رواية اشواك العشق الفصل الخامس عشر 15 بقلم سندس محمد
#رواية_اشواك_العشق
#البارت_الخامس_عشر
روان رفعت راسها ولما شافتهم قالت بصدمه: مش معقول
اعتماد باستغراب: مالك يابنتي
نور بفرحه: روان
وجريت عليها حضنتها
روان بفرحه: وحشتيني اوي يانور
اعتماد باستغراب: انتو تعرفوا بعض
احمد ببسمه: لما كنا مسافرين هي كانت جارتنا هناك
اعتماد ببسمه: سبحان الله على الصدف
روان بحب: بجد وحشتيني اوى
نور: والله وانتي كمان وحشتيني اوي
اعتماد بحب: طب تعالوا اقعدوا وانا هرن على ياسين
عند ياسين كان قاعد في شركته وبيشتغل.. وتيلفونه رن
ياسين بهدوء: الوو ياماما
اعتماد بحب: ايه ياحبيبي هتيجي امتى
ياسين: يعني نص ساعه كده وهخلص وهاجي
اعتماد: على فكره احمد ونور رجعوا من السفر
ياسين بصدمه وفرحه: بتتكلمي بجد
اعتماد بحب: لا والله قاعدين قدامي اهو
ياسين بفرحه: لا خلاص انا جاي اهو
بعد مده ياسين وصل القصر ودخل لقا احمد، نور، روان، اعتماد، قاعدين
حضن احمد بفرحه وقال: كل دي غيبه يا احمد
احمد بفرحه: لا ما خلاص مفيش سفر تاني
ياسين: طب الحمدلله... وبص لنور وقال بهدوء: عامله ايه
نور: الحمدلله وانت عامل ايه
ياسين ببسمه: الحمدلله
روان بصت لياسين بكره وطلعت على فوق
عند كامل كان قاعد في الفيلا بتاعته ومعاه توحيده وراجل شكله يخوف
كامل بخبث: زي ماقولتلك انا عايز اسمع خبر ياسين الالفي هتقدر
الراجل بصوت خشن: عيب عليك يا باشا انت بتكلم جعفر يعني مش اي حد وخلاص
كامل ببسمه: وانا عارف كده طب اتفضل انت بقا
مشي جعفر وتوحيده بصت لكامل بخوف: انت متأكد من اللي انت هتعمله ده
كامل بخبث: ايوه طبعا متأكد
توحيده: تمام بس لو اتقبض عليك انا مليش دعوه
كامل: يعني ايه
توحيده بمكر: يعني هقول ان انت اللي عملت كل حاجه
كامل بعصبيه: بقا كده خلاص ولا تزعلي نفسك وانا هقول إن انتي اللي قولتيلي اق..تل محمد وللاسف ساعتها كان معاه بنته الغبيه وهي كمان م..اتت معاه
توحيده بعصبيه: ههه هو انت فاكر انك كده بتهددني لا انا مش بتهدد يا كامل مش كفايه انك بتاجر في السلاح والقرف ده وانا ساكته انا كده كده هقعد عندك الكام يوم دول عشان مش هينفع ارجع البيت انا لو رجعت ياسين هيق...تلني
عند روان طلعت اوضتها واول مادخلت اوضتها انهارت في العياط
روان بعياط: ليه ليه يا ياسين تعمل فيا كده ليه بس انا السبب عشان حبيتك رغم كل حاجه عملتها معايا بس انا خلاص بقيت بكرهك يا ياسين وهعمل اي حاجه عشان اخد حقي منك هعمل اي حاجه
بعد شويه احمد ونور طلعوا اوضتهم ونور بصت لاحمد وقالت: انت شوفت روان بصت لياسين ازاي
احمد بهدوء: اه اخدت بالي
نور بعصبيه: ما اكيد لازم تاخد بالك
احمد باستغراب: قصدك ايه يانور
نور بعصبيه قصدي مانت بتحبها ف لازم كل حاجه تاخد بالك منها ولا ايه يا احمد رد عليا
يتبعععع
