه بس انا كونت دفنتك مكانك فاهم
المعلم بخوف:قولتلك هرب مني قبل ما اوصل هنا بس انا هستناه وهاخد حقي منه بأيدي
محمود بص عليه بشر فتدخل احمد بسرعه وقال:حقك عندي انا يامعلم انا هدفع دين عمي حسام تمام
المعلم ببرود:تمام مش مهم مين هيدفع المهم فلوسي ترجع عندي بكره بالكتير
احمد بضيق:حاضر يامعلم بكره فلوسك تكون عندك
المعلم:تمام كده عن اذنكم
خرج المعلم ومحمود دخل الغرفه بخوف وقال:بابا فين؟ياترى هرب منهم وراح فين؟
احمد بهدووء:تعال ندور عليه بره احسن يامحمود اكيد مبعدش من هنا
محمود بقلق:ايوه عندك حق ياله بينا
ــــــــــــــــــــــــــــــــــــــــــــــــــــــــــــــ
وعلى الجهه الاخرى في منزل محمد كان الجميع لسه متوتر وخايف على حسام وفجأه سمعوا صوت جرس الباب فجرت حنان علشان تشوف مين ونصدمت
حنان بصدمه:حسام!!
حسام بتعب:حنان ممكن ادخل جوه
بعدت حنان بسرعه من قدام الباب بخوف عليه:اكيد ادخل ياحسام كلنا هنا قلقانين عليك
دخل حسام وكان شكله متبهدل اوي ومضروب في وشه ومحمد شاف حالته فقال بصدمه:حسام انت كويس مين عمل فيك كده؟
حسام بألم:ايوه كويس الحمد لله ياعمي بس انا بعد ماهربت منهم بصعوبه مكنش قدامي غير بيتك انت بس اجري عليه
محمد براحه:تمام والا يهمك المهم انك كويس
حنان بقلق:طيب انا هجيب علبه الاسعاف الاوليه علشان نضمض جروحك دي
حسام بتعب:شكرا ياحنان
ـــــــــــــــــــــــــــــــــــــــــــــــــ
وبعد وقت احمد ومحمود تعبوا من البحث عن حسام فرجعوا للبيت تاني بعد مابلغوا الشرطه عن اختفاءه
دخل محمود البيت بقلق وخوف على حسام وفجأه انصدم لما لقاه قدامه فجرى عليه بسرعه ودموع:بابا انت كويس انا دورت عليك في كل مكان ياحبيبي
حسام ببسمه:انا كويس يامحمود متقلقش ياحبيبي
محمود براحه:الحمد لله انك بخير الحمد لله
اجت حنان بسعاده:ياله تعالوا انا حضرت الاكل اكيد جعانين دلوقتي
اجاب الكل:تمام ياله بينا
ـــــــــــــــــــــــــــــــــــــــــــــــــــــــــــــــ
وبعد مرور شهرين الاوضاع كانت مستقره عند الكل وجاء يوم خطوبه محمود وميرا
محمود بفرحه:انا مش مصدق انك جنبي دلوقتي ياميرا
ميرا بحب:لا صدق ياحبيبي كمان بص على الدبله الجميله دي في ايدي دي بأسمك انت يامحمود
محمود بحب:ده اجمل يوم في حياتي كلها انا بحبك اوي
ميرا بحب:وانا كمان بحبك اوي يامحمود
ـــــــــــــــــــــــــــــــــــــــــــــــــــــــ
_ليه القمر واقف كده لوحده؟
رحمه بانتباه:افندم مين حضرتك؟!
_انا أياد بسيوني بابا صاحب عمو حسام ابو العريس ياقمر
رحمه ببرود:اتشرفنا عاوز ايه يعني؟
اياد بغمزه:انا نفسي اطلع القمر بس مستني اخد الأذن منه
رحمه بعدم فهم:قصدك ايه؟
اياد بخبث:تعالي معايا وانا هفهمك ياقمر
وبعد وقت **
رحمه بصراخ:يامريم الحقيني الولد ده كان عاوز بو...
حط اياد ايده بسرعه على بقها وقال:هشش يخرب بيتك هتفضحيني كل ده على بوسه خلاص مش عاوز
رحمه بضيق:ابعد ياقليل الادب عني احسن الم عليك أمه لا اله الأ الله
اياد ببرود:ماشي انتي اصلا مش حلوه
رحمه بردح:مين دي اللي مش حلوه يامعفن انت ها
اياد بغيظ:انا بقى معفن يامقشفه دنتي وشك مكرمش يابت من الكبر ياام لسان طويل
رحمه سمعته وزاد غضبها فمسكت فيه وهو مسك فيا وبدأت الخناقه وفجأه اجت حنان وفضت الخناقه بصعوبه
حنان بضيق:باااس احنا في خطوبه ياولاد عيب كده
رحمه بصراخ:هو الي بدأ ياعمتو قال عليا وحشه
إياد بعند:وانتي قولتي عليا معفن كمان
حنان ببرود:خلاص حصل خير ياولاد
اياد بص على حنان وانصدم وقال بغمزه:بس انتي احلا منها بكتير ياخاله
حنان بصدمه:انت بتعاكسني ياشبر ونص؟
اياد بضحك:خلاص متزعليش تعالي اصالحك انا عندي لكي عريس لقطه والله تعالي معايا بس
قرب ومسك ايد حنان بحنيه وحنان ضحكت عليا ومشت معاه بهدووء
ــــــــــــــــــــــــــــــــــــــــــــــــــــــــــــــ
وعند احمد ومريم
احمد بقلق:مالك ياقلبي انتي كويسه؟
مريم بحزن:ايوه كويسه بس زعلانه بسبب كلام الدكتور
احمد بحنيه:ياحبيبتي احنا في العلاج من اوله وان شاء الله هتخفي وتبقي احلا أم كمان
مريم:ان شاء الله ياحبيبي
ــــــــــــــــــــــــــــــــــــــــــــــــــــــــــــــ
وصل اياد بحنان عند ابوه وقال:ده بقى عريسك بس أيه جامد اوي
ضحكت حنان عليه وقالت : وانت عرفت منين اني مش مجوزه
اياد بذكاء:من ايدك ياخاله اصل مفيش دبله يبقى مش مجوزه صح
حنان:صح انا مش مجوزه
أياد بفرحه: الحمد لله كده اطمنت يابابا انا جبتلك عروسه زي العسل تعال شوف كده
اسلام والد اياد بانتباه:اياد كونت فين انا دورت عليك في كل مكان؟
اياد بخبث:كونت بدور ليك على عروسه قمر زي ماما
اسلام باحراج:اياد عيب كده تعال هنا
اياد بعند:لا انت قولت لو انا لقيت عروسه حلوه زي ماما الله يرحمها انت هتتجوزها مش ده كلامك
اسلام بحزن عليه:تعال ياحبيبي عيب اللي بتعمله ده
حنان بشفقه:خلاص سيبه انا هاخد بالي منه
اياد:انا عجبتني يابابا حلوه وطيبه كمان انا عاوزها تبقى ماما ارجوك
اسلام باحراج اكتر:وبعدين معاك يا اياد
اياد بضيق:خلاص بس انا مخاصمك تعالي ياقمر ناكل هناك انا جعان اوي
حنان ببسمه فرحه:ماشي ياصغنن ياله نروح
حنان اخدت اياد ومشت واسلام كان متابعها بعنيه بأعجاب واضح
ـــــــــــــــــــــــــــــــــــــــــــــــــــــــــــــــ
محمود باعتراض:هتروح فين يابابا وتسيبني
حسام ببسمه:ياحبيبي هروح احج انا الحمد لله قدمت على الحج والاسبوع الجاي هطلع بأذن الله
ميرا بحزن:هتوحشني اوي يابابا
حسام:وانتي كمان ياحبيبتي وكلكم هنا هتوحشوني اوي اوي
محمود:تمام يابابا انا موافق طبعا وهوصلك بنفسي كمان
حسام بفرحه:ربنا يخليك ليا ياحبيبي
ــــــــــــــــــــــــــــــــــــــــــــــــــــــــــ
وبعد مرور اسبوع العيله كلها اتجمعه علشان تودع حسام على الحج وكلهم كانوا فرحانين ليه وبعد ماودعوه رجعوا البيت تاني
محمد بفرحه:الحمد لله كل الامور بقت هنا تمام وكله مبسوط كمان
وبعدها وجه نظره لحنان وقال:ربنا يسعدك انتي كمان يابنتي نفسي بجد افرح بيكي
حنان برضا:الحمد لله يابابا انا فرحانه كده المهم عيلتي كلها معايا وكلهم كويسين
محمد بحزن:وانت ياحمد اخبار مريم ايه مفيش تحسن في حالتها
احمد:ان شاء الله يحصل ياجدي ربنا معانا
محمد وحنان مع بعض:امين يارب يبني يجبر خاطركم قادر ياكريم
وفجأه سمعوا جرس الباب فجرت حنان تفتح
حنان بصدمه وفرحه:أياد انت هنا؟
اياد بمشاكسه:وحشتيني اوي اجيت اشوفك
حنان بحب:وانت كمان وحشتني اوي
اسلام باحراج:احم عامله ايه ياأنسه حنان
حنان بكسوف:كويسه الحمد لله تعالوا اتفضلوا جوه
اسلام:شكرا ياأنسه
دخل اسلام واياد معاه ومحمد شافهم وقال:اهلا وسهلا ياأستاذ اسلام اتفضل
اسلام:يزيد من فضلك ياعمي احم اياد اصر انه ياجي يشوف الأنسه حنان علشان كده انا اجيت معاه علشان اسلم عليكم كمان
اياد بخبث:ايوه واجينا نخطب ماما حنان لبابا اسلام كمان
اسلام باحراج:اياد احنا قولنا ايه في البيت؟
اياد بخبث:قولنا نتكلم معاهم شويه بشويه بس خير البر عاجله يابابا مش كده
اسلام بخيبه امل:عمري ماهقدر عليك ابدا
اياد بغمزه:تلميذك بقى يابابا
اسلام بضحك:تمام ندخل في الموضوع زي ماحضرتك سمعت من ابو لسان طويل ده انا حابب اتقدم للأنسه حنان قولت ايه ياعمي؟
محمد بفرحه:قولت نسأل العروسه الاول أيه رأيك ياحنان
حنان بصت عليهم بكسوف ومردتش فقرب منها اياد بعاطفه طفوليه وقال:والنبي وافقي ياماما حنان انا يتيم الأم ونفسي يبقى معايا ماما زي صحابي
كلهم سمعوه وزعلوا عليه حتي بباه لان امه ماتت وهو لسه صغير وحنان بصت عليه بشقفه وحملته على ايدها وقالت:خلاص موافقه وانا اطول يبقى معايا ابن عسل زيك كده
اياد حضنها بفرحه وقال:وافقه يابابا اجري هات المأزون بسرعه
ضحكوا كلهم عليه واسلام قال بيأس من ابنه:حاضر ياأياد ياحبيبي
ــــــــــــــــــــــــــــــــــــــــــــــــــــــــــ
وبعد مرور شهر كمان كان الكل قلقان على تأخر حسام في الحج ومحمود سأل عنه هناك وعرف انه مات بعد ماخلص الحج بتاعه وادفن هناك كمان والكل زعلوا عليه الاول بس فرحوا ليه لانه ادفن جنب الرسول عليه الصلاة والسلام
وجاء يوم المنتظر حفل فرح محمود وميرا وحنان واسلام كمان معاهم وكان الاجواء رائعه ومثاليه والكل كان فرحان جدا واياد كان وافق مع حنان بيرقص معاها بفرحه
اسلام بضيق: كفايه كده بقى ياأياد سيبني ارقص معاها انا كمان
اياد باعتراض: لا انت روح شوفلك مزه تاني دي بتاعتي انا بس
حنان ضحكت عليه واسلام قال بغيط: يعني انا اجوز وانت تقف ترقص معاها ايه الظلم ده
اياد بشفقه: خلاص تعال ارقص معاها بس لو سمعت انك زعلتها انا هخدها منك تمام
اسلام باستسلام: تمام ياستاذ اياد وسع كده بقى انا العريس هنا
اياد بضحك: ماشي ياعم العريس انا هروح ادور على مزه ليا بقى هنا
اياد سابهم وحنان ضحكت عليه وقالت: والولد ده مشاكس اوي بس عسل زي بباه
اسلام بغمزه: والله مافي عسل هنا في الحفله غيرك انتي ياعسل
حنان بكسوف: لا دي جينات وراثيه بقى
اسلام بضحكه رجوليه عاليه: عندك حق رغم قله ادبه بس ابن ابوه ايه رأيك نرقص سوى بقى؟!
حنان: تمام موافقه
ـــــــــــــــــــــــــــــــــــــــــــــــــــــــــــــــ
محمود بحب:ايه القمر ده دي القاعه منوره بس علشانك
ميرا بكسوف:شكرا يامحمود
محمود بمشاكسه:شكرا ايه بقى احنا اجوزنا خلاص عاوز دلع ورومانسيه بقى دنا عندي جفاف عاطفي عاوز ارويه
ضحكت ميرا بصوت عالي فقال محمود بغمزه:صلاه النبي احسن ايوه كده دلعني ياقلبي
ميرا بخجل:محمود اتلم في اوضتنا الكلام ده
محمود بحب:حاضر ياقلب محمود خلاص هانت كمان شويه وتبقى في حضني وبعدها لا تراجع والا استسلام
ميرا ضربته في كتفه بضيق فضحك عليها محمود بقوه
ـــــــــــــــــــــــــــــــــــــــــــــــــــــــــــــــ
احمد بقلق:مريم انتي كويسه
مريم ببسمه:يااحمد انت كل شويه تقول نفس الجمله انا كويسه والله
احمد:معلش اصل بقلق عليكي اوي
مريم بحب:متقلقش عليا وبعدين انا عندي ليك خبر حلو اوي
احمد بحماسه:خبر ايه باقلبي؟
مريم بسعاده:انا تعبت شويه امبارح فجبت اختبار حمل وعملته وطلعت حامل ياحمد الف مبروك ياحبيبي هنبقى بابا وماما
احمد من فرحته حملها بسرعه على ايديه وقال:ده احلا خبر سمعته في حياتي كلها انا اسعد انسان في الدنيا دلوقتي يامريم
مريم بخوف:احمد نزلني انا دوخت ارجوك
نزلها احمد بأسف وقال:اسف ياقلبي من الفرحه محستش بنفسي
مريم :عادي ياحبيبي والا يهمك
احمد بحب:انا بحبك اوي يامريم
مريم بحب:وانا كمان بحبك اوي يااحمد
ــــــــــــــــــــــــــــــــــــــــــــــــــــــــــــــ
اياد بغمزه:مش ناوي تحن علينا بقى يامجنني
رحمه بضيق:عاوز ايه يااياد؟
اياد بخبث:عاوز اطول الرضا بس من عيونك القمر دول
رحمه بطفوله:مريم قالت البوس حرام ياأياد
اياد بمشاكسه:يابت انا هجوزك لما نكبر يعني مش عيب
رحمه باعتراض:لا لما نكبر ونجوز ابقى تاخد بوسه
اياد بضيق:خلاص انا هروح ادور على مزه تاني اخد منها بوسه بت فقر بصحيح
وقبل مايتحرك من جنبها مسكته رحمه بشر وقالت:على فين ياحلو انت مش هتتحرك من جنبي لغايه مانكبر ونجوز فاهم
اياد بغمزه:يعني اجهز نفسي من دلوقتي ياقمري
رحمه ببسمه:ايوه جهز نفسك وانا كمان هجهز نفسي
اياد بفرحه:تمام تعالي اطلبك من طنط مريم بقى مدام كده
رحمه بسعاده:يعني هتخطبني منها
اياد بغمزه:ايوه وبكره اروح مع بابا نجيب الدهب بتاعك ولما نكبر نجوز علطول ايه رأيك؟
رحمه بحماسه:اكيد موافقه ياله بينا
اياد بضحك:البت دي مدلوقه اوي بس خطفت قلبي ياله ياروحي بينا
ـــــــــــــــــــــــــــــــــــــــــــــــــــــــــــــــ
وبعد ماخلص الفرح الكل اتجمع علشان يتصوروا صوره عائليه وكل واحد وقف جنب مراته حتي اياد وقف جنب رحمه ومسك ايدها بحب وسعاده واخدوا الصوره وكانت جميله اوي
وحنان وقفت جنب اسلام وهي بتبص على الكل حوليها بسعاده عارمه وقالت:فعلا الورث والكنز الحقيقي في الحياه هو الأهل والعيله الحقيقه اللي تحبك من قلبها وتحتويك في كل ظروفك
وكده خلصت روايتنا وتمت بحمد الله عاوزه اعرف رأيكم في الروايه وتفاعلوا على البارت علشان تعبت فيه جدا وشكرا لمتابعين ودعمكم ليا وانتظروا الروايه الجديده بأذن الله احلا من دي والسلام عليكم ورحمة الله وبركاته
#النهايه
#الورث
بقلمي نور محمد 🌺
