رواية اليتيمة الفصل الرابع 4 والاخير بقلم الاء محمد

رواية اليتيمة الفصل الرابع 4 والاخير بقلم الاء محمد

 

#اليتيمة_الاخير ..

وفي يوم علياء قررت تروحله الشركه وتعمله مفاجاه لبست شيك جدا وراحت و اتفاجئت باللي حصل و قلب حياتها كلها فجأة ..

قابلتها السكرتيره ..

 السكرتيره  / اهلا وسهلا يا مدام علياء عامله ايه ..

علياء / الحمد لله بخير يوسف جوه مش كده .

 السكرتيره / لا للاسف يوسف بيه مش جوه ده بقاله فوق الشهر ونص مبيجيش غير ساعتين بس وبيمشي ..

علياء / نعم ساعتين بس ده بيقولي انه بيجي من صباحيه ربنا لحد اخر الليل.... هو انتي جديده هنا ولا ايه ..

السكرتيره / لا يا فندم مش جديده انا هنا بقالي اربع سنين من ايام مكان حسام بيه هو اللي ماسك الشركه .

 علياء الصدمه خلتها واقفه مش عارفه تقول ايه ولا تعمل ايه ..

علياء بتوهان / طيب بعد اذنك انا هدخل المكتب خليهم يجيبولي كوبايه ميه  .

السكرتيره / تمام بس هو الباشمهندس مروان جوه .

لتاني مره علياء تتصدم في نفس الدقيقه دخلت المكتب .. 

مروان اول ما شافها ابتسم  / ازيك يا علياء عامله ايه .

علياء / الحمد لله هو ايه اللي بيحصل هنا فين يوسف وانت بتعمل ايه هنا 

...........

 مروان / يوسف للاسف في البيت التاني اما انا فجيت اشوف الوضع اللي وصلت للشركه عشان اشوف هقدر اعمل ايه واصلح كل اللي باظ ده ..

علياء / هو ايه اللي باظ هي الشركه وضعها مش كويس ولا ايه  .

مروان / هو يوسف ما قلكيش ان الشركه قربت تعلن افلسها .

علياء فجاه حست انها مش شايفه اي حاجه خالص وقعت من طولها بس مروان مسكها قبل ما تقع على الارض ..

 مروان / علياء فوقي .

مروان اخدها وحطها على الكنبه اللي في الاوضه وفضل يفوق فيها علياء فاقت بس كانت دايخه ...

علياء / مروان لو سمحت قولي كل حاجه انت تعرفها انا عايزه افهم ايه اللي بيحصل بالظبط ..

مروان بلوم / حتى لو حكيتلك مش هتصدقيني يا علياء .

 علياء / لا هصدقك جربني بس

مروان اتنهد / يوسف كان متجوز قبل ما يتجوزك .. حنين بنت كانت معاه في الكليه مرتبط بيها من زمان وبيحبها ..

علياء بدموع / طب وانا ده قالي انه بيحبني .

..........

مروان / ممكن يكون بيحبك بس برضه لازم تكوني عارفه انه بيحبها هي كمان

 من اسبوع بابا جه الشركه عشان يطمن على كل حاجه ماشيه تمام ولا لا

 واتفاجئ باللي سمعه يوسف من ساعه ما اتجوزتوا وهو ما بيجيش غير ساعتين بس يسحب فلوس ويمشي لحد ما الشركه خسرت كل الصفقات ومبقاش في راس مال وبالتالي الشركه هتعلن افلاسها قريب

.....

علياء دموعها نزلت اكتر / ليه يعمل فيا كده ليه لو كان قالي انه ما بيحبنيش...... على الاقل مكنتش عشت في كل الكذب ده بس تمام هو اللي اختار ..

مروان بعد اذنك ممكن توصلني على بيتي .

مروان / متاكده انك عايزه تروحي هناك ..

علياء / ايوه ده بيتي ولازم اكون موجوده فيه دلوقتي

بعد شويه علياء كانت وصلت بيتها وفضلت قاعده مستنيه يوسف كالعاده  اخر اليوم يوسف جه

يوسف / علياء ايه اللي مصحيكي لحد دلوقتي .

علياء بتريقه / مستنيه جوزي حبيبي اللي بيروح كل يوم الشركه بتاعتي عشان يخلي باله منها ويشتغل .

 يوسف / مالك في ايه النبره الغريبه اللي بتتكلمي بيها دي ..

علياء / يوسف انا حامل .

يوسف بصدمه / ايه بتقولي ايه ازاي ده حصل  .

علياء / يعني ايه ازاي حصل احنا متجوزين وطبيعي ان يجي عليا وقت واحمل .

.......

يوسف / ايوه بس مش على طول كده انا مكنتش عامل حسابي على ده دلوقتي خالص لازم تعرفي ان انا مش عايز الحمل ده فكري في طريقه و اتخلصي منه ..

 علياء بصدمه / نعم انت بتقول ايه لا طبعا ده ابني وانا مستحيل اتخلى عنه تحت اي ظرف من الظروف .

 يوسف / وانا مش عايزه بقولك دي حاجه انتي مينفعش تاخدي فيها القرار لوحدك مشتركه بيننا احنا الاتنين .

 علياء / ولما انت عارف كده ما عرفتنيش ليه بموضوع جوازك ده ولا ده كمان مش حاجه مشتركه بينا .

يوسف اتصدم ان علياء عارفه دخل على الاوضه وعلياء دخلت وراه  .

.......

علياء / مكنتش اعرف يا يوسف انك بني ادم قذر واستغلالي بالشكل ده 

عملت كل ده وفهمتني انك بتحبني عشان فلوسي انا حقيقي ندمانه اني اتجوزت واحد زيك طلقني ...

يوسف قرب منها / حبيبتي انتي فاهمه غلط انا عملت كده عشان اصل

 هي اهلها ناس واصلين جدا وعندهم معارف كتير فانا اتجوزتها يعني عشان تفيدني في الشغل ..

 علياء بعدت عنه / مش ناوي تبطل كدب بقى حرام عليك للدرجه دي شايفني ساذجه وعبيطه وهصدق اي كلمه تقولها منك لله يا يوسف انا عمري في حياتي ما هسامحك

 

علياء نزلت من البيت وهي منهاره اخدت التاكسي وصلها لبيت عمها

 حسام واماني مكنوش مصدقين اللي ابنهم عملوا .. بقي بعد ما عمل المستحيل عشان يتجوزها و اتحدي كل حاجة يعمل فيها كده .. وقفوا جنبها وهي منهاره ...

 .......

 علياء / عمي بعد اذنك انا عايزه اطلق منه انا مش هستحمل افضل على ذمته دقيقه واحده كمان ...

حسام / انتي متاكده يا علياء

علياء / ايوه متاكد وربنا يسامحه على الشركه اللي بوظها وضيع كل حاجه فيها .

 حسام مسك تليفونه واتصل على يوسف  ..

 .....

حسام / يوسف نص ساعه بالظبط وتكون عندي هنا في البيت اللي بقوله يتسمع والا والله هتندم ندم عمرك كله ..

بعد شويه يوسف وصل عندهم ..

حسام / انا ممكن اعرف ايه اللي انت عملته ده .

 يوسف / عادي الهانم كانت بتحبني ودايبه فيا وعايزاني اتجوزها وانا اتجوزتها وعملت لها اللي هي عايزاه غير كده بقى هي ملهاش اي حاجه عندي

 بس اللي في بطنها ده بقى انا مش عايزه لازم تتخلص منه.

 حسام ضرب يوسف بالقلم ..

حسام / انا مكنتش اتخيل انك حقير للدرجه دي طلقها و اياك تاني مره تعتب البيت ده تاني فاهم .

 يوسف بعصبيه / هو انت بتضربني عشانها انا مش فاهم هي عامله لكم ايه كلكم بتحبوها حتى مروان .

 علياء بصت لمروان بصدمه .. ومش مصدقه اللي هي سامعاه .

يوسف / لازم تعرفي يا حلوه ان لو طلقتك مش هتلاقي تصرفي على نفسك حتى

 لان كل الشركات والحاجات بتاعتك دي بقت باسمي دلوقتي..

الكل اتصدم من حقاره يوسف ..

........

 اماني امه قربت منه  / يوسف انا اول مره اقولهالك بس لو ما رجعتش للبنت دي فلوسها وكل حاجه انا هغضب عليك ليوم الدين وساعتها صدقني انت الخسران ...

يوسف / هو انت بتقوليلي الكلام ده عشانها يعني 

 اماني / ايوه صدقني لو ما رجعتلهاش كل حاجه اعتبر ان ملكش ام ابدا ..

 يوسف سابهم وخرج بره البيت وهو غضبان اما علياء قعدت وهي عماله تعيط ومنهاره

علياء / انا يعمل فيا كده طب ليه يا عمي هو انا عملت فيه اي حاجه وحشه ده انا حبيته وامنته على كل حاجه عندي ليه بس يعمل فيا كده .

 حسام قرب منها / استهدي بالله علياء انا اسف يا بنتي على اللي ابني عمله فيكي ..

 .....

علياء / يا عمي انت ملكش ذنب وانا مش فارق معايا الفلوس ولا فارق معايا اي حاجه انا كل اللي فارق معايا اني حبيته فعلا وهو طلع بيخدعني كلها كم شهر والطفل اللي جاي في السكه ده هيجي للدنيا .....يلاقي نفسه من غير اب يرضي مين ده يرضي مين بس ..

 علياء فضلت تعيط وهي منهاره لدرجه انهم جابولها الدكتور في البيت وكشف عليها ..

الدكتور / هي للاسف عندها انهيار عصبي اتعرضت لصدمه شديدة جدا

 اعصابها ما قدرتش تستحمل عشان كده لازم تاخد العلاج بانتظام وكمان هي ضعيفه جدا ولازم تخلي بالها من اكلها كويس ويتعلق لها محاليل كل يوم .

 حسام / هي الحاله خطيره ولا ايه ده البنت حامل .

 الدكتور / متقلقوش هي بس تبعد عن اي ضغط عصبي ومع الوقت هتبقى كويسه

........

فات اسبوع وعلياء حالتها بدات تتحسن بشكل تدريجي وكل يوم حسام ومروان بيتكلموا مع يوسف.....

 عشان يرجع لعلياء شركاتها وفلوسها وفي يوم يوسف كان قاعد مع حنين ..

يوسف / انا مش عارف اعمل ايه يا حنين عمالين كل شويه يزنوا عليا عشان اديلها فلوسها .

......

 حنين / طب انا عندي فكره حلوه رجعلهم الشركه بس .. الفلوس لا وفي نفس الوقت روح اسحب كل الفلوس اللي في حساب الشركه وبكده يبقى انت رجعت لهم الشركه زي ما هما عايزين بس الفلوس بقت بتاعتنا احنا ..

يوسف بخبث / تصدقي صح كلامك مظبوط انا هعمل كده فعلا ..

تانى يوم يوسف راح فعلا و رجع لعلياء كل الشركات اللي اخدها

اما حسام كان قاعد في اوضه المكتب دخل عليه مروان ..

مروان / بابا يوسف رجع كل الشركات اللي اخدها بس في نفس الوقت سحب كل الفلوس وما بقاش في اي سيوله ..

.......

حسام بتفكير / هنتصرف المصنع الصغير لسه موجود كانت علياء صممت ان انا اديروا بنفسي عشان هو ده البدايه اللي ابوها الله يرحمها ابتدى بيه 

.فلو كده ممكن نعمل دمج ما بين المصنع والشركه وربنا يسهل ..

مروان / ماشي يا بابا اللي حضرتك شايفه وانا معاك .

.......

حسام / مروان يا ابني انا هحتاج مساعدتك الفتره الجايه عشان نصلح اللي عمله اخوك ونرجع للبنت الغلبانه دي فلوسها انا مش هسامح نفسي ابدا لو كل حاجه ضاعت منها بالطريقه دي ..

مروان/ ما تقلقش يا بابا مفيش اي حاجه هتضيع باذن الله وانا معاك....

اما في اوضه علياء كانت سندس قاعده جنبها بتواسيها .

 علياء بعياط / كان عندك حق يا سندس طلع بيضحك عليا ومتجوزني عشان فلوسي .

 سندس / خلاص بقى يا علياء أنتي بقالك كتير اوي عماله تعيطي حرام عليكي نفسك طيب حتى فكري في ابنك اللي جاي ده ..

علياء / مش عارفه لما يجي هحبه ولا لا عشان هو من اكتر راجل جرحني في الدنيا دي ..

 سندس / متقوليش كده يا علياء ده ابنك وهتحبيه مهما حصل بس عشان خاطري هدي اعصابك وبلاش تعملي كده في نفسك

فاتت فتره حمل علياء وبعد ٨ شهور جابت بنت جميله جدا وسميتها ليان .. اماني كانت معاها طول الوقت وبتخلي بالها منها ..

 اماني / بسم الله الله اكبر البنت زي القمر يا علياء طالعه ليكي ..

علياء / ربنا يخليكي يا يا مرات عمي انا تعبتك معايا طول فتره حملي ...

امامي / بس يا بت ما تقوليش كده انتي ناسيه انها حفيدتي لو مكنتش اتعب عشانها وعشانك يا حبيبتي اتعب عشان مين ..

اما عند يوسف كان طول الوقت قاعد هو وحنين في الاوتيل ..

حنين / انا عايزه اعرف انت كنت فين امبارح طول الليل ..

يوسف / هكون فين يعني كنت في البار اللي تحت ...

حنين / كداب انا نزلت البار وما لقيتكش انت كنت فين يا يوسف جاوبني و الا هعمل مصيبه هنا ..

يوسف / يوه خلاص كنت مع بنت عجباني مش هو ده اللي انتي عايزه تسمعيه .

حنين / بقى انا تخوني يا يوسف بعد كل ده تخوني 

 يوسف / ايه المشكله يعني مش فاهم انا اعمل اللي انا عايزه بفلوسي يا ماما ..

حنين / فلوسك دي انا السبب في وجودها ..

يوسف / لا يا حبيبتي انا اللي جبتهم بمعرفتي انتي مجرد كنتي بتقوليلي افكار كده وخلاص وبس بقى عشان انا مزاجي عالي ومش عايز وجع دماغ ..

حنين / يوسف انا حامل ..

يوسف بعصبيه / نعم هو في ايه بقى هو انا اخلص من علياء  تطلعيلي انتي كل واحده فيكم هتيجي ترميلي عيل في وشي وتقولي انا حامل ...

حنين / يوسف انت اتجننت ولا ايه انت عارف كويس اوي ان انا من اول يوم قايلالك اني مش عايزه اطفال بس الحمل حصل غصب عني اعمل ايه يعني .

 يوسف / تتخلصي منه عادي جدا ..

حنين / لا طبعا انا ما اقدرش اعمل كده ما اقدرش اتحمل مسؤوليه روح حرام .

يوسف ضحك / يعني اللي احنا عملناه ده حلال ودي بس اللي حرام ..

حنين / دي حاجه ودي حاجه مش انا اللي اتخلى عن ابني او بنتي ..

.......

يوسف / خلاص براحتك خليه بس انا مليش دعوه بيه ولا هتحمل مسؤوليته انا ما عنديش استعداد اقضي عمري كله عند الدكاتره والبامبرز والكلام الفاضي ده ..

اما في بيت حسام كانت علياء رايحه جايه في الصاله وهي شايله بنتها اللي كانت بتعيط .

 علياء / يا الله طب اعمل لك ايه بس انا عملت كل حاجه علشان تهدي وتسكتي مفيش فايده ..

علياء دموعها نزلت و مبقتش عارفه تعمل ايه .. فجاه باب الشقه اتفتح ودخل منه مروان ..

 مروان جري عليها / ايه ده مالك بس يا علياء ..

علياء / مش عارفه اعمل ايه بقالها ساعتين عماله تعيط و عملتلها كل حاجه اكلتها وغيرتلها وعملت كل حاجه بس برضه هي مش عايزه تسكت 

 مروان / طيب اهدي اهدي وهاتيها ..

 مروان اخد منها البنت وفضل يطبطب عليها بالراحه ويقرا قران لحد ما البنت هديت وسكتت ونامت وعلياء كانت مستغربه جدا انها سكتت معاه بالسهوله دي 

 مروان / شوفتي الموضوع سهل ازاي انتي بس اللي ضاغطه نفسك زياده عن اللزوم يا علياء .

علياء / لا لا ده هي كده على طول حتى مع مامتك وعمي انت الوحيد اللي سكتت معاك بسهوله كده ..

مروان ابتسم و ادهالها / وانا اي حد يا بنتي ولا ايه ..

علياء / شكرا يا مروان مجليش فرصه قبل كده اشكرك على كل اللي انت عملته عشاني ربنا يخليك ليا ..

مروان / على ايه يا ستي احنا في الخدمه دايما بعد اذنك انا محتاج اخش انام لاني تعبان جدا .

 علياء / طب تحب اجهزلك العشا 

 مروان / ياريت بس هو فين ماما وبابا  .

علياء / عمي ومرات عمي راحوا يعزو في ناس ما عارفهم .

مروان / طيب هاتي انا بقى الحلوه دي اشيلها وانتي روحي جهزي العشا .

 مروان اخد منها البنت وقعد على الكنبه وفضل باصصلها كانت نسخه من علياء شبهها في كل حاجه حتى في لون عينيها مروان ابتسم وقعدت يلاعب فيها

........

تاني يوم كانوا كلهم قاعدين مع بعض ومروان كان شايل ليان كانت علياء بصلهم وهي بتضحك 

 علياء لنفسها /يا الله قد ايه مروان جميل وحنين ليه بس يوسف ما طلعش زيه كده ليه ليان ابوها يبقى يوسف مش مروان.. 

 مروان قطع سرحانها / جماعه انا حاسس ان البنت مش طبيعيه زي ما تكون تعبانه .

 اماني قامت اخدت ليان من مروان بس فجاه اتكلمت بفزع ...

اماني / يلهوي البنت سخنه جدا ..

علياء بخوف /  بنتي لازم ناخدها للدكتور فورا 

مروان / اهدوا يا جماعه اهدوا انا هاخدها للدكتور ..

علياء /  استنى استنى انا هلبس واجي معاك بسرعه

علياء لبست هدومها في خلال خمس دقائق ونزلت مع مروان للدكتور وهي مرعوبه كانت خايفه بنتها يحصلها اي حاجه ..

علياء / بسرعه والنبي يا مروان البنت هتموت مني 

 مروان / اهدي بس يعني اكيد شويه برد اهدي ٣ دقايق بالضبط وهنوصل للدكتور .

 الدكتور طمنهم عليها 

الدكتور /  يا جماعه متقلقوش البنت بس جالها برد عادي زي اللي بيجي لكل الاطفال انا اديتها خافض حراره وتقدروا تاخدوها بعد ساعه بالكتير ..

 الدكتور خرج من الاوضه وعلياء فضلت بصه لبنتها وهي بتعيط ..

 مروان قرب منها / مالك بس يا علياء ما الدكتور قال ان البنت كويسه وزي الفل ..

علياء بعياط / بس تعبت ازاي والله يا مروان انا مخليه بالي منها جدا ودايما بلبسها تقيل وبرضعها في المواعيد الصح وبعمل كل حاجه ازاي بس تتعب ازاي .

.........

 مروان / علياء انتي بتهزري كل الاطفال اصلا اليومين دول بيتعبوا ده في اطفال بتنزل عيانه اصلا

 انتي بنتك الحمد لله نزلت بصحه كويسه ولو على البرد هي كده كده هتاخده هتاخده هو في طفل بيكبر من غير ما يتعب ويشحطط اهله معاه في المستشفيات في انصاص الليالي .

علياء بحرج / انا اسفه ان انا تعبتك يا مروان  

مروان / يا بنتي انا بهزر اوعي تقولي كده تاني هو انتي فاكره انها بنتك لوحدك يعني

فات ست سنين ليان كبرت .. كانت الطفله جميله جدا ومرحه ..

علياء / يا بنتي كلي بقى ما تتعبينيش حرام عليكي 

 لين بعند / لا انا مش هاكل غير لما بابا يجي .

 اماني / حبيبتي بابا هيتاخر النهارده في الشغل وهو اللي اتكلم وقالنا ناكل من غيره ..

 ليان / لا انا مش اكل من غير بابا ازاي يعني احنا ناكل وهو لا ..

الكل بصوا لبعضهم وضحكوا ..

حسام / علياء البنت دي طالعالك عنيده ودماغها ناشفه 

 علياء / حرام عليك يا عمي انا كنت كده ده انا كنت بسمع الكلام وما بعملش نص اللي هي بتعمله ولا ايه يا مرات عمي ..

اماني ضحكت /  انتي كنتي اهدي منها شويه بس برضه ليان تعمل اللي هي عايزاه .

 فجاه باب الشقه اتفتح ودخل منه مروان وليان جريت عليه ..

 ليان حضنته/ بابي انت اتاخرت كده ليه شفت كانوا عايزين ياكلوا من غيرك وانا مرضيتش اكل وقلتلهم اني لازم استناك 

مروان ضحك / يلهوي ربنا يخليكي ليا يارب انا مليش غيرك اصلا في البيت ده .

 ليان / طب انت يا بابي جبتلي الشيكولاته اللي قلتلك عليها ..

مروان / يا سلام جبتهالك بس انا بقى عايز بوسه الاول .

 ليان باسته مروان ابتسم وداها الشوكولاته واخدها وراحوا على السفره ...

مروان / السلام عليكم يا جماعه .

علياء / لسه فاكر احنا قاعدين قدامك من ساعه ما دخلت وانت مشغول مع الهانم ..

مروان ضحك وقعد على السفره عشان ياكل معاهم كان جو اسري لطيف ليان كانت متعلقه بمروان جدا ..

ليان / بابي انا بكره مش عايزه اروح المدرسه ...

مروان بهدوء / ليه يا حبيبتي ..

ليان / عشان انت قاعد بكره اجازه من الشغل وانا عايزه اقعد معاك ..

 مروان / بس ما ينفعش تغيبي برضه عن مدرستك ايه رايك لو بعد المدرسه جيتلك اخدتك وماما تبقى معانا ونروح ناكل بيتزا ..

ليان سقفت / الله انا موافقه

بعد شويه علياء خبطت على اوضه مروان ودخلت .

 علياء بهدوء / ها نامت 

 مروان / ايوه نامت بس غلبتني خلتني احكيلها بتاع 10 حواديت .

 علياء ابتسمت / شكرا يا مروان انا عارفه انك بتبذل مجهود كبير اوي معاها كفايه انها بتصمم كل يوم تنام جنبك وبتتاخر في النوم عشانها

 وانت اصلا بتصحى بدري بس صدقني انا حاولت كتير افهمها ان انت مش باباها بس هي مش مقتنعه ..

.........

مروان قام وهو متضايق / لو سمحتي ما تعمليش كده تاني عشان ليان بالنسبه لي اكتر من بنتي يعلم ربنا انا لو كنت اتجوزت وجبت بنت عمري في حياتي ما كنت هحبها زي ما حبيت ليان 

علياء / انا مش قصدي والله انا قصدي انها متعلقه بيك بزياده وده ممكن يكون مضايقك ...

مروان / يا ستي هو انا اشتكيت لك بالعكس بقى انا بحبها اوي وفرحان بيها جدا  .

علياء / ماشي يا سيدي ربنا يخليكم لبعض انا هاخدها بقى عشان انت تنام براحتك ..

مروان / لا معلش سيبيها تنام جنبي الليله ..

علياء وافقت قدام اصرار مروان ودخلت اوضتها لقيت اماني مستنياها ..

اماني / امال فين ليان ..

علياء / مروان صمم انها تنام جنبه خير يا مرات عمي في حاجه ..

.......

 اماني / ايوه هو انت بقى مش ناويه تبطلي استهبال

 مروان انتي طول عمرك شايفاه مستقيم ومحترم و ملوش في اي لعبه.... وبنتك بتعشقه مش ناويه بقى تلمي نفسك وتوافقي على اللي قلتلك عليه .

......

 علياء / يا مرات عمي ما ينفعش حرام عليا انا مطلقه ومروان ما اتجوزش قبل كده ايه ذنبه يعني ياخد واحده مطلقه ببنتها كمان ...

 اماني / يا ستي سيبيها عليا دي اذا كنت انا امه بقولك موافقه ..

......

علياء / معلش انا ما احبش ان انتي تضغطي عليه عشان حاجه زي كده مروان لو عايزني هو هيطلبني بس انا عمري ما حسيت اصلا انه بيشوفني بالطريقه دي انا طول عمري بحس انه بيشوفني زي اخته بالظبط ...

اماني / ما عشان مبتشوفيش يا غبيه عموما ماشي بكره الصبح مروان هيطلبك وعارفه لو رفضتي او قلتي لا انتي حره هسيب عليكي بنتك

اماني خرجت من الاوضه وعلياء فضلت قاعده بتفكر ..

 علياء ابتسمت / طب يا ترى لو طلبني فعلا هوافق يارب يطلبني بجد انا بحبه اوي

اما عند سمية كانت قاعده في بيتها و جوزها معاها .. ياسر جاله تليفون و رد ..

ياسر بعصبية / ايه .. انت بتقول اي حصل ازاي ..

ياسر قفل التليفون و سمية بصتله بتساؤل .

ياسر / صاحب المشروع اللي حاطين فيه كل الفلوس .. اخدها و هرب برا البلد .

سمية / ايه .. ازاي ده حصل ياسر انت لازم تتصرف .. انا مش هقبل ان الفلوس تضيع مننا لا مش بعد كل اللي عملته ..

فجأة تليفون سميه رن و سمعت الخبر اللي كان كفاية يدمر حياتها.. قعدت علي الارض و فضلت تضحك بهيستيرية ..

سميه / شهاب مات .. مات و هو سايق مع اصحابه الموتوسيكل .. يعني انا خسرت ابني و فلوسي في يوم واحد ..

ياسر هو كمان اتصدم و فضل متنح .

سميه فضلت تضحك و تصوت في نفس الوقت ... لحد ما الجيران سمعوا و دخلوا يهدوها ..

تاني يوم علياء اتفاجئت ان مروان فعلا طلبها ..

مروان بحرج / علياء انتي لو مش موافقه طبعا ده حقك وصدقيني مفيش اي حاجه هتتغير و ...

 علياء قاطعته / مروان انا موافقه ..

مروان / ممكن اعرف ليه قصدي يعني هل السبب ليان عشان انت عايزه ليها اب ولا في حاجه تانيه ..

علياء / لا مش عشان ليان عشان انا بحبك 

 مروان عينه لمعت واتبسط جدا قرب منها ومسك ايدها ..

مروان / بجد من امتى ..

........

علياء / من ست سنين لما كنت لسه ام مستجده ومش عارفه اعمل ايه مع ليان اخدتها مني وعرفت تتعامل معاها 

من ساعتها نظرتي ليك كده اتغيرت مبقتش شايفاك ابن عمي وبس 

بقيت شايفاك حاجه اكبر من كده بكتير ومع السنين دي كلها اكتشفت اني كنت بحبك من زمان بس اعجابي بيوسف كان مؤقت

 اعجاب بنت طايشه مراهقه ما تعرفش يعني ايه حب بجد وعرفت من عمي انك كنت بتحبني من زمان بس انا اللي كنت غبيه ..

مروان اتنهد / سيبك من اللي فات اللي حصل حصل المهم ان احنا لازم نتجوز بكره انا مش هضيع يوم تاني من عمري وانتي مش جنبي فيه .

 علياء بحرج / بكره ازاي بس انا مش جاهزه خالص .

مروان / مش مهم تبقي جاهزه هنكتب الكتاب بكره وابقي اجهزي على مهلك ..

علياء / ايوه يا بس مروان كده مش هينفع ..

مروان / مش هينفع غير كده ومش عايز اعتراض كفايه بقى اللي ضاع من عمرنا

علياء ابتسمت فعلا تاني يوم كتبوا الكتاب وسط فرحه من كل اهلهم واصحابهم و سندس اللي كانت مبسوطة فعلا بصحبتها ..

واخر اليوم كان الكل قاعدين ..

مروان / الشقه هتكون جاهزه على الاسبوع الجاي بالكتير اعملي حسابك بقى انك تجهزي كل حاجتك عشان ننقلها على هناك ..

فجاه الباب خبط ..

 حسام / خير مين اللي جايلنا في الوقت ده 

 قام واتفاجئ لما لقى حنين معاها بنت صغيره..

حسام / ايوه انتي مين  ...

 حنين دخلت / انا ابقى مرات يوسف و دي بنتنا نور ..

 اماني / يوسف مين احنا معندناش حد بالاسم ده  ..

حنين / انا عارفه انكم متبرين منه من زمان وانا كمان اساسا اتطلقت منه

 بس للاسف مش هعرف اربي بنتنا لوحدي يوسف اخد من بنت عمه فلوس

 كانت تكفينا نعيش طول عمرنا مش محتاجين اي حاجه بس للاسف هو كالعاده ضيع الفلوس دي على الشرب والبنات

 وانا مش هقدر اربيها لوحدي عشان كده جيت اسيبهالكم هنا انتوا اللي هتقدروا تربوها وترعوها انا مش هقدر ..

حنين سابتلهم البنت ومشيت واماني دخلتها نيمتها جنب ليان كلهم بقوا قاعدين مصدومين ومش عارفين يعملوا ايه .

.........

 حسام / علياء يا بنتي انا مش هقدر ارمي حفيدتي ولا هقدر اتخلى عنها عشان كده بستاذنك البنت تعيش معانا هنا واحنا اللي هنربيها 

وانتي كده كده كلها اسبوع وانتي ومروان ماشيين و هيعشوا في بيتكم لوحدكم ..

 علياء / طب وليه يا عمي ما تترباش مع اختها على الاقل مفيش واحده فيهم تحس انها لوحدها ..

حسام / انتي متاكده ..

علياء ابتسمت / ايوه  متاكده و اوعدك اني مش هفرق بينهم و هعامل نور زي ليان بالظبط .

الكل فرح جدا لما علياء عرضت انها تربي الاختين مع بعض وفعلا هي ومروان راحوا عاشوا في شقتهم كانوا مبسوطين جدا وحياتهم هاديه وبعد فتره ليان حملت وجابت اخت تالته للبنتين وسميتها يسر ..

اما سمية معرفتش تتجاوز وفاة ابنها و كانت طول الوقت بتخيله ف كل حته و بتتعامل علي انه موجود لحد ما تم وضعها في مستشفى الأمراض العقلية ..

تمت ..

#آلاء_محمد ..

#اليتيمة_الاخير .

لمتابعة باقي الرواية زوروا قناتنا على التليجرام من هنا

تعديل المقال