رواية الورث الفصل الحادي عشر 11 بقلم نور محمد
#البارت_الحادي_عشر
حنان بحزن على نفسها:طلقني ياحسام
محمود وميرا بصوا لبعض في نفس الوقت: ايييه؟!!!
حسام بحزن:ده حقك ياحنان وانا موافق هطلقك بس قدام العيله كلها وفي اي وقت انتي عاوزاه
حنان بدموع:بكره عندنا في البيت وانا هكون في انتظارك
حسام بحزن دفين:حاضر ياحنان
محمود بقله صبر:انا عارف انه مش وقته بس مش قادر اصبر تاني انا عاوز اجوز ميرا ياطنط حنان
حسام بضيق:وهو ده وقته ياعديم الدم
محمود ببرود:وانا مالي طيب ده حوار بينكم انتو انا زنبي وميرا ايه؟
حنان بغلب:هو عنده حق خلاص تعال مع حسام بكره ونشوف هيحصل ايه؟
محمود بفرحه:بجد ياطنط حنان..وبعدها وجه نظره لميرا وقال مشاغبه..تصدقي انا بعشق امك
حسام بحده:ما تتلم ياض دي لسه مراتي وعلى زمتي
محمود باحراج:لا مش اقصد اللي في دماغك هي بتتقال كده صدقني
ضحكت حنان بغلب: والله ماعارفه ازعل بجد بسببك انت امك فين ياواد؟!
محمود بحزن: الله يرحمها ياطنط
حنان بحزن عليه: انا اسفه مقصدش والله خلاص انت بقيت من مكانه ميرا عندي يعني زي ابني كمان
محمود ببسمه حزن: شكرا ياطنط حنان انتي قلبك طيب اوي
حسام بندم: فعلا هي عندها اطيب قلب في الدنيا
حنان اتكسفت منه وقامت مسكت ايد ميرا: عن اذنكم احنا هنمشي علشان اتأخرنا اوي
محمود ببسمه: اجي اوصلكم طيب
حنان باعتراض: لا شكرا مش عاوزين نتعبك معانا يابني
فرح محمود لما حنان قالتله يابني فقال بمغازله لميرا: تمام وخلي بالك من قلب محمود كويس لغايه بكره ياطنط
ميرا اتكسفت قدامهم وحنان قالت بقله حيله: الولد ده جيناته كلها سافله كده ليه؟
محمود بتوضيح: علشان بحب بنتك وبعشق امها ياطنط
حسام بحده: وبعدين معاك
محمود بمرح: والله مش قصدي هي بتتقال كده يابابا
حسام بغلب: تمام ياله نرجع بقى البيت
ـــــــــــــــــــــــــــــــــــــــــــــــــــــــــ
وفي البيت رجعت حنان وميرا ولقت محمد قدامها
محمد بقلق: اتأخرتوا كده ليه ياحنان؟
حنان بحزن: مفيش يابابا قابلت حسام في المول
محمد بصدمه: ايه قابلتي حسام ليه وقالك ايه؟
حنان:مقلش يابابا انا قابلته صدفه واتكلمت معاه وطلبت منه الطلاق وهو وافق هياجي بكره يطلقني هنا
محمد بحزن عليها:انتي متأكده يابنتي من قرارك ده انا مش عاوز اظلمك
حنان بتأكيد:ايوه متأكده اوي يابابا انا علاقتي بحسام انتهت من عشرين سنه وانا خلاص مبقاش في حياتي مكان او مشاعر لحسام تاني
محمد بفرحه:وانا معاكي يابنتي المهم تكوني مبسوطه
حنان ببسمه:ايوه مبسوطه اوي يابابا
محمد براحه:ربنا يديمها عليكي يابنتي يارب
حنان:امين يارب اه صحيح انا قابلت الواد محمود كمان وعرفت الحقيقه كلها طلع ابن مراته مش ابنه وطلب ايد ميرا مني وانا قولتله ياجي مع حسام بكره أيه رأيك يابابا
محمد بفرحه:بصراحه انا شايف انه جدع وبيحب ميرا اوي بس ده قرارك انتي في الاخر ياحنان
حنان بتفهم:وانا شايفه ان ميرا بتحبه كمان علشان كده موافقه
ميرا سمعتها وفرحه اوي فحضنتها بسعاده:شكرا ياماما شكرا اوي
حنان بسعاده لبنتها:ربنا يديمها عليكي سعاده يابنتي
ـــــــــــــــــــــــــــــــــــــــــــــــــــــ
وفي غرفه احمد ومريم
احمد بقلق:مالك يامريم انتي كويسه ياحبيبتي
مريم بتعب:مش عارفه يااحمد حاسه نفسي دايخه وتعبانه اوي
احمد بخوف:طيب تعالي نروح لدكتور حالا
مريم بتعب اكبر:تمام انا هجهز خمس دقايق بس
احمد بخوف:اساعدك طيب
مريم بتماسك:لا بس استناني هنا مش هطول عليك
احمد:حاضر
ــــــــــــــــــــــــــــــــــــــــــــــــــــــــــ
وفي منزل حسام كان قاعد حزين من كلام حنان معاه وفجأه سمع جرس الباب فخرج يشوف مين
حسام بصدمه:اهلا يامعلم نورت اتفضل
المعلم بضيق:لا انا مش هنا علشان اتفضل انا عاوز فلوسي حالا ياحسام
حسام بخوف:والله يامعلم بجمع فيهم خلاص يكملو معايا بس عاوز وقت كمان
المعلم بحده:لا وقتك خلص معايا ياحسام واخرك بعد بكره لو الفلوس مبقتش عندي استحمل بقى اللي هيحصل مني
بلع حسام ريقه وقال:ماشي يامعلم بعد بكره الفلوس تكون عندك
المعلم:تمام اوي سلام
خرج المعلم ومحمود دخل في نفس الوقت وقال:المعلم عماد بيعمل ايه هنا يابابا؟
حسام بتعب:مفيش يامحمود كونت بطلب منه فلوس
محمود بصدمه:تاني يابابا مش كفايه ده راجل ميعرفش ربنا بيتاجر بفلوسه بالمكسب يابابا
حسام:اخر مره يامحمود مش هطلب منه تاني
محمود بقلق:طيب انت كويس
حسام بتعب:ايوه بس الضغط علي عليا شويه
محمود بخوف:انا هجيب ليك العلاج حالا
دخل محمود وجاب العلاج بسرعه وقال:استني هحضر ليك الاكل الاول وبعدها خد العلاج
هز حسام رأسه ومحمود دخل يحضر الاكل وحسام قال بقله حيله وتفكير:هعمل ايه دلوقتي ياربي لازم اتصرف في الفلوس بسرعه ده رجل شراني وممكن يأزي محمود او حد قريب مني لازم اتصرف بأي طريقه
ـــــــــــــــــــــــــــــــــــــــــــــــــــــــــــــــ
وفي اليوم التالي في منزل محمد
حضر حسام بحزن ومحمود كان فرحان اوي علشان هيطلب ميرا اخيرا منهم، ومحمد واحمد والباقي متجمعين كلهم
محمد بحماسه:ها ياحسام اخيرا اجه الوقت الي استنيته من زمان ارمي يمين الطلاق على بنتي حالا
حنان كان بتبص على حسام بترقب وحسام قال في نفسه بندم وحزن:اسف بس لازم اعمل كده انا عارف هيقولوا عليا ايه دلوقتي بس لازم اعمل كده
احمد باستغراب:في حاجه ياستاذ حسام كلنا هنا في الانتظار
فاق حسام على صوته وبلع ريقه بتوتر وندم وقال:انا هطلقها حالا بس عاوز في المقابل ميه الف جنيه دلوقتي
بصوا عليه كلهم بصدمه كبيره ومحمود قال بصدمه:انت بتقول ايه يابابا؟!!
حسام ببرود:انا موافق اطلقها بمقابل ميه الف جنيه بس
محمد بضيق:انا كونت متأكد انك بتضحك علينا ياحسام انت عمرك متغيرت او هتتغير ابدا
حنان بصدمه:انا كونت هصدق انك فعلا ندمت على الي عملته زمان بس دلوقتي اتأكدت ان الطمع بيجري في دمك حسام
محمود بحزن:ياطنط اكيد بابا بيهزر بس مش كده يابابا حسام
حسام ببرود رغم النار الي جواه من كلامهم:لا مش بهزر انا مش هطلق قبل الفلوس ماتكون قدامي
احمد بحده:تصدق انك اكتر شخص ندل شوفته في حياتي كلها بس على العموم الفلوس موجوده وانا هجيبها حالا المهم نخلص منك
حسام سمعه ومردش عليه وحاول يمسك دموعه من كلامهم عليه ومحمود كان مصدوم فيه اوي
وبعد وقت احمد احضر الفلوس وحطها قدامه وقال:اهو ميه الف جنيه تمن طلاق عمتي قدامك وعليهم عشرين الف كمان حلاوه اننا خلصنا منك
حسام مد ايده واخد الفلوس بكل برود وقال:كده تمام انتي طالق ياحنان
حنان نزلت دموعها بحسره على نفسها والي حصل معاها والصدمه اللي انصدمتها فيه دلوقتي وميرا كمان كانت بتعيط لانها فكرت ان بباها اتغير بس طلع لسه زي زمان
محمد بحده:اخدت الي عاوزه ياحسام وزايد عليه كمان واخلصنا احنا منك وبعد دلوقتي مش عاوز اشوف وشك في حياتنا تاني ابدا
وقف حسام ومعاه الفلوس وقال: تمام معاك حق انا دوري هنا خلص خلاص ياله يامحمود يابني
محمود برفض: لا انت بتعمل كده ليه انا متأكد ان حصل معاك حاجه قول يابابا حصل معاك ايه ارجوك؟
حسام ببرود: محصلش حاجه يامحمود انا محتاج الفلوس دي بس ياله نرجع البيت
محمود برفض وعند: لا انا مش هتحرك من هنا قبل ماعرف الحقيقه يابابا
حسام بحده: قوم يامحمود معايا في البيت هقولك كل حاجه ياله قدامي
محمود بص في عنيه ولاحظ الدموع المحبوسه فيها ففهم ان في شئ حاصل معاه فقام بهدووء وقال: حاضر يابابا
وقبل ميخرج من البيت وجه نظره لميرا وهي بتعيط وقال بثقه: هرجعلك تاني ياميرا اوعدك مش هسيبك ابدا
ميرا بصت عليه بحزن وخرج محمود وحسام من البيت ومحمد قال بتعب: حنان هاتي يابنتي علاجي الضغط علي عليا
حنان بخوف: حاضر يابابا دقيقه بس
جرت حنان تجيب العلاج واحمد قرب من جده بقلق وقال: اهدي ياجدي كل حاجه بقت تمام دلوقتي
محمد بتعب وحزن: انا كونت فاكر انه اتغير بعد الي حصل معاه زمان بس عمر ديل الكل'ب ميتعدل ابدا
احمد بحزن: مش مهم ياجدي المهم خلصنا منه الحمد لله
ــــــــــــــــــــــــــــــــــــــــــــــــ
وفي بيت حسام **
محمود بحده:وصلنا البيت اهو عاوز افهم انت ليه عملت كده قدامهم؟!
حسام بتعب:قولتلك محتاج الفلوس دي ضروري
محمود بعدم فهم:محتاجهم في ايه ياظبط انا عاوز اعرف
حسام بحزن: عليا دين كبير لازم اسده بكره
محمود بصدمه: دين؟!! دين لمين يابابا انت عمرك ما كان عليك دين وبعدين مقولتيش ليه ان عليك دين قبل كده؟
حسام: علشان ده دين قديم يامحمود من وقت مرض امك اخدته من المعلم عماد
محمود بصدمه: المعلم عماد انت اكيد بتهزر
حسام بتوضيح: لا مش بهزر من قبل سنتين بعد ماامك تعبت انا صرفت فلوسي كلها على علاجها بدون فايده ومفيش تقدم في حالتها والدكتور قال لازم اعمل لها عمليه كبيره وان شاء الله تخف
وكان مبلغ العمليه ربع مليون جنيه وانا مش معايا حتي جزء منه فروحت للمعلم عماد وطلبت منه الفلوس وهو وافق بس بشروط وانا وافقت بدون تردد عليهم وانت عارف الشخص دي شراني وبلطجي بياخد حقه بيده مش بالقانون يابني
محمود بتفهم:امم طيب انت ليه مقولتش ليا من زمان انك واخد منه فلوس
حسام:كونت خايف عليك ولاني عارف انك بتكرهه فكونت خايف عليك تتهور وتضيع نفسك بسببه
محمود:تمام يابابا بس انا لازم ارجع الفلوس دي ليهم تاني وبعدها انا هتصرف في الفلوس من عندي
حسام بعتراض:لا يامحمود سيب الفلوس لاني مش عندي وقت كتير المعلم عاوزهم مني بكره والازم ارجعهم ليه بكره
محمود بحده:بابا هات الفلوس انا مش هسمحلك تعيد غلط زمان تاني ولو على المعلم عماد انا هتفاهم معاه بنفسي
حسام مسك الفلوس بعتراض:لا لا ده راجل ميعرفش ربنا وممكن يأزيك يامحمود سيب الفلوس لازم ارجعها ليه
محمود قرب وشد الفلوس منه بقوه وقال:متخفش عليا ابنك رجل مبيتخفش عليه بس الفلوس دي لازم ترجع لاني مش هسمح انك تبقى قدامهم غلطان وانت مظلوم
حسام بترجي:يامحمود ارجوك افهمني انا ممكن اموت لو حصلك او حصل لحد قريب مني حاجه بسببي يابني
محمود قرب وطبطب على كتفه بتفهم:متخفش كل حاجه هتبقى تمام اوعدك بس اثق فيا
حسام بقلق:ماشي يامحمود ربنا يستر
محمود براحه:تمام انا هروح فورا ارجع الفلوس لجدى واحمد وهفهمهم كل حاجه
حسام بتعب:تمام يابني
ـــــــــــــــــــــــــــــــــــــــــــــــــــــــــــــــ
وعلى الجهه التانيه في غرفه مريم واحمد
احمد بضيق:مريم خدي علاجك بقى ياحبيبتي تعب معاكي
مريم برفض:لا مش عاوزه ده طعمه وحش اوي بلاش منه شوف علاج طعمه احلا
احمد بضحك:اشوف علاج طعمه احلا ازاي ياحبيبتي بس خدي يامريم الله يرضى عنك انا تعبت معاكي انتي مش طفله
مريم بحزن:احمد انا عاوزه ابقى أم بجد
احمد بشفقه:هتبقى ان شاء الله ياحبيبتي بس قولي يارب وخدي العلاج علشان تخفي بسرعه
مريم:تفتكر كلام الدكتور صح وانا مش بخلف يااحمد
قرب احمد واخدها في حضنه باحتواء:ياحبيبتي الدكتور قال انك عندك مشاكل في الرحم ومع العلاج هتخفي وتجيبي احلا نونو في الدنيا كمان
ابتسمت مريم بحزن:طيب انت ممكن تتجوز عليا لو مخلفتش ياحمد
احمد بحب:تفكري ممكن اعملها يامريم دنا فضلت شهر بعيد عنك مع اني كونت هموت عليكي بس من خوفي عليكي نسيت نفسي ورغبتي فيكي وكل همي بقى انك تكوني كويسه وفي حضني بس ده كونت مكتفي بيه
مريم بحب:انا بحبك اوي بجد
احمد بحب دفين:وانا بموت فيكي خدي علاجك بقى وتعالي احكيلك حدوته حلوه اوي
مريم بكسوف:يووه بقى يااحمد
احمد بغمزه:قلب وعيون احمد ياله بقى اسمعي الكلام
مريم ببرائه:حاضر ياقلبي
ــــــــــــــــــــــــــــــــــــــــــــــــــــــــــ
وفي منزل حسام كان قاعد بتوتر وقلق وهو بيفكر ياترى هيصدقوا محمود فعلا ويسامحوه المره دي او خلاص الوقت فات على السماح
وفجأه اتنفض على صوت ضرب على الباب فقام بسرعه وبص من العين السحريه في الباب لقى في رجاله كتيره بره ومعاهم سلا"ح وعصا كبيره
بلع ريقه وتراجع بخوف والضرب بقى اقوى فجرى حسام على غرفته يتخبى فيا وقفل على نفسه وفجأه الباب البيت انكسر ودخلوا الرجاله
وحسام كان خايف اوي فمسك فونه بسرعه وكان متردد يرن على الشرطه او على محمود يلحقه فكر كويس وحسم أمره ورن على...
ـــــــــــــــــــــــــــــــــــــــــــــــــــــــــــــــ
على الجهه الاخرى في منزل محمد
وصل محمود وطلب من الكل الحضور وحط الفلوس قدامهم وقال:انا اسف ياجماعه بابا غلط بس صدقوني هو مظلوم مكنش طمعان في الفلوس بس كان مجبور عليهم
محمد بعدم فهم:قصدك ايه يابني؟
محمود بسرد:قصدي ياجدي ان بابا..بدأ محمود وسرد عليهم كل حاجه حصلت
وبعدها كمل:صدقوني هو عمل كده لانه كان خايف من المعلم عماد ده شخص شراني وبلطجي والقتل عنده اسهل من شرب شوربه الخضار
ضحكت ميرا على التشبيه وقال احمد: وانا مصدقك يامحمود لانه لو كان طمعان بجد مكنش رجع الفلوس تاني
محمد بتفهم: ايوه احمد عنده حق يمكن المره دي ظلمناه فعلا بس هو مجاش معاك ليه؟!
محمود بتوضيح: لانه تعبان ياجدي وسبته يرتاح في البيت واجيت انا اوضح كل حاجه
حنان براحه: طيب الحمد لله انه طلع بريئ يابني وشكرا لانك وضحت كل حاجه قبل مانظلمه تاني
بالكذب
محمود: العفو ياطنط ده واجبي حسام ده بابا الي رباني وانا مستحيل اسيبه ابدا
احمد بتفهم: تمام وانا معاك يامحمود ولو محتاج فلوس دين عمو حسام انا هدفعه و
قاطعه محمود بتفهم:لا شكرا انا بأذن الله هسده حتي لو هسحب قرض علشانه
محمد بعتاب:ليه بتقول كده يابني احنا هنبقى نسايب قريب يعني مفيش بينا الكلام ده فاهم
ميرا سمعته وابتسمت بفرحه ومحمود كمان ابتسم بفرحه كبيره وقال: شكرا ياجدي ربنا يخليك لينا يارب انت..
وقبل مايكمل جملته رن فونه باسم حسام فرفعه محمود بتوتر وفجأه المكالمه فصلت ومحمود قلق
على حسام وقبل مايرن هو عليه اجته رساله من حسام بتقول: محمود الحقني في رجاله كتير دخلوا البيت عاوزين يمو"توني الحقني بسرعه يابني
محمود انتفض برعب على حسام والكل لاحظ ده فقال احمد بقلق: مالك يامحمود انت كويس
محمود برعب: بابا في خطر في ناس عاوزه تمو"ته
محمد بصدمه: انت بتقول ايه؟!
محمود بقلق وخوف: بعدين ياجدي احكيلك كل حاجه لازم اروح الحقه بسرعه دلوقتي
احمد بخوف: تمام ياله وانا هاجي معاك
محمود: ماشي ياله
محمد بقلق: وخدوا بالكم من نفسكم كويس
احمد وهو بيجري مع محمود: حاضر ياجدي سلام
خرجوا بسرعه البرق وحنان وميرا بيعيطوا بخوف على حسام ومريم كانت لسه مصدومه ومحمد خايف ومتوتر اوي عليهم
ــــــــــــــــــــــــــــــــــــــــــــــــــــــــــ
وبعد وقت وصل محمود واحمد لشقه حسام ولقوا الباب مفتوح فجري محمود برعب على جوه والمكان كان هادي جدا وده دب الخوف في قلب محمود اكتر فنادي على حسام برعب
محمود برعب:بابا انت فين رد عليا ارجوك.
فضلت عنيه تدور على حسام في كل مكان بدون فايده فجري بسرعه على غرفه نوم حسام وقبل مايفتحها انصدم لما الباب انفتح وطلع قدامه المعلم عماد وفي ايده سكينه وووو
#يتبع..
#الورث
بقلمي نور محمد
رأيكم عاوزين حسام يعيش او يموت؟؟؟
