رواية ظلام قلبي الفصل الرابع والثلاثون 34 والاخير بقلم زينب احمد
البارت(34)والاخييييير 🔥🔥🔥
هاميس بصدمه: أميره لا
وتجرى ناحيتها وتحتضنها
أميره قومي قومي عشان خااطرى أنا اسفه
يونس يحملها سريعا ويجرى ورائها كلا من وليد ومحمود ومراد وعمر وهاميس وميرال
.............................................
في المستشفي
يخرج الدكتور
يونس بقلق: ها يادكتور
الدكتور: فين ابوها او جوزها
عمر: انا عمها وفي مقام ابوها
يونس: انا جوزها
الدكتور: طيب تعالوا ورايا
محمود : في اي يايونس
يونس: هاعرف واجي
وليد: انا هاجي معاكو اشوف في اي
لم ينتظر وليد اجابه يونس وذهب خلف الدكتور
تحتضن ميرال هاميس التي تبكي خوفا علي أميره
.......................................
في مكان آخر
عماد: عرفتلك اخر اخبارهم ياابيه
ليقف ويلتف حول المكتب ليقف امامه
رامي ببرود: اي
عماد: في واحد اسمه سامر متقدم لميرال واختهم اميره في المستشفي
رامي بابتسامه: حلو يعني هاقدر انفذ وهم مشغولين بااميره
عماد: اوامرك يافندم
رامي بجديه : اسمع بقاا كويس الي هاتعمله
.......................................................
في المستشفي
في غرفه الطبيب
عمر: في اي يادكتور قلقتنا
الدكتور: حصلها حالات اغماء قبل كده
يونس: اه
الدكتور: فضلت وقت اد اي
يونس: تقريبا 12 ساعه بس الدكتور ساعتها قال سوء تغذيه
الدكتور: مفيش سوء تغذيه يسبب اغماء المده دى كلها... عملت حادثه قبل كده والاصابه كانت في، دماغها؟
وليد: ايوه بس ده من زمان
عمر: امتي ده ياوليد!؟
وليد: حوالي ثلاث سنين كانت جابتلي العربيه اصلحها
الدكتور: راحت المستشفي ساعتها
وليد: لا قولتلها تروح بس قالت ان مفيهاش حااجه ودماغها وجعاها شويه هاتاخد مسكن وخلاص
يونس: في اي يادكتور
الدكتور وهي يشاور علي الاشعه: احنا عملنا اشعه علي المخ لان الخبطه الي في راسها بسيطه متسببش اغماء واكتشفنا ذى وذمه مع الوقت كبرت وضغطت علي الشرايين الي بتوصل الدم للمخ وده سببلها الاغماء لفتره طويله ولو فضلت كده هاتدخل في غيبوبه مؤقته وبعدين غيبوبه طويله وتصحي فاقده جزء من ذاكرتها القريبه وبعدين مع التكرار يبقي في وفاه
عمر: طب والعمل يادكتور
يونس: تعمل عمليه طبعا
الدكتور: المشكله ان العمليه لها آثار ممكن تحصل
وليد: الي هي اي
الدكتور:تفقد البصر بشكل دائم او مؤقت
عمر بصدمه: اي
يونس: وده بنسبه اد اى يادكتور
الدكتور: 50 ٪ علشان كده في اقرار لازم الاب او الزوج يمضي عليه وكل مااسرعنا وعملنا العمليه يكون افضل
يونس: هات الورقه امضيها
وليد بحده: انت عارف لو مضيت اي الي هايحصل هاتتعمي
يونس بحده: ولو ممضتش هاتموت واذا كنت مستعد تخسرها انا مش مستعد
عمر: يونس عنده حق ياوليد
بعد ان مضي يونس
الدكتور: متقلقوش انا هاعمل الي اقدر عليه عشان ميبقاش في اي اضرار
يونس بقلق: ان شاء الله
....................................................
امام غرفه أميره
كانت تجلس تلوم نفسها مرارا وتكرارا
راتهم قادمين من بعيد
ميرال: هااا الدكتور قالكوا اي
في خروج هاميس من غرفه أميره
هاميس: الدكتور قالكوا اي
حكي لها وليد كل كلام الدكتور
هاميس ببكاء: اي هاتتعمي
وليد: مجرد احتمال يااهاميس ان شاء الله هاتقوم كويسه
عمر: هي عامله اي الوقتي ياهاميس
هاميس: زى ماهي في عالم تاني
يونس: انا هادخلها
ميرال ببكاء: محمود أميره هاتبقي كويسه صح؟
محمود: متقلقيش ياحبيبتي ان شاء الله تقوم منها
..................................
في غرفه أميره
كان يمسك يديها بيديه الاثنين
يونس: قومي بس وانا مش هاضغط عليكي صدقيني انتي اكتر حااجه حبيتها ف حيااتي انتي ورحيق... كنت عاوزك تيجي معايا عشان افرح بجد احس اني كامل بوجودك جنبي
ثم يقول بصوت مخنوق: انا اسف كنت اناني مفكرتش غير في نفسي وراحتي ومفكرتش في راحتك انتى هاتكون فين ومع مين
تدخل الممرضه
الممرضه: لوسمحت عاوزين ناخدها علي العمليات
يونس وهو يقف: حااضر ثم يقبل يد أميره وجبينها
ثم يغادر
..........................................
دقائق وتخرج أميره علي السرير المتحرك
ويذهبون خلفها وهاميس تمسك بيدها
الا ان تتركها علي غير رغبتها فور دخول أميره غرفه العمليات
الممرضه: لو سمحتوا انتظروا هنا
تجلس هاميس وتمسك المصحف وتقرا بنيه شفاء أميره وخروجها من العمليات بخير
تمر الساعات كانها سنين عليهم
........................................
في مكان أخر تجد نفسها في مكان اول مره تراه عينيها
تمشي بحذر وتتلفت يمين وشمال عسي ان ترى احد تعرفه
لتجدها جاالسه علي كرسي في حديقه تملؤها الورود
أميره تقترب منها ببطئ وعندما ترى ملامحها تذهب باتجاها باقصي سرعه وتحتضنها
أميره: ماما انتي وحشتيني اووى
داليا بابتسامه: وانتي كمان
أميره وهي تجلس بجانبها وتقول بحزن : شوفتي الي حصلي بعد ماامشيتي
داليا بابتسامه: انا بنتى قويه وادها
أميره بياس: انا مش عاوزه اكون قويه انا تعبت أكون قويه ليه مكنش زى الناس اعيط مش احبس دموعي
داليا: انتي قدرك تكوني مختلفه عن الناس ياميرا
قدرك تكوني قويه عشان اخواتك ساندين علي قوتك
عمرك شوفتي بيت ساند علي الهوا لازم العمدان وانتي العمدان بالنسبه لهم
أميره بحزن: لما واجهوني انا مزعلتش منهم اد ماازعلت من نفسي هو ليه انا كده عشان ابويا صديق ولا عشان ملقتش الي يطبطب عليا لا وانا صغيره ولا انا كبيره
داليا: انتي مش وحشه انتي انسانه... جواكي الخير وجواكي الشر زى اي حد بس انتي بتقاومي الشر علي اد ماتقدرى مع ان الي حصل معااكي يخليكي متطلعيش غير شر وبس بس انتي بتقاومي وبتحاولي تطلعي خير
أميره: لا رد
داليا: طلعي الخير ياأميره واظهريه متخبهوش متخافيش لو اظهرتي الخير الي جواكي يقولوا ضعيفه... الخير في مواجهه الشر هو قوه ياابنتي
ثم تكمل وهي تقف
أنا هاامشي
أميره بذعر: لا استني شويه... طب هاااجي معاااكي
داليا: لسه مهمتك مخلصتش لما تخلص هانتقابل
وتغادر داليا
أميره: مااما انا هااجي معاكي... استنيني
ثم ترن في اذنها جمله مهمتك لسه مخلصتش
تخرج الممرضه مسرعا ثم تدخل مره اخرى
ليقفون جميعهم
هاميس بذعر: في اي ياوليد بيجروا ليه
وليد: اهدى ياهاميس هانعرف دلوقتي
تمر عشرين دقيقه اخرى دون ان يطمانهم احد
يونس: لا كده كتير دااخلين في 8 ساعات
عمر: ربنا يستر
يخرج الدكتور يلتفون حوله
محمود: هاا يادكتور طمنا
الدكتور: للاسف حصل نزيف اثناء الجراحه بس قدرنا نسيطر عليه بس مقدرش احدد اثار العمليه اي ده هاايظهر لما تفوق علي بكرا ان شاء الله... اظن وجودكم مفيش دااعي روحوا وتعالوا بادرى تكون فاقت... عن اذنكوا
عمر: شكرا يادكتور
يونس: روحوا انتو انا هاستني جنبها
سامر بهدوء بجانب اذنه: مينفعش عشان رحيق انت بقالك مده غايب عن البيت وهي مبتاكلش من غيرك وانت عارف
عمر: روح لبنتك ياابني انا هاستني جنبها
وليد.: مش هاينفع ياابابا انت تعبان والسهر ارهاق عليك
هاميس بهدوء: انا الي هافضل هنا جنبها
وليد: بس
هاميس: لو سمحت يااوليد
وليد: مااشي انا هاوصلهم البيت وهارجعلك
هاميس: تمام
يونس: انا هاطمن علي رحيق وارجع تاني عن اذنكوا
يلا ياسامر
.................................................
بعد ان غاادر الجميع
وظلت هاميس فقط... دخلت لاميره
كاد ان ينقسم قلبها نصفين علي حال اختها فهي موصله بالاسلاك والشاش يلف علي راسها
جلست بجانبها ومسكت يدها وبها السيروم
هاميس: عارفه اي اكتر حااجه بحمد ربنا عليها هي انتي ااه متستغربيش وجودك جنبي مقويني عشان خااطرى قومي وبعدين اعملي فيا الي انتي عاوزاه انا استاهل ثم تكمل ببكاء أنا اسفه ساامحيني مكنتش اعرف انو عمل فيكي كده كنت فاكره انو سهل عليكي تسامحيه زى ماانا عملت بس انا اجي جنبك اي في الي شوفتيه علي الاقل لما كنت لوحدى كنتي انتي جنبي لكن انتي مكنش حد جنبك ياحبيبتي كنتي كل ده لوحدك.... ثم تبكي بحرقه
هاميس ببكاء: بس قومي وخاصميني انا موافقه بس قومي عشان خااطرى ثم تقبل يدها وتقول انا ماليش غيرك انتي عارفه انتي امي واختي وصحبتي
عشان خااطرى قومي أنا اسفه محستش بيكي ولا بالالم الي حسيتي بيه
تجد يد توضع علي كتفها تنظر لصاحب اليد تجده وليد
وليد: كفايه كده بطلي عياط
هاميس ببكاء: مش قاادره اشوفها كده اول مره اشوفها ناايمه ومبتردش حتي عمرها مانامت النومه دى علي طول قويه وانا باخد قوتي منها
وليد: ودلوقتي هي محتاجه تاخد قوتها منك وتشوفك قويه وهو يمسح دموعها لازم تكوني قويه وماسكه نفسك عشانها
هاميس: حااضر
ياخذها وليد ويجلسون علي الكنبه
وليد: فااكره يوم فرحنا لما لقينا حد بيخبط في الاوتيل
هاميس: ايوه وسالتك مين قولتلي حد غلطان في الاوضه
وليد: دى كانت أميره
هاميس بصدمه: أميره!!
وليد: هههه ايوه خدتني علي جنب
فلاش بالك
وليد: في اي....... حد يخبط علي عرسان
أميره ببرود: اه فيه انا
وليد: طب يااستي نعم عااوزه اي
أميره: اتكلم عدل بدل ماادخل اخدها وننزل نروح
وليد: تاخديها فين هو دخول الحمام زى خروجه
أميره: تحب تجرب
وليد: عارفك مجنونه وتعمليها... حقك عليا نعم ياأميره هاانم خير يااترى في سبب مهم تطلعيني من اوضتي ليله فرحي وسايب عروستي جوا
أميره: اه في
وليد: خير
أميره بجديه : تحط هاميس في عينيك اوعي تزعلها في يوم ولا تيجي عليها وهي عندها انفعالات غريبه كده تحتويها وتخلي بالك منها ولو غلطت تفهمها غلطها براحه متستغباش معاها
وليد: هو انا مش اخوكى برده متوصيها عليا
أميره: انت اخويا اه لكن هي بنتي واختي وبعدين هي بريئه مبتاذيش ثم تكمل بتفاخر وانا واثقه انك اصلا هاتدعيلي كل يوم ان وافقت اجوزهالك
وليد: يارب بس مدعيش عليكي فيما بعد
أميره: انا هاتغاضي عن كلامك ده عشان عريس بس ادخل يلا وهاتصل عليها كل يوم اطمن عليها
وليد: شكرا لكرم اخلاقك وبعدين هو انا خاطفها بقولك ادخلي خديها وروحي احسن بدل الفرهده دى
أميره: مش هاترجع في كلامك
وليد: كلام اي انا مش فااكر انا قولت اي يلا سلام
ويدخل الاوضه
باك
هاميس بابتسامه: ويومها دخلت فضلت تشتم في سرك واسالك مين تقولي واحد غلطان في الاوضه
وليد: ايوه اصل هاقولك أميره جايه تلاته الفجر
ساعتها هاتتخضي وهاتروحي تشوفي في اي واليوم يبوظ بقاا عشانك انتي واختك
هاميس: ههههههه كنت هاتدعي علينا طول حياتك
وليد بغمزه: بقولك اي أميره تخف كده ونطلع نتفسح اسبوع ولا حااجه
هاميس بخجل: بس ياوليد اتلم
وليد: ياخلاثي علي العسل وهو مكسوف حلوه خدودك وهي حمرا كده
يقاطعهم خبط علي الباب
يفتح وليد ليتضح انه يونس
يونس بصوت منخفض: قوموا روحوا انتوا ارتاحوا وانا معاها اهو
هاميس،: لا انا مش هامشي واسيبها
وليد: هانيجي بادرى يااهاميس يلا انتي منمتيش ولا اكلتي حتي
هاميس: بس هانيجي بادرى
وليد: ايوه ان شاء الله... ثم ينظر ليونس لو حصل اي حااجه كلمني
............................................
تفتح عينيها ببطء ثم تغلقهم مره اخرى من شده النور ثم تفتحهم مره اخرى ببطئ تشعر بشئ ثقيل علي يدها بجانبها
تنظر تجد يونس نائم ويظهر علي وجهه التعب
تحاول تحريك يدها ولكنها تفشل فتستسلم للنوم مره ااخرى
..........................................................
في وقت لاحق
تفتح عينيها مره اخرى ببط ثم تغلقهم وتفتحهم مره ثانيه تنظر تجد هاميس وبحانبها ميرال ومحمود وبجانبه وليد وبحانبه عمر وصولا ليونس الذى يجلس بجانبها وممسك بيدها وعلي الناحيه الاخرى الدكتور
أميره: في اي اي الي حصل
الدكتور: حمد لله علي سلامتك حاسه بايه
أميره: في تنميل في دماغي
الدكتور: ده طبيعي بعد العمليه
أميره بصدمه: عمليه!
الدكتور: ايوه كان في تجمع دموى ضاغط علي الشرايين في المخ وكان لازم يتشال
أميره بحده: وانت ازاى تعمل عمليه بدون موافقه صاحبتها انا هاقاضيك واشطب اسمك من المهنه خالص
الدكتور ببرود : زوج حضرتك مضى علي الاقرار..ثم يكمل بعد تنهيده: ارتاحي بس الاول
أميره باندهاش: جوزى ثم تنظر ليونس وتنزع يدها منه
الدكتور: اي اخر حااجه فكراها
أميره ببرود: وانت مالك
هاميس: الدكتور يقصد ان يعرف الذاكره تمام ولا العمليه قصرت عليها
أميره: لا رد
يونس: أميره انا كان لازم اوافق علي العمليه كانت حياتك في خطر
أميره وهي تنظر للدكتور: عاوزه اخرج من هنا
الدكتور بصدمه: افندم
هاميس: مينفعش ياأميره انتي لسه عامله عمليه امبارح خطيره في المخ هاتخرجى النهارده ازاى بس
أميره: زى الناس هاقولكوا انا هاقوم اخرج انا
وذهبت لتقوم وعندما وقفت وجدت العالم يدور بيها سقطت مغشي عليها ولحسن الحظ كان يونس بجانبها وامسكها قبل ان تقع
هاميس بصدمه : اميره
الدكتور للممرضه: خرجيهم بره
ميرال: هاتكون كويسه يادكتور؟
الممرضه: اتفضلوا لوسمحتوا
خرجوا جميعا امام الغرفه
هاميس بانفعال: لحد امتا هاتفضل عنيده كده حتي علي صحتها
وليد: استني اما نشوف الدكتور هايقول اي
يخرج الدكتور بجانبه الممرضه: الحمد لله الجرح مفتحش
يونس: امال الي حصل ده سببه اي
الدكتور: وقفت مره واحده ده طبيعي وهاتفوق علي طول متقلقوش
واعتقد كفايه مرافق واحد عن اذنكوا
هاميس: الحمد لله
وليد: ربنا ستر
عمر: ايوه ربنا يقومها بالسلامه
يونس: روحوا انتوا وانا معاها
هاميس: بس
وليد: هاروحهم واجيلك كمان ساعتين كده لو احتجت حاجه كلمني
يونس: حااضر
عمر: مراد لوحده في الشركه ياامحمود روح يلا وانا هااجي معاك نشوف نقدر نعمل اي
محمود: حااضر ياعمى يلا ياميرال
ميرال: بس
محمود: هاجيبك تشوفيها الصبح متقلقيش
هاميس: ايوه يلا ياميرال
ميرال: حااضر
............................................
في اليوم التالي
يجلس امامها كمن لديه محاكمه
يونس: يعني كنتي عاوزاني اعمل اي اسيبك تموتي
أميره ببرود: اه
يونس بهدوء: انتى بجد كنتي عاوزه كده؟
أميره: لا رد
يونس باستفهام: هو انتي كنتي عارفه بمرضك ومتجاهلاه؟ عشان تموتي
أميره تدير وجهها الناحيه الاخرى: اه
يونس يقف ويكمل بحده: لا كده كتيير بجد انتي اي مبتفكريش في الي حواليكي في الي بيحبوكي في هاميس بلاش هاميس ثم يكمل بخنقه: انا كنت هاعمل اي من غيرك
ثم يذهب وجلس امامها ويمسك بيدها
تنظر له أميره بصدمه مخلوطه باندهاش: انت
يونس بخنقه: ايوه حياتي كانت هاتبقي عامله ازاى من غيرك تقدرى تقوليلي عاوزاني اقولهالك تاني حااضر... انا بحبك ومقدرش اعيش من غيرك ممكن بقاا تفكرى في صحتك اكتر من كده عشاني مش علشانك
كانت اميره سترد عليه ولكن دخل وليد
وليد: الي مطلعه عيني عامله اي النهارده
أميره تنظر له بطرف عينيها: احسن منك
وليد: اختك واكله وداني من الصبح علشان كنت واعدها اجيبها هي وميرال وقولت اجي الاول وبعدين هاروح اجيبهم
يونس: ممكن اكلم سامر يروح يجيبهم
وليد: لا مفيش داعي مش عاوز اتعبه
أميره: مفيش تعب.... كلم هاميس وميرال يجهزوا ويونس يكلم سامر يروح يجيبهم
وليد: مااشي يمسك وليد هاتفه
وليد بصدمه: اي طب اهدى خليني افهم في اي
طيب طيب انا جايلك اهو
أميره بقلق: في اي ياوليد
وليد: معرفش بتعيط وبتقول في نااس طلعوا عليهم ملثمين خطفوا ميرال هي تحت قدام المستشفي
أميره بقلق : طيب روح هاتها بسرعه وتعالي نعرف في اي
يونس: اميره اهدى
اميره بزعيق: اهدى اي بيقولك ملثمين وخطفوا ميرال
بعد دقائق تدخل وترمي نفسها علي أميره وتبكي بحرقه في حضنها ويدخل خلفها وليد
أميره وهي تربت علي شعر هاميس
أميره: هش خلاص اهدى... احكيلي اي الي حصل
هاميس من وسط بكائها: لما وليد مجاش خدنا قولتلها تعالي نركب تاكسي ونروح نزلنا وركبنا تاكسي يدوبك وصلنا قدام المستشفي ناس في عربيه ورانا هجموا علينا وخدوا ميرال وركبوا العربيه وطاروا معرفتش اعمل حااجه ثم تكمل ببكاء انا السبب
أميره: هاااميس مش وقته اهدى وقوليلي مش فاكره حااجه تانيه رقم العربيه مثلا او حااجه مميزه فيهم
هاميس: اه انا اخدت رقم العربيه
أميره وهى تقوم وتستند علي يونس لتقف: هانلاقيها ان شاء الله
يونس: راحه فين
اميره: ساعديني ياهاميس اغير لبسي ده
وليد: انتي لسه تعبانه ياأميره
أميره ببرود: افضل نايمه واختي مخطوفه هو ده الصح!!
يونس: احنا هاندور عليها ارتاحي انتي
أميره بحده: ده وصيه جدى ليا ولا يمكن اقصر فيها حتي لو علي حساب نفسي انا شخصيا وكلهم كده بالنسبالي مش هاتخلي عنهم... انت كتر خيرك لحد كده
يونس ببرود : انا مش هارد عليكي دلوقتي نلاقي بس ميرال وبعدين نتكلم يلا ي وليد عشان تغير
.................................................
في مكان اخر تفيق بعد زوال تاثير المخدر وتفتح عينيها تجده يجلس علي الكرسي امامها واضعا رجل علي أخرى
لتقول بصدمه: انت
رامي: مفاجاه مش كده
ميرال بخوف حاولت ان لاتظهره: انت عاوز اي وعملت كده ليه
رامي: عاوزك انتي
ميرال: اي
رامي: الي سمعتيه... هانتجوز بكرا الصبح.. جهزى نفسك ياحبيبتي
ميرال بزعيق: لا يمكن اتجوزك انت سامع
رامي ببرود: تحبي يبقي من غير جواز انا موافق يلا
ميرال،: انت سافل وقليل الادب
رامي: مش مشكله المهم اني هاتجوزك برضاكي او غصب عنك امال عاوزه تروحي تتجوزى الي اسمه سامر ده
ميرال: مالكش دعوه انا حره
رامي: بزعيق لا مش حره انتي بتاعتي انتي سامعه
ميرال: انت مجنون واناني
رامي ببرود : مجنون بس بحبك وهاتجوزك
.............................................
في فيلا المصطفي
كانت تجلس أميره وجانبها هاميس ووليد وعمر من الجانب الاخر
محمود بزعيق: يعني اي هانفضل كده مش عارفين حااجه
يونس: اهدى يامحمود هانلاقيها
كاد محمود ان يرد عليه ولكن قاطعه صوت هاتف أميره لترفعه علي اذنها وتقول
أميره: هاا عرفت الارقام متسجله باسم مين
ياسر: ايوه
أميره: مين
ياسر،: باسم مصطفي صديق جدك
أميره بصدمه: اي
محمود: قالك مين يااميره
يونس: مين
أميره وهي شارده : متسجله باسم جدى مصطفي
ثم تفيق من شرودها وتكمل: بس اززاااى
وليد: تقصدى حد مننا هو الي عمل كده
أميره بزعيق: معرفش معرفش وتغادر وتدخل المكتب وتغلق ورائها
هاميس ببكاء: يعني اي ميرال ضاعت مش هانعرف نوصلها
وليد يحتضنها: بس اهدى هانلاقيها متقلقيش
..............................................
بعد ان غادر الجميع
تخرج ببطئ من المكتب ممسكه مفاتيح عربيتها في يدها
واليد الاخرى هاتفها
صوت من ورائها: راحه فين
تلتفت لتجده يونس
أميره ببرود: هاخرج اي ممنوع؟
يونس: هااجي معاكي مينفعش تسوقي
أميره: انا كويسه وقادره اسوق
يونس ببرود: وانا قولت هاجي معاكي
محمود علي اعلي الدرج: وانا كمان
أميره: محمود!
محمود وهو ينزل: ايوه انا حاسس انك مخبيه حااجه
أميره: طيب تعالي بس الي هاقوله مش عاوزه نقاش فيه
محمود: مااشي
يونس: اما نشوف بس الاول
تركب أميره العربيه وبجانبها يونس وفي الخلف محمود
بعد مده يصلون امام العماره
وتصعد أميره وخلفها كلا من محمود ويونس وهم لا يعلمون شئ
ترن الجرس بهيستريه
زهدى بفزع: مين الي هايجي في ساعه زى دى
سليم: هاشوف اهو
زهدى: اميره!!! في اي واي الي جايبك في ساعه زى دى
سليم بقلق : اي الشاش الي في راسك ده
تدخل أميره وتقف امام سليم وخلفها كلا من يونس ومحمود
أميره ببرود: فين اخوك ياسليم
سليم: بتسالي عليه ليه
زهدى: في اي يااميره
أميره: حفيدك يازهدى بيه خطف ميرال
سليم: انتي اي بطلي بقاا كل حاااجه راامي وهو هاايخطفها ليه
أميره ببرود : لما تشوفه ابقي اساله
سليم: انا مش هاسمحلك تتهميه بالباطل... اطلعي بره
يونس بحده : احترم نفسك واتكلم كويس
سليم: وانت بقاا هاتعلمني اتكلم ازاى
زهدى: بس يااسليم ثم يوجه انظاره لاميره: اي دليلك
أميره: العربيه
زهدى: عربيه اي
أميره: العربيه الي جدى ادهاله هديه وهو في الكليه وفيما بعد اشترى غيرها وركنها هى نفس العربيه الي خطفت ميرال
سليم: ده مش دليل ماايمكن اتسرقت منه
أميره وهي تحاول ان تسيطر علي اعصابها
أميره بهدوء: اخوك فين ياسليم انت كده بتاذيه وبتاذى معاه انسانه تانيه مالهاش ذنب والله اعلم عمل فيها اي ثم تكمل برجاء: مش وقته خالص الكلام ده ولو ليكوا حااجه خدوها مني مالكوش دعوه باخواتي ثم تكمل وهي تنظر باتجاه زهدى: هي، دى صداقتك لجدى الله يرحمه تساعد في اذى احفاده!!!
زهدى: اخوك فين يااسليم
سليم بتوتر: معرفش
أميره بهدوء : لو سمحت يااسليم قولي هو فين انا عارفه انك مش مسئول عن تصرفاته ولو كنت تعرف كنت منعته بس بعد معرفت متحميهوش انت كده بتاذى انسانه تانيه الله اعلم خطفها يعمل بيها اي
سليم: استحاله يأذيها رامي بيحبها
محمود بحده: والي بيحب حد يخطفه برده
أميره: مكانه فين يااسليم وبعدين نشوف حوار الحب ده
سليم: لا رد
زهدى بحده: رد اخوك فين
سليم: بجد معرفش بس اتوقع يكون في البيت القديم
أميره: مكانه فين البيت ده
سليم: انا هاجي معااكوا
يونس: مفيش دااعي
أميره: مااشي يلا بسرعه مفيش وقت
.....................................................
وصلوا امام البيت
وعندما نزلت أميره من العربيه وسليم من العربيه خلفها وجدت عربيه قادمه بسرعه هائله وقفت امامهم ثم ينزل منها سامر
سامر بلهفه وقلق: هي فين ياايونس
يونس: جوا لسه هاندخل
أميره: انا شايفه ان ادخل انا وسليم وبعدين تعالوا ورانا
يونس بغيره: انا هادخل معااكوا مش هاسيبك معاه
أميره: طيب يلا
سامر: انا هارن عليك افتح ياايونس عشان اسمع كل حااجه
يونس: حااضر
ليبقي محمود وسامر بالخارج
...............................................
خبط متتالي علي الباب
رامي: ايوه مين
سليم: انا
يفتح رامي الباب: اي الي جايبك في الوقت المتاخر ده ده الفجر قرب ياذن
لتظهر أميره من خلف سليم: انا
رامي: اميره... اي الي جايبك دلوقتي
أميره ببرود : اختي الي عندك مثلا
سليم بحده: صحيح انت خطفت ميرال؟
رامي بتوتر: اي الكلام الاهبل ده اكيد لا
لم يستحمل محمود وسامر
ودخلوا هجوم عليه
سامر يمسكه من ياقه قميصه
محمود بحده: انطق اختي فين
رامي وهو ينزع يد سامر بعنف: معرفش... انتوا جايين تتكاتروا عليا
سليم بحده: سامر متجيش جنب اخويا تاني
رامي ببرود: انت بقاا سامر وعاملي فيها طرزان وفاردلي ضلوعك
تتركهم اميره وتصعد للاعلي تبحث في كل الغرف كاالمجنونه ثم تصل لغرفه مغلقه
تحاول فتحها ولكن لا تعرف
أميره: بزعيق: يونس محمود
ليصعدوا مسرعين علي صوتها
يونس: في اي
أميره بحده : اكسروا الباب ده
ليقف رامي امام الباب: محدش يجي جنب الباب
امشوا اطلعوا براا
ليمسكه كلا من سامر ومحمود ويقذفوه بعيدا ويكسروا الباب
تدخل اميره تجدها ملقاه علي الارض مغشي عليها
أميره بقلق: ميرال ميرال ردى علياا
محمود: برفاان بسرعه
بدات ترش علي يدها وتقربها لانف ميرال
ميرال بدات تفوق تدريجيا
تستوعب مايحدث لتجد اميره امامها تحتضنها وتبكي بشده
أميره بقلق: انتي كويسه؟ عمل فيكي حااجه اذااكى؟؟
ميرال تهز راسها بلا وتبكي بحرقه ثم من وسط بكاائها: كنت خايفه اووى
أميره: هش بس انتي في امان ومحدش يقدر يقربلك.. تقدرى تقومي معاايا
ميرال: ااه
لتقف ميرال ويحتضنها محمود
سامر: انتي كويسه؟
ميرال: ايوه
يونس: طب يلا نمشي من هنا
رامي علي حين غره يشد اميره باتجاهه ويضع السلاح علي راسها
ليقفوا جميعا مصدومين
سليم بصدمه : انت بتعمل اي ياارامي
رامي بزعيق : هي السبب في كل الي حصل
سليم: نزل السلاح الي في ايدك ده
رامي: لا هي السبب يااسليم لولاها كان زماني دلوقتي متجوز ميرال
يونس: نزل السلاح ده والي انت عاوزه هانعمله
رامي: كلها ساعات والشمس تطلع واتجوز هاميس رسمي وعاوز كمان أميره ترجع الفلوس الي اخدتها من جدى تعويض عن الحريق
أميره ببرود : هاارجعلك الفلوس بس مش هاتتجوز ميرال
رامي بزعيق : انتي تسكتي خاالص انتي لما بتتكلمي بتعصبيني
يونس: هش بس ياأميره... ثم ينظر لرامي حااضر هاعملك الي انت عاوزه بس سيب اميره
ميرال بصوت باكي : سيبها ياارامي متاذيش اختي لو بتحبني زى ماابتقول
رامي بحزن : انا مكنتش عاوز ااذى حد بس انتوا الي اضطرتوني لكده
ليستغل يونس انشغاله في الحديث مع ميرال ويمسك يده التي بها السلاح ويرفعها للاعلي لتخرج منها طلقه تصيب السقف واثناء خناق يونس مع رامي تسقط اميره علي دماغها ثم تسقط علي الارض
فاقده الوعي
ينجح يونس في اخذ المسدس من رامي
ثم تتوجه انظاره لاميره الملقاه علي الارض
لياخذها في حضنه ويحاول افاقتها ولكن دون جدوى
ليجد دم علي يده
ميرال ببكاء: اميره اي الي حصلها يايونس
يونس: اكيد الجرح مكان العمليه فتح... يلا بسرعه
سليم بصدمه: عمليه
يذهب خلف يونس سامر ومحمود وميرال مسرعين
ويسوق يونس باقصي سرعه ليصل للمستشفي ويتمني ان لا يصيبها مكروه
.........................................................
في المستشفي امام غرفه العمليات
كانو قلقين عليها بشده.. لحقهم كلا من وليد وهاميس وعمر عندما علموا بما حدث
يخرج الدكتور
عمر: ها يادكتور
الدكتور: كويس انكوا جبتوها علي طول الجرح كان اتفتح بس احنا قومنا باللازم اتمني ان الفتره الجايه ترتاح ومتعملش اي مجهود لحد مالجرح يلتئم
يونس: حااضر يادكتور... شكراا جداا لحضرتك
الدكتور: العفو ده واجبي عن اذنكوا
عمر: اتفضل
...............................................
يمر اسبوعان وتتماثل أميره للشفاء تحت رعايه اخواتها ويونس
تنزل أميره الدرج
هاميس: انت اي منزلك
أميره بتذمر: لا كده كتير يااهاميس بجد احبسيني في قفص بقاا
في دخول محمود: انتي اي نزلك من فوق
أميره: هو انا هاخلص من هاميس تطلعلي انت
اخبار الشركه اى
محمود: كله تمام وتحت السيطره... ارتاحي انتي بس
أميره: انا هانزل الشركه بكرا
في دخول ميرال
ميرال: شركه اي الي تنزليها امال احنا بنعمل اي
وليد ينزل من اعلي
وليد: ايوه صح ارتاحي شويه
أميره: انا بقولكوا ليه اصلا
يرن جرس الباب
هاميس: افتحي يارحيمه
رحيمه: حااضر
يدخل سامر
سامر: ازيك يامس أميره عاامله اي
أميره: الحمد لله
سامر: بما انك بقيتي احسن الحمد لله مردتيش عليا في الطلب الي سالتهولك
أميره: اااه نسال صاحبه الشان اى رايك يااميرال
ميرال بخجل وتنزل راسها لاسفل: موافقه
ساامر بفرحه: الله اكبر... ثم يكمل بحماس الجواز امتا بقاا
أميره بهدوء: لا فتره خطوبه الاول مفيش جواز خبط لزق كده
صوت من خلف سامر: عاوز تتجوز قبل مني يااخاين
سامر: ماانت متجوز يااعم
يونس وهو ينظر لاميره: مع وقف التنفيذ
رحيق تجرى علي أميره وتحتضنها
رحيق: ازيك يااماما أميره
أميره بصدمه : ماما
رحيق: ايوه عاوزاكي تكوني مامتي ممكن؟
يونس يذهب ويقف امام أميره
يونس: هاترضي عليا امتا بقاا؟
أميره: لا رد
محمود: أميره يونس جمعنا واتكلم معانا واحنا موافقين علي اي قرار هاتاخديه
أميره وهي تنظر ليونس: انا مقدرش اسيب اخواتي
يونس وهو يمسك يدها: ومين قالك هاتسيبيهم
أميره: مش فاهمه
يونس: انا هاعمل شركه هنا في مصر واشترى بيت هنا وابقي اسافر من وقت للتاني هنا وهناك وتفضلي جنب اخواتك وشغلك
أميره: بس انت كده هاتتعب اووى
يونس: انا راحتي في وجودك جنبي انتي ورحيق هاا قولتي اي
محمود: وافقي ياأميره
هاميس: وافقي بقاا نشفتي ريقنا
ميرال: وافقي واحنا جنبك اهو
وليد: وافقي ياأميره فكرى في نفسك ولو لمره
سامر: وافقي مش هايرضي اجوز ميرال الا لو وافقتي يرضيكي افضل سنجل للابد
يضحكون جميعا عليه
أميره وهي تنظر ليونس: موافقه
يحتضنها يونس ويلف بها بسعاده
هااميس: برااحه عليها
ينزلها يونس: انا اسف نسيت انتي كويسه؟
أميره وهي تشعر بدوخه خفيفه: كويسه متقلقش
...............................................
بعد شهر وبعد شفاء أميره بالكامل
يااتي يوم الفرح.
فرح يونس وأميره
هاميس: هاا اي الاخبار يااوليد
وليد: الديكورات وكل حااجه تمام
هاميس: انا مش عارفه مالها القاعه بس لا تعمل حااجه بسيطه في جنينه الفيلا وخلاص واحنا نتسحل ديكورات وتجهيز
وليد: فرحها سبيها تعمل الي هي عاوزاه
ميرال: هاا يااهاميس أميره جهزت سامر لسه قافل معايا قرب يوصل هو ويونس
هاميس: مش عاارفه هي طردتني بره الاوضه وطردت الميكب ارتست معايا وقالت هاتجهز لوحدها
ميرال: ازاى بس تعالي نشوفها
وليد: وانا هااروح اشوف اي الاخبار تحت
هااميس: مااشي
تفتح الباب دون ان تطرقه كالعاده ولكن هذه المره مختلفه هذه المره هى عروس وستغادر البيت ولن تستطيع الدخول بتلك الطريقه مره اخرى
ولكن هذا لا يهم امام سعاده اختها
تنبهر من شكل اختها وهي ترتدى الفستان الابيض فكانت كالملاك في بساطتها ورقتها

أميره بتوتر: شكلي حلو؟
هاميس: حلو بس انتي قمر ده يونس هاينبهر
أميره: بجد؟
ميرال: ايوه قمر اووى انتي متاكده انك اختنا الكبيره مش الصغيره؟ ثم تغمز لها
أميره بابتسامه: بس ياابكااشه
ميرال: سامر بيرن عليا يبقي وصلوا تحت
يقطع كلام ميرال صوت خبط علي الباب
أميره: ادخل
محمود: مااشاء الله تبارك الله
يلا ياحبيبتي يونس في انتظارك
تضع يدها في ذراع محمود
ثم ينزلون علي الدرج
وينزل خلفهم كلا من هاميس و ميرال
وصولا ليونس
الذى ينتظرها في الاسفل مرتدى بدله سوداء وجانبه رحيق ترتدى فستان قصير باللون الاوف وايت
يسلم يونس علي محمود ثم يتجه لاميره يقبلها من جبينها ثم يعطيها بوكيه الورد
ثم تضع يدها في ذراعه ويذهبون باتجاه الحديقه
المكان المجهز لزفافهم
تبدا حفلتهم برقصه السلو
يونس وهو يمد كف يده لاميره
يونس بحب: تسمحيلي اكون شمعه تنور ظلام قلبك
أميره بخجل: هو انا لسه هاسمحلك؟
يونس: يعني اي
أميره: يعني انا سمحتلك تدخل قلبي من زمان
يونس: من امتا
أميره: مش مهم من امتا المهم انو من زمان وخلاص
يونس بحزن : هاتبخلي عليا بالكلام الحلو حتي النهارده
أميره: مبعرفش يايونس.... طب اقول اي يعني؟!
يونس: الكلمه الي قولتهالك كتير انتي لسه مقولتهاش
أميره: احم
يونس: احم اي بس قولي بقاا نشفتي ريقي وتعبتيني معااكي
أميره وهي تنظر لاسفل وبصوت ضعيف: بحبك
يونس بمكر: اي مسمعتش
أميره بخجل وبصوت اعلي قليلا: بحبك
يونس: يحملها ويلف بها: وانا كمان بحبك اووى يااحلي حااجه حصلت في حياتي
أميره تضحك وتقول: له بس كفايه
والجميع يصفق لهم
ينزلها يونس ببطء وينظر لها بحب ويقول: ربنا يباركلي فيكي وميحرمنيش منك يااحلي حااجه في حيااتي
يذهبون للمكان المخصص لهم ويجلسون ويتلقون التهاني
ثم في اخر الفرح يقفون لالتقاط الصور
ثم صوره جماعيه
يقف يونس وأميره وبجانبها هاميس ووليد ثم محمود
وعلي جانب يونس سامر وميرال ثم عمها عمر وسلمي وبجانبها مراد ومياده وابنهم محمد
وتقف في المنتصف بين يونس واميره رحيق
يشاور لهم المصور بان يبتسموا
ثم تنظر أميره ليونس وتقول بدااخلها ( ظننت أن ظلام قلبي سيعم علي باقي حيااتي ولكن اتضح ان كل شئ يترتب علي اختياراتي...
انا من اختار ان اكون انسان او شيطان)
ثم تنظر لباقي العائله وتحمد الله علي وجودهم بجانبها وتنظر للكاميرا وتبتسم من قلبها
تمت بحمد الله ♡
رواية_ظلام_قلبي
روايات_بقلم_زينب_أحمد
تمت
